Shtëpitë

banoret-1-1280x698.jpg
Sej rie20:30 | 07/06/2019

Banorët e fshatit Vidohovë në Korçë, të prekur nga tërmetet e para pak ditëve, janë strehuar në çadra pranë shtëpive të tyre. Ata nuk kanë pranuar të zhvendosen në zonë tjetër ndërsa janë të shqetësuar për ndërtimin e banesave.

Në Vidohovë, fshatin e largët të zonës së Devollit,që vetëm një kodër e ndan nga vija  kufitare me Greqinë, pasojat e tërmetit janë të konsiderueshme. 24 banesa rezultojnë të shkatërruara dhe 37 kanë pësuar dëmtime të mëdha. Banorët e fshatit,bashkë me shtëpitë, humbën edhe gjithë mundin e viteve.

Me kërkesen e banorëve, çadrat u ngritën pranë shtëpive të dëmtuara,pas refuzimit,për tu zhvendosur në një zonë më të sigurt të fshatit. Ushqimi po sigurohet nga menza,që ngriti bashkia, ndërsa kushtet në  çadrat,ku ju duhet të kalojnë natën,janë të përshtatshme. Ndërsa ka kaluar  paniku nga lëkundjet sizmike, banorët e Vidohovës mbeten të shqetësuar, për kohëzgjatjen e ndërtimit të shtëpive.

Kanë frikë se dimri i ashpër mund t’i gjejë në qiell të hapur.  Vala e tërmeteve,pas Korçës dhe Kolonjës,përfshiu edhe Devollin, ku Vidohova ishte fshati, që pësoi më shumë dëme materiale. Komisionet e vlerësimit të dëmeve, po vijojnë evidentimin e çdo banese të prekur nga tërmeti,ndërsa pritet edhe fatura financiare përfundimtare. /ABC News Albania 24/7

banoret-1280x705.jpg
Sej rie18:30 | 06/06/2019

Banorëve të fshatit Floq të Korçës, u ndryshoi tërësisht jeta pasi humbën shtëpitë e tyre nga lëkundjet sizmike. ABC News është rikthyer në zonën që u godit nga fatkeqësia natyrore ku gjithçka është rrënuar. Le të ndjekim materialin e përgatitur nga korrespondentja jonë në Korçë Daniela Zisi.

Toka në Floq, epiqendra e valës së tërmeteve në Juglindje, nuk po gjen qetësi. Edhe pas gjashtë ditësh, lëkundjet sizmike vazhdojnë. Banoret janë në ankth. Me dridhjet nën këmbë presin goditjen e radhës.

Dy lagjet e sipërme të fshatit, aty ku u ndjenë më fort lëkundjet, kanë mbetur si ditën e parë të fatkeqësisë natyrore. Shtëpi të rrafshuara përtokë, mure të çarë dhe pirgje masive gurësh, brenda dhe jashtë tyre.

Banorët të zhvendosur në çadra dhe ambientet e shkollës, orët e ditës i kalojnë mes gërmadhave. Jeta e tyre ndryshoi kaq befasisht dhe  tani gjithçka u zhbë mes rrënojave. Po mundohen t’i kthehen përditshmërisë por pa një çati mbi kokë bëhet gjithmonë dhe më e vështirë.

Bajram Bekolli e kishte ndërtuar shtëpinë pak vite më pare. Por edhe pse e re tërmeti nuk e kurseu. Përjetimet e mëngjesit të 1 Qershorit, i ka ende të forta. Lëkundjet e gjetën në gjumë dhe kur u zgjua nuk donte ta braktiste shtëpinë. Banesa dykatëshe ishte gjithçka donte tu linte trashëgim fëmijëve.

Nuk kanë asnjë plan, se si  dhe ku do t’i kalojnë muajt, derisa shtëpitë e tyre të rindërtohen. Të prekurit nga tërmeti ankohen për mungesa në ushqime dhe veshje për fëmijët. Jetesën në çadra nuk e shohin si zgjidhje afatgjatë. Shumica e banorëve merreshin me bujqësi dhe blegtori. Sot askush nuk ka punë për të bërë.

Komisionet e verifikimit të dëmeve, po vijojnë vlerësimin dhe fatura financiare pritet të mësohet pas dy javësh. Bëhet fjalë për më shumë se 65 banesa të shkatërruara dhe 100 të tilla të dëmtuara. Ndërkohë bashkia e Korçës nuk ka mbledhur Këshillin Bashkiak për të çelur fondin e emergjencave civile./ABC News Albania 24/7

BASHA-MBULIM.mpg_snapshot_00.09-1280x720.jpg
ent ela12:30 | 10/04/2019

Kryetari i Partisë Demokratike Lulzim Basha ka reaguar për ndërhyrjen e policisë gjatë shembjes së banesave në segmentin e fundit të bulevardit të ri në Tiranë.

“Dhunë, gaz dhe terror nga policia kundër qytetarëve në shtëpitë e tyre! Kjo qeveri i ka tradhëtuar njerëzit e thjeshtë dhe Shqipëria është në mjerim ekonomik, me padrejtësi dhe pasiguri në çdo cep të saj” – shkruan Basha në deklaratën e shpërndarë për mediat të cilën e shoqëron me këtë video.

Kryetari i Partisë Demokratike thotë se të gjithë ata që urdhëruan, sulmuan dhe dhunuan me gaz shtëpitë e qytetarëve do të mbajnë përgjegjësi. /abcnews.al

ramaa-1280x788.jpg
ent ela15:04 | 11/03/2019

Kryeministri Edi Rama ka reaguar me anë të një postimi në Tëitter, për përplasjet mes banorëve dhe policisë për shembjen e baneave pranë shkollës “Petro Nini”. Rama shkruan “Të trishtueshme pamjet nga rruga e shtëpisë ku kërkohet ekzekutimi i një vendimi gjyqi të formës së prerë. Por e trishtueshme edhe se si Kazani i përzien gjërat pa lidhje!” Kryeministri Rama shton se “Qeveria s’ka asnjë fuqi mbi vendimet e gjykatave dhe policia e ka detyrim ligjor t’i përgjigjet Përmbarimit.” /abcnews.al

LUMI-DROJE-DEMTIMET_ABC-M2-T1.mpg_snapshot_00.48-1280x683.jpg
G. P.13:32 | 01/12/2018

Për vite me radhë erozioni ka zgjeruar dhe thelluar shtratin e lumit Drojë në Kurbin. Rrugët e fshatrave që përshkrohen prej tij janë dëmtuar dhe në kohë reshjesh lumi izolon totalisht banorët.

Ky është lumi Drojë në Kurbin. Në tërë gjatësinë e tij ka pësuar dëmtime të shumta. Shtrati sa vjen dhe zgjerohet. Pritat që ishin vendosur anës tij janë zhdukur. Banorë të Shpërdhetit tregojnë se në kohë reshjesh lumi bëhet i frikshëm.

Banori 1: “Për momentin nuk ka asnjë pikë ujë, por brenda 2-3 orësh bëhet, nuk ta merr mendja se sa shmë ujë vjen.”

Gjatë motit të keq është dëmtuar edhe rruga që ndodhet fare pranë lumit. Në vite ka gllaberuar rrugë të tjera të fshatrave të Kurbinit.

“Na ka prishur rrugën komplet. Kemi ngelur duke parë nga qielli që sa të zejë shiu të ikim në shtëpi, sepse ose mbetemi në rrugë të madhe ose nuk kemi nga të dalim nga shtëpia.”

Banorët thonë se erozioni dhe mungesa e investimeve kanë sjellë situatën në të cilën ndodhemi sot.

“Nuk kemi mundësi të çojmë as të vdekurit. Llogarite se sa në hall jemi.”

Një vit më parë ura kryesore e Drojës u shkatërrua nga prurjet e mëdha, e cila lidhte dy rrethet Kurbin dhe Krujë. Tani ura është rikonstruktuar, por janë të tjera probleme që sjell Lumi Drojë./abcnews.al

zjarrr.jpg
G. P.15:34 | 24/09/2018

Që prej mesditës në Parkun Kombëtar të Lurës ka rënë një zjarr i madh. Me kërkesë të prefekturës së Dibrës në ndihmë u erdhi edhe një helikopter i Ministrisë së Mbrojtjes.

Ndërkohë dhjetëra banorë të zonës janë angazhuar për shuarjen e flakëve me mjete rrethanore.

Për të vënë nën kontroll zjarrin, në vendngjarje ndodhen edhe punonjës teë emergjencave civile.

Një tjetër zjarr përfshiu edhe ullishtet në periferi të Kukësit.

Aktualisht situata është drejt normalizimit. Nga zjarri raportohet se janë djegur hektarë me vreshta e pyje dushku të kurorës së qytetit.

/abcnews.al

JULI-INTERVISTA-ARTAN-LAME.mpg_snapshot_05.00-1280x720.jpg
G. P.11:18 | 15/09/2018

I ftuar në studion e ABC News, Artan Lame, kreu i ALUIZNI-it. Diskutim në lidhje me lajmërimin e njoftimit se tashmë pritet të regjistrohen të gjitha banesat e ndërtuara para vitit 1991. Lame tregoi detajet e kësaj nisme, në mënyrë që të informojë publikun dhe të japë më shumë informacione të nevojshme.

Ai u shpreh se bëhet fjalë për banesat e ndërtuara para ’91-shit spese pas këtij viti e kemi të rregulluar me regjistrimet dhe legalizimet e bëra.

“Ndërtesat e para vitit 1991 ka një problem, ça ndërtonte shoku Enver nuk kishte nevojë fare për leje ndërtimi dhe një pjesë e tyre janë të paregjistruara. Përgjithësisht rrethinat dhe fshatrat asaj kohe jepnin leje të cilat mbeteshin të gjitha të pahipotekuara. Bëhet fjalë për 40 deri në 60 mijë objekte.”

Ai tregoi se shtëpitë që janë tashmë në proces legalizimi nuk përfshihen në këtë VKM dhe për ta procesi do të vazhdojë normalisht siç ka nisur.

Lame tregoi se që nga e hëna hapet aplikimi onlinë për ata të cilët duhet të kryejnë këtë shërbim. Por ai sugjeron që të mos ketë dyndje, pasi nuk do të ketë një afat kohor për këtë. Fillimisht të paraqiten ata të cilët kanë vërtetë nevojë.

 

4FB16EF100000578-6130759-image-a-29_1536143194244.jpg
G. P.08:15 | 08/09/2018

Banesa në një shtëpi të re është gjithmonë sfiduese dhe me shumë surpriza. Ndërkohë që çuditë më të zakonshme mund të jenë adaptimi më rendin e ri dhe mosngatërrimi i derës së banjos me dhomën e gjumit, për disa familje shpërnguljet kanë qenë akoma më interesante. Disa prej tyre kanë postuar nëpër rrjetet sociale momentet kur e kuptuan së banesa e tyre, ishte në fakt një sënduk cili përfshinte shumë thesare të lëna nga pronarët e mëparshëm. Nga dyshemetë e pikturuara, tek unazat e diamantit ose varrezat e nëndheshme, ja cilat janë disa prej zbulimeve më surprizuese që janë bërë nëpër shtëpi të ndryshme.

Një 27 vjeçare nga Knadaja, ndau këtë foto të një tuneli të nëndheshëm të banesës së saj, i mbushur më vizatime nga më të frikëshmet dhe të pashpjegueshme.

Një tjetër person me fat, ka gjetur pas murit të banjos së tij një qese plastike e cila përmbante një unazë diamanti, disa bizhuteri dhe monedha të vjetra.

Ndërsa në Luizianë të SHBA, pas përmbytjes së shtëpisë së tyre, familjarët donin të rinovonin dyshemenë. Duke hequr pjesët e parketit ata gjetën një afresk me piktura të bëra nga pronarët e mëparshëm.

Këtë herë, një person nga Britania e Madhe zbuloi se shtëpia ku ai jetonte kishte qenë më parë një stacion policie. Dyert tashmë ishin lyer të bardha, por drynët e mëdhej mbetëshin akoma për të izoluar disa prej dhomave.

Një banues ndau një foto rrënqethëse të një kishë në Konektikat SHBA, ku në katin e nëndheshëm të saj kishtë zbuluar një varrezë. Ai rrëfeu se kishtë mësuar se varreza supozohej të kishtë një kalim për nga jashtë, por më vonë mbi të ishtë ndërtuar kisha në fjalë. Gurët e varrit, pas zbulimit u zhvendosën, por eshtrat u lanë po aty. Disa prej tyre datojnë që në vitin 1687.

Gjithashtu, një grafist nga SHBA, po ndihmonte të atit të shpërngulej tek zyra e tij e re, ku zbuloi një derë të fshehtë e cila të çonte në një bodrum plot më shkresa antike./abcnews.al

 

102967389_mediaitem102967386.jpg
G. P.16:09 | 15/08/2018

Bëhet gjithnjë e më dramatike situata në Itali një ditë pas shembjes së urës në Xhenova. Zjarrfikësit kanë nisur inspektimin e pjesës së mbetur të urës pasi dhe ajo rrezikon shembjen. Ndërsa kryebashkiaku i qytetit deklaroi se është e pamundur të shpëtohen shtëpitë që janë poshtë urës.

Janë pezulluar aktualisht operacionet e kërkim-shpëtimit në Xhenova të Italisë pasi pjesa e mbetur e urës që u shemb një ditë më parrë rrezikon gjithashtu të shëmbet. Zjarrfikësit dhe ekspertët kanë nisur inspektimin e saj. Ndërkohë që numri i të pastrehëve është rreth 700, kryebashkiaku i qytetit deklaroi se është e pamundur që të shpëtohen shtëpitë që ndodhen poshtë urës. Por Kryebashkiaku, Marko Buci, premtoi se qytetarëve të prekur nga kjo tragjedi do u jepet një shtëpi e re. Më tej ai shtoi se në mungesë të urës do të duhen më shumë autobusë dhe trena për transportin publik, i cili në pjesën më të madhe do të jetë falas.

Nga ana e tij, zëvendës kryeministri Italian Di Maio është treguar shumë i ashpër duke i dhënë përgjegjësinë e tragjedisë “Autostradave për Italinë. Në të njëjtën linjë dhe ministri i Brendshëm Salvini, i cili tha se minimumi që mund të pritet është dorëheqja e zyrtarëve të lartë. Ndërsa ministri i transporteve premtoi se do të ketë gjobë deri në 150 milionë euro për përgjegjësit e incidentit./abcnews.al

REPORTAZH-RESULAJ-MASAKRA_ABC-M2-T1.mpg_snapshot_00.19-1280x720.jpg
G. P.16:30 | 12/08/2018

Ajo që ka ndodhur në Resulaj të Vlorës nuk është një ngjarje që do të harrohet lehtë. ABC News shkoi përsëri aty ku shtëpia e autorit është kyçur dhe policia ka marrë në mbrojtje familjen e tij. Të kyçuara janë edhe shtëpitë e viktimave, përveçse njërës ku priten e përcillen njerëzit që ngushëllojnë.

Këtu në Resulaj të Selenicës, ka rënë heshtja e vdekjes. Tetë persona u sharruan me kallashnikovë të premten nga Rdvani i Tmerrshëm. Por ata që janë gjallë akoma nuk e besojnë çfarë ka ndodhur. Familjarët e viktimave, mbajnë hapur vetëm një shtëpi, për të pritur ngushëllimet. Atë të Azem Zykës, i cili humbi jetën sëbashku me gruan e tij Aferditën.

Në shtëpitë e viktimave të tjera, të Demirit dhe Perries, të Besimit dhe Vasilikës dhe fëmijëve Sara e Ledion nuk lëviz asgjë. Askush nuk hyn e del aty. Aty ku pihet kafe për ngushëllim, familjarët janë të shokuar nga masakra. Kërkojnë të mos filmohen e as të fotografohen. Ata të presin për të ndarë dhimbjen, por vetëm kaq.

Nuk duan të filmohet as shtëpia e autorit. E atij njeriu që njihej si rojtari i deleve dhe hajdut i pulave. Të gjitha banesat janë 10 metra larg njëra-tjetrës. Familja e 24 vjeçarit të tmerrshëm, Sadiku, Lindia dhe dy fëmijët e tyre, pasi u morën në pyetje u morën në mbrojtje nga policia, e cila ka frikën e hakmarrjes.

Banori: “Jemi shokuar, s’kemi fjalë.”

Në 10 minuta besohet se ndodhi e gjitha. Afër njëri-tjetrit vrasësi i zuri në befasi. Fillimisht shkoi tek Besim Zykaj dhe e vrau bashkë me gruan dhe dy fëmijët e tij. 11 plumba shkrehu mbi Vasilikën dhe nga katër mbi trupat e kryefamiljarit dhe të vegjëlve. Më pas në oborr ekzekutoi Azemin dhe gruan e tij, të cilët kishin dalë sapo dëgjuan krismat. Për ta mbyllur masakrën e tij me vrasjen e të moshuarave Demir dhe Perie Zykën, kjo e paralizuar. Ai kishte qenë i furnizuar me municion.

Nuk dihet se si, dhe sa kohë iu desh për këte, por ekziston një version që autori ka filmuar atë çfarë ka bërë. Sipas burimeve jo zyrtare, videon ia ka kaluar një të afërmi dhe që aktualisht ajo ndodhet në duart e ekspertëve të hetimit.

Gjyshi i autorit, Kujtim Zykaj, është i vetmi që ndodhet në familjet e viktimave. Demiri ishte vëllai i tij, kurse Azemi dhe Besimi nipërit.
I vetmi i mbijetuar që ndodhej në vendin e ngjarjes, është djali i Demirit dhe Peries, i cili nuk doli nga godina për shkak se nuk dëgjoi zhurmë. Ai është shurdh-memec. Familjeve të vrara, u kanë mbetur gjallë dhe tre jetë, dy fëmijët e Azemit dhe djalit i Besimit, të cilit nuk ndodheshin në fshat./abcnews.al

Gazetari i ABC News: Elton Nika


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono