siguri

karolinna.jpg
gra moz15:13 | 16/04/2018

Një sherr masiv i dhunshëm në një burg të sigurisë së lartë në Karolinën e Jugut ka shkaktuar 7 të vdekur dhe 17 të plagosur. Të gjithë janë të burgosur.

Raportohet se sherri filloi pas fyerjeve mes dy grupeve rivale brenda qendrës së vuajtjes së dënimit. Burgu i sigurisë së lartë është i njohur prej vitesh si një ndër më të dhunshmit në Shtetet e Bashkuara.

Sherri masiv nisi mbrëmjen e së dielës dhe agjentët e sigurisë arritën të merrnin kontrollin e burgut vetëm mëngjesin e së hënës./abcnews.al

meksike-droga-1280x661.jpg
gra moz21:04 | 15/03/2018

Kartelet meksikane të drogës i kanë zgjatur tentakulat e tyre në vende të tjera të Amerikës Latine. Duke dhënë alarmin, kryeprokurori i Kolumbisë ka deklaruar se këto grupe janë një kërcënim për sigurinë kombëtare.

Kartelet meksikane të drogës po shtrihen edhe në vendet fqinje, duke u kthyer në kërcënim për sigurinë kombëtare të tyre. Prokurori i përgjithshëm i Kolumbisë ka dhënë alarmin për praninë e shtuar të grupeve kriminale meksikane, nga të cilat spikat karteli famëkeq i Sinaloas. Ky i fundit blen kokainën nga bandat lokale dhe e transporton atë në Shtetet e Bashkuara dhe Europë.

“Ne i kemi identifikuar këto grupe dhe kemi informuar qeverinë për rritjen e pranisë së tyre në vendin tonë, një prani që kërcënon sigurinë kombëtare”, ka thënë kryeprokurori Nestor Humberto Martinez.

Autoritetet kolumbiane kanë bërë përpjekje të vazhdueshme për goditjen e grupeve kriminale të huaja në territorin e tyre, por duket se kanë qenë të pamjaftueshme. Vendi latin mbetet numri një në botë për prodhimin e kokainës, që llogaritet të arrijë deri në 910 tonelata në vit.

Karteli meksikan i Sinaloas ka bërë një aleancë të fortë me një grup prej 300 disidentësh të lëvizjes FARK, që vitin e kaluar u shpërbë pasi nënshkroi marrëveshjen e paqes me qeverinë kolumbiane.

Disidentët veprojnë pranë kufirit mes Kolumbisë dhe Ekuadorit, i njohur për prodhimin e narkotikëve dhe qeveria ofron 50 mijë euro për kë ndihmon në identifikimin e liderit të tyre./abcnews.al

vlcsnap-error330-1280x720.jpg
gra moz12:53 | 18/02/2018

Kryeministri Izraelit, Benjamin Netanjahu, ka thënë në Konferencën e Sigurisë në Mynih se Irani është kërcënimi më i madh për të gjithë botën. Ai ka ironizuar dhe me ministrin i Jashtëm të Teheranit, ndërsa në duar mbante një pjesë të një avioni Iranian.

Kryeministri izraelit, Benjamin Netanjahu, gjatë zhvillimit të Konferencës së Sigurisë në Mynih të Gjermanisë, ka treguar një pjesë të një avioni Iranian të rrëzuar disa ditë më parë nga aviacioni izraelit, pasi kishte hyrë në territorin e shtetit hebre.

Duke ironizuar me përgënjeshtrimet zyrtare të Teheranit, Netanjahu ka drejtuar një pyetje për ministrin e jashtëm të Iranit: “Zoti Zarif, e njihni këtë? Besoj se po pasi është e juaja. Këtë mund ta marrësh në shtëpi si një mesazh për tiranët e Teheranit dhe ju bëj thirrje që të mos na vini në provë”.

“Izraeli nuk do t’i lejojë regjimit Iranian që të mbjellë frikë. Do të veprojmë nëse është e nevojshme, jo vetëm kundër atyre që na sulmojnë, por kundër vetë Iranit”, shton kryeministri izraelit nga skena e Konferencës së Sigurisë në Mynih. Ndërsa më tej shton: “Irani paraqet sot kërcënimin më të madh për botën tonë. Irani nuk është kërcënim vetëm për ne, por edhe për ju”.

Ai akuzoi Teheranin për “mbjelljen e terrorit në Lindjen e Mesme” dhe për “krijimin e një perandorie nga Kaspiku në Mesdhe”. Netanjahu u shpreh dhe kundër marrëveshjes bërthamore iraniane. Sipas shefit të qeverisë së vendit hebre, akordi “u prezantua me qëllime paqësore, por e bëri këtë regjim edhe më shumë ambicioz”. Gjëja pozitive, vazhdoi kryeministri, është se ka sjellë arabët dhe izraelitët më afër se kurrë më parë dhe paradoksalisht mund të çojë në paqe të gjerë dhe ndoshta në paqe midis Izraelit dhe Palestinës./abcnews.al

ushtria.jpg
gra moz22:40 | 16/02/2018

Qeveria braziliane ka emëruar një gjeneral ushtrie për të vendosur rendin dhe sigurinë në shtetin e Rio de Janeiro.
Kjo lëvizje vjen si kundërpërgjigje e qeverisë ndaj rritjes së dhunës nga ana e bandave kriminale.
Presidenti i vendit, Michel Temer, e krahasoi dhunën me një kancer dhe tha që grupet e organizuar kriminale kanë vëndosur kontrollin në të gjithë shtetin.
Ushtria do të mbikëqyrë policinë dhe shërbimet e tjera të sigurisë.
Në krye të këtij operacioni gjigand do të jetë Gen Walter Souza Braga Netto, kreu i Komandës Ushtarake Lindore të Brazilit. Ai drejtoi sigurinë në Lojërat Olimpike të Rios në vitin 2016.
Duke nënshkruar dekretin, Temer tha se po merrte këto masa ekstreme sepse rrethanat e kërkojnë.
“Qeveria do të përgjigjet fort dhe me vendosmëri, duke ndërmarrë të gjitha masat e nevojshme për të zhdukur krimin e organizuar”, tha ai.
Gjatë karnavaleve të famshme të Rios këtë vit pati skena kaotike dhune me të shtëna armësh dhe plaçkitje. Tre oficerë policie mbetën të vdekur si pasojë e përplasjeve të dhunshme./abcnews.al

vlcsnap-error732-1-1280x720.jpg
gra moz16:03 | 12/02/2018

Siguria në shkolla nuk do të ketë vetëm kangjella mbrojtëse dhe një polic që kujdeset për kalimin e rrugës.

Edi Rama: “Që është oficeri I sigurisë apo oficerja. Do të vendosen fillimisht në 15 shkolla”.

Funksioni i i këtij oficeri nuk është ai i një polici por i një kujdestari tha kryeministri Rama. Për të marrë dhe për të transmetuar informacion në kohë reale për cdo problem të brendshëm apo të jashtëm.

Edi Rama: “Të kenë më tepër informacion lidhur me kërcënëmiet e jashtme ndaj shkollës. Me ngacmimet, me mundësinë, ofrimet dhe të shitjes e blerjes së lëndës narkotike”.

Kushti për të qenë oficer siguri është trajnimi përkatës në akademinë e rendit. Në ambientet e gjimnazit “Qemal Stafa” me të rinjtë mësuesit dhe prindërit në fund të bisedës, kreu i qeverisë preferoi edhe të bërit pak humor.

Edi Rama: “Drejtori ka punë dhe do të shkojë të vazhdojë punën. Unë që jam i papunë kam kohë për muhabet”./abcnews.al

 

albana-vokshi1.jpg
gra moz20:38 | 23/01/2018

Ka reaguar kryetarja e Komisionit të Arsimit, Albana Vokshi, pas lajmit për helmimin e ndodhur në një shkollë në Durrës. Përmes një statusi në rrjetin social Facebook, demokratja kujton rastet e mëparshme të incidenteve në shkolla.

“- U helmuan 60 fëmijë në Bulqizë – askush nuk mbajti përgjegjësi…
– pothuajse çdo ditë ka sherre e përplasje edhe me armë, brenda ambienteve të shkollave – përsëri askush nuk mban përgjegjësi…
– sot janë helmuar 5 nxënës në një shkollë në Durrës, e përsëri as Ministria dhe as DAR nuk mbaka përgjegjësi…” shkruan Vokshi në Facebook duke i ftuar qytetarët të bashkohen në protestën e 27 Janarit, pasi sipas saj as Ministria, as zonja Nikolla dhe as institucionet e varësisë nuk përgjigjen për mungesën e sigurisë së jetës së fëmijëve të shqiptarëve./abcnews.al

vlcsnap-error277-1280x719.jpg
gra moz19:18 | 19/01/2018

Pentagoni ka prezantuar strategjinë e re të Sigurisë Kombëtare. Sekretari i Mbrojtjes, Xhejms Metis, theksoi se lufta kryesore e Shteteve të Bashkuara është kundër kërcënimit në rritje që vjen nga Kina dhe Rusia. Ndërsa lufta kundër terrorizmit nuk shikohet me prioritet.

Administrata e presidentit amerikan, Donald Trump, prezantoi për herë të parë Strategjinë e Mbrojtjes Kombëtare për vitin 2018. Duke folur në Universitetin “Xhon Hopkins” në Baltimore, Sekretari i Mbrojtjes, Xhejms Metis, nënvizoi se prioritet për SHBA-në do të jetë përballja me “kërcënimet në rritje” nga Kina dhe Rusia. Gjithashtu paralajmëroi se avantazhet e ushtrisë amerikane kanë rënë ndjeshëm gjatë viteve të fundit.

James Mattis, sekretar i Sigurisë Kombëtare i SHBA-së: “Ne përballemi me kërcënime në rritje nga fuqitë revizioniste aq të ndryshme nga njëra-tjetra siç janë Kina dhe Rusia, vende që kërkojnë të krijojnë një botë që është në përputhje me modelet e tyre autoritare, duke ndjekur autoritetin e vetos mbi vendimet ekonomike, diplomatike dhe të sigurisë të vendeve të tjera”.

Pavarësisht se nënvizoi se militantët islamikë do të vazhdojnë të jenë një kërcënim, shefi i Pentagonit tha se lufta kundër terrorizmit nuk do të jetë në qendër të strategjisë për sigurinë kombëtare të Amerikës. Gjithashtu i bëri thirrje Kongresit që të financojë ushtrinë në mënyrë adekuate dhe të përmbahet nga shkurtimet në buxhetin federal të Shteteve të Bashkuara. Duke iu referuar qartësisht Rusisë, Metis paralajmëroi për “kërcënime të cilat mund t’i bëhen eksperimentit amerikan në demokraci”. “Nëse na sfidon, do të jetë dita më e gjatë dhe më e keqe”, u shpreh ai.

Ky qëndrim i Shefit të Pentagonit vjen për shkak të hetimeve të shumta që zhvillohen në SHBA për dyshimet se ekipi i fushatës së Trump ka bërë marrëveshje të fshehtë me Rusinë dhe për ndërhyrjen e dyshuar të Moskës në zgjedhjet presidenciale të 2016.

Metis gjithashtu listoi Korenë e Veriut midis prioriteteve kryesore të Pentagonit, duke përmendur nevojën për t’u përqendruar në sistemin e mbrojtjes raketore të SHBA kundër kërcënimit nga Peniani. Ndërkohë, në strategjinë amerikane të Mbrojtjes Kombëtare nënvizohet se “përtej armëve të saj bërthamore, Koreja e Veriut ka grumbulluar edhe një arsenal të armëve biologjike, kimike dhe konvencionale”./abcnews.al

vlcsnap-error752-1280x720.jpg
us er12:35 | 05/01/2018

Duke nisur nga java e ardhshme, Shtëpia e Bardhë do të ndalojë përdorimin e aparateve celularë në krahun perëndimor, si për stafin ashtu dhe për të ftuarit. Vendimi është marrë për arsye sigurie. LAjmi është konfirmuar nga zëdhënësja Sarah Sanders e cila shpjegoi se siguria dhe integriteti i sistemeve teknologjike në shtëpinë e Bardhë, mbeten prioritet për administratën Trump. Por vendimi ka shkaktuar reagime tek anëtarët e stafit të cilët nuk do të mund të jenë në kontakt me familjet e tyre gjatë orëve të punës./abcnews.al

vlcsnap-error655-1-1280x720.jpg
us er14:51 | 10/11/2017

Me debat është shoqëruar mbledhja e komisionit të sigurisë edhe gjatë raportimit për buxhetin 2018 të institucioneve të varësisë së ministrisë së drejtësisë.Debati, I cili nisi për arsye proceduriale, degradoi në përplasje verbale mes kryetares se komisionit Ermonela Felaj dhe nënkryetarit democrat Flamur Noka.

Debati në Komisionin e sigurisë përfundoi kështu.

Shkak i përplasjes nuk ishte rendi i ditës.

”Nuk pati as kundërshti ndaj institucioneve të thirrura për raportim.

Shkaku ishte ky.

“Mos bëj gafë të më ndërpresësh fjalën, mësojeni larg kamerave si të drejtojë komisionin”- tha Noka.

E si e do edhe praktika tashmë, anëtarët opozitarë u larguan nga komisioni, i cili miratoi me votat e mazhorancës  në parim buxhetin 2018 për drejtorinë e përgjithshme të burgjeve dhe shërbimin e provës./abcnews.al

 

 

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono