stervitja

0_Sportswoman-during-jogging-in-the-morning.jpg
ad min23:12 | 20/10/2019

Të gjesh kohë për t’u stërvitur, mund të jetë problem për disa njerëz. Megjithatë një studim i ri sugjeron se sa më herët ta vësh alarmin aq më të lehtë do ta kesh të ushtrohesh dhe të dobësohesh.

Ekspertët nga universiteti i Bath-it dhe Birmingham-it kanë zbuluar se stërvitja para mëngjesit mund t’ju ndihmojë që të digjni më shumë dhjamë. Në studim u morën për një periudhë gjashtë javore 30 meshkuj obezë. Një pjesë prej tyre iu stërvitën para mëngjesit. Disa pas mëngjesit, ndërsa disave iu tha të mos e ndryshonin regjimin ditor.

Duke analizuar rezultatet e pjesëmarrësve në kërkim, u zbulua se personat që ushtroheshin përpara mëngjesit digjnin dyfishin e sasisë së dhjamit krahasuar me ata që stërviteshin pas mëngjesit.

Sidoqoftë, kërkuesit thonë se këto efekte janë trajtuar vetëm tek meshkujt dhe se është e nevojshme që të kryhen studime të tjera për të vërtetuar të njëjtën gjë edhe te femrat./abcnews.al

Kosova-Zhegrova.jpg
Igli Nikolli21:28 | 11/10/2019

Kosova zhvillon një ndeshje të rëndësishme përballë Malit Zi të hënën në mbrëmje. Përballja nis në orën 20:45 dhe do të zhvillohet në stadiumin “Fadil Vokrri” të Prishtinës.

Ekipi i Challandes po kalon një formë shumë të mirë dhe trepikëshi kundër Malit të Zi është detyrim. Gjithsesi, dy futbollistë kanë menduar të prishin sadopak atmosferën pozitive që ekziston në ekip.

Insporti raporton se në stërvitjen e mbrëmjes së sotme ka patur një përleshje. Edon Zhegrova dhe Benjamin Kololli nuk janë kursyer dhe kanë përdorur duart kundrejt njëri-tjetrit. Ndërhyrja e ndihmës trajnerit Sahiti dhe menaxherit Shala ka shuar sherrin.

Situata është qetësuar, tensioni ka rënë dhe trajneri zviceran ka vazhduar stërvitjen normalisht. /abcnews.al

XHACKA-MBULIM.mpg_snapshot_00.08-1280x720.jpg
ent ela10:29 | 19/09/2019

Përfundon stërvitja më e madhe ushtarake e vitit “Albanian Effort 19”.  Rreth 800 efektivë nga Shqipëria, SHBA, Mbretëria e Bashkuar, Turqia, Kroacia, Polonia, Italia, Gjermania, Bullgaria, Mali i Zi, Maqedonia e Veriut dhe Kosova, përgjatë shtatë ditëve treguan fuqinë e aleancës më të madhe ushatarako-politike në botë në zonën e Bizës.

Ministrja e Mbrojtjes, Olta Xhaçka në një video mesazh drejtuar efektivëve vuri në dukje se kjo është stërvitja e parë ku planifikimi dhe mbështetja logjistike u krye tërësisht nga Forcat e Armatosura shqiptare. “Shqipëria u anëtarësua në NATO vetëm 10 vjet më parë. Fakti që vetëm një dekadë më pas, Forcat tona të Armatosura janë shndërruar në një forcë moderne e profesionale, e cila është në gjendje të operojë në standardet e NATO-s është një dëshmi e asaj që e bën Aleancën unike” , shkruan ministrja Xhaçka.

Për shefin e Shtabit të Përgjithshëm të Forcave të Armatosura, Bardhyl Kollçaku, trupat shqiptare po stërviten së bashku me ato të aleancës dhe vendeve partnere për kryerjen e operacioneve në përgjigje të krizave dhe për një sërë elementësh të rëndësishëm.  /ABC News Albania 24/7

KUTINJO-STERVITJA-TEK-BAJERNI-M1T1.mpg_snapshot_00.08-1280x720.jpg
ent ela13:50 | 21/08/2019

Filip Kutinjo u ndoq nga qindra tifozë në stërvitjen e tij të parë me Bajernin. Ylli brazilian shkëlqeu që në fillim me skuadrën e trajnerit Niko Kovaç.

Interesimi për të ishte tepër i madh, por këtu jemi në Gjermani.

Plot 1 500 tifozë kishin mësyer kompleksin stërvitor të Bajernit për të ndjekur nga afër, yllin më të ri, dhe më të kërkuar, Filip Kutinjon.

Braziliani, që doli për herë të parë në stërvitje me skuadrën e tij të re, u udhëzua nga një zyrtar I klubit, që të afrohej tek tifozët së bashku me trajnerin Niko Kovaç dhe me përforcimin tjetër, Mikael Kuisons.

Megjithë motin e keq dhe me reshje, ata ishin të lumtur që u ndodhën aty, dhe nuk mbetën të zhgënjyer.

Kutinjo, i ardhur huazim nga Barcelona, shënoi 3 gola në minindeshjen përgatitore brenda skuadrës, duke treguar formë të mirë.

Shpresa është e madhe, por po ashtu ka edhe dyshime, sepse 27-vjeçari ishte i shkëlqyer tek Liverpuli, por zhgënjeu në “Kamp Nou”, pra nuk dihet sesi do të paraqitet në Gjermani.

Bajerni e mori huazim për rreth 8 milionë euro, me të drejtë transferimi përfundimtar prej 120 milionësh, vitin e ardhshëm.

Analistët në televizionin amerikan, ESPN, deklaruan se lëvizja e Bajernit u duk si një veprim në panik e sipër, nga frika se mos mbeteshin pa u forcuar.

Dyshues edhe ish-trajneri i Gjermanisë, Berti Fogts, i cili deklaroi për mediat se ndoshta braziliani nuk është një yll i vërtetë botëror.

Gjithsesi, tek Bajerni kanë besim, dhe mediat kanë nisur analizat sesi mund të luajë skuadra e trajnerit Kovaç.

“Deili Meil” thekson se Kutinjo do të jetë pas sulmuesit kryesor, Robert Levandovski, dhe jo në krahë, dhe se mund ta ndihmojë skuadrën bavareze për të fituar Championsin. /ABC News Albania 24/7

adad-1.jpg
ent ela16:36 | 05/01/2019

Milot Rashica shënon një gol spektakolar në stërvitje me skuadrën gjermane të Verderit. Në Gjermani, po e krahasojnë me mënyrën e shënimit të Zllatan Ibrahimoviçit.

Veprimi ishte i denjë për yllin suedez nga Bosnja. Milot Rashica shënoi një gol të veçantë në stërvitjen e Verderit, që i kujtoi të gjithëve mënyrën sesi realizon Zllatan Ibrahimoviçi.

Njëzetedyvjeçari po luan prej një gjysmë sezoni në Bundesligë, duke lënë përshtypje të mira, ndonëse konkurrenca tek Verderi është e fortë, dhe ai nuk ka mundur të luajë në çdo ndeshje.

Kjo nuk e ka penguar për të shënuar dy gola në ligën gjermane, dhe që të cilësohet si një futbollist i rëndësishëm për të tashmen dhe të ardhmen.

Futbollisti i lindur në Vushtrri bindi në Holandë, ku luajti për tre sezone me Viteshen, duke shënuar gola e duke shërbyer asiste.

Lojtari ofensiv, po ashtu, është një nga më të rëndësishmit në ekipin përfaqësues të Kosovës, duke ndihmuar në kualifikimin nga grupi në Ligën e Kombeve.

Pritet që Rashica të përshtatet edhe më mirë me futbollin në Bundesligë, dhe po ashtu të kontribuojë për Kosovën në gjysmëfinalet e Ligës së Kombeve, në nivelin D, si dhe në plej ofin e Europianit 2020. /abcnews.al

 

 

 

GJENDJA-E-KOMBETARES-1280x720.jpg
ent ela13:08 | 14/11/2018

Kristian Panuçi kritikon ashpër lojtarët e kombëtares në nisje të përgatitjeve për ndeshjen ndaj Skocisë. Trajneri italian kërkon më shumë bashkëpunim dhe profesionalizëm.

E mbajti fjalën për atë që premtoi në konferencë. Futbollistët e Kombëtares i priti një fjalim i fortë dhe i ashpër i trajnerit Kristian Panuçi, sapo vunë këmbën në fushën e kompleksit “Tropikal” në plazhin e Durrësit.

Kjo, në nisje të përgatitjeve për ndeshjen e së shtunës në Ligën e Kombeve, ndaj Skocisë. Italiani e tha përpara gazetarëve se ishte i pakënaqur me bashkëpunimin mes lojtarëve, ndërsa kur u ndodh sy më sy me ta, u tha që të silleshin si profesionistë, të komunikonin më shumë me njëri-tjetrin, të mos shpërbëheshin.

Nuk dihet sesi u pritën këto kritika nga skuadra, ndërsa në pamje të parë lojtarët thjesht pohuan me kokë fjalët e trajnerit. Edhe në të kaluarën, Panuçi i ka qortuar publikisht disa të përzgjedhurit e tij, që nuk e kuptonin se çdo të thoshte të luanin për kombëtaren.

Gjithsesi, për momentin, shqetësimi më i madh është ai fizik, sepse dy lojtarë nuk u stërvitën me grupin.

Ata ishin Eros Grezda dhe Ermir Lenjani, që patën probleme fizike. Panuçi nuk u mos me skema taktike, por më shumë u bënë ushtrime fizike dhe aerobike.

Gjithsesi, pritet që italiani të punojë për formacionin dhe mënyrën e lojës, ndërsa kërkon futboll sulmues dhe fitore në ndeshjen ndaj Skocisë, të shtunën në “Loro Boriçi” të Shkodrës. /abcnews.al

 

nato-1.png
ad min09:48 | 01/11/2018

Maksi-stërvitja e trupave të NATO-s, më e madhja që prej Luftës së Ftohtë, ka hyrë në fazën përfundimtare, duke angazhuar një numër rekord ushtarësh dhe mjetesh luftarake. Ndërkohë, për të bërë kontrast, Rusia ka ngritur mbi detin norvegjez dy avionë bombardues.

Ka nisur të mërkurën në Norvegji faza finale e stërvitjes masive të NATO-s. Marinsat e divizionit të dytë të Aleancës nisën sulmin amfib, që të enjten do t’i çojë në Opdal, në qendër të vendit të mbërthyer nga i ftohti dhe bora. Në Opdal do të simulohet një sulm për çlirimin e qytezës. Në stërvitje, më e madhja që nga fundi i Luftës së Ftohtë, marrin pjesë rreth 50 mijë ushtarë nga 31 vende të NATO-s, 250 avionë, 65 anije dhe 10 mijë mjete të tjera ushtarake. “Kjo është një stërvitje e karakterit mbrojtës, për të testuar kapacitetet tona në një ambjent armiqësor, i karakterizuar nga kushte të vështira moti”, sqaroi gjenerali David Furnes, drejtues i divizionit të dytë të marinsave.

Por stërvitja është edhe një sinjal dërguar Rusisë, në një kohë marrëdhëniesh të tensionuara mes Perëndimit dhe Lindjes. Nga ana e saj, Moska duket se nuk po rri duarkryq. Dy bombardues “Tupolev-160” nisën një mision vëzhgimi në ujërat ndërkombëtare të detit norvegjez. Ministria ruse e Mbrojtjes deklaroi se bëhet fjalë për një mision rutinë, që aviacioni rus bën rregullisht në ujërat ndërkombëtare të Arktikut, Atlantikut, detit të Zi, Kaspikut dhe oqeanit Paqësor./abcnews.al

STERVITJA-PUTIN-KINA.mpg_snapshot_00.11-1280x720.jpg
ent ela23:03 | 11/09/2018

Rusia ka filluar stërvitjen më të madhe ushtarake që prej Luftës së Ftohtë. Në këto ushtrime merr pjesë Kina dhe Mongolia. Ndërkohë, presidenti Putin u takua sot me homologun e tij kinez.

Rusia zhvillon stërvitjen më të madhe ushtarake që nga Lufta e Ftohtë, duke përfshirë rreth 300,000 ushtarë, në Lindje të Siberisë. Kina ka dërguar 3,200 trupa për të marrë pjesë në “Vostok-2018”, me shumë automjete të blinduara kineze dhe avionë. Mongolia gjithashtu ka dërguar disa njësi. Ushtrimi i fundit rus i shkallës së ngjashme ishte në vitin 1981, gjatë Luftës së Ftohtë, por Vostok-2018 përfshin më shumë trupa. Manovrat, që zgjasin një javë, mbërrijnë në një kohë të tensionuar mes NATO-s dhe Rusisë.

Ndërsa ushtrimet filluan, Presidenti rus Vladimir Putin u takua me homologun e tij kinez Xi Jinping në një forum në qytetin lindor të Vladivostok dhe i tha atij se “kemi një marrëdhënie besimi në sferën e politikës, sigurisë dhe mbrojtjes”. Marrëdhëniet ndërmjet Rusisë dhe NATO-s – aleancës mbrojtëse prej 29 anëtarësh të dominuar nga SHBA-të – janë përkeqësuar që kur Rusia aneksoi Krimenë nga Ukraina në 2014. Zëdhënësi i Kremlinit Dimitri Peskov tha se stërvitjet ishin të justifikuara duke pasur parasysh qëndrimet “agresive dhe jo miqësore” ndaj Rusisë.

Ministria ruse e mbrojtjes thotë se 36.000 tanke, transportues të personelit të blinduar dhe automjete të këmbësorisë të blinduara do të marrin pjesë në Vostok-2018, nga 11 deri më 17 shtator, së bashku me më shumë se 1,000 avionë. Vostok do të thotë lindje. Ushtrimi do të përhapet në pesë baza të stërvitjes ushtarake, katër bazave ajrore dhe zonave në Detin e Japonisë, Rrethin Bering dhe Detin e Okhotskut. Deri në 80 anije detare do të marrin pjesë, nga dy flota ruse. Shkalla e Vostok-2018 është ekuivalente me forcat e vendosura në një nga betejat e mëdha të Luftës së Dytë Botërore. Rusia numëron deri në 1 milionë personel ushtarak në total.


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono