sinan idrizi

idrizi-1280x660.jpg
Vladimir Prenga15:12 | 17/01/2020

Administratori i Flamurtarit, Sinan Idrizi ka zbuluar për ABC News se do të hapë gjyq penal ndaj 4 ish- futbollistëve të klubit vlonjat për shkak se ata kanë paraqitur në FIFA dokumentacione false, edhe pse ai pretendon se i ka paguar.

Situatë në radhët e klubit të Flamurtarit është më e trazuar se kurrë. Si të mos mjaftonte paraqitja në këtë edicion, ku kuqezinjtë renditen në vendin e fundit të tabelës, në kampin vlonjat  gëlon një tjetër çështje edhe më e nxehtë.

Pak dite më parë u raportua se FIFA ka bllokuar merkaton hyrëse të Flamurtarit për tre sezone me radhë, kjo për shkak të borxheve që mbart klubi kundrejt futbollistëve apo ish-futbollistëve që kanë veshur më parë fanellën e kuqezinjve.

Një situatë e tillë u shoqërua me një deklarate të fuqishme të administratorit të klubit Flamurtari,  Sinan Idrizi, i cili tha me plot bindje se klubi do të vijojë të zhvilloje një merkato normale. Së fundmi numri një i klubit vlonjat zbulon për ABC News se do të hapë gjyq penal ndaj katër ish-futbollistëve.

Pretendimet e administratorit të Flamurtarit janë që ai i ka paguar futbollistët, por ata në FIFA kanë paraqitur dokumentacion fals dhe në fund e ka pësuar klubi vlonjat. Për këtë ai do t’i drejtohet prokurorisë për të bërë kallëzim penal për lojtarët që i kanë bërë gjithë këtë dëm financiar dhe sportiv klubit.

Çështjen e falsifikimeve Idrizi e përmendi edhe në deklaratën e ditës së hënë, ku theksonte se një avokat po i shantazhonte ata. /abcnews.al

IMG-20191222-WA0018.jpg
Vladimir Prenga20:12 | 22/12/2019

Furtunë në Vlorë, vetëm tetë minuta të luajtura dhe Flamurtari e Teuta duhet të zbresin në fushë nesër prej orës 12:00. Rregullorja e thotë qartë, brenda 24 orëve dueli duhet riluajtur. Pavarësisht situatës, administratori Sinan Idrizi nuk mund t’i shmangë batutat.

Në ambientet e brendshme të stadiumit Flamurtari ai nuk ka ngurruar të ngacmojë rivalët nga Durrësi. Kreu i klubit vlonjat i është drejtuar trajnerit Edi Martini, duke e paralajmëruar. Sigurisht me shaka.

“lutuni të luhet nesër, se në janar do ju shkatërrojmë”, i është drejtuar Idrizi shkodranit, sikurse bëjnë me dije për ABC News persona të pranishëm pranë palëve në ato momente.

Gjithsesi, edhe pse Idrizi është optimist, ai e ka frikë një lojtar të Teutës. “Vetëm këtë kam frikë (i referohet Sherif Kallaku). Po nuk luajti ky, fitore të thellë do marrim”, ka vijuar kreu Flamurtarit, Sinan Idrizi, i cili në asnjë moment nuk i kursen batutat. Herë-herë edhe ironizon e bën sarkazma… /abcnews.al

idrizi-gjika.jpg
Vladimir Prenga08:04 | 19/12/2019

Flamurtari po përjeton një nga momentet më të vështira në histori. Vlonjatët u mposhtën dje nga Tirana dhe mbeten në vendin e fundit në klasifikim. Shumica e lojtarëve po presin fundjavën dhe pas takimit me Teutën do të ketë largime në masë.

Shpresat që situata financiare të marrë një zgjidhje janë të vogla dhe në këto kushte askush nuk mund të vazhdojë më. Në gjendjen që klubi vlonjat është nuk mungojnë as ngacmimet.

Shpëtim Gjika, ish-president i Flamurtarit në periudhën kur ishte kryetar bashkie, një ditë më parë ka shfrytëzuar rrjetet sociale për të “thumbuar” drejtuesit aktualë, me në krye administratorin Sinan Idrizi.

“Na ktheni logon e Flamurtarit të paktën, se klasifikimin e kthejmë vetë”, shkruan Gjika, për të cilin më parë Idrizi ka hedhur akuza të shumta dhe që lidheshin me kontratat e dyfishta me stafin dhe futbollistët. / abcnews.al

Postimi i bërë nga Shpëtim Gjika

 

idrizi-1280x660.jpg
Vladimir Prenga15:36 | 22/09/2019

Sinan Idrizi, administratori i Flamurtarit, ka folur sot para ndeshjes me Laçin. Ai tregon se e ka mbyllur stadiumin: “Policia na njoftoi se nuk i përmbushim kushtet, pasi ka mbeturina rreth stadiumet. E kam mbyllim stadiumin dhe nëse nuk gjejmë 50 stjuartë në stadiumet e tjera, nuk do të pranojmë të luajmë. Nuk e dime kushtet specifike në lidhje me ndriçimin”.

“Pse investoni? Më tregoni pse luhet në Vlorë futboll. Nuk është çështje Vlore, unë iki. Nëse stadiumet e tjera janë të pastra, nuk kanë ndërtesa e shkurre rreth e rrotull, atëherë e kemi ne gabim”, shprehet Idrizi në emisionin “Gol pas Goli”.

“Të jemi të qartë. Policia nuk e merr përsipër se ka mbeturina rreth, nuk ka banja. Nuk i kanë pranuar as policët bashkiakë. Unë marr përsipër detyrimet e mia. Nëse më plotësojnë kushtet, i marr përsipër përgjegjësitë e mia. Kam kërkuar të di kush jam. Bashkia nuk ka asnjë përqindje. Nuk dua të bëhem palë me asnjë. Nuk dua të jem OJQ. Dua thjesht të di rregullat e lojës”.

flamurtari-kukesi.jpg
Vladimir Prenga12:28 | 20/09/2019

Flamurtari është në kolaps total, kjo për shkak se në Vlorë tashmë nuk janë më në gjendje as të  garantojnë rendin në stadium. Administratori Sinan Idrizi ka deklaruar së fundmi se nuk mund të gjejnë dot polici private, pasi druhen prej incidenteve që do t’u hiqnin atyre edhe licencat.

“Nuk organizojmë dot më ndeshje në Vlorë, sepse unë nuk kam ku të gjej polici private. Ligji kërkon një numër të konsiderueshëm me uniforma të policisë private, por nuk të vjen njeri. Ndeshja e radhës luhet në Vlorë me Laçin, unë nuk mund ta organizoj”, shprehet kreu i klubit vlonjat.

“Ligji thotë duhet që të jenë 100 efektivë. Ku t’i gjej unë?!. Të gjithë këta kanë një problem dhe na thonë se nuk e marrin përsipër sepse u hiqet licenca”, është shprehur mes të tjerash në të përditshmen sportive “Panorama Sport” administratori Idrizi.

Sikurse kuptohet, takimi mes Flamurtarit dhe Laçit është në rrezik. Mbetet për t’u parë se çfarë zgjidhje do të gjejnë në Vlorë, aty ku problemet gjatë këtyre viteve kanë qenë nga më të shumtat. Sivjet nisja e kampionatit ka qenë katastrofale, teksa kuqezinjtë i kanë humbur katër ndeshjet e para. /abcnews.al

sinan-idrizi-1-1280x601.jpg
nev ila18:45 | 23/08/2019

Administratori i Flamurtarit, Sinan Idrizi, sfidon trajnerin e Skënderbeut, Daja, duke deklaruar se ekipi i tij është më i fortë. Idrizi nuk ngurroi t’i jepte përgjigje ish-kryebashkiakut të Vlorës, Shpëtim Gjika.

“Flamurtari është më i fortë se trajneri Daja”, thotë administratori Idrizi, në prag të duelit me Skënderbeun.

Sezoni i kaluar ishte padyshim një zhgënjim.

Edhe pse ndaj Skënderbeut, Flamurtari u paraqit mirë, objektivat e fillimit të kampionatit nuk u realizuan, por ja ku fillon viti tjetër futbollistik dhe administratori Sinan Idrizi tregon se nuk e humb shpresën.

Në daljen para mediave për të prezantuar një lojtar të ri, Romedi Lapin, Idrizi, bëri së pari një batutë.

“Në 3 ndeshjet e para dua 4 fitore”. 

Më pas, indirekt analizoi ndeshjen e kësaj fundjave me Skënderbeun, ndaj ish-trajnerit Ilir Daja.

“Sado i fortë trë jetë Daja, Dajat në Vlorë janë gjithmonë më të fuqishëm, të jeni të qartë e të saktë për këtë. Është Daj shumë i mirë, në Vlorë është “Dajo”, kjo është gjithë historia“.

Me një skuadër jo shumë të forcuar, cili është objektivi i sezonit?

“Të respektojmë në maksimum ngjyrat e kësaj fanelle. pastaj gjatë këtyre ditëve e thashë, presim ligjin e famshëm të privatizimit dhe pas kësaj unë pres hapin vendimtar në atë çfarë do themi si klub. Për të tjerat nuk kam asnjë koment për të bërë për askënd”.

Flamurtari i nisi me vonesë stërvitjet, pati ndryshim të befasishëm në stol, ndërsa nuk ka lojtarë me emër në përbërje.

Nuk mungoi ngacmimi në rrjetet sociale i ish-kryebashkiakut, Shpëtim Gjika, që deklaroi se Vlora po merr skarcot apo tepricat e Shkodrës.

“Kam dëshirë të flas me këto historitë e fryrjes me talente. Kemi një model, nuk janë të rinj. Në moshën 22 vjeçare sulltan Mehmet Fatihu pushtonte Stambollin, në moshën 22 vjeçare Moxarti shkruante, Petrarka bënte ato që bënte, pse janë të rinj? Janë në moshën e tyre që mund të bëjnë maksimumin e mundshëm”./ABC News Albania 24/7

sinan-idrizi.jpg
ad min17:00 | 14/08/2019

Presidenti i Flamurtarit, Sinan Idrizi ka pranuar se nisja e fazës përgatitore është e vonuar ndërkohë që ka zbuluar se baza e skuadrës për sezonin e ri do të jenë futbollistët vlonjatë. Kreu i Bashkisë së Vlorës, Dritan Leli ka premtuar mbështetje të plotë për skuadrën kuqezi.

Pritja merr fund dhe Flamurtari do të startojë fazën përgatitore në prag të sezonit të ri nën drejtimin e trajnerit Gerd Haxhiu. Gjithçka është konfirmuar edhe nga vetë presidenti Sinan Idrizi në një takim të përbashkët me kryetarin e Bashkisë së Vlorës, Dritan Leli.

Kreu i bashkisë së Vlorës ka rikonfirmuar mbështetjen që bashkia ka dhënë dhe do të vijojë të japë për klubin dhe skuadrën e Flamurtarit. Administratori Idrizi ka pranuar faktin që skuadra është me vonesë në përgatitje ndërkohë që zbulon se baza e Flamurtarit do të jenë futbollistë vlonjat.

Flamurtari është licensuar për sezonin e ardhshëm ndërsa Idrizi dhe Leli kanë pranuar se ligji për sportin në Shtator do t’i japë zgjidhje futbollit jo vetëm në Vlorë, por në të gjithë Shqipërinë.

Flamurtari ka konfirmuar tashme sulmuesit Ardit Hoxhaj dhe Xhevair Sukaj boshnjakun Bajraktareviç ndërsa priten edhe konfirmimet e Veliut, Ribajt, Gocajt, Vatnikajt dhe portierit Nurkoviç./ABC News Albania 24/7

idrizi-1280x660.jpg
ad min22:45 | 24/05/2019

Lojtarët e Flamurtarit i kanë dërguar një shkresë administratorit të klubit Sinan Idrizi për të konkretizuar një takim mes tyre. Ftesa është refuzuar nga Idrizi i cili thekson se nuk ka arsye për ta bërë diçka të tillë.

Histori letrash edhe në futboll, këtë radhë në kërkim të pagesës. Vlonjatët po luftojnë fort që të kapin pjesëmarrjen në Europa League, pavarësisht se kanë një sezon pa u paguar. Së fundmi lojtarët i kanë dërguar administratorit Sinan Idrizi një shkresë ku kërkojnë të kenë një takim me të. Epiqendra e bisedës dihet: Ata do të flasin për rrogat e prapambetura. Zyrtari më i lartë i kuqezinjve ka refuzuar ftesën e tyre duke lëshuar mesazhe enigmatike. Fjalë që nuk i beson më askush.

Numri një i klubit në një prononcim për gazetën “Panorama Sport” u shpreh: “Çështja e pagave është përgjegjësia ime. Një histori përgjegjësie më shumë se gjithçka. Prisni se mos vjen ndonjë surprizë me të mbaruar kampionati. Të presim dhe të shikojmë. Unë do të pres dhe jam i detyruar të pres. E në lidhje me kërkesën e futbollistëve për një takim, Idrizi deklaron: “Nuk kam përse takohem me futbollistët, pasi me ta jam takuar në çdo kohë dhe përditë jam me ta. U them vetëm të pres dhe aq. Tani unë agjëroj, jam me Ramazan. Duroni dhe një javë për të dëgjuar programin e Flamurtarit, pasi do të them gjëra të bukura. Sa të mbarojnë këta djem do të them histori të tjera”, – u shpreh administratori i Flamurtarit.

Megjithatë, cështja e Flamurtarit në Europë, jo vetëm që varet nga pozicionimi në renditje në fund të garës, por patjetër edhe nga konfirmimi për një licensim të mundshëm. Në këtë pikë, ana financiare mund të bëhet pengesë që Flamurtari të ngecë në rrjetën e licensimit, edhe pse në kontrast këtë, skuadra është duke luajtur fare mirë./ABC News Albania 24/7

reforma-futbooll.jpg
nev ila17:10 | 28/04/2019

Administratori i Flamurtarit, Sinan Idrizi, është optimist se sezonin e ardhshëm, kampionati do të nisë me një paketë të re ligjore. Ai ka ende vërejtje për qeverinë, dhe bën një propozim për Federatën.

Ka kaluar një muaj e gjysmë, por ende nuk jemi gati.

Klubet e futbollit dhe qeveria shqiptare ende nuk kanë arritur dakordësi për paketën ligjore në ndihmë të sportit, siç u kuptua edhe në mbledhjen e fundit zhvilluar në Federatë.

Administratori i Flamurtarit, Sinan Idrizi, thekson pikën kryesore që klubet e kërkojnë, por që Ministria e Financave ende nuk është bindur për ta pranuar.

Gjithsesi, Idrizi thotë se marrëveshja me shtetin do të jetë më e gjerë.

Jo më kot janë kërkuar nga klubet, ambientet sportive, heqje e TVSH-së për mallrat sportive dhe investimet e sportit, si dhe falja e detyrimeve në tatime deri në vitin 2017.

Afati i dhënë nga kryeministri Rama normalisht është 11 qershori, apo afër kësaj date.

A do të ketë marrëveshje apo sërish vonesë?

Federata e futbollit dhe qeveria shqiptare në këtë rrugëtim janë paralel, pra kanë bërë çdo gjë në kohën e duhur dhe qëllimi është që në kampionatin e ardhshëm klubet shqiptare të kenë lehtësim financiar të drejtpërdrejtë”, theksoi ai.

Idrizi ngriti edhe një problem, që u takon klubeve dhe Federatës që ta diskutojnë.

Përveç aspektit financiar dhe infrastrukturës, pritet që në paketën e dakordësuar mes qeverisë dhe klubeve të përfshihen edhe dënimi i dhunës me afate të gjata burgimi./abcnews.al

flamurtari-1280x774.jpg
ent ela21:50 | 21/02/2019

Administratori i Flamurtarit, Sinan Idrizi, premton zgjidhjen e krizës financiare në klub. Ai flet për ikjen e lojtarëve dhe kritikon këshillin bashkiak të Vlorës.

Lojtarët po ikin njëri pas tjetrit, në një sezon që shkon drejt dështimit.

Nga Flamurtari u larguan së fundmi edhe mbrojtësi Alla me mesfushorin Torasa, por administrator i klubit, Sinan Idrizi, thotë se dy rastet janë të kundërt, me Allën që iku me mirëkuptim.

Largimet po vijnë prej problemeve me pagat, dhe presidenti Idrizi premton se po mendon për një zgjidhje tjetër. Idrizi sqaron se kërkon që këshilli bashkiak të njohë borxhet e klubit përpara ardhjes së tij në vitin 2014./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono