shtyrje
Sissoko feston golin e tij (74')

balili-pretenca.mp4_snapshot_00.09-1280x720.jpg
ad min12:52 | 24/09/2019

Gjykata e Apelit për Krimet e Rënda ka shtyrë me dy javë seancën për Klemend Balili. Shkak, kësaj here, është bërë kërkesa e avokatit Sokol Hazizajt. Seanca në Gjykatën e Apelit për Krimet e Rënda për Klemend Balilin është shtyrë disa herë.

Balili u dënua nga Gjykata e Shkallës së Parë për Krime të Rënda me 12 vjet burg. Në Gjykatën e Apelit për Krime të Rënda, ai kundërshton dënimin që ka marrë nga Gjykata e Shkallës së Parë për Krime të Rënda./abcnews.al

fshf-1280x720.jpg
ad min09:12 | 31/07/2019

Superliga shqiptare është në prag të shtyrjes. Federata Shqiptare e Futbollit pritet të marrë vendim këtë mesjavë, ndërsa gjendja e klubeve vazhdon të jetë kritike.

Ishte parashikuar të fillonte vetë një javë më vonë se vjet, por duket se nuk do të realizohet. E shtuna e 24 gushtit është tepër afër për një Superligë shqiptare që i afrohet nisjes së sezonit aq keq sa nuk mbahet mend.

Federata Shqiptare e Futbollit, që pritet të vendosë për fatin e licencimit të 4 klubeve këtë të mërkurë, pritet të marrë tjetër vendim, pikërisht shtyrjen e kampionatit. Zv/presidenti i Federatës, Edvin Libohova, njëkohësisht president i Ligës Profesioniste, e la këtë si mundësi, kur foli javën e kaluar.

Edicioni i 84-t mund të nisë vetëm në shtator, të paktën siç bëjnë me dijë burime në institucion. Nuk dihet nëse shtyrja do të jetë 2 javë apo më shumë, kjo varet nga diskutimet në Komitetin Ekzekutiv, dhe nga e vërteta e gjendjes së klubeve.

Flamurtari, Tirana, Vllaznia dhe Luftëtari rrezikojnë përjashtimin, pas paralajmërimit të bërë në fillim të këtij muaji, ndërsa Skënderbeu po ashtu është në pozita të vështira pas konfirmimit të dënimit të UEFA-s edhe nga ana e KAS-it  në Lozanë.

Tirana ka dërguar skuadrën në fazë përgatitore, por duket se kjo mund të shkojë kot gjithnjë në rast shtyrjeje të Superligës. Klubi thuhet se ka 1.8 miliardë lekë të vjetra detyrime, ndonëse presidenti Halili pohon se i ka bërë shlyerjet.

Një marrëveshje me tatimet është e mundshme, ndonëse mbetet peng e premtimit të qeverisë për falje të detyrimeve, ndërsa tiranasit kanë bërë pagesa.

Gjithsesi, problem i madh mbetet detyrimi ndaj ish-presidentit Metus Seferi, që ka fituar të gjitha shkallët e gjyqeve, dhe burime nga familja bëjnë me dijë se Tirana ende nuk ka paguar asgjë.

Më e qetë gjendja tek Vllaznia, ku 200 milionë lekë të vjetër janë miratuar nga Këshilli Bashkiak për tatimet. Detyrimet janë rreth 700 milionë, ndonëse klubi ka hapur gjyq duke pretenduar parregullsi.

E vështirë gjendja tek Luftëtari ku ka konflikt mes ish-presidentit Tavo dhe aksionerëve të tjerë. Tavo akuzohet se nuk dorëzon vulën, ai pretendon se aksionerët nuk kanë derdhur kontributin, ndërsa borxhi thuhet se është 400-500 milionë lekë të vjetër.

Tek Flamurtari, ndërkaq, nuk ka asnjë lëvizje, të paktën siç bëjnë me dijë burime në klub. Mbetet të shihet se çfarë do të ndodhë me variantin e Dinamos si skuadër e Korçës, ndërsa thuhet se ka marrëveshje mes presidentit Takaj dhe familjes Nuri për të financuar bashkërisht për pagesën e lojtarëve./ABC News Albania 24/7

saimir-tahiri-1280x713.jpg
ad min10:47 | 03/07/2019

“Shqipëria po ecën, gjyqi im jo”! Kështu u shpreh ish-ministit i brendshëm Sajmir Tahiri pas shtyrjes së seancës gjyqësore ndaj tij dhe 3 ish-zyrtarëve të policisë së Vlorës. Shkak për shtyrjen është bërë prokura e Gjergj Kohilës. Sipas gjykatës Kohila nuk ka saktësuar që procesi të zhvillohet në mungesë të tij.

Pasaktësia në prokurën e Gjergji Kohilës është bërë shkak që të shtyhet saanca për ish-ministrin e brendshëm Sajmir Tahiri dhe 3 ish-zyrtarët e lartë të policisë së Vlorës. Sipas gjykatës në prokurën e dorëzuar nga avokatja e Kohilës nuk është saktësuar nëse ky i fundit ka shprehur pëlqimin që procesi të vazhdojë në mungesë të tij.

Pas daljes nga ambientet e gjykatës Ish-ministri Tahiri në prononcimin e tij për mediat e kufizoi duke bërë vetëm një batutë.

“Keq më vjen që u shty prapë, unë do vazhdoj të kërkoj gjithmonë një gjyq sa më të shpejtë se nuk ka më njeri terezi që ky gjyq të zgjasë. Kështu që Shqipëria po ecën para, vetëm gjyqi im ka ngecur”.

Gjykata për Krimet e Rënda ka vendosur që seanca e radhës ndaj ish-Ministrit të Brendshëm u la për t’u zhvilluar më 17 korrik. Seanca e parë gjyqësore ndaj ish ministrit Tahiri u shty për shkak të mungesës në sallë të ish tre zyrtarëve të policisë së Vlorës; Jaeld Çela, Sokol Bode dhe Gjergji Kohila, të cilët janë në arrati prej rreth 2 vitesh. Togt e zeza u shprehën se duhet të ripërsëritete edhe njëhërë njoftimi i tre ish-zyrtarëve të policisë së vlorës, pasi nuk  kanë marrë dijeni për nisjen e procesit gjyqësorë. Jaeld Çela dhe Sokol Bode kanë lëshuar gjatë muajt Qershor nga një prokurë ku shprehen se janë dakord të përfaqësofen në mungesë nga avokatët e tyre. Sajmir Tahiri ka bërë në seancën paraprake kërkesë për gjykim të shkurtuar, kërkesë kjo që pritet të shqyrtohet nga gjykata në seancën e 17 korrikut.

 

gjykata-kushtetuese.jpg
nev ila22:06 | 10/06/2019

Mungesa e Gjykatës Kushtetuese nuk ka ndikim në situatën e krijuar pas dekretit të presidentit të Republikës, Ilir Meta, për të anuluar zgjedhjet e 30 qershorit. Edhe në rast se ajo do të ishte funksionale, nuk do të kishte kompetencë për ta shqyrtuar dekretin e kreut të shtetit.

Kjo për faktin, se vetë kjo Gjykatë, në një rast të ngjashëm, atë të vendimit të presidentit Bujar Nishani për shtyrjen e zgjedhjeve të përgjithshme të vitit 2017 nga 18 qershori në 25 qershor,  pas një ankimimi të bërë nga partia “Forca Rinia”, ka vendosur që kompetencën për ta shqyrtuar çështjen e ka gjykata Administrative.

Në rastin konkret, Kolegji konstaton se akti ndaj të cilit është ushtruar ankim, dekreti i Presidentit të Republikës, i cili është një akt administrativ individual, pasi ka për objekt vetëm caktimin e datës së zgjedhjeve për Kuvendin e Shqipërisë. Për këtë arsye, Kolegji çmon se ky akt nuk hyn në juridiksionin e kësaj Gjykate, por në juridiksionin e gjykatave administrative dhe për këtë arsye, kërkuesi nuk legjitimohet t’i drejtohet kësaj Gjykate me objektin sipas kërkesës”.

Edhe për rastet e pretendimeve se dekreti i presidentit për shtyrjen e datës së zgjedhjeve mund të bjerë ndesh me Kodin Zgjedhor, gjykata thotë çështja shqyrtohet në gjykatën administrative ose në Kolegjin Zgjedhor.

“Përputhja apo jo e dekretit të Presidentit të Republikës me dispozitat e Kodit Zgjedhor nuk është në juridiksionin e kësaj Gjykate, por në juridiksionin e gjykatave administrative apo, sipas rastit, të Kolegjit Zgjedhor dhe si e tillë nuk mund të shqyrtohet nga kjo Gjykatë”.

Me argumentet e mësipërm, Gjykata Kushtetuese vendosi që të mos e marrë në shqyrtim kërkesën për pezullimin e dekretit të presidentit për ndryshimin e datës së zgjedhjeve, duke i dhënë përgjigje shteruese çështjes se kush janë institucionet gjyqësore që duhet të japin përgjigje për këto raste./ABC News Albania 24/7

BALLA-PADI-BASHES-TOYOTA-YARIS_ABC-M1-T1.mpg_snapshot_00.03-1280x720.jpg
ad min13:58 | 17/04/2019

Numri dy i socialistëve Taulant Balla i ka kërkuar kreut të Kuvendit Gramoz Ruçi, ndryshimin e vendimit të parlamentit për shtyrjen e afatit të punimeve në komisionin e posaçëm të reformës zgjedhore.

Gjithashtu, përmes një shkrese, Balla i kërkon edhe përfshirjen e diskutimit të çështjes së sistemit zgjedhor në Shqipëri, si pjesë të punës së këtij komisioni.

Afati i propozuar nga Balla si skadencë e këtij komisioni është 28 Nëntori i këtij viti, ndërsa çështja e sistemit zgjedhor, e ngre stekën e diskutimit politik një nivel më lartë, nisur nga fakti se kjo do të kërkonte një ndryshim kushtetues, përpos atij të Kodit Zgjedhor./abcnews.al

SHULLAZI-1280x720.jpg
ad min12:13 | 25/03/2019

Shtyhet për të disatën herë në Gjykatën e Apelit për Krime të Rënda, seanca për Emiliano Shullazin dhe 4 të pandehurit e tjerë. Shkak për shtyrjen është bërë vrasja e avokatit Ravik Gurra, kolegët e tij i kërkuan gjykatës që të shtyrjen e seancës pasi janë në gjendje të rënduar psikologjike.

Vrasja e avokatit Ravik Gurra ka sjellë këtë të hënë, shtyrjen e seancës në ngarkim të klientit të tij Emiliano Shullazi në Gjykatën e Apelit të Krimeve të Rënda. Vrasja të premten e avokatit të njohur ka bërë që kolegët e tij Vladimir Meçe, Elton Domi dhe Bledar Meminaj në këtë çështje të kërkojnë shtyrjen e seancës për shkak të gjendjes së rënduar psikologjike.

Një aspekt tjetër që çoi sot në shtyrjen e këtij procesi ishte dhe një përplasje juridike mes avokatësh. Seancën e kaluar, gjykata kishte caktuar një avokate kryesisht për Gilmando Danin. Në seancën e sotme mungonin si avokatja, kryesisht ashtu dhe avokati i kontraktuar prej tij, Denion Bogdani.

Ndërkohë nuk është vendosur se çdo të bëhet me Emiljano Shullazin nëse do t’i caktohet një avokat kryesisht apo mbrojtjen e tij do ta marrë edhe ne Apel avokati Vladimir Meçe, i cili e ka mbrojtur në Shkallë të Parë.

Kaq ka mjaftuar që seanca ne ngarkim të Emiljano Shullazit dhe grupit të tij tështyhet për në datë 8 Prill, në orën 09:30. Ky grup u dënua në total me 55 vite heqje lirie nga Gjykata e Krimeve të Rënda, nga të cilat me 14 vite burg u dënua Emiljano Shullazi.

Ndërkohë hetimet për zbardhjen e vrasjes së avokati Ravik Gurra kanë ngritur dyshime të reja. Zona ku ka ndodhur vrasja është e gjitha e survejuar nga kamera sigurie pasi të gjitha lokalet aty pranë janë të pajisura me kamera.

Ekzekutori ka lëvizur në këmbë për rreth 30 metra dhe fare mirë mund të jetë filmuar nga kamerat e Bashkisë Elbasan, por janë ngritur pikëpyetje nëse këto kamera janë funksionale.

Gjithashtu janë ngritur dyshime për dy makina, të cilat vetëm 5 minuta para vrasjes së avokatit janë filmuar duke lëvizur më shpejtësi nga kryqëzimi i Cërrikut dhe njëra prej tyre ishte BMW.

Nëse këto dyshime janë të vërteta atëherë makina e djegur në Bradashesh ishte një karrem për të ngatërruar policinë. Autori është fiksuar nga kamerat e sigurisë, por deri tani nuk është bërë i mundur identifikimi i tij për shkak se në kokë ai mbante një kapele, gjë e cila bënte që të mos i dallohej fytyra./abcnews.al

argjentine.jpg
ad min22:25 | 24/11/2018

Ndeshja historike mes Boca Juniors dhe River Plate është shtyrë për shkak të skenave të dhunshme që përfshinë kryeqytetin argjentinas të Buenos Airesit. Sipas asaj që raportojnë mediat ndërkombëtare, autobusi që transportonte lojtarët e Boca Juniors u sulmua nga tifozët kundërshtar. Për të shpërndarë këta të fundit është përdorur gaz lotsjellës.

Gjitashtu raportohet se gazi ka ndikuar edhe te futbollistët e skuadrës, madje probleme me frymëmarrjen ka patur edhe ish-ylli i Manchester United, Carlos Tevez. Përballja mes Boca Juniors dhe River Plate është derbi më historik në botë. Është hera e parë që të dyja skuadrat ndeshen në finalen e kupës Libertadores. Ndeshja e parë u mbyll në barazim 2-2. Ndërkohë kjo e sotmja pritet që të luhet në orën 23:15, megjithatë drejtuesit e Boca-s këmbëngulin që ndeshja të shtyhet./abcnews.al

fshf-1.jpg
ad min19:45 | 05/11/2018

Nuk do të ketë shtyrje të ndeshjes mes Laçit dhe Skënderbeut. Ndryshe nga sa pritej, Federata Shqiptare e Futbollit vendosi që sfida e javës së 12 të Superligës të zhvillohet sipas planifikimit fillestar, pra këtë të mërkurë.

Kurbinasit dhe korçarët do të përballen në orën 14:00 të së mërkurës në stadiumin “Selman Stërmasi”. Fillimisht, u mendua që takimi të shtyhej për shkak se Laçi nuk mundej të gjente stadium, dhe ishte e pamundur të zhvillohej në “Elbasan Arena” apo në “Loro Boriçi” të Korçës.

Vetë Federata ishte e vendosur që ndeshja të shtyhej, por pati protesta nga Flamurtari, që luan në fundjavë ndaj Skënderbeut, dhe që e cilësoi shtyrjen si favorizim për korçarët./abcnews.al

gjykata.png
ad min10:45 | 09/10/2018

Shtyhet për në datë 23 Tetor, seanca e radhës së procesit kundër Emiljano Shullazit dhe 4 të bashkëpandehurve të tjerë.

Në seancën e sotme ishte parashikuar që të dëgjoheshin konkluzionet e palës mbrojtëse. Por, pavarësisht se avokatët ishin të pranishëm në seancë, ndërsa të akuzuarit jo, pala mbrojtëse kërkoi më shumë kohë për të përgatitur këto konkluzione.

Edhe sot në ambientet e Gjykatës së Krimeve të Rënda u konstatua prani e shtuar e forcave policore. Prej disa javësh seancat për grupin e Shullazit zhvillohen nën masa të rrepta sigurie.

Të martën e kaluar, Prokuroria e Krimeve të Rënda dha pretencën duke kërkuar 64 vite burgim në total për grupin Shullazi. Për Emiliano Shullazin u kërkuan 17 vite burgim, për tetë vepra penale që nga gjobëvënia, kanosja per shkak të detyrës, shkatërrimi i pronës me eksploziv apo dhe drejtim i grupit kriminal.

Për Gilmando Danin u kërkua 15 vjet burgim, për Endri Qyqën dhe Endrit Zelën nga 11 vjet heqje lirie dhe për Blerim Shullazin 10 vjet burgim. Kërkesa e Prokurorisë për dënimin e pesë anëtareve të grupit u dha gjithashtu në prezencë të përfaqësuesve të ambasadës amerikane dhe gjermane./abcnews.al

FADIL-KASEMI-ABC-1280x720.jpg
ad min16:48 | 19/07/2018

Rrahja e avokatit Ilia Ilia nga dy persona në Durrës u bë shkak për dështimin e një seance gjyqësore tek Krimet e Rënda në kryeqytet. Seanca e shtyrë i përkiste të pandehurit Fadil Kasemi, të akuzuar për vrasjen e ish-bashkëshortes, gjyqtares Fildes Hafi

Në këtë gjykim, ai mbrohet nga avokati Ilia Ilia. Trupi gjykues konstatoi mungesën e avokatit në sallën e gjyqit, por edhe mungesën e një argumenti. Nga persona të pranishëm në sallën e gjyqit, është pohuar edhe fakti i mësuar botërisht për pamundësinë e paraqitjes së avokatit Ilia për shkak të lëndimeve të marra në episodin e dhunshëm në Durrës./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono