siri

9.jpg
in a16:11 | 16/11/2019

Organizata Kombëtare për të Drejtat e Njeriut, ong me qendër në Londër, ka njoftuar se 14 persona, mes të cilëve 9 civilë, kanë mbetur të vrarë pas një shpërthimi me autobombë në veri-lindje të Sirisë. Ngjarja ka ndodhur shumë pranë kufirit me Turqinë, në një qytet të kontrolluar nga ushtarët turq.

Një tjetër grup aktivistësh raportojnë për 12 të plagosur. Bomba ka shpërthyer në një stacion autobusësh dhe taksish. Atentatet e këtij tipi kanë shkaktuar shumë viktima në

Muajt e fundit në zonat e kufirit me Turqinë, janë gjendur përballe antentateve të tilla duke sjellë shumë viktima./abcnews.al

alvini-1-1-1280x720.jpg
Autor E12:57 | 14/11/2019

Në dëshminë e tij të parë para hetuesve italianë, 11 vjecari Alvin Berisha i shpëtuar nga kampi burg në Siri, ka treguar me lot në sy se si nëna e tij u vra si pasojë e bombardimeve. Ai tha se në ato moment kishte qenë pranë saj.

“Mami im u vra nga bombat, dhe unë isha pranë saj”.

Kështu është shprehur para hetuesve italianë, gjatë një seance me një psikolog, Alvin Berisha, 11 vjecari i kthyer në Itali në 8 nëntor pasi nëna e tij e çoi në Siri në vitin 2014.

Ai është ende në gjendje shoku dhe javën e ardhshme do të shtrohet në spital për tu operuar për plagën në këmbë, gjatë bombardimeve ku mbeti e vrarë nëna e tij, raporton abcnews.al.

Hetuesit italianë pasi u konsultuan me një psikolog vendosën të pyesin fëmijën, i cili vuan ende pasojat e traumës emocioniale që ka pësuar.

Ata do ta pyesin sërish më vonë, pasi të përfundojë operacioni në këmbë.

11 vjeçari konfirmoi me lot në sy se kishte parë të vdiste nënën e tij, dhe pse ishte shumë pranë saj ai arrit të shpëtonte.

Alvin gjithashtu shpjegoi se bombardimi ndodhi kur ata ndodheshin në një tjetër kamp, po në Siri, por jo në atë të “Al Hol”, ku fëmija falë një operacioni delikat u mor për t’u risjellë në Itali.

Fëmija nuk e mban mend se kur ndodhi bombardimi që vrau nënën e tij, por mban vetëm se ishte shumë vapë.

Mjekët do të mund të kuptojnë ndoshta nga plaga se kur mund të ketë ndodhur bombardimi.

Alvin më në fund u rikthye në Itali në 8 nëntor pas pesë vitesh të kaluara në Siri dhe mundi të përqafohej sërish me babain dhe motrat e tij.

Ndoshta vetëm në të ardhmen hetuesit do të mund të kuptojnë dinamikën e fakteve dhe të mësojnë nga ai se çfarë ka përjetuar në kohën e jetuar në Siri ku ka parë të gjithë tmerrin e luftës. /abcnews.al

e-moshuara-1280x720.jpg
ger ta19:46 | 13/11/2019

Salushe Seferi nga Librazhdi kërkon që vajza e saj Ruzhdie Balliu, e cila ndodhet në Siri të rikthehet në shtëpi.

Ajo ndodhet në Siri që prej vitit 2014 sëbashku me bashkëshortin e saj Ali Balliu, ku shkuan për t’iu bashkuar luftës së Shtetit Islamik.

Salushe tregon për abcnews.al se si iku e bija në vendin e luftës. E moshuara thotë se ishte djali i Ruzhdijes, Idajeti ai që kishte shkuar më parë në Siri. Idajeti, kishte mbaruar studimet për inxhineri elektronike, por vendosi të linte gjithçka këtu për t’ju bashkuar ISIS.

Ruzhdija e nisi udhëtimin nga Turqia për t’ju bashkuar të birit. Por pa arritur prindërit në Siri, djali i saj Idajeti, i cili njihej si krahu i djathtë i Lavdërim Muhaxherit u vra gjatë luftimeve. Idajet Balliu u vra paraditen e 15 gushtit 2014 në Aleppo të Sirisë gjatë betejës më të ashpër të Aleppos.  Ai luftonte në radhët e Shtetit Islamik dhe njihej me emrin Ebu Derda esh Shami.

Teksa kanë kaluar 5 vite, e ëma e Ruzhdijes,  82-vjeçare kërkon që t’i rikthehet vajza, ku sipas saj për të shkuar në Siri e ka gënjyer burri i saj, Aliu.

“Dua të më kthehet, nuk dua gjë tjetër, i iku çuni para. E pyesja ku e ke, më thoshte në shkollë. Ai ishte në luftë”, thotë ajo.

Po kështu edhe i vëllai i Ruzhdijes, Shefqeti kërkon që të kthehet motra, teksa u kërkon strukturave shtetërore të ndihmojnë në kthimin e  saj.

Ruzhdije Balliu ndodhet në kampin Al Hol, aty ku qendojnë të burgosur edhe mijëra të tjerë, pasi ISIS humbi terriroret./abcnews.al

 

siria-1280x751.jpg
ent ela12:52 | 13/11/2019

Ministri i jashtëm rus Sergei Lavrov akuzoi Shtetet e Bashkuara të Amerikës se po pushtojnë zona të pasura me naftë në Siri, me qëllimin për t’i pasur nën kontroll të plotë.

Rusia kritikon Shtetet e Bashkuara të Amerikës, të cilat sipas Moskës po vazhdojnë të pushtojnë zona të pasura me naftë në Siri, duke shkelur të drejtën ndërkombëtare. Deklarata u bë nga ministri i jashtëm rus Sergei Lavrov, në forumin e paqes në Paris.

Ai theksoi se Shtetet e Bashkuara të Amerikës po bëjnë të pamundurën për të krijuar strukturën e një të ashtuquajturi shtet dhe po u kërkojnë vendeve të Gjirit që të bëjnë investime të rëndësishme, në mënyrë që të mund të krijohet një administratë vendore në bazën e forcave demokratike siriane, të kurdëve, YPG-së dhe të tjerëve. Kjo me qëllimin shumë të qartë për të marrë një territor të caktuar nga Siria dhe për të kontrolluar rezervat e naftës.

Lavrov shtoi se Rusia nuk ka menduar asnjëherë për politikën e jashtme si një mënyrë për të kundërshtuar Shtetet e Bashkuara të Amerikës. Në lindjen e Mesme, Moska sipas tij, është e vetnja që flet me të gjithë, ashtu si në Siri, ku dialogu është ndërtuar me të gjithë: qeverinë, opozitën, kurdët dhe amerikanët.

Shtetet e Bashkuara të Amerikës nisën tërheqjen e trupave ushtarake nga veri lindja e Sirisë në fillim të muajit tetor, duke shkaktuar zemërimin e kurdëve. Pak më oas, Turqia pushtoi territorin me objektivin për të krijuar një të ashtuquajtur zonë sigurie përgjatë kufirit, për një gjatësi prej 400 kilometrash.

Ndërkohë disa civilë mbetën të vrarë këtë të martë teksa protestonin kundër një pranisë ushtarake të patrullave të përbashkëta turko – ruse në qytetin Kobane në veri të Sirisë. Në disa filmime të publikuara në rrjetet sociale, shihen burra dhe gra të moshave të ndryshme që hedhin gurë kundër ushtarëve. Zëdhënësi i forcave demokratike siriane pohoi se ushtria turke kishte qëlluar ndaj manifestuesve duke i vrarë para syve të të gjithë botës. Turqia nga ana e saj i cilësoi manifestimet si një provokim duke shtuar se ishin marrë masa për sigurinë e civilëve, kundër manifestuesve terroristë./abcnews.al

bo-1.jpg
in a22:07 | 10/11/2019

Ministria e Mbrojtjes së Turqisë ka bërë të ditur lajmin për shpërthimin e një makine-bombë. Sipas njoftimit mësohet se janë vrarë të paktën 8 civilë në veri të Sirisë dhe 20 të tjerë kanë mbetur të plagosur. Shpërthimi ka ndodhur në qytetin Tal Abyad që gjendet në zonën kufitare dhe u mor nën kontrollin e forcave turke,- tha Ministria.

Muajin e kaluar Turqia kreu një ofensivë ushtarake në veri të Sirisë, duke bërë të mundur largimin e luftëtarëve kurdë nga zona kufitare. Ministria turke ka fajësuar luftëtarët kurdë për shpërthimin dhe ka hedhur akuza të drejtëpërdrejta ndaj tyre për “masakrimin e civilëve të pafajshëm”, transmeton Rel. Ankaraja i konsideron forcat e drejtuara nga kurdët si terroriste për shkak të lidhjeve të tyre me militantët kurdë që luftojnë brenda Turqisë./abcnews.al

bashar-al-assad-1280x905.jpg
nev ila09:04 | 09/11/2019

Presidenti sirian Bashar al Assad në një intervistë për mediat ruse tha se është hipokrizi për vendet evropiane që të kenë frikë se Ankaraja do të dërgojë refugjatë në Evropë, por frikë duhet të kenë nëse ai vazhdon të sponsorizojë terrorizmin në Siri.

“Si mund të keni frikë nga ata refugjatë shumica e të cilëve janë të moderuar dhe kanë fare pak terroristë mes tyre, ndërsa mbështesni qindra mijëra terroristë në Siri”, shtroi pyetjen Al Assad.

Ai tha për mediat ruse se shumica e refugjatëve nuk paraqesin ndonjë kërcënim akut, në krahasim me xhihadistët.

“Marrëdhënia midis Evropës dhe Turqisë është dashuri – urrejtje”, tha Asad. Ai vuri në dukje se megjithëse BE “urren” liderin turk, kombet evropiane nuk mund të dëgjojnë ato që ai ka për të thënë./abcnews.al

sulmmm.jpg
nev ila20:29 | 02/11/2019

Të paktën 13 civilë kanë humbur jetën si pasojë e sulmit terrorist me bombë në një treg në rajonin Tel Abyad të Sirisë që ndodhet në kufi me Turqinë.

Si pasojë e shpërthimit kanë humbur jetën të paktën 13 civilë, përfshirë edhe fëmijë ndërsa janë plagosur shumë të tjerë, thonë autoritetet.

Të plagosurit janë dërguar në spitalet në rajonin Akçakale të qytetit Şanlıurfa të Turqisë. Ndërkohë numri i viktimave mund të rritet.

Në rajon kanë mbërritur ushtarët e Ushtrisë Kombëtare Siriane (SNA) dhe po qëndrojnë për shkak të mundësisë se sulmi mund të jetë kryer nga organizata terroriste YPG/PKK./abcnews.al

siri.jpg
ent ela13:29 | 01/11/2019

Trupat ushtarake turke dhe ato ruse kanë nisur patrullimet e përbashkëta në verilindje të Sirisë, ashtu si parashikohet dhe nga marrëveshjet e arritura mes Moskës dhe Ankarasë.

Marrëveshja që janë pranuar dhe nga forcat kurde dhe qeveria siriane. Patrullimet kanë nisur në lindje të zonës kufitare të kontrolluar në mënyrë të drejtpërdrejtë nga forcat turke.

Marrëveshje mes Ankarasë dhe Moskës parashikon që patrullimet e përbashkëta të kryhen dhe në perëndim të zonës së kontrolluar nga forcat turke.

Po sipas marrëveshjes qyteti Kamishli, kryeqytet administrative i rajonit autonom kurd ka mbetur jashtë rrezes së patrullimeve turko – ruse. /ABC News Albania 24/7

turqia-2.jpg
ad min14:19 | 25/10/2019

Sekretari i Përgjithshëm i NATO-s Stoltenberg u shpreh se nuk do të ketë një mision të aleancës në veri të Sirisë. Pas një mbledhjeje të gjatë dhe të tensionuar u arrit në përfundimin se situata duhet të zgjidhet në mënyrë politike dhe diplomatike.

Ka qenë një mbledhje e tensionuar, ajo e NATO-s të enjten në Bruksel, e para që nga nisja e ofensivës ushtarake turke në Siri. Shumë mosmarrëveshje, deklaroi në përfundim të samitit Sekretari i Përgjithshëm Jens Stoltenberg, por një diskutim i sinqertë dhe i hapur. E vetmja siguri është se Aleanca Atlantike nuk dëshiron të humbasë një aleat strategjik si Ankaraja duke e poshtëruar me akuza.

Stoltenberg u shpreh se nuk ishte kërkuar një mision NATO në verilindje të Sirisë. Ai u shpreh i bindur se ajo që duhet tani është një përpjekje për të mbështetur procesin politik, për të gjetur një zgjidhje politike afatgjatë. NATO në këtë pikë i jep mbështetjen e plotë Kombeve të Bashkuara.

Për Gjermaninë një zgjidhje do të ishte krijimi i një zone sigurie ndërkombëtare në veri të Sirisë, si ritheksoi dhe njëherë më shumë ministrja gjermane e mbrojtjes. Një projekt ky që përplaset me marrëveshjen e arritur nga Erdogan dhe Putin.

Ministri i Jashtëm belg u shpreh se parimisht nuk është kundër idesë së një zone të sigurtë ndërkombëtare. Por ai shtoi se si pasojë e marrëveshjes mes Rusisë dhe Turqisë, situata në terren ka ndryshuar. Ai theksoi se do të analizohen informacione më konkrete për situatën para se të vendoset nëse një iniciativë si kjo mund të vihet në praktikë.

Ministri italian i Mbrojtjes deklaroi se NATO është e shqetësuar, deri në momentin që vetëm politika dhe diplomacia mund të zgjidhë një çështje me pasoja të rënda nga këndvështrimi njerëzor./ABC News Albania

turqia-2.jpg
ad min15:53 | 23/10/2019

Ankaraja konfirmoi tërheqjen e plotë të militantëve kurdë nga verilindja e Sirisë duke shtuar se tashmë nuk do të ketë më sulme të tjera ushtarake në zonë. Përgjatë lumit Eufrat është krijuar një zonë sigurie prej 440 kilometrash e gjatë.

Ministri i Brendshëm turk bëri të ditur se ka marrë konfirmimin nga Uashingtoni për tërheqjen e plotë të militantëve kurdë në përfundim të një armëpushimi i cili zgjati 120 orë. Forcat ushtarake ruse kanë kaluar nëpër lumin Eufrat për tu vendosur në kufirin mes Sirisë dhe Turqisë.

Kjo ishte parashikuar në marrëveshjen e arritur një ditë më parë mes presidentit rus Putin dhe atij turk Erdogan, gjë që u konfirmua dhe nga ministria ruse e mbrojtjes. Njësitë ruse të policisë ushtarake do të ndihmojnë në garantimin e sigurisë së popullsisë civile si dhe të ruajnë rendin dhe respektimin e ligjit.

Moska shtoi se ushtarët rusë do të patrullojnë zonat e caktuara dhe do të monitorojnë tërheqjen e militantëve kurdë dhe armatimeve të tyre deri në 30 kilometra larg kufirit mes Turqisë dhe Sirisë.

Në deklaratën e tij ministri turk i Mbrojtjes shtoi se nuk do të ketë sulme ushtarake kundër luftëtarëve kurdë në Siri, pasi tërheqja e tyre nga zonat kufitare konsiderohet i kompletuar, si dhe kishin konfirmuar Shtetet e Bashkuara të Amerikës. Tërheqja e militantëve kurdë, sipas Ankarasë, ka bërë të mundur krijimin e një zone sigurie në lindje të lumit Eufrat për një gjatësi prej 440 kilometrash përgjatë kufirit me Turqinë.

Regjimi i Damaskut nga ana e tij do të marrë kontrollin e veriut të vendit me bekimin e Moskës e cila qëndron në rolin e garantuesit për Ankaranë, për sa i përket lëvizjeve të presidentit sirian Bashar Al Asad.

Presidenti turk Erdogan deklaroi se do të marrë masat e duhura nëse nuk do të respektohen dy marrëveshjet e arritura me Uashingtonin dhe Moskën të cilat parashikojnë tërheqjen e militantëve kurdë nga verilindja e Sirisë.

Zëdhënësi i Kremlinit Dimitri Peskov theksoi se Shtetet e Bashkuara të Amerikës tradhtuan kurdët, të cilët tashmë duhet të qëndrojnë larg kufirit turko-sirian sipas marrëveshjeve të arritura, në të kundërt do të shtypen nga makineria ushtarake turke. Peskov madje akuzoi SHBA se braktisën kurdët në kufi, gati për t’i detyruar që të luftonin me turqit.

Presidenti i Sirisë, Asad, i cili mbështet plotësisht marrëveshjen mes Putin dhe Erdogan u shpreh i gatshëm të dërgojë roje kufitare siriane për të patrulluar së bashku me rusët kufirin mes Sirisë dhe Turqisë./ABC News Albania


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono