skema

cifti-Kajolli.jpg
nev ila14:58 | 23/11/2019

Pas zbardhjes të skemave të mashtrimit të çiftit Kajolli në Fier polica i vë prangat dhe Migena Kajollit. Një ditë më parë Gjykata e Apelit mori vendimin dënim me burg për 30 vjeçaren. Ajo u dënua me 8 vjet për veprat penale, “Mashtrim” dhe “Mashtrim në bashkëpunim me pasoja të rënda”.

Kujtojmë këtu se Migena së bashku me bashkëshortin e saj Fisnik Kajolli, kishin ngritur një skemë mashtrimi, në Fier ku premtonin punë në kompani të ndryshme private kryesisht në sektorin e naftës.

Në këmbim ju kërkoni qytetarëve para. Vlerat ishin nga 2 deri 3 mijë euro për person. Historia ka nisur 3 vjet më parë. Dyshohet se Migena ka qenë ideatorja e skemës. Ishte ajo që u thoshte personave që u kishte marr paratë se në telefonin e tyre do të mbërrinte një mesazh konfirmimi nga kompania.

E në fakt këto mesazhe nuk shkuan kurrë. Çifti e zgjeroi skemën kur mashtruan një motër dhe vëlla që ju kërkuan mbi 35 mijë euro që ata të bëheshin aksionerë të një kompanie.

Për të bindur qytetarët bashkëshortët Kajolli nënshkruanin edhe akte noteriale./abcnews.al

makinandoj-1280x720.jpg
nev ila23:11 | 02/11/2019

Atentati i tipit mafioz që iu bë prokurorit të Durrësit Arjan Ndoj  bashkë me dy miqtë e tij që udhëtonin me një automjet ishte i mirëorganizuar dhe autorët dyshohet se janë me pagesë. Prita ishte ngritur te mbikalimi i Shkozetit 3 km larg vendit nga ku Ndoj po drekonte në një restorant në zonën e Plazhit.

ABC News zbardh të plotë itenerarin e ndjekur nga autorët, të cilët kryen atentatin ndaj prokurorit Arjan Ndoj bashkë me dy miqtë e tij te mbikalimi i Shkozetit në Durrës.

Ndoj pasi kishte mbyllur orarin zyrtar në organin e akuzës në Durrës kishte shkuar të drekonte në një nga restorantet e zonës së plazhit. Ai përshkoi rrugën për t’u largua nëpërmjet unazës për të hyrë në autostradë në drejtim të Tiranës, duke mos e ditur se 3 km më tej, atentatorët i kishin ngritur pritë.

Ndjekje si nëpër filma… pasi autorët dyshohet se kanë përdorur dy atomjete dhe njëri ka ndaluar shpejtësinë ku udhëtonte prokurori i Durrësit.

Por autorët nuk u mjaftuar më kaq. Dyshohet se u qëllua nga dy armë zjarri në mjetin e tip Mercedez Benz dhe plumbuat ishin drejtuar në ndenjësen e parë, ku ishte ulur Ndoj. Drejtues i mjetit ishte Andi Maloku dhe pasagjer në ulësen e pasme ishte Aleksandër Laho, ose i njohur ndyrshme si Pëllumb Muharremi me nofkën “rrumi”.

Dëshmitarët okuluar kanë treguar në polici se pak çaste pasi u krye atentati, afër vendit të ngjarjes ndaloi një automjet tip “Skoda”, për t’u siguruar se objektivi që dyshohet të ishte prokurori Ndoja ishte eleminuar.

Grupi hetimor ka lënë prova të shumta materiale sic është edhe targa e automjetit që është pronësi të vëllait të Aleksandër Lahos.

E gjithë gjatësia e rrugës së autostradës Durrës Tiranë por edhe e unazës nga ka ardhur automjeti i Ndojit është i monitoruar nga kamerat e sigurisë.

Për të përshpejtuar përftimin e pamjeve është ngrit një grup i përbashkët ndërmjet policisë së Tiranës dhe Durrësit. Ekspertët e kriminalistikës dyshojnë se, autorët janë mbështetur edhe nga persona të tjerë për t’u larguar dhe të humbur gjurmët.

Për ngjarjen e rëndë policia e qytetit bregdetar ka ngrituar pika të shumta kotrolli, ndërsa në rrugët e qytetit të Durrësit, janë nxjerrë edhe autoblindat.

Shumë persona janë shoqëruar por pas marrjes në pyetje u lanë të lire. Grupi hetimor nga nuk asnjë të ndaluar për atentatitn kriminal.

Dyshohet se automjeti i sekuestruar bashkë me dy armë automatike dhe maskat në Ishëm të jetë lënë nga autorët për të shpërqëndruar forcat e policisë, pasi nga mbikalimi i Shkozetit deri në Shkfandë, përshkruhet për të paktën 1 orë e 30 minuta. Gjithashtu u sekuestruan edhe bidona me benzinë por mjeti u gjet i padjegur. Të gjitha provat materiale u dërguarn në laboratorin e policisë shkencore.

Atentati i Arjan Ndojit po hetohet edhe nga Prokuroria e Krimeve të Rënda me procedimin penal të regjistruar për : “vrasje për shkak të cilësive të veçanta, e mbetur në tentativë” dhe “grup i strukturuar kriminal”.

Në të njëjtin vend pranë mbikalimit të Shkozetit në qershor 2019 u bë një antentat i tipit mafioz ndaj tre persona por fatmirësisht pa viktima./abcnews.al

blendi-cuci-1280x716.jpg
nev ila15:06 | 28/09/2019

Ministria e Bujqësisë dhe Zhvillimit Rural po bën gati draftin për naftë pa taksa për fermerët. Lajmin, ministri Bledi Çuçi  e bëri të ditur gjatë një bashkëbisedimi me fermerët në Fier.

Fermerët vitin e ardhshëm do të mund të blejnë naftë me çmim më të lirë. Ministria e Bujqësisë dhe Zhvillimit Rural po harton skemën për të përjashtuar nga taksat e hidrokarbureve këtë kategori. Ministri Bledi Cuci fermerëve në Fier iu tregoi shembullin e sektorit të peshkimit.

“Kam nisur një projekt që unë besoj se do na çojë shumë shpejt tek lehtësitë për marrjen e naftës nga fermerët të zhveshur nga taksat. Është e rëndësishme që ne të ngremë infrastrukturën që këtë ta bëjmë dhe ta kemi të kontrollueshme për të mos lejuar abuzimin. Me zhvillimin e teknologjisë sot, ne i kemi të gjitha mundësitë ta bëjmë këtë gjë. Por do të përfitojnë vetëm ata që janë të formalizuar. Ky është një projekt që po vijon. Me shpresë vitin tjetër do ta paraqesim në qeveri për të marrë pastaj një vendim”, tha Çuçi.

Fermerët shqetësohen dhe për matrikullimin e bagëtive. Ministri iu tha se shërbimi veterinar do të kontrollohet plotësisht nga shteti dhe matrikullat do të jenë falas.

“Sistemi që zgjodhëm me klinikat veterinare ka dështuar. Do t’i prezantojë Parlamentit një riorganizim tërësor të shërbimit veterinar. Do ta kthejmë në një shërbim vertikal tërësisht të kontrolluar nga shteti në mënyrë që të rrisim përgjegjësinë. Brenda kësaj skeme padiskutim që matrikulla do të bëhet pa lekë”, tha ai.

Sa i përket dokumentacionit të nevojshëm për të aplikuar për mbështetje financiare ministri i Bujqësisë dhe Zhvillimit Rural u shpreh se procedurat janë thjeshtuar në maksimum./ABC News Albania 24/7

ogerta-manastirliu.jpg
ad min12:55 | 01/08/2019

Personat me aftësi të kufizuar në kushte pune do të trajtohen me pagesën e paaftësisë gjatë gjithë jetës. Ministrja e Shëndetësisë dhe Mbrojtjes Sociale Ogerta Manastirliu tregoi ndryshimet në ligj. Njeë ndër to është dhe ndryshimi  në mënyrën e vlerësimit të kësaj kategorie.

Zgjerohet skema e personave që do të trajtohen me asistencë sociale nga buxheti i shtetit. Kategoritë që përfitojnë i tregoi Ministrja e Shëndetësisë dhe Mbrojtjes Sociale Ogerta Manastirliu në një interpelancë me përfaqësues të shoqatave të personave me aftësi të kufizuar.

“Ligji i ri i miratuar i asistencës sociale hap rrugën edhe për përfshirjen e atyre personave të cilët nuk përfshiheshin në skemën e sigurimeve shoqërore për shkak se nuk kishin një vit pune të siguruar në 5 vitet e fundit. Do të jenë më shumë se 3000 individë të cilët do të përfshihen në skemën e asistencës sociale nëpërmjet programeve të mbështetjes sociale për personat me aftësi të kufizuara”.

Ministrja tregoi gjithashtu se me ligjin e ri, personat me aftësi të kufizuar në kushte pune do të përfitojnë pagesën e paaftësisë jo më për 48 muaj, por gjatë gjithë jetës. Reforma parashikon ndryshime dhe në mënyrën e vlerësimit të këtyre personave.

“Flasim për një vlerësim të ri bio-psiko-social që bazohet në instrumentet më të mirë që ka ngritur Organizata Botërore e Shëndetësisë dhe struktura të tjera që merren me vlerësimin e aftësisë së kufizuar të cilat ne po i adaptojmë dhe po i aplikojmë në njësitë administrative 6-7 dhe brenda vitit shtrihemi në të gjithë Tiranën”.

Ministrja e Shëndetësisë dhe Mbrojtjes Sociale iu përgjigj pozitivisht pyetjes nëse reforma e aftësisë së kufizuar do të përfshijë dhe personat që nuk dëgjojnë ndërsa shpjegoi se synimi është integrimi i tyre në komunitet./ABC News Albania 24/7

KOMBETARJA-SKEMAT-PER-EUROPIANIN.mpg_snapshot_00.25-1280x720.jpg
ent ela12:55 | 23/05/2019

Trajneri i kombëtares, Edi Reja, po mendon për të forcuar lojën në mbrojtje, për dy ndeshjet e radhës në eleminatoret e Europianit. Italiani duhet të bëjë pa kapitenin Mërgim Mavraj.

Është shumë shpejt të flitet për skemat, por po mendohet për to.

Edi Reja e bëri të qartë që në konferencën për shtyp se do të përpiqej të ishte i kujdesshëm me lojën sulmuese të kombëtares, dhe duket se ka ndërmend që këtë ide ta verë në praktikë.

Mund të besohet se trajneri dëshiron ta ketë skuadrën në fushë me skemën 3-5-2, duke menduar të jetë i mbuluar në mbrojtje, sidomos në mungesë të kapitenit Mërgim Mavraj, që mbetet i pezulluar.

Me vetëm 10 lojtarë të kombëtares në dispozicion, por edhe me 12 futbollistë të ekipit Shpresa, Reja ka krijuar të paktën numrat që i duhen për eksperimentet e veta.

Me tre mbrojtës dhe me dy lojtarë krahu, Shqipëria mund të ndihet më e sigurt në një ndeshje të vështirë fizike dhe atletike, sidomos si ajo në fushën e Islandës, në 8 qershor, për eleminatoret e Europianit, dhe më pak ajo ndaj Moldavisë në “Elbasan Arena” në datën 11.

Kjo do të thotë një kthim në kohën e De Biazit, edhe pse ish-trajneri kishte mbrojtje zakonisht me katër lojtarë, por me mesfushë të përforcuar në qendër, për të ndihmuar prapavijën.

Reja do të ketë mundësi të mbështetet në më shumë lojtarë, pasi rikthehen Lenjani, Roshi, Cikalleshi, ndërsa Sadiku duket edhe më në formë.

Mediat italiane njoftojnë se në kombëtare kthehet mbrojtësi i majtë, Hysen Memolla, që luan në Serinë B Salernitana.

Trajneri Reja do të ketë të gjithë futbollistët në dispozicion duke nisur nga e hëna e ardhshme, kur edhe do t’i shpallë në konferencën për shtyp. /ABC News Albania 24/7

Cuci-1-1280x726.jpg
ad min14:40 | 27/04/2019

Ministri i Bujqësisë dhe Zhvillimit Rural Bledi Çuci u bën thirrje fermerëve të aplikojnë për të përfituar nga skema e re subvencionuese për qumështin. Pak javë më parë qeveria miratoi rimbursimin 10 lekë për një litër qumësht.

Kjo fabrike përpunimi grumbullon qumësht kryesisht nga zonat e Shkodrës, Lezhës dhe Tiranës. Ministri i Bujqësisë dhe Zhvillimit Rural Bledi Cuci pasi u njoh me investimin e kryer i bëri thirrje fermerëve që tregtojnë qumësht të aplikojnë për të përfituar rimbursimin prej 10 lekë për litër.

“Besoj se edhe fermerët me të cilët punoni ju, do të jenë pjesë e skemës që ne miratuam për të rimbursuar me 10 lekë çdo litër qumësht të shitur. Unë gjej rastin t’u bëj edhe njëherë thirrje fermerëve që të vijnë pranë zyrave të AZHBR apo zyrave të Bujqësisë që të regjistrohen për të marrë rimbursimin”.

Vitet e  fundit industria e përpunimit të qumështit në vend ka njohur rritje. Sipërmarrësit e këtij sektori kanë kryer investime qindra milionë euro. Në Shqipëri prodhohen rreth 1.1 milion ton qumësht, ndërsa e gjithë industria qarkullon në vit rreth 600 milionë euro. Aktualisht ka kompani shqiptare që eksportojnë djathin ‘Made in Albania’ deri në Shtetet e Bashkuara të Amerikës./abcnews.al

 

 

dhimo-kote-1280x702.jpg
ent ela17:15 | 05/04/2019

Zëvendësministri i Bujqësisë dhe Zhvillimit Rural, Dhimo Kote ka folur për skemën se si do të të kompenson fermerët të cilët prodhojnë dhe shesin qumësht. Ata protestuan kundër tvsh-së e cila ndryshoi nga 20% në 6% dhe për këtë situatë një ditë më parë Këshilli i Ministrave miratoi një vendim për kompensimin e fermerëve.

Bruna Çifligu: Si do të bëhet kompensimi i fermerëve?

Dhimo Kote: Skema këtë vit është përqendruar totalisht tek bujqësia dhe është përqendruan tek blegtoria. Skema e këtij viti është afërsisht 7 miliard lekë të vjetra të ndara këto sipas sektorëve. Për sa i përket kësaj situate qeveria ka vendosur dhe Ministria e Bujqësisë që të mbështesë për çdo kg qumësht të gjithë fermerët pa marrë para sysh se na numër krerësh lopësh kanë, me 100 lekë për ta dorëzuar në pikën e grumbullimit, për të marrë faturën dhe duke filluar që nga 1 Janari i viti 2019 dhe në vazhdim. Fermeri i cili është i pajisur me nipt, i pajisur me numër llogarie në bankë dhe me një sigurim shoqëror tre muaj dhe jo sikundër ishte më parë me një vit dhe dy vjet. Nëse ai nxjerr niptin sot që nga ky moment do të bëjë sigurimin për tre muaj që të futet dhe të përfitojë nga kjo skemë që do të mbështesë realisht fermerin shqiptar. Do kalojnë lekët tek fermeri shqiptar. Këto fatura i grumbullon dhe aplikon me këto dokumente pa asnjë dokument tjetër, aplikon nëpër agro-pikat që kemi nëpër qytete.

Bruna Çifligu: Kur ka një datë për aplikimin?

Dhimo Kote: Po. Udhëzimi po firmoset sot dhe pas datës 20 -25 Prill ata do të fillojnë aplikimet. Pas aplikimi përgjigjen do ta marri për 7 ditë. Pastaj 5 deri në 10 Maj mendoj se do të fillojë që të bëhet likuidimi i faturave që do të çojnë në agro-pikat që ne kemi nëpër qytete e vendit. Fermeri nuk do të ketë vështirësi për këtë punë dhe u bëj thirrje të gjithë fermerëve që kur të dorëzojnë qumështin të marrin faturë./abcnews.al

LAJMET-NGA-KOMBETARJA-1280x720.jpg
ent ela14:34 | 15/11/2018

Kombëtarja po përgatitet për lojë sulmuese ndaj Skocisë. Trajneri Panuçi ka ende dyshime për formacionin, me kapitenin Mavraj që mund të lihet rezervë, dhe  Grezdën ende me probleme fizike.

Dyshimet mbeten, ndonëse mendimi po qartësohet. Kombëtarja pritet të dalë në fushë me skemë sulmuese në ndeshjen e fundit zyrtare të vitit, atë ndaj Skocisë, ndërsa trajneri Panuçi ka ende lojtarë në pikëpyetje.

Skema e italianit besohet se do të jetë me tre lojtarë në mbrojtje, dhe me pesë në mesfushë, në përpjekje për të bërë presion e për të arritur fitoren.

Mërgim Mavraj, njëri nga kandidatët për kapitenë, pritet të jetë në stol, ndërsa Panuçi ndoshta mendon që Gjimshiti është në formë më të mirë, duke luajtur e duke shënuar në Serinë A.

Në mungesë të Bashës dhe të Ramadanit, në mesfushë mendohet të jenë titullarë Sabien Lilaj dhe Ergys Kaçe. Dyshimi më i madh ka të bëjë me Eros Grezdën, një nga lojtarët më të rëndësishëm për Panuçin, por që sërish nuk është 100 për qind i gatshëm.

Për dy ditë me radhë lojtari i Gllazgou Rejnxhërsit bëri stërvitje individuale, ndonëse ende ka shpresë që të jetë titullar.

Në sulm, besohet se zgjedhje e parë do të jetë Bekim Balaj, kurse pas tij pritet të jetë treshja Uzuni-Memushaj-Grezda.

Gjithsesi, ekziston mundësia që Panuçi të ndryshojë në momentet e fundit përsa i përket skemët dhe lojtarëve, pasi gjatë përgatitjes ai ka bërë prova të shumta.

harta-e-trafikut-1-933x445.jpg
ent ela21:48 | 25/06/2018

Alfred Vladi 33 vjeç dhe Elvis Vladi 38 vjeç janë dy kushërinjtë që janë shpallur në kërkim nga Policia e Shtetit si dy personat që kanë porositur automjetet “Toyota” nga Belgjika, brenda së cilave ishin fshehur 3.4 milionë Euro.

Alfred Vladi dhe Elvis Vladi janë djem xhaxhallarësh me njëri-tjetrin, me origjinë nga Peshkopia dhe banues në Tiranë.

Elvis Vladi rezulton të jetë i arrestuar në vitin 2015 në Londër të Britanisë së Madhe, si pjesë e një grupi kriminal që trafikonte kokainë. Në atë periudhë, grupi i tyre u kap në flagrancë me 16 kg kokainë. Nga gjykimi i çështjes, Elvis Vladi u shpall i pafajshëm nga ana e gjykatës angleze dhe u la i lirë.

SHTETET KU VEPRONTE ORGANIZATA KRIMINALE

Dyshohet se grupi kriminal, me të cilin në atë kohë u arrestua edhe Elvis Vladi, paratë që përfitonte nga shitja e kokainës i pastronte në Shqipëri. Pikërisht në këtë pistë janë fokusuar edhe hetimet e policisë shqiptare. Mësohet se grupi kriminal i shqiptarëve në Londër ushtronte veprimtarinë përveç Britanisë, edhe në Belgjikë e Holandë. Policia e Shtetit thotë se kontenieri me automjetet Toyota ishte nisur nga Belgjika. Më pas kishte mbërritur në portin e Durrësit tranzit nga porti i Barit në Itali.

SI FUNKSIONONTE PASTRIMI I PARAVE TË KOKAINËS DHE LIDHJA ME TOYOTA

Nga të dhëna të besueshme të tvklan.al rezulton se 33-vjeçari Alfred Vladi është administrator i “Tirana Rental Car”, firmë që jep automjete me qira. Kjo kompani është regjistruar për herë të parë më 16 Gusht 2017 me emër subjekti Alfred Vladi. Disa muaj më pas, më 7 Maj 2018 është ndryshuar emri i subjektit tregtar dhe është bërë “Tirana Rental Car”. Administrator sërish vijon të mbetet Alfred Vladi, ndërsa ortak është Flamur Vladi. Tvklan.al ka mësuar se Flamur Vladi është vëllai i Elvis Vladit, 38-vjeçarit të arrestuar para 3 vitesh në Londër dhe që më pas u shpall i pafajshëm. Për shkak të historisë që ka pasur në Londër, mendohet se për këtë arsye është regjistruar ortak i kompanisë Flamur Vladi, vëllai i Elvis Vladit.

Faksimile/ Ekstrakti i QKR i kompanisë Tirana Rental Car

Kompania “Tirana Rental Car”, në funksionin e saj thotë se jep makina me qira, të cilat janë kryesisht Toyota. Kjo firmë thotë gjithashtu se objekt i saj janë edhe shitblerje makinash, huadhënie, agjenci udhëtime, veprimtari për transfertë parash në emër dhe në llogari të një subjekti financiar jo bankë. Të gjitha shërbimet e pagesave dhe të transferimit të parave bëhen në emër dhe për llogari të një subjekti financiar jo bankë.

Ne foto Alfred Vladi

 

PISTA E HETIMIT

Burime konfidenciale nga policia thonë se ka dyshime të arsyeshme që paratë e pista mund të jenë sjellë në Shqipëri edhe përmes transferimit të tyre nga ana e “Tirana Rental Car”. Nuk dihet ende nëse shuma të tilla janë sjellë edhe herë të tjera në vendin tonë apo kjo ka qenë rruga e parë e këtij grupi kriminal. Eurot e përfituara nga shitja e kokainës në Angli transferoheshin më pas në Belgjikë apo dhe shtete të tjera ku kishte lidhje grupi i shqiptarëve të Londrës që drejtohej nga Gentian Cuka. Pas arrestimit të këtij të fundit në vitin 2015, drejtimin e grupit e morën njerëz të afërt me Cukën, thonë mediat angleze.

Pas mbërritjes së Eurove në Belgjikë, ato më pas silleshin në Shqipëri përmes transfertave nga ana e një subjekti financiar jo bankë apo përmes dërgesave me automjetet Toyota që porositeshin nga “Tirana Rental Car”. Kjo është pista ku janë fokusuar hetimet e agjentëve të Policisë së Shtetit.

Ne foto Edi Cani

Më pas shumat e parave pastroheshin duke u investuar në fusha të ndryshme. Ditën e djeshme, në Portin e Durrësit u gjetën 3.4 milionë Euro të fshehura në dy automjete Toyota. Zyrtarisht policia tha se ka arrestua katër persona; Agim Çeka 61 vjeç, Edi Lika (Cani) 41 vjeç, Klevi Lika 21 vjeç dhe Alban Mollaymeri 40 vjeç. Ky i fundit ishte personi që do të priste automjetet Toyota për llogari të kushërinjve Vladi.

Gjatë kontrollit të ushtruar në Portin e Durrësit, në automjetin tip ‘Bizark’ të drejtuar nga Agim Çeku dhe pronar Klevi Lika (Cani), në 2 automjete të ngarkuar në të, tip ‘Toyota’ janë gjetur një shumë e konsiderueshme eurosh dhe franga zviceriane, të padeklaruara. Gjithashtu janë ushtruar kontrolle në banesat dhe ambiente të tjera të personave të dyshuar. /tvklan.al

 

filma-1280x618.jpg
ad min15:26 | 24/03/2018

Çdo person duhej të paguante 20 mijë stërlina për të shkuar si emigrant i paligjshëm në Britaninë e Madhe, Shtetet e Bashkuara të Amerikës ose Kanada. Ky është vetëm një nga detajet që e përditshmja britanike Daily Mail ka publikuar pas zbulimit të rrjetit kriminal shqiptar të trafikut të qënieve njerëzore.

Një operacion ndërkombtar policie ka zbuluar një rrjet kriminal që merrej me emigracionin e paligjshëm nga Shqipëria në Britaninë e Madhe. Kështu nis raportimin e saj “Daily Mail”, duke shtuar se falë këtij operacioni është zbuluar se më shumë se 50 persona të përfshirë përfitonin me miliona euro duke dërguar emigrantë nga 17 vende të ndryshme të botës në Kanada, Shtetet e Bashkuara të Amerikës dhe Britani të Madhe.

39 të dyshuar që vepronin në 10 vende, përfshirë dhe Britaninë e Madhe akuzohen se kanë transportuar rreth 150 emigrantë të paligjshëm, ku secili prej tyre paguante 20 mijë stërlina për t’u larguar nga Shqipëria. 12 persona të tjerë janë shpallur në kërkim.

Katër agjentë të Policisë Kufitare shqiptare rezultojnë ndër të arrestuarit, pasi akuzohen se kanë ndihmuar bandat kriminale. Policia sekuestroi automatikë, municione dhe më shumë se 25 mijë stërlina cash, një kuti me pasaporta dhe mjete të tjera identifikimi, vula, printer me ngjyra dhe 28 kompjuterë që përdoreshin për falsifikimin e dokumenteve.

Më tej “Daily Mail” bën një rindërtim se si funksiononte rrjeti kriminal, fillimisht itenerari për në Mbretërinë e Bashkuar niste nga Italia dhe Franca, por pas operacioneve policore të të duja vendeve kundër këtij fenomeni, itenerari ndryshoi duke kaluar nëpërmjet Malit të zi, Serbisë, Gjermanisë dhe veriut të Spanjës, ku më pas emigrantët transportoheshin me anije për në brigjet jugore britanike.

Gjysma e emigrantëve të transportuar nga rrjeti kriminal, 750 prej tyre, përfunduan në Britaninë e Madhe. Nëntë nga dhjetë shqiptarët e trafikuar në Mbretërinë e Bashkuar besohet se kanë kaluar kufirin duke përdorur pasaporta false, ku nënshtetësia e tyre ishte italiane, franceze dhe spanjolle.

Sipas të përditshmes britanike, operacioni ka nisur pikërisht pasi “Daily Mail” publikoi lajmin për numrin e madh të emigrantëve të paligjshëm në Britaninë e Madhe ku pjesa më e madhe e tyre bënin seflie dhe filmonin veten të fshehur nëpër kamionë rrugës për në territorin britanik.

Agjencia kombëtare britanike për krimin ka paralajmëruar se grupet kriminale shiptare kanë vendosur rrënjë të forta në mbretërinë e bashkuar dhe kanë lidhje me krimin e organizuar britanik. Ata merren me furnizimin me kokainë në vend si dhe me prostitucion përveç trafikimit të qënieve njerëzore.

Shqiptarët aktualisht janë grupi i tretë më i madh i personave të burgosur në Angli dhe Uells, pas irlandezëve dhe polakëve duke u kushtuar 53 milionë stërlina taksapaguesve britanikë.

Fakti që Shqipëria është një vend kandidat për anëtarësim në Bashkimin Europian, shqiptarët mund të udhëtojnë lirisht në vendet e BE-së vetëm me pasaportë, por u duhen vizat për në Britaninë e Madhe dhe në Amerikën e Veriut. Shqiptarët një vit më parë ishin të dytët në listën e fëmijëve të pashoqëruar, që kërkojnë azil në Britaninë e madhe, pas atyre sirianë./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono