situate

9126054-6643919-image-a-35_1548765204724.jpg
ent ela17:43 | 29/01/2019

Vijon situatë kaotike në Venezuelë, ku të mërkurën pritet të mbahet një nga protestat e mëdha, të paralajmëruara nga presidenti i vetëshpallur Guaido. Ndërkohë Moska ka dënuar vendimin e Shteteve të Bashkuara të Amerikës për vendosjen e sanksioneve ndaj vendit amerikanolatin.

Përplasjet e dhunshme mes agjentëve të policisë dhe protestuesve kanë shkaktuar të paktën 40 viktima brenda një jave në Venezuelë. 26 prej tyre kanë mbetur të vrarë si pasojë e dhunës së policsë ndërsa pjesa tjetër u vranë si pasojë e plackitjeve në banesat e tyre. Shifrat u konfirmuan nfga Rupert Kolvil, zëdhënësi I komisionit të lartë të OKB-së për të drejtat e njeriut.

Më shumë se 850 persona janë arrestuar ditët e fundit, 696 prej tyre vetëm në 23 janar. Këtë ditë ndërsa mijëra portestues manifestonin kundër presidentit Nikolas Maduro, Huan Guaido vetëshpallje president i vendit, më synimin për të krijuar një qeveri tranzicioni dhe organizimin e zgjedhjeve të lira.

Nga ana tjetër Kremlini denoncoi si të paligjshme sanksionet e reja të vendosura nga Shtetet e Bashkuara të Amerikës ndaj kompanisë shtetërore të naftës së Venezuelës, duke e akuzuar Uashingtonin se po ndërhyn për të mbrojtur interesat e tij në vend.

Zëdhënësi I Kremlinit Dimitri Peskov akuzoi Shtetet e bashkuara të amerikës se po bënte konkurrencë të pandershme dhe po ndërhynte hapur në një vend me një qeveri legjitime. Por Peskov theksoi se Moska do të mbrojë interesat ruse në kuadër të së drejtës ndërkombëtare duke përdorur cdo mjet. Kjo pasi Rusia ka investuar miliarda dollarë në naftë dhe armë në Venezuelë.

Ministrit të Jashtëm rus, Sergei Lavrov paralajmëroi se Moska do të bisedonte  me anëtarët e tjerë përgjegjës të komunitetit ndërkombëtar për të bërë çdo gjë në fuqinë e saj, për të mbështeture qeverinë legjitime të Presidentit Maduro “. Shtetet e Bashkuara. Ndërsa për sanksionet amerikane ai tha se ato minonin seriozisht gjurmët e fundit të besimit në sistemin monetar dhe financiar ndërkombëtar, bazuar në përparësinë e dollarit./abcnews.al

juridiku-1280x721.jpg
ent ela16:28 | 22/01/2019

Ndërkohë që ne disa fakultete ka nisur mësimi tek Fakulteti i Drejtësisë situata ndodhet pa zgjidhje. Studentët të ndarë në grupe pro dhe kundër bojkotit të leksioneve dhe seminareve nuk lëvizin në qëndrimet e tyre. I pafuqishëm për ta zgjidhur këtë situatë duket dhe dekani i Drejtesisë Artan Hoxha ndërkohë që studentët pro mësimit kanë kërkuar ndërhyrjen e Rektorit të Universitetit të Tiranës.

Dyert e Fakultetit të Drejtësisë në Tiranë vijojnë të jenë të mbyllura ndërsa një grup studentësh qëndrojnë të ngujuar në mjediset universitare. Në oborr të tjerë studentë presin  të rifillojë mësimin.Situata sipas studentëve nuk po merr zgjidhje as pas takimeve me dekaninArtan Hoxha.

“Dekani tekon ne këtej edhe ata andej. Neve na kërkon që të gjithë studentët të jemi këtu prezentë, ndërkohë që nga ana tjetër dalin vetëm 4 përfaqësues ata që takon gjithmonë. Dhe ajo që kërkojmë na kthehet gjithmonë mbrapsht. Ne nuk po i mbyllim dot lëndët në një sezon normal, jo në një sezon si ky”, -tha një studente.

Dekani i Fakultetit të Drejtësisë i tha “ABC neës” se i ka kërkuar studentëve të lirojnë mjediset, por pa rezultat.  Sipas Dekanit Hoxha  në ngujim ndodhen dhe studentë që nuk i përkasin këtij fakulteti.

“Ju kemi propozuar që të marrin ambiente nga fakulteti ku të sensibilizojnë opinionin por jo të bllokojnë të tërë strukturën e fakultetit. Ata thonë se do konsultohemi sepse nuk jemi të vetëm. Unë përsëri gjej rastin t’u bëj thirrje atyre që të lënë ambientet dhe të akomodohen në një mënyrë të tillë që edhe protesta të vazhdojë edhe sensibilizimi të jetë për kërkesat e studentëve. Ne po diskutojmë që të 3-4 javë semestrin e parë me qëllim që të bëhet i mundur realizimi i programit”.

Përballë kësaj situate studentët të cilët kërkojnë rifillimin e mësimit kanë kërkuar ndërhyrjen e Rektoratit të Universitetit të Tiranës, ministres së Arsimit dhe zëvendëskryeministrit si zbatues i Paktit për Universitetin. Këtë shkresë e kanë dorëzuar në të tre institucionet.Ndërkohë studentët vijojnë bojkotin e mësimit dhe në Fakultetin e Historisë dhe Filologjisë në Tiranë.

“Mbledhje kemi bërë  gati çdo ditë dhe këmi vendosur që bojkoti të vijojë”, tha një studente. Ndërsa ne fakultetin e Ekonomise dhe Universitetin Politeknik studentet na tregojne se kane nisur mesimin./abcnews.al

vlcsnap-error717-1-1280x720.jpg
G. P.21:57 | 13/02/2018

Reshjet ishin prezente sot në gjithë territorin e vendit. Në veri, verilindje dhe juglindje disa akse rurale janë të bllokura, ndërsa disa rrugë të tjera qarkullohen me zinxhirë për shkak të borës. Shiu shkaktoi problem kryesisht në Vlorë. Shohim si është situata, sipas të dhënave të Ministrisë së Mbrojtjes në orët e mbrëmjes.

Gjatë ditës së martë, vendi është pushtuar nga reshjet e borës dhe të shiut. Në zonat malore në lartësitë mbi 400 metër ka pasur reshje dëbore që në disa rrugë e fshatra kanë shkaktuar edhe bllokime. Sipas informacionit të përcjellë në mbrëmje nga Ministria e Mbrojtjes në qarkun e Shkodrës janë të bllokuara nga bora, akset rrugore rurale Shkodër – Theth dhe Shkodër – Breg Lumi. Ndërsa akset e tjera rrugore rurale, janë të kalueshme me zinxhirë për shkak të trashësisë së dëborës deri në 30 centimetra.

Edhe akset rrugore nacionale janë të hapura, ndërsa mjetet e subjekteve kontraktore që mirëmbajnë këto akse po punojnë me intensitet. Në aksin rrugor nacional Pukë – Fushë Arrëz, si dhe anasjelltas, po hidhet kripë në vazhdimësi, pasi në disa pika ka rrezik rrëshqitje të automjeteve.

Në qarkun e Kukësit, akset rrugore nacionale janë nën prezencën e borës dhe efektin e rënies së gurëve dhe dherave prej skarpateve.

Rruga e Kombit është e kalueshme normalisht. Po punojnë 4 borëpastruese dhe 4 te tjera janë në gatishmëri. Ndërsa lartësia e borës në Tunel-Kalimash është 20 centimetra.
Sipas informacionit të Ministrisë së Mbrojtjes, në Kukës janë të bllokuar vetëm dy akse rrugore rurale, ai që lidh fshatin Lojme të njësisë administrative Zapod me bashkinë Kukës dhe rruga që lidh njësinë administrative Arrën me bashkinë Kukës.

Gjatë pasdites edhe qarku Dibër u përfshi nga reshjet e dëborës, por në të gjithë qarkun, rrugët nacionale janë të qarkullueshme.

Probleme bllokimi ka pasur në segmentin e aksit rrugor nacional Qafë Bualli – Martanesh, Bashkia Bulqizë, ku po punohet nga subjekti kontraktor, për mbajtjen e kësaj rruge të hapur. Edhe segmenti rrugor nacional, Ura e Qytetit – Zerqan, Bashkia Bulqizë, është i bllokuar për shkak të borës deri në 30 centimetra. Gjithashtu, probleme ka edhe në rrugën nacionale Ura e Çerenecit – Steblevë, ku kalohet me vështirësi.

Në qarkun e Korçës, gjithashtu gjatë ditës, ka pasur reshje bore dhe bllokim të përkohshëm të aksit Pogradec – Qafë Thanë. Por situata u normalizua shpejt dhe aktualisht në këtë aks rrugor mjetet mund të qarkullojnë normalisht, por me zinxhirë. Edhe segmenti Librazhd- Qafë Thanë paraqiti vështirësi në qarkullim, por mjetet borë pastruese kanë punuar në vazhdimësi dhe në këtë aks rrugor automjetet mund të qarkullojnë vetëm me zinxhirë.
Rreshjet e shiut kanë shkaktuar problem dhe prezencë të madhe uji në disa rrugë në qytetin e Vlorës. Por situata u normalizua në një kohë të shkurtër dhe aktualisht rrugët janë të kalueshme pa problem. Ministria e Mbrojtjes thekson në informacionin e mbrëmjes se prurjet e lumit Vjosë kanë qenë të larta, por nën kufirin kritik./abcnews.al

vlcsnap-error263-1280x720.jpg
G. P.09:31 | 06/02/2018

Të ftuar në Mbrëmje në ABC News, gazetarët Armand Bajrami dhe Ferdinand Dervishi kanë folur rreth ngjarjeve të fundit të krimit.
Bajrami ka sjellë në studio detaje të reja lidhur me vrasjen Devi Kasmit, ku akuzohet edhe një shtetas grek.
Ndërsa Dervishi ka komentuar gjithashtu edhe zgjedhjen e Ardi Veliut në pozicionin e drejtorit të Përgjithshëm të Policisë së Shtetit./abcnews.al

9195076-3x2-700x467.jpg
us er11:37 | 27/11/2017

Me mijëra persona janë evakuar në Bali pas shpërthimit të vullkanit Agung. Autoritetet i tremben sasisë së madhe të baltës dhe hirit që mund të rëshqazë duke zënë nën vete me mijëra banesa

Pavarësisht se nuk parashikohen pasoja katastrofike si pasojë e shpërthimit të vullkanit Agung, situata në Bali është ende alarmante. Ujë dhe hi rrëshqasinm ndërsa ishulli po përballet dhe me reshje të dendura. Autoritetet paralajmëruan se balta dhe hiri i vullkanit i përzier me ujë mund të shkaktojë viktima dhe dëme të shumta materiale në momentin që kjo është periudhë reshjesh në vend

Sasitë e baltës mund të lëvizin me një shpejtësi shumë të madhe dhe në të kaluarën kanë shkaktuar shumë viktima. Rreth 100 mijë persona janë urdhëruar të evakuohen nga zona e rrezikut përreth vullkanit pasi situata është vërtet e paparashikueshme.

Ndërsa janë 40 mijë banorët që janë larguar tashmë nga komuna pranë Malit Agung. Por kjo shifër minimalisht duhet dyfishuar sipas agjencisë që merret me fatkeqësitë natyrore, ndërsa pamjet tregojnë shtëllunga shumë të mëdha tymi që ngrihen në qiell nga vullkani./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono