spital

adelinaaaa.jpg
So Nila10:19 | 10/01/2020

Dramë në familjen e dajës së këngëtares Adelina Tahiri. Kjo e fundit ka publikuar një foto të tij nga spitali, ku lë mesazhin “Dajo jemi me ty!”.

Ndërsa bashkangjitur fotos ka postuar edhe lajmin.

Avdulla Mehmetaj, i cili është pronari i televizionit Era në Maqedoni, shfaqet i shtrirë në spital, pasi është plagosur në kokë me çekan nga bashkëshortja e tij.

Sipas medias që ka publikuar lajmin, të cilën e ka shpërndarë edhe vetë këngëtarja. arsyeja lidhet me pasurinë dhe kontratën martesore.

Ngjarja sipas mediave:

“Me datë 03/01/2020 pas një mbrëmje të qetë shtrihen që të flejnë viktima Abdulla Mehmetaj ish pronari i TV ERA me gruan e tij Arlinda Mehmetaj.

Në orën 02:40 viktimës ia nxjerr gjumin jastëku në fytyrë, veç kësaj ai ishte lidhur gjate natës me litar ne këmbë dhe duar. Teksa ai ishte duke zbritur në katin përdhesë, gruaja Arlinda Mehmetaj ishte fshehur në një pjesë të errët duke e goditur me çekan në kokë disa herë duke i shkaktuar të çara në kokë”./abcnews.al

 

 

 

 

 

fatostusheee-1280x720.jpg
Autor E10:21 | 31/12/2019

Mengjesin e sotëm u plagos nga një shperthim Kryetari i Bashkise Lushnje dhe sekretarja e tij.

Nga të dhënat më të fundit mësohet se Fatos Tushe ka marrë dëmtime serioze në shpatull dhe në këmbë. Panore Veliu Drejtoresha e Spitalit të Lushnjes, nuk ka pranuar fillimisht dhe ka qenë e rezervuar për sa i përket informacionit lidhur me shëndetin e kryebashkiakut të Lushnjes dhe Sekretares së tij.

Ajo që deklaroi Drejtoresha e Spitalit është se drejt Tiranës, janë nisur të dy të plagosurit, kryebashkiaku Fatos Tushe dhe sekretarja Erisa Salliu.

Në Lushnje tashmë ka mbërritur edhe Drejtori i Përgjithshëm i Policisë dhe Drejtori i policisë kriminale Tonin Vocaj.

Nga të dhënat paraprake dyshohet për shpërthim brenda zyrës në bashkinë e Lushnjes, raporton abcnews.al. Pas shpërthimit në bashki janë dëgjuar edhe krisma armësh.

Abcnews.al mëson se ngjarja e rëndë ka ndodhur sot në mëngjes në orën 08:00 në momentin që Tushe ka hyrë në zyrë. Mësohet se nga shpërthimi është plagosur edhe sekretarja e kryetarit, Erisa Qalliu.

Të dy të plagosurit janë dërguar urgjent në spital ku ndodhen jashtë rrezikut për jetën.

Dyshohet se shpërthimi është shkaktuar nga një granatë.

Lexoni edhe: Granatë dhe të shtëna në zyrë, kush e donte të vdekur Fatos Tushen

Policia dyshon se autori është Gëzim Saraçi, i cili ka patur detyrën e shoferit të kryetarit.

Gazetari Andi Qosja raporton për abcnews.al se drejt qytetit të Lushnjes ka mbërritur kreu i Policisë së Shtetit Ardi Veliu dhe si edhe Tonin Vocaj. Pritet të përcaktohet se cili ka qenë mekanizmi i shpërthimit.

Qendroni me ne, abcnews.al do të ndjekë nga afër me gazetarë nga terreni këtë ngjarja të rëndë. /abcnews.al

773x435_cmsv2_4d5e449e-06e6-53c9-b6ff-f5ea8c8e4d02-4355508.jpg
Autor E09:34 | 10/12/2019

Ka përfunduar me shtatë viktima masakra në një spital në Ostrava të Ccekisë.

Policia gjeti të vetëvrarë në makinë personin e dyshuar se qëlloi me breshëri në spital duke lënë gjashtë të vdekur.

Fill pasi u dëgjuan të shtënat, policia u vu në ndjekje të personit që qëlloi duke rrethuar zonën.

Ngjarja ndodhi gjatë orëvë të para të ditës së sotme, ndërsa nuk dihen ende shkaqet.

Policia nxorri në media foton e të dyshuarit duke kërkuar informacion për të.

/abcnews.al

 

rama-me-femije.png
R D22:39 | 30/11/2019

Ish-deputetja e Partisë Demokratike, Oriola Pampuri ka reaguar ndaj videos së shpërndarë në ERTV, ku kryeministri Edi Rama takonte fëmijët e plagosur nga termeti në spitalin e Traumës.

Sipas ish-deputetes, Rama po i përdor të mbijetuarit për shfaqeje, ndërkohë që takimi me fëmijët sipas saj duhet të bëhej në praninë e psikologëve dhe pa kamera.

Reagimi i plotë i Pampurit në facebook:

Ndal abuzimit me femijet Edi Rama!

Sot ne spitalin e Traumes kryeministri vraponte per te takuar dy femije, te mbijetuar nga termeti e per te na ofruar nje shfaqje te turpshme. I shoqeruar nga ministrja e shendetesise e cila kishte pergatitur terrenin qe shfaqja e peshtire te kishte sukses, Edi Rama perdori dy femije te cilet pervec mbeshtetjes emocionale te profesionisteve, kurimit nga stafi mjekesor e ngrohtesise se prinderve nuk i duhej falsiteti neverites i Edi Rames qe ka 4 dite qe vrapon nga shfaqja ne shfaqje, nderkohe qe prej kaosit qe ka krijuar per shkak te keqmenaxhimit te situates po shkakton shume vuajtje te njerezit.

Mjaft i perdore femijet Edi Rama, te gjithe kane qene ne terren, te gjithe kane takuar femije e te moshuar, te gjithe kemi perjetuar ankthin e historive te tyre, faktin qe jane te paushqyer, te pastrehe, te traumatizuar, por kemi kursyer kamerat e aparatet fotografike me ta. Cdo bisede me keta femije duhet te jete e kujdesshme, nen pranine e psikologeve, dhe absolutisht pa pranine e fotografeve apo kamerave. Ti shkele mbi kete te norme elementare njerezore. Turp te keqperdoresh femije ne kete gjendje. Qindra te tjere therrasin per strehe, dhe ushqim. Leri kamerat, lere aktrimin, merr pergjegjesi dhe ndihmo njerezit ne nevoje! Turp!

Lexo edhe:

Rama viziton djalin e familjes Cakoni, u hodh nga kati 5-të për ti shpëtuar vdekjes

D705CAF9-D307-4D8B-93E3-2078982B3763-770x433.jpeg
in a11:31 | 29/11/2019

Termeti tragjik i 26 Nëntorit shkaktoi 48 viktima ndërsa po kërkohet ende nën rrënojat e “Mira Mare” në Durrës. Sakaq, plot 900 persona janë paraqitur në urgjencë për ndihmë mjekësore, gjatë këtyre 4 ditëve. Ministria e Shëndetësisë bëri një bilanc paraprak të personave të plagosur apo traumatizuar, duke thënë se aktualisht janë 63 qytetarë të shtruar në spitale.

Informacioni i plotë zyrtar i Shëndetësisë

Gjatë 24 orëve të fundit në Spitalin e Durrësit dhe të Traumës janë paraqitur 52 qytetarë të lënduar/ të traumatizuar si pasojë e tërmetit, të cilët kanë marrë trajtim mjekësor

Shkon në rreth 900 numri i të lënduarve nga tërmeti që kanë marrë trajtim në spitale, nga të cilët 731 vetëm në spitalin e Traumës dhe Durrësit.

Aktualisht janë të shtruar 63 të lënduar, gjendja e të cilëve paraqitet e stabilizuar, përveç një person që paraqitet në gjendje më të rënduar.

Përpos qytetarëve që po marrin trajtim në spitale, janë rreth 1107 vizita mjekësore të kryera për banorët e prekur nga tërmeti që po marrin trajtim në qendrat shëndetësore 24/7 të hapura pranë zonave të prekura. Ndërsa mbi 350 persona kanë marrë shërbimin mjekësor pranë kampit të emergjencës në Thumanë dhe pikave të ngritur në Durrës. Me ekipet e ngritura në terren është siguruar pajisja me medikamente për të sëmurët kronikë.

Urgjenca kombëtare ka përballuar 5094 thirrje për ndihmë që nga momenti i rënies së tërmetit dhe ka realizuar 1311 misione me autoambulancë.

Të gjitha spitalet dhe qendrat shëndetësore pranë zonave të prekura nga tërmeti janë në gatishmëri të përforcuar.

 

SPITALET-ME-QINDRA-TE-LENDUAR-1280x720.jpg
ent ela15:50 | 26/11/2019

Në spitalet e Tiranës, Durrësit dhe Lezhës Tërmeti i mesnatës ju kushtoi jetën 15 personave. Ndërsa të lënduar janë mbi 600. Ata po trajtohen në Spitalet e Durrësit, Tiranës dhe Lezhës.

Fluksin më të madh e mban ai i Traumës në kryeqytet dhe në të ndodhen dhe disa në gjendje të rëndë. Disa kanë marrë ndihmën e parë dhe janë larguar ndërsa të tjerët janë shtruar dhe vijojnë të marrin mjekim të specializuar.

Mjekët kanë treguar se atyre ju janë drejtuar dhe qytetarë që janë në gjendje të rënduar psikologjike. Ata kanë shfaqur shenja ankthi dhe stresi post-trumatik. Ndihmën e parë për disa të lënduar e ofruan falas dhe disa spitale private si ai Amerikan. abcnews.al

vuic.jpg
ger ta08:28 | 18/11/2019

Politikani i vetëm serb që e njeh pavarësinë e Kosovës, Çedomir Jovanovic, reagoi pas lajmit se presidenti Aleksandar Vuçiç është shtruar në spital pasi ka probleme kardiake.

Jovanovic ka publikuar një foto në rrjetet sociale ku shihet pranë Vuçiçit. Jovanoviç uron që kreu i shtetit të kthehet shpejt në detyrë, në mënyrë që ta mposhtë, siç thotë ai.

 “Ne kemi qenë këtu për 25 vjet. Deri më sot të gjithë në vendin që ai zgjodhi ishte gjithmonë një kundërshtar serioz. Unë dua që të kthehet sa më shpejt që të jetë e mundur që ta mposht ndershmërisht”, shkruan ai.

Sakaq, Vuçiç përmes rrjetetve sociale njoftoi se do të jetë në punë me kohë të plotë duke filluar nga sot./abcnews.al

vucic1.jpg
ent ela10:38 | 16/11/2019

Shtrohet në spital presidenti i Serbisë Aleksandër Vuçiç. Ai është shtruar mbrëmjen e së premtes, në spitalin e Akademisë Ushtarake të Beogradit për shkak të problemeve kardio vaskulare. Lajmi është konfirmuar mëngjesin e sotëm nga presidenca serbe me një deklaratë të shkurtër për mediat, pa shtuar detajet të tjera.

Presidenti i Serbisë, Alleksandar Vuçiç, është shtrirë në spitalin ushtarak të Serbisë për shkak të problemeve me zemër. Vuçiç është pranuar në këtë qendër spitalore të premtën dhe siç kanë bërë të ditura burime në presidencë, Vuçiç është jashtë rrezikut për jetën, por është mbajtur për trajtim.

Lajmin e ka konfirmuar këshilltarja e presidentit Vuçiç, Suzana Vasiljevic, e cila ka saktësuar se Vuçiç është mbajtur për shkak të kujdesit parandalues. Kjo ka alarmuar shtypin serb dhe ka nxitur informacione të ndryshme rreth gjendjes së tij.

Vuçiç, siç dihet, ka qenë sëmurë edhe më parë në disa raste dhe ka udhëtuar vite më parë drejt Moskës për disa kontrolle shëndetësore, por nuk ishte saktësuar se për çfarë bëhet fjalë. Gjendja e tij shëndetësore ishte mbajtur sekret. Vuçiç ka arritur në orët e mbrëmjes në spital dhe bëhet fjalë për probleme kardio-vaskulare për të cilat është duke u trajtuar, por bashkëpunëtorët e tij thonë se mëngjesin e të shtunës është ndjerë më mire dhe se për shëndetin e tij janë duke u kujdesur mjekët më të mirë në vend. /abcnews.al

tre.jpg
in a20:05 | 06/11/2019

Disa ditë më parë në Greqi ka ndodhur një ngjarje e rëndë, ku një 14-vjeçare ka sulmuar me thikë të ëmën. Nga raportimet e ditës së sotme të mediave greke mësohet se ngjarja ka ndodhur në Kaminia.

Ishte ora 02:00 e mëngjesit të së enjtes së kaluar, kur vajza 14-vjeçare shkoi në kuzhinë ku mori një thikë 23 centimetra, për tu drejtuar më pas në dhomën ku flinte mamaja e saj dhe nisi ta godiste me thikë. E ëma e tmerruar ka bërtitur, britmat e së cilës kanë sjellë reagimin e vajzës tjetër. Kjo e fundit vrapoi drejt sallonit dhe i hoqi thikën nga dora motrës së saj binjake.

Vajza tjetër ka njoftuar menjëhërë policinë e cila ka mbërritur në vendgjarje bashkë më të edhe ambulanca. Gruaja u dërgua me urgjencë në spital. 12 plagë thike; 3 në krahun e majtë, 1 në shpatull, 2 në gjoks, 4 në pjesën e barkut dhe 2 në shpinë, kishte marrë nga plagosja e së bijës. Ajo qëndroi në spital për disa ditë ku u mbajt në kujdes intensiv, ndërsa aktualisht raportohet se  është jashtë rrezikut për jetën.

Në prani edhe të psikologes, policia shoqëroi vajzën 14-vjeçare për ta marrë në pyetje lidhur me këtë ngjarje të rëndë. E mitura e tronditur ka thënë se nuk mban mend asgjë. Motra e saj binjake u shpjegoi hetuesve se 14-vjeçarja po luante me video-lojëra deri në orët e vona të natës. Policia e ka lënë të lirë me kusht 14-vjeçaren, ndërsa oficerët e policisë nga Dapartamenti i të Miturve që po hetojnë ngjarje, thonë se janë të shokuar nga ky rast. Historia e rëndë tronditi opinionin publik në Greqi, kurse 14-vjeçarja vazhdon të insistojë se nuk i kujtohet asgjë nga veprimet e saj. 

Mediat greke bazuar në dëshmitë e fqinjëvë bëjnë të ditur, se familja është shumë e rregullt, nuk ka shkaktuar probleme. Edhe pse prindërit janë të divorcuar, babai i vajzave mban kontakte të vazhdueshme dhe ka marrëdhënie të shkëlqyera me to. Për më tepër, 14-vjeçarja që goditi me thikë të ëmën, është nxënëse me rezultate të larta në shkollë.


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono