specialiste

dieta-1-933x445.jpg
ent ela11:51 | 13/04/2019

Mungesa e ushqimit po merr shumë jetë njerëzish në botë, por një pjesë e konsiderueshme po shkojnë në fatalitet edhe si pasojë e dëshirës për tu larguar nga ushqyerja.

Specialistet ushqimor nga ana tjetër thonë që të kemi kujdes edhe me ushqimet që konsumojmë pasi ato janë shkaktarët kryesorë që po marrin miliona jetë njerëzish.

Shkaktari më i madh i vdekjeve në të gjithë botën për këtë dekadë është ushqimi. Ndonëse duket paradoksale, por regjimi ushqimor i gabuar ka çuar në 11 milionë humbje jetësh vetëm gjatë vitit të kaluar. Studiuesit e lidhin këtë me dietat e varfra në vlera që kanë çuar në probleme shëndetësore të pakthyeshme e në rastin më të keq drejt vdekjes 1 në 5 persona.

Një shqetësim mbeten edhe reklamimi i produkteve të dobësimit si çajrat apo suplementet në çdo faqe interneti.

Ndërkaq promovimi në rrjetet sociale i modeleve me forma perfekte po ashtu ka rritur riskun që kryesisht vajzat të abuzojnë me uljen në peshë në mënyrë drastike.

Shifrat botërore flasin për probleme shëndetësore që lidhen me dietat e pasura në kripëra dhe të ulëta në vitamina. Për këtë arsye OBSH ka ngritur alarmin që të gjitha vendet anëtare të saj të zbatojnë planin e hartuar për ushqyerje të shëndetshme.

Tv Klan

etilda-gjonaj-1-1280x683.jpg
ent ela15:01 | 06/03/2019

Kanë nisur procedimet penale nga policia e shtetit në Doganën e Durrësit. Lajmin e bëri të ditur Ministrja e Drejtësisë, Etilda Gjonaj në raportimin javor të Task Forcës antikorruspison sipas të cilës janë konstatuar shkelje nga doganierët dhe specialistët e doganës në qytetin bregdetar.

Dogana e Portit Durrës ka qenë shënjestra e radhës  e Task Forcës Antikorrupsion. Praktika zhdoganimi që nuk administrojnë procesverbalin e kontrollit fizik, të formularit të rivlerësimit doganor,Mosrespektimin e parashikimeve ligjore për kontrollin fizik bazuar në risk të ngarkesave dhe  mjeteve të transportit. Për këto shkelje janë dhënë masa disiplinore për 28 doganierë dhe pesë specialistë. Rezultatet e kontrollit i bëri publike ministrja e Drejtësisë Etilda Gjonaj.

Ministrja Gjonaj njëherësh edhe drejtuese e task forcës antikorrupsion njoftoi se nga strukturat që luftojnë korrupsionin në Policinë e Shtetit, gjatë javës së kaluar, janë evidentuar 17 vepra penale në fushën e korrupsionit, dhe shpërdorimit të detyrës, ku 29 persona janë preceduar penalisht. /abcnews.al

KURSI-IT-1280x720.jpg
ent ela13:07 | 11/01/2019

“Transformo karrierën tënde”. Ftesa vjen nga Akademia e Kodimit dhe Epitech, të cilët përgatisin specialistët për teknologjinë e informacionit të gatshme për tregun ndërkombëtar të punës.

Nuk jeni i kënaqur me punën tuaj dhe dëshironi të ndërroni drejtim?  Akademia e Kodimit nga Epitech ju ofron mundësinë të nisni informatikën nga zero, të përgatiteni për specialist IT,  dhe të siguroni një të ardhme të suksesshme ndërkombëtare.

Për t’u bërë pjesë e këtij kursi duhet të keni një diplomë të nivelit bachelor, tre vite eksperiencë pune dhe të kaloni testin e posaçëm.

Aplikimet janë çelur në faqen online të Epitech, por nëse  dëshironi të bëheni pjesë e Akademisë së Kodimit duhet të nxitoni. Në kursin e parë pranohen vetëm 30 persona.

Kurset do të zhvillohen në tre seanca. E  para nis në shkurt dhe përfundon në qershor, e dyta fillon në qershor dhe zgjat deri në tetor dhe e treta është programuar nga tetori në Janar.

Çertifikata e Akademisë së Kodimit njihet nga qeveria franceze dhe biznesi në të gjithë Europën. /abcnews.al

vlcsnap-error861-1-1280x720.jpg
G. P.21:41 | 13/02/2018

Ekspertë të çështjeve ushtarake kanë paralajmëruar se ritmet e zhvillimit të forcave të armatosura kineze po lënë pas simotrat e Shteteve të Bashkuara dhe NATO-s, të cilat duhet të zgjohen nga gjumi.

Modernizimi i forcave të armatosura kineze po vijon me ritme më të shpejta nga sa kishin parashikuar ekspertë të fushës. Aktualisht, sipas specialistëve të Institutit Ndërkombëtar për Studimet Strategjike me bazë në Londër, do të jetë Kina dhe jo Rusia që do të shënojë atë gur kilometrik që Shtetet e Bashkuara duan ta arrijnë për ushtrinë e tyre.

Vlerësimi, sipas specialistëve, përputhet sa i takon zhvillimit të forcave ajrore dhe detare kineze. “Sigurisht, ky transformim i ushtrisë kineze ka kërkuar kohën e tij, por tashmë vendi ndodhet në një pikë kur mund të kthehet në konkurrentin kryesor të Uashingtonit”, thonë ekspertët.

Dhe në fakt, progresi i kapaciteteve teknike të “dragoit” janë të dukshme; që nga raketat balistike me rreze ultra të gjatë veprimi e deri tek avionët luftarakë të brezit të pestë. Vitin e kaluar aeroplanmbajtësja e parë kineze doli në det; një lëvizje kjo që sipas specialistëve duhet të zgjojë NATO-n nga gjumi.

Ndërkohë që vendi po punon për ndërtimin e aeroplanmbajtëses së dytë. Gjithashtu, Pekini po riorganizon strukturën komanduese të ushtrisë për të koordinuar më mirë të gjitha njësitë e saj. Sa i përket artilierisë, mbrojtjes ajrore dhe sulmeve tokësore, ushtria kineze ka armatime që lënë pas çdo pajisje që mund të përdorin Shtetet e Bashkuara, thonë ekspertët. Që prej fundit të viteve ’90, kur mori në dorë teknologjinë e avancuar ushtarake ruse, Marina Kineze ka rikapitalizuar korpusin e flotës mbi dhe nënujore të saj./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono