skandal

78bdd2a5a8755868c7d147b5d9f6399955dba344.jpg
R D12:47 | 20/01/2020

Vajza e ish-presidentit të Angolës, është gruaja më e pasur e Afrikës. Mediat e akuzojnë për korrupsion dhe nepotizëm, por ajo shprehet se kjo është një gjueti shtrigash. Isabel dos Santos tha se kjo gjueti shtrigash është e orkestruar për ta eliminuar politikisht.

Vajza miliardere e ish-presidentit të Angolës Hose Eduardo është vënë në shënjestër të medias, e cila shkruan se është pasuruar falë korrupsionit dhe nepotizmit në kurriz të popullit të saj.

Në origjinë të skandalit janë një sërë dokumentesh që kanë rënë në duart e gazetarëve investigativë: rreth 700 e-maileve, kontakteve dhe materialeve të tjera që konfirmojnë transaksione dhe investime në sektore si ai i ndërtimit, telekomunikacionit dhe sidomos atë të naftës.
Me anë të një mesazhi në profilin e saj në Tëitter ajo shprehet se kjo është një manovër politike për të manipuluar mediat ndërkombëtare dhe autoritetet politike në vend.

E njohur në vendin e saj si Princesha, por prej kohësh rezidente në Londër, ajo këmbëngul se duan ta dëmtojnë politikisht. Në periudhën e luftës së ftohtë babai i saj mori mbështetjen e Moskës dhe që nga viti 1970 drejtoi vendin deri në 2017-ën. /abcnews.al

termeti-durres.jpeg
in a10:24 | 14/12/2019

Partia Demokratike ka deklaruar se po abuzohet me bonuset e qerave për tërmetin.

Në rrjetin social “facebook” ka publikuar një foto duke theksuar se militantët socialistë marrin qera të shumëfishta.

“Për Manzën janë dhënë 7 bonuse qeraje, 3 prej të cilave janë për familjen e Kryetarit të Partisë Socialiste të fshatit Radë, Armand Basha. Ai është njëkohësisht shpërndarës i ndihmave në Manzë dhe pronar i firmës së ndërtimit “Armandi shpk.”. Siç tregon dokumenti, bonus qeraje ka përfituar edhe babai i Kryetarit të PS, Hysni Basha, edhe ky ndërtues dhe gjyshi i Kryetarit të PS, Murat Basha. Të tre këta jetojnë në një shtëpi, por paratë për qeranë e kanë marrë sikur të jetonin të ndarë për arsyen e vetme se drejtojnë Partinë Socialiste në zonën e manzës”, shkruhet në deklaratën e PD.

Deklarata:

SKANDAL! Provohet abuzimi i qeverisë me bonuset e qerave për tërmetin. Militantët socialistë marrin qera të shumëfishta.

Bashkia e Durrësit publikoi pak ditë më parë familjet që përfitojnë bonuset e qerasë për shkak të dëmtimeve të shtëpive të tyre pas tërmetit të 26 nëntorit. Në media janë publikuar shpesh herë akuzat e banorëve të Durrësit dhe zonave përreth, më të godituart ga tërmeti, se qeveria po i diskriminon ata banorë që njihen si kundërshtarë politikë, duke favorizuar deri në abuzim militantët e saj. Një rast i tillë është provuar me Manzën. Ajo është një nga zonat më të godituar nga tërmeti, por shumë banorë vazhdojnë të flenë në çadra, ndërsa drejtuesit socialistë zhvasin bonuset e qerasë që nuk u takojnë. Për Manzën janë dhënë 7 bonuse qeraje, 3 prej të cilave janë për familjen e Kryetarit të Partisë Socialiste të fshatit Radë, Armand Basha. Ai është njëkohësisht shpërndarës i ndihmave në Manzë dhe pronar i firmës së ndërtimit “Armandi shpk.”. Siç tregon dokumenti, bonus qeraje ka përfituar edhe babai i Kryetarit të PS, Hysni Basha, edhe ky ndërtues dhe gjyshi i Kryetarit të PS, Murat Basha. Të tre këta jetojnë në një shtëpi, por paratë për qeranë e kanë marrë sikur të jetonin të ndarë për arsyen e vetme se drejtojnë Partinë Socialiste në zonën e manzës.

Fotografia e Partia Demokratike e Shqipërisë

 

Greqi1-1280x770.png
Veronik Istrefaj19:45 | 22/10/2019

Ndeshja mes Olimpiacos dhe Bayern Munchen është shumë delikate për të dyja skuadrat. Kjo sfidë do të luhet në Greqi në orën 20:45. Rreth 2 orë para ndeshjes, policia greke raportoi se 30 huliganë kanë sulmuar tifozët e Bayern.

30 personat që janë përgjegjës për këtë sulm, i janë afruar grupit të tifozëve baraverë me shpejtësi të madhe dhe të gjithë ishin mbi motorë. Sipas raportimeve të para, katër tifozë të Bayern kanë mbetur të plagosur rëndë, ndërsa disa të tjerë kanë pësuar dëmtime të lehta. Policia ka ndërhyrë menjëherë dhe disa nga këto huliganë janë kapur, ndërsa shumica e tyre janë larguar me shpejtësi.

Sfida mes Olimpiacosit dhe Bayernit është e vlefshme për raundin e tretë të Grupit B në Champions League./abcnews.al

kryebashkiaku.jpg
Autor E15:50 | 09/10/2019

Pak ditë para zgjedhjeve lokale, një skandal seksual ka shpëthyer në Hungari pak ditë para zgjedhjeve lokale.

Në mediat e vendit janë publikuar pamje të kryebashkiakut të qytetit Gyor, Zolt Borkai, i cili është filmuar në praninë e prostitutave si edhe duke kryer marrëdhënie seksuale më njerën prej tyre, raporton abcnews.al.

Pamjet fillimisht dolën në një blog anonim dhe më pas u shpërndanë në rrjetet sociale.

Më parë Borkai ka qenë kreu i Komitetit Olimpik të Hungarisë. Gazetarët hungarezë e akuzojnë atë për korrupsion, ndikim të paligjshëm, raporte me drogën dhe si prostitucion. /abcnews.al/

coleman.jpg
ad min21:25 | 22/08/2019

Një skandal i madh mund të trondisë atletikën botërore. Amerikani Kris Koleman, i cilësuar si pasardhës i Usain Boltit, mund të dënohet për doping.

Pritej si “Mesia” i ri i këtij sporti. Dy vjet më parë Kris Koleman e realizoi misionin, duke mundur legjendën Usain Bolt në Botërorin e Atletikës, veçse shkëlqimi mund të shuhet shpejt.

Fituesi i medaljes së argjendit në atë Botëror dhe njeriu më i shpejtë i botës që nga ajo kohë, mund të dënohet me 2 vit pezullim për një shkak tashmë të zakonshëm, dopingun.

Mediat botërore njoftojnë se amerikani 23-vjeçar ka dështuar për të realizuar tri prova të dopingut, diçka që mund ta paguajë shtrenjtë. Koleman duhet të shpjegojë në mënyrë bindëse se ku ka qenë në tri rastet kur i është kërkuar të bëjë analizën e dopingut dhe që nuk e ka bërë.

Edhe nëse dështon të shpjegojë një rast të vetëm, pritet që të dënohet, dhe kjo mund ta bëjë të humbasë Botërorin e këtij viti në Katar, dhe Lojërat Olimpike të Tokios vitin e ardhshëm.

Një goditje e rëndë për njeriun e destinuar për të zëvendësuar fenomenin nga Xhamajka, dhe që kishte nënshkruar një kontratë shumë milionë dollarëshe me Najkun.

Koleman ka kohët më të shpejta në botë në 100 metra vitet e fundit, me 9”79 e 9”81, ndërsa ka thyer rekordin botëror në 60 metra. Dënimi i mundshëm i tij do të ishte edhe një dëmtim i madh për imazhin e atletikës, që cilësohet si mbretëresha e sporteve./ABC News Albania 24/7

neymar-1.jpg
ad min20:46 | 28/06/2019

Gjykata kombëtare në Spanjë ka hapur një çështje për transferimin e Neymar te Barcelona në vitin 2013. Shkak është bërë fshehja reale e vlerës së transferimit të lojtarit madje Barcelona u detyrua të paguajë 5.5 milionë euro gjobë për mashtrime fiskale.

Telashet për brazilianin Neymar tashmë në rikthim të tijin në Barcelonë nuk përfundojnë. Kryesisht bëhet fjalë për problemet me drejtësinë. Së fundmi, Gjykata Kombëtare në Spanjë ka hapur një çështje të dytë për transferimin e Neymar tek Barcelona në vitin 2013, ku të akuzuar janë: Neymar, dy prindërit e tij, Josep Maria Bartomeu (presidenti i Barçës), Sandro Rosell (ish-president i Barçës), klubi i Santos dhe shoqëria e familjes së lojtarit N&N.

Të gjithë këto janë hedhur në gjyq nga kompania “DIS”, që zotëronte 40% të vlerës së kartonit të Neymar kur ishte pjesë e Santos, në Brazil. Neymar u ble për 88 milionë euro nga Barcelona, por në bashkëpunim mes klubit katalanas dhe të gjitha palëve të lartpërmendura u vendos që të deklarohej që shumë e transferimit të ishte 40 milionë dhe jo 88.

Kompania “DIS” merr 16 milionë euro edhe pse i takojnë diku tek 37 milionë euro. Prokuroria ka kërkuar dy vite burg dhe 10 milionë euro gjobë për Neymar, ndërsa 5 milionë euro gjobë për presidentin katalanas Sandro Rossel. Çështja “Neymar 1” u mbyll në gjykatë nga vetë Barcelona që pranoi të paguajë 5.5 milionë euro për mashtrime fiskale.

Tashmë është hapur një e dytë, dhe ndoshta kjo për një interes të caktuar që gjithsesi prodhon lajm.  Milionat e eurove në mes janë objekt i padisë së dytë, teksa tashmë përgatitet edhe operacioni i rikthimit të Brazilianit në “Camp Nou”./ABC News Albania 24/7

lulzim-basha-5.jpg
ad min21:23 | 22/06/2019

Lulzim Basha thotë se pas publikimit të audiopërgjimeve, që tregojnë sipas tij vjedhjen e votave nga qeveria, kjo e fundit po përpiqet të krijojë një situatë sikur asgjë nuk ka ndodhur.

Kreu demokrat tha në një deklaratë për mediat nga selia blu se të gjithë ata që janë kapur ne krim ndaj zgjedhjeve duhet te dalin para drejtësisë.

“Prej disa ditësh në hapësirën publike shqiptare po zhvillohet një fushatë agresive nga Edi Rama dhe makineria e tij prej miliona eurosh e propagandës për të shpërqendruar opinionin publik dhe mbuluar krimet e rënda që kanë ndodhur në bashkëpunim mes qeverisë dhe Partisë Socialiste, dhe krimit të organizuar. Kjo propagandë është një kopje e parimeve dhe metodave të propagandës naziste për të justifikuar krimet shtetërore. Qëllimi i parë i propagandës është mohimi në mënyrë flagrante se në Dibër dhe në Durrës kanë ndodhur krime, duke e paraqitur marrëdhënien dhe bashkëpunimin krim-politik si marrëdhënie të pafajshme, pa qëllime kriminale.

Me një arrogancë dhe shpërfillje ekstreme ndaj zgjuarsisë së njerëzve, bisedat për koordinimin e vjedhjes të zgjedhjeve mes kokave politike të vendit me vrasës e trafikantë e të tjerë po shiten si biseda të pafajshme të politikanëve me votues apo të drejtuesve të qeverisë dhe vartësve të tyre. Një linjë tjetër e propagandës kriminale qeveritare dhe mercenarëve të tyre është relativizimi i krimeve që kanë ndodhur. Përmes pretendimit se vjedhja e zgjedhjeve nuk është gjë në lidhje me krimet e tjera të politikës. Si pjesë e kësaj strategjie sulmohet opozita, deri edhe me akuza të montuara politike, që qytetarët të mendojnë se janë të gjithë njësoj dhe marrëdhënia mes vrasësve dhe trafikantëve me qeveritarët nuk është ndonjë tmerr i madh. Qëllimi tjetër i propagandës me frymëzim gëbelsian të qeverisë është paraqitja e situatës si normale. Ka një përpjekje për ta trajtuar vjedhjen e zgjedhjeve si dicka të zakonshme, si diçka normale, me shpresë që do kalojë dhe do harrohet. Këto teza i përhapin vetë njerëzit e përfshirë në krim dhe të gjitha levat e tyre në media dhe në jetën publike”, tha Basha./abcnews.al

zvkryeministri-770x400.jpg
ad min19:00 | 18/05/2019

Një ditë pas skandalit të korrupsionit në të cilin u përfshi, zv/kancelari austriak Strahe ka dhënë dorëheqjen. Edhe pse gjatë deklaratës për media t’ia pretendoi se ishte viktimë e një sulmi politik

Zëvendës kancelari austriak Heinz Kristian Strahe, ka dhënë dorëheqjen një ditë pas publikimit të një filmimi sekret që e përfshinte atë në një skandal korrupsioni.

Sipas videos Strahe po diskutonte kontrata qeverie me një investitor rus në shkëmbim të mbështetjes financiare për fushatën elektorale. Ai gjithashtu tregon për ngritjen e një sistemi donacionesh jot ë ligjshëm për partinë e ekstremit të djathtë të cilën drejton: Partia e Lirisë.

Në konfirmimin për dorëheqjen e tij ai u shpreh se do të zëvendësohej nga ministri i Transportit. Ai theksoi se po largohej që të shmangte dëme të mëtejshme ndaj qeverisë duke pretenduar se kishte qenë një viktimë e shënjestruar e një sulmi politik. Ai tha se mënyrat e këtij sulmi ishin të paligjshme

Më parë kancelari austriak Sebastian Kurz i Partisë së Qendrës: partia e njerëzve, kishte ndërprerë çdo marrëdhënie pune me zëvendësin e tij

Filmimi u publikua të premten në një reportazh të përbashkët të “Der Shpigel” dhe të përditshmes Süddeutsche Zeitung.

Takimi është zhvilluar në Ibiza mes politikanit dhe mbesës joshëse të një oligarku rus. Kjo e fundit pranonte të investonte 250 milion euro për të blerë të përditshmen austriake “Kronen Zeitung”. Burimi i këtyre parave ishte i panjohur. Strahe i thotë se nëse ajo do të blinte gazetën dhe tre javë para zgjedhjeve rendit partinë e tij sit ë parën, atëherë më vonë të dy mund të flisnin për gjithçka.

Gruaja në të vërtetë ishte e infiltruar. Në shtatë orë takim ish zv/kancelari austriak dhe krahu i tij i djathtë Johan Gudens lavdërojnë sistemin e kryeministrit hungarez Viktor Orban, dhe kontrollin që ai i bën medias në vend./ABC News Albania 24/7

federata.png
ad min08:16 | 03/04/2019

Futbolli gjerman tronditet nga një skandal i madh financiar. Presidenti Grindel detyrohet të japë dorëheqjen pas akuzave për financime të padeklaruara

Ky njeri i fortë dha dorëheqjen pikërisht për diçka të tillë.

Helmut Kohli nuk u fal nga publiku gjerman pas skandalit të 2 milionë dojçmarkave me burim të padeklaruar, dhe kur babai i bashkimit të Gjermanisë u rrëzua, si mund të mbahej shefi i Federatës së Futbollit?

Rajnhard Grindel dha dorëheqjen pas akuzave nga mediat për financime të pajustifikuara për të.

Revista “Der Shpigel” shkruan se presidenti i DFB-së kishte marrë të ardhura prej 78 000 eurosh, të dhëna nga një kompani e lidhur me federatën, por që nuk ishte bërë publikisht e njohur.

Po ashtu, Grindel u akuzua se kishte marrë dhurata të shtrenjta, si një orë dorë që kushtonte 6 000 euro.

“Bild” u tall: Zyra ishte nja dy numra më e madhe seç duhej për Grinelin! Ish-presidenti sqaron dorëheqjen: Jam thellësisht i tronditur!

“Deili Meil” britanike komenton: Presidenti i Futbollit gjerman dorëhiqet pas 3 vitesh në detyrë, për shkak të pagesave të pajustifikuara!

Dorëheqja e Grindelit ishte një goditje e rëndë për imazhin e futbollit të Gjermanisë, dhe për vetë shtetin e madh europian, vetëm disa muaj pasi ai fitoi të drejtën për të organizuar Kampionatin Europian të vitit 2024.

Lajmet janë që presidenti i ri mund të jetë pikërisht ambasadori i nderit i Gjermanisë për Euro 2024-ën, ish-kapiteni i kombëtares, Filip Lahm.

Gjithsesi, Lahm është shprehur se nuk ka ndërmend të kandidojnë.

Grindel ishte presidenti i dytë radhazi, që largohet me turp, pasi paraardhësi i tij, Volfgang Nirsbah, dha dorëheqjen pas skandalit të pagesave të dyshimta të bëra në FIFA për të fituar të drejtën e organizimit të Kupës së Botës 2006.

Kjo tronditje mund të ndihet edhe në kombëtaren gjermane, e cila më në fund nisi ta merrte veten pas dështimit në Botëror, siç e tregoi me fitoren 3-2 në fushën e Holandës, në eliminatoret e Evropianit./abcnews.al

lulzim-basha123.jpg
ad min18:57 | 18/12/2018

PD paralajmëron publikimin e dokumenteve që tregojnë se sipas saj një tjetër aferë të qeverisë tek “Unaza e Re”.  Deklaratën e bëri kreu demokrat Lulzim Basha sot pasdite në krah të një grupi banorësh të kësaj zone.

“Nesër opozita, PD do të publikojë një pjesë tjetër po kaq të errët të kësaj afere korruptive. Jo vetëm që Edi Rama ka dashur të vjedhë dhe përpiqet të vjedhë këtu mbi 40 milionë euro në buxhetin e shtetit, por sëbashku me figurat e krimit të organizuar, mbi rrënojat e shtëpive që do të prishë do të ndërtojë pallate shumëkatëshe. Nesër para qytetarëve do të shpaloset me dokumente zyrtare se si Edi Rama dhe Erjon Veliaj ndryshuan planin urbanistik për t’i dhënë leje një krimineli të dënuar me 21 vjet burg për trafik droge, një personi që njihet si mik, bashkëpunëtor i kupolës socialiste Edmond Bego. Mosveprimi i Prokurorisë tregon jo thjesht kapjen e prokurorisë nga Edi Rama, fundin e drejtësisë në Shqipëri, tregon po kështu se Arta Marku dhe kupola e saj janë bashkëfajtorë dhe çdokush ka të drejtën që t’i pyesë dhe t’i akuzojë sot: a jeni dhe ju pjesë e pazarit të ndyrë të krimit të organizuar për të shkatërruar shtëpitë e shqiptarëve dhe për të pastruar paratë me shumëkatëshet që do të ndërtojë këtu eksponenti i krimit të organizuar”./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono