stop

prostituta-16-vjecare-1280x640.jpg
ad min10:57 | 16/10/2019

Dy persona janë ndaluar pas denoncimit të emisionit investigativ “Stop”, mbrëmjen e së martës. Abcnews.al mëson se ata janë Dhimitri Kovaçi dhe Ledion Duro.

Prokuroria ka shpalli në kërkim një 19 vjeçar me iniciale R.T. Ndërkohë uniformat blu nisën procedimin penal ndaj një 41-vjeçareje.

Sipas autoriteteve në bashkëpunim me njëri tjetrin, këta persona kanë shfrytëzuar për prostitucion një shtetase të mitur në lokalin e 41-vjeçares.

Materialet në ngarkim të tyre i kaluan Prokurorisë pranë Gjykatës të Shkallës së Parë Korçë për veprime të mëtejshme.

Mbrëmjen e së martës, emisioni investigativ Stop tregoi me zë e figurë sesi organizohej prostitucioni me të mitur në qytetin e Korçës./abcnews.al

as-ne-shkolle-dhe-as-ne-pune.jpg
ad min14:36 | 02/10/2019

Emisioni investigativ “Stop” në Televizionin Klan ka denoncuar një tjetër skandal. Mbrëmjen e së mërkurës përmes kamerës së fshehtë ka treguar se si funksion prostitucioni në Shqipëri.

Emisioni investigativ “Stop” në Tv Klan zbulon përmes kamerës së fshehtë sesi funksionon rrjeti i prostitucionit në Shqipëri.

Tutori – Sa vjeçe je ti?

Vajza – 19!

Një vajzë e infiltruar e emisionit ka mundur të hyjë në këtë rrjet përmes Instagramit, po përmes rrjetit social ka arritur të sigurojë një takim me tutorin.

Vajza- E fushës… Tani do t’i futem ksaj fush. E kupton? Kshuqë s’është, se…

Tutori– S’ke bërë asnjëherë domethënë, për qejf?

Vajza- Po, e kupton? Nuk është se kam qenë kostabël në dicka. Shiko se është, që do të…, e kupton?

Në takimin e dytë, vajza e infiltruar e Stop e pyet tutorin për policinë. Ky i thotë të mos shqetësohet ndërsa i shpjegon se këtë punë e bën prej 10 vitesh dhe pjesa e sigurisë është një çështje tashmë e zgjidhur.

Tutori- E kuptoj! Tani unë kam 10 vjet, që e bëj në Shqipëri këtë gjë. Për pjesën e sigurisë, për pjesën e problemeve, s’ka.

Vajza- Unë e kam ktu, domethënë frika ime më e madhe, është pjesa e policisë.

Tutori- Nuk ke, se atje ku të çoj unë, te hoteli, që të çoj unë, do njifesh.

Vajza– Mirë pra, mirë!

Tutori- Janë shokët e mi. A kupton, që janë…,e kanë hotelin.

Vajza– Po, larg qoftë, marrim pjesën, që mund të na kapi noi polici, noi gjë?

Tutori- S’kap asnji nga ato hotele.

Vajza- S’ka ndodh noiherë?

Tutori- Jo! Asnjëherë!

“Stop” ka arritur të sjellë me zë dhe figurë, sesi është e organizuar shitja e trupit, sa para kushton ky shërbim dhe si ndahen këto para, mes punëtoreve të seksit dhe tutorëve, që i mbrojnë dhe i sigurojnë klientët.

Prostituta – (Flet në telefon me klientin) Alo, mirëdita! Si je..? Je me makinë, a në këmbë? Takohemi aty te Ringu, takohemi te Ring. Si? Do vish? Hë re, je nis tani? Sa vonon ti? Sa orë do më nejt ti? Për sa orë do me nejt? 1 orë apo 2 orë? 1 orë është 50 euro! 2 orë 100 euro!

Vajza – Të ndodhin shpesh, të thonë të vesh në shpi?

Tutori- Jo, po s’lejoj unë!

Vajza– Jo, jo! Të ndodh shpesh, që të thonë, them?

Tutori– Jo, moj! Kush thotë ashtu, i bëj bllok direkt. Robt!

Prostituta- Jo moj! Kush shkon te shpia? Vetëm budallenjtë!

Tutori- S’lejoj të vejë te shpija.

Vajza– E kuptoj!

Prostituta– Di unë ça bën në shpi ai?! Jo se kam frikë atë, jo.

Tutori- Po ku e di, sesa veta janë. A më kupton? Ku e di, sa veta janë në shpi? Normalisht, se duan të tallen…

Prostituta- I ka nja 4-5 ai atje edhe, kujton ai, se kam mënd e atij unë. I kemi kalu nja 2-3 peripeci.., kena…

Disa ditë më parë, emisioni “Stop” denoncoi  gjithashtu edhe rastet e disa Call-Center, ku vajzave  u kërkohej seks online./ABC News Albania 24/7

provimi-1280x719.jpg
ent ela13:00 | 18/09/2019

Pas transmetimit të pamjeve filmike në emisionin investigativ “Stop” dhe ndalimit të tij nga Policia, Universiteti i Elbasanit ka marrë menjëherë masën e pezullimit nga detyra të pedagogut Denis Himçi. Në një njoftim për mediat, Universiteti “Aleksandër Xhuvani” bën të ditur se masa e pezullimit nga detyra do të jetë në fuqi deri në zbardhjen e plotë të çështjes.

Gjithashtu, Universiteti i Elbasanit shpreh gatishmërinë për të bashkëpunuar me organet e drejtësisë deri në zbardhjen e plotë të çështjes për pedagogun Denis Himçi,  pjesë e Departamentit të Gjuhës  Frënge dhe Italiane. Pedagogu Himçi u ndalua nga policia pas denoncimit të bërë mbrëme nga emisioni “Stop” në TV Klan.

Përmes kameras së fshehtë,  “Stop” dokumentoi me zë dhe figurë se si pedagogu Denis Himçi i kërkonte një studenteje raport intim, në këmbim të marrjes së provimeve.

Madje ai i premtonte asaj jo vetëm lëndën e tij, por nëse vajza ishte e gatshme për atë që i kërkonte profesori, ai do t’ia zgjidhte problemin për të gjitha provimet, duke korruptuar edhe kolegët e tij me njohje e dhurata.

Pedagogu Denis Himçi i premtonte studentes dhurata të ndryshme nëse do të plotësonte dëshirat e tij. /ABC News Albania 24/7

STOP-PROSTITUTAT-MBULIM_ABC-M4-T2.mpg_snapshot_00.02-1280x720.jpg
ent ela23:30 | 10/09/2019

Emisioni “Stop” në Tv Klan ka denoncuar një rast skandaloz të prostituimit në një nga akset kryesore të Tiranës. Përmes kameras së fshehtë, “Stop” ka zbuluar se një grua ushtron ilegalisht aktivitetin si punonjëse seksi, në rrugë tek kthesa e Kamzës.

Gjithçka ndodh prej muajsh çdo natë, pas orës 22:30. Nga kjo situatë janë shqetësuar banorët e zonës, të cilët janë ankuar disa herë në polici, por nuk kanë gjetur asnjë zgjidhje.

Ajo që e bën këtë ngjarje akoma më të rëndë, është prania e dy fëmijëve të mitur të gruas që prostituon në rrugë. Djali i saj i madh 12 vjeç negocion me drejtues automjesh dhe klientë të mundshëm te nënës se tij. I pranishëm është edhe djali tjetër 6 vjeçar.

Një person i infiltruar i “Stop”, që shfaqej si klient, ka zbërthyer përmes kamerës së fshehtë të gjithë këtë aktivitet kriminal. Pak metra më tutje qëndron një patrullë policie, e cila nuk ndërhyn. Gruaja që prostituon thotë se i njeh policët dhe nuk i shkaktojnë probleme. /ABC news Albania 24/7

stop.jpg
ad min17:45 | 21/07/2019

Kryeministri Edi Rama i kërkon bizneseve të regjistrohen e të lëshojnë kuponin tatimor. Në të kundërt pasojat ligjore do të rendojnë mbi ta-paralajmëron kryetari i qeverisë. Nëpërmjet një postimi në rrjetet sociale kryeministri Rama informon se vijon në të gjithë territorin kontrolli dhe bllokimi i subjekteve abuzuese. Në Himarë –shkruan ai -inspektimet tatimore gjejnë mbështetjen e biznesit të rregullt ndërsa ndaj abuzuesve toleranca do të jetë zero./ABC News Albania 24/7

66879618_10156840667086523_5904911537520246784_n.jpg
ad min19:15 | 17/07/2019

Kryeministri Edi Rama ka reaguar me anë të një postimi në “Facebook”, ku ka publikuar fotot të tjera të bizneseve të bllokuara nga tatimet në kuadër të aksioneve kundër informalitetit.

“Stop informalitetit. Keqardhje për këta njerëz që vazhdojnë avazin e vjetër të shmangies së detyrimeve ndaj shtetit dhe e paguajnë kaq shtrenjtë pasojën e shkeljes së ligjit”, shkruan kreu i qeverisë./abcnews.al

besa-shahini-1.jpg
ent ela13:28 | 03/04/2019

Pas denoncimit në emisionin “Stop” në TV Klan Ministrja e Arsimit Besa Shahini ka pezulluar nga detyra mësuesen Bedrie Kastrati në shkollën “Bajram Curri” në Kukës. Mësuesja e shkollës 9-vjeçare ushtronte dhunë verbale dhe fizike ndaj nxënësve të saj.

Ministria e Arsimit Sportit dhe Rinise Besa Shahini ka pezulluar nga detyra mësuesen e shkollës 9-vjeçare “Bajram Curri” në Kukës, Bedrie Kastrati. Masa ndaj mësueses vjen pasi emisioni “Stop” në TV Klan denoncoi dhunën verbale dhe fizike që Kastrati ushtronte ndaj nxënësve të saj. Sjellje të tilla thotë Ministrja Shahini përmes një postimi në Facebook, janë të patolerueshme.

 E kam të pamundur të toleroj çdo lloj forme të dhunës ndaj nxënësve apo mësuesve brenda shkollave, qoftë kjo dhunë fizike, verbale apo psikologjike. 
Gjuha me të cilën mësuesja i referohet nxënëses dhe dhuna e përdorur në shkollën 9-vjeçare “Bajram Curri” në Kukës, nuk lë vend për justifikime.
Që sot, mësuesja është pezulluar dhe ndaj saj po merren urgjentisht masa. Falenderoj emisionin Stop që e solli rastin në vëmendjen e autoriteteve”,
shkruan Shahini.

Në emisionin “Stop” në TV Klan u shfaqën pamje të mësueses e cila ofendonte nxënësit e klasës së katërt, ndërsa u shpjegonte lëndën e matematikës.

Mësuesja: Po, i mori mësuese Aida. Mori Redin, Asin edhe Anën. Ku di unë, për ça i duhen?

Nxënësi: Pse? Për prova?

Në këtë orë mësimi nuk mungonin as goditjet fizike. Emisioni “Stop” erdhi pas denoncimeve të shumta për sjelljen e mësueses.

Mësuesja: Çfarë është elektriciteti?

Elektriku i dorës punon, kur x e tij prodhojnë elektricitet.

(Bërtet)

Këtu me…

A do tashti me ta lëshuar kokën te muri unë ty?!

Pise!

/abcnews.al

 

 

prrenjas-933x445.jpg
ent ela13:31 | 13/02/2019

Bashkia e Përrenjasit parashikon të ndërtojë një stadium futbolli, por me një investim disa herë më të madh sesa fondet vjetore për problemet sociale të qytetit. Për më tepër, projekti është ndryshuar disa herë, ndërsa ka probleme me pronarët e tokës.

Për momentin aty nuk ka asgjë që të kujton sportin. Bashkia e Përrenjasit ka menduar jo vetëm të rikonstruktojë fushën e shkatërruar prej kohësh, por edhe të ndërtojë një stadium, veçse me një fond të stërmadh, dhe me dyshime të forta për fituesin e tenderit.

Emisioni “Stop” në TV Klan informon se investimi, bashkë me TVSH-në, parashikohet 100 milionë lekë të rinj.

Vetë kryetarja e Bashkisë, Miranda Rira, pohon se fondi për stadiumin e tejkalon disa herë fondin e investimeve vjetore, që përfshin shkolla, kopshte apo rrugë.

Jo vetëm kaq, por emisioni zbulon se projekti për stadiumin është ndryshuar 4 herë në muajt dhjetor-janar, dhe se tenderi është fituar nga kompania Zdravo, një kompani që fiton thuajse çdo tender në Bashkinë e Përrenjasit, diçka që për hir të së vërtetës nuk është fenomen vetëm i kësaj bashkie.

Ndryshimet në projekt kanë sjellë heqjen e katër ndriçuesve të parashikuar në variantin e parë.

Po ashtu, parashikohet që sipërfaqja e tapetit të barit të jetë shumë më e vogël sesa sipërfaqja e fushës.

Problemi i fundit, por jo për nga rëndësia, është ai që ngrenë ata që e quajnë veten pronarë të tokës./abcnews.al

 

Mona-933x445.jpg
ent ela12:47 | 24/01/2019

Një qytetar, që endej në një proces privatizimi prej më shumë se 25 vitesh, e zgjidhi problemin e tij duke paguar rryshfet për zyrtare të Ministrisë së Financave. Emisioni Stop në TV Klan denoncoi këtë rast korrupsioni, përmes filmimit me kamera të fshehtë.

Mbrëmjen e djeshme emisioni “Stop” në Tv Klan transmetoi rastin korruptiv në Ministrinë e Financave, ku një qytetar ka më shumë se 25 vjet, që endet në një proces privatizimi.

Qytetari me ndërmjetësimin e sekseres Manushaqe Selita, funksionarja e Ministrisë së Financave, Mona Alickaj, i thotë atij, se ajo mund ta zgjidhë çështjen me 800 mijë lekë të vjetra, por drejtori i saj kërkon 1 milionë.

Funksionarja e Ministrisë së Financave, Mona Aliçkaj, i thotë qytetarit se  kur të dorëzohen paratë, mbaron edhe puna, madje qytetari edhe noterin do ta paguajë vetë. /abcnews.al

1547116411_rolandhysi.jpg
ent ela16:47 | 11/01/2019

 Gjykata për Krimet e Rënda la të pandryshuar masën e sigurisë “arrest në burg” për gjyqtarin e Fierit, Roland Hysi, të denoncuar në programin “STOP” për korrupsion dhe kërkim favoresh seksuale. Në paraburgim do të hetohet edhe psikologia Elona Meçani. Seanca për ta u zhvilluar me dyer të mbyllura, ndërsa Hysi u pa të presë i qetë vendimin qe e izoloi në qeli.

 Roland Hysi, gjyqtari i Fierit, i arrestuar pas denoncimit në programin “Stop” në TvKlan për marrje rryshfeti dhe kërkim favoresh seksuale nga një palë në gjykim, do të hetohet në masën e sigurisë “arrest në burg”. Gjykata për Krimet e Rënda vendosi të lërë të pandryshuar këtë masë sigurie dhënë në mungesë për të të mërkurën për të dhe psikologen Elona Meçani.

Seanca ku do të verifikohej masa e sigurisë “arrest në burg” dhënë në mungesë për Hysin dhe Meçanin, u zhvillua me dyer të mbyllura. Burime brenda sallës pohuan se Hysi nuk shfaqi pretendimet në lidhje me akuzën e ngritur ndaj tij, atë të “korrupsionit pasiv të gjyqtarëve”. Vetë por edhe përmes avokatit gjyqtari Hysi, i pezulluar tashmë nga detyra nga Këshilli i Lartë Gjyqësor, ka pretenduar papërdorshmëri si provë të video-përgjimit të transmetuar në programin “Stop”. Avokati ka pohuar se mungon rreziku i largimit, apo i dëmtimit të provave. Në të njëjtën linjë kanë qenë edhe mbrojtja e psikologes Meçani, e akuzuar për “ushtrim të ndikimit të paligjshëm”.

Shpallja e vendimit u lejua të ndiqej nga gazetarët, por jo nga kamerat.

Teksa gjykata ndodhej në dhomën e këshillimit Hysi qëndroi në këmbë, herë me duar të kryqezuara e herë në xhepa, shtendosje që u vu re edhe gjatë shpalljes së verdiktit që e la në qeli.

Në vendimin e arsyetuar, një kopje e të cilit u sigurua nga “ABCneës” gjykata vlerëson se për gjyqtarin Hysi dhe psikologen Meçani, ekziston dyshimi i arsyeshëm për kryerjen e veprës penale për të cilat akuzohen, ekziston rreziku i largimit, rreziku i dëmtimit të provave dhe fakti se mund të përfshihen në fakte më të rënda penale./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono