sokol dedja

meto.jpg
in a15:23 | 29/01/2020

Brukseli i ka dhënë shpresë të re qeverive të vendeve që pretendojnë hapjen e negociatave në një kohë më të afërt përmes një metodologjie të re të negoccimit me Bashkimin Europian. Sokol Dedja, zëvendësministër në Ministrinë për Europën dhe Punët e Jashtme, shpjegoi në “ABC News” përfitimet që do të këtë Shqipëria nga kjo metodë e re e negocimit.

“Elementi i parë i rëndësishëm është që miratimi i një metodologjie të hapë rrugën për zhbllokimin e procesit më Shqipërinë dhe Maqedoninë e Veriut, e cila e nxjerr procesin e zgjerimit nga një ngërç që hyri në tetor”, theksoi Dedja.

Metodologjia e re rrit shanset për çeljen e negociatave, por nuk jep garanci.

“Automaticitet nuk mund të ketë sa kohë që do të jetë një vendim unanim i 28 vendeve anëtare. Skenari më optimist është që marrëveshja të arrihet në një kohë të shkurtër”, tha ai.

Negociatat përmes metodologjisë së re duket se do të venë Francën në një pozitë të re në raport me vendet pretendente për çeljen e negociatave.

“Presidenti francez është shprehur publikisht se nëse arrihet miratimi i një metodologjie të re hapet rruga për vendimin pozitiv për Shqipërinë dhe Maqedoninë e Veriut”, u shpreh Dedja.

Mënyra e re e negocimit do të zgjasë më shumë procesin, por do të sigurojë përfitime të tjera që janë të pamundura aktualisht.

“Do të jetë proces i gjatë, sepse nuk është proces i lehtë arritja e të gjitha standardeve europiane. Shtrohet pyetja si të ruhet motivimi i shoqërisë dhe ideja është që të ketë përfitime financiare në bazë të plotësimitt të kushteve”, tha Dedja.

Mbledhja më e afërt e Këshillit Europian është më 25 mars, datë në të cilin pritet vendimi për çeljen e negociatave vetëm nëse institucionet e BE miratojnë metodologjinë e re që do të diskutohet në fillim të shkurtit nga Komisioni Europian./abcnews.al

dedja.jpg
ad min19:52 | 27/05/2019

Zv/ministri i Jashtëm, Sokol Dedja, u shpreh besimplotë këtë të hënë se në raportin e KE-së do të pasqyrohet progresi i Shqipërisë. Ai ishte i ftuar në rubrikën “Mbrëmje ABC” nga Mirela Milori, ku tha se bindja për një vlerësim pozitiv vjen nga arritjet që ka bërë Shqipëria në plotësimin e detyrave të saj.

Sokol Dedja: Bindja mbi një vlerësim pozitiv vjen nga një dialog i vazhdueshëm që kemi me KE, vjen nga arritjet që ka bërë Shqipëria me plotësimin e detyrimeve që kanë të bëjnë me hapjen e negociatave të anëtarësimit. KE e ka bërë vjet një vlerësim mbi arritjet e Shqipërisë në plotësimin e 5 prioriteteve kyçe. Këshilli i Ministrave të Evropës, Këshilli Evropian e mirëpritën atë që edhe ata e quajtën progres të vazhdueshëm të Shqipërisë dhe mbi bazën e këtij vlerësimi përcaktuan rrugën për hapjen e negociatave në Qershorin e këtij viti. Nënvizohet gjithnjë nevoja për progres.

Mirela Milori: Ju jeni besimplotë që është bërë ky progres dhe do të pasqyrohet në raportin e dy ditëve më pas?

Sokol Dedja: Po! Përgjigja e shkurtër është po. Besimplotë që është bërë progresi dhe besimplotë që kjo do çojë në rekomandimin përkatës.

Për sa i përket situatës aktuale politike dhe nëse ajo do pasqyrohet në raportin e KE-së, Dedja tha se Komisioni do të japë vlerësimin e saj pasi funksionimi i dialogut politik është i rëndësishëm në ecurinë e procesit të integrimit.

“Kushtet që lidhen me hapjen e negociatave janë 5 prioritetet për të cilat që vjet u tha që është bërë progres i qëndrueshëm. Vëmendja vjet u veçua te Reforma në Drejtësi. Patjetër komisioni do japë vlerësimin e vet dhe mbi situatën politike dhe mbi dialogun politik, mbi funksionimin e parlamentit.. Funksionimi i dialogut politik është shumë i rëndësishëm në ecurinë e mëtejshme të procesit e integrimit”, tha Dedja.

Mirëpo Evropa i është nënshtruar zgjedhjeve dhe për pasojë pritet të rikonfigurohet Parlamenti Evropian. Dedja e konsideroi këtë atmosferës si të vështirë dhe sfiduese për marrjen e vendimit në lidhje me çeljen e negociatave. Megjithatë sipas tij këto janë faktorë që nuk varen nga Shqipëria./abcnews.al

BYRO-POLITIKE-DT-17-PRILL.mpg_snapshot_17.35-1280x720.jpg
ent ela22:11 | 17/04/2019

Zëvendësministri për Europën dhe Punet e jashtme Sokol Dedja sqaroi në studion e Byro Politike bazat dhe kriteret ku mund të vendoset regjimi i vizave. Sipas tij ka një rregullore dhe janë 4 kritere ku mund të vendoset regjimi i përkohshëm dhe përcaktohet se mbi ç’baza miratohet kjo.

“Duhet të ketë rritje masive të emigracionit të paligjshme, ose rritje e kërkesave për azil, ose një rritje e adresimti të emigrantëve të parregullt, ose rritje e akteve kriminale me origjinë nga vendi në fjalë që të bëjë kërcënim serioz për vendet anëtare”.

Sipas tij nuk ekziston asnjë bazë ligjore që qeveria holandeze t’ia kërkojë aktivizimin e pezullimit të vizave Komisionit Evropian.

“Situata e krimit shqiptar është në rënie. Jo vetëm nuk kemi rritje masive, por kemi rënie të krimit me origjinë nga Shqipëria në Hollandë.

Për të evituar edhe panikun e panevojshëm nuk ekziston asnjë bazë që qeveria holandeze t’ia kërkojë aktivizimin e pezullimit të vizave.

Nuk ka asnjë bazë ligjore për t’ia kërkuar Komisionit Evropian. Qeveria holandeze është në situatë komplekse. Nga njëra anë ka kërkesën e parlamentit dhe nga ana tjetër nuk ka bazë ligjore për t’ia kërkuar Komisionit Evropian”. /abcnews.al

sokol-dedja.jpg
ad min15:29 | 30/06/2018

Ministrat e Jashtëm të vendeve anëtare të BE-së të mbledhur gjatë kësaj jave, vendosën nisjen e bisedimeve për çeljen e negociatave për Shqipërinë dhe Maqedoninë në Qershor të vitit 2019. Kjo është dhe tema e intervistës që trajton “Balkan ABC” këtë jave me Sokol Dedjan, drejtor i drejtorisë së BE-së, në ministrinë për Europën dhe Punët e Jashtme të përgatitur nga Bruna Cifligu./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono