sipermarresit

KORE-875x445.jpg
ent ela08:30 | 12/06/2019

Përshkallëzohet situata në Hong Kong, ku prej ditësh protestohet kundër ligjit për ekstradimet në Kinë. Mijëra persona kanë bllokuar parlamentin e vendit ndërsa policia i është përgjigjur me gaz lotsjellës dhe plumba gome.

Vijojnë përplasjet e dhunshme në Hong Kong, me policinë që ka përdorur gaz lotsjellës spraj me piper dhe pistoleta me plumba gome për të shpërndarë turmën e mbledhur para parlamentit të vendit. Në rend dite ishte diskutimi për amendamentet ndaj ligjit për ekstradimin, por séanca u shty si pasojë e përplasjeve të para mes manifestuesve dhe forcave të rendit. Disa prej manifestuesve kanë thyer barrierat duke sulmuar ndërtesën e parlamentit, por forcat e ndërhyrjes së shpejtë kanë reaguar duke hedhur gaz lotsjellës dhe Brenda ndërtesës. Lajmi është konfirmuar nga “South China Morning Post”, sipas së cilës disa deputetë u kanë dhënë shami dhe ujë personave të plagosur nga gazi. Kreu i policisë deklaroi se tash,ë manifestimi klasifikohet një revolucion. Deklarata sjell shumë pasoja për njerëzit e arrestuar.

Pas disa ditësh protesta, manifestuesit arritën që të shtyhet miratimi I ligjit për ekstradimin. Sekretariati i parlamentit konfirmoi lajmin e shtyrjes duke theksuar se nuk ka një datë të caktuar. Mijëra persona sidomos të rinj, kanë bllokuar të gjitha hyrjet e mundshme në selinë e qeverisë. Shumë prej tyre kanë marrë një ditë leje nga vendet e punës apo nga fakultetet ku studiojnë për të manifestuar ndaj modifikimit të ligjit për ekstradimin, që sipas tyre shkel lirinë në territorin kinez gjysmë autonom. Mijëra persona bllokuan qarkullimin me të njëjtën teknikë të përdorur në vitin 2014 nga lëvizja “Occupy”.

Ish kolonia britanike, që nga e diela e kaluar është protagonist e manifestimit më të rëndësishëm të protestës që kur është kthyer nën kontrollin kinez në vitin 1997. Më shumë se një milion persona – sipas organizatorëve – i kërkojnë qeverisë së Hong Kong që të heqë dorë nga projektligji që parashikon ekstradimin në Kinë. Kështu manifestuesit, pjesa më e madhe të rinj, kanë nisur të mblidhen para selisë së qeverisë duke filluar një përplasje në distancë me kryeministrin Kerri Lem, kreu ekzekutiv aktual i Hong Kong që nga 1 Korriku 2017, i cili refuzoi kërkesat e tyre. Protestës I janë bashkuar dhe shumë sipërmarrje./ABC News Albania 24/7

shkup-1280x738.jpg
ad min19:33 | 13/05/2019

Dy sipërmarrës nga Shqipëria kanë udhëtuar në Maqedoni për të prezantuar idetë e tyre inovative në fushën e teknologjisë. Të rinjtë kanë paraqitur projektin për karikimin e telefonave celularë përmes energjisë diellore, në përpjekje për të futur në treg edhe produkte të tjera krahas atyre të superfuqive teknologjike.

Këta janë dy sipërmarrës të rinj nga Shqipëria fqinje të cilët me ide konkrete erdhën në Maqedoni, ideja e tyre është e përkryer për ata që nuk munden pa telefonin celular, dhe krahas karrikuesve klasikë të lëvizshëm për baterinë e telefonit, ata kanë një zgjidhje më ndryshe dhe janë këtu për të hulumtuar tregun nëse është I gatshëm për zgjidhjet e reja me energji diellore. Bers Gjashta thotë se karikuesi mobil për telefona i cili mbushet me shfrytëzimin e energjisë diellore funksionon në mënyrë të thjeshtë, është i mirë për paraglajdistët, çiklistët dhe njerëz që janë vazhdimisht në lëvizje, kurse do të kushtonte rreth 50 euro.

 Bers Gjashta, inovator nga Shqipëria:  “Ideja jonë është që të zhvillojmë biznes të ri, njerëzit kanë mundësi ta karikojnë telefonin e tyre celular nëpërmjet energjisë diellore, në vendin tonë kemi energji diellore falas, dhe e pyetëm veten pse nuk e shfrytëzojmë mjaftueshëm? Të gjithë sot e kemi të njejtin problem, sidomos njerëzit që janë në komunikim të vazhdueshëm dhe shumë shpesh e përdorin telefonin e tyre celular”.

Jon Shkreli mendon se Maqedonia, Kosova dhe Shqipëria kanë kapacitet për bashkëpunim në shumë fusha.

 Jon Shkreli, inovator nga Shqipëria:  “Të gjitha llojet e ideve që do të prezantohen këtu besoj se do t’i japin një shtytje vendeve të gjithë rajonit. Të mos jetë gjithçka ekskluzivitet i vendeve si SHBA dhe Kina që prodhojnë objekte teknologjike me çmim të ulët”.

Përveç përfaqësuesve nga Azerbejxhani, Ukraina, Shqipëria, Mali I Zi, Bosnja dhe Hercegovina dhe vende të tjera të Evropës, pjesë e këtij takimi ishin edhe profesorë nga universitete prestigjioze në SHBA, të cilët siç thonë – punojmë në 130 zona zhvillimore në botë, jemi këtu për t’i përcjellur aftësitë më të mira.

 “Në fokus kanë qenë të gjitha vendet, në veçanti vendet të cilat kanë probleme të mëdha ekonomike, arsyeja pse jemi këtu është të krijojmë rrjet, jo vetëm për Maqedoninë ose Azerbejxhanin, por të zhvillohen ide jo vetëm lokale por edhe globale”.

Nga  këndvështrimi global, teknologjitë e reja janë drejtpërdrejt të lidhura me sfidat e biznesit, para pak kohësh në mediat botërore u shfaq roboti grua, i quajtur tengai, robot i aftë i cili duhet të bëjë intervistat e punës dhe ti zëvendësojë njerëzit, studimet treguan se në 7 sekondat e para i intervistuari dhe intervistuesi krijojnë përshtypjen e parë e cila edhe mund të jetë diskriminiuese në bazë të ngjyrës së lëkurës, përkatësisë etnike dhe karakteristikave tjera të personit që kërkon punë, për këtë arsye shkencëtarët suedezë e krijuan këtë robot. Shembull tjetër në botë i cili e tërhoqi vëmendjen globale është edhe shembulli anglez i supermarketeve pa kasier, qytetarët pyesin si të paguajnë? Shumë thjeshtë, me shkarkimin e aplikacionit  dhe skanimin e kodit, produkti është i juaji./ABC News Albania 24/7

ramaaa-1280x687.jpg
ent ela12:30 | 03/02/2019

Gjatë një inspektimi në një fabrikë bimësh medicinale në Dushnik të Beratit, kryeministri Rama deklaroi se qeveria do të mbështesë të gjithë sipërmarrësit me programe te posaçme biznesi. Rama tha se qeveria ka vullnetin të ndihmojë bizneset me fonde në mënyrë që të rrisë punësimin në vend.

Kryeministri Edi Rama vizitoi një fabrikë bimësh medicinale në Berat, e cila ka të punësuar 60 punëtorë dhe 2700 fermerë të angazhuar në mbledhjen dhe përpunimin e këtyre bimëve.

Në materialin e shpërndarë nga zyra e shtypit, Rama premtoi se sipërmarrësit do të kenë gjithë vëmendjen e qeverisë, e cila do të mbështesë përmes programeve të posaçme idetë e tyre inovatore.

Edi Rama: Ne e kemi të gjithë vullnetin. Mundësitë e reja janë të jashtëzakonshme, sepse bëhet fjalë për një volum fondesh shumë të madh, por siç e kemi mësuar nga jeta me perëndimin ku ti eksporton, duhen letrat mirë të kopsitura, idetë e qarta, strategjia e qartë dhe në fund paratë janë, po para që “hajde se po i hedhim.

Edhe sipërmarrësi i fabrikës, duke folur për projektin IPARD që u vjen në mbështetje sipërmarrësve, tregon se mundësitë për të rritur punësimin janë të mëdha.

Sipërmarrësi: Aty mund të shtojmë edhe 60 punëtorë të tjerë, sepse do të shtojmë edhe frutat, pasi projekti që kemi bërë, nuk lejon që  frutat të jenë bashkë me  bimët medicinale. Edhe rrogat do t’i rrisim. Por duhet të bëjmë investime që të zgjerojmë hapësirat, pasi janë shumë të kufizuara.

Sipërmarrësi i fabrikës së bimëve medicinale pohoi se gjatë tre viteve të fundit, lehtësitë fiskale nga qeveria kanë qenë të shumta, duke ndikuar në përmirësimin e performancës së biznesit./abcnews.al

SIPERMARRESIT-PER-RRUGEN-E-KOMBIT-1280x720.jpg
ent ela14:57 | 02/04/2018

Forumi i Dhomave të Tregtisë dhe Shoqatave te Sipërmarrjes dënon dhunën dhe shkatërrimin e sporteleve të pagesave nga protestuesit kuksianë të shtunën. Ndërkohë përfaqësuesit e biznesit deklaruan se për përdoruesit e shpeshtë të rrugës ka hapësira për të përdorur skema lehtësuese.

Sipërmarrësit kanë dalë në mbrojtje të kompanive private që kanë përfituar konçesionin për mirëmbajtjen e Rrugës së Kombit dhe do të vjelin tarifat e kalimit në të. Forumi i Dhomave të Tregtisë dhe Shoqatave të Sipërmarrjes dënuan dëmtimin e sporteleve të pagesave nga protestusit kuksianë, ndersa aktet e tyre i konsideruar vandale

Ines Muçostepaj: “Dënojmë rëndë çdo akt vandal ndaj sipërmarrjes shqiptare që ka pësuar dëme prej disa miliona eurosh”.

Nikolin Jakaj: “Nëse nuk i konsiderojmë ngjarje të tilla i bie të ikim të gjithë nga ky vend. Duhet të krijojmë optimizmin për të jetuar në këtë vend. Sot nuk ka oligarkë, ka vetëm sipërmarrës”.

Rruga e Kombit është një ndër arteriet kryesore të shkëmbimeve tregare mes Shqipërisë dhe Kosovës e ne këtë pikë sipërmarrësit pohojnë efektet negative që mund të shfaqë tek biznesi vendas tarifa e kalimit në të.

Filip Gjoka: Për një gjë duhet të jemi të sigurtë që më shumë do të dëmtohet biznesi vendas sesa ai Kosovar

Përfaqësuesit e biznesit kërkojnë dialog mes qeverisë dhe koncensionarit për aplikimin e skemave lehtësuese për përdoruesit e shpeshtë të rrugës. Mundësitëdhe hapësirat sipas Bregasit ekzistojnë.

Luan Bregasi: “Në impaktin e parë është krijuar përshtypja që taksa është e lartë dhe kemi pasur reagime nga mjaft kompani private. Nga biseda me koncensionarët dhe nga fryma që kemi kuptuar, dhe nga kryeministri Rama, janë lënë hapësirë që për kompanitë që do kenë trafik të dendur në shkëmbimet ekonomike tregtare, tarifa do të rishikohet dhe rinegociohet”.

Për të tjerët tarifa nuk ndryshon e ata që nuk kanë mundësi ta paguajnë njohësit e projektit iu tregojnë rrugën alternative.

Farruk Kaba: “Nuk është e vërtetë që nuk ka rrugë alternative. Nga Morina deri te Shën Mëria janë rreth 40 km, atje mund të kalohet nga rruga e vjetër dhe nga Miloti deri në Reps mund të përdoret sërish kjo autostradë, dhe nuk është pak, janë 80 km pa kaluar në pagesë”

Farruku tregon se e njeh projektin dhe sipas tij kosto e mirëmbajtjes së rrugës së Kombit së bashku me investimet që do të kryehen gjateë një periudhe 25- 30 vjet shkon në 250 – 260 milionë euro. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono