sinan idrizi

flamurtari.jpg
ad min20:24 | 17/01/2019

Kriza e Flamurtarit po thellohet gjithnjë e më shumë. Humbja në miqësoren me Bylisin e Kategorisë së Parë ishte një tjetër sinjal se lojtarët janë të shqetësuar për çështjen e rrogave.

U shënua një gol, por u humb një ndeshje. Flamurtari vazhdon një fazë përgatitore në pasiguri të plotë, dhe pas rezultateve aspak inkurajuese ditët e kaluara, ja ku erdhi edhe disfata në fushën e Bylisit të Kategorisë së Parë, humbje që nuk premton asgjë të mirë për të ardhmen.

Skuadra e trajnerit Ilir Daja, e krijuar me shumë pretendime për të kapur të paktën Europën, dhe, pse jo, për të synuar edhe titullin, duket tërësisht e dorëzuar. Thuajse si asnjëherë më parë, po vazhdon një duel force mes lojtarëve dhe administratorit Sinan Idrizi, për çështjen e rrogave.

Numri 1 i klubit ka hedhur poshtë pretendimet e skuadrës, dhe ka këmbëngulur se gjendja është krejt normale.

Në një sfidë ndaj fjalëve të tij, kanë ardhur reagimet e lojtarëve, me sulmuesin brazilian, Danilo Alves, që nuk është paraqitur fare në ekip, që kur u largua për pushimin e fundvitit.

Po ashtu, kapiteni Bushiç, edhe pse po stërvitet dhe po luan nën drejtimin e trajnerit Daja, ka paralajmëruar se do ta kërkojë të drejtën në FIFA, madje besohet se ka lajmëruar organizatën botërore të futbolli, si dhe Federatën Shqiptare.

Flamurtari ka pasur probleme të rrogave edhe më parë, por këtë sezon gjithçka është bërë me serioze, me administratorin Idrizi duket se po bën presion, në mënyrë që shteti t’i japë të drejtën që të privatizojë infrastrukturën e klubit, stadiumin dhe kompleksin stërvitor.

Nuk dihet sesi do të përfundojë ky konflikt, por e vërteta është që Flamurtari rrezikon shumë me fillimin e Superligës, madje edhe vetë statusin si skuadër në elitë./abcnews.al

vlcsnap-2018-08-29-17h25m09s360-1280x720.png
ad min18:19 | 29/08/2018

Ndryshe nga homologët e tij të Kukësit dhe Skënderbeut, Sinan Idrizi, administratori i Flamurtarit është kundër kthimit të policisë në stadiume. Ai mban qëndrim të kundërt edhe për deklaratat për bojkot.

Administratori i Flamurtarit, Sinan Idrizi, është kundër rikthimit të efektivëve të policisë në brendësi të stadiumeve.

Sinan Idrizi: “Policia duhet të qëndrojë jashtë stadiumeve. Thjesht ne duhet të forcojmë ligjin, të shtrëngojmë ligjin, të ndëshkojmë në masat më ekstreme ata që prishin rregullat nëpër stadiume dhe çdo gjë rregullohet. Duhet të heqim dorë përfundimisht nga frika e historisë me një polic si nga koha e zogut që mbante një qytet. Nuk kemi pse të kemi frikë nga uniforma e policisë, ne duhet të kemi frikë nga ligji.”

Sipas administratorit të ekipit vlonjat, me gjithë koston e papërballueshme të stjuartëve, stadiumet shqiptare duhet të jenë në vetëkontrollin e tifozerisë dhe të klubeve.
Idrizi nuk pajtohet as me idenë e bojkotit, të hedhur më herët nga presidenti i Kukësit dhe i Skënderbeut.

“Bojkotin duhet ta kemi si term atëhere kur prishen rregullat e lojës, jo të shtrëngojmë shtetin ne që nëse ju nuk vini ne do të largohemi. Bojkoti duhet të ndodhë atëhere kur shiten ndeshjet, kur blihen ndeshjet, kur arbitrat vijnë të paragjykuar, kur arbitrat vijnë me xhepat e mbushur plot etj. Atëhere duhet të bojkotojmë sepse prishen rregullat e lojës. Në rastin konkret nuk është prishur asnjë rregull loje.”

Lënia e policisë jashtë stadiumeve është kthyer në “pataten e nxehtë” të këtij sezoni të superligës, jo vetëm për sigurinë në stadiume, por edhe për kostot shtesë të klubeve sportive./abcnews.al

aeroporti.jpg
ad min16:33 | 10/06/2018

“Air Albania” pritet të nisë fluturimet brenda verës. Premtimi vjen nga bashkëaksioneri i kompanise Sinan Idrizi i pyetur nga BIRN. Ndërkohe kompania synon që brenda Dhjetorit të nisë edhe fluturimet transatlantike.

“Ne do të jemi agresivë në treg”, është shprehur Idrizi.

“Brenda verës do të fillojnë fluturimet në destinacionet europiane ndërsa synimi është që nga Dhjetori të nisim fluturime drejt Shteteve të Bashkuara.”

“Air Albania” vjen pas vendimit të qeverisë për krijimin e një kompanie fluturimesh në bashkëpronësi mes Turkish Airlines, Albkontroll dhe një kompanie të saporegjistruar në Vlorë, MDN Investiment.

Kryeministri Edi Rama çeli thirrjen e aplikimeve për punësim në Mars të këtij vit, ndërkohë stafi i kompanisë ajrore, sipas Idrizit, po trajnohet nga Turkish Airlines dhe pas pak javësh do të kthehet në Shqipëri për të filluar punën./abcnews.al

vlcsnap-error224-1-1280x720.jpg
ent ela17:10 | 23/01/2018

Presidenti i Flamurtarit, Sinan Idrizi, ka një propozim për dy kandidatët për kreun e Federatës Shqiptare të Futbollit. Ai bën një ftesë për ta në prag të ndeshjes ndaj Partizanit.

Dëshiron që t’i bëjë bashkë.

Presidenti i Flamurtarit, Sinan Idrizi, ka një ide mjaft origjinale në kokë, ndërsa ka bërë një ftesë.

Pak ditë përpara zgjedhjeve për president në Federatën Shqiptare të Futbollit, numri 1 vlonjat ka diçka për t’u thënë kandidatëve Armand Duka e Bashkim Fino, që ka lidhje me ndeshjen Flamurtari-Partizani.

Sinan Idrizi: “Ne sot do t’u bëjmë një ftesë zyrtare, të dy kandidatëve që të jenë pjesëmarrës në një derbi shqiptar, siç është Flamurtari – Partizani. Kam idenë se është një ftesë civile dhe kaq, në një qytet civil, një ftesë që jam i sigurtë që dy palët do ta mirëpresin”.

Ndeshja luhet të premten dhe Flamurtari, ndryshe nga vitet e kaluara, është ndër ekipet më të mirë.

Çfarë ka ndodhur këtë sezon?

Sinan Idrizi: “Kemi ndërtuar stretegji ndryshe këtë herë. Patëm thënë që patëm dështuar herët e kaluara, këtë vit ndërtuam strategji, që në këto momente duket se është e suksesshme. Nuk e di sa jemi të plotë në këtë anën tonën, por gjëja më interesante është kjo. Këto konkluzione do t’i nxjerrim në fund të kampionatit”.

Flamurtari është një nga klubet që ka kërkuar ndryshim në Federatë, pasi ka propozuar pikërisht Finon për të qenë president./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono