Spitali

foshnjat-mbreterore.jpg
nev ila19:42 | 09/05/2019

Një spital në San Francisko ka festuar lindjen e foshnjës mbretërore, në një mënyrë të veçantë. Stafi mjekësor i këtij spitali ka realizuar punë dore, me grep, kurora për të gjithë foshnjat e sapolindura në këtë spital.

Stafi i Spitalit bëri me dije se, kurorat u thurën me grep nga infermieret e veta në shenjë feste dhe gëzimi, për lindjen e princit më të ri britanik.

Foshnjat u nderuan, duke ndarë këtë ditë të veçantë me Dukën dhe Dukeshën e Sussex, të cilët u bënë prindër të një djali ditën e hënë.

Prej 7 vitesh stafi mjekësor i këtij spitali e ka kthyer në një ritual bërjen me grep të beretave për të vegjlit./abcnews.al

protestann.jpg
G. P.12:06 | 14/04/2019

Një 26-vjeçar që mori pjesë në protestën e opozitës qëndron i lidhur me pranga në krevatin e spitalit. Denoncimi vjen nga Partia Demokratike shoqëruar me një video. Për ish-deputetin Bardh Spahia, policia është kthyer në vegël qorre të një regjimi të shkërmoqur tashmë.

“Protestuesi ka kontuzione, edema dhe hematoma të shkaktuar nga dhuna e njerëzve të veshur me uniformë”, shkruan ish-deputeti demokrat në rrjetet sociale, sipas të cilit është e pa logjikshme mbajtja me pranga ndërkohë që është i rrethuar edhe nga policë në ambientet e spitalit./abcnews.al

gjonaj-1-1280x710.jpg
ent ela14:24 | 22/03/2019

Në keto mjedise nuk ishte ndërhyrë që në vitin 1998.  Tashmë spitali i burgut në Tiranë do të ofrojë kushte bashkëkohore për trajtimin shëndetësor të personave të bugosur dhe të paraburgosur.

Qeveria ka investuar rreth 29 milion lekë dhe ministrja e Drejtësisë Etilda Gjonaj inspektoi punimet e kryera. Këtu mund të marrin shërbim shëndetësor rreth 100 pacientë, ndërkohë që një problematikë e kahershme merr zgjidhje.

Ministrja e Drejtësisë ka treguar se njëkohësisht po punohet për të vënë në zbatim rekomandimet e institucioneve ndërkombëtare, sa i përket trajtimit të personave me mjekim të detyruar.

Një tjetër problem për këto instucione ka qenë tërheqja e stafit të kualifikuar. Ministrja është shprehur edhe masat që do të ndërmerren në këtë aspekt.

Respektimi i të drejtave të njeriut dhe ulja e popullimit në burgje sipas ministres Gjonaj është fokusi i reformave të ndërmara nga Ministria e Drejtësisë. Në këtë pikë, ndërhyrje janë kryer dhe në burgun e Peqinit dhe të Burrelit./abcnews.al

RAMA-USHTARAK-SINKRON.mpg_snapshot_01.01-1280x720.jpg
G. P.16:42 | 22/11/2018

Kryeministri Rama vizitoi efektivët e policisë në spitalin e Traumës, ku shprehu mbështetje për punën dhe misionin e tyre. Ndërsa Lulzim Basha pasdite iu bashkua protestuesve që dolën sërish në rrugë tek “Unaza e Re”.

Vizitoi efektivët e plagosur gjatë protestës përpara kuvendit. Këtë herë nuk u godit me çizmen e opozitës, por me këpucën e një banori të unazës së re. Pas kësaj dënoi dhunën ndaj policisë e cila theksoi kryeminstri Edi Rama nuk duhet të kthehet në shënjestër për kapsollat, për gurët apo për kërcënimet e një grupi njerëzish.

“Besoj që çdo prind dhe çdo familje e parafytyron se çfarë do ndjente nëse vajza, 24 vjeçare, do kthehej në shtëpi pa gishtat e dorës, të këputur. Të gjithë mund ta parafytyrojnë, çdo familje mund ta parafytyrojë, çdo prind mund ta parafytyrojë, çdo vëlla, çdo motër mund ta parafytyrojë çdo të thotë të vijë vajza 24 vjeç me gishta të këputur, pasi ka dalë në mëngjes nga puna për të kryer detyrën”.

Këtë herë është Edi Rama që i tregon kufirin  Lulzim Bashës.

Prerja e gishtave të vajzës është vërtetë një vijë e kuqe që është vendosur sot mes atyre që kanë marrë përsipër t’i kundërvihen ligjit dhe Policisë së Shtetit që është në mbrojtje të ligjit dhe në mbrojtje të interesave publike dhe të komunitetit.

Përgjigjen për vijën e kuqe kryetari i Partisë Demokratike ia dha nga unaza e re.

“Vija e kuqe e kujt? Po ai nuk njeh vija të kuqe. Ai njeh vetëm vija të bardha, nga ato që merr me hundë. Vija e kuqe është shkelur, kur i ka vënë kryqe boje shtëpive të këtyre njerëzve në kundërshtim me ligjin për të përligjur vjedhjen 40 milionë euro. Kjo është e vërteta, të gjitha të tjerat janë propagandë”.

Efektivëve të plagosur i uroi shërim të shpejtë dhe u tha se përgjegjësi i plagëve të marra është vetëm Edi Rama.

“Ai mban përgjegjësi dhe do ta paguajë shtrenjtë dhunën, që ka shkaktuar disa viktima mes banorëve, gra me brinjë të thyera, zonja me shtyllën kurrizore të shembur. Ai do të paguajë edhe për gishtat e polices së plagosur në detyrë”.

Kreu demokrat i bën thirrje policisë që të mos dalin në krah të asaj që ai e quan antiligj, por t’i bashkohen qytetarëve në mbrojtje të ligjit. /abcnews.al

etilda.png
G. P.13:20 | 01/11/2018

Nuk janë më 70 inspektorë në Inspektoriatin Shtetëror të Mjedisit, Pyjeve, Ujërave dhe Turizmit në Tiranë. Arsyen e sqaron Koordinatorja e Task Forcës Antikorrupsion, Ministrja e Drejtësisë, Etilda Gjonaj.

Është rekomanduar largimi nga detyra për. Kryeinspektorin e Inspektoriatit Shtetëror të Mjedisit, Pyjeve, Ujërave dhe Turizmit – Drejtoria Rajonale e Qarkut Tiranë si dhe për 8 inspektorë pyjorë dhe për 6 inspektorë mjedisorë të po këtij institucioni. Për këtë institucion janë rekomanduar gjitashtu edhe 13 masa të tjera disiplinore”.

Një numër i konsiderueshëm për një institucion shtetëror, por nuk është i vetmi.

Ndërkohë Spitalin Universitar Obstetrik Gjinekologjik “Koço Gliozheni” në Tiranë janë rekomanduar 8 masa disiplinorepër staf drejues dhe administrativ të këtij institucioni”.

Denoncimet e qytetarëve në platformën e bashkëqeverisjes kanë bërë që në total të merren 36 masa disiplinore prej të cilave 15 largime nga puna. Por nuk janë këto rezultatet e vetme të Task Forcës Antikorrupsion. Në bashkëpunim me ministrine e drejtësisë  është dërguar në Prokurorinë e Rrethit Gjyqësor Tiranë, një raport lidhur me shkeljet e gjetura në Drejtorinë e Përgjithshme të Burgjeve për një procedurë të prokurimit publik.

“Shërbimi i Kontrollit të Brendshëm në sistemin e burgjeve ka rekomanduar marrjen e masave administrative për 3 drejtues të Insitucioneve të Ekzekutimit të Vendimeve Penale:

1 Drejtor

1 Shef Policie burgu

1 Shef i Regjimit të Brendshëm”.

Sipas ministres Gjonaj të gjitha këto janë një thirrje më shumë që denoncimet të vazhdojnë./abcnews.al

RAMA-NE-SPITALIN-E-KUKESIT.mpg_snapshot_00.13-1280x720.jpg
G. P.16:21 | 31/10/2018

Kryeministri Edi Rama premton më shumë mbështetje për sistemin shëndetësor. Shefi i qeverisë vizitoi spitalin rajonal të Kukësit bashkë me ministren e Shëndetësise dhe Mbrojtjes Sociale treguan për investimet që do të kryehen në këtë spital.

Për herë të parë pas dekadash spitali rajonal i Kukesit do te perfitoje investime ne infrastrukture dhe pajisje. Në fazën e parë do të investohen 169 milionë lekësh. Projektin e shpjegoi ministrja e Shëndetësise dhe Mbrojtes Sociale Ogerta Manastirliu gjatë një vizite në këtë spital me kryeministrin Edi Rama.

Ogerta Manastirliu, ministre e Shëndetësisë dhe Mbrojtjes Sociale: “Projekti, faza e parë e të cilit fillon me buxhetin e këtij viti dhe shtrihet gjatë 2019, organizon shërbimin e kirurgjisë, sallat e reja të kirurgjisë, shërbimin e urgjencës, si dhe sjell brenda korpusit të spitalit, shërbimin e maternitetit, obstetri-gjinekologjisë. Jo vetëm që rinovohet gjithë spitali rajonal i Kukësit, shtohen shërbime të reja, por përmirësohet radikalisht cilësia e shërbimeve në disa shërbime shumë të rëndësishme, siç është kirurgjia. Duke qënë se ka filluar edhe projekti i shërbimit të integruar të instrumenteve kirurgjikalë, që tani ka filluar të ndihet cilësia e shërbimit të përmirësuar. Ky projekt, faza e parë të e të cilit është një buxhet prej 169 milionë lekë të buxhetit të shtetit fillon këtë vit.”

Kryeministri Edi Rama premtoi më shumë mbështetje për spitalin e Kukësit dhe në tërësi për sistemin shëndetësor.

Edi Rama, kryeministër: “Ne do të bëjmë një rritje tjetër të pagave për mjekët dhe infermierët. Në kategoritë që rriten pagat është kategoria që ka rritjen më të lartë. Unë nuk jam si ata që mendojnë se po ishe mjek apo infermier je “djalli” vet që të fut dorën në xhep. Për fat të keq ka dhe nga ata që e dëmtojnë shumë reputacionin, por shumica punojnë në kushte jo shumë të lehta dhe realisht janë heronj, për mendimin tim. Kështu që shumë respekt për ju.”

Këtë vit në spitalet rajonale sipas ministres së Shëndetësisë jane investuar 4.5 milionë euro./abcnews.al

RAMA-ME-SPITALIN-E-FIERIT-ABC-M3-T1.mpg_snapshot_01.17-1280x720.jpg
G. P.14:40 | 20/10/2018

Kryeministri Edi Rama ishte në Fier ku inspektoi punimet e kryera në spitalin e këtij qarku. Për herë të parë në këtë spital janë hapur kabinetet e kimioterapisë dhe hemodinamikës, ndërkohë që është modernizuar shërbimi i urgjencës mjeksore.

Rreth 1 milionë euro janë investuar këtë vit për të pajisur spitalin e Fierit me aparatura. Kryeministri Edi Rama vizitoi mjediset e shndërrura të këtij spitali ku konstatoi se një porosi nuk ja kishin çuar në vend.

Edi Rama, kryeministër:“Më ra goja, kur bëni këto tenderat mos i bëni dyert për Erjon Braçen ore…”

Lista e barnave në dispozicion është afishuar në një tabelë në hyrje të spitalit, ndërsa për ankesat e qytetarëve është vënë në dispozicion një numër telefoni. Për herë të parë në këtë spital janë hapur kabinetet e kimioterapisë dhe hemodinamikës, ndërkohë që është modernizuar shërbimi i urgjencës.

“Urgjenca, – nënvizoi Kryeministri, – lehtëson jashtëzakonisht shumë dhe Urgjencën e QSUT dhe ka filluar dhe hap pas hapi po bëhet shpërndarja e shërbimeve, sepse deri dje kishte vetëm një QSUT që dhe ajo ishte copë-copë dhe tani ka filluar të krijohet një sistem, të ketë shërbime të shtrira. Do vazhdojmë sepse ka nevojë shumë akoma, por e rëndësishme është të garantojmë ecurinë pozitive të gjithë trupës së mjekëve dhe të infermiereve. Patjetër që ka midis tyre njerëz që e njollosin, si të thuash, përparësen e bardhë, por shumica nuk janë absolutisht ashtu. Edhe me projektbuxhetin do të bëjmë një shtesë tjetër të pagës, të konsiderueshme, për infermierët dhe për mjekët.”

Në spitalin rajonal të Fierit marrin shërbim rreth 300 mijë banorë të këtij qarku ndërkohë që me hapjen e kabineteve të reja pritet që mjekët këtu të ofrojnë shërbim të specializuar për të gjithë jugun./abcnews.al

KRONIKE-FOSHNJA-DURRES-ABC-M5-T2.mpg_snapshot_00.26-1280x720.jpg
G. P.22:10 | 12/09/2018

Një foshnje e porsalindur ndërroi jetë në spitalin e Durrësit. Prindërit e foshnjes akuzojnë mjekët për neglizhencë. Për ngjarjen ka reaguar edhe spitali i Durrësit i cili mohon akuzat. Sipas mjekëve të maternitetit, fëmija paraqiti probleme që në lindje, ndaj nuk mundi të mbijetojë.

Një foshnje vetëm katër ditësh ndërroi jetë në spitalin e Durrësit. Pasi humbën beben, prindërit bënë kallëzim në polici. Ata pretendojnë se i vogli i tyre ka ndërruar jetë si pasojë e moskujdesit nga bluzat e bardha të maternitetit. Menjëherë ka reaguar drejtoria e spitalit rajonal të Durrësit. Sipas tyre, pacientja është asistuar me profesionalizëm gjatë lindjes, por  foshnja që në lindje paraqiti probleme.

Dhurata Beshello, mjeke: “Foshnja filloi të kishte kontraktura që vijnë si pasojë e vuajtjes së trurit nga mosoksigjenimi i mirë, sepse oksigjeni vërtet thithet me anë të mushkërisë, por kryesore është mbrojtja e trurit.”

Sipas mjekëve, foshnja dyshohet të ketë patur një sëmundje të rrallë gjenetike, që mund të vlerësohet nga autopsia.

“Gjatë ekzaminimit të menjëhershëm është konstatuar që fëmija kishte edhe fraktura, thyerje të kockave. Unë i konstatova në moment.”

Ende mbeten të papërcaktuara shkaqet e vdekjes së foshnjes deri sa të dalin rezultatet e ekspertizës mjeko-ligjore./abcnews.al

OK-VLORE-I-SEMURI-MBULIM_ABC-M2-T1.mpg_snapshot_00.10-1280x713.jpg
G. P.12:45 | 13/08/2018

Një person me probleme mendore ka gjetur vdekjen pasi u hodh nga kati i tretë i spitalit në Vlorë. Ai po shoqërohej nga mjekët nga spitali piskiatirk në spitalin rajonal, për të marrë ndihmë mjekësore. Por një moment 50 vjeçari u ka ikur me vrap mjekëve dhe hipi në dritaren e katit të tretë, prej ku dhe u hodh. Ai ndërroi jetë në vend. Grupi hetimor ka nisur punën për kryerjen e veprimeve të mëtejshme hetimore për rastin në fjalë./abcnews.al

HELMIMI-NE-ELBASAN-2-1280x720.jpg
ent ela08:50 | 07/08/2018

Disa nga të helmuarit në Elbasan u dërguan mëngjesin e sotëm në Spitalin e Tiranës. Kurse të tjerët ndodhen akoma në spitalin infektiv të Elbasanit. Sipas të dhënave të helmuarit nga ushqimi nuk i përkasin vetëm një dasme, por tri dasmave që janë bërë të dielën në këtë zonë.

Dyshimet e para janë që janë helmuar nga mishi dhe veza, por kjo do të përcaktohet në fund të rezultatit të analizave.

Sipas nëndrejtorit të Qendrës Spitalore “Xhaferr Kongoli”, në Elbasan  nuk ka ndonjë rast të rënduar dhe gjendja e përgjithshme e të sëmurëve është e kënaqshme.

Nëndrejtori i Qendrës Spitalore “Xhaferr Kongoli”, Elbasan Luan Rrapi:  “Gjithësej janë të shtruar 31 raste të rritur, dy fëmijë në pediatri, 3 raste në gjendje të mesme që u dërguan në Tiranë në QSUT, te shërbimi infektiv dhe 8 raste nga këto 4 fëmijë dhe 4 të rritur kanë marrë mjekim ambulator.

Gjendja e përgjithshme e të sëmurëve është e kënaqshme, nuk shohim ndonjë rast të rënduar nga momenti i shtrimit.

Të gjithëve iu janë marrë analizat dhe korpokultura që del pas 2-3 ditëve që do të na japë një të dhënë se kush është shkaku”. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono