skenderbeu

Daja-Ilir.jpg
Igli Nikolli15:54 | 20/01/2020

Skënderbeu e rinis kampionatin në Korçë kundër Partizanit. Trajneri i ekipit korçar, Ilir Daja ka prekur disa tema në konferencën për shtyp. Grupi është i plotë, merkato ka sjellë vetëm Imamin deri tani, pavarësisht se Daja pret të tjerë lojtarë.

Rivali është i fortë, sidomos me ndryshimet në pankinë, por Skënderbeu do të futet në fushë për fitore. Daja ndalet edhe te ndonjë largim i mundshëm, por deri tani nuk ka asnjë informacion në lidhje me këtë temë.

SITUATA – “Kryesor është fakti që në këtë periudhë të gjysmës së dytë të kampionatit e kemi pothuajse gjithë grupin në dispozicion, përveç Pëllumbit që vuan një dëmtim nga viti i kaluar. Kemi mungesën e Dajës në ndeshjen e parë”.

MERKATO – “Do flas vetëm për afrimet zyrtare. Imami është një lojtar me eksperiencë, pavarësisht se do të na duhet ta përdorim jo në pozicionin e tij që ka luajtur në vitet e fundit. Nuk mund të themi asgjë për afrimet e tjera, përderisa nuk janë bërë zyrtare”.

PARTIZANI – “Nesër kemi një ndeshje të vështirë kundrejt Partizanit, ekipit kampion në fuqi dhe një prej pretendentëve për titull. Është një ndeshje shumë e vështirë. Vështirësia qëndron edhe në faktin që kanë një staf të ri, që nuk është prezantuar bashkë me ekipin në asnjë ndeshje zyrtare. Do na duhet të marrim informacion nëpërmjet lojës”.

OBJEKTIVI – “Gjithsesi, edhe ne nga krahu jonë, në ndeshje të tilla, ashtu siç kemi bërë në gjysmën e parë të kampionatit, në ndeshje me ekipe të forta, ekipe pretendente, kemi qenë gjithmonë me motivim maksimal. Besoj se do të djersijmë shumë. Do e kemi shumë të vështirë, por që do pretendojmë të marrim trepikëshin, edhe pse përballë kemi një ekip shumë të fortë”.

LARGIMET – “Deri në këto momente nuk kemi merkato në dalje. Nuk kemi asnjë njoftim zyrtar nga klubi. Besoj se nuk do të ketë rrjedhje lojtarësh në këtë 10 ditësh të fundit të merkatos”. /abcnews.al

kolici.jpg
Vladimir Prenga16:08 | 17/01/2020

Enea Koliçi nuk pendohet, të paktën nuk e thotë, që zgjodhi në verë të bashkohej me Skënderbeun. Korçarët, sipas portierit nga Pogradeci, mbeten një ekip i madh, pavarësisht problemeve të krijuara pas dënimit të dhënë nga UEFA.

“Nuk jam penduar për këtë zgjedhje të them të drejtën. Ka qenë dëshira ime. Kam pasur edhe oferta të tjera, nga Superiorja dhe nga jashtë vendit. Zgjedhja ime ka qenë Skënderbeu. OK, normal nuk është Skënderbeu që ka qenë dikur, por kjo nuk do të thotë që është një ekip i madh siç ka qenë”, shprehet Koliçi.

Më tej ai nuk pranon se Skënderbeu luan pa objektiva, kjo prej faktit që në ekip ka lojtarë që nuk mund ta bëjnë diçka të tillë. “Nuk mund t’i thuash Dejvi Bregut ose Gripshit e Krasniqit që janë lojtarë me perspektivë për të ardhmen,  luani pa objektiva. Normalisht që kemi objektivat tona dhe do vazhdojmë deri në fund. Në fund do bëjmë llogaritë”, shtoi portieri në prononcimin e dhënë për “Supersport”.

Koliçi, në fund kërkon kujdes në pjesën e dytë të kampionatit. “Duhet të mos përsërisim ato gabimet e vitit të kaluar. Kemi pasur shumë oshilacione dhe besoj se të gjithë jemi në një vijë, që duhet ta përmirësojmë pak lojën, të jemi të kujdesshëm dhe të mos përsëriten ato dy fazat e para”, ka përfunduar Koliçi. /abcnews.al

Eni-Imami.jpg
Vladimir Prenga19:59 | 16/01/2020

Eni Imami është një nga afrimet e pakta të Skënderbeut në merkaton e janarit. Lojtari polivalent ndihet mirë te korçarët dhe në një prononcim për Supersport tregon se e kanë pritur shumë mirë.

“Që kur kam ardhur këtu e kam ndier veten shumë të afërt, me trajnerin dhe shokët e ekipit. Po pres me padurim të rinisë kampionati, pasi pritshmëritë janë të larta”, shprehet Imami.

Futbollisti kryeqytetas e thotë hapur edhe arsyen se pse vendosi t’i bashkohej skuadrës korçare. “Skënderbeu ishte i pari që më deshi, e zgjodha prej trajnerit Daja”, deklaron mbrojtësi, i cili është një produkt i moshave të Dinamos.

Imami flet edhe për largimin nga Tirana, që u ndikua nga lëvizjet në stafin teknik. “Deri para një muaji isha pjesë e Tiranës. Ndryshimi i trajnerit, ikja e Memës dhe ardhja e të riut ndikuan që të merrja këtë vendim”, deklaron mëngjarashi.

Normalisht Imami ka edhe objektiva: “T’i marrim ndeshjet një e nga një dhe të marrim maksimumin e pikëve, ndërsa në aspektin personal dua t’u tregoj të gjithëve, sidomos dikujt që nuk kishte besim tek unë, që unë jam ky që jam”. /abcnews.al

ajzeraj-drita.jpg
Vladimir Prenga15:52 | 16/01/2020

Skënderbeu e afroi verën e shkuar, por mesfushori Almir Ajzeraj nuk ia doli të tregonte cilësitë e tij. Hapësirat për të ishin të pakta dhe në janar u huazua te Ballkani, për t’u rikthyer sërish te korçarët. As në sezonin e dytë nuk ju besua dhe i riu vendosi të ndërpriste kontratën.

Me marrjen e lejekalimit ai ka shqyrtuar oferta dhe ka pranuar të vazhdojë karrierën në Ipko Superliga e Kosovës. Klubi i tij i ri është Drita, që e ka zyrtarizuar afrimin e tij. “Almir Ajzeraj bashkohet me ne! Klubi jonë FC DRITA sot ka arritur marrëveshje me lojtarin e talentuar Almir Ajzeraj!

Ajzeraj ka nënshkruar kontratë për dy vite e gjysmë dhe do të jetë një ndihmesë e madhe për klubin tonë drejt qëllimeve tona! Ajzeraj më parë ka qenë pjesë e Kosovës U21 dhe e klubeve Kosovare si Flamurtari, Ballkani dhe së fundmi ka qenë pjesë e Skënderbeut të Korçës! Mirë se vjen Almir!”, thuhet në njoftimin e klubit gjilanas. /abcnews.al

Ilir-Daja-Skenderbeu.jpg
Veronik Istrefaj19:12 | 15/01/2020

Trajneri i Skënderbeut, Ilir Daja, foli pas fitores 4-1 kundër Teutës në miqësore. Në fjalën e tij, numri një i stolit korçar pranoi se kjo ishte thjesht një ndeshje miqësore, por i pëlqyen shumë gjëra nga ata që futbollistët e tij treguan në fushën e lojës.

“Në ndeshjet miqësore, nuk është element kryesor rezultati, pavarësisht se sot kishim përballë një ekip që ka bërë shumë mirë në gjysmën e parë të kampionatit. Ajo që më kënaqi më shumë ishte lëvizshmëria dhe loja në grup e ekipit. Gjithashtu, edhe forma e mirë e lojtarëve, për të qenë gati për të startuar që në javën e parë të rifillimit të kampionatit.

Elementi i dytë që ishte pozitiv, ishte që disa lojtarë të rinj, sidomos Elezi, që është vetëm 18 vjeç dhe ishte pjesë e formacionit bazë, ka bërë një paraqitje shumë të mirë në të gjitha ndeshjet miqësore që kemi luajtur. Edhe në pjesën e dytë, disa lojtarë të tjerë bënë paraqitje të mirë.

Jemi gati si të gjithë ekipet e tjera, kemi qenë dhe do të jemi deri në fund të merkatos prezentë, për të plotësuar ato mangësi që kemi. Shpresojmë ta mbajmë këtë kontingjent që kemi dhe shpresojmë që në ndeshjen e parë kundër Partizanit, të prezantohemi mirë para tifozëve tanë në Korçë”./abcnews.al

kukesi-poli-iashi-1.jpg
Vladimir Prenga16:00 | 15/01/2020

Skënderbeu ka mposhtur Teutën me rezultatin e thellë 4-1, një befasi duhet thënë. Korçarët shënuan dy herë në 45 minutat e para të takimit. Fillimisht realizoi Blerim Krasniqi dhe më pas Dejvi Bregu. Kështu pjesa e parë u mbyll 2-0.

Vlonjati në të dytën shënoi edhe golin e tretë, për t’i lënë sërish radhën sulmuesit kavajas që plotësoi “pokerin”. Në fund durrsakët shënuan golin e nderit përmes anësorit Arbër Çyrbja.

Skënderbeu-Teuta 4-1
Shënues:
Krasniqi 25′ 64′, Bregu 30′, 59′ / Çyrbja 85′

Kukësi është ndarë në barazim ditën e sotme me rumunët e Politehnica Iași, në një ndeshje pozitive për skuadrën e drejtuar nga Shpëtim Duro. Verilindorët kanë pasur disa raste shënimi, por herë kanë qenë të pasaktë, e herë portieri kundërshtar i ka ndaluar ata.

Kukësi- Politehnica Iași 0-0

Kukësi: Gjika, Lulaj, Teqja, Obanor, Musta, Musolli, Limaj, Domi, Ethemi, Gavazaj, Shkurtaj

Politehnica Iași: Rusu, Onea, Frăsinescu, Mihalache, A. Radu, Popadiuc, Breeveld, Passaglia, Luckassen, Platini,F. Cristea.

/abcnews.al

Bruno-Dita.png
Vladimir Prenga08:01 | 13/01/2020

Bruno Dita dhe Ditmar Bicaj mund të ndryshojnë skuadër në merkaton e janarit. Mesfushori i Skënderbeut u kërkua nga Shkëndija e Tetovës më parë, por ai ka kontratë me korçarët dhe pa lejen e tyre nuk mund të largohet.

Së fundmi për të në lojë është futur edhe një ekip i Kategorisë Superiore. E përditshmja “Panorama Sport” shkruan se Teuta e ka në listën e dëshirave mesfushorin e përshtatur si mbrojtës qendre dhe po tenton ta “joshë” atë.

 

Sa i takon Ditmar Bicaj, të përmendur më lart, i njëjti burim bën me dije se qendërmbrojtësi kërkon të largohet nga Bylisi. Shtatlarti lezhjan ka pasur probleme dëmtimesh në pjesën e parë të sezonit, por kur ka qenë i gatshëm është aktivizuar si titullar. /abcnews.al

Skenderbeu-Luftetari-Miqesore.jpg
Veronik Istrefaj17:07 | 12/01/2020

Skënderbeu nuk di të ndalet dhe sot ka luajtur një tjetër miqësore. Të besuarit e Ilir Dajës po e shfrytëzojnë në maksimum këtë pauzë kampionati dhe sot janë përballur me ekipin e Luftëtarit, në një ndeshje miqësore.

Kjo sfidë, është mbyllur me fitoren e ekipit gjirokastrit 0-1, sfidë ku të dy trajnerët aktivizuan lojtarë të rinj në fushën e lojës. Edhe goli, u shënua nga një futbollist i ri. 19 vjeçari Joan Çela i dha fitoren Luftëtarit në minutën e 88-të të takimit./abcnews.al

Miqësore, 12 janar 2020

Skënderbeu – Luftëtari  0-1
J. Çela  88′

Momente nga takimi miqësor, Skënderbeu-Luftëtari
Skenderbeu.jpg
Veronik Istrefaj21:12 | 11/01/2020

Ekipet shqiptare vazhdojnë të zbresin në fushat e blerta edhe në këtë periudhë pauze të kampionatit. Skënderbeu ka triumfuar me rezultatin e thellë 5-2 përballë Besëlidhjes. Për të besuarit e Ilir Dajës, shënuan Mara, Krasniqi realizoi dopietë, Gripshi dhe Elezi.

Skënderbeu – Besëlidhja  5-2
Mara, Krasniqi 2x, Gripshi, Elezi

Skënderbeu: Dajsinani, Imami, Dita, Pollozhani, Vangjeli, Ndecky, Taipi, Mara, Gripshi, Bregu, Krasniqi. Trajner: I. Daja (u aktivizuan: Koliçi, Daja, Junfo, Muja, Ajeti, Mensah, R. Nuri, M. Nuri, Doko, Elezi).

Ekipi tjetër i Superiores, Laçi, është mposhtur nga Iliria me rezultatin e ngushtë 0-1. Kurbinasit aktivizuan të gjithë lojtarët nga moshat, pasi trajneri Armando Cungu donte të provonte elemtët e rinj. Nga skuadra e parë, u aktivizuan vetëm Trokthi dhe Selmani. Golin për Ilirinë, e shënoi Bakalli 2 minuta nga fundi.

Laçi 0-1 Iliria
Bakalli 88′

LAÇI: Sali, A.Selmani, Marku, Ceka, Migeni, Bruka, Kasmi, Prenga, Elmazi, Bytyqi, Bylyku. Trajner: A. Cungu (U aktivizuan: Trokthi, S. Selmani)
ILIRIA: Shera, Gjokeja, Hoxha, Guni, Gjini, Lilaj, Manellari, Xhaferri, Demiraj, Xhymerti, Pasha. Trajner: F. Sala (u aktivizuan: Limanaj, Noka, Xeka, Bakalli)
Gjyqtarë: E. Çajushi, F. Hysa, O. Berberi

Laci – Iliria (Miqesore)

Takimi tjetër miqësor mes Vorës dhe Erzenit, dhuroi plot 5 gola. Në fund, ishte ekipi shijakas që triumfoi, me rezultatin 2-3. Të tre golat për Erzenin, i shënoi Djidjiwa.

Vora – Erzeni 2-3
Djidjiwa x3

Vora-Erzeni (Miqesore)
Tirana.jpg
Igli Nikolli08:31 | 11/01/2020

Vijojnë miqësoret e klubeve të Superiores. Dje zbritën në fushë Partizani dhe Kukësi, ndërsa sot është radha e katër skuadrave të tjera. Tirana zhvillon ndeshjen e dytë miqësore në tokën turke dhe përballë do të ketë hungarezët e Mezokovesdi.

Takimi do të nisë në orën 13:00 dhe zhvillohet në “Side Grande Aqua Sport Center”, aty ku bardheblutë e Egbos do të tentojnë rezultatin pozitiv pas humbjes ndaj Alanyaspor.

Në të njëjtën orë luan edhe Teuta. Ekipi i Edi Martinit do të ketë përballë Besën e Kavajës dhe miqësorja do të luhet në stadiumin “Niko Dovana”. Një orë më pas është radha e Skënderbeut. Ekipi korçar do të masë forcat kundër Besëlidhjes.

Ndeshja luhet në Tropikal Resort dhe kjo do të jetë një mundësi për drejtuesit e klubit juglindor për të tentuar me homologët lezhjanë një akord për çështjen Sidibe. Edhe Vllaznia do të zbresë në fushë dhe kundërshtari i ekipit shkodran është Pogradeci. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono