shtëpi

13974968-7072093-image-a-10_1558878145537.jpg
Sej rie18:30 | 26/05/2019

Një gurë i madh sa një shtëpi ka rënë në një autostradën në Kolorado të premten pasdite, duke bërë që Departamenti i Transportit të bllokoja kalimin.
Autostrada mes Cortez dhe Telluride pësoi dëme të rënda për shkak të rënies së masivit të shkëmbinjve.

Sipas Departamentit të Transportit të Kolorados, rrëshqitja e shkëmbit ndodhi rreth 12 milje në veri të Dolores. Nga rënie e masivit shkëmbor në autostradë, autoritetet thonë se rruga është dëmtuar në të dy korsitë, ku është krijuar një gropë tetë metra e thellë. “Rruga do jetë e pakalueshme për një kohë të gjatë”,  deklaroi departamenti, duke mos dhënë detaje se kur mund të rihapet./abcnews.al

bleonaqerretiok-933x445.jpg
nev ila23:00 | 22/04/2019

Kurioziteti i “gazetarëve më thumbues”, të emisionit “Në Kurthin e Piter Pan” ka qenë shumë i madh ndaj këngëtares Bleona Qerreti.

Këngëtarja ka rrëfyer këshillat që i ka thënë mami i saj dhe ajo i zbaton me shumë përkimëri.

-Po juve prindërit ju kanë thënë një këshillë të rëndësishme?

Mua më kanë thënë shumë këshilla të rëndësishme, sepse siç dihet unë jam shumë afër me prindërit.

Mami më ka thënë mos gënje, është një gjë që unë jam shumë direkte dhe e sinqertë me njerëzit. Më ka thënë mos tradhto, është një gjë të cilën unë nuk e bëj.  Dhe më ka thënë, “dili Zot vetes” dhe mos lejo njeri të të shkeli.

Këto janë tre rregulla që unë i ndjek më shumë fanatizëm.

Më ka thënë dhe një gjë të katërt. “Bëhu vajzë për shtëpi”, por duke qenë se unë nuk kam shtëpi dhe rri në hotel, vetëm kjo e fundit është pak problematike, por ato të 3-ja i zbatoj me shumë fanatizëm”, tregoi Bleona./tvklan.al

Besi-1280x722.jpg
Sej rie19:42 | 20/04/2019

Aktori i humorit Bes Kallaku ka folur për sakrificat e karrierës. I ftuar në emision “Thumb” në ABC News, ai ka bërë një rrëfimin prekës. Besi tha se nuk i ka pasur të thjeshtë fillimet e karrierës së tij. I është dashur të shkojë me mjete nga më të ndryshmet në shtëpi, madje ndonjëherë kur nuk kishte automjet, ai ka fjetur tek tavolina e punës.

“Kam 16 vite karrierë. Në fillimet e mija vija në punë me furgon, autobus, ikja me ambulancë, kthehesha me dum dum, saurrelë, se s’kisha makinë, flija tek Piramida. Me ata të cilët kam punuar, ata minimumi kishin një  shtëpi në Tiranë, unë nuk kisha asnjë gjë. Kur flija tek Piramida tek tavolina e punë se nuk gjeja furgona dhe zgjohesha dhe laja sytë dhe dilja tek kafja dhe thoja” “Sa erdha prej Fushë- Kruje”. Është e gjitha një vuajtje. Unë i kam kaluar të gjitha etapat dhe sot nëse kam një makinë të mirë. Janë 16 vite punë dhe karrierë”./abcnews.al

ujembledhesi-i-sopit.jpg
nev ila17:14 | 18/04/2019

Për shume vite i papastruar nga një kanal nacional shpëtimtar, Ujëmbledhësi i Sopit është kthyer në një katastrofë bujqësore dhe kontinier plehrash. Banorët thonë se pavarësisht investimeve të bëra në zonë, mospastrimi i Sopit i çon dëm të gjitha.

Asgjë nuk duket nga ai që njihet ujëmbledhësi magjistral  i Sopit ose siç i thonë vendasit si kanali i Sopit. I mbytur dhe mbuluar nga një faunë kashtore  është shndërruar në venddepozitim  mbetjesh urbane.

Ujrat e bardha që shkarkohen nga lartësitë mblidhen ketu. Tjetër funksion i kanalit është  kullimi i tokave bujqësore.

Sot shtrati i ujëmbledhësit është më pak se 8 metër gjerësi nga 18 metër që janë parametrat e tij normal.

Në ditët me reshje ai behet një përbindësh për shumë familje që banojnë  përgjatë tij. Sikurse mbulon me ujë qindra hektarë  tokë të cilat edhe pse tre vitet e fundit janë bonifikuar qëndrojnë ende në lagështirë.

Kanali i Sopit, është ujëmbledhësi më i rëndësishëm nacional që përshkon 8 fshatra të Bashkisë së Fierit: Hoxhar, Pojan, Sopë, Dërmenas, Kryegjatë, Radostinë, Topojë, Shtyllas.  Ai mbledh ujërat shkarkuese të tyre në një gjatësi prej 4.5 km dhe përfundon në kolektorin e Rroskovecit.

Në kushtet kur i gjithë sistemi bonifikues i tokave përreth i është kthyer normalitetit  dhe kur reshjet e shpeshta shtojnë sasinë e ujit në të, e bëjnë këtë magjistral të paaftë për tërheqjen e ujërave të mbledhura. Ato kapërcejnë shtratin aktual të përgjysmuar dhe rrezikojnë çdo gjë./abcnews.al

taunsvill.jpg
G. P.18:47 | 05/02/2019

Përmbytjet në Australi kanë detyruar banorët të braktisin banesat e tyre, nga frika e krokodilëve dhe gjarpërinjve, të cilët janë shfaqur dhe në rrugët e qytetit. Metereologët  kanë paralajmëruar se në ditët në vijim mund të ketë sërish reshje të dendura.

Drama që po ndodh në Taunsvill të Australisë tashmë është pjesë e historisë. Qyteza e shkatërruar e parë nga lart, prezantohet vetëm me shtëpi të përmbytura. Deri tani janë konfirmuar dy viktima dhe 650 të pastrehë që janë detyruar të braktisin shtëpitë e tyre nga frika e krokodilëve dhe gjarpërinjve. Autoritetet vendore kanë paralajmëruar banorët, pas shfaqjes së këtyre kafshëve në rrugët e qytezës.

Ekspertët shprehen se një gjë e tillë ndodh vetëm një herë në 100 vjet. Kryeministri australian, Skot Morison, u shpreh se situata është e vështirë dhe do të zgjasë disa kohë. Ai premtoi se të gjithë atyre që i janë shkatërruar shtëpitë do u sigurohet sa më shpejt një strehim i përshtatshëm deri në rindërtimin e banesave.

Ndërkohë 11 mijë banesa kanë mbetur pa energji elektrike dhe 9 mijë banorë kanë kërkuar ndihmën e autoriteteve. Në disa zona niveli i ujit po bie edhe pse metereologët u shprehën se mund të ketë sërish reshje në ditët në vijim, sidomos në verilindje të vendit, ku reshjet mund të jenë shumë të dendura dhe të shkaktojnë përmbytje./abcnews.al

zjar.jpg
G. P.13:51 | 14/01/2019

Një shtëpi është shkrumbuar e gjitha në lagjen numër 1 në Memaliaj. Për fat nuk pati pasoja në njerëz sepse e zonja e shtëpisë sapo ka parë një shkëndijë ka nxjerrë familjarët jashtë dhe kërkoi ndihmën e zjarrfikëses.

Por mjetit që u nis nga Tepelena për në Memaliaj iu desh më shumë se një orë megjithëse distanca midis dy qyteteve është shkurtër. Në këto kushte askush nuk ka mundur të shuajë zjarrin, i cili ka shkrumbuar çdo orendi të shtëpisë./abcnews.al

taulant-balla.jpg
G. P.18:30 | 04/01/2019

Vit I Ri, shtëpi e re, kjo ka ndodhur me një familje të varfër në fshatin Çerçan të Librazhdit. Falë angazhimit të Bashkisë dhe donatorëve, familja Buzani ka mundur të sigurojë më në fund një strehë për fëmijët e tyre.

Viti i Ri ka gjetur me shtëpi të re familjen Buzani në Çerçan të Librazhdit, e cila jetonte në kushte mjaft të mjerueshme. Xhevat Buzani së bashku me bashkëshorten dhe tre fëmijët e tij jetonin në kushte të mjerueshme në një barakë. Angazhimi i Bashkisë së Librazhdit dhe donatorëve, bëri që Viti i Ri familjen Buzani ta gjejë në shtëpinë e re me kushte normale jetese. Kryetari i Grupit Parlamentar të PS, Taulant Balla dhe Kryetari i Bashkisë Librazhd uruan familjen Buzani për shtëpinë e re, ku nuk munguan dhuratat për fëmijët.

“Ju përsa i përket njësisë administrative Hotolisht besoj që kjo ishte një familje që ishte në kushtet më të vështira dhe ne do ta vazhdojmë këtë projekt. Kryetari i bashkisë me mbështetjen tonë do vijojë që në çdo zonë ku ka realisht familje që jetojnë në këto kishte të ndërhyjmë që të garantojmë të paktën dy dhoma me të gjitha kushtet minimale”, tha Balla.

Familja Buzani jetonte në barakë prej më shumë se 15 vitesh. Mungesa e të ardhurave kishte bërë që kjo familje të mos kishte asnjë mundësi për të siguruar një jetë më të mirë për fëmijët./abcnews.al

sesel.jpg
G. P.22:59 | 17/10/2018

Teksa presidenti i Kosoves ka hedhur idenë e rishikimit të kufirit me Serbinë, duke përfshirë brenda territorit të Kosovës është luginën e Preshevës, Kryetari i Partisë Radikale serbe Vojislav Sheshel ka deklaruar se do të blejë një shtëpi në qendër të Preshevës. Lajmi është shpërndarë menjëherë nga mediat serbe.

I ftuar në emisionin e mëngjesit të televizionit serb “Happy”. Kryetari i Partisë Radikale serbe, Vojislav Sheshel, deklaroi se ka në plan të blejë një shtëpi në qendër të Preshevës.

“Kam ndërmend të blej një shtëpi në qendër të Preshevës dhe nuk ka asnjë mënyrë që dikush të mund të më ndalojë! Do të ishte një kaos! Takimi im i parë me shqiptarët ishte me ata që prisnin dru, ku jetova, ata ishin njerëz të mirë. Kosova në përgjithësi mbetet në Serbi, është autonomia që mund të jetë një nivel më i lartë. Katër komunat serbe nuk janë vënë në dyshim. Ekziston një pronë homogjene serbe, përfshirë Gazivodën. Kopaonik është i mbrojtur, Trepça nuk është e mbrojtur tërësisht. Manastiret serbe, kishat dhe kishat janë shumë të rëndësishme. Komuna e Shtërpcës duhet të mbrohet në të gjitha mënyrat. Presheva, Bujanoci dhe Medvegja… as që mund të diskutohet për to”.

Mediat serbe kanë shpërndarë menjëherë lajmin, ndërsa titujt kryesorë sidomos të agjencive serbe të lajmeve online shkruanin: Shesheli kërkon shtëpi në qëndër të Preshevës: Shqiptarë, Vojvoda po vjen! Si dhe: Shesheli blen një shtëpi në qendër të Preshevës dhe kjo eshte porosia per shqiptarët!/abcnews.al

auto_policia.jpg
G. P.10:54 | 25/09/2018

Policia e Bulqizës ka ndaluar një 23-vjeçar i dënuar me “arrest shtëpie” nga Bulqiza i cili dyshohet se është autori kryesor për një vjedhje me armë në qytet.

Florenc Xheleku ishte shpallur në kërkim disa orë më vonë pasi ndodhi ngjarja më 22 Shtator.

Ai dyshohet se në bashkëpunim me dy persona  të tjerë, të maskuar kanë hyrë në banesën e A.M, 50 vjeç. Ata dyshohet se posedonin edhe armë  dhe pasi kanë kontrolluar për sende me vlerë,  janë larguar duke marrë automjetin tip “Benz” në pronësi të 50-vjeçarit. Më pas ky automjet  u gjet nga policia i braktisur.

Menjëherë pas ngjarjes, bazuar në informacionet  e shpejta të marra në rrugë operative si dhe mbi bazën e dyshimeve u ushtrua kontroll në banesën e këtij shtetasi i cili ishte me masë dënimi “Arrest në shtëpi”.

Autoritetet nuk e kanë gjetur në banesë këtë shtetas pasi ndodhi ngjarja. Policia e Bulqizës, ngriti pika kontrolli grackë, ku mbrëmjen e djeshme është kapur në afërsi të një lokali.

Në momentin e kapjes Xheleku  ka bërë rezistencë ndaj policëve dhe ka tentuar të largohet, por është prangosur.

Nndërkohë po vijon hetimi për identifikimin e personave të tjerë të implikuar në këtë ngjarje./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono