studente

TE-RINJTE-PROTESTE-PARA-MINISTRISE-1280x720.jpg
ent ela14:51 | 18/06/2018

Studentë dhe gjimazistë të Rrjetit Kombëtar të të Rinjve në Shqipëri kanë protestuar përpara Ministrisë së Arsimit pasi thonë se prej vitesh vijojnë të mos kenë mundësinë e trajtimit me kartën rinore. Ndonëse e premtuar që në vitin 2005 dhe e përfshirë në planin kombëtar të veprimit 2015-2020 kjo kartë, deklarojnë të rinjtë për shkak të neglizhencës së institucioneve ende nuk është bërë realitet. Rrjeti Kombëtar i të Rinjve i kërkon Ministrisë së Arsimit të nisë nga puna me qëllim që viti i ri akademik t’i gjejë të pajisur me kartën rinore në mënyrë që të përfitojnë lehtësi, ashtu si bashkëmoshatarët e tyre në vendet europiane. Këto kërkesa të rinjtë ja parashtruan edhe zëvendësministrit të Arsimit, i cili pas protestës i priti në një takim. /abcnews.al

studentet-protestojne.jpg
gra moz15:50 | 29/05/2018

Studentë të Shkencave Teknike Mjekësore kanë bojkotuar mësimin dhe kanë dalë në protestë përpara Universitetit të Mjekësisë në Tiranë. Shkak është bërë pagesa që thonë se duhet të kryejnë për vitin e ardhshëm nëse kanë provime të pashlyera.

Studentët e vitit të tretë të Shkencave Mjekësore kanë dalë sërish në protestë. Ata tregojnë se për të shyler provimet e prapambetura duhet të paguajnë të plotë tarifën e vitit të ardhshëm akademik.

“Unë nuk jam i barabartë me një student të një fakulteti tjetër. Unë detyrohem paguaj 400 mijë lekë. Ndërsa ai studenti tjetër paguan vetëm 20 mijë lekë për kredit. Si është e mundur kjo gjë”?

Dekania e Fakultetit të Shkencave Teknike Mjekësore mohon pretendimin e studentëve dhe thotë se ata paguajnë vetëm kreditet.

“Në fakt, unë nuk e kam lexuar kështu vendimin e Këshillit të Ministrave. Unë e kam lexuar që studenti përsëritës do paguajë tarifën e studimit dhe kreditet e mbartura. Me ankesën e studentëve jam njohur javën e kaluar. Jam njohur me studentët që mbaronin vitin e tretë. Pra nuk përsërisnin vitin akademik por kishin vetëm një ose dy provime të mbartura. Kemi kërkuar interpretim juridik për këtë grup studentësh”.

Për këtë problem pritet të vendosë të mërkurën Bordi Drejtues i Universitetit.  Studentët paralajmerojnë se nëse ai nuk merr parasysh kërkesën e tyre do të përshkallëzojnë protestat./abcnews.al

425A9064-1280x853.jpg
gra moz17:19 | 27/03/2018

Takimin e rezervoi për studentët, ndaj edhe prezantimin duket ia përshtati tyre.

Lulzim Basha: “Tani po dal nga zyra ime për të shkuar në sallën e deputetëve, por jo për një takim me deputetët por më një takim me 76 sudentë të shkencave politike, që janë vizitorët tanë këtu sot në selinë e PD-s”.

Për rreth një orë, kryetari i Partisë Demokratike, Lulzim Basha, bashkëbisedoi me studentet e Universitetit të Tiranës, dega shkenca politike, të cilët i drejtuan atij pyetjet dhe mendime. Për Lulzim Bashën, problem thelbësor i këtij sistemi politik të dështuar janë modelet e krijuara.

Lulzim Basha: “Kush ecën përpara sot në Shqiipëri ma thoni pak? Cila është industria më e suksesshme në Shqipëri sot? Bananet apo ato që janë poshtë bananeve? Pra kemi një sistem, ku përpara ecin vetëm trafikantët, kriminelët, pushtetarët e korruptuar, servilët e pushtetit. Dhe ky është sistemi që ne duhet të ndryshojmë sëbashku”.

Demokratizimin që kërkon për vendin Partia Demokratike e nis nga vetja, tha Lulzim Basha duke folur për procesin e nisur brenda partisë.

Lulzim Basha: “Që në PD të zgjedhurit të jenë produkt i drejtpërdrejtë i vullnetit të anëtarëve të PD-s.”

I pyetur nga studentët lidhur me sistemin dhe listat e partive në zgjedhje, kreu i opozitës foli për ndryshimin e tij.

Lulzim Basha: “Sistemi zgjedhor në pikëpamjen time duhet ndryshuar sepse ky që kemi ka dështuar. Ka dështuar jovetëm në kuptimin që s’ka zgjedhje të lira e të ndershme dhe rezultatin e dikton paraja, paraja e drogës, paraja e pisët, por ka dështuar sepse shumica e shqiptarëve nuk njohin më kush është deputeti që i përfaqëson në Parlament. Dhe deputeti nuk di kë përfaqëson. Deputeti përfaqëson Kryeministrin, i shërben Kryeministrit, kur është në mazhorancë. Duhet të jetë çështje e konsensusit midis forcave politike”.

Kreu i opozitës përsëriti thirrjen ndaj kritikëve të lidershipit të tij, për bashkim rreth vlerave të Partisë Demokratike./abcnews.al

shtepia-e-bardhe-1-1280x660.jpg
gra moz20:17 | 14/03/2018

Të rinj të shumtë në Amerikë kanë protestuar përpara Shtëpisë së Bardhë kundër armëve, duke deklaruar se nuk ndihen të sigurtë në shkolla. Ndërkohë, në një shkollë të Kalifornisë një mësues ka plagosur nxënësin.

Studentë e mësues në Shtetet e Bashkuara kanë sfiduar temperaturat nën zero dhe janë mbledhur përpara Shtëpisë së Bardhë për të protestuar kundër lirisë së armëve. Pjesëmarrësit kanë qëndruar në heshtje për 17 minuta, aq sa është numri i viktimave të masakrës së shkurtit në shkollën në Parklend të Floridës.

Gjithashtu, ata kanë mbajtur në duar parulla kundër presidentit Trump, kompanisë së lobit të armëve NRA dhe Kongresit. Më pas ata janë ngritur në këmbë me një duartrokitje të gjatë dhe kanë nisur marshimin drejt Kapitol Hill.

E ndërsa presidenti Trump ka propozuar armatosjen e mësuesve për të parandaluar masakrat në shkollat amerikane, një incident me një docent ka ndodhur në një shkollë të Kalifornisë. Teksa jepte leksione mbi sigurinë, mësuesi, i pajisur me armë, e ka shkrepur aksidentalisht atë duke plagosur një 17-vjeçar.

Rrethanat e ngjarjes nuk dihen me saktësi, por sipas mediave amerikane mësuesi e kishte drejtuar atë në tavan kur ndodhën të shtënat. Ironia qëndron në faktin se personi në fjalë supozohej të ishte një ekspert, por që tashmë është pezulluar në pritje të një hetimi./abcnews.al

meksike-1280x660.jpg
gra moz21:21 | 13/03/2018

Zhdukja e 43 studentëve në Meksikë 4 vjet më parë është rikthyer në qendër të vëmendjes. Policia meksikane ka arrestuar një të dyshuar që mund të hedhë dritë mbi ngjarjen.

Policia federale në Meksikë ka arrestuar një person që konsiderohet i dyshuari kyç për zhdukjen e 43 studentëve nga qyteti i Igualasë, në vitin 2014. Erick Uriel Sandoval akuzohet se ka formuar bandën që dyshohet se ka vrarë studentët dhe më pas ka djegur trupat e tyre.

Ai u arrestua në Kokula, qyteti pranë pikës së grumbullimit të mbetjeve ku u gjet trupi i pajetë i njërit prej studentëve të zhdukur. Zhdukja e 43 studentëve shkaktoi një reagim masiv, kombëtar dhe ndërkombëtar. Një burim pranë zyrës së prokurorit që po drejton hetimet mbi ngjarjen ka deklaruar se Sandoval ka luajtur një rol të rëndësishëm në krimin e shumëfishtë ndaj studentëve.

Mediat lokale aludojnë se ai ishte një ndër anëtarët e bandës që kishte për detyrë të ekzekutonte studentët para se të digjnin trupat e tyre. 43 të rinjtë ishin pjesë e një grupi të madh që po trajnoheshin për t’u bërë mësues dhe kishin udhëtuar nga kolegji i tyre në qytetin e Igualasë për të protestuar kundër praktikave diskriminuese për zgjedhjen e mësuesve.

Në kthim, autobusi i tyre fillimisht u qëllua me armë dhe u ndalua nga policia, e cila më pas ua dorëzoi të rinjtë anëtarëve të bandës së zonës, Luftëtarët e Bashkuar. Këta të fundit i çuan studentët në një pikë të mbledhjes së mbeturinave dhe pasi i vranë dogjën trupat e tyre./abcnews.al

vlcsnap-error615-1280x720.jpg
gra moz17:05 | 25/01/2018

Sot është zhvilluar dita e parë e panairit të edukimit që i jep mundësinë të rinjve shqiptarë të ndjekin shkollat më të mira në botë. Një prej tyre është Cardiff Sixth Form, kolegji më i mirë në Mbreterinë e Bashkuar.

Kanë filluar intervistat për të aplikuar në një nga shkollat më të mira në Mbretërinë e Bashkuar.

Kjo e enjte por edhe premtja nga ora 11:00 deri në orën 18:00 pritet të ketë fluks të rinjsh të interesuar për destinacionet më të rëndësishme të edukimit. Në panairin e fundit është edhe Cardiff Sixth Form. Kolegji më i mirë në Mbretërinë e Bashkuar.

“Suksesi kryesor i kolegjit tonë është sepse shumica e studentëve që studiojnë në këtë kolegj marrin oferta për të studiuar në Cambridge dhe Oxford. Dua t’iu përmend që në këto universitete, për çdo 13 studentë që aplikojnë dhe kanë mesatare 10 pranohet vetëm 1. Në vitin akademik 2017, 19 studentë nga kolegji ynë u pranuan në Cambridge dhe Oxford, 26 në Imperial College, 21 London School of Economics, 16 ne UCL , si edhe në Universitet më të mira Amerikane”.

Gjithashtu ofrohen 50% bursë për studentët që kanë mesatare mbi 9 dhe nivel shumë të lartë të gjuhës angleze. Ndërkohë të rinjtë shqiptarë kanë shprehur interes edhe për shkolla të tjera.

“Shumica e studentëve aplikojnë në një nga qytetet që është në jug të Anglisë. Kantërbëri është një qytet tipik shumë anglez prandaj e preferojnë edhe studentët sepse ka një histori shumë të madhe. Gjithashtu edhe Londra është shumë e preferuar sepse njihet shumë nga të rinjtë. Studnetët që mbarojnë këto universitete kanë një të nesërme të sigurtë. Gjëja më e rëndësishme që duhet të konsiderojnë studentët janë mundësitë pasdiplomimit. Ata kanë të hapura shumë dyer, jo vetëm në Angli, por në të gjithë botën”.

Studentë nga e gjithë bota synojnë të studiojnë në institucionet më të mira arsimore në botë. Këtë mundësi sot e kanë edhe të rinjtë shqiptarë./abcnews.al

vlcsnap-error311-2-1280x720.jpg
gra moz22:02 | 24/01/2018

Për dy ditë me rradhë, përfaqësuesit e Cats College do jenë në Tiranë për të mirëpritur të gjithë studentët shqiptarë të interesuar për të kryer studimet në shkollat më të mira në Mbretërinë e Bashkuar.

Si rrjedhojë e kërkesave të shumta të të rinjve shqiptarë është rikthyer panairi që ofron mundësitë e studimit në shkollat më të njohura në Mbretërinë e Bashkuar.
Këtë vit vjen për herë të parë Cardiff Six Form College, kolegji më i mirë në Britaninë e Madhe, që ofron bursa deri në 50 përqind.

“Unë vij nga programi Cambridge Centre for Sixth-form Studies dhe kemi një program i cili përfshin nivelet A. Për prindërit që po kërkojnë një shkollë dhe komunitet që të kujdesen për fëmijët e tyre, kjo është shkolla e duhur. Ka një program ndryshe pasi është një shkollë e vogël që i jep më shumë mundësi studentit dhe procesin e nis në Shtator. Nga Shtatori do të kemi një numër më të madh bursash për studentët shqiptarë”.

Cambridge, Londër, Cardiff, Birmingham, Rochester, Shtetet e Bashkuara të Amerikës, Hollandë dhe Suedi i japin mundësinë studentëve të ndjekin shkollat më të njohura.

“Ndodhemi këtu për të informuar studentët dhe familjarët e tyre lidhur me M.P.W Colleges, të cilat ofrojnë programe të ndryshme parauniversitare, A- level dhe të tjera”.

“M.P.W ndodhet në tre qytete të ndryshme të Britanisë së Madhe në Londër, Kembrixh dhe në Birmingam. Në secilin prej këtyre qyteteve ka diçka unike. Kjo varet nga preferencat e studentit. Klasat që do ndjekin përbëhen nga 9 deri në 10 studentë, pra janë klasa të vogla dhe secili merr vëmendjen maksimale nga stafi akademik”.

“Cambridge Education Group është rikthyer sërish në Shqipëri për të përzgjedhur studentët më të mirë që të përfitojnë bursa stuimi nga 10 deri në 50 për qind për studime para universitare dhe universitare”.

Ky panair i veçantë, që zhvillohet në hotel Rogner, këtë të enjte dhe të premte nga ora 11:00 deri në orën 18:00, mirëpret studentët me rezultate të shkëlqyera që të flasin nga afër me menaxherët dhe pedagogët e ardhur nga Anglia./abcnews.al

thumbnail_Veliaj-shperndan-dhuarata-te-qendra-sociale-1.jpg
us er12:21 | 20/12/2017

Festat e fundvitit janë në prag dhe për fëmijët në nevojë është stinë dhuratash. Një grup studentësh nga “Qyteti Studenti” i janë bashkuar nismës së Bashkisë së Tiranës, duke dhuruar lodra për fëmijët e qendrës sociale në “Bulevardin Zogu I”. Kryetari i Bashkisë së Tiranës, Erion Veliaj, ishte së bashku me studentët në qendrën sociale ku shpërndau dhuratat dhe shprehu mirënjohjen për të gjithë ata që në këto ditë festash gjejnë pak kohë për t’i shërbyer njerëzve që kanë nevojë për ndihmë e mbështetje.

“Falenderoj shumë miqtë nga Qyteti Studenti që na u bashkuan sot. Një shembull fantastik që, ashtu siç rrjetet sociale dhe smartphone-t kanë hyrë në modë, ashtu edhe solidariteti, të gjendurit pranë atyre që kanë nevojë, është po aq e rëndësishme për qytetin tonë. Ndaj, do doja t’iu falenderoj me gjithë zemër për këtë kontribut, edhe t’iu uroj shumë sukses, gëzuar festat gjithë studentëve!”, tha kryebashkiaku Veliaj.

Ai theksoi se mënyra më e mirë për këdo që do të ndihmojë dikë në situatë rruge, është që të bëhet pjesë e rrjetit të vullnetarëve apo të bashkëpunojë me qendrat sociale, pasi kështu ndihma shkon te ai që ka nevojë. “Në Bashkinë e Tiranës mundohemi të bëjmë histori, jo histeri. Do të thotë që nuk ndihmohet askush duke i dhënë para në semafor, përkundrazi ndihmohen ata që shfrytëzojnë fëmijët, jo vetë fëmijët. Fëmijët që kanë dalë nga një situatë rruge dhe janë strehuar e trajtuar në qendrën tonë sociale, ku po mbarojnë semestrin e tyre të parë, kanë mësuar vjersha, këngë, si të shkruajnë dhe të lexojnë, si të thonë të lutem dhe faleminderit, besoj që kanë rifituar jetën e tyre. Për këdo që do realisht të ndihmojë fëmijët në situatë rruge le të bëjë atë që bëjnë punonjësit tanë socialë, t’i sjellë në qendrat sociale ku ushqehen, mbathen, ku kanë një edukator dhe një edukatore që u mëson të bëhen qytetarë të dobishëm”, u shpreh Veliaj.

Ai shtoi se projekti i Bashkisë së Tiranës për të larguar fëmijët nga rruga ka qenë i suksesshëm dhe sot ata ndihen të integruar, ndërsa marrin edhe edukimin e nevojshëm për të qenë nesër qytetarë të barabartë. “Kur filluam këtë projekt përpara një viti, shumë prej fëmijëve jo vetëm që ishin të dhunuar dhe abuzuar në situatë rruge, por përkundrazi ishin kthyer në ‘bankomat’ për ata që i shfrytëzonin. Shikoni diferencën sot, si dita me natën, kanë mësuar vjersha, këngë, kanë mësuar të thonë të lutem, faleminderit, janë ushqyer dhe janë veshmbathur nga Bashkia e Tiranës. Ky është modeli që duam të promovojmë dhe do t’i lusja të gjithëve, atyre që realisht duan të bëjnë diçka dhe jo vetëm të postojnë foto e të japin mend, kjo është mënyra e duhur se si mund të ndihmojmë qytetarët në nevojë”, deklaroi Veliaj.

Kryebashkiaku u bëri thirrje të gjithë qytetarëve të Tiranës, që në këto ditë festash të tregohen solidarë dhe të jenë pranë njerëzve të pamundur apo në nevojë, duke dhuruar diçka apo edhe duke shërbyer për ta.

“Koha e festave është momenti për të reflektuar pak dhe siç institucionet e Bashkisë së Tiranës apo studentët që vijnë nga rrethet, gjejnë mundësinë, kanë dëshirën për të dhënë një kontribut, unë besoj se çdo qytetar i Tiranës që është në një familje mesatare e ka mundësinë të japë diçka nga e vetja. Ky mund të jetë një vakt për Krishtlindje, për Vitin e Ri, një paketë ushqimore, me veshmbathje etj. Do të doja që Tirana, siç është qyteti numër një në gjithë gjërat që bën, të jetë edhe njëshi në solidaritet dhe bamirësi në këtë prag festash”, përfundoi Veliaj./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono