stadiumi

Anfield.png
Igli Nikolli12:23 | 29/11/2019

Teksa shumica e klubeve po presin merkaton e janarit për të përforcuar kontingjentet e ekipeve, Liverpool e ka mendjen te tifozët. Klubi i famshëm është “blind” në çdo repart dhe nuk ka asnjë nevojë për të ndërhyrë në merkato.

Daily Telegraph raporton se drejtuesit e kampionëve të Europës kanë vendosur të bëjnë një ndërhyrje në stadium. “Anfield” ka për momentin një kapacitet prej 54 mijë vendesh dhe mbushet plot e përplot.

Liverpool ka gati 60 milionë sterlina për të shtuar kapacitetin e stadiumit. Qëllimi është që të arrihet në shifrën e 61 mijë posteve, pra shtimi i kapacitetit të stadiumit me 7 mijë spektatorë të tjerë. Projekti pritet të nisë në pranverë dhe mitiku “Anfield” do të kthehej në stadiumin e tretë më të madh në ishull, pas “Old Trafford” dhe “White Hart Lane”. /abcnews.al

2-5-1280x960.jpg
Veronik Istrefaj22:04 | 26/11/2019

BANORET E DURRESIT NE PANIK, ME QINDRA PO KALOJNE NATEN JASHTE, MBI 30 BANESA TE PABANUESHME

Me qindra banorë të Durrësit këtë natë do ta kalojnë jashtë. Disa për shkak se banesat e tyre janë dëmtuar totalisht dhe të tjetër se kanë frikë të qëndrojnë në shtëpi.

Në stadium janë vendosur çadra dhe derisa ato u ndanë situata ishte kaotike. Disa pallate të pabanueshme janë konstatuar nga vetë administratorët e pallateve. Banorët e mbi 30 banesave të dëmtuara nuk duhet të qëndrojnë më në to për sa kohë që rreziku është evident./abcnews.al

stadiumi-1280x719.jpg
ger ta07:26 | 18/11/2019

Mbrëmjen e djeshme u luajt ndeshja Shqipëri-Francë e vlefshme për eliminatoret 2020. Ndërkohë, u inaugurua edhe stadiumi i ri, i cili ka marrë emrin “Air Albania”.

Mirëpo, teksa festa kishte filluar diçka e pazakontë ndodhi, pasi një pjesë e tifozëve brohoritën në kor “Rama ik”. Duket se kjo ngjarje është përshëndetur nga ish-kryeministri Sali Berisha, i cili ka publikuar edhe një foto, ku sipas tij tregon gjendjen e Ramës në momentin që stadiumi brohoriste për largimin e tij.

Edvin Mafia e pësoj si Çaushesku. Ai struket i tmerruar kur stadiumi çahej dhe ushtonte nga thirrjet e 20000 tifozëve “Rama Ik” duke përsëritur thirrjet e rumunëve për Çausheskun në dhjetor të vitit 1989. Nderim Tifozëve Kuq e Zi! E tmerruan Zografin Bis!! sb”, shkruan Berisha në një postim në Facebook./abcnews.al

air-albania-1280x821.jpg
nev ila22:30 | 17/11/2019

Ditë historike për stadiumin e ri të kombëtares së Shqipërisë, ndërsa për kryeministrin Edi Rama është një ditë mesazhesh. Ndërkohë që fliste në inaugurimin e impiantit të ri sportiv “Air Albania” një tjetër mesazh iu dërgua nga një pjesë e tifozëve brenda stadiumit.

Nuk dihet nëse këto thirrje kanë mbërritur në veshin e kryeministrit pasi ky i fundit ishte zënë me falënderime për ata që e bënë të mundur realizimin e ëndrrës së tij. Aq i kënaqur shprehet kryeministri Rama sa e krahason me kryeveprat botërore.

Në të njëjtën linjë me të u shpreh edhe presidenti i Federatës Shqiptare të Futbollit Armando Duka.

E së bashku me kryeministrin Rama dhe Presidenti i UEFA-s Aleksander Çeferin hodhën firmat në këtë 17 nëntor që do të mbahet mend jo vetëm si Çlirimi i Tiranës në 1944 por edhe si moment historik për futbollin shqiptar.

Pjesë e ceremonisë së hapjes u bënë nga emra të njohur të muzikës shqiptare ku nuk munguan edhe numrat koreografikë./abcnews.al

stadiumi-1280x719.jpg
nev ila20:30 | 17/11/2019

Shënohet incidenti i parë në Arenën Kombëtare “Air Albania”. Burime për abcnews.al kanë njoftuar se i gjithë stadiumi ka filluar të thërrasin në kor “Rama IK”. Kjo ndodhi gjatë ceremonisë së inaugurimit të stadiumit të ri kombëtar, që në fakt ka pasur debate që në fillim kur u miratua projekti.

Sikurse mund të dëgjohet edhe në video, në kor, tifozët thërrasin “Rama ik”, në momentin kur në stadium fiken dritat dhe ndizen dritat e celularëve, një simbolikë kjo e përdorur edhe gjatë protestave të PD-së, ku protestues te shumte, ndriçuan bulevardin me dritat e celulareve.

Kryeministri Rama ishte i pranishëm në ceremoninë e hapjes së stadiumit së bashku me familjen e tij, bashkëshorten Linda Rama dhe djalin Zaho. Në fjalën e tij, Rama e quajti ditën e sotme “ditë historike për sportin shqiptar”.

Gjithashtu edhe për emrin ka pasur shumë kundërshti, por tani të gjithë shqiptarët janë para një fakti të kryer dhe kanë një stadium të ri modern.

RAPORTIMI NGA GAZETARI I ABC NEWS– Pa nisur ndeshja me Francën, gazetari i ABC News, Bledar Kuka, në një lidhje direkte foli për atmosferën në “Air Albania Stadium” dhe praninë e tifozëve. “Atmosfera është mjaft e mirë, ndeshja ndiqet nga një numër i madh tifozësh. Në tre tribuna tifozët kanë ardhur shpejt, kurse në tribunën VIP tifozët kanë ardhur me nge.

Opinionet e tifozëve kanë qenë të mira për stadiumin. Ata manë ardhur për kombëtaren, jo vetëm për stadiumin e ri. Francezët janë vendosur në tribunën lart, në zonën e tyre të izoluar. Një pjesë e madhe e tifozëve nuk kanë marrë bileta, pasi ka pasur ndarje me mik, sicc e kemi thënë”, tha mes të tjerash.

Lajmi në përditësim…/abcnews.al

arena2-1280x711.jpg
Vladimir Prenga21:54 | 11/11/2019

Fusha e Arenës Kombëtare rrezikon të mos jetë në gjendjen më të mirë për Shqipëri-Francë. Tapeti i barit po përpunohet vazhdimisht, por koha mund të mos jetë e mjaftueshme për t’ia dalë, edhe pse ndeshja do të luhet në këtë stadium.

U mendua se do të ishte gjëja e parë që do t’i përgjigjej pozitivisht apelit. Një stadium ka fushën si gjënë e tij kryesore dhe tek Arena Kombëtare kjo gjë kryesore ka shkaktuar alarmin më të madh. Edhe pse impianti e mori lejen zyrtare nga UEFA, pas inspektimit të së dielës, sërish tapeti i barit nuk do t’ia dijë as për organizmat europiane dhe as për ato shqiptare, pasi ka afatet e veta.

Në rastin më të mirë, fusha do të jetë në 100 për qind vetëm në ditën kur do të luhet ndeshja, në 17 nëntor, pra të dielën që vjen. Shqetësimi është i madh për pjesën pranë portës jugore, qw pësoi dëmtim gjatë ndeshjes së femrave, Vllaznia-Apolonia.

Për shkak të vendosjes, ajo nuk ka marrë sasinë e ndriçimit dhe ngrohtësisë nga dielli, si 70-përqindëshi tjetër, ndaj edhe ka mbetur prapa. Burime në kompaninë që bën punimet, thonë për Abc News se vazhdon plehërimi, por edhe mbjellja e një sasie bari të re.

Nga Greqia, specialistët sjellin llamba nxehtësie që do të vendosen në tribunën krah pjesës jugore të fushës. Ato llamba do të bëjnë ngrohjen artificiale për ta rritur barin, në mënyrë që ai të ketë thellësinë e duhur të rrënjëve.

Tapeti nisi vendosjen në 10 shtator, përfundoi vendosja në 17 shtator. Në bazë të rregullave, duhen 2 muaj të plotë, që ai të mund të përballojë ndeshje, pra data i bie pikërisht 17 nëntori. Federata Shqiptare e Futbollit nuk deshi ta zhvillonte ndeshjen e provës, duke e shtyrë nga 3 në 10 nëntor, por u detyrua nga UEFA.

Shpresohet që gjithçka të jetë gati, por është në limitet e fundit të mundshme. UEFA pati dy të dërguar mbrëmjen e së dielës në Arenë, Fernando Mese dhe Keith Daiton, dhe ata vëzhguan me shumë vëmendje kohën e zbrazjes së stadiumit, po ashtu mënyrën e kontrollimit dhe të hyrjes së spektatorëve.

Përfundimi ishte i kënaqshëm, edhe pse sasia e tifozëve në ndeshjen e kontrollit nuk ishte e madhe. Frikë më të madhe, edhe sesa UEFA, duket se kanë punonjësit privatë të sigurisë që janë pajtuar për në ndeshjet e kombëtares, apo në sfidat kryesore të Superligës. Arena Kombëtare u duket tepër e madhe, me shumë hyrje e dalje, diçka që ata nuk e kanë provuar më parë.

Edhe 350 forca sigurie që do të jenë për Francën, kompanisë private i duken pak. Europianët lanë detyrë edhe zëvendësimin e disa barrierave të qelqit të imprenjuar, që ishin dëmtuar gjatë punimeve. Në stadium të garantojnë se po vijnë 2 apo 3 barriera të reja xhami të blinduar dhe se ato do të vendosen shumë shpejt në vend.

Me sy të lirë kupton se një pjesë e madhe e punimeve kanë përfunduar. Kjo ka bërë që të ulet edhe numri i forcave punëtore, që sot janë rreth 300. Ata vazhdojnë të punojnë 24 orë në 24, 7 ditë në 7, por gjithsesi ka zbritje nga numri 500 që ishte në kulmin e punimeve.

Ulëset, tashmë janë të vëna në dispozicion të publikut, siç u pa edhe në ndeshjen e femrave. Po ashtu, fusha është e vijëzuar plotësisht. Ende përpunohet bari artificial anash saj, që do të përdoret për nxehjen e lojtarëve të stolit, përpara sesa ata të aktivizohen, ose për të qenë gati për çdo moment kur t’i duhen trajnerit.

Nëpër tribuna ende vazhdojnë gjërat e vogla të fundit. Diku bëhen saldime, por sidomos kudo ka punime më të imëta, stukime apo izolime. Në barin dhe restorantin e VIP-it, ende nuk janë përfunduar banakët, madje nuk janë mbuluar plotësisht lidhjet e vendosura në dysheme.

Nëse gjërat janë vënë nëpër vende, ende estetika nuk është aty ku duhet, sidomos për t’iu përgjigjur një stadiumi të kategorisë me 4 yje, sipas standardeve të UEFA-s. Pas testimit të së dielës, u krijua përshtypja se zona miks, pra ajo e intervistave në katin e parë nëntokë të stadiumit, ishte pak e ngushtë që gazetarët të punonin lirisht.

Muzeumi po nis të marrë pamje në hapësirën pas fasadës historike, tek ish-lokali “Kampionët”. Me gjasë, në 14 apo 15 nëntor do të jetë gati. Sheshi pedonal para stadiumit po merr përpunimet e fundit, pasi kanë mbetur pak pllaka për t’u vënë. Më shumë po shtrohen, betonohen dhe zbukurohen pjesët anësore, që do të jenë me ngjyrë të kaltër.

Me ritëm të shpejtë po bëhet shtrimi i asfaltit në rrugët rreth e rrotull dhe punonjës të kompanisë të thonë se deri ditën e mërkurë gjithçka do të jetë e përfunduar, në dispozicion për t’u vijëzuar. Një rrugë e re do të vihet në dispozicion të qytetarëve ngjitur me Pallatin e Kongreseve. Me gjasë, gjithçka do të jetë e përfunduar deri të premten, ndonëse fusha do ta presë ndeshjen jo në gjendjen e saj më të mirë. /ABC NEWS ALBANIA 24/7

1-4.jpg
Veronik Istrefaj19:58 | 10/11/2019

Stadiumi i ri kombëtar, “Arena Kombëtare”, ka hapur sot dyert për sfidën testuese mes ekipeve të femrave, Vllaznisë dhe Apolonisë. Vetëm një javë para sfidës kundër Francës, që do të luhet në këtë stadium, FSHF ka vendosur që sfida mes Vllaznisë dhe Apolonisë të jetë takimi testues.

Siç shihet nga fotot e siguruara nga ABC News, fusha e “Arenës Kombëtare” është 100% e përfunduar, si dhe tribunat duken drejt përfundimit. Nuk shihet një numër i lartë spektatorësh, edhe pse parashikohej që të ishin të shumtë në këtë debutim të stadiumit të ri kombëtar.

FSHF parashikoi se numri i të pranishmëve për këtë sfidë testuese mund të arrinte deri në 10 mijë, por diçka e tillë nuk ka ndodhur./abcnews.al

4
2
2
1
3
1
3
stadiumi-partizani.jpg
Vladimir Prenga13:06 | 25/10/2019

Partizani prej gati pesë vitesh ka nisur punimet për ndërtimin e kompleksit të ri. Presidenti Gaz Demi e ka pranuar vetë se gjërat nuk kanë shkuar sipas planeve, por tashmë duket se të kuqtë të paktën do të kenë shtëpinë e tyre ku do të luajnë.

Presidenti i Partizanit, Gaz Demi, duke ndjekur punimet e stadiumit

Demi sot ka qenë ambientet e kompleksit dhe klubi i kuq njofton se në janar stadiumi do të jetë gati dhe Partizani kështu do të lërë stadiumin “Selman Stërmasi” dhe të luajë në shtëpinë e re. Në njoftimin e kryeqytetasve, thuhet:

“Presidenti Gazment Demi ndjek nga afër ecurinë e punimeve të stadiumit, në kompleksin e Klubit të Futbollit Partizani. Aktualisht po përfundojnë betonimet e tribunës ballore. Po vijon puna për instalimet dhe pajisjet e tribunës qendrore, si edhe konstruksionet dhe mbulesa e të dyja tribunave të stadiumit.

Punimet po vijojnë me intensitet të lartë dhe në fazën e tretë të kampionatit stadiumi do të jetë gati për të mirëpritur kampionët e vendit”. /abcnews.al

Foto nga kompleksi i Partizanit
DURRES-PAS-NATES-_ABC-M4-T2.mpg_snapshot_00.02-1280x720.jpg
ent ela22:33 | 23/09/2019

Në Durrës qytetarët që kanë pësuar dëme nga tërmeti shkojnë pranë zyrave të bashkisë dhe bëjnë vetëdeklarimin për atë çfarë u ka ndodhur. Ndërkohë çadrat janë boshatisur dhe banorët janë kthyer nëpër shtëpitë e tyre.

Banorët që kanë pësuar dëme nga tërmetet në Durrës iu janë drejtuar zyrave të bashkisë.  Ata  kërkojnë vlerësim të situatës.

Në njësinë bashkiake numër 3  është i lartë numri i  vetëdeklarimeve. Qytetarët lënë informacionin e duhur mbi vendndodhjen e objektit të tyre. Më pas janë vendorët që nisin vlerësimin.

Por megjithatë pas panikut që shkaktuan lëkundjet e tokës, Durrësi duket se i është kthyer normalitetit dhe qetësisë. Ata të cilët kalonin natën jashtë në çadrat e vendosura pranë stadiumit “Niko Dovana” u larguan.

Nga Bashkia zyrtarisht flitet për 353 banesa e apartamente të dëmtuara. Kurse në terren po punojnë 11 grupe që do të verifikojnë çdo dëm të shkaktuar.

Gazetare e ABC News, Durrës: Enkeleda Arapi

 

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono