skenderbeu

Partizani-Kukësi.png
Igli Nikolli08:14 | 28/10/2019

Tirana dhe Laçi fituan, ndërsa Bylis dhe Teuta ndanë nga një pikë gjatë ditës së djeshme. Sot zhvillohen dy sfidat e fundit të javës së dhjetë në Kategorinë Superiore. Në kryeqytet do të zhvillohet një duel shumë i fortë Partizani pret Kukësin në “Selman Stërmasi” dhe të dyja skuadrat duan ta fitojnë ndeshjen.

“Demat” për të vazhduar kryesimin, ndërsa skuadra verilindore për t’iu bashkuar kundërshtarit të sotëm, Bylisit dhe Tiranës në krye. Kjo do të jetë edhe një sfidë trajnerësh. Lerda dhe Duro i kanë gati strategjitë në një përballje ku taktika do të jetë thelbësore dhe humbja është e papranueshme.

Kjo sfidë nis në orën 18:00, orar në të cilin luhet edhe në Vlorë. Flamurtari vendas e mbylli fazën e parë në vend të fundit dhe pa fitore. Kuqezinjtë nuk kanë zgjedhur ende pasuesin e Dritan Sadedinit dhe sot do të drejtohen nga Luan Birçe, trajneri i portierëve.

Përballë do të jetë Skënderbeu i Dajës. Mbrojtja është pika e dobët e ekipit korçar (e treta më e dobët në Superiore), ndërsa dënimi nga kompeticionet evropiane i bën juglindorët të mos kenë ndonjë objektiv konkret. /abcnews.al

gripshi.jpg
Veronik Istrefaj17:39 | 24/10/2019

Futbollisti i Skënderbeut, Nazmi Gripshi, ishte autori i golit të vetëm për “Ujqërit” në atë humbje 3-1 kundër Partizanit. Pas ndeshjes, anësori foli për Gol pas Goli në Supersport, ku u shpreh: “Kishim pak vështirësi në fillim të takimit, me mesin e fushës. Pastaj, me kalimin e minutave, bëmë më mirë dhe arritëm edhe të shënonim. Në pjesën e dytë, arritëm të shtonim presionin, por u ndëshkuam dhe aq ishte.

Nuk e besoj, pasi ne e nisëm sikur ndeshjen kundër Kukësit. Megjithatë, kishim disa probleme. Taipi pësoi një dëmtim në stërvitje dje, ndërsa Dejvi pati probleme shëndetësore.

Po e vërtetë që Skënderbeu duhet të jetë më lart në lojë, pasi çdo vit e ka krijuar një stil loje në futbollin. Po ta shikojmë golin tim, kam një dedikim special për babin tim. Para ndeshjes, më tha që do të shënoja dhe që duhet t’ia dedikoja atij (qesh). Erdhi momenti që shënova dhe ia dedikova atij. Albani është portieri më i mirë i kampionatit.

Nuk është se ne luajmë pa objektiva, pasi Skënderbeu gjithmonë synon vendet e para në renditje. Nuk jemi këtu për numër. Është normale për një ekip si ne që të luajë lart. Me kalimin e minutave, vazhduam të dilnim në lojën tonë dhe të shtynim përpara. Kjo është filozofia e lojës sonë.

Kur kalova nga Durrësi te Skënderbeu, kisha atë periudhën që nuk po luaja. Isha mësuar në Durrës që të luaja, ndërsa këtu ndalova. Gjithsesi, me kalimin e ndeshjeve arrita të luaja më shumë”, përfundoi Gripshi./abcnews.al

Daja-1.jpg
Veronik Istrefaj17:13 | 24/10/2019

Skënderbeu u mposht në transfertë 3-1 kundër Partizanit ditën e sotme. Tekniku i Skënderbeut, Ilir Daja, foli pas kësaj ndeshje për Supersport në emisionin “Gol pas Goli”, ku u shpreh: “Janë një sërë gjërash që nuk duhet të justifikohen, por Taipi ka ardhur një orë para ndeshjes, pasi kreu një rezonancë. E kishim përgatitur ndeshjen me të.

Luajtën 2 lojtarë të rinj dhe jam shumë i kënaqur me paraqitjen e tyre. Bregu ishte me temperaturë, për aq sa luajti, sakrifikoi. Mungesa e Krasniqit dhe Muzakës ndikojnë. Të gjitha këto faktorë, na detyrojnë të luajmë me lojtarë 18 vjeçarë kundër një ekipi si Partizani, që ka një grup shumë cilësor lojtarësh. Pësuam dy gola në goditje standarte, që ishin më se të evitueshme. Gjithsesi, reaguam dhe filluam të kontrollonim lojën. Por pas gabimit në golin e tretë, u mbyll loja.

Bëmë ndarjen sipas lojtarëve që kemi në dispozicion. Në mbrojtje kemi pasur shuëm mungesa, Dita po luan në mbrojtje. Pëllumbi nuk është mbrojtës i majtë. Me dëmtimin e Turtullit, gjërat na vështirësohen. Marrim shumë gola, pasi kemi një mbrojtje të modifikuar. Përveç mungesave, kemi probleme edhe në mesfushë në organizimin e lojës.

Nëse preson lart, do të kesh probleme si mbrapa, ashtu dhe me hapësirat në mesfushë. Problemi ynë është kohë-ndërhyrja e Ditës, që ka ndërhyrje të një mesfushori, jo mbrojtësi. Edhe te shënimi i golit të tretë, ndikoi mungesa e eksperiencës. Kjo është një pjesë ku nuk ia delegoj lojtarëve, pasi Pëllumbi është 19-vjeç dhe luan në një pozicion të ri. E kishim studiuar Partizanit dhe e dinim që kjo do të ishte një skemë e tyre me anë të Çinarit, por nuk arritëm ta parandalonim.

Kemi dhe politikë të klubit, që kërkojnë të promovojmë sa më shumë lojtarë të rinj në treg. Oto Xhon? Përmenda disa emra ku ia vlen të investohen. Janë dhe vetë individët që e meritojnë të luajnë. Doja të komplimentoja Elezin, 18 vjeç, bëri një ndeshje të shkëlqyer kundër një ekipi shumë të fortë. Do ta shikoj me kujdes rastin e Oto Xhon, nuk dua të flas direkt pas ndeshjes kur jemi të mbushur me emocione. Ai është një nga pikat e forta të ekipit, por duhet ta fitojë fanellën e Skënderbeut.

Edhe kur ushtronim presing në linjat anësore, me cciftet e krahut, ndoshta duhet të kishim një kohë më të shpejtë, por prapë arritëm ta vinim kundërshtarin në presing. Megjithatë, bëmë duele të lehta. Ndërsa problematika e Telushit, ishte se deri dje në 5 minutat e fundit të stërvitjes, ka qenë Taipi ai që mendohej ta markonte, por plani u prish me mos aktivizimin e tij.

Të drejtosh Skënderbeun sot, sigurisht që mund edhe të kesh një frikë për një humbje me goleadë. Gjithsesi, sot nuk e kisha këtë frikë, pasi Partizani e lëshoi territorin. Frika e vetme e imja ishte mungesa e balancave në lojë kur dilnim në sulm, pasi linim shumë hapësira. Gjithsesi, lojtarët e kontrolluan lojën dhe nuk kisha aspak frikë”, tha Daja./abcnews.al

belica-feston-golin.jpg
Vladimir Prenga16:53 | 24/10/2019

Partizani në ngjitje. Tre fitore radhazi dhe të kuqtë marrin vendin e parë. Skënderbeu ishte “viktima” e të kuqve, që fituan me rezultatin 3-1. Dy gola të shpejtë të Belicës dhe Telushit i hapën rrugë fitores së të kuqve. Gripshi, me golin e tij, nuk u bë pengesë për Partizanin, që me Çinarin i mbylli të gjitha llogaritë. Skuadra e drejtuar nga Franco Lerda ka shkuar në kuotën e 17 pikë, duke parakaluar Bylisin. Për korçarët situata nuk është e mirë, pasi tani renditet në vendin e shtatë me 13 pikë.

NDESHJA – Të kuqtë u futën në fushë me synimin për të marrë tre pikët dhe shumë shpejt e kanë zhbllokuar ndeshjen. Pas një goditjeje këndi erdhi goli i parë. Lorenc Trashi krosoi në mënyrë perfekte dhe Belica me kokë e devijoi topin drejt e në rrjetë. Festë që në minutën e tretë dhe Partizani vijoi të sulmonte, por korçarët mund të kishin barazuar me Bregun. Vlonjatin e ndali shtylla.

Në të 18′ ishte Telushi që me një goditje dënimi mposhti portierin Koliçi për të dytën herë. Mesfushori shfrytëzoi vendosjen e murit dhe ia doli ta dërgonte topin në rrjetë. Të kuqtë rrezikuan më pas edhe me Bardhin, ndërkohë që në fund Skënderbeu shfrytëzoi përgjumjen e të kuqve dhe me Gripshin hapën takimin.

Diferencat në lojë nuk ishin shumë të mëdha, por golat janë ato që kanë rëndësi. Korçarët gabojnë shumë në mbrojtje dhe Çinari me cilësitë e tij nuk fal, duke shënuar golin e tretë kur kishin kaluar çerek ore lojë nga nisja e pjesës së dytë. Lojëra zëvendësimesh më pas, ndërkohë që Skënderbeu u shfaq rrezikshëm në fund. Hoxha shmangu një gol të Pollozhanit fillimisht, ndërsa më pas pengoi Gripshin, duke e lënë rezultatin 3-1. Me këto shifra u mbyll i gjitha takimi dhe Partizani mori pikët e plota.

KATEGORIA SUPERIORE – JAVA 9
E enjte, më 14 tetor 2019, ora 15:00
Stadiumi “Selman Stërmasi
“, Tiranë

PARTIZANI-SKËNDERBEU 3-1
Shënues:
Belica 3′, Telushi 19′, Çinari 60′ / Gripshi 44′

PARTIZANI: Hoxha, Mala, Boldor, Belica, Trashi (Hakaj 76′), Broja (Idrizaj 73′), Telushi (Romero 65′), Cordeiro, Çinari, Bardhi, Asani. Trajner: Franco Lerda

SKËNDERBEU: Koliçi, Meksi, Dita, Pollozhani, Pëllumbi, Gripshi, Daja, Essien (Elezi 65′), Ndecky (Muja 77′), Bregu (Taipi 39′), Otto John. Trajner: Ilir Daja

Gjyqtarë: Olsid Ferataj, Ergin Doda, Arbër Zalla, Orlando Kuka
Kartonë të verdhë: Telushi 61′, Romero 67′ / Essien 64′

/abcnews.al

Renditja e Superiroes pas fazëes së parë
gol-Partizani.jpg
Vladimir Prenga15:51 | 24/10/2019

Skënderbeu nuk e ka shëruar sëmundjen e pësimit të golave dhe Partizani i ka realizuar dy herë në 45 minuta, me Belicën dhe Telushin. Gjithsesi Gripshi në fund shënoi për korçarët dhe me rezultatin 2-1 gjithçka mbetet e hapur për pjesën e dytë.

Të kuqtë u futën në fushë me synimin për të marrë tre pikët dhe shumë shpejt e kanë zhbllokuar ndeshjen. Pas një goditjeje këndi erdhi goli i parë. Lorenc Trashi krosoi në mënyrë perfekte dhe Belica me kokë e devijoi topin drejt e në rrjetë. Festë që në minutën e tretë dhe Partizani vijoi të sulmonte.

Në të 18′ ishte Telushi që me një goditje dënimi mposhti portierin Koliçi për të dytën herë. Vlonjati shfrytëzoi vendosjen e murit dhe ia doli ta dërgonte topin në rrjetë. Të kuqtë rrezikuan më pas edhe me Bardhin, ndërkohë që në fund Skënderbeu shfrytëzoi përgjumjen e të kuqve dhe me Gripshin hapën takimin.

KATEGORIA SUPERIORE – JAVA 9
E enjte, më 14 tetor 2019, ora 15:00
Stadiumi “Selman Stërmasi
“, Tiranë

PARTIZANI-SKËNDERBEU 2-1
Shënues:
Belica 3′, Telushi 19′ / Gripshi 44′

PARTIZANI: Hoxha, Mala, Boldor, Belica, Trashi, Broja, Telushi, Cordeiro, Çinari, Bardhi, Asani. Trajner: Franco Lerda

SKËNDERBEU: Koliçi, Meksi, Dita, Pollozhani, Pëllumbi, Gripshi, Daja, Essien, Ndecky, Bregu (Taipi 39′), Otto John. Trajner: Ilir Daja

Gjyqtarë: Olsid Ferataj, Ergin Doda, Arbër Zalla, Orlando Kuka

/abcnews.al

teuta-partizani-1280x853.jpg
Vladimir Prenga14:08 | 24/10/2019

Partizani dhe Skënderbeu janë gati të zbresin në fushën e blertë dhe trajnerët Franco Lerda dhe Ilir Daja kanë zgjedhur lojtarët titullarë. Të kuqtë nuk kanë Solomon dhe në sulm do të luajnë treshja Çinari-Bardhi-Asani. Mbrojtja është e njëjta, me Malën në të djathtë. Në mesfushë nuk luan Kote, pasi është tërhequr në qendër Ëilliam Corderio.

Skënderbeu ndërkohë vijon të ketë probleme me dëmtimet dhe në mbrojtje luan sërish Bruno Dita. Essien është risia në mesfushë, kurse në sulm Otto John. Më poshtë ju sjellim formacionet e të dyja ekipeve, të plota.

KATEGORIA SUPERIORE – JAVA 9
E enjte, më 14 tetor 2019, ora 15:00
Stadiumi “Selman Stërmasi
“, Tiranë

PARTIZANI-SKËNDERBEU

PARTIZANI: Hoxha, Mala, Boldor, Belica, Trashi, Broja, Telushi, Cordeiro, Çinari, Bardhi, Asani. Trajner: Franco Lerda

SKËNDERBEU: Koliçi, Meksi, Dita, Pollozhani, Pëllumbi, Gripshi, Daja, Essien, Ndecky, Bregu, Otto John. Trajner: Ilir Daja

Gjyqtarë: Olsid Ferataj, Ergin Doda, Arbër Zalla, Orlando Kuka

/abcnews.al

Partizani-Skenderbeu-1280x695.gif
Igli Nikolli10:39 | 24/10/2019

Fitorja e dërgon në krye të renditjes dhe Partizani do bëjë të pamundurën për ta shfrytëzuar këtë mundësi. Sot në orën 15:00 zhvillohet ndeshja e fundit e fazës së parë në Kategorinë Superiore. Edhe Skënderbeu del në krye në rast të një triumfi, por do e ndajë vendin e parë me Bylis.

Përballja e “Selman Stërmasit” pritet të jetë emocionuese. Këto dy ekipe kanë dhuruar duele të forta dhe tepër të luftuara gjatë viteve të fundit, ndërsa rivaliteti dhe “urrejtja” mes tifozerive kanë qenë në modë. “Demat” vijnë nga fitorja në Shkodër, teksa ekipi korçar ka reaguar pas humbjes 4-0 në të njëjtin qytet.

Renditja e Kategorisë Superiore

Djemtë Dajës fituan përballë Luftëtarit dhe ishin të pafat në barazimin e bardhë kundër Kukësit. Në 12 ndeshjet e fundit të zhvilluara në kryeqytet janë regjistruar këto rezultate: Partizani ka fituar 4 herë, Skënderbeu 3 dhe 5 ndeshje janë mbyllur pa fitues. /abcnews.al

Guerrils.jpg
Veronik Istrefaj20:31 | 23/10/2019

Ultrasit e Partizanit, “Ultras Guerrils”, kanë reaguar pas vendosjes së orarit për sfidën mes Partizanit dhe Skënderbeut. Me anë të një postimi në faqen e tyre zyrtare në Facebook, tifo-grupi i kuq i ka bërë thirrje të gjithë tifozëve të mbështetin skuadrën e tyre në stadium, si dhe ka ironizuar me FSHF-në për vendosjen e këtij orari. Gjithashtu, “Guerrils” kanë thumbuar edhe drejtuesit e klubit, duke iu kërkuar atyre që të mos bëhen palë me ata që bëjnë këto “padrejtësi” ndaj tifozëve. Në njoftimin e tyre, shkruhej:

Njoftimi i “Ultras Guerrils”:

Nesër, e enjte ora 15:00, në orarin më të çuditshëm, i vendosur për arsyet më të çuditshme luhet ndeshja e radhës ndaj Skënderbeut. Dikush duhet të sakrifikojë punën, dikush shkollën, dikush angazhimet e detyrueshme familjare për të qenë prezent. Futbolli nuk luhet për tribunën VIP dhe për kompanitë e transmetimit televiziv me pagesë, luhet për tifozët. Këtë duhet ta kuptojnë drejtuesit e klubit të cilët bëhen palë direkt ose indirekt me këtë padrejtësi që vazhdon prej kohësh ndaj tifozerisë sonë.

Ndeshja e radhës mendohet të luhet të hënën?

abcnews.al

luftetari.jpg
Veronik Istrefaj19:21 | 22/10/2019

Kanë dalë vendimet e Komisionit të Disiplinës për ndeshjet e luajtura në fundjavë. Gjobat janë të shumta për thuajse të gjitha ekipet e Superiores, si dhe disa zyrtarë të ekipeve janë dënuar me disa ndeshje pezullim. Skënderbeu, Vllaznia dhe Luftëtari janë dënuar me gjoba prej 100.000 lekësh.

Agron Bajrami, zyrtari i Luftëtarit, është dënuar me tetë ndeshje pezullim, për sjellje të gabuar në stadium. Trajneri i Luftëtarit, Marantas, është dënuar me 100.000 lekë gjobë./abcnews.al

Vendimet e plota të Komisionit të Disiplinës:

KF “Skënderbeu”, për sjellje të gabuar të spektatorëve, në bazë të Nenit 65/1 të KDS, dënohet me gjobë në masën 100.000 (njëqind mijë) lek.

KF “Vllaznia”, për sjellje të gabuar të spektatorëve, në bazë të Nenit 65/1 të KDS, dënohet me gjobë në masën 100.000 (njëqind mijë) lek.

KF “Luftëtari”, për sjellje të gabuar të spektatorëve, në bazë të Nenit 65/1 të KDS, dënohet me gjobë në masën 100.000 (njëqind mijë) lek.

Zyrtar i KF “Luftëtari”, Agron Bajrami, për sjellje të keqe ndaj zyrtarit të ndeshjes, në bazë të Nenit 48/2/a të KDS, dënohet me 8 (tetë) ndeshje pezullim nga aktivitetet.

Zyrtar i KF “Luftëtari”, Georgios Marantas, për sjellje të keqe ndaj zyrtarit të ndeshjes, në bazë të Nenit 47/3 të KDS, dënohet me gjobë në masën 100.000(njëqind mijë) lek.

Zyrtari i KF “Shënkolli”, Albert Rusit, për sjellje të gabuar ndaj zyrtarit të ndeshjes, në bazë të Nenit 48/2/a) të KDS, dënohet me 8 (tetë) ndeshje pezullim nga aktivitetet.

Lojtari i KF “Mirdita”, Besjan Pepkolaj, për goditje me shkelm ndaj lojtarit kundërshtar në lojë të ndaluar, në bazë të Nenit 47/1/e të KDS, dënohet me 5 (pesë) ndeshje pezullim nga aktivitetet.

Lojtari i KF “Tepelena”, Dhimitros Sakas, për ofendim ndaj lojarit kundërshtar , në bazë të Nenit 47/2/a të KDS, dënohet me 3 (tre) ndeshje pezullim nga aktivitetet.

Lojtari i KF “Butrinti”, Benardo Bazaj, për provokim të publikut,në bazë të Nenit 52/1 të KDS, dënohet me 2 (dy) ndeshje pezullim nga aktivitetet.

Lojtari i KF “Tomorri”, Endri Korroveshi, për goditje ndaj lojtarit kundërshtar, në bazë të Nenit 47/1/e të KDS, dënohet me 9 (nëntë) ndeshje pezullim nga aktivitetet.

Lojtari i KF “Internacional” U-19, Marvi Hasani, për sjellje jo sportive ndaj kundërshtar, në bazë të Nenit 47/1/d të KDS, dënohet me 2 (dy) ndeshje pezullim nga aktivitetet.

Lojtari i KF “Partizani” U-19, Alesio Kolonja, për sjellje jo sportive ndaj lojtarit kundërshtar, në bazë të Nenit 47/1/d të KDS, dënohet me 2 (dy) ndeshje pezullim nga aktivitetet.

Lojtari i KF “Shkëndija Dr” U-19, Fatjon Hasani, për sjellje jo sportive ndaj lojtarit kundërshtar, në bazë të Nenit 47/1/d të KDS, dënohet me 2 (dy) ndeshje pezullim nga aktivitetet.

KF “Teuta” U-17, për akte dhune duke shkaktuar ndërprerjen përfundimtare të ndeshjes kundër KF “Luftëtari” U-17, në bazë të Nenit 64/2/b të KDS, dënohet me humbjen e ndeshjes në tavolinë me rezultatin 3 me 0 dhe 8 (tetë) ndeshje pa spektator në stadium përkatës.

KF “Kukësi” U-17, për mos paraqitje në ndeshje me KF “Beslidhja” U-17, në bazë të Nenit 54/1 të KDS, dënohet me humbjen e ndeshjes në tavolin me rezultatin 3 me 0 dhe zbritjen e 3 pikëve nga klasifikimi.

KF “Kukësi” U 15, për mos paraqitje në ndeshje me KF “Tirana” U-15, në bazë të Nenit 54/1 të KDS, dënohet me humbjen e ndeshjes në tavolinë me rezultatin 3 me 0 dhe zbritjen e 3 pikëve nga klasifikimi.

shkurtaj-pollozhani-1280x853.jpg
Vladimir Prenga23:51 | 21/10/2019

Sulejman Starova, në emisionin “Pressing” në ABC News, ka kaluar në “lupë” edhe Skënderbeun. Trajneri kryeqytetas thekson se korçarët po ecin mirë deri më tani për shkak se nuk ka presion.

“Skënderbeu nuk ka presion psikologjik. Janë mund 4-0 në Shkodër, kanë fituar jashtë. Lojtarët japin maksimumin, stafi po ashtu. Marrin paratë nga bashkia dhe nuk kanë presion. Ndaj edhe janë në këtë renditje. Nuk janë të kompletuar, kanë lojtarë të mirë si Bregu e Krasniqi.

Kanë probleme në mbrojtje. Mund të kenë ambicie të kompletohen në janar. Dita luan qendërmbrojtës. Pollozhani nga drejtor sportiv shkoi të luante futboll. Jo se nuk mundet, është lojtar i zgjuar. Me gjithë respektin, vetëm Flamurtarin të veçuar. Ai presidenti bën presion, por ata s’kanë faj. Mund të marrin ndonjë pikë dhe është meritë. Janë shumë larg skuadrave të tjera”.

“Kam respekt për Idrizin, por lexova që thotë se i ka humbur durimi. Është paradoks. Duhet të mbështesë ata që janë. Ata stërviten dhe me atë grup e ka shumë të vështirë. Janë me kilometra larg skuadrave të tjera. Sukaj nuk mbron dot, mos ndoshta Ribaj e ndihmon tani. Kanë një talent si Rrapaj, që duhet përmendur. Kanë probleme në çdo repart, nuk kanë vazhdimësi. Do rriten, por nuk do ketë kohë”. /abcnews.


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono