sindikata

sindikatat.jpg
gra moz15:38 | 16/04/2018

Edhe ligji i Vettingut në radhët e policisë do të duhet të kalojë më parë nga Gjykata Kushtetuese, pas padisë që pritet të bëjë sindikata e policisë. Sipas kreut të kësaj sindikate, Sadedin Fishta, në të paktën dy nene të formularit të vetëdeklarimit, ka shkelje të të drejtave të njeriut.

Ashtu si Vettingu në sistemin e drejtësisë edhe ai në rradhët e policisë do të kontestohet në gjykatën Kushtetuese. Në një intervistë për ABC News, kreu i sindikatës së punonjësve të policisë, Sadedin Fishta, theksoi se, në formularet e Vettingut, ka shumë pyetje që cënojnë të drejtat e njeriut.

“Ka mospërputhje të të drejtave dhe disa kërkesave që ka në formularët e deklarimit. Atje ku ka mospërtputhje ne sigurisht do t;i referohemi Gjykatës Kushtetuese”.

Një problem për Vettingun në polici, sipas kreut të sindikatës, është edhe plotësimi i formularëve.

“Vetëm për kohën që duhet për të mbledhur dokumentacion unë them që punonjësit e policisë mund t’i duhen deri në 20 ditë”.

Sipas Fishtës, Vettingu është i domosdoshëm në polici, pasi ka patur akuza për jo pak efektive për përfshirje në aktivitete kriminale dhe në narkotrafik.

Mbi 12 mijë efektivë të Policisë së Shtetit, Gardës së Republikës dhe Shërbimit për Çështjet e Brendshme dhe Ankesat prej datës 5 Prill kanë filluar të plotësojnë formularët e vetëdeklarimit. Procesi i Vettingut mbështetet në tri kritere; pastërtia e figurës, pasuria dhe aftësitë profesionale./abcnews.al

25436248_1493449127375586_1559393565_n.jpg
us er11:23 | 14/12/2017

Me parullën: “Nuk ia dalim dot më!” sektori privat dhe ai public në Greqi kanë nisur grevën e përgjithshme 24 orëshe që ka paralizuar vendin. Greva është mbështetur nga sindikata të ndryshme dhe shërbimet shëndetësore publike, por dhe ato të transportit.

Greva e sektorit public dhe atij provat kërkojnë paga më të larta, pensione më dinjitoze, luftë ndaj papunësisë dhe promovim të shëndetit public dhe arsimit, si dhe asistencë shëndetësore dhe sociale.

Manifestimi kryesor ishte ai në sheshin Klafthmonos, por dhe protesta në sheshin Omonia ka mbledhur me qindra qytetarë

Nëpunësit kërkojnë reformën e menjëhershme të buxhetit të 2018-ës, me anulimin e menjëhershëm të shkurtimeve të të drejtave sociale

Edhe hekurudhat i janë bashkuar grevës duke paralajëmruar se të gjithë pasagjerët do të rimbursohen për biletat që kanë blerë.

Avionët do të qëndrojnë në tokë ashtu si dhe anijet në port. Kësaj greve i është përgjigjur pozitivisht dhe media greke duke lajmëruar se për 24 orë nuk do të ketë asnjë lajm.

Shërbimi shëndetësor do të bëjë përjashtim vetëm për rastet e urgjencës./abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono