skela

skela-2-1280x688.jpg
ad min12:54 | 08/09/2019

Policia e Tiranës ka ndaluar një tjetër person në lidhje me ngjarjen e 16 Gushtit 2019, ku në rrugën “Faik Konica”, si rezultat i rrëzimit të skelave të pallatit që ishte në rikonstruksion, ndërruan jetën dy punëtorë. Në pranga përfundoi Petrit Sula, i cili është edhe administratori i firmës “Skela Syla”.

Vdekja e dy punëtorëve nga rrëzimi i skelave gjatë rinkosntruksionit të një pallati në Tiranë, ka çuar në pranga pronarin e kompanisë “Skela Syla”, Petrit Sylën. Ngjarja e rëndë ndodhi mesditën e 16 Gushtit në rrugën “Faik Konica”, ku humbën jetë Orjon Kodra dhe Ergys Brahimaj.

Prangosja e Petrit Sylës u bë nga efektivët e komisariatit nr.1., në Tiranë, ndërsa ky i fundit kishte negociuar nëpërmjet avokatit të tij për t’u dorëzuar vullnetarisht. Prokuroria e Tiranës ka lëshuar urdhër-ndalimi ndaj administratorit të “Skela Syla”.Ai akuzohet për veprën penale të “Shkeljes së rregullave të mbrojtjes në punë”.

Më herët u ndaluan 2 drejtues teknik të kompanive që po punonin në fasadën e pallatit 13 katësh. Xhimi Tarushi me detyrë drejtues teknik i punimeve në firmën “Xhimi” si dhe Ilir Bendo me detyrë Drejtues Teknik i sigurisë së punimeve në firmën skela “Syla”.

Ata u prangosën pasi nuk kishin plotësuar kushtet minimale për sigurinë punonjësve të tyre. Gjithashtu, nën hetim u vendosën edhe disa punonjës të Inspektoriatit të Punës Tiranë, pasi ata nuk kanë ushtruar detyrën për kontrollin e masave të sigurisë në punë në pallatin ku ndodhi aksidenti i rëndë i mesgushtit të muajit të kaluar./ABC News Albania 24/7

ishp.jpg
ad min16:06 | 19/08/2019

Inspektoriati Shtetëror i Punës ka reaguar për vdekjen e dy punëtorëve, të cilët u rrëzuan nga skela pak ditë më parë ndërsa po riparonin fasadën e një pallati në Tiranë. Dy kompanitë e skelave sipas Drejtorit të Përgjithshëm janë nën hetim. Seferaj e cilësoi sektorin e ndërtimit me risk shumë të lartë sa i përket humbjeve të jetëve në punë.

“Rasti i fundit i aksidentit të ndodhur si shkak i rënies së skelës në kantierin e ndërtimit të pallatit me pasojë humbjen e jetës së dy punëmarrësve dhe plagosjen e katër të tjerëve tregon se kontrollet duhet të intensifikohen më shumë në sektorin e ndërtimit dhe jo vetëm duke synuar rritjen e cilësisë së inspektimeve me qëllim parandalimin dhe mosndodhjen në të ardhmen. Subjektet “Xhimi Taurush” dhe “Skela Syla”, të cilët u përfshinë në këtë aksident në punë janë në proces hetimi nga inspektorët e punës së degës rajonale Tiranë duke bashkëpunuar edhe me organet e Policisë së Shtetit me rezultatet e të cilit do t’ju bëjmë me dije në përfundim të këtij procesi. Ergys Ibrahimidhe Genc Bardhi i lënduar janë punëmarrës të subjektit “Xhimi Tarushi”. Orjan Kodra që ka humbur jetën, Eugidius Lika, Behar Sadria, dhe Altin Marku, të plagosur janë punëmarrës të subjektit “Skela Syla””, tha Seferaj./abcnews.al

punetoret-1280x743.jpg
ad min16:00 | 16/08/2019

Dy viktima dhe tre të plagosur është bilanci i deritanishëm i një aksidenti në punë në Tiranë. 5 punëtorë ranë nga skela mbi të cilën po punonin, kur ajo u rrëzua.

Ngjarja e rëndë ndodhi tek një pallat në rrugën “Faik Konica” në Tiranë, i cili i ishte nënshtruar rikonstruksionit të fasadës. 3 punëtorë janë dërguar me urgjencë në spital, ndërsa dy të tjerë kishin mbetur nën rrënoja. Policia ka arritur të nxjerrë nga rrënojat trupat e punëtorëve të cilët fatkeqësisht kanë ndërruar jetë.

Sipas informacioneve paraprake, skela është shkëputur dhe disa punëtorë kanë rënë nga një lartësi prej pesë metrash, ndërsa të tjerët kanë arritur të shpëtojnë duke u mbajtur. Policia ka rrethuar zonën me perimetër sigurie dhe ka evakuuar banorët.

Njoftimi i policisë

Rreth orës 15:00 në rrugën e “Elbasanit” nga një ndërtesë në rikonstruksion është shkëputur një pjesë  e skelës metalike. Si pasojë e shkëputjes së skelës janë dëmtuar 4 nga punëtorët të cilët ndodheshin duke punuar pranë këtij objekti, shtetasit G. B.,44 vjeç dhe E. L.,34 vjeç  janë dërguar të cilët janë dërguar në spital për ndihmë mjekësore.

Dy punëtorë të tjerë i ka zënë skela poshtë  dhe në këto momente është nxjerrë turpi i pajetë  njërit prej tyre. Policia e zjarrfikësja vijojnë punën për nxjerrjen e personit tjetër. Policia ka shoqëruar administratorin e punimeve  për veprime të mëtejshme Grupi hetimor ndodhet në vendngjarje ku po vijin punën për sqarimin e mëtejshëm të rrethanave të ngjarjes./abcnews.al

i-lenduari1-OK-933x445.jpg
ent ela12:51 | 16/02/2019

Një protestues ka pësuar gjendje të fikëti ndërkohë që kishte hipur mbi skelën e vendosur në derën e Kryeministrisë. Siç mund të shihet në këto pamje të siguruara nga tvklan.al, ai është ulur nga skela nga protestuesit e tjerë. Kanë qenë këta të fundit që e kanë marrë në krahë, për ta ulur më pas në tokë, ndërkohë pranë të lënduarit kanë shkuar edhe punonjës të ndihmës së shpejtë.

Protesta e thirrur nga opozita ka përshkallëzuar në dhunë. Protestuesit kanë hedhur shashka e molotov në drejtim të godinës së Kryeministrisë, duke thyer edhe një prej xhamave të derës së godinës.

Nga brenda Kryeministrisë efektivët e policisë kanë hedhur ujë në drejtim të protestuesve për t’i larguar nga hyrja e saj, ndërsa vijojnë t’i bëjnë thirrje protestuesve që të distancohen nga veprimet e dhunës.

Partia Demokratike ndërkohë raporton se ka disa protestues të lënduar nga gazi lotsjellës.

 

skela.png
ad min12:04 | 21/09/2018

Një punëtor ndërtimi është dërguar me urgjencë në spitalin e Gjirokastrës. Ai ndodhet në gjendje të rëndë pasi ka thyer gjymtyrë për shkak se u rrëzua nga lartësia.

Sipas policisë, ai ndodhej në një skelë në 10 metra lartësi i pasiguruar. Në një moment ka humbur ekuilbrin edhe ka rënë poshtë në tokë. Mjekët e spitalit thanë se gjendja e punëtorit është kritike./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono