sistemi

klotilda-ferhati-abc.jpg
G. P.17:58 | 24/04/2019

Kuvendi ndryshoi formulën për Komisionin e Reformës Zgjedhore. Mazhoranca dhe opozita e re kanë vendosur që ky komision të bëhet me 10 anëtarë, 5 nga mazhoranca 4 nga grupimet opozitare në parlament dhe një nga Partia Demokratike, e cila e ka refuzuar.

E ftuar në emisionin “Mbrëmje ABC” nga Mirela Milori, deputetja e Partisë Socialiste, Klotilda Ferhati, sqaroi se punës së komisionit i është shtuar edhe një objektiv tjetër. Bëhet fjalë për çështjen e ndryshimit të sistemit zgjedhor.

“Komisioni Reformës zgjedhore nuk e ka përmbushur dot misionin e tij nga momenti që u krijua e deri më sot për shkak të bojkoti të ish-deputetëve të opozitës dhe për këto arsye ndryshimi thelbësor ka të bëjë me shtyrjen e afatit nëq mënyrë që objektivat që kishte ky komision të përmbushen sepse tashmë është e pamundur për kaq kohë sa ka ngelur të mbyllej puna e këtij komisioni. Është shtuar afati deri në Nëntor të 2019-s dhe është shtuar në objektin e punës së komisionit përveç ndryshimeve në Kodin Zgjedhor sa i takon adresimit të gjithë rekomandimeve të OSBE/ODHIR në zgjedhjet e mëparshme, në përputhje me të gjitha standardet më të mira dhe shtohet çështja e ndryshimit apo jo të sistemit zgjedhor që ne kemi në vend dhe ka të bëjë me hapjen e një debati duke u dhënë një mundësi të gjithë aktorëve politikë në parlament edhe jashtë për të diskutuar nëse është e udhës që i shërben interesit publik të vendit që të ndryshojë sistemi. Pra kjo i shtohet në objekt edhe punës së komisionit”, tha Ferhati.

Megjithatë edhe nëse ndryshimet në Kodin Zgjedhor arrihen që tani me punën e komisionit, ato do të jenë të aplikueshme vetëm në zgjedhjet e ardhshme kombëtare.

“Mendohet që nëse arrihen ndryshimet në Kodin Zgjedhor nuk do të jenë të aplikueshme përveçse në më të hershmen e vet në zgjedhjet kombëtare të 2021-shit. Kështu që çfarë do që të arrihet do jetë e aplikueshme në 2021-shin. PS është e hapur të diskutojë çdo lloj çështje që i shqetëson faktorët politik, por i shërben edhe interesit publik”, tha deputetja./abcnews.al

leyla-mose-ones.jpg
G. P.13:57 | 02/04/2019

Sa herë që i jepet mundësia diplomatët më të lartë të ambasadës së shteteve të Bashkuara të Amerikës në vendin tonë shprehin qëndrimet e tyre mbi situatën politike në vend. Kështu bëri edhe zyrtarja amerikane, Leyla Moses-Ones, në aktivitetin e Ministrisë së Brendshme për menaxhimin e çështjes.

KLP do të sjellë së shpejti prokurorët në SPAK, Prokurorisë së Posaçme Anti-Korrupsion dhe më pas Byronë Kombëtare të Hetimit. Ndihma jonë për KLP së shpejti do të shkojë në Gjykatën kundër korrupsionit dhe krimit të organizuar. Gjyqtarët e Departamentit të Drejtësisë në SHBA po këshillojnë prokurorët shqiptarë, të cilët tashmë po sjellin ndjekje penale të dukshme dhe ne presim më shumë”, tha ajo.

Por ajo që e nënvizon më shumë është ecuria e reformës në drejtësi.

“SHBA-të mbështesin të gjitha institucionet e reja të Shqipërisë si Këshillat dhe si SPAK-u si dhe institucionet ekzistuese që janë të gatshme të luftojnë kundër korrupsionit ose kundër krimit të organizuar. Shkurtazi reforma në drejtësi po ecën përpara dhe nuk do të ndalet”, theksoi Moses-Ones.

Nga pas i shkon edhe ministri i Brendshëm duke treguar mbështetjen e institucionit që ai drejton.

“Reforma në drejtësi e shumëpritur nga qytetarët shqiptarë dhe partnerët ndërkombëtarë është tashmë në fazën përfundimtare të saj. Në fazën e finalizimit të një procesi të madh, një përpjekje të madhe kombëtare. Ajo që pritet dhe kërkohet nga të gjithë është që të gjitha institucionet të japin kontributin e vet dhe ky sistem i vjen saktësisht në mënyrë të sinkronizuar në ndihmë këtij procesi për arsye se për një reformë në drejtësi pa një polici funksionale, moderne dhe eficente dhe po ashtu edhe pa një prokurori moderne dhe funksionale nuk mund të bëhet”, tha Lleshaj.

Deklaratat mbi rëndësinë e reformës në drejtësi u bënë në aktivitetin ku u promovua një tjetër bashkëpunim me Shtetet e Bashkuara të Amerikës, ai i ngritjes së një sistemi modern që krijon tablonë e plotë për gjithçka raportohet në polici. Modernizimi është edhe motoja e vetë ministrit Lleshaj pasi i jep epërsi forcave policore ndaj krimit./abcnews.al

sander-lleshaj-1-1280x645.jpg
ent ela12:27 | 02/04/2019

Ditën e sotme në një aktivitet të mbajtur nga Ministria e Brendshme së bashku me përfaqësues të ambasadës amerikane, është prezantuar projekti më i ri i mundësuar kryesisht nga shteti amerikan.

Lleshaj ka theksuar se ky sistem do të jetë ndihmë dhe zgjidhje përfundimtare për konfliktet mes prokurorisë dhe policisë. Sipas Lleshajt, sistemi mundëson më shumë lehtësi dhe evidencë të plotë për cështjet, kështu policia dhe prokuroria nuk do të munden më, ti lënë dështimin njëra tjetrës.

“Janë investuar miliona dollarë për këtë projekt te madh, me këtë sistem standardizojmë procesin e punës. Çështjet do të menaxhohen në mënyrë rigoroze, çdo çështje që do të nis do jetë e pasqyruar më e plotë. Sistemi do të mundësojë krijimin e një tabloje të plotë. Sistemi do të mundësojë dhe ndihmojë analizën e punës, do të krijojë kujtesë, arkiv.

Ky sistem do të mundësojë riorientimin e punës së policisë, do të krijojë bashkëpunim të ri mes policisë dhe prokurorisë e do të garantojë bashkëpunimin mes të dyjave. Jo rrallë ndodh që Policia ka pamje tjetër, Prokuroria tjetër, të cilat jo domosdoshmërisht janë të njëjta. Sistemi tashmë e mundëson që të jenë shumë të vështira alibitë institucionale, sepse tentojnë t’ia bëjnë njëra-tjetrës me gisht.

Jam optimist se hapat e mëtejshëm midis policisë dhe Prokurorisë do kenë protokolle të qarta për menaxhimin e përbashkët të këtij sistemi për të arritur atë objektiv të përgjithshëm që të gjithë qytetarët presin më shumë rend, siguri. Nuk do të ketë më “dështimi është i yti apo i imi”. Nuk është destinacion përfundimtar, por një hap më tej modernizimit të policisë”, tha Lleshaj./abcnews.al

PROVOKACIA-15-MARS-LUAN-RAMA-PJESA-2.mpg_snapshot_17.32-1280x720.jpg
ent ela21:19 | 15/03/2019

Nënkryetari i LSI-së  Luan Rama i ftuar në studion e Provokacijas në ABC News ka folur për situatën politike në vend pas djegies së mandateve të opozitës. Sipas tij Shqipëria është i vetmi vend në Europë që identifikohet me vota të vjedhura, ndërsa akti i djegies së mandateve erdhi për shkak të situatës së krijuar.

“E gjithë historia shqiptare e postkomunizimit kur të shihet me qartësinë dhe kthjelltësinë që të jep situata në kohë është pëp të ardhur keq që Shqipëria jo vetëm që nuk është atje ku duhet të ishte, por e bën klasën politke që të jetë borxhlie. Është akt ekstrem, revoltë politike përballë një realiteti që ka brenda absurdin. Ky është një vend ku vidhen votat, nuk zhvillhen zgjedhje, qytetari nuk ka integritet me votën e vet. Shqipëria i vetmi vend në Europë identifikohet ku vidhet vota. Opozita u gjet në një situatë ku nuk kishte rrugëdalje tjetër”.

Ajo që sugjeron Luan Rama është një sistem i riorganizuar në bazë të parimeve check and balance, sikurse edhe vendet e tjera, në të kundërtën Shqipëria do vijojë të jetë delja e zezë ku vidhen vota.

“Këtu është një sistem i tërë politik i dështuar dhe duhet riorganizuar në bazë të parimeve check and balance, që vendet e tjera i kanë të shenjta dhe nëse nuk ndëshkohet tani ky fenomen edhe 20 vjet të tjera Shqipëria do tregohet me gisht si delja e zezë ku vidhen vota. Të ngrihet një strukturë e re”.  /abcnews.al

klp-dhe-klgj.jpg
G. P.19:24 | 23/12/2018

Plotësimi me anëtarë dhe nisja e funksionimit te Këshillit të Lartë të Prokurorisë dhe të Këshillit të Lartë Gjyqësor ka kaluar në një tjetër fazë Reformën në Drejtësi. Por çfarë pritet të ndodhë në vijim?

Java që lamë pas do të memorizohet në historinë e sistemit të drejtësisë në vend për nisjen e funksionimit të dy prej institucioneve të rëndësishme në kuadër të Reformës në Drejtësi, Këshillit të Lartë të Prokurorisë dhe Këshillit të Lartë Gjyqësor. Në mbledhjet e para, drejtuesit respektivë të dy organizmave qeverisës së prokurorëve dhe gjyqtarëve përmendën qëllimin e përbashkët për rikthimin e besimit të publikut tek drejtësia.

Por cilat janë lëvizjet e para që do të ndërmarrin këto dy institucione?

Një nga ndërmarrjet më primare të Këshillit të Lartë të Prokurorisë është hapja e garës për Prokurorin e Përgjithshëm me mandat. Prokurori i ri do të zërë vendin e Arta Markut, prokurores së Përgjithshme të Përkohshme. Në korridoret e prokurorive kanë nisur të përfliten emrat e parë të kandidatëve, por nuk përjashtohet edhe një kandidim i kryeprokurores së Përkohshme, Marku. Në vijim KLP-ja do të zgjedhë edhe prokurorët e Prokurorisë së Posaçme Anti-Korrupsion, të njohur si SPAK.

Nga ana tjetër, Këshilli i Lartë Gjyqësor do të jetë në funksion me gjithë kapacitetin për të garantuar mbarëvajtjen e gjykatave në vend. Pasi të zgjedhë katër komisionet e përhershme mes anëtarëve të Këshillit, KLGJ pritet të hedhë hapa për ngritjen e Gjykatës së Posaçme kundër korrupsionit dhe krimit të organizuar. Njëkohësisht KLGJ-ja do të miratojë aktet nënligjore për gjyqtarët dhe do të marrë vendime për emërimet dhe promovimin e gjyqtarëve tyre apo vendosjes së masave disiplinore.

Pas nisjes së procesit të Vettingut, vënia në funksion e KLP-së dhe KLGJ-së dhe veprimet që do të ndërmerren duket se do të jetë prova e radhës e sistemit të drejtësisë në sytë e publikut./abcnews.al

lulzim-bashaa.jpg
G. P.09:56 | 27/11/2018

Gjatë një interviste me gazetarin Adi Krasta, kreu i Partisë Demokratike Lulzim Basha deklaroi se opozita nuk po e përdor protestën e banorëve të zonës së Astirit për të përfituar politikisht. Basha tha se është detyra e opozitës të jetë pranë banorëve të 317 shtëpive që do të prishen, sipas tij, në shkelje të ligjit. Ai përsëriti akuzat se projekti i Unazës ë Re është një megavjedhje 40 milionë euro e taksave.

Basha tha se prej kohësh Partia Demokratike është e detyruar të jetë në një betejë misionare, jo në një betejë elektorale, pasi sipas tij gjithë koha e opozitës konsumohet nga trauma që i është shkaktuar shtetit, popullit, nga kriminelët në politikë dhe nga kapja e ekonomisë nga oligarkët. “Pa fituar këtë betejë misionare, për të rikthyer demokracinë, ndarjen e pushteteve, nuk mund të bëhet fjalë për një debat normal politik, prandaj edhe beteja e PD-së nuk është një betejë normale politike,”- tha kryedemokrati.

Këtë betejë ai e krahasoi me atë të zhvilluar para 3 dekadave, për të rikthyer besimin se Shqipëria mund dhe do të bëhet. Sipas Bashës tre prioritetet e opozitës mbeten pastrimi i institucioneve nga krimi, dekriminalizimi i zgjedhjeve dhe çlirimi i ekonomisë nga oligarkët që kontrollojnë fondet e pasuritë e shqiptarëve./abcnews.al

RAMA-OSHEE.mpg_snapshot_00.21-1280x720.jpg
G. P.17:35 | 13/11/2018

Nga puna në nënstacione e deri në rezultatet e prodhimit të HEC-ve do të bëhet on line. Ky është sistemi më i ri që ka instaluar operatori i shpërndarjes së energjisë elektrike për cilin janë investuar 187 milionë lekë.

Gjithçka do të monitorohet on line në dispecerinë qendrore të OSHEE. Nënstacionet, parandalimi i defekteve, monitorim dhe manovrim të rrjetit elektrik, fiderave dhe kabinave, si dhe monitorim e operim online të prodhimit të HEC-ve. Ky është sistemi SCADA për të cilën OSHEE ka investuar 187 milionë lekë.

Ardian Çela, drejtor i OSHEE: “Fillojmë me 6 nënstacione. Aktualisht janë 3, brenda javës tjetër bëhen 6 (Tirana Qendër, Selitë, Kashar) dhe monitorohen të gjitha online. Shmang defektet, ngarkesat dhe koha e operimit është shumë e shpejtë. Ne parashikojmë që brenda dhjetorit të shkojmë në 12 nënstacione. Brenda vitit 2019 ne pretendojmë të shkojmë në mbi 50 nënstacione, që, (në total ne kemi 170) 60 nënstacionet kryesore të të gjithë vendit ne t’i monitorojmë nga këtu, në kohë reale,” deklaroi kreu i OSHEE-së.

Ambientet e reja të dispecerisë qendrore të OSHEE i pa edhe kryeminstri Edi Rama të cilin e siguruan se qytetarët nuk do të presin me orë për të marrë një shërbim.

“Paguanim 420 mijë euro në vit qira në dy pallate dhe njerëzit prisnin në garazh të makinës. S’kishim as server, as ambiente pritjeje të publikut, as arkiv, absolutisht asgjë. Për çdo mbledhje nuk kishim ambiente, duhet të dilnim jashtë kompanisë. Tani i kemi këtu. Të gjitha këto janë me 4.5 milionë dhe me TVSh brenda, 10 mijë metra katrorë. Kushtet nuk krahasohen.”

Në vitin 2019, operimi me sistemin SCADA do të shtrihet edhe gjerë, ku në Tiranë do të jenë 250 kabina të automatizuara nga 30 që janë sot./abcnews.al

BYRO-BUJAR-NISHANI.mpg_snapshot_05.18-1280x720.jpg
G. P.21:22 | 31/10/2018

I ftuari i sotëm në emisionin “Byro Politike” të gazetares Juli Xhokaxhi ishte ish-presidenti Bujar Nishani. Diskutim dhe analizë për situatën politike në vend dhe ngajrjet kryesore në Shqipëri dhe Kosovë.


Në momentet e para kur nisën akuzat dhe përgjimet e video përgjimet, a mund të flasim për situatë politike apo klimë politike?

Nishani: “Për fat të keq është një model i një viroze që është përhapur me shpejtësi. Futja e modelit të bashkëjetesës së politikës dhe në rastin në fjalë të politikës qeveritare me krimin e organizuar, ku pastaj të gjitha elementet e tjerë si korrupsioni, janë pjesë përbërëse të këtij skenari.”

I pyetur nëse ky skenar është duke u fokusuar më shumë tek emrat e përveçëm se sa tek fenomenet, Nishani u përgjigj:

“Mendoj se duke e konkretizuar me emër fenomeni është përçues. Denoncuesi në këtë rast është opozita. Në këtë realitet kaq të hidhur të sistemit politik opozita ka vetëm fjalën dhe denoncimin. Bërja e denoncimeve mbi bazën e emrave japin një kolonë më të fortë tek publiku. Opozita duhet të qëndrojë tek parimet. Duke artikuluar denoncimin pavarësish se në një moment të caktuar mund të duket se nuk ka një përfitim të madh elektoral, mendoj unë që e ka akumuluar në vetëvete njërin aspekt, denoncimin dhe demontimin e fenomeneve. Demontimi i një mekanizmi të kalcifikuar, por goxha të organizuar nuk është e lehtë dhe nuk duhet pritur që të demontohet brenda një afati të caktuar. Unë besoj se rrugëtimi i opozitës ka arritur në krijimin e një bindje tek qytetarët që qeverisja aktuale ka përfituar nga krimi dhe duhet të ketë një ndryshim të këtij modeli.”

Gjithashtu Nishani rrëfeu dhe mendimin e tij në lidhje më qeverisjen e kryetarit të PD Lulzim Basha.

“Unë jam kundër të qenit opozitë me opozitën. Opozita është një faktor sa i pazëvendësueshëm aq edhe i nevojshëm në betejën me antikonformizmin. Opozita ka nevojë për më shumë dinamikë dhe nerv. Ka disa dosje konkrete që nuk janë produkte të opozitës që kanë ardhur përtej detit. P.sh. grupi Habilaj, Bajraj dhe Abdylajt. Opozita nuk mund të rrijë pa e jetësuar fenomenin me emrin në mënyrë që qytetarët të dijnë dëmin e madh që kanë bërë.”

A po gabon opozita që që nuk është shfaqur në parlament?

“Parimisht po, por jeta parlamentare 2 vitet e fundit ka degraduar totalisht. Nuk ka qenë kurrë kryeministri shpërndarës i një fjalori të atillë që kemi dëgjuar.”

Nishani dha mendimin e tij edhe për koalicionin PD-LSI.

“Nuk kemi rastin e një koalicioni klasik mbi bazën e një marrëveshje, kemi unifikim të zërit politik opozitar. Mendoj që ky është një hap i mirë dhe pozitiv drejt frontit të së keqes. Ne rrezikojmë, shpresoj të jem gabim, por Shqipëria po shkon në nivelet e një regjimi, i cili në kushtet e Shqipërisë dhe temperamentin ballkanik mund të kthehet në një përplasje civile.”

Si shihet paketa antishpifje e Ramës?

“Shejtan budalla. Sepse së pari është një logo e re e hedhur për tu fokusuar tek një gur që hidhet në lumë, sepse nuk ka asnjë mundësi për tu realizuar ligjërisht.”

A ka një përgjigje ndaj akuzave nga trajneri i kombëtares Panucci?

“Unë jam akuzuar për fyerje jo shpifje. Zotëria në fjalë është i fundit që mund të flasë për edukatën spese ka përcjellë në familjet shqiptare një fjalor të papërshtatshëm. Procesi është në rrugë e sipër. Menjëherë sapo e pashë në media që kishin adresën e gabuar unë ua kam çuar të nesërmen për shkak të lëvizjeve që kam bërë.”

Rama thotë që paratë e gjovae të shpifjeve do shkojnë në investime:

“Kryeministri ka për të dhënë llogari të madhe tek shqiptarët. Sot ishte në Kukës sepse sot ka qenë dita ku para një viti ka deklaruar që fillojnë fluturimet në aeroport. Sot duhet të thonte se pse ka gënjyer që sot fillojnë operimet në aeroportin e Kukësit.”

Gjithashtu u fol dhe për arsyet e verteta të largimit të Xhafajt dhe qëndrimin e tij ndaj ministrit të emëruar Sandër Lleshit.

“Për mua ishte një lëvizje e sforcuar. Lleshi nuk ka qenë i shkarkuar por i dalë në rezervë. Zotëria iu nënshtrua rregullit të ushtrisë, qëndroi në kohë për aq kohë që ia lejon grada.”

A po luan bllofin Basha kur kërkon zgjedhje të parakohshmë parlamentare?

“Sipas meje sistemi zgjedhor është shkatërruar. Reforma territoriale është një turp i të gjithë atyre që e shitën. Ka ndodhur një deformim i jashtëzkonshëm i demokracisë. Kryetarët e komunave quhen tashmë administratorë dhe emërohen nga kryetari i bashkisë dhe jo me votë. Reforma është e domosdoshme edhe për shkak të bllokimit që i ka bërë politika mekanizmint për të menazhar sistemin e drejtësisë.”

Si përfundim, Nishani shprehu mendimin e tij për punën e bërë nga pasardhësi Ilir Meta dhe për të ardhmen në politikë.

“Meta korrekt dhe institucional. Për të ardhmen jam aktiv në politikë, por jo në një projekt konkret në atashim në parti, jam pranë të djathtës në parimë dhe ide dhe do të qëndroj pranë PD deri në ditën që kjo parti të përçojë ato vlera që unë i mendoj si vlera të së djathtës”./abcnews.al

MBULIM-NIKEHASANI-KPA.mpg_snapshot_00.02-1280x818.jpg
G. P.20:41 | 12/09/2018

Kolegji i Posaçëm i Apelimit la të pandryshuar vendimin e Komisionit të Pavarur të Kualifikimit për shkarkimin nga detyra të prokurores së Shkodrës, Besa Nikëhasani. Ish-prokurorja rezultoi ngelëse në procesin e Vetingut për shkak të problemeve me pasurinë. Ankimi i bërë nga Nikëhasani në KPA u shqyrtua në dhomë këshillimi në bazë dokumentesh. Ky vendim është i formës së prerë dhe shuan çdo shpresë të ish-prokurores për t’u kthyer në sistemin e drejtësisë për një periudhë 15 vjeçare. Vendimi i KPK për shkarkimin nga detyra të Nikëhasanit u mor në 24 prill 2018./abcnews.al

ferdinand-xhaferri.jpg
G. P.20:29 | 05/02/2018

I ftuar në Mbrëmje në ABC News, gazetari Ferdinand Dervishi është shprehur se sistemi është i kalbur, por ka njerëz që punojnë për shtetin edhe pse kjo është e rrallë. Ai tregoi edhe për rastin e një prokuroreje në Elbasan që ka denoncuar në polici se i kanë vjedhur tre dosje.

“Kemi një frymë të re. Tre muaj më parë një prokurore nga Elbasani ka denoncuar në polici se është thyer zyra. Më kanë marrë tre dosje. Kjo dosje u kthye nga tentativë vrasje në kanosje. E para ishte midis dy fiseve në Elbasan dhe “Rrugët” që 50 milionë nuk janë pak. “Kurum” që është një kompani e madhe që ka punuar vite e vite aty. Fryma e re që ka ardhur, unë besoj se ka kthyer dëshirën e mirë. Asaj prokurores i janë kthyer dosjet, askush nuk i ka bërë shantazh. Në një shtet ka njerëz që punojnë për shtetin, është e rrallë për Shqipërinë sepse është kalbur sistemi, por besoj se edhe këtu ka”, u shpreh ai.


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono