sokol cikalleshi

Lenjani.jpg
Igli Nikolli16:37 | 18/01/2020

Sion zhvilloi një ndeshje miqësore sot ndaj Yverdon dhe takimi u mbyll në barazim 1-1. Ermir Lenjani ishte autori i golit, teksa i dhuroi avantazhin Sionit në minutën e nëntë. Pavarësisht se Yverdon luajti me një lojtar më pak në 15 minutat e fundit, ia doli të barazonte shifrat në minutën e 83-të.

Në fushë zbriti edhe Sokol Cikalleshi. Sulmuesi i kombëtares u aktivizua gjatë gjithë ndeshjes për Akhisaspor në duelin jashtë fushe kundër Adanaspor.

Përballja u mbyll pa gola dhe ekipi i bomberit kavajas siguroi një pikë, që e ngjit në vend të katërt në divizionin e dytë të futbollit turk. Akhisaspor numëron 28 pikë, dy më pak se vendi i dytë që të rikthen në elitë. /abcnews.al

andoni.jpg
Vladimir Prenga17:25 | 15/12/2019

Armando Sadiku dhe Sokol Cikalleshi nuk ia kanë dalë të shënojnë në ndeshjet e sotme me skuadrat e tyre. Kavajasi ishte në fushë nga fillimi në fund me Akhisarspor, që barazoi pa gola në transfertë me Balikesirspor. Sulmuesi i kombëtares mori një karton të verdhë në minutat shtesë.

Edhe Sadiku e nisi nga fillimi me spanjollët e Malaga, që barazuan 0-0 me Extramadura. Sulmuesi luajti 89 minuta, kurse mesfushori Keidi Bare qëndroi në fushë deri në fund. Një pikë në transfertë për Malaga, që kërkon t’i largohet sa më parë zonës së ftohtë.

Nëse dy sulmuesit e kombëtares sonë nuk shënuan dot në Spanjë e Turqi, është një mesfushor shqiptar që ka realizuar gol. Faton Andoni, me penallti realizoi për AEL Larissa, që u mund në shtëpi me Atromitos me rezultatin 1-2. / abcnews.al

cikalleshi-1.jpg
Vladimir Prenga15:37 | 16/11/2019

Sokol Cikalleshi i mungon kombëtares nesër me Francën, për shkak dëmtimi. Sulmuesi kavajas i shënoi francezëve në ndeshjen e parë me penallti, ndërkohë që tani do të jenë të tjerë ata që do e tentojnë diçka të tillë.

Cikalleshi, në golat që ka shënuar është shërbyer edhe nga Odise Roshi. Fieraku ka dhuruar shpesh asiste për shokët e skuadrës, ndërkohë që në një foto të postuar në instagram, sulmuesi i Akhisarspor i ka kthyer borxhin “raketës” kuqezi.

Sigurisht duke i thurur elozhe, teksa komenton kështu te fotoja e Roshit: “Të gjithë në rresht për një asist, Odise Roshi”. /abcnews.al

Shqiperi.jpg
Vladimir Prenga08:57 | 10/11/2019

Shqipëri përballet me Andorrën dhe Francën, ndërkohë që sot pritet të publikohet lista e futbollistëve. Trajneri Edoardo Reja do të dalë në konferencën dhe nën urdhrat e tij nuk do të jenë disa lojtarë për këto dy sfida.

Mërgim Mavraj, për shkak të një dëmtimi në shpatull nuk do të jetë me kuqezinjtë. Kjo dihej, ashtu sikurse edhe mungesa e të riut Marash Kumbulla. Armando Sadiku gjithashtu vijon periudhën e rikuperimit në Spanjë dhe trajneri Reja i bën llogaritë pa të.

Së fundmi italiani ka marrë lajme jo të mira edhe nga dy lojtarë të tjera. ABC News mëson se Sokol Cikalleshi nuk do të jetë në ndeshjet me Francën dhe Andorrën. Ai është dëmtuar në takimin e fundit me Akhispor.

Nuk dihet shkalla e dëmtimit, por ai është zëvendësuar dhe pret të kryejë kontrollet mjekësore. Gjithashtu edhe Amir Abrashi nuk do të jetë pjesë e listës së kombëtares, për shkak dëmtimi. Ai vijon përgatitjen i diferencuar te Freiburg. /abcnews.al

Bakaj.png
Igli Nikolli16:46 | 09/11/2019

Shakhtyor Soligorsk shkatërroi 5-1 në shtëpi Slavia Mozyr dhe renditet përkohësisht në vend të dytë. Elis Bakaj ishte autori i njërit prej golave. Sulmuesi 32-vjeçar shënoi golin e katërt të ekipit të tij, teksa dhuroi asistin e golit të dytë. Rrjeta e 10 në këtë sezon për Bakajn, i cili numëron edhe 9 asiste të dhuruara në kampionatin bjellorus.

Sokol Cikalleshi u aktivizua si titullar me Akhisarspor, që doli i pamposhtur nga transferta kundër Erzurum. Sulmuesi i kombëtares u aktivizua 52 minuta në ndeshjen e sotme. Takimi u mbyll pa gola dhe të dy ekipet morën nga një pikë.

Akhisarspor renditet në vend të dytë në divizionin e dytë të futbollit turk, dy pikë më pak se kryesuesit e Hatayspor. Fitorja e dytë rresht në kampionat edhe për Menemensporin e Gentian Selmanit.

Ish-portieri i Laçit u aktivizua si titullar dhe ndihmoi ekipin e tij të fitojë 1-2 në fushën e Istanbulspor. Menemenspor numëron 17 pikë dhe është një pikë larg pozicionit që të dërgon në Superligën turke.

Feston edhe Kristi Qose. Mbrojtësi 24-vjeçar u  rikthye në fushën e blertë pas një muaji dhe zbriti në fushë në minutën e 88-të për Ruzomberok, që fitoi 1-2 kundër Zilinës së Besim Demirit (aktivizua gjatë gjithë ndeshjes dhe u ndëshkua me karton të verdhë). /abcnews.al

cikalleshi-1280x853.jpg
Vladimir Prenga23:39 | 11/10/2019

Sokol Cikalleshi analizoi ndeshjen me Turqinë, që Shqipëria e humbi pas një goli të pësuar në fund. “E kishim planifikuar t’i bënim presing lart Turqisë dhe i vumë në vështirësi. Na duhej të fitonim, por nuk ia dolëm. Në fund e pësuam, nuk ka rëndësi kush ka faj. Kemi të gjithë”.

“Rasti i Manajt? Kur mbaron ndeshja mund të gjejmë shumë gjëra për të analizuar. Mund të shënonte, mund të pasonte. Është moment dhe unë e kuptoj. Në të qindtat e sekondës duhet të vendosësh”, deklaroi sulmuesi në Supersport.

VESELI – Mbrojtësi i Empolit tregoi një formë të mirë në fushë dhe pas ndeshjes me Turqinë tha: “Do e shikoj ndeshjen në TV edhe njëherë, për të thënë nëse ishte më e mira për mua. Të gjithë jemi të zhgënjyer nga humbja, jemi mërzitur. Kishim mundësi të fitonim dhe e meritonim. Si grup jemi shumë mirë dhe kjo shihet në fushë, kur ndihmojmë njëri-tjetrin. Kemi lojtarë me kualitet. Kemi gjëra për të përmirësuar, por mund të shohim përpara”.

“Panucci? Nuk di të them. Pavarësisht nga trajneri, atmosfera duhet të jetë e mirë. Nuk mund të them ‘Ah të kishte ardhur më herët Reja’. Ndihemi mirë dhe kjo është ajo që mund të them”, tha Veseli për Supersport. /abcnews.al

Cikalleshi.jpg
Igli Nikolli13:18 | 07/10/2019

Sokol Cikalleshi po kalon një moment shumë të mirë në karrierë. Sulmuesi kavajas ndodhet në formë të mirë dhe deri tani ka shënuar 4 gola me ekipin e Akhisarsporit në ligën e dytë turke.

29-vjeçari gjeti golin në dy ndeshjet e fundit të kombëtares, atë përballë Francës dhe Islandës. Ai është një prej lojtarëve të përzgjedhur për konferencën e sotme për shtyp, aty ku prek disa tema gjatë prononcimit të tij.

FORMA – “Një sulmues golat e motivojnë dhe na bëjnë të luftojmë e të punojmë më shumë për në vazhdim. Ndjehem shumë mirë dhe jam gati të jap maksimumin në kombëtare.”

TURQIA – “Është një nga ndeshjet më të vështira. Turqia vjen favorite, sepse luan në fushën e saj. Do të shkojmë të bëjmë ndeshjen tonë. Ndjehemi shumë mirë. Do ta përgatisim mirë por do shkojmë për fitore, edhe pse e dimë vështirësinë. Islanda ishte një finale për ne. Bëmë gjysmën e punës, por pa një rezultat në Turqi nuk dot vlejë ajo ndeshje. Është shansi jonë i fundit për kualifikim. Morali është i mirë. Pa njërën nuk vlen tjetra dhe duhet të shkojmë në Turqi e të marrim rezultat pozitiv.”

OBJEKTIVI – “Ëndrra për kualifikim është e vështirë. Edhe po të marrim rezultat pozitiv në Turqi nuk do të thotë që do e kemi të lehtë me Andorrën dhe Moldavinë. Edhe Turqia fitoi në fund me Andorrën. Jemi në rrugën e duhur dhe ardhja e trajnerit Reja na ka bërë mirë. Edhe në aspektin personal ndihem mirë. Mund të hedhim bazat për Botërorin, por më parë të tentojmë Evropianin.”

MINUTAT – “Të gjithë lojtarët po marrin minuta dhe po aktivizohen me ekipet e tyre. Kjo është një nga arsyet më te rëndësishme që do jemi mirë në fushën e lojës dhe do japim maksimumin me Turqinë. Ne sulmuesit kemi shënuar pothuajse të gjithë. Uroj të jetë një ogur i mirë dhe të na ndihmojë për ndeshjen me Turqinë.”

NJOHJA – “Kam 4 vite në Turqi dhe kam luajtur me disa lojtarë të kombëtares turke. Janë një ekip i fortë. Nuk them se do të jem pikë referimi nëse luaj, atë e di trajneri, por besoj se do të jetë një ndihmesë për mua, pasi i njoh lojtarët e Turqisë.”

VËSHTIRËSIA – “Duhet të jemi koshient që Turqia ka lojtarë të mirë. Ka lojtarë që luajnë në kupat e Evropës dhe në kamionate shumë të forta. Edhe ne kemi lojtarët tonë. Fusha i bën favoritë ata. Fituan edhe në Shkodër, por ishte një moment jo i mirë dhe mund ta anashkalojmë. Turqia është një ekip cilësor dhe mendoj se është në momentet e mira të saj. Kjo nuk na frikëson dhe do shkojmë atje të bëjmë lojën tonë e të tentojmë fitoren.”

REJA – “Me trajnerin Reja, flas në aspektin personal, jam ndjerë mirë. Kam gjetur vetveten, po shënoj dhe do isha i lumtur nëse vazhdon me ne. Besoj se shumë lojtarë të tjerë e mendojnë kështu, por vendos Federata. Unë do të isha i lumtur nëse do të vazhdonte me ne.”

DËMTIMI – “Hysaj mund të mungojë sepse folëm pak me të. Është një humbje e madhe për ne, pa diskutim. Hysaj është një nga lojtarët kryesorë të ekipit. Kundër Islandës bëri një ndeshje ndër më të mirat e tij dhe shënoi. Aty mund të luajë Roshi dhe uroj të mos e ndjejmë mungesën e Hysajt me Turqinë.” /abcnews.al

cika.png
Vladimir Prenga14:58 | 29/09/2019

Akhisarspor është në rrugë të mbarë për t’u kthyer në Superligën turke dhe Sokol Cikalleshi po jep kontributin e tij. Sulmuesi kavajas ka shënuar dy gola në ndeshjen kundër Karagumruk.

Skuadra e kavajasit fitoi 2-3 në transfertë dhe mori fitoren e katërt sezonale, duke u renditur në vendin e parë në klasifikim. Cikalleshi shkon në kuotën e katër golave, aq sa ka shënuar edhe shoku i tij i ekipit, Burhan Eser. /abcnews.al

edi-rejajj.jpg
ad min11:53 | 11/09/2019

As edhe një fitore 4-2 nuk e kënaqi plotësisht trajnerin e kombëtares, Edi Reja. Italiani pati kritika për golat e pësuar, ndonëse u ndje i lumtur për reagimin e ekipit.

Doli krejt si papritur në zonën e intervistave. Vëmendja u zhvendos menjëherë nga Sokol Cikalleshi tek Edi Reja, por fillimisht, trajneri i kombëtares pati një ankesë pasi u pengua.

“Po si mund të vendoset kjo tavolinë këtu, për cilin është kjo tavolinë këtu? Epo mirë, le të flasim për ndeshjen”.

Pyetja e parë ishte pikërisht për Cikalleshin.

“Nëse ai dëshiron të luajë, duhet të shënojë gola, të ndihmojë mesfushën, dhe madje edhe mbrojtjen. Ndryshe, me mua nuk luan. Sokoli është i fortë, dhe mund t’ia dalë. Ka kohë që nuk luan në klubin e tij, por sot bëri 90 minuta , po ashtu luajti 30 minuta në Paris. Kjo, sepse ai është profesionist, kujdeset për veten. Por, duhet të përmirësohet, sepse humbi më shumë topa sesa duhet”.

Fitorja ishte çlirim, por Reja nuk u duk shumë entuziast, as plotësisht i kënaqur.

“Përtej 4 golave, për të cilët jam shumë i lumtur, nuk pranoj dot që të pësojmë dy gola. Nuk pranoj golin e pësuar në fillim të pjesës së dytë. Një skuadër e mirë nuk pëson gol të tillë, sepse e rrezikuam veten seriozisht. Kjo, sepse Islanda ka cilësi fizike superiore ndaj nesh. Sidoqoftë, lojtarët u treguan të zotët që ruajtën zotërimin e topit”.

Pavarësisht kritikave, italiani e vlerësoi lart skuadrën e tij.

“Nuk më intereson edhe aq fitorja, por më intereson shpirti i garës që tregoi skuadra, reagimi që ajo bëri, dëshira për të fituar. Luftoi për çdo top, dhe është pikërisht kjo që tregon se je skuadër. Suksesi im si trajner ishte ky, që lojtarët reaguan, dhe që kemi një raport shumë të mirë me njëri-tjetrin, që punojnë shumë mirë. Nuk më interesoi shumë fitorja, por fryma dhe uniteti që u rikthyen. Kjo do të thotë se jemi një skuadër”./ABC News Albania 24/7

cikalleshi.jpg
ad min14:45 | 29/08/2019

Sokol Cikalleshi mund të transferohet në Serinë A të Italisë. Sulmuesi i kombëtares pëlqehet nga klubi i Leçes.

Nuk është aspak i vjetër, por zakonisht kulmi profesional arrihet më shpejt. Duket se është rezervuar në moshën 29-vjeçare që Sokol Cikalleshi të luajë në një nga 5 kampionatet më të fortë të botës, në atë italian.

Sulmuesi i kombëtares shqiptare pëlqehet nga Leçe, një klub ndoshta jo i madh, por gjithsesi pjesë e Serisë A.

Drejtori sportiv i puljezëve, Mauro Meluzo, kërkon të forcojë ende një skuadër që ka nevojë të përballojë nivelin elitar dhe njëri prej emrave që ka në tavolinë, është edhe ai i shqiptarit.

Leçe dëshiron të mbijetojë në Serinë A, por nuk do ta ketë aspak të lehtë siç e tregoi humbja 0-4 në fushën e Interit, ndërsa trajneri Fabio Liverani ka nevojë për alternativa në mbrojtje e në sulm.

Kavajasi luan që prej vitit 2015 në Turqi, ku ka veshur fanelat e Istanbul Bashaksehirit, Akhisarit, Osmanlisporit e Gëztepesë, ndërsa ka pasur përvojë në Kroaci me Splitin dhe në Korenë e Jugut.

Në Shqipëri, u aktivizua me katër skuadra, Besën, Skënderbeun, Tiranën e Kukësin. Në total, ai ka luajtur gati 300 ndeshje për klubet dhe ka shënuar gati 90 gola. Me kombëtaren ka 31 ndeshje e tre gola, që nga viti 2010, duke qenë sërish njëri nga sulmuesit kryesorë, me trajnerët Kuzhe, De Biazi apo Edi Reja./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono