shuhet

Toni-Morrison-1280x852.jpg
nev ila21:59 | 06/08/2019

 

Është ndarë nga jeta në moshën 88-vjecare gruaja e parë afrikano-amerikane që ka fituar Çmimin Nobel për Letërsi, Toni Morrison. Familja e saj ka bërë të ditur lajmin, duke thënë se ajo ka vdekur mbrëmjen e 5 gushit nga një sëmundje e shkurtër.

Një shkrimtare që ka vlerësuar fjalën e shkruar, qoftë e saj, e studentëve apo e tjerëve, ajo ka lexuar me dëshirë dhe ka ndjerë shtëpinë më së shumti kur ka shkruar”, shkruhet në letrën e familjarëve të shkrimtares.

Vdekjen dikur Morrison e kishte përshkruar përmes një shprehje:

“Ne vdesim. Kjo mund të jetë arsyeja e jetës. Mirëpo ne krijojmë gjuhë. Kjo mund të jetë matëse e jetës sonë”.

Si autore e 11 romaneve, Morrison ka fituar Çmimin Nobel për Letërsi në vitin 1993, ndërsa veprën e parë e ka publikuar më 1970. Morrison ka lenë pas disa libra që lexohen në të gjitha gjuhët e botës./ABC News Albania 24/7

20-year-old-boyce-2.jpg
Sej rie18:15 | 07/07/2019

Ka ndërruar jetë në moshën 20-vjeçare aktori amerikan Cameron Boyce , i konsideruar si ylli i ri i serive televizive të kanalit “Disney Channel”. Lajmin e ka bërë të ditur familja e aktorit përmes një komunikate dërguar mediave amerikane, ku shpreh dëshpërimin e thellë për humbjen e Cameron.

Sipas komunikatës, 20-vjeçari ndërroi jetë në gjumë për shkak të një ataku kardiak, pasojë e një sëmundjeje për të cilën ai po merrte mjekime. Boyce ka interpretuar në një seri programesh televizive si serialet “Xhesi” dhe “Pasardhësit”, si dhe në filmin horror “Pasqyrat”.

Një zëdhënës i Disney Channel e përshkroi Boyce si një aktor jashtëzakonisht të talentuar. “Ai kishte një talent të pabesueshëm, ishte një person shumë i kujdesshëm dhe mbi të gjitha një djalë i dashur dhe i përkushtuar ndaj familjes dhe miqve”, tha zëdhënësi. Një ditë përpara se të vdiste, Cameron Boyce kishte postuar një foto bardhezi të tijën në Instagram./ABC News Albania 24/7

105841784_gettyimages-1038193326.jpg
ent ela23:37 | 04/03/2019

Ikona televizive e viteve ‘90, Ljuk Perri, i njohur për interpretimin e Dilan Mek Kej në serialin “Beverlli Hills”, ka ndërruar jetë në Los Anxheles. Prej një jave aktori ndodhej i shtruar në spital si pasojë e një iktusi.

Është shuar në moshën 52-vjeçare aktori amerikan Ljuk Perri, i njohur për interpretimin e tij në serialin e famshëm të viteve ‘90 “Bverlli Hills”. Lajmin e ka bërë të ditur agjenti i aktorit, sipas të cilit Perri ndërroi jetë i rrethuar nga familjarët dhe miqtë e tij, rreth një javë pasi ishte diagnostikuar me iktus. Ai u shtrua në spital ditën e mërkurë në Los Anxheles, ku po merrte pjesë në xhirimet e filmit të ri “Rivërdejl”. Fëmijët e tij Xhek dhe Sofi, partnerja aktuale, ish-bashkëshortja dhe prindërit ishin të pranishëm në momentin kur ai u nda nga jeta.

Përmes një komunikate për shtyp, familja ka falenderuar lutjet e bëra për njeriun e saj nga admirues në të gjithë botën, ndërsa ka kërkuar ruajtjen e privatësisë në këto momente zije. Familja Perri nuk ka bërë të ditur se kur aktori do të përcillet për në banesën e fundit, por pritet që në ceremoninë mortore të jenë edhe shokët e tij të serialit “Berverlli Hills”, me të cilët Ljuk ndau vitet e rinisë dhe fitoi famë botërore. Përveç serisë televizive, Perri ka interpretuar edhe në filma si “8 Sekonda” dhe “Elementi i Pestë”./abcnews.al

download-1-1.jpg
ent ela19:17 | 20/01/2019

Ka ndërruar jetë ish-agjenti veteran i CIA-s që në vitin 1980 ndihmoi në kthimin në atdhe të një grupi diplomatësh amerikanë të bllokuar në Teheran. Lajmi për humbjen e ish-oficerit Toni Mendez, i interpretuar nga aktori i mirënjohur Ben Aflek në filmin “ARGO”, është bërë i ditur nga familja e tij. Në një komunikatë të shpërndarë për shtypin amerikan thuhet se 78-vjeçari ndërroi jetë si pasojë e sëmundjes së Parkinsonit. Toni Mendez ka punuar për një kohë të gjatë në radhët e Agjencisë Qendrore të Inteligjencës dhe në vitet ‘80 u nderua me medalje pasi udhëhoqi personalisht operacionin e fshehtë që ktheu në Shtetet e Bashkuara 6 diplomatë amerikanë, të bllokuar në Republikën Islamike gjatë krizës së pengjeve të viteve 1979-1981. Filmi “ARGO”, që rrëfen misionin në fjalë, në vitin vitin 2013 fitoi tre çmime OSKAR, mes të cilëve atë për regjinë më të mirë./abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono