situata

meta-2.jpg
G. P.23:18 | 11/05/2019

Në një reagim, Presidenti i Republikës, Ilir Meta, thotë se situata para drejtorisë së policisë është absurde. Sipas tij, Sahit Dollapi duhet të shoqërohet për në spital dhe jo të mbahet në polici.

“Reagim i Presidentit të Republikës, Sh.T.Z Ilir Meta situata para Drejtorisë së Policisë është absurde. Sahit Dollapi duhet të shoqërohet për në spital për të marrë ndihmën e parë për lëndimet dhe jo të mbahet në polici”, thotë Presidenti./abcnews.al

SHQIPERIA-BE-HAHN.mpg_snapshot_00.00.jpg
ent ela16:15 | 19/04/2019

Kuadri ligjor për të drejtat e pronës në Shqipëri ka dobësi ligjore dhe teknike. Është ky opinioni i Komisionerit për zgjerim Johannes Hahn i cili nënvizon gjithashtu se Bashkimi Evropian është duke e monitoruar atë.

Përmbyllja e sigurisë ligjore dhe qartësia e titujve të pronësisë nuk është arritur ende plotësisht, pavarësisht nga vazhdimi i përpjekjeve. Janë këto shqetësimet e shprehura nga komisionier për zgjerim Joahanes Hahn  sipas të cilit monitorimi i kësaj situate është i domosdoshëm.

“Duke pasur parasysh kompleksitetin e këtyre ҫështjeve, mbështetja e mundshme financiare e BE-së do të shoqërohet me një monitorim të plotë të zhvillimeve përkatëse legjislative dhe institucionale që ndikojnë në situatën e të drejtave pronësore në Shqipëri. Për më tepër, Komisioni Europian, gjatë hartimit të mbështetjes së tij, është duke përdorur ekspertizë multidisiplinare për të shqyrtuar kuadrin ligjor, institucional dhe teknik dhe siguruar që mbështetja e tij të jetë komplementare me programet e tjera të donatorëve”.

Sipas komisionerit Johanes Hahn cështjet e pazgjidhura në këtë fushë kanë një efekt negativ në të drejtën e individit ndaj pronës. Për më tepër, ato mund të kontribuojnë në një “efekt ngrirës” mbi investimet e aktorëve të biznesit dhe të krijojnë një premisë për informalitetin, duke përdorur vakumet në zbatimin e ligjit.

“Në këtë drejtim, Komisioni Evropian pohon se konsolidimi i të drejtave pronësore kërkon të drejta të pronës të qëndrueshme, që të funksionojnë mirë në të gjithë vendin, në të cilat të jetë përmbushur parimi i sigurisë ligjore. Ne, inkurajojmë një proces reformimi të mirë kalibruar me përfshirjen e të gjithë aktorëve përkatës dhe nën drejtimin  ndërkombëtar”.

Komisioneri Hahn ka theksuar që copëzimi, fragmentarizimi ligjor, zbrazëtitë në sistemin e regjistrimit dhe zbatimin e ligjit në këtë fushë mbeten të adresohen në të gjithë vendin./abcnews.al

refugees.jpg
G. P.08:19 | 16/04/2019

Për refugjatët, që duan të shkojnë në Evropën Qendrore nga Greqia, po bëhet gjithnjë e më vështirë. Ata flasin për dhunë policore e arrestime arbitrare. Megjithatë janë mijëra vetë ata që e provojnë rrugën e rrezikshme.

Në fillim të prillit, policia greke përdori në afërsi të Selanikut, në Greqinë Veriore gaz lotsjellës, për t’i penguar migrantët që të merrnin rrugën për në Maqedoninë e Veriut. Objektivi i migrantëve: Evropa Qendrore dhe Perëndimore. Motivimi i tyre: një sërë lajmesh false në mediet sociale, sipas të cilave qenë hapur kalimet kufitare për në Maqedoninë e Veriut dhe për në Shqipëri. Rreth 2000 vetë i besuan kësaj thashethemeje dhe u nisën në drejtim të Veriut të Greqisë. Pas tri ditësh, edhe migrantët e fundit hoqën dorë dhe u kthyen në strehimet e tyre.

Një pjesë e madhe e rreth 70.000 migrantëve, që qëndrojnë në Greqi dhe në Ballkanin Perëndimor, duan të vazhdojnë rrugën në drejtim të Veriut – dhe ndodhen para një sërë pengesash. Maqedonia e Veriut dhe Hungaria ngritën para pak vitesh gardhe me tela me gjemba në kufijtë jugorë të vendit. Bullgaria njihet për mënyrën e ashpër të veprimit ndaj migrantëve. Kjo bëri që të krijohej një itinerar alternativ ballkanik.

Pikënisja e këtij itinerari është edhe më tej Greqia. Sipas Organizatës Ndërkombëtare për Migrimin të Kombeve të Bashkuara (IOM) atje qëndrojnë rreth 60.000 migrantë. Ata rrinë të strehuar në banesa ose në kampe refugjatësh. Organizatat e ndihmës kritikojnë se refugjatët në ishujt grekë pranë bregdetit turk nuk kanë akses në WC të pastra ose u mungon uji.

34.000 migrantë arritën sipas organizatës së mbrojtjes së kufirit të BE Frontex në Greqi në 2018-ën, përmes Mesdheut Lindor. 5.600 janë sipas IOM këtë vit. Në vitin 2018 në rrugë e sipër vdiqën 174 vetë. Edhe këtë vit ka pasur të paktën një dyzinë të vdekur.

Bosnjë-Hercegovina

Migrantët pa leje hyrjeje nuk mund t’i kalojnë më kufijtë e hyrjes nga Greqia në Maqedoninë e Veriut dhe nga Serbia në Hungari. Prandaj u krijua një itinerar alternativ përmes Shqipërisë dhe Bosnjë-Hercegovinës për në Kroaci. Në shtetet e Ballkanit Perëndimor ndodhen rreth 10.000 migrantë, më pak se 4000 ndodhen në Bosnjë, sipas një raporti të IOM. Kjo konfirmon që itinerari i refugjatëve ka ndryshuar në drejtim të Veriut. Qeveria e Bosnjës pret një rritje të mëtejshme të numrit të refugjatëve. Vitin e kaluar BE i vuri në dispozicion Bosnjës rreth nëntë milionë euro për strehimin e refugjatëve.

Bosnjën i ndan nga Kroacia një kufi i gjatë, pjesërisht malor. Organizata e të Drejtave të Njeriut Amnesty International kritikon mënyrën si i trajton policia kroate migrantët. Ata i kthejnë pas në Bosnjë, pa u dhënë mundësi që të paraqesin kërkesë për azil. “Shumë përshkruajnë si i godasin dhe i frikësojnë dhe si u vjedhin dokumentat e udhëtimit dhe celularët ose ua shkatërrojnë”, thuhet në një raport të publikuar në mars. Kroacia i kishte kundërshtuar më parë gjithmonë kritika të ngjashme.

Shqipëria

Në rrugën nga Greqia për në Bosnjë ndodhet Shqipëria, një nga vendet më të varfra të Evropës. Çdo vit janë më shumë se 20.000 shqiptarë që paraqesin kërkesa për azil në BE. Që kur është ngritur itinerari alternativ, policia shqiptare kap shumë më tepër migrantë pa dokumente. Në vitin 2018, sipas IOM ishin 3.400 vetë, në krahasim me rreth 750 vetë në vitin 2017.

Raporte të mediave, sipas të cilave në Shqipëri do të ngrihet një kamp për pranimin e migrantëve të shpëtuar në Mesdhe, nuk u konfirmuan. Në vend të kësaj, Shqipëria ratifikoi në fillim të vitit një marrëveshje me Organizatën e Mbrojtjes së Kufirit të BE, Frontex, e cila do të ndihmojë që të ndalohen në kufirin shqiptaro-grek migrantë pa leje hyrjeje. Një vendim i ngjashëm është marrë edhe midis Frontexit dhe Malit të Zi.

Maqedonia e Veriut dhe Bullgaria

Sipas raportit të IOM, në Maqedoninë e Veriut ndodhen aktualisht 35 migrantë. Kjo që kur ky vend e mbylli kufirin me Greqinë për migrantët. Për shkak të përplasjeve midis migrantëve dhe policisë në Greqi, Bullgaria e ka forcuar mbrojtjen e kufirit, bën të ditur ministri i Brendshëm bullgar. Mënyra e ashpër e veprimit të Bullgarisë kundër migrantëve ka efekt frikësues: në vitet 2015 dhe 2016 kërkesë për azil në Bullgari paraqitën, në secilin vit, nga 20.000 vetë. Në vitin 2018 ishin vetëm 2.500 vetë, kjo është statistika e agjencisë shtetërore për refugjatët./DW

protesta-4-1280x712.jpg
Sej rie23:40 | 13/04/2019

Nisi me një tubim prej një orë e gjysmë tek Kryeministria, ku pasi lideri demokrat Lulzim Basha mbajti një fjalim, protestuesit menjëherë thyen kordonin e sigurisë tek Kryeministria, por nuk tentuan të sulmojnë godinën. U hodh vetëm bojë ndaj godinës, ndërsa fermerët qëlluan me domate dhe derdhën qumështin.

Protestuesit ishin që aty të dhunshëm, pasi hodhën vazhdimisht kapsolla, shashka dhe tymuese ndaj policisë. Krejt papritur, protestuesit u zhvendosën drejt Parlamentit, aty ku pati sulme të njëpasnjëshme për të goditur institucionin e Kuvendit të Shqipërisë.

Aty policia u detyrua të përdorë disa herë gazin lotsjellës për të shpërndarë turmën sa herë që ata afroheshin për të sulmuar Kuvendin. Në mesin e protestuesve kishte shumë persona me maska të cilët me flakadanë në duar kanë hedhur tymuese dhe kapsolla ndaj policisë, ku për pasojë mbetën efektivë të plagosur me djegie në fytyrë.

Një tubim që mbahet në një ditë me reshje shiu, PD-ja u ka shpërndarë protestuesve rreth 1 mijë çadra të njëjta me mbishkrimin “Ik”.

Policia e Shtetit ka marrë masat për mbarëvajtjen e tubimit me kamera sigurie, dronë, agjentë civilë, mbi 1500 efektivë policie, automjete të hedhjes së ujit dhe autoblinda.

Ndërkohë, kryeministri Rama ndodhet në një vizitë zyrtare jashtë vendit. Kjo është protesta e tretë kombëtare në 2 muaj dhe e teta, bashkë me protestat tek Parlamenti.

Ora 18: 50- Basha ka marrë fjalën në protestën e 9 të opozitës të mbajtur para Kryeministrisë. 

“Po bie muzgu i zi për bandën kriminale në pushtet. Po bie muzgu i zi për bandën e korrupsionit, padrejtësive dhe krimeve të përditshme ndaj shqiptarëve. Që nga koha e pushtuesve më mizor, nuk kanë parë shqiptarët një bandit kaq kriminel dhe barbar ndaj popullit, një njeri që do të hyjë në histori si njeri që hodhi gaz në shtëpitë e qytetarëve.

Ky muzg është muzgu i bashkimit më të madh të shqiptarëve mbi rrënojat e pushtetit kriminal të Edi Ramës. Rama ik!

As gazi lotsjellës, as propaganda e shfrenuar nuk na ndal dot, nuk na përçan dot. Shqipëria është e bashkuara. Kjo është Shqipëria e burrave dhe grave, e myslimanëve dhe të krishterëve, e të djathtës dhe të majtës, që i thonë shporru, largohu, Rama ik! Kjo është Shqipëria e vërtetë e qindra mijëra halleve të shtuara nga një kryeministër që asnjë ditë të vetme nuk i dëgjoi hallet e shqiptarëve sepse ata punojnë për vete, për oligarkët, për armiqtë e popullit shqiptar”.

Ora 18:30 – Lulzim Basha del nga selia e Partisë Demokratike dhe prezantohet si Kryeministri i ardhshëm.

Ora 18: 00- Opozita në protestë para Kryeministrisë

Nis protesta e opozitës së bashkuar përpara Kryeministrisë. Qytetarë nga i gjithë vendi por edhe mbështetës të partive opozitare kanë mbërritur në Tiranë për të marrë pjesë në protestën e thirrur nga Partia Demokratike dhe partitë e tjera opozitare. Disa tubues janë mbledhur para selisë së blu, ku po presin daljen e liderit të kësaj force politike, për t’u zhvendosur drejt Kryeministrisë.

Ndërsa të rinj dhe mbështetës të opozitës me pankarta të shumta kërkojnë largimin e Kryeministrit, ku në çadrat e tyre lexohet  “Rama Ik”.

Por nga momenti në moment, pritet që edhe kryetarja e LSI-së, Monika Kryemadhi, bashkë me simpatizantët e kësaj force politike, të nisen nga selia e tyre, për t’u bashkuar me protestuesit para Kryeministrisë./abcnews.al

bizneset-gjermane-1280x714.jpg
G. P.14:33 | 09/04/2019

Situata ekonomike në Shqipëri në këndvështrimin e më shumë se gjysmës së bizneseve gjermane që operojnë në vendin tonë është e keqe.

Dhomat  Gjermane të Tregtisë në Evropën Qendrore dhe Lindore kanë publikuar anketën  e këtij viti për klimën e biznesit dhe investimeve.

Rezultatet e saj u prezantuan në prani të Ambasadores së Gjermanisë në Tiranë Sussane Schutz e cila bëri dhe një krahasim me vitin që lam pas.

Pesimistë shprehen sipërmarrësit gjerman dhe sa i përket asaj që presin të ndodhë me ekonominë në vendin tonë.

45% e tyre mendojnë se nuk do të ndryshojë ndërsa 43% thonë se do të bëhet më keq.  Tregues ky i fundit që ka pësuar rritje të ndjeshme krahasuar me vitin që lam pas kur vetëm 17%  e bizneseve kishin këtë perceptim.

Por çfare i shqetëson më tepër bizneset gjermane në Shqipëri?

Sa i përket kostove të punës, produktivitetit,  motivimit, kualifikimit të punonjësve, arsimimimit akademik, disponueshmërisë e fuqisë punëtore të kualifikuar sipërmarrësit gjermane ndajnë mendim pozitiv.  Megjithatë pyetjes se, sa e ka prekur emigracioni forcën e punës së kualifikuar në Shqipëri, 51% e tyre i janë përgjigjur “shumë”./abcnews.al

rama-2-1280x710.jpg
ent ela15:25 | 12/03/2019

Nesër Kryeministri Edi Rama do të mbledhë kabinetin qeveritar, kryesinë e Partisë Socialiste dhe deputetët në një darkë pune në Elbasan.Burime nga selia rozë bëjnë me dije se mbledhja informale është parashikuar të zhvillohet në mbrëmje. Në të do të diskutohet mbi situatën politike në vend dhe gjetjen e zgjidhjeve për të kaluar krizën që ka shkaktuar largimi i opozitës nga parlamentit. Në qendër të këtij takimi është edhe diskutimi për të dalë fitues në zgjedhjet vendore të 30 Qershorit./abcnews.al

 

 

arian-1280x714.jpg
ent ela22:25 | 08/03/2019

Pedagogu dhe njëherësh kryetar i LDE Arian Galdini në studion e emisionit “Provokacija” është shprehur se palët politike në këtë situatë ku jemi janë bërë bashkë ose për të penguar reformën në drejtësi ose për ta ndarë atë.

Sipas tij gjithë kjo lojë politike e cila mund të përfundojë edhe në konflikt civil po bëhet nga një grusht njerëzish për të negociuar të ardhmen e tyre politike.

“Klasa politike shqiptare ka arritur në një pikë ku nuk po ndan dot më atë që quhet pazari i madh për produktin që do të japë reforma në drejtësi. Palët politike besoj se deri më tani e kanë luajtur mire rolin polici i mirë polic i keq, mendimi im personal e kanë ndarë me marrëveshje. Unë mendoj se çdo gjë që ka ndodhur tashmë pas marrëveshjes së 17 Majit, pra edhe konfliktet edhe ky që po ndodh tani në këto momente edhe konflikte dhe paqet kanë qenë të dakortësuara mes palëve. Ky është një lloj mekanizmi maksimal që palët prodhuan dhe ata shpresuan që do të kishte mbështetje popullore me pjesëmarrje të gjerë, gjë që nuk u arrit dot.

Palët synonin sepse Edi Rama ishte në pozitën e tij më të vështirë. Kishte kërkesa nga ndërkombëtarët për të pastrua qeverinë nga elementë të akuzuar për korrupsion. Ai tentoi në Gusht-Shtator të hiqte një pjesë të ministrave por nuk mundi t’i hiqte. Lëvizja studentore e vendosi qeverinë në trysni dhe ia bëri të lehtë vetes ndryshimin e ministrave. Protesta ishte organizuar nga të tre palët bashkë, ndoshta katër. Unë mendoj që kanë qenë bashkë dhe mendoj se janë bashkë edhe sot e kësaj dite. Po sepse palët nuk ndajnë dot pazarin, nuk zgjidhin dot lider. Terreni është i ndarë është me parcela.

Po ta shikoje protestë e studentëve ishte me parcela nga të rinjtë e partive. Partitë kanë një inteligjencë instiktive mbrojtëse. Mos të harrojmë se procesi i reformës në drejtësi është gati-gati historik. Në Shqipëri po bëhet për herë të parë një reformë në drejtësi, me një qëllim të caktuar për të dhënë një produkt të caktuar. Këta janë njerëzit kryesorë që do të vendosen përpara kësaj drejtësie.

Të gjitha këto veprime që po bën klasa politike shqiptare po i bën kundër reformës në drejtësi sepse ata kanë dy qëllime: ose ta ndalin ose të negociojnë produktin e saj. Shantazhi që po bëhet me djegien e mandateve dhe tentativa për të çuar Shqipërinë drejt një konflikti civil, radikalizmi i situatës, Rama që sillet si triumfator… Po ta shikoni me kujdes dhe po ta analizoni gjithë këtë proces për mua si qytetar, si pedagog, si politikan janë një grup njerëzish të cilët për të negociuar të nesërmen e tyre politike janë të gatshëm t’i vënë zjarrin Shqipërisë”. /abcnews.al

byro-2-1280x708.jpg
ent ela21:21 | 25/02/2019

Në “Byro Politike”, paneli i të ftuarve ka diskutuar mbi zgjidhjet e mundshme, të cilat mund të ndihmojnë politikën shqiptare për të dalë nga situata në të cilën është përfshirë vendi pas djegies së mandateve të opozitës, ndër më emergjentet janë ndryshimet kushtetuese.

Kreu i PR Fatmir Mediu: E para një herë dua të them ketë që ne si vend i vogla e kemi vështirë të bëjmë histori pozitive dhe shpresoj të mos krijojmë histori negative që te kenë kosto. E para mendoj që opozita është në të drejtën e saj me provat që kanë dalë të që thotë se kjo qeveri është ilegjitime. Kemi një sistem të kapur dhe drejtësi të kontrolluar politikisht. Ne nuk e kemi Gjykatën Kushtetuese që të marrim një qëndrim më ngjarje të caktuar. Kjo i jep mundësi politikës që të reagojë dhe të shkojë në këtë situatë ku jemi sot. Ne nuk kishim ku t’i çonim çështjet për tu shqyrtuar në Gjykatë Kushtetuese. Opozita në këtë situatë ndërmori këtë pozicion inekstrem. Nëse nuk do ta ndërmerrnim, në të kundër do të ishim një opozitë fasadë. Por tani ne bëjmë koshientë shqiptarët, faktorin ndërkombëtar për situatën në Shqipëri.

Arben Ristani: Vërtet jemi para një problematike të tillë që opozita ka dalë nga Parlamenti. Qënia e vendit pa Gjykatë Kushtetuse është një tmerr i madhe për drejtësinë. Vendi sot është edhe pa Gjykatë të Lartë. Në Gjykatën e Lartë numri i dosjeve të stivuara ka arritur në 40-mijë. Sistemi është në kolaps. Po dalin nga loja gjykatat e apeleve. Shoqërinë njerëzore e mban rregulli  i pasqyruar në Kushtetutë dhe ligj. Pa rregull dhe ligje gjithçka mund të ndodhë.

Arben Malaj: Ka plot mënyra për të detyruar një qeveri të japë dorëheqjen dhe ka plot mënyra që një opozitë të vijë në pushtet. Duhet të këtë një propozim konkret dhe me afate konkrete për plotësimin e ndyshimeve kushtetuese të vendit. Mund të arrihet kompromis për zgjidhje por nuk mund të arrihet zgjidhje. Por nëse kemi zgjidhje mund të arrihet kompromisi.

Arben Ristani: Dosja 339 zbuloi majën e ajsbergut dhe ky vend do burra shteti të cilët janë të përgjegjshmë të cilët mendojnë jashtë karriges së tyre personale, pra mendojnë edhe për vendin e tyre. Erdhi me reformën territoriale po çfarë ka sjellë sot, po reforma shëndetësore, ajo në drejtësi, pra ku jemi sot me këto reforma. Më thoni ku jemi me të gjitha këto? A janë të gjitha këto të dështuara? Ka një problem të madh dhe nuk mund të kalojë pa u vënë re. Nga kjo situatë dilet në rast se ka burra shteti ose populli në kombë dhe këta që janë do na hapin rrugën.

Kristaq Kume: Për mua PD dhe PS le të çojnë deri në fund marrëveshjen e Majit. Ata duhet të filloinë ndryshimet Kushtuese deri në fund sepse ajo marrëveshje na ka dërrmuar. Pastaj të diskutohet se kur do bëhen zgjedhjet e ardhshme për Kuvendin e Shqipërisë./abcnews.al

PROVOKACIA-22-SHKURT-MONOLOGU-DHE-NERITAN-CEKA-PJESA-1.mpg_snapshot_16.18-1280x720.jpg
ent ela21:02 | 22/02/2019

Fakti që ne nuk jemi më republikë parlamentare ka të bëjë me çështjen e lirisë dhe jo të pushtetit. Është ky këndëvështrimi i ish politikanit Neritan Ceka në studion e Provokacijas. Sipas tij prej kohësh nuk kemi liri se nuk kemi zgjedhje të lira, të drejta dhe të ndershme, ku shiten votat nuk ka barazi në kandidim.

“Kjo që ndodhi është e rëndë, fakti që ne nuk jemi më republikë parlamentar shtrohet prapë çështja e lirisë, por faktorët që e kanë shtruar këtë jo si problem të lirisë, por si problem të pushtetit të tyre në mënyrën si do bëhet ndërrimi i pushteteve ky është një vend pa liri. Prej kohësh nuk kemi liri se nuk kemi zgjedhje të lira, të drejta dhe të ndershme, shiten votat nuk ka barazi në kandidim”.

Mungesën e lirisë Ceka e sheh te përjashtimi i individit nga roli që mund të ketë në zonën elektorale dhe te numërimi i votave nga përfaqësuesit e partive politike, po thekson se nuk është koha për përmbysje, por për rikthim të PD në Kuvend me program të qartë.

“Përjashtojnë individin nga roli që mund të ketë në zonën elektorale i hiqet e drejta popullit.  Ky grup i ka këto atëherë ku është ndryshimi dhe nuk ka situatë revolucionare, Tirana nuk është ngritur akoma,

Nuk shoh kohë përmbysjesh. Shqipëria nuk është në atë gjendje si në 97, kur ai pushtet duhej ndërruar se e futi në qorrsokak Shqipërinë. Ky pushtet i ka penguar në punën e tyre. Studentët menduan që ky pushtet nuk ia zgjidhte problemet, ishte rezervë për ndryshim, por jo për PD.  Ishte koha që PD të kthehehe në parlament me bateri të karikuara me grupim interesash më të mëdha që sintetizohen në programin e PD.

PD duhet të sjellë një pakt që të pranojë edhe gabimet, dhunimin e votës e ka sjellë PD se maji ‘96 ishte një vjedhje e pisët

Ajo që duhet është një pakt që duhet ta bëjë me këtë popull. Është i vetmi popull në Evropë me përfaqësues të partive politike, është njësoj si lojtarët të llogarisin sa gola duhen bërë”.

Problemin ish politikani e sheh edhe te përfaqësuesit e huaj në Shqipëri, dhe këtu përmend OSBE, që sipas tij sa më keq të shkojnë zgjehdjet në Shqipëri aq më shumë do rrijë OSBE në Shqipëri.

“Pse rrinë këta për rrogat, për makinat, për zyrat. OSBE është pjesë e problemit, jo pjesë e zgjidhjes, me qëllim që sa më keq të shkojnë zgjedhjet në Shqipëri aq më shumë do rrijë OSBE në shqipëri. Nuk ka mundësi që ai që zgjidhet numëron votat dhe OSBE e di që kjo metodë ndodh vetëm në Korenë e Veriut. Na trajtojnë si një vend i botës së tretë. Ne jemi para tyre në Evropë. Ne kur kishim teatër këta të osbe vareshin nëpër pemë e lyheshin me bojë të kuqe. Punët do shkonin më mirë sikur ndërkombëtarët të mos ishin kaq prezentë”.

Alergjinë që ka ndaj ndërkombëtarëve e argumenton me ndërhyrjen, por edhe në fushën e tij të arkeologjisë, ku Ceka përmend fondin e dhënë nga BE, që sipas tij është një dështim i plotë.

“Kam alergji nga ndërkombëtarët. Është historia ime që ka luftuar për votën e lirë, një vend me stabilitet pa institucione do shkojë në destabilitet. Mënyra si ndërhyjnë për të fiksuar figura, Rama nuk mund të zëvendësojë institucionet, Berisha nuk i zëvendësoi dot.

Sa i përket korrupsionit, unë jam arkeolog, tani nuk merrem me politikë, jam larguar nga kjo fushë. BE ka financuar në arkeologji 1 milionë e gjysmë euro dhe i kanë me klientela, janë një dështim i plotë i BE dhe ia kam thënë nëse është kjo BE, pse duhet të shkojmë në BE. E kam diskutuar me Vlahutin dhe se vuri ujin në zjarr dhe as Soreca që vjen nga antimafia nuk e vuri ujin në zjarr. Nuk idealizoj unjë as Evropën, as të huajt. Di që ky popull ka në genet e tij gjithë këto vlera, teatër, historinë e Romës Biznatit vetëm duhet tëi shfaqim, s’kemi nevojë të na i thonë të huajt”. /abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono