Shtëpitë

picalle-1280x609.jpg
ent ela10:50 | 05/10/2019

Kryetari i Bashkisë së Tiranës, Erion Veliaj ka deklaruar se të gjitha shtëpitë e dëmtuara nga tërmeti i 21 shtatorit do të rindërtohen dhe familjet do të hyjnë brenda para Vitit të Ri.

Bashkia e Tiranës po vijon me rindërtimin e banesave të shkatërruara nga tërmeti i dy javëve më parë. Së fundmi, ka nisur rindërtimi i disa banesave në fshatin Picallë, ku falë fondit të emergjencës së qeverisë, si dhe atij të solidaritetit ato po ringrihen nga e para.

Lajmin e ka dhënë vetë kreu i bashkisë së Tiranës, Erion Veliaj, përmes një postimi në rrjetin social “Facebook”, duke deklaruar sërish se të gjitha shtëpitë e dëmtuara nga tërmeti i 21 shtatorit do të rindërtohen, dhe familjet do të hyjnë brenda para Vitit të Ri.

“Nisëm edhe në Picallë rindërtimin e shtëpive të dëmtuara nga tërmeti! Fjalët janë fukarallëk, ndaj para Vitit të Ri do jenë dhjetëra shtëpi të reja që do flasin për solidaritetin e Tiranës sonë!”, shkruan kryebashkiaku Veliaj.

Në këtë nismë të rëndësishme, Bashkisë së Tiranës i janë bashkuar edhe donatorë vendas dhe të huaj, të cilët po ndihmojnë në rindërtimin e këtyre banesave, si dhe pajisjen e tyre me elektro-shtëpiaket e nevojshme.

TIRANA-NE-KOMITETIN-E-OKB.mpg_snapshot_00.04-1280x720.jpg
ent ela12:27 | 04/10/2019

Nga Gjeneva ku mori pjesë në komitetin e OKB kryebashkiaku Erion Veliaj premtoi se rindërtimi i shtëpive të dëmtuara nga tërmeti në Tiranë, do të përfundojë brenda vitit. Gjate takimit, Veliaj mori vlerësime për punën e bërë për zhvillimin urban.

Brenda vitit do të përfundojë rindërtimi i shtëpive të dëmtuara nga tërmeti në Tiranë. Kështu është shprehur kryebashkiaku Erion Veliaj në Gjenevë pas vlerësimit që mori kryeqyteti nga komiteti i Organizatës së Kombeve të Bashkuara mbi zhvillimin urban.

Riparimet e dëmëve të tërmetit të 21 shtatorit nuk po kryehen vetëm me taksat e shqiptarëve.Kontribuesit kryebashkiaku Erion Veliaj i zbulon në Gjeneva ku mori pjesë në sesionin e 80 të Komitetit të OKB-së mbi Zhvillimin Urban, Strehimin dhe Menaxhimin e Territorit.

“Qytetet e kalitura janë ato qytete që ngrihen menjëherë në këmbë. Sot Tirana është ngritur në këmbë dhe jo vetëm që falenderova vendet anëtare që na ndihmuan në ditët e para me tërmetin, siç ishte Katari, Kuvajti, Italia, Greqia, Turqia gjithashtu, por ishte edhe një mënyrë për të treguar se një qytet si Tirana ngrihet shpejt në këmbë.”

Por qytetari i parë i Tiranës nuk neglizhon të falenderojë edhe kryeministrin.

 “Fakti që sot pothuajse të gjitha shtëpitë e rrënuara janë adoptuar nga një kompani që ka filluar rindërtimin, falë edhe ndihmës së kryeministrit për të lehtësuar të gjitha procedurat, besoj se Viti i Ri do të na gjejë me shtëpi të reja, totalisht të rimëkëmbur nga tërmeti”.

Nisur nga situata pas tërmetit, Veliaj shtoi se është e domosdoshme të merren të gjitha masat për të qenë të përgatitur për çdo lloj emergjence që mund të sjellë natyra. Mesazhet kryebashkiaku i dha pas vlerësimit që Tirana mori nga Organizata e Kombeve të Bashkuara si një nga qytetet që ka bërë më shumë në politikat e zhvillimit të qëndrueshëm, përmes mbjelljes së pemëve, shtimit të hapësirave të këmbësorët dhe vëmendjen ndaj fëmijëve. Ambicia e Erion Velisë për këtë sezon të ri është mbjellja e 150 mijë pemëve. /ABC News Albania 24/7

 

 

 

erion-veliaj-cerdhja-1280x723.jpg
nev ila14:18 | 28/09/2019

Një kopsht dhe çerdhe e re i shtohen zonës së Kombinatit. Gjatë inaugurimit, kryebashkiaku i Tiranes Erion Veliaj garantoi banorët e kësaj zone të prekur nga tërmeti se shtëpitë e pabanueshme do t’u rindërtohen.

Rreth 150 fëmijë në zonën e Kombinatit tashmë do të kenë një çerdhe dhe një kopsht të ri. Kryebashkiaku i Tiranës Erion Veliaj tregoi se ne këtu përveç ofrimit të shërbimit psikosocial do të ketë dhe një mjek që do të monitoroi zhvillimin fizik të fëmijëve, veçanërisht atyre me nevoja të veçanta.

 “Jam shumë i lumtur që logopedistët, psikologët, i gjithë stafi ynë ndihmës, do t’i kushtojë një hapësirë të veçantë fizike, por edhe kohore, të gjithë engjëjve tanë që kanë aftësi ndryshe, të cilët meritojnë të njëjtin shans për sukses, si gjithë fëmijët e tjerë të Tiranës”, tha Veliaj.

Nga Kombinati  kryebashkiaku siguroi banorët e prekur nga pasojat e tërmetit se banesat e tyre të dëmtuara do të rindërtohen, falë edhe bashkëpunimit me komunitetin e biznesit.

 “Doja shumë që të vazhdojmë edhe me adoptimin e disa hapësirave që kemi identifikuar këtu në Kombinat, apo në zonat përreth. Pra, për të gjithë donatorët që duan të adoptojnë një shtëpi në Kombinat, të sigurohemi që, siç kemi bërë shtëpinë e përbashkët, ashtu edhe shtëpitë individuale t’i bëjmë në kohë rekord, para Vitit të Ri, qoftë për banesat më të dëmtuara, qoftë me disbursimin e parave për banesat më pak të dëmtuara”, tha kryebashkiaku.

Pasojat e tërmetit, por edhe të reshjeve të fundit vuri ne dukje kryebashkiaku meritojnë vëmendje dhe reflektim për atë që i kemi bërë natyrës ndërsa u shpreh se është koha për t’i dhënë fund e zaptimit të hapësirave publike apo të institucioneve arsimore./ABC News Albania 24/7

KRONIKE-RAMA-NE-FOLQ-ABC-M5-T2.mpg_snapshot_01.34-1280x720.jpg
ent ela16:45 | 30/08/2019

Në Floq të Korçës janë hapur kantieret e rindërtimit të shtëpive te rrënuara nga tërmeti i qershorit. Kryeministri Edi Rama, gjatë inspektimit premtoi se asnjë familje nuk do ta presë dimrin në çadra.

Frikës së banorëve të Floqit që tërmeti i qershorit iu shembi shtëpitë dhe ende po qëndrojnë në shkollën e fshatit iu dha përgjigje kryeministri Edi Rama.

“Kemi punë akoma, por objektivi është që para dimrit të mos ketë më njeri në tenda“.

Kjo është shtëpia e parë e rindërtuar nga 20 që do t’i nënshtrohen këtij procesi në këtë fshat. Me ecurinë e punimeve kryeministrin e njohu ministrja e Infrastrukturës dhe Energjisë.

“Kemi të hapura 14 kantiere. 1 shtëpi është dorëzuar. 4 janë drejt përfundimit dhe po hapim edhe 5 të tjerat që kanë ngelur. I kemi dhënë përparësi, jo vetëm shkallës së shkatërrimit që shtëpitë kanë patur, por edhe nevojës që familja ka patur kur ka të sëmurë, ose kur ka fëmijë të vegjël”.

Ndërsa familjet që banesat iu kanë pësuar dëmtime më të lehta do të dëmshpërblehen.

“Në total janë 120 shtëpi për të cilat po investohet rikonstruksioni, ndërkohë që 40 po ndërtohen nga e para. Ka filluar procedura edhe për rikonstruksionin e të gjithë të tjerave. Pastaj, gjithë banesat e tjera janë kategoria e tretë e banesave që kanë dëmtime të lehta, do t’i nënshtrohen vendimit të Këshillit të Ministrave për kompensimin dhe ka filluar procedura për riparimin e dëmtimeve të lehta“.

Por jo të gjithë i besojnë fjalët e drejtorit të Emergjencave Civile. Ndonjë prej banorëve kërkon ndihmën e Kryeministrit.

ABC News një ditë më parë solli shqetësimin e shumë banorëve që qëndrojnë në godinën e shkollës së fshatit me frikën se shtëpitë që iu premtuan se do të rindërtohen nuk do përfundojnë as në vjeshtë.

Ndërkohë ministrja e Infrastrukturës  premton se shumë shpejt punimet do të nisin dhe për shtëpitë e dëmtuara në Qafzezë.

“Brenda 10 ditëve të ardhshme do të nisin punimet për të gjitha shtëpitë e dëmtuara në Qafzezë, prej nga ku është radha për të kaluar në zonën e Ersekës.”

/ABC News Albania 24/7

D8CD59CA-8E58-49B3-8860-3D8C082D910A_cx0_cy10_cw0_w1023_r1_s.jpg
ent ela23:20 | 31/07/2019

Izraeli ka miratuar ndërtimin e 6,000 shtëpive të reja për kolonët hebrenj dhe 700 shtëpive për palestinezët në Bregun Perëndimor.

Vendimi për shtëpi të reja vetëm rrit më shumë prezencën e Izraelit në këtë pjesë.

Në tërë këtë njoftim, i habitshëm është konsideruar vendimi për të ndërtuar shtëpi për palestinezët.

Vendbanimet e izraelitëve në Bregun Perëndimor konsiderohen të paligjshme sipas ligjit ndërkombëtar, ndonëse Izraeli nuk pajtohet me këtë gjë.

Ende nuk është bërë e qartë nëse shtëpitë palestineze do të ndërtohen nga fillimi apo vetëm do të miratohen leje për 700 shtëpi ekzistuese në pjesën e njohur si “Zona C”.

Në këtë pjesë fshatrat palestineze janë shumë afër vendbanimeve izraelite dhe autoritetet e Izraelit kontrollojnë plotësisht territorin.

Udhëheqësia palestineze ka hedhur poshtë këto njoftime, duke thënë se kundërshton çdo ndërtim apo kontrollim të palestinezëve në Bregun Perëndimor. /REL

VENDET-E-ULETA-SHTEPITE-ABC-M5-T1.mpg_snapshot_00.10-1280x720.jpg
ent ela14:40 | 27/07/2019

Rreth një milion shtëpi në vendet e ulëta janë në rrezik shëmbjeje si pasojë e ndryshimeve klimatike. Kjo pasi shtëpitë janë ndërtuar mbi ujë. Thatësira dhe ndryshimet drastike të temperaturës rrezikojnë themelet e banesave.

Një betejë mes tokës dhe ujit ajo në Vendet e Ulëta si pasojë e ndryshimeve klimatike. Situata është më serioze në Holandë ku rreth një milion shtëpi të ndërtuara mbi ujë rrezikojnë të shemben pasi thatësira dhe ndryshimet drastike të temperaturës kanë dëmtuar themelet.

Shtëpitë tipike holandeze  të ndërtuara përgjatë kanaleve janë ato që rrezikojnë të zhduken Brenda një kohe shumë të shkurtër. Themelet e shumë shtëpive të ndërtuara me dru janë gati të shkatërruara dhe brenda pak vitesh kjo pamje mund të mos jetë më.

Në Zandam një qytezë disa kilometra në veri të Amsterdamit në zonat më të vjetra të qytetit, pasojat janë të dukshme. Fasadat janë në rënie dhe mbahen me proteza druri të improvizuara, si dhe të çara nëpër mure. Inxhinierët shpjegojnë se disa nga banorët përdorin tuba plastikë për të hedhur ujë në themele. Ata thonë se këto banesa nuk do të rezistojnë gjatë dhe maksimumi pas dhjetë vitesh, nëse problemet nuk do të zgjidhen, ato do të shemben.

Rikonstruksioni i shtëpive ka kosto shumë të lartë pasi shtyllat e vjetra të drurit zëvendësohen me ato të hekurit dhe më pas mbushen me çimento, në atë që me të drejtë cilësohet si një garë me kohën. /ABC News Albania 24/7

proteste-1280x730.jpg
ad min15:40 | 24/07/2019

Të dëmtuarit nga tërmeti në Qafëzezë të Kolonjës kanë protestuar për shtëpitë e tyre. Ata u grumbulluan para bashkisë dhe kërkuan nisjen e ndërtimit të tyre.

Banorët e fshatit Qafëzez ,që u godit nga tërmeti i qershorit protestuan paraditen e të mërkurës. Ata u grumbulluan para bashkisë së Kolonjës,prej nga kërkuan ndërtimin  e shtëpive të cilat u shkatërruan  dhe dëmtuan nga lëkundjet sizmike. Banorët janë të shqetësuar se dimri do t’i gjeje në qiell të hapur,sa kohë ende në Qafëzez nuk ka filluar të ndërtohet asnjë shtëpi. Një pjesë e banorëve,prej dy muajsh vazhdojnë të jetojnë në çadra,ndërsa të tjerë,po kalojnë netët në makina apo kasollet e bagëtive.

Familjet, që pësuan dëme nga tërmeti,janë në pamundësi ekonomike për të riparuar vetë shtëpitë,ndërsa kanë rezerva edhe për procesin e vlerësimit të dëmeve,i cili sipas tyre është selektiv dhe i pabarabartë. Ata kanë refuzuar dëmshpërblimin e ofruar për riparimin e shtëpive të dëmtuara,vlera e të cilit është vetëm 2 mijë lek të reja. Banorët këmbëngulin,që t’iu ndërtohen shtëpitë,ashtu si banorëve të Floqit dhe procesi të përfundojë pa ardhur dimri.

Të prekurit nga tërmeti paralajmërojnë përshkallëzim të reagimit,deri në bllokimin e rrugëve nacionale./ABC News Albania 24/7

edi-rama-5-1280x722.jpg
ad min19:45 | 13/07/2019

Kryeministrit Edi Rama ishte në Lin të Pogradecit në kuadër të projektit 100 fshatrat. Rama i ftoi fermerët që shtëpitë të mos i përdorin vetëm për t’u strehuar, por t’i kthejnë ato në burim të ardhurash.

Në fshatin Lin të Pogradecit, një nga 100 fshatrat që qeveria i mbështet përmes një projekti promovues për turizmin dhe vlerat historike,  Kryeministri  u ndal në një bujtinë të veçantë.

Prej aty u shpjegoi të gjithë banorëve se si mund të zhvillojnë ekonomitë familjare, nëse hapin shtëpitë e tyre edhe për turistët.

“Faktikisht një aset, një kapital i fjetur siç është shtëpia, në rastin kur ajo përdoret vetëm për tu strehuar vetë, kthehet në një mekanizëm fitimprurës dhe nëse sot këtu ka disa nga këto bujtina dhe ka një numër turistësh që vijnë dhe këto bujtina janë të rezervuara siç është rasti i kësaj bujtine të re që rezervohet direkt nga interneti, ka dhe pëlqyeshmëri në “Booking”, goxha të lartë”.

Qeveria do të mbështesë jo vetëm nisma individuale për bujtina apo agroturizëm, për te cilat nxiti banoret e Linit të aplikojnë.

Rama premtoi edhe investime që do të përmirësojnë infrastrukturën në këtë zonë më natyre të rrallë, buzë liqenit të Ohrit.

“Me Fondin Shqiptar të Zhvillimit, në kuadrin e Programit të 100 fshatrave ne do të bëjmë disa ndërhyrje për ta kthyer këtë fshat në një model të suksesshëm transformimi.  Për  të zhvilluar më tutje infrastrukturën dhe për të zhvilluar më tutje të gjitha ato elementë që janë të rëndësishëm për it dhënë një forcë tërheqëse shumë më të madhe këtij fshati duke bërë unifikime të karakterit të godinave, duke krijuar një sistem ndriçimi ashtu siç duhet, duke mbështetur edhe projekte të natyrave të ndryshme”.

Kryeministri tha se ne 4 vitet e ardhshme në mandatin e kryetarit të ri të sapozgjedhur të bashkisë së Pogradecit, bashkëpunimi do të sjellë më shumë transformim në këtë zonë me potencial të jashtëzakonshëm turistik./ABC News Albania 24/7

banoret-1-1280x698.jpg
ad min20:30 | 07/06/2019

Banorët e fshatit Vidohovë në Korçë, të prekur nga tërmetet e para pak ditëve, janë strehuar në çadra pranë shtëpive të tyre. Ata nuk kanë pranuar të zhvendosen në zonë tjetër ndërsa janë të shqetësuar për ndërtimin e banesave.

Në Vidohovë, fshatin e largët të zonës së Devollit,që vetëm një kodër e ndan nga vija  kufitare me Greqinë, pasojat e tërmetit janë të konsiderueshme. 24 banesa rezultojnë të shkatërruara dhe 37 kanë pësuar dëmtime të mëdha. Banorët e fshatit,bashkë me shtëpitë, humbën edhe gjithë mundin e viteve.

Me kërkesen e banorëve, çadrat u ngritën pranë shtëpive të dëmtuara,pas refuzimit,për tu zhvendosur në një zonë më të sigurt të fshatit. Ushqimi po sigurohet nga menza,që ngriti bashkia, ndërsa kushtet në  çadrat,ku ju duhet të kalojnë natën,janë të përshtatshme. Ndërsa ka kaluar  paniku nga lëkundjet sizmike, banorët e Vidohovës mbeten të shqetësuar, për kohëzgjatjen e ndërtimit të shtëpive.

Kanë frikë se dimri i ashpër mund t’i gjejë në qiell të hapur.  Vala e tërmeteve,pas Korçës dhe Kolonjës,përfshiu edhe Devollin, ku Vidohova ishte fshati, që pësoi më shumë dëme materiale. Komisionet e vlerësimit të dëmeve, po vijojnë evidentimin e çdo banese të prekur nga tërmeti,ndërsa pritet edhe fatura financiare përfundimtare. /ABC News Albania 24/7

banoret-1280x705.jpg
ad min18:30 | 06/06/2019

Banorëve të fshatit Floq të Korçës, u ndryshoi tërësisht jeta pasi humbën shtëpitë e tyre nga lëkundjet sizmike. ABC News është rikthyer në zonën që u godit nga fatkeqësia natyrore ku gjithçka është rrënuar. Le të ndjekim materialin e përgatitur nga korrespondentja jonë në Korçë Daniela Zisi.

Toka në Floq, epiqendra e valës së tërmeteve në Juglindje, nuk po gjen qetësi. Edhe pas gjashtë ditësh, lëkundjet sizmike vazhdojnë. Banoret janë në ankth. Me dridhjet nën këmbë presin goditjen e radhës.

Dy lagjet e sipërme të fshatit, aty ku u ndjenë më fort lëkundjet, kanë mbetur si ditën e parë të fatkeqësisë natyrore. Shtëpi të rrafshuara përtokë, mure të çarë dhe pirgje masive gurësh, brenda dhe jashtë tyre.

Banorët të zhvendosur në çadra dhe ambientet e shkollës, orët e ditës i kalojnë mes gërmadhave. Jeta e tyre ndryshoi kaq befasisht dhe  tani gjithçka u zhbë mes rrënojave. Po mundohen t’i kthehen përditshmërisë por pa një çati mbi kokë bëhet gjithmonë dhe më e vështirë.

Bajram Bekolli e kishte ndërtuar shtëpinë pak vite më pare. Por edhe pse e re tërmeti nuk e kurseu. Përjetimet e mëngjesit të 1 Qershorit, i ka ende të forta. Lëkundjet e gjetën në gjumë dhe kur u zgjua nuk donte ta braktiste shtëpinë. Banesa dykatëshe ishte gjithçka donte tu linte trashëgim fëmijëve.

Nuk kanë asnjë plan, se si  dhe ku do t’i kalojnë muajt, derisa shtëpitë e tyre të rindërtohen. Të prekurit nga tërmeti ankohen për mungesa në ushqime dhe veshje për fëmijët. Jetesën në çadra nuk e shohin si zgjidhje afatgjatë. Shumica e banorëve merreshin me bujqësi dhe blegtori. Sot askush nuk ka punë për të bërë.

Komisionet e verifikimit të dëmeve, po vijojnë vlerësimin dhe fatura financiare pritet të mësohet pas dy javësh. Bëhet fjalë për më shumë se 65 banesa të shkatërruara dhe 100 të tilla të dëmtuara. Ndërkohë bashkia e Korçës nuk ka mbledhur Këshillin Bashkiak për të çelur fondin e emergjencave civile./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono