skema

vlcsnap-error023-1280x720.jpg
ad min13:13 | 25/02/2018

Asnjë person i aftë për punë që refuzon të punojë nuk do të trajtohet me ndihmë ekonomike. Apeli vjen nga kryeministri Edi Rama, i cili vizitoi një familje përfituese në qytetin e Beratit.

Për të treguar efektet e skemës së re të ndihmës ekonomike, kryeministri Edi Rama vizitoi një familje në qytetin e Beratit, ku zhvilloi edhe mbledhjen e fundit të qeverisë.

Në skemë janë përfshirë edhe familje që më herët penalizoheshin nga dokumentacioni.

Ogerta Manastirliu: “Sidomos në dokumentacioni për tokën, që nuk i lejonte dot për të aplikuar. Skema favorizonte disa kategori të veçanta që nuk ka nevojë fare që të futen në sisemin e pikëzimit, që janë familjet që përbëhen nga gra që janë me status të dënuar, gratë e trafikuara, fëmijët me statusin e jetimit dhe familjet kujdestare.”

700 familje të tjera janë përjashtuar. Shifrën për Beratin e publikoi kryeminsitri, i cili pranoi se janë bërë gabime, por tregoi dhe raste të perfituesve abuzivë.

Edi Rama: “Ja ky tjetri, djali i Josifit nga Ura vajgurore, ka 88 mijë e 947 lekë të reja rrogë dhe njëkohësisht merr dhe ndihmë ekonomike. Ka një pjesë minimale që është pjesë e marzhit të gabimit që ne po e verifikojmë”.

Një familje mund të trajtohet me ndihmë ekonomike deri në pesë vjet kohë e mjaftueshme, sipas minstres Manastirliu për t’u integruar në tregun e punës.

Në këtë pikë, kryeministri përsërit shembullin e qytetarit që refuzon ë punojë në privat se do një punë në shtet.

Edi Rama: “Një alamet djali, fizikisht më mirë se unë që thoshte më jep ndihmën ekonomike,. I thashë hajde të të çoj në punë . Në Bashki tha? Jo në privat. Në privat nuk shkoj më tha. E pabesueshme! Më mirë 50 mijë lekshi me ndihmë ekonomike sesa 300 mijë apo 400 mijë lekë në privat ”

Skema e re ka hequr ndihmën e pjesshme ekonomike dhe përfituesit marrin vetëm ndihmë të plotë./abcnews.al

vlcsnap-error020-1-1280x720.jpg
ad min11:20 | 24/02/2018

Ndërprerjea e ndihmës ekonomike për të paktën 20 mijë familje në të gjithë vendin.

Kjo ishte tema që u diskutua të premten në Byro Politik në ABC News.

Të ftuar: Merita Xhafaj, drejtoresha e përgjithshme e politikave sociale në Ministrinë e Shëndetësisë dhe Mirëqenies Sociale; Oriola Pampuri, Deputete e PD; Dorian Teliti, këshilltar i PD dhe Klodiana Spahiu deputete e PS.

Të ftuarit debatuan mbi mënyrën sesi janë hequr nga skema e ndihmës ekonomike rreth 20 mijë familje. Sipas Xhafajt, skema e re nuk përjashtuar askënd sepse nuk ka karakter të tillë, por refuzues.

Ndërkohë nga ana tjetër, deputetja e PD-së, Oriola Pampuri dhe këshilltari i PD-së, Dorian Teliti u shprehën se e gjitha kjo është bërë në mënyrë abuzive./abcnews.al

merita-xhafaj.jpg
ad min20:18 | 23/02/2018

Duke marrë parasysh debatin që u zhvillua në Kuvend për heqjen nga ndihma ekonomike të 20 mijë familjeve, e ftuar në “Byro Politike”, drejtoresha e pergjithshme e politikave sociale në Ministrinë e Shëndetësisë dhe Mirëqenies Sociale, Merita Xhafaj, tha se sot ekziston një sistem elektronik për ndihmën ekonomike, ndryshe nga e shkuara.

“Nëse më parë kishte një regjistër manual, sot kemi një sistem elektronik të ndihmës ekonomike. Kur paraqitej një dosje me një sërë dokumentesh listat miratoheshin në mënyrë manuale në këshillet bashkiake. Në atë kohë ka pasur dhe anëtrë të këshillave me ndihmë ekonomike”, tha ajo.

Më tej, Xhafaj shtoi se sistemi i ri nuk flet për përjashtim, por për refuzim.

Merita Xhafaj: “Nuk mund të flitet për përjashtim. Këtu është refuzim i sistemit. Skema nuk ka kritere përjashtuese”.

Juli Xhakoxhi: Pse janë hequr 20 mijë familje nga skema ekonomike?

Merita Xhafaj: “Nuk janë hequr janë refuzuar nga sistemi. 20 mijë aplikantë që janë refuzuar nga sistemi, 70 për qind e tyre, sipas sistemit kanë qenë në moshë pune, nga mosha 24 deri në 45. Ka nga ata që ka qenë abuzues me ndihmën ekonomike, ndërkohë ka edhe nga ata që nuk kanë ditur në mënyrën e të aplikuarit”./abcnews.al

partia-demokratike-1.jpg
ad min19:47 | 20/02/2018

Partia Demokratike dorëzoi të martën në Kuvend kërkesën për mocion me debat me Kryeministrin Edi Rama për heqjen nga skema e ndihmës ekonomike të më shumë se 20 mijë familjeve në të gjithë vendin.

Në kërkesën e PD-së theksohet se përjashtimi i tyre është abuziv, i bërë në proçedura aspak transparente, në tejkalim të përcaktimeve ligjore dhe, me shumë gjasë, në kushtet e ndjekjes penale. Opozita e kërkon debatin me kryeministrin për këtë çështje që në seancën e së enjtes.

“Situata e verifikuar deri më tani është shkaktuar prej papërgjeshmërisë së qeverisë dhe ka rënduar gjendjen e këtyre familjeve në kufijtë e një drame njerëzore dhe të një emergjence kombëtare, pasi ndihma ekonomike është e vetmja mundësi mbijetese për ta”, thuhet në kërkesën e Partisë Demokratike./abcnews.al

vlcsnap-error958-1-1280x720.jpg
ent ela13:14 | 16/02/2018

Deri tani skema e re ndihmës ekonomike ka lënë jashtë 180 familje në Bashkinë e Vlorës, por numri pritet të jetë edhe më i lartë. Ky lajm u bë i ditur gjatë mbledhjes së Këshillit Bashkiak ku dhe pati debate. Këshilltarët e djathtë thanë se kjo është padrejtësi dhe skema e re po ndëshkon banorët e varfër. Në aplikimin e kësaj skeme nuk ka transparencë, tha një nga këshilltarët e djathtë, ndaj duhet informocion se si po përzgjidhen familjet që përfitojnë ndihmën ekonomike dhe si largohen ato që nuk përfitojnë. /abcnews.al

 

vlcsnap-error744-1280x720.jpg
ent ela12:42 | 16/02/2018

Në Lezhë banorët që janë hequr nga skema e ndihmës ekonomike janë të irrituar. Ata thonë se kjo është padrejtësi, dhe në mbështetje të tyre ka dalë nënkryetarja e bashkisë së Lezhës.

Kur mësuan se u larguan nga skema e ndihmës ekonomike zaptuan dyert e shërbimit.

 

Janë të varfërit në Lezhë që s’po kuptojnë çfarë u ka ndodhur.

 

Pikëzimi sipas sistemit ka larguar rreth 60% të familjeve në Qarkun e Lezhës që trajtoheshin me ndihmë ekonomike. Drejtori rajonal Keler Sufja thotë se nga skema u hoqën abuzuesit e sistemit. Por shton se ka edhe familje të ndëshkuara nga papërgjegjshmëri e administratorit social.

 

Në mbështetje të banorëve doli nënkryetarja e Bashkisë së Lezhës Alfrida Marku. Ajo thotë se skema me pikëzim nuk është transparente duke kërkuar që shërbimi social shtetëror të sqarojë qyetarët.

 

Numrin më të lartë të familjeve të larguara nga skema e ndihmës ekonomike e ka bashkia Kurbin që përbën rreth 45% të totalit prej 3041 familjeve që janë lënë jashtë skemës. Sipas shërbimit social shtetëror në Lezhë, pritet që të ketë të tjera kontrolle, pasi ende besohet se ka probleme me listat e përfituesve të ndihmës ekonomike. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono