shtator

vlore-plazhi-1280x720.jpg
ent ela14:07 | 15/09/2019

Edhe në plazhet e Vlorës ka shumë pushues vendas dhe të huaj që e cilësojne shtatorin si muajin më ideal për të pushuar. Shtatori në Vlorë ka joshur mjaft të huaj. Temperaturat si në gusht dhe korrik kanë bërë që shumë pushues të mos largohen nga ky bregdet.

Të shumtët janë nga Ukraina dhe Polonia. Por edhe nga Bjellorusia. Thonë se Vlora është nga plazhet më të mira në Shqipëri.

Disa prej tyre janë për herë në parë në jug të Shqipërisë. Ndjehen mirë me qetësinë dhe pastërtinë e zonës.

Shtatori duket ideal për shumë pushues. Jo vetëm Vlora, por edhe plazhet e tjera në Shqipëri janë të populluara për shkak se temperaturat janë ende të larta.

Gazetar i ABC News, Vlorë: Elton Nika

vlora-terminal.jpg
ad min12:43 | 09/09/2019

Në portin e Vlorës është regjistruar fluks udhëtarësh që largohen. Emigrantët pasi përfunduan pushimet në atdhe po kthehen në vendet e tyre të punës. Ky fluks parashikohet të zgjasë deri në mesin e muajit Shtator.

Pasi shfrytëzuan temperaturat e larta dhe ditët e para të Shtatorit me diell për të pushuar kanë nisur të largohen. Këtë fillim jave në portin e Vlorës ka patur një fluks të emigrantëve që kthehen në vendet e tyre të punës. Orët e fundit kanë dalë rreth 600 persona me 200 automjete.

Festim Skendaj, shefi i përpunimit të trageteve në portin e Vlorës thotë se gjatë fundjavave punohet me dy tragete. Për sa i përket hyrjeve të muajit që lamë pas  Skendaj deklaron se Gushti ka regjistruar shifra që shkonin deri në 1000-1200 persona në ditë.

Përveç shqiptarëve që jetojnë e punojnë në Itali apo vendet e tjera të BE-së nga porti i Vlorës gjatë sezonit të verës kanë hyre edhe turistë të shumtë nga Anglia, Polonia apo Italia.

/ABC News Albania 24/7

pd.jpg
ad min22:25 | 03/09/2019

Partia Demokratike mund t’i rikthehet protestave kombëtare brenda Shtatorit. Ky ishte qëndrimi që kreu i PD, Lulzim Basha i komunikoi koordinatorëve demokratë në qarqe, pas përfundimit të urdhrit të firmosur prej tij për organizimin e partisë. Basha ka porositur funksionarët demokratë që të punojnë për anëtarësimet e reja dhe afrimin e individëve me kontribute historike në PD.

Krahas takimeve me ndërkombëtarët për të denoncuar qeverinë dhe zgjidhur krizën politike, Lulzim Basha është gati të nisë aksionin opozitar me në fokus protestat. Në përfundim të afateve urdhrit të firmosur në 12 Korrik për koordinimin e veprimtarisë politike brenda Partisë Demokratike, Lulzim Basha thirri në një takim pasditen e të martës të deleguarit e tij në qarqe për organizimin e partisë.

Për më shumë se 60 minuta, Basha diskutoi mbi organizimin e strukturave të PD dhe mundësinë e anëtarësimeve të reja në funksion të zgjerimit të partisë. Lulzim Basha mësohet të ketë deklaruar në mbledhje se opozita mund të thërrasë protesta kombëtare brenda shtatorit, por data kur ajo do të mbahet pritet të jetë produkt i takimit që do të zhvillohet me aleatët, kryesinë dhe Këshillin Kombëtar.

24 të deleguarit në qarqe kanë raportuar mbi gjendjen në degët që kanë mbuluar duke shprehur edhe pritshmëritë nga strukturat. Kreu i demokratëve, Basha ka kërkuar nga të deleguarit në qarqe që të ketë komunikim intensive me strukturat dhe evidentimin e personave me influencë në degë në kushtet kur vendi mund të shkojë drejt zgjedhjeve të parakohshme./ABC News Albania 24/7

KRONIKE-VAKANCA-NE-KLP_ABC-M4-T2.mpg_snapshot_00.07-1280x720.jpg
ent ela18:21 | 28/08/2019

Në fillim të shtatorit prokuroria e përgjithshme do të hap garën për antarë në Këshillin e Lartë të Krokurorisë. Vakanca në KLP u krijua pas shkarkimit të Gentian Osmanit nga Kolegji i Posaçëm i Apelimit. KLP tashmë ka në dorë vendimarrjen më të rëmndëshishme atë të rënditjes së 4 kandidatëve për prokuror të përgjithshëm. Ligji parashikon se në raste vakance kryerati ka dy vota.

Këshilli i Lartë i Prokurorisë mbeti me 10 anëtarë pas shkarkimit të Gentian Osmanit nga Kolegji i Posaçëm i Apelimit, më 31 korrik. Burime nga prokuroria e përgjithshmë konfirmojnë se në fillim të shtatorit do të hapet gara për të plotësuar KLP-në me anëtarin e 11. Largimi nga drejtësia i ish-prokurorit të çështjes “Tahiri” solli vakancë në KLP, organ i cili tashmë ka mbetur me 10 anëtarë. Kjo vakancë ka çekuilibruar balancat brenda Këshillit të Lartë të Prokurorisë, pasi ka në dorë vendimarrjen më të rëndësishme të rënditjes përfundimtare të 4 kandidatëve për Kryeprokuror të vendit. Nëse zëvëndësimi i Genatian Osmanit nuk bëhet, përpara se Këshilli i Lartë i Prokuroisë, të bëjë rënditjen e kandidatëve për Prokuror të Përgjithshëm, atëherë në bazë të ligjit kryetari i KLP-së ka dy vota. Akoma nuk është bërë e qartë se cila do të jetë lëvizja që do të bëjë qeveria e prokurorëve, do të pres antarin e ri, dhe më pas të dërgojë listen me kandidatët për kryeprokuror në kuvend, apo do të mblidhet në fillim të Shtatorit me vakancën dhe të bëjë rënditjen e 4 kandidtaëve. Të drejtë për të kandiduar për anëtarë në KLP e kanë vetëm prokurorët e shkallëve të para, pasi Osmani ishtë prokuror në Prokurorinë për Krime të Rënda. Do të jetë asambleja ajo që do të caktojë se kush do të jetë anëtari më i ri i Qeverisë së Prokurorëve.  Më herët KPA shkarkoi një tjetër anëtare të KLP-së Antoneta Sevdarin dhe asambleja e Prokurorëve vendosi që kandidati i vetëm në garë, Vatë Staka të bëhej pjesë e këtij këshilli. Një tjetër anëtar i KLP, i aknimuar nga Komisioneri Publik, është Besnik Cani, për të cilin ende nuk është caktuar një datë nga Kolegji i Posaçëm i Apelimit, se kur do ta zhvillojë për të seancën publike. /ABC News Albania 24/7

 

POLICI-1280x728.jpg
ad min17:30 | 08/08/2019

Seancat për Vetingun e kupolës se Policisë së Shtetit nuk do te nisin para Shtatorit. Fundi i korrikut dhe fillimi i gushtit ishte njoftuar më herët për nisjen tyre. por sipas burimeve nga ministria e Brendshme ende ka akoma pune. ABC News ka mësuar se po përgatiten dosjet voluminoze në lidhje me seancat e para dëgjimore që do të zhvillohen për kupolën drejtuese të Policisë së Shtetit.

Gjithashtu, disa nga e Anëtarët e Komisionit të Jashtëm ndodhen jashtë vendit si dhe kanë marrë pushimet verore, duke bërë që procesi të mos fillonte në fund të Korrikut. Vettingu në polici do të zhvillohet në të njëjtën mënyre dhe formë si Vettingu në Sistemin e Drejtësisë. Seancat do të jenë të hapura për publikun për 50 dosjet e drejtuesve me gradën më të lartë dhe vendin është përcaktuar “Pallati i Kongreseve”.

Në fazën e parë janë 250 oficere me gradat me te larta dhe  anëtarët e Komisionit të Jashtëm të Vlerësimit do të krahasojnë, vërtetësinë e deklarimeve të tyre për tre 3 kriteret e përcaktuara; aftësitë profesionale, pasuria dhe integriteti.

Qershori i vitit  2020 është përcaktuar si afati përmbyllës për Vettingun e 250 drejtuesve të lartë të policisë. Në total do të kalojnë në filtrat e Vettingut 13 mijë uniforma blu. Në dy fazat e tjera të Vettingut, dosjet e efektiveve blu do të shqyrtohen nga drejtuesit e SHÇBA-së dhe ata të policisë së Shtetit, të cilët kanë kaluar me sukses fazën e parë të Vettingut./ABC News Albania 24/7

albania-conde-nast-traveller-26april18-istock.jpg
ad min12:15 | 06/08/2019

Shqipëria është renditur në listën e 10 vendeve që ia vlejnë për t’u vizituar në SUhtator, për të kaluar pjesën e mbetur të pushimeve. Revista prestigjioze britanike “SI EN Trevëllër” u rekomandon pushuesve evropianë vendin tonë, për të zgjedhur mes alpeve dhe plazheve me ujin e kristaltë.

Pas Gushtit, Shtatori është muaji i fundit që mund të shijohet në mbyllje të sezonit të verës. Dhe nëse pushuesit që zgjedhin këtë muaj janë të pavendosur se ku të drejtohen për të kaluar ditët e relaksit, për të zgjidhur dilemat e tyre mendon “CN Traveller”.

Revista britanike ofron një listë me 25 vende ku pushuesit mund të shpenzojnë ditët e mbetura të pushimeve, mes të cilave, në vendin e 10 renditet Shqipëria. Vendi ynë rekomandohet për një sërë karakteristikash, duke filluar nga temperaturat, që sipas revistës variojnë nga 15 deri në 27 gradë Celsius. “Shqipëria mund të mos jetë “Kroacia e re”, por është një vend mjaft tërheqës”, shkruan revista në edicionin e saj online, ku thekson se për shumë kohë, “xhevahiri i Ballkanit” ka qendëruar jashtë radarëve të operatorëve turistikë.

Në shkrimin e saj revista sugjeron për të vizituar si Alpet shqiptare, ashtu edhe zonat bregdetare. “Mund të arratiseni fare mirë në rivierën shqiptare për rërë të artë dhe det të kristaltë”, shkruan “CN Traveller”.

Revista nënvizon se, në verë plazhet janë të mbushura me njerëz që arratisen nga Tirana për t’i shpëtuar vapës, por në shtator ato janë të qeta, ndërsa klima mbetet mesdhetare dhe Adriatiku i ngrohtë. Në renditjen e bërë nga revista, Shqipëria ka lënë pas vende prestigjioze, të njohura për reputacionin e tyre sa i takon turizmit, si Lisbonën, Ibizën, Sicilinë, Korfuzin, Santorinin, Barcelonën, etj./ABC News Albania 24/7

HAHN-NE-BEOGRAD-ABCM5T1.mpg_snapshot_00.24-1280x720.jpg
ent ela15:20 | 26/07/2019

Gjatë vizitës në Serbi, komisioneri i Bashkimit Europian Johanes Hahn u shpreh optimist për faktin se Shqipëria dhe Maqedonia e Veriut mund të hapin negociatat për anëtarësimin në BE në shtator.

Komisari i Bashkimit Evropian, Johanes Hahn, është në fund të mandatit. Por, ka arritur në Serbi për të diskutuar edhe një herë për politikën në Ballkan. Ai ka theksuar se është shumë e rëndësishme që Kosova dhe Serbia të ulen në tavolinën e bisedimeve për një zgjidhje të qëndrueshme dhe afatgjatë. Ai ka theksuar se kjo pritet të ndodh pasi të jetë qartësuar situata politike në Kosovë me zgjedhje. Progresi do të vlerësohet ashtu siç shpreson çeljen e negociatave për Maqedoninë Veriore dhe Shqipërinë.

Johannes Hahn, Komisioner i BE: “Nuk ka arsye për të humbur kohë dhe shpresoj të ndodhë brenda shtatorit si është paralajmëruar. Pa progress dhe një zgjidhje të qëndrueshme nuk mund të bëjmë asgjë. Progresi duhet vlerësuar sic është rasti i Maqedonisë së veriut dhe shpresoj që jepet një dritë jeshile edhe për Shqipërinë, që të hapë negociatat ashtu si kemi bërë me Serbinë dhe Malin e Zi”.

Serbia, ka thënë kryeministrja serbe, Ana Brnabiç, shpreson që Kosova do të rishqyrtoj disa vendime të sajat dhe se do të mund të kthehen sërish bisedimet. Sipas saj, pasojat e mungesës së tij vërehen dhe bashkëpunimi rajonal është e vetmja mënyrë për progres për qytetarët.

Ana Brnabic, Kryeministre e Serbisë: “Ne do t’i përgjigjemi cdo nisme në të cilën jemi të ftuar do të jemi aty dhe do të japim mesazhe pozitive për bashkëpunim të mëtejshëm dhe ripajtimin e popullit shqiptar dhe serb”.

Hahn ka takuar edhe presidentin Vuçiç në një takim jashtë publikut, kurse pavarësisht pozitave të reja që mund të ketë, ai do të angazhohet për Ballkanin sikurse edhe strukturat e ardhshme të BE-së. /ABC News Albania 24/7

 

fasada.jpg
ad min22:54 | 24/06/2019

Anëtari i komitetit të FSHF-së, Arben Dervishaj, deklaroi këtë të hënë gjatë emisionit “Pressing” të Gerti Çarçanit se punimet për stadiumin “Arena Kombëtare” vazhdojnë. Ai theksoi se Federata Shqiptare e Futbollit ka besimin se do arrijë t’i kapë afatet dhe ta përfundojë ndërtimin e stadiumit në Shtator.

“Në këto momente në “Arenën Kombëtare” vazhdohet të punohet për të arritur atë premtimin që është në Shtator do të jetë gati për të bërë ndeshjen me Islandën. Sot ne ishim përsëri në mbledhje, ishim me kompaninë dhe vetë presidentin për të diskutuar problematikat që ne kemi në lidhje me përfundimin e “Arenës Kombëtare”. Fasada është përfundimin e saj të plotë. Jemi në punimet e brendshme. Jo më larg se para një jave kishim ekipin e ekspertëve të Uefa-s që erdhën dhe check-uan gjithë punimet në stadium dhe nga ajo që panë ata ishin shumë të kënaqur për cilësinë dhe kushtet që kërkon një stadium i kategorisë së 4-ërt. Patën disa vërejtje, të cilat i kemi rregulluar dhe tani po vazhdohet me punimet për të kapur këtë afat. Ne themi se i kapim afatet. Punimet e brendshme kanë avancuar”, tha Dervishaj.

Megjithatë, Dervishaj tregoi edhe një problem që mund të pengojë procesin e punimeve.

“E vetmja gjë që mund të na pengojë dhe që nuk varet nga ne është sheshi para stadiumit. Sheshi përpara stadiumit ka një projekt që është bërë nga ana e bashkisë rreth 200 automjete. Aty do prishet ai objekti 3-katësh dhe do hapet sheshi do bëhet pedonal. Do kenë punime që do kërkojnë kohën e duhur dhe ndoshta ne do na pengojnë për pjesën e Shtatorit. Ne në datë 15 korrik fillojmë punimet për fushën dhe largohen të tëra skelat. Na duhen vetëm 1 muaj që fusha të jetë gati për t’u luajtur. Kemi rënë dakord me përfaqësuesit e Uefa-s që të kemi një kontroll nga ana e tyre me 15 Gusht dhe në shtator stadiumi do jetë gati”, tha Dervishaj.

Përpara se kombëtarja të zhvillojë ndeshje zyrtare në “Arenën Kombëtare”, aty do të luhet një ndeshje kontrolli. Devishaj tregoi se mund të luhet edhe superkupa e Shqipërisë për të shikuar defektet dhe problematikat që mund të hasen./ABC News Albania 24/7

48560210_403.jpg
ent ela13:10 | 30/05/2019

Zëvendësi i kryetarit të grupit parlamentar të Angela Merkel në Gjermani, Johann Wadephul ka deklaruar se Shqipëria nuk ka përmbushur kushtet e vendosura një vit më parë për të hapur negociatat me bashkimin Europian, duke dalë kundër raportit të komisionit, por edhe qëndrimit të ministrit gjerman për Europën.

Zëvendëskryetari i grupit parlamentar CDU/CSU, njëherazi kryetar i grupit parlamentar të Ballkanit Perëndimor, Johann David Wadephul,ka thënë për Deutche Ëelle se vendi i tij do të marrë kohën e nevojshme për të shqyrtuar pozicionin e Shqipërisë sa i përket integrimit europian, gjë për të cilën ekziston një marrëveshje me grupin parlamentar socialdemokrat për t’u trajtuar në shtator të këtij viti.

“Një shqyrtim i këtillë nuk mund të bëhet me nxitim, Ndaj Bundestagu gjerman do të mund të vendosë vetëm në fund të shtatorit për çeljen e negociatave të anëtarësimit, sikurse është rënë dakord me kolegët e grupit parlamentar socialdemokrat”.

Por sipas një analize fillestare, Wadephul nuk e njeh progresin për të cilin flet raporti i Komisionit Europian.

“Sipas një analize fillestare Shqipëria deri më tani nuk ka arritur të përmbushë asnjë nga kushtet e vendosura nga ministrat e jashtëm të BE-së, më 26 qershor 2018. Nuk janë krijuar ende as organi i posaçëm antikorrupsion e as Byroja kombëtare e Hetimit. Ka përparime në nivelet e ulëta dhe të mesme në luftën kundër korrupsionit. Por ka shumë pak procedura gjyqësore për raste korrupsioni të nivelit të lartë dhe asnjë dënim. Kjo ishte një nga kërkesat e ministrave të jashtëm të BE-së, në qershor të vitit 2018”.

Ky qëndrim vjen përkundër atij të ministrit gjerman për Europën, Michael Roth, i cili kërkon hapjen e negociatave me Shqipërinë, si u premtua një vit më parë.

Për të dhënë një po për çeljen e negociatave, qeverisë gjermane i duhet më parë opinioni i shumicës së deputetëve gjermanë. Sipas burimeve të DË në Berlin, ditët e fundit ka pasur shumë ecejake për ta bindur Parlamentin gjerman ta trajtojë këtë çështje në fillim të qershorit, kërkesë e cila nuk është pranuar nga konservatorët atje, si raporton DW. /ABC News Albania 24/7

 

tirane-durres.jpg
ent ela21:47 | 16/05/2019

Autostrada Tiranë – Durrës do të jetë me pagesë, por tarifa që do të paguajnë qytetarët në këtë aks nuk është vendosur ende. Ministria e Infrastruktures thotë se gara për të zgjedhur konçesionarin do të hapet në shtator dhe trau i pagesës do të vendoset vetëm pas zgjerimit dhe rehabilitimit të autostradës.

Autostrada Tiranë-Durrës do të bëhet me pagesë.  Kjo do të ndodhe vetëm pasi ajo të jetë zgjeruar dhe segmenti rrugor nga Tirana në Plepa të ketë përfunduar së rikonstruktuari.

Vlera e tarifës nuk është vendosur, ndërkohë që në vjeshtë Ministria e Infrastrukturës dhe Energjisë do të hapë garën për të përzgjedhur kompaninë e cila do ta marrë me konçesion.

Fituese sipas Ministrisë do të zgjidhet kompania që ka bërë ofertën më të mirë, si për cilësinë e rrugës, ashtu edhe për nivelin e taksës për automjetet që do të kalojnë aty.

Ndryshe nga koncesioni i mirëmbajtjes së rrugës së Kombit, pagesa për autostradën Tiranë – Durrës do të bëhet në bazë të kilometrave që do të përshkojë automjeti.

Mendohet që rruga të ketë 3 dalje të tjera veç hyrje –daljeve krysore në Tiranë e Durrës: një në aksin që të lidh me aeroportin, një në Vorë dhe një tjetër në afrësi të Sukthit.

Në 2018-ën një kompani indiane e përfaqësuar në Shqipëri nga firma “Albstar” dhe “Trema inxhiering” dorëzoi një ofertë të pakërkuar për të zgjeruar autostradën e më pas për të rehabilituar rrugën e vjetër të Ndroqit, e cila nuk do të jetë me pagesë dhe do të jetë si një segment alternativ.

Qeveria ende nuk ka dhënë një bonus për këtë ofertë.

Kostoja e zgjerimit të autostradës që u propozua nga kjo kompani ishte 380 milion euro, para të cilat do të jepen nga kompania dhe do të mblidhen më pas sipas një formule, ku një pjesë do t’i japë buxheti i shtetit e një pjesë do te sigurohet nga tarifa që do të vilet.

Në bazë të një studimi fizibiliteti të kryer nga Banka Europiane për Rindërtim dhe Zhvillim, rekomandohet që tarifa për një kalim në këtë aks prej 34 kilometrash të jetë 1.2 euro. /ABC news Albania 24/7

 

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono