skenderbeu

Skënderbeu është mbrojtur sot në Gjykatën Sportive në Lozanë të Zvicrës. Klubi korçar kërkon heqjen e dënimit të UEFA-s, ndërsa vendimi pritet të jepet pas disa javësh.

Udhëtimin drejt Lozanës e bënë me humor të mirë. Drejtuesit e Skënderbeut me presidentin Takaj në krye janë në Zvicër, ku patën seancën dëgjimore të gjyqit me UEFA-n. Kampionët e Shqipërisë në fuqi kërkojnë anulimin e vendimit me 10 vite përjashtim nga kupat e Europës, dhe të gjobës prej 1 milionë eurosh.

Takaj është shprehur se optimizmi është i madh dhe se është i sigurt se klubi I tij do të shpallet i pafajshëm nga akuza për trukim ndeshjesh, ndonëse vendimi i KAS-it pritet të merret më vonë.

Gjithsesi, burime pranë klubit janë shprehur për ABC News, se do të mirëpritej edhe një ulje e dënimit deri në 3 vjet, ndonëse kjo nuk duhet të thuhet publikisht.

Për të fituar gjyqin, korçarët kanë pajtuar një agjenci të specializuar zvicerane, për të cilën besohet se kanë paguar 500 000 euro, ndërsa do të mbështeten tek argumentet se nuk ka prova për trukimet, dhe se nuk është e vërtetuar se kush i ka përfituar paratë e basteve.

Skënderbeu ka bërë me dije se ka pasur ndryshime edhe në panelin e UEFA-s që mori vendimin për dënimin.

Skuadra korçare u akuzua se trukoi disa ndeshje në Ligën e Europës dhe në Champions, qoftë në turet kualifikuese, apo në fazën e grupeve, diçka që vazhdon të mohohet prej drejtuesve./abcnews.al

Një klasike e futbollit shqiptar do të luhet në gjysmëfinalet e Kupës së Shqipërisë. Janë përcaktuar çiftet pas tërheqjes së goglave në selinë e Federatës.

Ishte shorti i fundit për këtë sezon. Kupa e Shqipërisë njohu çiftet gjysmëfinaliste dhe njëri prej tyre mund të quhet klasiku i këtyre viteve në futbollin shqiptar.

Pikërisht Kukësi-Skënderbeu, sfida e dy skuadrave që kanë pretenduar më shumë trofetë të paktën prej 5 vitesh. Ndeshja e parë, me shumë gjasa do të jetë në “Elbasan Arena”, dhe besohet se Skënderbeu mund të quhet i favorizuar nga ky short, por kuksianët nuk janë dakord.

“Besoj që çdo ekip që është në këtë fazë është me ambiciet e veta. Ndeshjen e parë do ta luajmë në fushën tonë dhe pretendojmë për të paktën një titull këtë sezon. Shpresojmë të bëjmë maksimumin dhe të fitojmë”, tha Nexhipi, drejtor teknik i Kukësit.

Skënderbeu, gjithashtu është tepër optimist.

“Ndeshje e fortë, e bukur. Do të ketë emocione për këtë pjesë, kjo është e sigurt. Ajo që është akoma më e sigurt është se Skënderbeu është koma në vendin e parë në Kupë, dhe kupa po këtë vit do jetë në Korçë”, tha Lulja, drejtues i Skënderbeut.

Çifti tjetër është Luftëtari-Tirana, një përballje që historikisht do të kishte pasur kryeqytetasit favoritë absolutë për finalen. Këtë herë mund të quhet ndryshe, dhe kështu besojnë edhe gjirokastritët.

“Më pëlqeu shorti që ra me Tiranën sepse me këto ekipit të kryeqytetit sikur ua kemi marrë dorën. Ëstë interesante sepse jemi të dyja ekipet për mbijetesë. Do jetë një gjysmëfinale e bukur. Të dyja kemi shpresë”, tha Artur Dadaj, drejtues i Luftëtarit.

Tirana dëshironte të shmangte Kukësin, dhe kjo dëshirë iu plotësua.

“Personalisht më pëlqeu duke qenë se me Luftëtarin do kemi të bëjmë dhe në kampionat, do ishte mirë të bënim edhe në kupë, kështu që besoj ishte një short i mirë. Objektiv është Europa, objektiv është Kupa, por duhet të shkëputemi nga zona e ftohtë”, tha Laçi, drejtor sportiv i Tiranës.

Ndeshjet do të luhen në 24 Prill e 8 Maj, dhe finalja në 2 Qershor, me stadiumin që mbetet për t’u përcaktuar./abcnews.al

Në prag te duelit ndaj Kastriotit, futbollisti i Skënderbeut Gjergji Muzaka tha në konferencë për shtyp se korçaret duhet të vlerësojnë maksimalisht krutanet.

Ndërkaq, ai premtoi se Skënderbeu do të jetë mjaft agresiv në fushë.

Skuadra e Skënderbeut do tw luajw tw dielen ndaj Kastriotit.

Një ndeshje delikate për korçarët pasi krutanët po kalojnë një moment mjaft të mirë.

Në konferencën për shtyp doli Gjergji Muzaka i cili tha se është një ndeshje mjaft vështirë dhe kërkon një vlerësim maksimal.

Sa i përket mënyrës së lojes sulmuese të Kastriotit, Muzaka tha se edhe Skënderbeu do të jetë agresiv në fushë./abcnews.al

Partizani mundi Skënderbeun 2-0 dhe nuk lejoi Kukësin që të afrohej në renditjen e Superligës. Mbrojtësi Belica dhe sulmuesi Asani shënuan për kryeqytetasit.

Kur javët kalojnë dhe diferenca mbetet e njëjtë, titulli është më afër. Partizani i këtij sezoni, edhe pse nuk e ka vrarë kampionatin, sërish e ka goditur rëndë, duke ruajtur 8 pikë epërsi ndaj ndjekësit më të afërt, Kukësit, kur duhen edhe 8 javë deri në mbyllje.

Shumë epërsi, që bëhet edhe më e vlefshme duke parë se cilësia e skuadrës së sotme të Skënder Gegës nuk është ajo që ishte para dy vitesh. Skënderbeu u mund 2-0 dhe kryeqytetasit i dhanë të drejtë trajnerit të tyre që deklaroi se Partizani gjithnjë reagon pas humbjeve.

Kështu ndodhi edhe kur u mund dy herë nga korçarët në gjysmën e parë të sezonit, kështu edhe pas disfatës së papritur me Luftëtarin. Fitore komode 2-0, me nga një gol në çdo pjesë loje, i pari shënuar me fat nga Belica, dhe i dyti me një penallti fituar nga Lorenc Trashi, dhe ekzekutuar saktë nga Jasir Asani.

Skënderbeu nuk është se nuk pati lojë dhe se nuk sulmoi, madje krijoi edhe disa raste, por kampionëve duket qartë se i mungon përqendrimi dhe vullneti i sezoneve të kaluara, plus që edhe cilësia është më e paktë.

Tashmë, skuadra e trajnerit Shehi është në vend të gjashtë, menjëherë mbi ekipet që rrezikojnë rënien nga kategoria. Mesjavë e mbarë edhe për Flamurtarin që e sheh veten në vend të tretë pas fitores 3-1 ndaj Teutës në Vlorë.

Ribaj, Sukaj e Batha me penallti ishin autorë golash për ekipin e trajnerit Daja, dhe Traore për durrsakët. Partizani ka 57 pikë pas 28 javëve, ndaj 49 të Kukësit./abcnews.al

SKENDERBEU-MUND-KUKSIN.mpg_snapshot_00.06-1280x720.jpg

Skuadra e Skënderbeut ka mundur Kukësin në kryendeshjen e javës së 25 të kategorisë superiore. Bruno Dita vendosi fatet e takimit me golin e shënuar në fillimin e lojës. Në rast se Partizani fiton ndaj Teutës, titulli kampion mund të cilësohet si një kapitull i mbyllur për skuadrën e trajnerit Armando Cungu.

Skënderbeu nuk ka zhgënjyer në kryendeshjen e javës së 25 të kategorisë superiore pasi ka mundur Kukësin me shifrat minimale 1-0. Goli i Bruno Ditës në minutën e 5 të takimit i dha tre pikë korçarëve që rikthehen te rezultatet pozitive. Pervan lëshon një goditje të forte me topin që ndalet në shtyllë dhe me pas përfiton Bruno Dita që realizon me portën e boshatisur.

Një goditje e rëndë për kukësin qe mund të dalë nga lufta për titullin kampion, nëse Partizani fiton ndaj Teutës pasi diferenca do të zgjerohej në 9 pikë. Në këtë takim nuk munguan as kartonat e kuq me Skënderbeun qe mbeti me 10 lojtarë në minuten e 78 të takimit.

Leonit Abazi u ndëshkua me karton të kuq pas një ndërhyrje të ashpër ndaj Maliqit. Gjithsesi Skënderbeu rezistoi edhe me një lojtar më pak dhe në fund doli me tre pikë ndaj një rivali që nuk po tregon vazhdimësinë. Skënderbeu tashmë ngjitet përkohësisht në vendin e 4 në kuotën e 37 pikëve ndërkohë që Kukësi mban vendin e dytë me 44 pikë. /abcnews.al

Në armët e autorit të masakrës në Zelandën e Re ishin shkruar emra personalitetesh të ndryshme, ndër të cilët figuron dhe ai i heroit tonë kombëtar Skënderbeu, por dhe ai i Gjergj Arianitit.

Në fotografitë e publikuara nga mediat kosovare të armëve të autorit të masakrës në Zelandën e re, lexohen qartësisht dhe emrat që 28-vjecari Brenton Tarrant kishte shkruar. Indeksonline raporton se në mesin e shumë emrave të shkruar në armë, shihet edhe ai i heroit kombëtar, Gjergj Kastrioti-Skënderbeu.

Përveç emrit të tij janë dhe ata të shkruar në germa cirilike të Marko Milajnov, Stefan Lazar dhe Milos Obiliç. Këta janë emrat e Dukës së Malit të Zi dhe princit serb, i njohur si ‘Car Lazari’.

Më tej, thuhet se në momentet e para të filmimit të publikuar nga ai vetë pak para sulmit në sfond dëgjohen këngë serbe nga kasetofoni i automjetit të tij. Sipas mediave kosovare dëgjohet një këngë serbe e viteve ‘90 për ish-liderin serb të Bosnjës, Radovan Karagjiç i njohur edhe si “kasapi i Bosnjës”, i cili është dënuar për krime lufte.

Në këngë ndër të tjera thuhet: Karaxhiç udhëhiq serbët e tu. Në armë shkruhej gjithashtu ‘Serbia ime’. Kjo armë, nga e cila humbën jetën 50 persona dhe u plagosën dhjetëra të tjerë ishte e mbuluar me emra të personaliteteve të njohura shqiptare dhe botërore.

Përveç emrit të heroit Gjergj Kastrioti-Skënderbeu, Car Llazarit e disa të tjerëve, në të bie në sy edhe emri i Gjergj Arianitit. Gjergj Arianiti ishte vjehrri i Skënderbeut, babai i Donika Kastriotit. Gjergj Arianiti ishte një luftëtar i shquar i kohës./abcnews.al

Skënderbeu do të ketë gjyqin në KAS, me UEFA-n, në muajin Prill të këtij viti. Korçarët deklarojnë se synojnë pafajësinë, por besohet se mund të kënaqen edhe me uljen e dënimit në 3 vjet.

Enigma duket se nuk ekziston më. Të paktën kështu mendohet pasi Skënderbeu botoi letrën e Gjykatës së Arbitrazhit Sportiv (KAS) në Lozanë, për datën e gjyqit me UEFA-n. Dokumenti tregon se seancat në Zvicër do të jenë në 16 dhe 17 Prill, pra rreth 5 javë më vonë dhe pas tyre, gjykata do të vendosë lidhur me dënimin e UEFA-s, që e përjashtoi klubin shqiptar për 10 vjet nga kupat e Europës, si dhe e gjobiti me 1 milion euro.

Skënderbeu u akuzua se trukoi shumë ndeshje në raundet eleminatore në Ligën e Kampionëve, si dhe në fazën e grupeve të Ligës së Europës. Kjo ishte hera e parë që përcaktohet data e gjyqit në KAS nga vetë klubi, ndërsa deri tani ka pasur vetëm njoftime jozyrtare, mbi data të caktuara dhe mbi shtyrjen e tyre gjatë vitit 2018, si për fillimin e vitit 2019.

Së fundi, nga Korça erdhën lajme se shpresat janë që gjyqi të fitohet tërësisht, pra të hidhet poshtë vendimi i UEFA-s dhe të fitohet pafajësia. Gjithsesi, burime të mirëinformuara pranë klubit bëjnë me dijë se edhe një dënim 3-vjeçar do të ishte një sukses dhe se pikërisht ky rezultat shihet si më realist për t’u arritur.

Skënderbeu ka pajtuar studion më të njohur të avokatisë në Zvicër, të quajtur fillimisht De Pfifer, ndërsa tani e bashkuar nën emrin Kelehals Karrar. Besohet se shpenzimi ka arritur në 500 000 euro, shenjë që presidenti Takaj ka shpresë se mund të marrë një rezultat pozitiv. Skuadra kampione e Shqipërisë u ndalua dy herë për të marrë pjesë në kupat e Europës, fillimisht në 2016, dhe pastaj në verën e vitit 2018./abcnews.al

KOLANA-E-KRISTO-FRASHERIT.mpg_snapshot_00.01-1280x720.jpg

Sheh dritën e botimit kolana prej 10 veprash dedikuar Skënderbeut dhe luftës shqiptare- osmane në shekullin e 15 nga historiani i njohur Kristo Frashëri. I biri Gjergj Frashëri i cili është edhe redaktor shkencor i veprës, në një intervistë për ABC News thotë se ndihet i lumtur që përmbushi amanetin e të atit 3 vite pas vdekjes. Nëntë veprat me dokumenta nga 13 arkiva europiane janë botuar nga Akademia e Shkencave. /abcnews.al

Vendimi i arbitrave për të bojkotuar kampionatin është mbështetur nga presidenti i Skënderbeut Ardjan Takaj. Ai tha për TV Klan se ishte vetë situata e krijuar me dhunën e ushtruar ndaj Eldorian Hamitit në sfidën Kamza – Laçi që shkaktoi këtë situatë.

Ardjan Takaj, president i Skënderbeut: Është e drejtë e arbitrave që ta kërkojnë me këtë situatë dhe këtë që ndodhi. Mua më vjen mirë ta kërkojnë dhe ta kërkojnë deri në fund, sepse është shumë e rëndësishme edhe për futbollin shqiptar.

Për presidentin e Skënderbeut mungesa e policisë në ambientet e brendshme të stadiumit la pasoja që në fillim të kampionatit pikërisht në një ndeshje të zhvilluar në Korçë.

Ardjan Takaj, president i Skënderbeut: Shenjat kampionati i dha që në javën e parë, në Korçë dhe e dinim dhe e kemi paralajmëruar dhe e kemi kërkuar që të kthehet policia. Ne duam që të zgjidhet situata një orë e më parë. Të bëhet një ligj i ri për njerëzit që hyjnë në fushat e futbollit.

TV Klan kontaktoi edhe me përfaqësues të klubeve të tjerë të Superligës, si Partizani, Kukësi, Tirana, etj të cilët nuk pranuan të prononcoheshin për situatën e krijuar në futbollin shqiptar.

Tv Klan

SKENDERBEU-BARAZON-ME-TEUTEN.mpg_snapshot_00.02-1280x720.jpg

Barazim dramatik në Durrës në ndeshjen mes Teutës dhe Skënderbeut ku nuk munguan polemikat mbi vendimet arbitrare. Teuta kaloi dy herë në avantazh, por Skënderbeu barazoi gjithçka në minutat e fundit të takimit.

Përfundoi në barazim 2-2dueli mes Teutës dhe Skënderbeu e zhvilluar në Niko Dovana. Një barazim dramatik për Skënderbeun që ishin në disavantazh të dy golave. Teuta merr një pikë që nuk e ndihmon aspak në garën për titullin kampion. Krasniqi në minutën e 10 nuk shfrytëzon siç duhet një rast ku topi përfundon shumë larg kuadradit. Në fundin e pjesës së parë, Radas ndëshkohet me karton të verdhë pas prekjes së topit me dorë dhe gjyqtari akordon 11 metërsh për Teutën. Protestojnë lojtarët korçarë. Durrsakët kalojnë në avantazh pasi Kallaku tregohet i saktë nga pika e bardhë e 11 metërshit. Teuta përqëndron të gjitha forcat në sulm dhe kërkojnë edhe golin e dytë.

Traore i shpëton mbulimit të mbrojtjes mike dhe tregohet i saktë përballë portierit Dajsinani. Gjithsesi Skënderbeu ngushtoi diferencat pak minuta më vonë me Muzakën.

Goditja e Sibo ndalet në shtyllë aty ku ka shkuar Muzaka i cili ka realizuar me lehtësi me portën e boshatisur. Pak minuta para përfundimit të kohës së rregullt, Skënderbeu vendos baraspeshën me Gripshin, i cili nuk feston. Protestojnë futbollistët e Teutes pasi pretenduan për një faull ndaj Traore. Gjithsesi arbitri vendos që goli ishte i rregullt dhe sfida përfundon ne barazim 2-2. Më në fund Skënderbeu merr një pike pas disa humbjesh radhazi. /abcnews.al

Newer Posts

Older Posts

Skënderbeu, sot në seancën e gjykatës sportive

Hidhet shorti për gjysmëfinalet e Kupës së Shqipërisë

Muzaka: Skënderbeu do të jetë mjaft agresiv

Partizani mban distancën me Kukësin

Skënderbeu ka mposhtur Kukësin me rezultatin 1-0

Armët e autorit të masakrës, mes emrave dhe ai i Skënderbeut dhe Gjergj Arianitit

Gjyqi i Skënderbeut në KAS në 16-17 Prill

Përmbushet amaneti i Kristo Frashërit, botohet kolana për Skënderbeun

Korçarët mbështesin arbitrat pas dhunës

Skënderbeu barazon në transfertën e Teutës me shifrat 2-2

Ish e dashura e Princit Harry fton në dasmën e saj çiftin mbretëror

Ofendoi Erdogan, gjykata dënon me burg aktoren

Meta për Haradinajn: Krenar për karakterin e tij frymëzues!