spanje

110865697_gettyimages-1012471822.jpg
So Nila13:02 | 13/02/2020

Një kompani portugeze në Spanjë “GALP” filloi të llogariste kohën e punonjësve që kalonin jashtë ambienteve të punës, përfshirë për kafe dhe cigare.

Me këtë rast Gjykata e Lartë ka vendosur në favor të kësaj kompanie.

Sindikata për mbrojtjen e punëtorëve në Spanjë ka për bërë apel në gjykatë për të rishikuar këtë vendim, megjithëse zyrtarët janë shprehur se nuk do të vlejë për të gjitha kompanitë.

Zbritja në pagë për pauzat e shkurta të punonjësve, do të diskutohet mes sindikatave dhe punëdhënësve.

Sipas kompanisë, monitorimi kërkon të parandalojë shfrytëzimin e punëtorëve dhe të rrisë fleksibilitetin në orët e punës.

Nëse vendimi nuk arrin të dalë në favor të punëtorëve, kompania do të detyrohet të llogarisë pushimin në pagë të tyre./abcnews.al

Futsal.jpg
Igli Nikolli17:59 | 05/02/2020

Shumë reklama dhe apele bëhen për “fair-play” në futboll, teksa reklama më e bukur vjen nga Spanja. Një ndeshje futsalle po zhvillohej në futbollin iberik mes Manzanares dhe Santiago Futsal, duel për divizionin e dytë.

Në një moment, mbrojtësi Velasco rrëshqet dhe i krijon një mundësi të artë për të shënuar ekipit kundërshtar. Topin e merr Adrian Rodriguez, i cili kishte mundësi për të shënuar vetë ose për të nxjerrë një shok skuadre me portë bosh.

Asnjë nga këto nuk ndodh dhe sulmuesi i surprizon të gjithë. Rodriguez vendos të dërgojë topin jashtë loje, duke kryer në këtë mënyrë një gjest të mrekullueshëm. Duartrokitje të shumta për të, teksa edhe rivalët afrohen për t’i dhënë dorën në shenjë falënderimi dhe vlerësimi për një veprim që shihet rrallë. /abcnews.al

heroina-spanje-1.jpg
nev ila17:45 | 03/02/2020

Autoritetet spanjolle kanë arrestuar 11 persona për trafik të lëndëve narkotike, konkretisht të drogave të forta.

11 personat u arrestuan pas një operacioni të policisë spanjolle dhe një hetimi disa mujor.

Arrestimet u kryen në 2 qytetet spanjolle në Galicia dhe Madrid, ku gjatë operacionit u ushtruan kontrolle të shumta në banesat e të ndaluarve.

Gjatë kontrollit të banesave u sekuestraun 20 kg heroinë, 40.000 euro, 11 automjete luksoze, armë zjarri, makineri për paketimin e drogës, aparate celularë dhe kompjuterë të shumtë raporton abcnews.al.

Ky operacion erdhi pas hetimeve që nisën në janar të 2019 ku raporti policor shënoi rritje të trafikut të drogës. Autoritetet spanjolle nisi menjëherë një plan veprimi dhe kontrolle të shumta ku fillimisht ranë gjurmët e një çifti që ishin të përfshirë edhe më parë në trafikun e drogës.

 

Pas mbajtjes nën kontroll dhe vënies në përgjim të këtij çifti, agjentët spanjollë zbuluan se vizitoheshin në shtëpinë e tyre  së tepërmi  nga një shqiptar.

Pas disa muaj hetimesh autoritetet spanjolle erdhën në përfundimin se kishin të bënin me një organizatë kriminale që kryesohej nga një shqiptar, i cili ishte personi që gjente kontaktet për të blerë drogën gjithashtu kryente edhe negociatat për lëndën narkotike.

Kjo organizatë kriminale kishte arritur të sofistikohej së tepërmi dhe kishte bërë të mundur fshehjen e drogës në vende gati të pamundura për tu zbuluar nga autoritetet. Për shpërndarjen e drogës ata përdornin kryesisht automjete me targa rumune.

Heroina e sekuestruar në këtë operacion vinte nga Hollanda dhe do të shpërndahej kryesisht në Spanjë, kryesisht në Madrid.

Kjo sasi heroine me vlerë tregu kapte shifrën e 600.000 eurove.

Ndërkohë autoritetet spanjolle nuk kanë bërë të ditur asnjë identitet për arrestimin e 11 personave pasi hetimet ende vazhdojnë dhe sipas të dhënave të fundit priten arrestime të tjera në vazhdim.

Ajo që autoritetet kanë theksuar është se kreu i kësaj organizate është një shqiptar për të cilin nuk ka dhënë më tepër detaje./abcnews.al

Manaj.jpg
Igli Nikolli12:55 | 02/02/2020

Rey Manaj shënoi golin e parë me Barcelonën B, por ndeshja e sulmuesit lushnjar ka zgjatur vetëm një pjesë. Lojtari i kombëtares shqiptare është ndëshkuar me karton të kuq në minutën e katërt shtesë të përballjes jashtë fushe me Prat.

Manaj ishte ndëshkuar me karton të verdhë më parë, teksa i dyti nuk ishte aspak i saktë. Protesta e lojtarëve vendas ka ndikuar në vendimin e arbitrit, që i ka treguar të verdhën e dytë sulmuesit të Barcelonës. 22-vjeçari goditi edhe traversën pak minuta pas golit të shënuar nga pika e penalltisë. /abcnews.al

Manaj-Barcelona.jpg
Vladimir Prenga12:39 | 02/02/2020

Rey Manaj ka gjetur golin e parë me skuadrën e re. Sulmuesi lushnjar e nisi nga minuta e parë me Barcelona B në takimin kundër Prat në transfertë. Pas 26 minutash lojë u akordua një penallti për katalanasit.

Ekzekutimin e mori përsipër sulmuesi i kombëtares shqiptare, i cili u tregua i saktë dhe i dha epërsinë skuadrës së tij. Kjo është ndeshja e dytë për Manajn me Barcelonën B, ndërkohë që lushnjari gjatë kësaj periudhe më së shumti është stërvitur me ekipin e parë.

Sulmuesi u transferua në muajin janar nga Albacete te Barcelona B për shumën e 700 mijë eurove. /abcnews.al

Rey-Manaj-1280x771.jpg
Vladimir Prenga10:40 | 02/02/2020

Rey Manaj do të luajë me ekipin e dytë të Barcelonës ditën e sotme. Sulmuesi lushnjar është grumbulluar, ndërkohë që stërvitjet gjatë javës i ka bëtë me ekipin e parë. Futbollisti i kombëtares do të duhet të presë për të qenë në një ndeshje zyrtare me katalanasit.

Barcelona B luan prej orës 12:00 ndaj Prat, që renditet në vendin e parafundit. Skuadra e Manajt synon tre pikët, që të ngjitet në zonën që lufton për një vend në Segunda Division. /abcnews.al

enzo-zidane.jpg
Vladimir Prenga12:18 | 01/02/2020

Enzo Zidane, djali i trajnerit të Real Madrid, vijon të ndryshojë skuadra. Mesfushori 24-vjeçar është rikthyer në Spanjë pas vetëm gjashtë muajsh. Ai ishte pjesë e Desportivo Aves, skuadër që renditet në vendin e fundit në kampionatin portugez.

Zidane u aktivizua në 10 takime, gjysmën prej të cilave i nisi nga minuta e parë. Në këto përballje gjeti rrugën e rrjetës dy herë dhe tanimë do të luajë në Spanjë me Almeria, skuadër ku luan edhe një shqiptar, mbrojtësi IvanBalliu.

Skuadra e fundit për Zidane në Segunda Division ka qenë Rayo Majadahonda dhe aty pati goxha hapësira. Më parë, veçse me Real Madrid II, mesfushori ka luajtur edhe në Zvicër me Lausanne Sport. Tani do mundohet të ndihmojë skuadrën e Almeria (renditet në vendin e dytë) të ngjitet në La Liga. /abcnews.al

sadiku-fest.jpg
Vladimir Prenga13:22 | 26/01/2020

Armando Sadiku po kalon një formë mjaft të mirë. Malaga e tij po fiton në shtëpi me Mirandes dhe sulmuesi i kombëtares shqiptare ka shënuar golin e avantazhit për skuadrën e tij, që kryesoi me rezultatin e ngushtë 2-1 deri në minutën e 79-të, kur miqtë barazuan përmes një 11-metërshi.

Adrian shënoi në pjesën e parë për Malaga me penallti. Zakonisht i ka ekzekutuar Sadiku, por këtë herë ka ndodhur ndryshe. Gjithsesi sulmuesi ia ka dalë të shënojë, madje një gol mjaft të bukur.

Pas një krosimi në zonë, Sadiku e ka dërguar topin më rrjetë dhe më pas ka nisur festa, por që nuk zgjati shumë. Takimi përfundoi me rezultatin 2-2 dhe skuadrat ndanë nga një pikë. Ky është goli i nëntë në kampionat për sulmuesin shqiptar, që është një prej lojtarëve kryesorë të spanjollëve të Malaga, që nuk po kalojnë një sezon të qetë. /abcnews.al

23714834-7915185-image-a-10_1579683387354.jpg
ger ta20:27 | 22/01/2020

Ka shkuar në nëntë numri i personave që kanë humbur jetën si pasojë e stuhisë së fuqishme “Gloria” që ka përfshirë Spanjën. Ndërkohë, qindra njerëz kanë mbetur të plagosur.

Era e fortë dhe dallgët disa metra të larta kanë shkaktuar shkatërrime të konsiderueshme në zonat bregdetare dhe në ishujt turistikë.

Autoritetet kanë kërkuar që turistët të largohen me urgjencë. Në zonat e brendshme të Spanjës ka reshje të mëdha dëbore.

Sakaq, një video që po qarkullon në internet shihet se si Mallorca është mbushur nga një valë e madhe me shkumë.

Pamjet tregojnë po ashtu dallgët që dërgonin ujin poshtë ndërtesave në Cala Ratjada në Mallorca./abcnews.al


a-1280x708.jpg
in a14:14 | 22/01/2020

Spanja ka deklaruar gjendjen e jashtëzakonshme klimatike. Ende nuk kanë përfunduar pasojat e stuhisë “Gloria” që shkaktoi viktima dhe dëme, sidomos në Barcelonë dhe Katalonjë, e që tashmë ka përfshirë një pjesë të Francës. Qeveria e re spanjolle e koalicionit, e drejtuar nga Pedro Sáncez, është vendi i dytë anëtar i Bashkimit Europian që shpall gjendjen e jashtëzakonshme klimatike.

Ekzekutivi spanjoll premton të aktivizojë një paketë prej 30 masash të projektuara për të reduktuar emetimet dhe për t’iu përshtatur ndryshimeve klimatike. Një nga masat ka të bëjë me faktin se 95% e energjisë elektrike brenda vitit 2040 do të jetë nga burime të rinovueshme. Gjithashtu do të eliminohet ndotja nga automjetet si autobusë dhe kamionë.

Ministrja spanjolle për tranzicionin ekologjik, u shpreh se qeveria duhet të ketë një këndvështrim të gjerë të situatës. Ajo shtoi se mospranimi i kësaj sfide do të kushtonte shumë nga këndvështrimi ekonomik dhe ai ambiental.

Detajet e planit të qeverisë spanjolle do të bëhen publike në momentin kur projektligji për krizën klimatike do të prezantohet në parlament për miratim.


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono