Slloveni

shqiperia-stervitje.jpg
Veronik Istrefaj12:27 | 30/12/2019

Shqipëria do të luajë miqësoren e parë për vitin 2020 në muajin mars. Kuqezinjtë e drejtuar nga Edoardo Reja do të udhëtojnë drejt Italisë për tu përballur me Slloveninë. Kjo miqësore u konfirmua nga faqja zyrtare e Federatës Shqiptare të Futbollit.

Konfirmimi i FSHF-së:

Skuadra kombëtare e futbollit, e drejtuar nga trajneri Edoardo Reja, do të zhvillojë një ndeshje miqësore me Slloveninë, në datën 30 mars 2020.

Federata e Futbollit ka dakortësuar së bashku me homologët e Sllovenisë, që sfida të zhvillohet në fushë neutrale. Kjo miqësore do të zhvillohet në Itali, pikërisht në stadiumin e Udineses, “Dacia Arena”, ora 20:45.

Detajet e biletave dhe pikave të shitjes për të gjithë sportdashësit kuqezi, do të komunikohen në ditët në vijim./abcnews.al

cekici-demtim.jpg
Vladimir Prenga09:13 | 04/12/2019

Endri Çekiçi është dëmtuar në ndeshjen e fundit që Olimpija Ljubjana fitoi në transfertë ndaj Bravo. Mesfushori me tipare sulmuesi i klubit slloven luajti rreth 20 minuta dhe më pas u zëvendësua, pasi nuk mund të luante.

Klubi slloven ka bërë me dije se Çekiçi nuk do të luajë në ndeshjen e fundit me Domzale, duke mbyllur vitin jashtë fushës së blertë. Ende nuk jepen detaje mbi dëmtimin që pogradecari ka pësuar. Me shumë mundësi do të jetë gati për pjesën e dytë të sezonit, në muajin shkurt.

Çekiçi është një nga lojtarët më të rëndësishëm të Olimpija Ljubjana, teksa vijon edhe sivjet të shënojë rregullisht. Mesfushori 23-vjeçar ka gjetur 7 herë rrugën e rrjetës, po aq sa shoku i tij i skuadrës, Menalo. Më shumë (16 gola) ka realizuar vetëm sulmuesi kryesor i sllovenëve, Vukusic. /abcnews.al

Cekici.png
Vladimir Prenga19:18 | 20/11/2019

Endri Çekiçi po spikat në Slloveni me NK Olimpija Ljubljana, ku u transferua janarin e shkuar. Pogradecari po shënon gola të rëndësishëm për klubin slloven dhe në merkaton e ardhshme edhe mund të ketë ndonjë transferim tijin.

Deri më tani ai ka shënuar 7 gola në kampionat dhe disa prej tyre nga distanca. Klubi slloven së fundmi ka postuar pesë prej tyre, të konsideruar si më të bukurit. Olimpija Ljubjana nuk dëshiron vetëm që tifozët t’i shijojnë golat, por edhe të zgjedhin më të bukurin. /abcnews.al

Belgjika.png
Veronik Istrefaj19:58 | 16/11/2019

Janë mbyllur gjashtë sfidat e para të planifikuara për sot, të vlefshme për kualifikueset e Euro 2020. Qipro-Skoci u mbyll me rezultatin 1-2, një sfidë ku të dyja skuadrat ishin pa objektiv dhe të eliminuara.

Belgjika ka shkatërruar Rusinë me rezultatin 1-4, në tokën ruse. Thorgan Hazard shënoi golin e parë, ndërsa Eden Hazard shënoi një dopietë. Goli i katërt mbajti firmën e Lukakut. As ky rezultat nuk ndikoi shumë, pasi si Rusia, ashtu dhe Belgjika, ishin të kualifikuara.

Uellsi ka marrë një fitore shprese 0-2 përballë Azerbajxhanit, duke u ngjitur në vend të tretë me 11 pikë. Kroacia e vendit të parë ka 14 pikë, ndërsa Hungaria në vend të dytë 12.

Triumf me shpresë kualifikimi ka marrë dhe Sllovenia. Falë një autogoli, sllovenët arritën të mposhtnin 1-0 Letoninë, duke u ngjitur në kuotën e 14 pikëve. Polonia në vend të parë ka 19 pikë, ndërsa Austria në të dytin 16./abcnews.al

de.jpg
in a15:15 | 14/11/2019

Kompania sllovene e autostradave Dars ka publikuar pamjet e një aksidenti të rëndë automobilistik. Në pamje shihet vetura e cila godet kamionin duke e nxjerrë nga rruga.

Për pasojë ka gjetur vdekjen shoferi i kamionit, 53-vjeçari hungarez.

Kamioni, së bashku me shoferin, pas përplasjes ka rënë në një humnerë rreth 20 metra thellësi, raporton Nezavisne Novine.

Mësohet se shoferi i makinës së pasagjerëve Opel Corsa u përplas me kamionin për shkak të një shpejtësie së pa kontrolluar, por vet ai nuk ka pësuar ndonjë lëndim.

Kompania sllovene e autostradave Dars i publikoi këto pamje si një paralajmërim për drejtuesit që nga pakujdesia gjatë drejtimit të mjetit sjell pasoja fatale./abcnews.al

Cekici.png
Vladimir Prenga17:12 | 11/11/2019

20 gola të shënuar në Slloveni në fundjavë, dy prej golave mbajnë emrin e Endri Çekiçit. Mesfushori me tipare sulmuesi, i përfshirë në listën e pritjes së kombëtares shqiptare, golin e parë e realizoi me një goditje dënimi.

Olimpija Ljubjana mposhti 2-0 Tabor Sezana dhe pogradecari ishte protagonist edhe me një penallti të humbur. Në Slloveni ndërkohë kanë përzgjedhur edh tre golat më të bukur të javës dhe në podium është edhe i Çekiçit.

Goli më i bukur është ai i shënuar nga lojtari i Celje, Zan Benedicic, me një predhë të lëshuar nga rreth 35 metra. I dyti ishte i mesfushorit shqiptar, ndërsa vendin e tretë e ka zënë Luke Bobicanca. Ky i fundit shënoi direkt nga këndi. /abcnews.al

Cekici.jpg
Vladimir Prenga18:40 | 19/10/2019

Endri Çekiçi shënoi një tjetër gol në Slloveni. Pogradecari realizoi në fitoren që Olimpija Ljubjana arriti në shtëpi me skuadrën e Rudar. Gjashtë gola të realizuar dhe ishte futbollisti shqiptar ai që tundi rrjetën për herë të fundit.

Një minutë para përfundimit të kohës së rregullt ai mori përsipër ekzekutimin e një goditjeje dënimi, në një distancë të konsiderueshme. Mesfushori me tipare sulmuese mori vrull dhe e dërgoi topin drejt e në rrjetë. Një gol mjaft i bukur i Çekiçit, i pesti në kampionat për këtë sezon. /abcnews.com

PALMER-NE-FORUMIN-E-BLED.mpg_snapshot_00.09-1280x720.jpg
ent ela08:55 | 04/09/2019

Shtetet e Bashkuara të Amerikës mbështesin çeljen e negociatave në Tetor për Shqipërinë dhe Maqedoninë e Veriut në Bashkimin Europian. Qëndrimi vjen nga i dërguari i posaçëm i Departamentit të Shtetit për Ballkanin Perëndimor Methju Palmer, gjatë fjalës së tij në Forumin Strategjik të Bledit, në Slloveni.

“Kjo është detyra ime, të jem i pranishëm, të udhëtoj përqark Europës e të bashkëpunoj me aleatët tanë, për të arritur qëllimin parësor, që është integrimi i Ballkanit në Bashkimin Europian. Kjo është thelbësore për SHBA-të, për angazhimin amerikan në rajon. Disa nga objektivat më të mëdhenj janë, të ndihmojmë Maqedoninë e Veriut dhe Shqipërinë të sigurojnë çeljen e negociatave me BE në Tetor.”

Zv/ndihmës Sekretari Amerikan i Shtetit foli edhe per dialogun mes Kosovës dhe Serbisë, duke u bërë thirrje të dyja palëve të bëjnë një hap pas nga kushtet e tyre dhe te vazhdojne ne tryezen e negociatave.

Për  Prishtinën zyrtari amerikan perseriti thirrjen per pezullimin e taksës 100% ndaj importeve serbe. Po ashtu Methju Palmer i kërkoi Beogradit të ndalojë fushatën ndërkombëtare për tërheqjen e njohjeve ndaj Kosovës. /abcnews.al

kqzz-1280x717.jpg
ad min15:35 | 28/06/2019

Fletët e votimit për bashkinë e Vaut të Dejës janë shkatërruar thuajse tërësisht nga flakët, ndaj KQZ ka porositur menjëherë fletë të reja nga kompania në Slloveni. Ato parashikohet të vijnë në rrugë tokësore që zgjat rreth 15 orë, ndërsa komisioni ndryshoi edhe vendin ku do të vendoset KZAZ-ja numër 6 që u dogj.

“Për dëmtimin thuajse total të materialeve në KZAZ-në nr.6., Bashkia Vau i Dejës, Qarku Shkodër , KQZ ka marrë masa dhe do të pajisë KZAZ-në nr.6., me të gjitha materialet zgjedhore, përfshirë këtu edhe fletët e votimit për të zhvilluar procesin zgjedhor të datës 30 Qershor. Pavarësisht ngarkesës së shtuar për shkak të problematikes së njohur nga publiku, KQZ ka vijuar si në çdo proces zgjedhor me veprimtarinë për aftësimin dhe rritjen profesionale të komisionerëve të qendrave të votimit”./ABC News Albania 24/7

partizaniiiii.jpg
ent ela11:30 | 27/06/2019

Partizani humbet edhe miqësoren e dytë në Slloveni, këtë herë ndaj skuadrës vendas, Mura. Kampionët e Shqipërisë nuk janë ende në formën e duhur, ndërsa përforcimet po vonojnë.

Nuk dihet se kur do të nisin ndryshimet, por për momentin nuk duken.

Partizani, jo vetëm që ka pak lëvizje përsa i përket transferimeve, por edhe vazhdon me humbjet në miqësore.

Pas disfatës së rëndë 1-5 me Sarajevon, ja ku erdhi e dyta, edhe pse shumë më normale, me shifrat 1-2 ndaj skuadrës sllovene të Murës.

Përballë një kundërshtari me nivel të mirë, si vend i katërt në Ligën e Parë të Sllovenisë, Partizani bëri rezistencë më të fortë sesa me boshnjakët, por gjithsesi doli i humbur.

Vendasit shënuan në pjesën e parë me anë të sulmuesit Amadej Marosha, ndërsa në minutën e 72-të dyfishuan rezultatin me mesfushorin Matic Marushko.

Skuadra e trajnerit Franko Lerda u përpoq dhe iu afrua disa herë portës kundërshtare, madje edhe shënoi, por në pozicion jashtë loje.

Italiani provoi edhe brazilianin Kordeiro Melo të marrë nga Kukësi, ndërsa diferenca u shkurtua vetëm në sekondat e fundit shtesë me anë të shkodranit Çinari.

Tifozët, natyrisht që mbeten të pakënaqur me humbjet, ndërsa presin përforcime.

Pritet marrja e mbrojtësit boshnjak, Muamer Axhem, nga Sloboda e Tuzlës, 26-vjeçar dhe shtatlartë 1.94 metra, që do të zëvendësojë Atandën e larguar për në Izrael.

Problem mbetet gjetja e një qendërsulmuesi. /ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono