spital

vuic.jpg
ger ta08:28 | 18/11/2019

Politikani i vetëm serb që e njeh pavarësinë e Kosovës, Çedomir Jovanovic, reagoi pas lajmit se presidenti Aleksandar Vuçiç është shtruar në spital pasi ka probleme kardiake.

Jovanovic ka publikuar një foto në rrjetet sociale ku shihet pranë Vuçiçit. Jovanoviç uron që kreu i shtetit të kthehet shpejt në detyrë, në mënyrë që ta mposhtë, siç thotë ai.

 “Ne kemi qenë këtu për 25 vjet. Deri më sot të gjithë në vendin që ai zgjodhi ishte gjithmonë një kundërshtar serioz. Unë dua që të kthehet sa më shpejt që të jetë e mundur që ta mposht ndershmërisht”, shkruan ai.

Sakaq, Vuçiç përmes rrjetetve sociale njoftoi se do të jetë në punë me kohë të plotë duke filluar nga sot./abcnews.al

vucic1.jpg
ent ela10:38 | 16/11/2019

Shtrohet në spital presidenti i Serbisë Aleksandër Vuçiç. Ai është shtruar mbrëmjen e së premtes, në spitalin e Akademisë Ushtarake të Beogradit për shkak të problemeve kardio vaskulare. Lajmi është konfirmuar mëngjesin e sotëm nga presidenca serbe me një deklaratë të shkurtër për mediat, pa shtuar detajet të tjera.

Presidenti i Serbisë, Alleksandar Vuçiç, është shtrirë në spitalin ushtarak të Serbisë për shkak të problemeve me zemër. Vuçiç është pranuar në këtë qendër spitalore të premtën dhe siç kanë bërë të ditura burime në presidencë, Vuçiç është jashtë rrezikut për jetën, por është mbajtur për trajtim.

Lajmin e ka konfirmuar këshilltarja e presidentit Vuçiç, Suzana Vasiljevic, e cila ka saktësuar se Vuçiç është mbajtur për shkak të kujdesit parandalues. Kjo ka alarmuar shtypin serb dhe ka nxitur informacione të ndryshme rreth gjendjes së tij.

Vuçiç, siç dihet, ka qenë sëmurë edhe më parë në disa raste dhe ka udhëtuar vite më parë drejt Moskës për disa kontrolle shëndetësore, por nuk ishte saktësuar se për çfarë bëhet fjalë. Gjendja e tij shëndetësore ishte mbajtur sekret. Vuçiç ka arritur në orët e mbrëmjes në spital dhe bëhet fjalë për probleme kardio-vaskulare për të cilat është duke u trajtuar, por bashkëpunëtorët e tij thonë se mëngjesin e të shtunës është ndjerë më mire dhe se për shëndetin e tij janë duke u kujdesur mjekët më të mirë në vend. /abcnews.al

tre.jpg
in a20:05 | 06/11/2019

Disa ditë më parë në Greqi ka ndodhur një ngjarje e rëndë, ku një 14-vjeçare ka sulmuar me thikë të ëmën. Nga raportimet e ditës së sotme të mediave greke mësohet se ngjarja ka ndodhur në Kaminia.

Ishte ora 02:00 e mëngjesit të së enjtes së kaluar, kur vajza 14-vjeçare shkoi në kuzhinë ku mori një thikë 23 centimetra, për tu drejtuar më pas në dhomën ku flinte mamaja e saj dhe nisi ta godiste me thikë. E ëma e tmerruar ka bërtitur, britmat e së cilës kanë sjellë reagimin e vajzës tjetër. Kjo e fundit vrapoi drejt sallonit dhe i hoqi thikën nga dora motrës së saj binjake.

Vajza tjetër ka njoftuar menjëhërë policinë e cila ka mbërritur në vendgjarje bashkë më të edhe ambulanca. Gruaja u dërgua me urgjencë në spital. 12 plagë thike; 3 në krahun e majtë, 1 në shpatull, 2 në gjoks, 4 në pjesën e barkut dhe 2 në shpinë, kishte marrë nga plagosja e së bijës. Ajo qëndroi në spital për disa ditë ku u mbajt në kujdes intensiv, ndërsa aktualisht raportohet se  është jashtë rrezikut për jetën.

Në prani edhe të psikologes, policia shoqëroi vajzën 14-vjeçare për ta marrë në pyetje lidhur me këtë ngjarje të rëndë. E mitura e tronditur ka thënë se nuk mban mend asgjë. Motra e saj binjake u shpjegoi hetuesve se 14-vjeçarja po luante me video-lojëra deri në orët e vona të natës. Policia e ka lënë të lirë me kusht 14-vjeçaren, ndërsa oficerët e policisë nga Dapartamenti i të Miturve që po hetojnë ngjarje, thonë se janë të shokuar nga ky rast. Historia e rëndë tronditi opinionin publik në Greqi, kurse 14-vjeçarja vazhdon të insistojë se nuk i kujtohet asgjë nga veprimet e saj. 

Mediat greke bazuar në dëshmitë e fqinjëvë bëjnë të ditur, se familja është shumë e rregullt, nuk ka shkaktuar probleme. Edhe pse prindërit janë të divorcuar, babai i vajzave mban kontakte të vazhdueshme dhe ka marrëdhënie të shkëlqyera me to. Për më tepër, 14-vjeçarja që goditi me thikë të ëmën, është nxënëse me rezultate të larta në shkollë.

DrPlarenti-OBSH1.jpg
Autor E15:11 | 11/10/2019
Obeziteti, tashmë i konsideruar epidemi globale, shfaqet si pasojë e marrjes së më tepër kalorive sesa arrijnë të asimilohen nga organizmi.
Në rang global rreth 1,9 miliardë individë janë mbipeshë, prej të cilëve 41 milion i përkasin grupmoshës parashkollore.
Sipas OBSH-së, 650 milion të rritur janë obezë vlerë kjo e cila parashikohet të arrijë në 2.7 miliardë deri në vitin 2025.
Vlen të theksojmë që mbipesha & obeziteti janë shkaktarë të një % më të lartë mortaliteti sesa të qenit nënpeshë. Kështu, 2,8 milion individë humbin jetën çdo vit si rezultat i obezitetit apo mbipeshës.
Obeziteti është një ndër shkaktarët kryesorë të shfaqjes së sëmundjeve kronike të tilla si: patologjitë e zemrës, mëlçisë, diabeti si dhe disa tipe të kancerit. Obeziteti prek më tepër femrat sesa meshkujt.
Si mund të parandalohet obeziteti:
Konsumi i një diete të shëndetshme dhe ushtrimi i aktivitetit fizik në mënyrë periodike (qoftë edhe ecja) ndihmojnë në parandalimin e obezitetit.
Një nga alternativat bashkëkophore, jokirurgjikale që aplikohet në spitalin Hygeia që i jep zgjidhje të shpejtë këtij problemi është vendosja e Balonit Gastrik Spatz3. Kjo proçedurë ofrohet nga mjeku gastroeneterolog specialist, Dr. Plarent Kapo.
𝐏𝐫𝐨ç𝐞𝐝𝐮𝐫𝐚 : E thjeshtë – Baloni kalohet në stomak në rrugë endoskopike, pra me ndihmën e gastroskopit.
𝗞𝗼𝗵ë𝘇𝗴𝗷𝗮𝘁𝗷𝗮 𝗲 𝗽𝗿𝗼ç𝗲𝗱𝘂𝗿ë𝘀 :
✔️ 15-20 minuta dhe kryhet në kushte ambulatorike.
✔️ Baloni i vendosur do të mbahet nga pacienti për një periudhe 6 muaj – 1 vit.
𝗘𝗳𝗲𝗸𝘁𝗶𝘃𝗶𝘁𝗲𝘁𝗶 & 𝗦𝗶𝗴𝘂𝗿𝗶𝗮 : Maksimale – Në fund të periudhës pacienti ka një rënie të konsiderueshme prej rreth 14-19 kg.
Për të rezervuar takimin tuaj me mjekun specialist, kontaktoni me sekretarinë e Spitalit në numrin: 04 23 90 000.
spitali.jpg
Autor E10:21 | 10/10/2019

Këngëtarja më e re e skenës shqiptare Krusita është sëmurur dhe ka përfunduar bnë spital.

Lajmin e ka bërë të ditur vetë këngëtarja me njëpostim në Instastory.

Ajo ka publikuar një foto ku shihet e shtirë në krevatin e një spitali duke marë një serum.

“Edhe më thanë do ftohesh po s’mora vesh”, shkruan ajo duke treguar se fatmirësisht është duke kaluar vetëm një vizorë dhe jo një gjë serioze.

Krusita theu çdo pritshmëri, duke u bërë e njohur vetëm me publikimin e një kënge pjesmarrëse në festivalin ‘Keënga Magjike’.

Këngëtarja Krusita po përflitet në mendia shumë për një lidhje e kompozitorin Kledi Bahiti.

semunshmeria.jpg
ad min15:39 | 25/09/2019

Me ndryshimin e motit ndryshon sëmundshmëria. Për shkak të infeksioneve virale vetëm në Shërbimin Infektiv në Qendrën Spitalore “Nënë Tereza” në Tiranë, çdo ditë kërkojnë ndihmën e mjekëve rreth 100 persona. Mjekja Najada Çomo jep këshillat për t’u mbrojtur nga virozat.

Luhatjet e temperaturave gjatë 24 orëve shumë persona i kanë përballur me infeksionet virale. Vetëm në Shërbimin Infektiv në Qendrën Spitalore “Nënë Tereza” në Tiranë çdo ditë kërkojnë ndihmën e mjekut rreth 100 pacientë.

Mjekët tregojnë se për shkak të komplikacioneve një pjesë e tyre qëndrojnë në spital. Ndërsa presin që fluksi i pacientëve të jetë më i lartë muajin që vjen bluzat e bardha apelojnë për kujdes të shtuar me higjienën personale.

Me ndryshimin e motit ka ndryshuar dhe sëmundshmëria. Mjekët tregojnë se vjeshta e nxehtë ndikoi që shumë persona të shfaqnin probleme me aparatin tretës deri në fillim të Shtatorit./ABC News Albania 24/7

pasojat-nga-termeti.jpg
ad min09:12 | 22/09/2019

Vijon gatishmëria e ekipeve mjekësore në spitalin e Traumës, në QSUT dhe në spitalin e Durrësit. Në këto spitale kanë  marre shërbim mjekësor 105 qytetarë të lënduar nga tërmeti, nga të cilët 74 qytetarë kanë marre shërbim në spitalin e Traumës, kryesisht me dëmtime të shkaktuara nga rrëzimet apo goditjet.

Pjesa më e madhe e pacientëve kanë lënë spitalet dhe aktualisht janë 7 qytetarë që po marrin shërbim në spitalin e Traumës dhe 3 qytetarë në spitalin e Durrësit. Spitalet janë në gatishmëri të plotë me staf të përforcuar mjekësor. Ministria e Shëndetësise ka vënë në zbatim planin e gatishmërisë për rastet e emergjencave./abcnews.al

doktori-andrea-palmieri.jpg
ad min16:35 | 12/09/2019

Shtrembërimi i kockës së hundës shpesh nuk është vetëm një problem estetik pasi tek shumë persona kthehet në shqetësim shëndetësor serioz. Megjithkëtë nëse i drejtoheni specialistëve mund ta korrigjoni thjeshtë dhe të rehabilitoheni në kohë të shkurtër.

Duket diçka e thjeshtë, por shpesh shkakton probleme serioze. Bëhet fjalë për shtrembërimin e kockës së hundës. Shqetësimet që vijnë prej devijimit të septumit nasal na i shpjegon doktor Andrea Palmieri, mjek otorinolaringolog prej 20 vitesh, pjesë e Spitalit Amerikan 3 në Tiranë.

“Ka persona që nuk kanë asnjë simptomë dhe pse e kanë septumin e devijuar, por tek disa të tjerë mund të japë probleme serioze. Nis me hemorragji nga hunda vazhdon me vështirësi në frymëmarrje, mund të provokojë formimin e sinuzitit dhe rinosinuzitit gjithashtu dhe dhimbje koke. Në raste më të rënda mund të shkaktojë appnea dhe gërhitje. Këto janë patologjitë më të rënda që provokohen nga septum i devijuar”, tha doktori.

Doktori tregon se kjo është një patologji e shpeshtë, por që mund të korrigjohet thjeshtë. Ndërhyrja kirurgjikale merr pak kohë ndërsa pacienti mund t’i rikthehet jetës normale brenda dy ditësh.

“Septumi nasal në ditët e sotme mund të korrigjohet në mënyrë shumë të thjeshtë, vetëm me 1-2 net tampon nasal, 1 natë qëndrim në spital. Një pacienti që dëshiron të korrigjojë septumin i nevojitet një fundjavë. Nëse e bën ndërhyrjen ditën e premte, mund të kthehet në punë ditën e hënë, pa shenja të jashtme, pa hematoma, nxirje dhe ndryshim në formën e jashtme të hundës, ndërsa ndryshimi i formës vjen tek Rionplastika”, u shpreh doktori.

Por kujdes ku e kryeni këtë nderhyrje kirurgjikale! Operacioni që rregullon funksionin e hundës dhe njëkohësisht përmirëson pamjen e fytyrës duhet të realizohet nga kirurgë të specializuar apelon doktor Andrea Palmieri  pasi ndryshe mund t’ju kthehet në të kundërt.

“Rinoplastika është një ndërhyrje serioze dhe delikate pasi hunda nuk është vetëm organ shqisor për nuhatjen. Mbi të gjitha ka një rol të rëndësishëm për frymëmarrjen, por dhe anën estetike. Kjo lloj ndërhyrje duhet bërë nga një kirurg i specializuar, me njohuritë e duhura. Për këtë duhen ndjekur kurse të përvitshme, në një prej tyre do jem në fund të këtij muaji në Vjenë.  Kjo është pjesa më e rëndësishme për këtë lloj kirurgjie”, tha ai.

Stafi i specializuar dhe teknologjia moderne në Spitalin Amerikan 3 në Tiranë kanë garantuar suksesin e çdo ndërhyrje të tillë.  /ABC News Albania 24/7

shumi.jpg
ad min16:30 | 11/09/2019

Mediat franceze shkruajnë se ish piloti i Formula 1, Michael Schumacher tashmë është i vetëdijshëm. Lajmi është konfirmuar nga një anëtar i stafit të spitalit, ku ish-kampioni i është nënshtruar terapisë së qelizave staminale.

Shtrimi i Michael Schumacher në spitalin “George Pompidou” në Paris për një terapi të bazuar tek qelizat staminale, ka rikthyer dhe njëherë vëmendjen mbi kushtet shëndetësore të ish pilotit gjerman të Formula 1.

Ai gjatë gjithë kohës mbrohet nga privatësia e familjes së tij që nga koha e aksidentit në pistën e skiimit në Dhjetor të 2013-s. Francezja Le Parisien shkruan se tashmë ka shpresa të reja për rimëkëmbjen e tij. Një anëtar i stafit të personelit u shpreh se e kishte parë dhe ai ishte i vetëdijshëm.

Dëshmitari, i cituar nga e përditshmja franceze, punon në njësinë e kardiologjisë ku është shtruar ish-piloti. Terapia qelizore e Filip Menaske, kirurg kardiak i famshëm, duhet të përfundojë sot, dhe Schumacher, i transferuar në Paris nën masa të rrepta sigurie dhe nën emër të rremë, mund të rikthehet në shtëpi./ABC News Albania 24/7

MBULIM-PLAGOSET-I-RIU.mpg_snapshot_00.02-1280x720.jpg
ent ela10:10 | 23/08/2019

26 Vjeçari Indrit Çelaj, që u qëllua dje në kokë teksa punonte në një vilë për rregullimin e kondicionerëve, ndërroi jetë sot në mëngjes në spitalin e Traumës. Sipas hetimeve të deritanishme dy djemtë e shtëpisë janë autorë të vrasjes së tij. Por deri tani ata janë ende të lirë. Në pranga për moskallëzim krimi janë vënë pronari i vilës dhe disa persona të tjerë.

26 vjeçari Indrit Çelaj nga Mallakastra ishte duke rregulluar një kondicioner në një vilë tre katëshe në rrugën “Myslym Shyri”, kur u qëllua me një plumb në kokë mesditën e së enjtes . Por i riu nuk mundi t’u mbijetojë as 24 orë plagëve të rënda dhe ndërroi jetë në spitalin e Traumës mëngjesin e së premtes.

Policia e Tiranës ka bërë të ditur se ka zbardhur të plotë ngjarjen. Sipas saj, dy djemtë e pronarit të vilës Griseldo dhe Albano Kusi janë shpallur tashmë në kërkim pasi janë autorët e vrasjes së Indrit Çelajt.

Nga hetimet e deritanishme rezultoi se në ambientet e katit të parë të godinës trekatëshe, dy vëllezërit 31 dhe 28  vjeç, pas një konflikti të çastit me Indrit Çelajn, që punonte si teknik kondicionerësh, e qëlluan të riun me armë në kokë.

Po nga veprimet hetimore, rezultoi se këta shtetas kanë biseduar me 27 vjeçarin me inicalet L.V, me të cilin kishin lidhje shoqërore dhe i kanë kërkuar që të merrte përsipër autorësinë e ngjarjes.

27 vjeçari banues në Tiranë, gjatë orëve të vona të natës u ndalua nga Policia, pasi Gjykata e Rrethit Gjyqësor Tiranë ka caktuar masën e sigurisë “Arrest në burg “, për veprat  penale “Kundërshtim me dhunë i punonjësit të policisë së rendit publik”, “Prodhimi dhe mbajtja pa leje e armëve lufatarke dhe municionit” dhe “Shkatërrimi i pronës”.

Policia gjithashtu ka arrestuar edhe 4 persona të tjerë, mes tyre pronarin e vilës, Bujar Kusi, Edmond Sula, Ferdinand Bakalli dhe  Luan Çaka, të cilët akuzohen për veprat “Moskallëzimi i krimit” dhe “Veprime që pengojnë zbulimin e së vërtetës”. /ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono