skenderbeu

radas-1280x719.jpeg
Vladimir Prenga08:52 | 19/11/2019

Skënderbeu një vit më parë ka pasur ka pasur probleme financiare, ndërkohë që ka lojtarë që ende nuk janë shlyer. Një prej tyre është edhe kroati Marko Radas, që sipas “Panorama Sport” pret të marrë nga klubi korçar një shumë prej 15 mijë eurosh.

Gazeta në fjalë raporton për një marrëveshje të bërë mes mbrojtësit qendror dhe klubit të Skënderbeut dhe tashmë ai pret muajin janar për të rishikuar edhe njëherë gjendjen në llogarinë e tij bankare.

Ndërkohë presidenti Takaj i ka ofruar atij edhe një bashkëpunim të mëtejshëm si drejtues në klub, ose si zbulues talentesh në Ballkan. Radas, tashmë 36 vjeç, aktualisht aktivizohet me Rudes në Kroaci dhe karriera e tij si futbollist është drejt fundit.

Kështu që padyshim ai do ta marrë në konsideratë propozimin e korçarëve, sigurisht nëse merr garancitë e duhura në aspektin financiar. Me një Skënderbe jashtë Europe, padyshim që situata nuk do të jetë e lehtë në këtë aspekt. /abcnews.al

Skenderbeu.jpg
Vladimir Prenga23:47 | 18/11/2019

Armand Duka, presidenti i Federatës Shqiptarë te Futbollit, në emisionin “Pressing” në ABC News, foli për gjykimin në Superiore, shtimin e arbitrave, sistemin VAR, Ligën dhe çështjen Skënderbeu. Për korçarët nuk do të ketë një vendim tjetër të FSHF-së.

“Pesë arbitra në një ndeshe? Është edhe çështje kosto, numër arbitrash. Nuk kanë shumë ndryshim në kualitet. Ka gabime edhe me VAR. Edhe po vumë pesë, do na thoni pse nuk vendosni shtatë. Ndoshta eliminohen gabime, por duhen më shumë financa. Nuk është e lehtë, futboll luhet në çdo nivel. Do ishte një barrë e madhe. Me pesë bëhen ndeshjet më të nxehta. Të ecim hap pas hapi, të shkojmë me dy ndeshje e me radhë”.

“VAR është çështje investimi. Është krejt tjetër gjykim. Arbitri nuk është më arbitër. Me sistemin VAR duhet të dëgjojë se çfarë i thotë ai në radio dhe se çfarë thotë teknologjia. Kemi nisur një projekt dhe do mundohemi ta fusim pas dy sezonesh”.

“Kemi një projekt me Federatën e Kosovës, por nuk do t’ua them. Do e bëjmë publik në të ardhmen”.

“Ka një gjykim në Gjykatën Federale. Varet nga vendimi aty, nëse mbetet në fuqi do vuajë dënimin. Ndryshe do luajnë në Europë. Ne e kemi mbyllur çështjen, i  kemi marrë vendimet. Disa kanë mbetur në fuqi, disa janë rrëzuar nga CAS-i”.

“Liga? Vazhdon organizimi, nuk është marrë forma e plotë. Hap pas hapi ndikon në organizimin e garës. Janë miratuar propozimet e tyre për të qenë pjesë e vendimmarrjes së garës”. /abcnews.al

Pollozhani.png
Igli Nikolli15:59 | 16/11/2019

Skënderbeu ka përfituar nga ndërprerja e kampionatit për të zhvilluar një miqësore ditën e sotme. Korçarët u përballën me Struga Trim&Lum, ekipin shqiptar që garon në elitën e futbollit të Maqedonisë së Veriut. Takimi nuk prodhoi gola dhe u mbyll në barazim.

Ilir Daja përfitoi për të aktivizuar disa lojtarë nga ekipi i të rinjve në pjesën e dytë. Ndeshja ishte pothuajse e barabartë. Skënderbeu e kërkoi më shumë golin, por Gripshi dhe Mara nuk ia dolën të realizonin rastet e tyre.

Në fushë zbriti edhe Bylis. Ekipi ballshiot zgjodhi Lushnjen për të zhvilluar një miqësore, të cilën e fitoi 3-1. Antoni, Guindo dhe Janku ishin autorët e golave për Bylis, teksa Mikel Canka shënoi golin e nderit për lagunarët. /abcnews.al

Skënderbeu – Struga Trim&Lum 0-0
Bylis – Lushnja 3-1
(Antoni 7’, Guindo 38’, Janku 50’ / Canka 70’)

AKSIDENTET-RRUGORE-NE-TETOR.mpg_snapshot_00.01-1280x720.jpg
ad min23:51 | 15/11/2019

Aksidentohet presidenti i klubit të Superiores, Ardjan Takaj. Kreu i klubit të Skënderbeut ka qenë duke udhëtuar nga kryeqyteti drejt Durrësit, së bashku me bashkëshorten, dhe është përfshirë në një aksident me tre makina të tjera.

ABC News mëson se nuk ka pasoja të rënda, përveç dëmeve që ka pësuar makina tip Benz ML e Takajt. Asgjë për t’u shqetësuar, sigurisht përveç frikës së krijuar në momentin e aksidentit. / abcnews.al

Skenderbeu-Laci-1280x720.jpg
Veronik Istrefaj20:43 | 15/11/2019

Dy ekipet e Superiores, Skënderbeu dhe Laçi, kanë konfirmuar se ditën e nesërme, do të luajnë sfida miqësore, respektivisht përballë Strugës dhe Kastriotit.

Dy skuadrat e elitës së futbollit shqiptar do të shfrytëzojnë ditët e pushimit për shkak të kombëtareve dhe do të zbresin në fushë, për të ruajtur kontigjentin fizik dhe për të provuar lojtarë të rinj.

Si Ilir Daja, ashtu dhe Armando Cungu, do të kenë mundësinë të shikojnë gjendjen fizike të futbollistëve të tyre, si dhe të shikojnë më nga afër talentet e moshave, në rast të ndonjë aktivizimi.

Skënderbeu luan nesër në Korçë në orën 14:00 përballë Strugës, ndërsa Laçi-Kastrioti do të luhet në orën 12:00, në Pezë./abcnews.al

Miqësore
E shtunë, ora 12:00 (Pezë)
Laçi – Kastrioti

E shtunë, ora 14:00 (Korçë)
Skënderbeu – Struga

olayinka-1280x1006.jpg
Vladimir Prenga15:27 | 12/11/2019

Peter Olayinka, sulmuesi i Slavia Prague, ka ardhur që në moshë të vogël në Shqipëri, aty ku hodhi hapat e parë te Bylisi. Sulmuesi shpërtheu në Superiore dhe tentoi më pas të largohej në Turqi, ndërkohë që pas tij u vunë Skënderbeu dhe Kukësi. Nigeriani firmosi për verilindorët, por më pas u zbulua edhe kontrata tjetër me Bylisin dhe mori një dënim. Pas shlyerjes së dënimit u rikthye te korçarët.

Olayinka rikthehet të flasë për atë periudhë dhe për mënyrën se si kaloi te Skënderbeu. Gjërat për të nuk shkuan mirë edhe kur u transferua te Gent, që sipas tij edhe e ka kërcënuar në një moment.  Në intervistën e dhënë për gazetarin Oma Akatugba, Olayinka flet edhe për të luajturit kundër Messit, për golin kundër Interit dhe ëndrrën e madhe që ai ka.

RRËMBIMI – “Agjenti im kontaktoi Skënderbeun, pasi para se të ikja ata kishin shfaqur interes të madh për mua. Fillimisht ata kishin dyshime. Kur arrita në Shqipëri, skuadra tjetër, Kukësi, skuadra e dytë më e mirë në kampionat më hapi dyert.

Skënderbeu dërgoi ‘spiunë’ për mua të më shikonin në stërvitje. Më panë në stërvitje dhe realisht donin të nënshkruanin më mua. Më pas u rrëmbeva natën nga klubi tjetër. Ata folën me agjentin tjetër që kisha, paketuan gjërat e mia dhe më çuan në kampin e tyre.

Kështu unë firmosa me Skënderbeun. Luajta sezonin tim të parë me ta dhe ishte shumë i mirë për mua. Kjo ndodhi në vitin 2015. Në vitin 2016 luajta gjysmë sezoni për ta. Në Dhjetor firmosa për Gent. Para dhjetorit kisha shënuar 10 gola. Genti erdhi më pas dhe nënshkrova me ta. Në vitin 2017 theva këmbën gjatë fazës përgatitore me Gent dhe e humba pjesën e dytë të sezonin.

Olayinka me fanellën e Genk dhe të Kukësit

PERIPECITË NË BELGJIKË – “Kishte disa drama më pas, kur trajneri më thirri dhe më tha që isha shumë i dobët. Më kërkoi të shtoja peshë dhe që duhet të shkoja në huazim. Debatova, por në fund pranova të huazohesha. Isha në huazim te Dukla Prague, ku luajta për një sezon. Pas atij sezoni duhet të kthehesha pas. Para përfundimit të huazimit mbajtëm një takim dhe më thanë se nuk isha pjesë e listës së tyre.

U kërkova të huazohesha në Belgjikë. Para se të largohesha nga Gent, i thashë trajnerit që një ditë do të donte të luaja për ta. Më pas iu bashkova Zulte Waregem. Shënova një gol në miqësoren e parë, dy në të dytën dhe tre në të tretën. Ishte kënaqësi e madhe.  Dhashë katër asiste në ndeshjen e parë jashtë fushë dhe më pas më shumë klube më vëzhgonin.

Gent donte të ndërpriste huazimin, por refuzova. U thashë që isha i lumtur. U thashë se do e zgjidhnim dhe do të flisnim kur të mbaronte sezoni. Nuk bëmë mirë si ekip, por unë dhashë 15 asiste dhe shënova 11 gola. Ishte fantastike për mua. Gent më ofroi një kontratë të re, por refuzova. Nuk isha i lumtur të luaja për ta. U thashë se ata nuk më respektuan dhe më pas nisën kërcënimet. U thashë më pas, se nëse kthehem dhe nuk luaj, atëherë do të duhet të shpjegojnë gjithçka për shtypin.

ËNDRRA, MESSI DHE INTERI – “Të luaja me Messin ishte diçka e mrekullueshme për mua. Një ëndërr e bërë realitet, me gjithë ndershmërinë time”, tregon Olayinka, i cili zbulon se po u ruan akoma këpucët me të cilat i shënoi Interit në Champions. “Po i ruaj akoma këpucët me të cilat i shënova Interit.  Mund t’i shikoj dhe të them që i shënova Interit. Mund t’i vë në kornizë”. Sulmuesi ka edhe një ëndërr, që e thotë hapur në fund:”Ëndrra ime është Bundesliga, pasi më pëlqen atmosfera atje. Stadiumit janë gjithmonë plot”. /abcnews.al

Olainka në aksion me Messin
skenderiii-1280x854.jpg
Vladimir Prenga20:14 | 11/11/2019

Skënderbeu vijon të mos e pranojë vendimin e marrë nga UEFA për përjashtimin 10-vjeçar nga kupat e Europës, ndërkohë që duket i “fryrë” nga lajmet që vijnë nga përtej Adriatikut për përfshirje të Sportradar në aktivitete kriminale. “Si mund të fitosh ndaj këtyre që janë në dijeni të vendimit përpara shpalljes!? Ndërkohë mediat Italiane vijojnë të përfshijnë SportRadar me mafian Italiane…

– https://giocopulito.it/le-mafie-puntano-sul-calcio-guadagno-evasione-riciclaggio-al-tempo-delle-scommesse-online-non-solo/

Drejtësia nuk do të vonojë”, shkruan klubi i Skënderbeut, që ka postuar edhe dy mesazhe të tjera në faqen zyrtare në Facebook.

MESAZHI1
– “Shiko lajmet”.
– “Ku?”.
– “Tani a më beson mua?”
– “Jam shumë i lumtur. Besimi im tek ju është 1000%

MESAZHI 2
– “Më dërgo linqet”.
– “Tani nuk më do më, fitove sikur deshe. Nuk e kuptoj për çfarë më do mua, pasi e fitove çështjen”.
– “Të thashë që do të fitonim. Por ne duam akoma më shumë prova kundër Takajt. Kur mund të takojmë?
-“Ok, por ti the që klubi ka marrë fund dhe ia dole.. Çfarë mund të bësh më shumë në këtë pikë, sepse…”

 

MESAZHI I PUBLIKUAR PARA DISA DITËS
-“Të thashë që mund të fitojmë, por na duhen edhe më shumë prova kundër Takajt. Kur mund të takohemi?”
-“Pra, na jepni prova që do të na ndihmojnë ne për ta varrosur atë”.
-“Çfarë? Unë nuk kam ndërmend të flas derisa të vish dhe të diskutojmë për pagesën e provave”.

Në fakt duken të çuditshme këto mesazhe që po bëhen publike nga klubi korçar, pasi nuk të çojnë askund. Vetëm Gjykata Federale në Zvicër mund të marrë një vendim. Beteja e Skënderbeut me UEFA-n, apo edhe SportRadar që është nën akuza prej korçarëve, mund të zhvillohet vetëm aty, pasi CAS e hodhi poshtë apelin e bardhekuqve. /abcnews.al

Skenderbeu.jpg
Vladimir Prenga10:35 | 10/11/2019

Skënderbeu e Tirana përballen mes tyre, pas pushimit të kampionatit prej kombëtareve. Një takim që pritet të jetë mjaft i fortë, ndërkohë trajnerët Ilir Daja dhe Julian Ahmataj do të duhet të bëjnë pa dy prej titullarëve të mesfushës.

Bardheblutë nuk do të kenë në dispozicion Idriz Bathën. Mesfushori u fuqishëm u ndëshkua me karton të verdhë në klasiken me Vllazninë dhe për të ishte i katërti. Kështu javën pasardhëse ai do të duhet të shlyejë pezullimin.

Ahmataj ndërkohë pret që gjatë kësaj periudhe të kapë formën e duhur Edon Hasani, i cili ka pasur shqetësime javën e fundit. Gjithashtu edhe te Skënderbeu i kanë sytë nga infermieria, pasi dëmtimet kanë qenë të shumta.

E sigurt ndaj Tiranës është mungesa e Shqiprim Taipit. Mesfushori plotësoi në ndeshjen me Bylisin numrin e kartonëve të verdhë dhe nuk mund të japë kontributin e tij për Skënderbeun në sfidën me bardheblutë. /abcnews.al

bregu-1280x854.jpg
Vladimir Prenga16:06 | 09/11/2019

Dejvi Bregu, sulmuesi i Skënderbeut, shënoi golin e dytë në ndeshjen me Bylisin, ndërkohë që mori edhe penalltinë e parë. Në lidhjen direkte me emisionin “Gol pas Goli” në Supersport ai deklaroi:

“Nuk është hera e parë që na ndodh, që të na përmbyset rezultati. Kur isha një hap përpara Peposhit, mendova të rrëzohesha sapo të prekesha. Penalltia për atë punë është. Unë e kuptova që kishte kontakt. Unë e shoh kontaktin. Po te e dyta e patë ju? E para iku, u dha”.

“Ishte mënyrë më e mirë për të kërkuar kontakt me mbrojtësin. Te penalltia e parë do godiste ai që ishte më i sigurt dhe e mori Krasniqi. Të e dyta e ndjeva dhe e mora unë dhe shënova”.

“Kontrata ime është deri në maj. Jam në një linjë me klubin. Kemi biseduar që të bëhet një lëvizje në janar dhe shpresoj që klubi të më ndihmojë. Nuk ka pasur bisedime për rinovimin. Presidenti më ka thënë që të mendoj për të ikur jashtë, pasi për këtë arsye”. /abcnews.al

Daja-1.jpg
Vladimir Prenga15:38 | 09/11/2019

Ilir Daja, trajneri i Skënderbeut, pas ndeshjes me Bylisin, në lidhjen direkte me emisionin “Gol pas Goli” në Supersport analizoi gjithccka ndodhi në fushën. Ekipi i tij vazhdon të pësojë shumë, por i gëzohet tre golave të realizuar.

“Luajtëm me tre mbrojtës. Krahët zbritën më pas, pasi nuk janë mësuar të luajnë përpara. Elezi dhe Vitija ishin për herë të parë titullar. Krasniqi sakrifikoi. Për këtë arsye punuam gjatë kësaj jave me këtë modul. Ishte lojë e bukur, në fund na buzëqëshi fati ne. Lojtarët e patën meritën e fituar”.

“Bylisi shtyn shumë përpara me dy mesfushorët e qendrës, bëjnë presing lart. Krijojnë hapësira mes mbrojtjes dhe mesfushës dhe kishim punuar ta shfrytëzonim me topat pas shpine me Bregun dhe Gripshin. Krasniqi nuk e bënte dot prej gjendjes që ka. E kishim menduar mirë, penalltitë u morën në këto hapësira”.

“Përmbysja e Bylisit? Me rëndësi që fituam, fillimisht. Na duhej për moral. Humbja do na rëndonte psikologjikisht.  Më vjen keq për golin e dytë të pësuar, që humbëm një top të dytë. Nuk ishim të vëmendshëm. Brenda lojës janë të tria rezultat dhe na kënaq fitorja. I pranojmë rezultat që prodhohen në fushë”. /abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono