situata politike

hungari-shqiperia.jpg
G. P.15:24 | 18/06/2019

Ministri i jashtëm i Hungarisë është shprehur pro hapjes së negociatave të dy vendeve me Bashkimin Evropian. Në një intervistë për gazetaren e ABC Neës Erisa Zykaj në Bruksel, ministri hungarez ka shprehur shqetësimin e se shtetet e mëdha nuk janë akoma gati për të thënë qëndrimin pro Shqipërisë dhe Maqedonisë së Veriut.

Cili është qëndrimi i Hungarisë mbi paketën e zgjerimit sot ?

Peter Szijjarto, ministër i jashtëm i Hungarisë: Hungaria ka një qëndrim pro zgjerimit të Bashkimit Europian. Ne jemi fqinjët e Ballkanit Perëndimor, ndaj e kuptojmë shumë mirë rëndësinë e zgjerimit dhe të vendimit që do merret sot lidhur me procedurën e çeljes së negociatave të anëtarësimit me Shqipërinë dhe Maqedoninë e Veriut. Fatkeqësisht, qëndrimi ynë përfaqëson minoritetin, pasi shtetet e mëdha perëndimore anëtare të Bashkimit Europian nuk duken të gatshme për të marrë këtë vendim, gjë për të cilën ne shprehim keqardhje të madhe. Ne e njohim mirë rajonin, tensionet që ka dhe e dimë mirë se integrimi europian do të ishte përgjigja më e mirë për të kapërcyer këto tensione. Ne e dimë shumë mirë se sa e dëmshme për rajonin do të ishte shtyrja e vendimit për hapjen e negociatave me të dyja vendet. Shqipëria ka qenë vend kandidat për më shumë se 5 vjet dhe ne nuk shohim arsye për të mos filluar negociatat e anëtarësimit.

Ka një qëndrim të ndryshëm për Maqedoninë e Veriut dhe Shqipërinë. Kemi parë shumë vende anëtare me një angazhim pozitiv dhe konstruktiv për Maqedoninë e Veriut sidomos pas marrëveshjes së Prespës dhe jo të njëjtën qëndrim për Shqipërinë.

Peter Szijjarto: Arritja e marrëveshjes së Prespës ka shkaktuar një entuziazëm, duke qenë se i ka dhënë fund një konflikti që ka zgjatur për një kohë të gjatë. Pra, entuziazmi ishte i kuptueshëm. Por në kuptimin tonë, kjo nuk duhet ta lerë në hije Shqipërinë, sepse ne respektojmë hapat që janë arritur nga vendi lidhur me procesin e Vettingut dhe hapa të tjerë të ndërmarrë që janë vlerësuar në progres-raportin e Komisionit Europian. Edhe pse ne e mendojmë se secili vend duhet të gjykohet në bazë të meritës, ne kuptojmë që Shqipëria ka koleksionuar mjaftueshëm merita për të çelur negociatat e anëtarësimit tani. Ne mbështesim vlerësimin bazuar në meritë, jo vetëm se jemi miq të trajtimit bashkë të dy vendeve jo thjesht në parim, por sepse gjykojmë që bazuar në performancën e secilit vend, Shqipëria dhe Maqedonia e Veriut e meritojnë hapjen e negociatave. 

Ju e dini që ka rezerva nga tre vende të mëdha anëtare si Holanda, Gjermania dhe Franca lidhur me ato që këto vende konsiderojnë si rezultate të pamjaftueshme, të paprekshme dhe jo bindëse në luftën kundër krimit të organizuar dhe korrupsionit. Edhe për reformën e drejtësisë ka qëndrime që është vërtet një reformë ambicioze, por që nuk është zbatuar ende. Po dëgjojmë madje, që në tetor do të ketë një shkëputje të dy vendeve, pasi sipas disa shteteve anëtare Shqipëria nuk i përmbush tërësisht kushtet. Cili është qëndrimi juaj?

Peter Szijjarto: Këto qëndrime sigurisht që janë të motivuara politikisht. Nuk ka dyshim. bëhet fjalë për një procedurë politike. Disa herë, këto qëndrime politike janë shumë të çekuilibruara dhe krijohet një përshtypje legjitime që këto deklarata nuk janë të ndershme. Kjo nuk i ndodh vetëm vendeve kandidate, por edhe anëtare si Hungaria që është në fokus të sulmeve të ngjashme kur bëhet fjalë për shtetin ligjor dhe lirinë e shtypit. Ne duhet të mësohemi më këtë ashtu siç duhet të mësoheni ju kur të bëheni shtete anëtar. Çelja e negociatave nuk do të thotë se duhet të përmbushësh të gjitha kriteret, sepse nuk është e njëjta gjë me anëtarësimin. Çelja e negociatave do të thotë që Bashkimi Europian kupton gatishmërinë e një shteti për të përmbushur të gjitha kriteret e vendosura nga Bashkimi Europian. Mendoj, se Shqipëria ka bërë mjaftueshëm për të arritur në këtë stad.

Çmendoni për situatën politike në Shqipëri që është ndezur këto ditë edhe më shumë nga përgjimet e publikuara nga e përditshmja gjermane “Bild” që u referohen aludimeve për lidhje të pushtetit me grupe kriminale.

Peter Szijjarto: Unë e bazoj politikën e jashtme në respekt të ndërsjellë. Ndaj, unë ia le sfidat e vendeve të tjera qeverive të këtyre vendeve. Ato do të jenë të përgjegjshme dhe llogaridhënëse dhe në zgjedhjet e ardhshme qytetarët do të marrin një vendim të qartë lidhur me atë nëse janë të kënaqur apo të pakënaqur me performancën e qeverisë në fjalë. Por nuk më pëlqen dhënia e leksioneve dhe gjykimi për situatën e vendeve të tjera, pasi kush jam unë që të di më mirë se ç’ndodh në Shqipëri sesa vetë shqiptarët. Pra, është shumë më e zgjuar që kjo t’i lihet shqiptarëve që të vendosin për çështjet e brendshme. Është e njëjta gjë që pres nga të tjerët kur bëhet fjalë për Hungarinë. Të mos mendojnë se ata e dinë më mirë ç’duhet për hungarezët sesa vetë hungarezët. Ata që e dinë, se cila zgjidhje është më e mirë për Shqipërinë, janë shqiptarët./ABC News Albania 24/7

pe.jpg
G. P.17:22 | 11/06/2019

Kriza politike në Shqipëri ishte në qendër të diskutimeve dhe në Parlamentin Europian. Sipas eurodeputetit Knut Fleckenstein vendimin e Presidentit të Republikës Ilir Meta e lexon si shqetësim për përshkallëzimin e situatës.

Konferenca e shtypit e mbajtur në Parlamentin Europian “Shqipëria dhe perspektiva e saj europiane” është përqendruar në 5 prioritetet kyçe që Shqipëria duhet të përmbushë për hapjen e negociatave të anëtarësimit në Bashkimin Europian. Në qendër të vëmendjes ka qenë edhe situata politike në vend.

“Unë sapo kam lexuar që president Meta është shprehur se anulimi i zgjedhjeve lokale në Shqipëri do të ishte i nevojshëm për të parandaluar përshkallëzimin e një situate të pakontrollueshme. Kjo tregon shumë për situatën në vend, për protestat dhe opozitën. Nuk jam në gjendje që të gjykojë ç’është e drejtë dhe ç’është e gabuar. Kjo u takon politikanëve në Shqipëri. Nuk kam këshillë për të dhënë, por kuptoj që presidenti shqetësohet për një përshkallëzim të ri të situatës. Kjo është me interes për ne”, tha Fleckenstein. 

Fleckenstein ka dhe një përgjigje për përgjimet e gazetës gjermane “Bild”.

“Nuk lexoj Bild, por jam i informuar. Nuk jam një prokuror, nuk jam një punonjës policie, nuk jam një gjykatës. Por e kam lexuar dhe jam i bindur që një ditë, e vërteta do të dalë në Shqipëri. Hasim gjithnjë të njëjtin problem. Nuk është çështja nëse bëhet fjalë për një qeveri të mirë apo të keqe. Nëse ka një ministër të korruptuar  ose një kryeministër të korruptuar. Puna jonë është që të mbështesim ata që duan të bëjnë dhe reforma  dhe reforma në drejtësi është baza për të trajtuar akuza të tilla. Pa reformën në drejtësi, kjo nuk mund të trajtohet”, tha Fleckenstein.

Për ministrin e Brendshëm, Sandër Lleshaj, shqetësimet që kanë disa shtete anëtare lidhur me rezultatet në luftën kundër krimit të organizuar dhe aludimet për lidhje midis krimit dhe politikës kanë të bëjnë më shumë me perceptime sesa realitetin objektiv.

“Nëse ne duam ta gjykojmë Shqipërinë drejt integrimit europian ne duhet të bazohemi në fakte dhe në realitetin objektiv më shumë se perceptime. Nëse flasim për realitetin objektiv, Shqipëria është në rrugën e duhur. Unë prezantova disa të dhëna dhe ajo që mund të them që Shqipëria është një vend i sigurt dhe stabël kur bëhet fjalë për të tregues kyç. Nëse bëhet fjalë për perceptime, ka perceptime të ndryshme dhe fatkeqësisht këtë vit ishte një vit i komplikuar në kontekstin e zgjedhjeve europiane. Për disa vende, Shqipëria është kthyer në argument për mosmarrëveshjet e brendshme. Por për realitetin objektiv, kemi arsye që të jemi optimistë dhe vërtet krenarë, sepse këto të dhëna janë certifikuar nga progres raporti i Komisionit Europian”, tha Lleshaj.

Ministrja e Drejtësisë, Etilda Gjonaj ka deklaruar, që ajo shpreson që Gjykata Kushtetuese do të ngrihet brenda muajit Korrik.

“Mungesa e Gjykatës Kushtetuese është një shqetësim i madh për qeverinë dhe për mua si ministre e Drejtësisë. Por ne kemi zgjedhur, që të kemi një Gjykatë Kushtetuese me anëtarë që kanë integritet. Gjykata Kushtetuese ka qenë me një anëtar, ndërkohë që të tjerët janë shkarkuar. Thashë që  shpresoj, që brenda Korrikut Gjykata Kushtetuese të ngrihet dhe të mbushen vendet vakante, duke parë që Këshilli i Emërimit të Drejtësisë ka punuar për verifikimin e kritereve ligjore të kandidatëve, që kanë aplikuar për 6 pozicione. Ky Këshill është tani në faqen e renditjes së kandidatëve për sa paku 4 pozicione. Lista do t’i dërgohet më pas Presidenti dhe Parlamentit dhe ky i fundit ka pastaj 30 ditë për të emëruar një nga kandidatët më të mirë për vakancat e Gjykatës Kushtetuese”, tha ministrja.

I pyetur se ç’mund të bëjë qeveria shqiptare për të zhbërë vendimin e marrë nga qeveria holandeze për ndërprerjen e lëvizjes së lirë në zonë Shengen, ministri Lleshaj është përgjigjur se “Shqipëria nuk ka shkelur asnjë nga parimet e rregullores, se kjo është një çështje e brendshme e Holandës”./ABC News Albania 24/7

doda-1280x720.jpg
ent ela20:57 | 04/06/2019

Sekretarja e Përgjithshme e PDIU-së Mesila Doda ka folur në studion Provokacias për situatën aktuale politike në vend. Në këndvështrimin e saj Doda thekson se në ëkto kushte vendi po shkon drejt përplasjes.

“Kjo situatë nuk ka ardhur në këtë pikë nga një hiç, por është përshkallëzuar. Në këto kushte mendoj se po shkohet drejt përplajsjes. Unë shikoj që vendi po shkon përditë e më keq. Vetëm dje dhe sot çdo qeveri duhet të kishte dhënë dorëheqjen. Sot flitet për rivendosjen e vizave. Është shumë e rëndë si fenomen dhe të kthehemi mbrapsht shumë vite dhe kjo ka vetëm një emër rritjen e kriminalitetit”.

Sipas Dodës ka një krizë të madhe ekonomike dhe një depresion social.

“Ka një krizë të madhe ekonomike dhe një depresion social. Sot ne jemi të pamundur që të konsiderohemi treg, për shkak edhe të faktit që popullsia është rrudhur. Çdo gjë që po ndodh të çon drejt një fundi të paralajmëruar”.

Zgjidhja për poltikanen do të ishte garancia për zgjedhje normale pa banda dhe kriminelë, le të ishte kjo ehde qeveri socialiste, por pa njerëz të inkriminuar.

“Një qeveri që do kishte siguruar kushte normale. Le të jetë qeveri e PS, por me njerëz që nuk janë përfolur për vjedhje vote dhe kriminale, por të ketë edhe garanci që sigurojnë zgjedhje normale në vend.

Do të duhet të shohim mënyrat më të mira por edhe me këtë sistem të kishim garanci që s’do lëshohen bandat dhe të jenë të mbrojtura me urdhër nga lart”.

Doda sugjeron modelin qytetar dhe jo atë të forcës. Është kjo këmbana e alarmit sipas saj që na rrezikon të zhbëhemi.

“Ne nuk mund të ulim kokën para forcës, ne nuk duhet te kemi model inspirimi të fortin. Duhet të kemi modelin qytetar, modelin që sjell pozitivitet, ndryshe do zhbëhemi. Kjo është këmbanë alarmi”.

Sipas Dodës këtë vend e kanë bërë bashkë demokratë e socilistët, por në këtë rast ekziston një hendek i madh që për të është tepsia.

“Flasim për njerëz që kanë bër histori në PS. Këtë vend e kanë bërë bashkë demokratët e socialistët kanë gjetur rrugën, por mes rilindësve e demokratëve dhe socialistëve, është një hendek i thellë. Është tepsia”. /abcnews.al

 

 

 

 

byro-politike-20-maj-1280x704.jpg
nev ila21:39 | 20/05/2019

Në mbrëmjen e sotme në “Byro politike” me gazetaren Juli Xhokaxhi, kanë qenë të ftuar përfaqësues të sektorëve të konfidustrisë shqiptare. Të ftuar ishin, Gjergj Buxhuku President i Konfindustrias, Enver Mehmeti Kreu i Shoqatës së Turizmit në Shqipëri, Fatos Çoçoli ekspert i ekonomisë dhe gazetar, Alban Zusi Drejtor Ekzekutiv i Industrialistëve Ushqimore.

Të pyetur nga Juli Xhokaxhi se si ka ndikuar situata politike aktuale në vend në ekonominë shqiptare ata kanë theksuar se vendi është në krizë dhe pritet që vështirësia të jetë edhe më e madhe në muajt në vijim.

Presidenti i konfindustrias Gjergj Buxhuku tha se:

Situata e mossuksesit në Sektorin ekonomik në fakt kthehet më pas në problematikë në politikë. kemi të bëjmë me një sistem ekonomik dhe politik që ka falimentuar dhe këto janë shenjat e dhënies në praktikë të pasojave të falimentimit të një sistemi të plotë politik dhe ekonomik, pra sistemi politik ka prodhura një sistem ekonomik i cili është ezauruar

Ndërsa gazetari Fatos Çoçoli mendon se politika është e përpërgjegjshme që e ka sjellë situatën deri këtu.

Po jemi të vonuar, protesta e dhunshme që na dëmtoi ishte ajo e shkurtit. shpresoj që kjo dalje e fortë e përfaqësuesve të disa industrive kryesore të vendit të shërbejë për të frenuar deri diku atë dëm që politika me mënyrën e saj të papërgjegjshme po i bën interesave ekonomike të këtij vendi”.

Enver Mehmeti kreu i shoqatës së turizmit në shqipëri tha se efektet e kësaj krize politiko-ekonomike do ti shtrijë efektet e saj edhe në vitet e ardhshme.

Po kalojmë një suituatë ku vërteton se demokracia është e brishtë, përsëritje ciklesh mendoj ku për momentin kërkojmë të dimë arsyen dhe mënyrën e daljes nga kjo krizë. zhvillimet e fundit kanë dëmtuar jo vetëm imazhin por edhe ekonominë shqiptare, dëmton moralin e sipërmarrësve, të punonjësve. në industrinë e turizmit mund ta themi në mënyrë shumë të sinqertë se pas krizës së 97ës është dashur shumë vite të rikuperohet gjurmët që la në botë. situata aktuale ka filluar të trondisë tregun e industrisë së turizmit botëror të cilën me shumë mund kemi ndërtuar në këto vite. Rrisku është monetar, dimensional. Muajt maj, qershor dhe korrik janë vendimarrëse në përcaktimin e tregjeve në 2020. kjo klimë pasigurie do të transferohet në 2020”, tha Mehmeti.

Për Alban Zusin Drejtorin Ekzekutiv të Industrialistëve Ushqimore 4 muajt e fundit kanë qenë dukshëm problematikë dhe me ekonomi në rënie.

Po të shohësh parametrat e ekonomisë këto 4 muaj do të vëmë re se të gjithë parametrat janë në rënie, kemi tkurrje të eksporteve, edhe të fasonerisë, dhe kemi rritje të importeve. jemi shumë të shqetësuar për atë që po  ndodh, të gjithë klientët tanë thanë se kanë rënë shitjet sidomos muaji maj”, theksoi Zusi./abcnews.al

byro-Cili-1.jpg
nev ila22:04 | 22/04/2019

Në analizën e tij më tej, Çili theksoi se, shoqëria shqiptare ka nevojë për një periudhë tranzitore. I pyetur nga drejtuesja e emisionit “Byro Politike” se cila është zgjidhja e situatës aktuale politike, Çili përgjigjet:

Ne duhet të kalojmë në një gjendje të re, kemi nevojë për një fazë kalimtare, që disa e quajnë tranzitore, sepse kështu nuk mund të vazhdohet më. Rama nuk e çon dot deri në fund mandatin po edhe opozita nuk është akoma gati për një alternativë. Rotacioni nuk i zgjidh këto probleme, nëse ne kemi 20 vjet që kemi pak a shumë të njëjtat probleme të pazgjidhura, atëherë na duhet një ristart i ri,  të kemi një sistem drejtësie funksionale të paimpaktuar nga qeveria, dhe të ecim në procesin e integrimit dhe për këtë na duhet periudha tranzitore, e kemi nevojë si shoqëri”, thekson ai./abcnews.al

 

astrit-patozi1.jpg
G. P.23:27 | 08/04/2019

Ish-nënkryetari demokrat, Astrit Patozi, ishte i ftuar në “Byro Politike” këtë të hënë. Ai deklaroi përballë gazetares Juli Xhokaxhi në ABC News se aksioni opozitar që ka nisur prej gati 2 muajsh në vend nuk është një kauzë popullore.

Djegia e mandateve nga opozita, sipas Patozit, është një vendim i rrezikshëm për të ardhmen e PD-së. Patozi tha gjithashtu se Basha është i pabesueshëm në deklaratat për ndryshim të sistemit zgjedhor.

Për sa i përket zgjedhjeve të ardhshme lokale, Patozi theksoi se opozita duhet të futet në to ose në të kundërt do të dalë jashtë sistemit politik. Sipas tij, nëse Basha vendos bojkotimin e zgjedhjeve do t’i dhurojë Ramës një minierë ari./abcnews.al

lulzim-bashaaaaaaaaa-1280x704.jpg
G. P.11:08 | 02/04/2019

Si çdo dy Prill edhe ky e gjeti kryetarin e Partisë Demokratike, Lulzim Basha, në Shkodër, në sheshin që mori emrin e datës kur katër të rinj shkodranë, Arben Broci, Bujar Biushanaku, Besnik Ceka dhe Nazmi Kryeziu, 28 vjet më parë dhanë jetën në mbrojtje të idealit për Shqipërinë si gjithë Europa.

Me familjarët e dëshmorëve në krah, kreu i opozitës Basha vendosi kurora me lule në memorialin e ngritur në nder të të rinjve. Në fjalën e tij, Lulzim Basha hoqi një paralele mes kohës kur ndodhi ngjarja e 2 Prillit 91 dhe situatës ku gjendet vendi sot.

“Rrënjët e të keqes nuk thahen, nëse nuk i shkulim një herë e mirë. Rrënjët e të keqes ushqehen me vesin, ushqehen me krimin e pandëshkuar. Sot Shkodrës dhe mbarë Shqipërisë ia merr ajrin një shartesë, një mostër sa politike aq dhe kriminale e cila është rritur nga mungesa e vëmendjes, nga pandëshkueshmëria, nga indiferenca dhe toleromi. Prandaj ne ikëm  nga ajo strofkull e krimit pasi po të mos iknim do të ishte njësoj sikur të ishim këtu më 2 prill të vitit 1991 por në anën e kundërt, jo në anën e protestuesve, jo në anën e liberatorëve, jo në anën e Arben Brocit, Nazmi Kryeziut, Bujar Bishanakut dhe Besnik Cekës por nën anën e komitetit të krimit, komitetit të partisë së Shkodrës”, u shpreh Basha.

Për të pikturuar Shkodrën, por edhe gjithë Shqipërinë sot, citon At Zef Pllumin.

““Shqipënia e terrorizume kishte ranë në koma, njerëzit e ditun nuk dishin ma kurrgja dhe njerëzit e paditun kishin në dorë gjithçka , atë që nuk dihej.” Pra, njerëzit e ditur nuk dinin si të mbroheshin sepse të paditurit ishin gati të bënin gjithçka, edhe atë që nuk merrej me mend e s’thuhej akoma. Ky është realiteti i sotëm që na sjell në kujtesë që e vetmja gjë që i duhet të keqes dhe të ligut të triumfojë është indiferenca dhe mosaktivizimit i të drejtit dhe të diturit. Prandaj në këtë 28 vjetor nuk tingëllon kurrë më aktuale sakrifica e dy prillit se sa sot. Sepse asnjëherë nuk ka qenë më e kërcënuar demokracia, liria për të zgjedhur me votë dhe për tërëzuar me votë qeverinë” , theksoi kryedemokrati.

Asgjë nuk mund të kthejë qetësinë e asaj që quan kufomë politikë të Rilindjes, trashëgimtarëve të denjë sipas Bashës, të 2 Prillit 1991./abcnews.al

PROVOKACIA-29-MARS-MONOLOGU-DHE-FATMIR-MEDIU-PJESA-1.mpg_snapshot_29.54-1280x720.jpg
ent ela20:56 | 29/03/2019

“Me Edi Ramën Kryeministër ne nuk do hyjmë në zgjedhje as lokale as parlamentare”. Është ky qëndrimi i opozitës i bërë publik nga kreu i PR-së Fatmir Mediu në studion e Provokacijas. Sipas tij ky është vetëm një qëndrim dhe jo vendim i opozitës.

Kryetari i Partisë Republikane Fatmir Mediu ka folur në studion e Provokacijas për situatën politike në vend, djegien e mandateve dhe aksionin opozitar.

Përsa i takon reformës në Drejtësi, Mediu thotë se shteti ka dhunuar Kushtetutën pasi nuk kanë funksionuar afatet ligjore të zbatimit.

“Reforma në drejtësi bazohet në dy kolona; vetingu që është i domosdoshëm dhe krijimi institucioneve që bënin propozime dhe plotësonin vendet vakante. Shteti ka dhunuar Kushtetutën se ka pasur afate ligjore të zbatimit të reformës në drejtësi që nuk kanë funksionuar për shkak të qëllimeve të mbrapshta. Ka qenë një lojë për të arritur në këtë nivel, pastrimi i gjykatave”.

Sa i takon integrimit Mediu thotë se nëse europa do mbyllë sytë përballë krimit e zgjedhjeve kjo do të ishte në dëm të qytetarëve shqiptarë.

“Vendi ynë duhet të jetë serioz dhe partner. Nëse Europa do mbyllte sytë përballë krimit, korrupsioni, mosfunksionimit të institucioneve, zgjedhjeve të lira kjo do  të ishte në dëm të qytetarëve shqiptarë. Anëtarësimi nuk na bën më evropian. Çështja është ta bëjmë Brukselin të vijë në Shqipëri”. /abcnews.al

PROVOKACIA-19-MARS-KOCO-KOKDHIMA-PJESA-2.mpg_snapshot_06.28-1280x720.jpg
ent ela21:34 | 19/03/2019

Kryetari i Partisë Zgjidhja Koço Kokëdhima deklaroi në studion e emisionit Provokacija të Mustafa Nanos se vendi ynë sundohet nga marrëveshja mes 3 partive të vjetra PS-PD-LSI, dhe jo nga ligji. Duke folur për  situatën aktuale politke në vend, Kokëdhima tha se këto parti i kanë marrë sovranitetin Shqipërisë dhe shqiptarëve.

“Punët në Shqipëri po shkojnë keq, kur ka të gjitha arsyet që të shkojnë mirë, por pushtetin në Shqipëri e kanë njerëz që nuk punojnë për popullin, nuk janë aleatë të popullit tonë. Personaletitet më në zë janë me të shkuar problematike dhe sot udhëheqin një marrëveshje që i ka shkatëruar liritë e shqiptarëve, marrëveshja mes lidershipit të tre partive të vjetra, ajo e sundon Shqipërinë, jo ligji, nuk ka institucione demokratike, nuk ka rrugë që populli të zgjedhë vetë i kanë marrë sovranitetin Shqipërisë dhe Shqipëri,  edhe shteti, edhe politika, edhe ekonomia, edhe zgjedhjet janë në duar të 3-4 njerëzve”.

Kokëdhima nuk sheh si zgjidhje largimin e Ramës nga politika, i cili sipas tij ka marrë gjithë pushtetet,  por zgjidhje sipas tij është ndryshimi i sistemit, ndryshe do dalë një autokrat i ri.

“Jo nuk është, zgjidhja është pikërish “Zgjidhja”. Rama është një fenomen, është autokrat që ka gjithë pushtetet, gjithë paratë e shqiptarëe dhe të drejtat e zhvillimit, por edhe po të ikë ky sistem do bëjë një autokrat të ri, me shumë gjasa, pak me i poshtër se ky që kemi sot. Dhe po të ikë ky vjen një tjetër si ky, për një vit më i pasur, nga e keqja në një më të madhe”.

Kreu i Zgjidhjes thekson se në këtë vend është pushkatuar roli i sovranit në demokraci, ndërsa apelon për reformim të sistemit politik dhe zgjedhor.

“Pse  e mbështetëm Ramën? Për të bërë një qeverisje ndryshe nga Saliu, ne donim të ikte salizmi nga Shqipëria dhe të konkuronte merita, të ketë entuziazëm, zhvillim, hapësira.

Nëse Shqipëria nuk është vend demokratik, kjo pasqyrohet në qeverisje, gjëja e parë të reformohet sistemi politik,  që roli i sovranit të jetë ai që duhet këtu. Është pushaktuar roli i sovranit në demokraci. S’ka populli sovranitet për asgjë”.

Për Kokëdhimën zgjedhjet janë shkatërruar nga numëruesit dhe komisionerët e 3 partive kryesore politike në vend, ndërsa sugjeron sistemin grek për të shëruar plagët e sistemit aktual zgjedhor.

“S’ka krim në të madh dhe turp që në 30 vjet nuk bënë zgjedhje të pakontestueshme. Zgjedhjet duhet të kenë integritet të plotë, kjo ka lidhje me shoqërinë . Çdo qelizë e shtetit shqiptar do jetë e kompromentuar.

Zgjedhjet i kanë shkatërruar komisionerët, numëruesit dhe sekserët e PS,PD,LSI. Ato i kanë shkatërruar.

Ka gjithmonë mënyrë për të korrigjuar plagët e sistemit, ne nuk rregullojmë probleme, e keqja këtu nuk luftohet, por sofistikohet. Partitë duhen zhdukur nga administrimi i zgjedhjeve. Në modelin grek janë gjykatat dhe një ministër i brendshëm”.

Por këtë model, thekson kreu i Zgjidhjes, nuk e bën asnjë nga 3 partitë, sepse janë në marrëveshje të pplotë me njëra-tjetrën, për sistemin politik dhe zgjedhor, pasi ky sistem që kanë u jep tepsinë dhe amnistinë për krimet e korrupsionit.

“Pse nuke bëjnë? Opozita dhe qeveria janë një, PD, PS E LSI janë në marrëvehsje të plotë për sistemin politik dhe zgjedhor. Ato duan ta mbajnë lojën të mbyllur se atyre u jep tepsinë dhe amnistinë për krimet e korrupsionit. Janë në marrëveshje të plotë”.

Dhe ky sistem sipas Kokëdhëmiës i lejon Ramës dhe kujtdo tjetër që vjen në pushtet të marrë gjithçka, zgjedhje, media, kompani private e tendera.

“Si është mundur që një njeri të marrë gjithçka në këtë vend? Mediat, zgjedhjet gjithë kriminelët, gjithë kompanitë private, gjithë tenderat. Si është ky? Me shtatë koka është ky? Është alien? Dhe të ikë ky vjen tjetri bëhet me keq se ky, ikën Saliu i parë vjen i dyti më keq, Ikën Saliu i dytë vjen Nano më keq, Ikën Nano vjen Saliu, edhe më keq. Nga e keqja, një e keqe më madhe dhe varfëri.

Rama i ka marrë pushtet në mënyrë jo kushtetuese. Ai i bën me korrupsion i merr drejtuesit e mediave i korrupton u jep tendera, buxhete publike, koncesione, të marrin para nga xhepi i popullit, ky është puç.  Ai mediat i ka aleate në çdo moment të vështirë”.

Për të gjitha këto Kokëdhima beson se zgjidhja do të vijë nga reforma në drejtësi dhe ndarja e pushteteve që nuk do t’i lejojë politikanët të fusin dorën në xhepat e shqiptarëve. /abcnews.al

henri-cili.jpg
G. P.20:55 | 19/03/2019

Themeluesi i gazetës “Liberale”, Henri Çili ishte i ftuar këtë të martë në emisionin “Provokacija” ku komentoi edhe situatën aktuale politike. Sipas tij po ndodhin tre zhvillime të rëndësishme në vend.

“Në Shqipëri po ndodhin të paktën tre zhvillime të rëndësishme. Në radhë të parë kemi ndjesinë e ngecjes, të pesimizmit, të një horizonti të mbyllur. Deri në 2015, 2016, 2013 Shqipëria ka pasur një sens prespektive, ka pasur një sens horizonti të hapur. Elementi i dytë është fakti që në mënyrë të ngushtuar, modeli aktual, oferta ose struktura aktuale qeverisëse pothuajse i ka shteruar mundësitë e veta dhe lideri i saj, Rama. Por mbi të gjitha Shqipëria po rrezikon të rivulosë fatin e vet si një vend i prapambetur. Në teoritë e zhvillimit ka një moment, kur një shoqëri e pazhvilluar kalon në e zhvilluar. Ne nuk po kalojmë dot atë Take off-in. Është një fazë që ne nuk po e bëjmë 30 vjet pas rënies së komunizmit nuk po bëjmë take off-in drejt një Shqipërie të zhvilluar”, tha Çili.

Për sa i përket djegies së mandateve nga opozita, Çili theksoi se është dakord si akt i fundit për të shokuar demokracinë. Sipas tij kjo është mënyra që ka zgjedhur kreu i demokratëve.

“Jam dakord, si akti i fundit për ta shokuar sistemin politik. Rrugës fitorja e ngushtë e 25 Qershorit u bë e diskutueshme. Pse ndodhi kjo? Partnerët përgjuan disa grupe kriminale dhe na doli një gjë e caktuar, të cilën ne nuk kemi një sistem drejtësie funksional që të themi që kjo është kështu ose kështu. Atëherë çfarë ndodh? Cila është e keqja që palët të ritestohen në kushte neutrale. Ç’do të thotë kushte neutrale? Si funksion në Shqipëri industria elektorale, funksionon në mënyrë të tillë që na ka ardhur në majë të hundës. Implikim i administratës, shfrytëzimi i pozicionit, fushatat e legalizimeve, populizmi dhe erdhëm te lidhjet e qarta me krimin dhe kandidatët. Sikur kjo mos të mjaftonte, kjo nuk po ecën, ne nuk po bëjmë hap në integrim. Çfarë do themi në Qershor nëse do refuzohet prapë hapja e negociatave? Ka tre mënyra se si mund të përqasim një situatë me anë të profilaksisë, terapisë ose shokut. Lul Basha ka zgjedh shokun ta shokojë sistemin e demokracisë”, tha ai./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono