soreca

sorecaaa.jpg
eri Ida19:09 | 17/02/2020

Ambasadori i Delegacionit të Bashkimit Europian në Shqipëri Luigi Soreca ka reaguar pas përfundimit të Konferencës së Donatorëve për rindërtimin pas tërmetit në Shqipëri, të zhvilluar këtë të hënë në Bruksel.

Soreca përmes një postimi në Twitter shprehet se BE është krenare që njofton se Donatorët grumbulluan së bashku 1.15 miliardë euro për Shqipërinë.

“ Sot në Bruksel bashkësia ndërkombëtare ka bashkuar forcat për të treguar solidaritetin e sai ndaj Shqipërisë. Vendet e Bashkimit Europian janë krenarë të njoftojnë se Donatorët të bërë bashkë kanë grumbullur (grante dhe kredi) 1 miliard e 150 milion euro për Shqipërinë. Të gjithë qëndrojmë pranë qytetarëve shqiptarë. Së bashku për Shqipërinë”, shkruan ambasadori i BE-së./abcnews.al

luigi-soreca.jpg
eri Ida12:58 | 10/02/2020

Ambasadori i Bashkimit Evropian në vendin tonë Luigi Soreca këtë të hënë ka sqaruar metodologjinë e re e cila është artuar në lidhje me procesin e integrimit të Ballkanit Perëndimor.

Ambasadori Soreca ka theksuar se beson se metodologjia e re do të japë mundësi më shumë për Shqipërinë dhe Maqedoninë e Veriut për hapjen e negociatave vendim që u anulua në tetor të vitit të kaluar.

Në sqarimin e tij ambasadori i BE, thekson se përmes metodologjisë së re udhëheqësit evropian do të kenë të paktën një debat në vit në lidhje me atë që kanë bërë vendet e Ballkanit Perëndimore, për të parë më qartë ecurinë e tyre në rrugën e integrimit.

“Të gjithë ne e dimë që samiti i Komisionit Europian në tetor nuk solli çeljen e negociatave, kjo është arsyeja se Komisioni Evropian është përpjekur që të kuptojë se pse ka ndodhur kjo dhe për këtë ne po përpiqemi të kuptojmë pse ka ndodhur. Përmes metodologjisë së re udhëheqësit evropian do të kenë të paktën një debat në vit në lidhje me atë që kanë bërë vendet e Ballkanit Perëndimor. Një hap tjetër është se BE do perfshijë me shumë shtetet anëtare me monitorimin e ecurisë dhe procesi do jetë më i parashikueshem. Ne do të shikojmë të gjitha detajet, kriteret dhe kushtet qe çdo aspirant duhet të permbushë. Procesi do jetë më dinamik, do krijohen kapituj të ndryshëm”, tha ambasadori Soreca.

Ndër të tjera në fjalën e tij Soreca ka theksuar se tashmë me hartimin e metodologjisë së re, puna është e ndarë në 6 fusha kryesore të cilat do të kenë nga 35 kapituj secili. Kjo metodologji po diskutohet në Komision dhe me mendje se kjo tashmë i përmbush kërkesat e shteteve anëtare dhe ne mendojmë se po ecim në rrugën e duhur për çeljen e negociatave në pranverë.

“Procesi do të jetë më dinamik kjo do të bëhet përmes grupimeve të kapitujve, ne do të kemi 6 fusha me 35 kapituj, edhe për negociata puna do jetë më gjithpërfshirëse dhe s’do jetë e ndarë. Është bërë një thirrje që shetet anetarë ta kthejne pas procesit e negocimit ne rast se do kete hapa pas. Pra BE do mund te pezulloje negociatat nëse kjo do jetë e nevojshme, kjo metodologji po diskutohet në Komision dhe me mendje se kjo tashmë i përmbush kërkesat e shteteve anëtare dhe ne mendojmë se po ecim në rrugën e duhur për celjen e negociatave në pranverë”, është shprehur ambasadori i BE-së./abcnews.al

otg.jpg
in a14:44 | 07/02/2020

Kryediplomati i BE në Tiranë, Luigi Soreca ka deklaruar se është në monitorim të situatës përsa i përket operacionit “Forca e Ligjit”. Soreca tha se shumë shpejt do të ketë një takim me kreun e SPAK për t’u siguruar që ligji të zbatohet në përputhje të plotë me të drejtat e njeriut.

Nga pika kufitare e Kakavijës për operacionin “Forca e Ligjit”, kryediplomati i BE deklaroi se ky ligj i posaçëm aplikon parimin e rëndësishëm të ndjekjes së parasë.

“Më pyesni sikur unë jam prokuror apo në krye të operacionit Forca e Ligjit, por unë nuk jam. Ajo që mund të them është se ky ligj i posaçëm aplikon parimin e rëndësishëm të ndjekjes së parasë. Ligji është i qartë me subjektet e tij. Për ne të BE është e rëndësishme mënyra si do zbatohet dhe po zbatohet ligji. Ne po e monitorojmë nga afër zbatimin e këtij ligji. Së shpejti do të takohem me kryetarin e SPAK, ligji duhet zbatuar në përputhje të plotë me të drejtat e njeriut”, tha Soreca.

Ndërkohë kreu i Policisë së Shtetit, Ardi Veliu, tha i vendosur se nuk do të bëhet asnjë tolerim: “Nuk do të ketë asnjë tolerancë për të gjithë ata presona, që do të jenë subjekt i paketës “Anti KÇK”. Akti normativ ka vetëm pesë ditë që është duke u implementuar dhe ka fuqi zbatimi deri në fund të dhjetorit. Çdo preson që do jetë pjesë e këtij akti, do jetë pjesë e hetimeve dhe nuk do të ketë asnjë tolerancë”, deklaroi Veliu./abcnews.al

Luigi-Soreca-675x450-1.jpg
eri Ida19:39 | 05/02/2020

Ambasadori i BE në Shqipëri Luigi Soreca, ka reaguar pas propozimit të KE për metodologjinë e re të zgjerimit, duke e quajtur një lajm të mirë.

Përmes një postimi në Twitter, Soreca thekson se kjo metodologji çon përpara anëtarësimin në BE dhe inkurajimin e zhvillimit të reformave.

Gjithashtu në reagimin e tij ambasadori i BE-së në Tiranë  rikujton se 2020 është një vit kyç për Shqipërinë dhe të ardhmen e saj europiane.

“Propozimi i Komisionit Evropian për një metodologji të rishikuar për procesin e pranimit është një lajm i mirë për të ardhmen e BE-së të Shqipërisë. Ajo çon anëtarësimin në BE përpara, dhe gjithashtu do të përmirësojë dhe inkurajojë zhvillimin e reformave. 2020 është një vit kyç për Shqipërinë”, shkruan Soreca./abcnews.al

EPDsknEWsAAK4zj.jpg
So Nila17:40 | 24/01/2020

Ambasadori i Bashkimit Evropian, Luigi Soreca ka reaguar pas vizitës së Presidentit të Këshillit Europian, Charles Michel, këtë të premte në Tiranë.

Ambasadori  Soreca përmes një npostimi në rrjetin social Tëitter shkruan se Michell ishte  e rëndësishme dhe se dha sinjal të fortë që zgjerimi është përparësi për BE.

“Sapo përcolla presidentin e Këshillit Europian Michel në fund të vizitës së tij të rëndësishme sot në Tirane. Sinjal i fortë që zgjerimi është përparësi për BE-në.  Shqipëria duhet të vazhdojë të zbatojë reformat në funksion të vendimit të rëndësishëm të pranverës së ardhshme për hapjen e negociatave“, shkruan ambasadori i BE-së.

Ndërkohë Presidenti i KE, Charles Michel në fjalën e tij në konferencën e përbashkët përshtyp me kryeministrin Edi Rama ka theksuar se  në javët në vijim në Bruksel do të zhvillohet një debat, i cili do të bazohet në një strategji me tre shtylla, ku do të përfshihen formulimi i modernizimit të zgjerimit, për negociatat e Shqipërisë dhe Maqedonisë së Veriut./abcnews.al

Screenshot_5-3.png
R D11:06 | 20/01/2020

Në tetor Shqipëria ngeli në provimin e Brukselit, pasi jo vetëm nuk u hapën negociatat, por Bundestagu gjerman vendosi 9 kushte që duhen plotësuar nga Shqipëria deri në Maj 2020, kur mbahet Samiti i i Zagrebit.

Këtë përsëriti sot në Tiranë ambasadori, Luigi Soreca, gjatë ceremoninë për Presidencën kroate të BE-së. Ai tha se puna që po bëhet për metodologjinë nuk do të ndikojë procesin. Sipas tij  Shqipëria dhe Maqedonia e Veriut duhet të avancojnë me bisedimet për anëtarësim.

“Presidenca kroate është kyçe për Shqipërinë. Pas samitit të Zagrebit, komisioni do të miratojë raportin vjetor dhe përparësi për Shqipërinë do të jenë rezultatet për reformën në drejtësi; Ngritja e Gjykatës Kushtetuese, plotësisht funkionale dhe plotëimi i Reformës Zgjedhore sipas rekomandime të OSBE/ODIHR. Kemi pasur një dialog të mirë politik për këtë të fundit dhe presim që koha që ka mbetur të shfrytëzohet në maksimum. Do të ishte gabim për Shqipërisë që të shkojë e papërgatirur deri në Samitin e Zagrebit”, tha Soreca. /abcnews.al

kuko-8.jpg
ent ela19:53 | 22/11/2019

Zv.ministrja e brendshme Romina Kuko ka reaguar përmes një postimi në tëiter duke thënë se po aludohet për një marrëdhënie mes saj dhe ambasadorit Soreca.

“Jam e befasuar nga disa media që përgojojnë me një lehtësi të neveritshme emrin tim për hesap të luftës qorre me ambasadorët! Aludimet mbi foto takimesh publike ku kam pasur nderin të përfaqësoj qeverinë në krah të Ambasadorit Soreca janë një paturpësi pa limit që të le pa fjalë!”

Kuko i referohet disa shkrimeve ku ajo është  nxjerrë në krah të ambasadorit Soreca duke aluduar në lidhje me një video. Gjithçka nisi pasi Presidenti Meta tha se kishte video kompromentuese të ambasadorëve.

 

RAKIPI-1280x614.jpg
ent ela09:10 | 22/11/2019

“Kanë filluar të dalin fjalë që mund te jetë Soreca. Nëse kanë një video për Sorecën, që Rilindja i ka dhënë një zv/ministre në përdorim, autoritetet duhet ta nxjerrin dhe ta thonë. Për mua nuk është e rëndësishme nëse është blerë me një dashnore një ambasador i madh këtu, për mua është e rëndësishme pse është një keqbërës ambasadori Soreca”. Kështu shprehet Ylli Rakipi në studion e ABC News, ndërsa i referohet ambasadorëve dhe qëndrimit të ndërkombëtarëve.

Sipas Rakipit, ambasadori Soreca nuk e ka ngritur asnjëherë zërin për çështje që shqetësojnë shqiptarët si kanabisi dhe korrupsioni.

“Një ambasador i cili mendohet se është implikuar. Pse është një keqbërës ambasadori Soreca,? E keni dëgjuar ju të ngrihet e të thotë që Shqipëria është e mbushur me kanabis.

A e ka parë Soreca që Shqipëria ka qenë e mbushur me kanabis, Shqipëria për shkak të krimit, kanabisit është kthyer në vend të rëndësishm të transportit të saj. Këto janë problematikat që opozita politike e cila nuk ekziston duhet t’i ngrerë dhe jo të thotë budallallëqe për ambasadorin”. /abcnews.al

 

KRONIKE-THIRRJET-PER-KUSHTETUESEN-ABC-M1-T1.mpg_snapshot_00.39-1280x720.jpg
ent ela16:34 | 18/11/2019

Bashkimi Evropian në Shqipëri, nuk rreshtohet përkrah kryeministrit, në debatin mbi anëtaret e reja të gjykatës Kushtetuese, duke thënë se BE ofron ekspertizë, por nuk interpreton kushtetutën tonë. Soreca ju bëri thirrje palëve të ulen në dialog për institucione të besueshme.

Edi Rama tha në Parlament se veprimet e mazhorancës për të dërguar Arta Vorpsin në Gjykatën Kushtetuese ishin 100 % në dakordësi me SHBA dhe BE, por Luigi Soreca nuk pranon të mbajë anë, nëse karrigia e gjyqtares i takon Vorpsit apo Xhaferllarit.

Në vend të kësaj, Soreca, kërkon dialog.

“U bëjmë thirrje institucioneve, që të lënë mënyrë konfliktet për Gjykatën Kushtetuese dhe  të ngrenë një institucione të besueshëm. Dialogu është i domosdoshëm në këtë situatë. Ne u bëjmë të gjitha institucioneve të bëhen bashkë dhe të gjejnë zgjidhje në Kushtetutë. Ne japim asistencë teknike dhe nuk mund të vlerësojmë si është zbatuar Kushtetuta”.

Ndërkohë, në komisionin e ligjeve, sekretari i përgjithshëm i Gjykatës Kushtetuese u përball me akuzat se po paguan dy persona për një vend pune.

Aktualisht, me vendim të drejtueses së kësaj gjykate, Vitore Tusha, Arta Vorpsi punon në institucion si më parë, në pozicionen e këshilltares ligjore, ndërsa Marsida Xhaferllari ka marrë statusin e gjyqtares. /abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono