shqiptarin

meccanico-696x360.jpg
Sej rie09:00 | 28/06/2019

Tetë vjet burg për italianin Carlo Diana, një mekanik në Villa Literno, i cili natën mes 20 dhe 21 Marsit të vitit 2016 kishte qëlluar dhe vrarë një hajdut shqiptar. Ai kishte hyrë në shtëpinë e mekanikut bashkë me dy persona të tjerë dhe në momentin kur italiani ka qëlluar ata ishin në përpjekje për të vjedhur makinën.

Dënimi ndaj mekanikut italian u dha nga gjyqtarët e Gjykatës së Assizes të Napolit. Carlo Diana ishte hetuar nga zyra e prokurorisë së Napolit për “vrasje vullnetare në kushtet e vetëmbrojtjes”, pas vdekjes 37- vjeçarit me origjinë shqiptare, me precedentë të shumtë për krime kundër trashëgimisë. Shqiptari kishte mbetur i varrë nga të shtënat, ndërsa italiani e posedonte ligjërisht armën.

Hajduti u la në tokë nga dy bashkëpunëtorët e tjerë, të cilët arritën të largoheshin nga shtëpia ku jetonte Carlo Diana me familjen. Lajmi u raportua nga Mattino./abcnews.al

kanabisi.jpg
Sej rie11:15 | 25/06/2019

Një i ri shqiptar i dënuar për prodhim kanabisi në Alfreton Road, Nottingham, Britani kërkon që të depërtohet drejt Shqipërisë. Avokati i 27-vjeçarit tha se klienti i tij G. Xh. ka pasur një rol të vogël dhe kërkesa e tij e vetme është të kthehet në Shqipëri.

Policia kishte shkuar të bënte kontrolle rutinë për një rast vjedhje, kur zbulon një fabrikë kanabisi. Në një banesë efektivët gjetën 428 bimëve, ku nga shitja e tyre do të përfitohej nga 100 000 deri në 300 000 euro.

Gjatë bastisjes së policisë kishin qenë tre djem, të cilët kishin dalë nga ana e pasme e banesës ku dy prej tyre arritën të arratiseshin ndërsa njëri ra në pranga të policisë.

I vetmi që u kap ishte G. Xh., një emigrant shqiptar, i cili kishte hyrë ilegalisht në Britani nga ana e pasme e një kamioni.

Ai si fillim kishte punuar në një lavazh makinash dhe më pas si kopshtar në një ndërtesë me kanabis ku kujdesej për lëndën narkotike.

Ai kishte për të shlyer një borxh prej  4.000 dollarë, pasi kishte për të paguar funeralin e gjyshit të tij.

Prokurori Jonathan Straw, tha se G.Xh., i cili ishte asistuar nga një përkthyes shqiptar në bankën e të akuzuarve, ishte i pajisur me dokumentacione me emra të rremë.

“Njëri dokumentacion ishte italian”, tha Straw. Sipas tij është pranuar se roli i shqiptarit ishte ai i kopshtarit, por akoma nuk është provuar nëse ai ishte i detyruar nga presioni dhe kërcënimet që të punonte aty.

Ai ndër të tjera theksoi se shtëpia dykatëshe me xhama ishte kthyer në “një fabrikë e rëndësishme për prodhimin e kanabisit”.

Bimët ishin “të gjitha fazat e pjekurisë”, tha ai, dhe dhomat ishin rresht, ndriçimi ishte i bollshëm dhe për të ndihmuar rritjen e bimëve dhe kopshtarët i ujisnin.

27-vjeçari me qëndrim në Alfreton Road, sipas avokatit të tij, Steve Gosnell,  “kryerjen e një funksioni të kufizuar”, dhe shtoi se klienti i tij “vetëm dëshiron të kthehet në Shqipëri”.

Gjykatësi James Sampson e ka dënuar shqiptarin me 20 muaj burg.

“Nëse është e përshtatshme për ta bërë këtë, unë kërkoj deportim”,  tha 27-vjeçari nga banka e të akuzuarve./abcnews.al

636890-thumb-full-720-050519torinobardistrutto_-1280x720.jpg
Sej rie21:30 | 05/05/2019

Një shtetas rumun ka shkatërruar gjithçka në lokalin në pronësi një shqiptari në Itali. Ngjarja ka ndodhur natën e 29 Prillit në Torino. Fillimit rumunin e kishin larguar nga lokali pasi ishte i dehur, por për t’u hakmarrë ai ishte rikthyer dhe kishte kthyer gjithçka përmbys.

Pamjet filmike të agresivitetit dhe dhunë së ushtruar nga rumuni janë bërë publike nga policia italiane. Gazeta “La Stampa”, raporton se pas kthimit në lokal ai kishte qenë i armatosur me një pistoletë, ndërsa me një shufër hekuri ai shkatërroi gjithçka në lokal.

Përveç rrahjes së pronarit, rumuni goditi me shufër mbi banak, mbi gota, mbi derën e xhamit. Autoritet raportojnë për dëme të konsiderueshme materiale nga shkatërrimi i kryer. Constantin Capraru 39-vjeç pa një vendbanim fiks në Itali u hakmor pasi pretendoi se e kishin larguar me pa të drejtë nga lokali. Shqiptari i dëmtuar arriti të njoftonte në kohë policinë, e cila  arrestoi 39-vjeçarin. Pas sulmit 32- vjeçari shqiptar u dërgua në spital për trajtim mjekësor dhe gjendja e tij shëndetësore sipas doktorëve paraqitet e stabilizuar.

Por shqiptari i përfshirë në konflikt në një interviste për abcnews.al sqaron të vërtetën e ngjarjes së  29 Prillit duke hedhur poshtë pretendimet e mediave italiane se kishte mbetur i dhunuar nga rumuni. Shqiptari ka shtuar se  gjithçka kishte nisur pas një lidhje intime mes bariste  (rumune) dhe  bashkëkombësit të saj, 39 vjeç Constantin Capraru. Ai shprehet se në momentin që ka ndodhur ngjarja në lokal ishin disa klientë dhe baristja, kjo e fundit e ka njoftuar për shkatërrimin e lokalit që po bënte rumuni.

Abcnews.al: Mediat italiane shkruajnë se ju jeni dhunuar nga rumuni. Si është e vërteta?

Shqiptari: Lajmi në mediat italiane është i gabuar.  Mua nuk më ka prekur njeri me dorë.  E vërteta është se ai rumuni është akoma në spital që prej datës 29 Prill. Unë nuk kam qenë aty kur ka ndodhur ngjarja, por më ka lajmëruar baristja dhe kam shkuar aty menjëherë. Rumuni kishte thyer gjithë xhamat e lokali po unë ati i kam thyer brinjët.

Abcnews.al: Çfarë ndodhi konkretisht natën e 29 Prillit në lokalin tuaj?

Shqiptari: Karabinieri më tha që të deklaroi që më ka qëlluar edhe ai mua që mos kisha problem me shtetin pasi ai është në gjendje të rëndë shëndetësore. Kështu tha ti del pa problem se je vetëmbrojtur. Prandaj kanë shkruar kështu mediat italiane. Thjesht për këtë, por e vërteta është se karabinieri e ka gjetur si në fotot që iu kam dërguar. Rumuni ka 2 muaj që ka ardhur si klient në lokalin tim. Klientët tjerë më kanë thënë disa herë se ai sillet si ka dëshirë në lokalin tim, kur unë nuk isha prezent.  Disa herë e kam larguar nga lokali duke i thënë se nuk të dua si klient në lokalin tim, pasi më kanë thënë se nuk je duke u sjellë mirë. Natë e 29 Prillit unë kalova nga lokali në orën 01: 15 minuta dhe e gjeta aty. (Për intervistën e plotë klikoni këtu)/abcnews.al

1556438063-7388198-1280x960.jpg
Sej rie19:21 | 29/04/2019

Katër shqiptarë më 26 Prill kishin hyrë për të grabitur një shtëpi në Monterotondo, Itali. Por planet nuk u kishin shkuar si duhet dhe për pasojë njëri prej tyre ka mbetur i plagosur. Ishte djali i familjes italiane ai i cili plagosi hajdutin shqiptar. I plagosuri mbeti një 16 vjeçar shqiptar ndërsa autor është  Andrea Pulone, 29 vjeç.

“Ne kemi një detyrim për të mbrojtur të dyshuarin që plagosi shqiptari”, është shprehur sot  kryeprokurori i Tivolit, Francesco Menditto.

“Hetimi ynë gjithashtu synon të identifikojë autorët e tjerë të tentativës së vjedhjes. Disa minuta më parë kam dëgjuar se i riu i plagosur ka dalë nga gjendja kritike për jetën. Ky padyshim është një lajm i mirë”, tha më tej kryeprokurori.

Bazuar në atë që është mësuar, hetuesit kanë rindërtuar dinamikën e fakteve. Ndërsa ditët në vijon do të merret edhe dëshmia e të lënduarit.

Ndërsa sot karabinierët kanë gjetur  makinën që përdori banda për të hyrë në shtëpinë e Monterotondos në periferi të Romës të premten në mbrëmje. Por kjo grabitje nuk arrit të finalizohej pasi hajdutët shqiptarë u përballën me djalin e pronarit të banesën, i cili qëlloi dhe plagosi një nga grabitësit, një 16 vjeçar me origjinë shqiptare.

Ndërsa hetimet tashmë janë përqendruar në makinën e gjetur për të zbuluar gjurmë të lëna nga autorët, të cilat mund të çojnë në identifikimin e tyre.

Automjeti ishte marrë me qira dhe në tentativën për grabitje thuhet se kanë qenë të përfshirë 4 persona.

Ishte ora 19:00 kur një telefonatë shkoni në numrin112: “Hajdutët hynë në shtëpinë time, më duhej t’i qëlloja, por unë nuk mendoj se i kam vrarë”.

Ai që tha këtë fjalë ishte Andrea Pulone, 29 vjeç, shumë i njohur në Monterotondo, sepse ai drejton një lokal, është dhe pjesë e një shoqate, konsiderohet një djalë shumë i mirë, babai i tij është një astrofizikant i njohur, nëna e tij është kandidate për këshillin bashkiak me koalicionin e qendrës. Në orën 7:40, 30 kilometra nga Monterotondo, një makinë ndalon para dhomës së urgjencës Gemelli dhe la një person të plagosur, pastaj iku.  Më pas një telefonatë anonime kishte njoftuar babanë e të lënduarit: “Djali yt është tek Gemelli”.

Çfarë ndodhi në vilën e Monterotondos, në një zonë banimi, ku vitet e fundit ka pasur shumë vjedhje në shtëpi?

Prindërit e Pulone kishin shkuar për pushime në Portugali. Grupi, i cili mund të ketë qenë duke mbikëqyrur lagjen, ka menduar se në shtëpi nuk kishte njeri.  Ata hynë nga një derë anësore në oborr, hoqi grilën mbrojtëse dhe hynë në banesë.

Andrea kishte qenë në katin lart dhe ishte frikësua sepse bashkë me të ishte edhe  dashura e tij. Ai mori armë, të cilën e kishte me dokumentacion, një Glock 21 kalibrit 45. Ai zbriti, dhe i kërkoi grupit të vjedhësve të largohen, por ata nuk iu bindën. Ai në ato momente kishte menduar edhe për fakti se kishte të dashurën e tij lart dhe kishte qëlluar 5 herë. Ai kishte tentuar të trembe bandën e grabitësve, por ai nuk kishte vënë re se njërin nga grabitësit e kishte qëlluar në bark.

Ata të tre nuk ishin të armatosur por thjesht kishin në duar mjete të cilat i përdornin për grabitje. Ata më pas ishin largua nga një maminë në të cilën ishte një bashkëpunëtor i 4 që i priste. Ata e dërguan në qendrën shëndetësore në Gemelli djalin e lënduar dhe më pas ishin larguar. Si pasojë e plagës së marrë adoleshenti shqiptar i ishte nënshtruar një ndërhyrje kirurgjikale dhe për pasojë ka dalë me sukses. Ndërsa dosja për këtë ngjarje tashmë është në duart e Prokurorisë në Romë./abcnews.al

0_Suad-Sufaj.jpg
Sej rie22:00 | 14/04/2019

Një shqiptar është dënuar me 12 vite burg nga drejtësia britanike. Bëhet fjalë për 26-vjeçarin Suad Sufaj, i cili është ndalur nga policia më 26 Shtator të vitit të kaluar. Atij iu gjet dhe sekuestrua në banesë dhe makinë një sasi prej  9.5 kg kokainë, vlera e së cilës arrite në  gati 1 milion dollarë. Suad Sufaj, 26 vjeç, u ndalua nga policia ndërsa udhëtoi në një makinë përgjatë rrugës Bowes Road, në Enfield, në veri të Londrës. Shqiptari u deklarua fajtor për tregtim të lëndës narkotike dhe u dënua nga gjë gjykatë në Britani. Pas dënimit të tij Sufaj do të deportohet drejt Shqipërisë./abcnews.al

 

policia-4-1280x645.jpg
ent ela12:30 | 09/04/2019

Një korrier shqiptar që transportonte rreth 600 gram kokainë, e cila mund të arrinte vlerën mbi 50,000 euro, u arrestua nga policia e Raguzës. Agjentët e ndaluan atë pasi i bënë një kontroll çantës së tij në terminalin e autobusave Scicli, ku ai kishte ardhur me autobus nga një rajon tjetër.

Agjentët vunë re disa të huaj me origjinë shqiptare, prandaj të gjithëve iu kërkua të tregonin dokumentet dhe iu kontrolluan çantat. Pas kontrollit shqiptari u arrestua pasi në një zarf të gjetur në çantën e tij iu sekuestrua lënda narkotike. Ai tashmë është lënë në paraburgim në dispozicion të autoriteteve ligjzbatuese./abcnews.al

4858211_artikeldetail-bild_1sFghC_pFEr4I.jpg
G. P.20:42 | 04/04/2019

Dy vjet pas vrasjes së një të riu shqiptar në Gjermani, gjykata e qarkut në Ulm dënoi një nga dy autorët e dyshuar me burgimi të përjetshëm. Sipas gjykatësit Gerd Gugenhan motivi i vrasjes ishte gjakmarrje, pasi dy familje shqiptare ishin në hasmëri me njëra tjetrën prej kohësh. Por avokati mbrojtës i të pandehurit është shprehur se krimi është kryer nga personi tjetër i shpallur në kërkim i quajtur me pseudonimin Don. Për gjykatësin kjo nuk kishte rëndësi pasi i pandehuri dhe njeriu tjetër kishin bashkëpunuar në vrasje.

Viktimë mbeti 19-vjeçari Xhoi Musaj, dhe autori i dënuar është një 47-vjeçar nga Shqipëria, identiteti i të cilit nuk behet i ditur. Edhe pas mbylljes së hetimeve gjermanët e mbajnë sekret emrin për shkak të ndonjë vrasjeje tjetër, raporton media gjermane main-echo.de. 

Ngjarja ka ndodhur në Prill të viti 2017, ku trupi i të riut u gjet në liqenin e qytetit të Erbach më 24 Maj 2017. Sipas ekspertizës viktima ishte goditur me çekiç e më pas e kishin hedhur në liqen. Sipas mediave gjermane të cilat i referohen hetimeve krimi kishte ardhur si pasojë e gjakmarrje. Mediat gjermane shkruajnë se fillimisht i pandehuri ka joshur 19-vjeçarin duke u prezantuar me një identitet fals. Sipas të dhënave që ka mbledhur prokuroria dhe i ka faturuar në dosjen e vrasjes së të riut shqiptar, vetëm 19 vjeç, mësohet se vrasja ka ndodhur jo nga një person po të paktën nga dy.

Motivi

Sipas gjykatësit Gugenhan, spiralja e hakmarrjes që çoi në vrasjen e 19-vjeçarit Xhoi M., kishte filluar që në vitin 2000. Në atë kohë, në qytetin e Elbasanit, një burrë ishte qëllua për vdekje pas një debati për një borxh. Autori i krimit ishte dënuar me disa vite burg në Shqipëri. Ndërsa i riu shqiptari i vrarë në prill 2017 në Erbach ishte nipi i këtij njeriu. Sipas aktakuzës, personi i dënuar në Gjermani ishte gjithashtu i prekur nga hakmarrja përmes lidhjeve familjare.

Vrasja

Në fillim të Majit është gjetur një kufomë në liqenin Anglersee të qytetit gjerman Erbach. Fillimisht kufoma ishte zbuluar nga dëshmitarët që alarmuan policinë, ndërsa më pas nga rezultatet e ADN-së u identifikua edhe identiteti i viktimës, i cili u tha se ishte Xhoi Musaj nga Shqipëria, 19 vjeç, shkruante aso kohe “BILD”. Pas hetimeve disamujore më në fund grupi hetimor i përbërë prej 30 vetash ka arrestuar një 46-vjeçar, i cili dyshohet se është vrasësi i 19-vjeçarit. Agresori fillimisht kishte dhunuar viktimën dhe më pas kishte gjasa që nga plagët e marra të kishte ndërruar jetë Musaj. Xhoi Musaj sipas të dhënave kishte jetuar në Steinfurt të Nordrhein-Ëestfalen. Gjithashtu në mes tëPprillit miqtë e tij kishin dëshmuar se ai kishte qenë gjallë pasi kishin qëndruar me të. Policia aso kohe tha se do të shpërblejë 3000 euro atë i cili ndihmon në zbardhjen e vrasjes së Xhoi Musajt, djal që thuhet se ishte me origjinë nga Elbasani./abcnews.al

35ffee207bb26207bd5423bca2a8a7b1.jpg
ent ela22:30 | 24/02/2019

Një shqiptar i Kosovës i identifikuar si Jeton N. 42-vjeç, është kapur nga policia në Austri gjatë një kërkimi në shkallë të gjerë, ku u desh edhe ndërhyrja me helikopter.

Ai akuzohet se ka plagosur dy rumunë, ku njëri prej tyre është në gjendje të rëndë. Ngjarja ka ndodhur në një kopsht shtëpie në Amstetten, të Austrisë.

42-vjeçari shqiptar i Kosovës goditi me pistoletë një 41 vjeçar rumun në stomak, si dhe plagosi lehtë një 25-vjeçar tjetër po rumun.

Pastaj Jeton N. u arratis, por u kap nga policia vetëm 70 minuta pas vrasjes. “60 zyrtarë dhe një helikopter policie ndërhynë në arrestimin e tij”, raportoi zëdhënësi i policisë Heinz Holub.

Të tre burrat e njihnin njëri-tjetrin. Dyshimet janë se sherri mund të ketë ndodhur për një femër ose për arsye parash. Aktualisht, pritet që i dyshuari të merret në pyetje dhe të zbulohet edhe motivi i kësaj ngjarje.

Por shqiptari nuk flet mirë gjermanisht dhe është kërkuar ndihma e një përkthyesi. 42-vjeçari nga rrethi i Shën Pölten është ende në paraburgim. 41-vjeçari rumun është operuar në spital dhe është në gjendje kritike, ndërsa 25-vjeçari u largua me lëndime të lehta./abcnews.al

AVTJZLBK2392-U10101667576285ve-252x215-U10101815399988fMH-318x230-U10102434928018nO-186x160-U11101854263754zyC-U11101868429132juB-252x152@LaStampa-SAVONA.jpg
ent ela21:47 | 24/02/2019

Katër të rinj kanë rënë në pranga të policisë italiane, mes tyre edhe një shqiptar. Ata akuzohen si anëtarë të një bande e cila vidhte paratë e  pensionistëve në Itali. Sipas mediave italiane, fotot e postuara nga të rinjtë në “Instagram”, bënë që policia të binte në gjurmët e tyre.

Ata ishin paraqitur përpara të moshuarve si agjentë biznesi, por në fakt ata i mashtronin dhe u merrnin të gjitha kursimet. Me paratë ata kishin bërë “çmenduri” duke blerë rroba dhe çanta në dyqanet e Louis Vuitton. Policia me të parë foto e tyre në rrjetet sociale ia ka treguar një të moshuare, e cila i ka identifikuar menjëhërë. 85-vjeçarja kishte rënë pre e bandës. Por jo vetëm blerjet e  çmendura, të rinjtë kishin shkuar për pushime në Greqi, si dhe kishin drekuar në restorante luksoze me shampanjë.

Banda e “agjentëve të biznesit”, akuzohet nga policia për të paktën 30 raste grabitjesh. Në burg përfunduan Lorenzo Lazaj, 21-vjeç me origjinë nga Shqipëria por prej vitesh jetonte në Itali, David Giallombardo, 31-vjeç i lindur në Torino, por banues në Genoa, Olha Stelmakh, 24-vjeç nga Kievi dhe Marco Signorin, 29 vjeç.  Ata ishin anëtarët të bandës e cila vepronte nga Genoa në Torino./abcnews.al

image.jpeg
G. P.20:25 | 08/02/2019

Një fabrikë e madhe kanabis që përmban rreth 1,000 bimë është zbuluar nga policia e Corby, në Britani. Një shqiptar që kujdesej për lënden narkotike me të parë policinë ishte përpjekur të arratisej nga dritarja e ndërtesës ku rriteshin bimët. Por policia arriti ta ndalonte atë.

Brenda ndërtesës oficerët gjetën tre dhoma të mëdha me bimë kanabisi, në faza të ndryshme të rritjes. Lënda nartotike rritej në saj të një teknoligjie të larë ku kishte shumë ndriçim. Ndërsa banesa ishte shumë luksoze dhe personi që merrej me kujdesin për lëndën narkotike i kishte të gjitha kushtet. Kishte një shtrat, lavatriçe, furrë, frigorifer dhe një tharëse rrobash.

Peter Winterflood tha: “Është një fabrikë e madhe. Dikush ka bërë një investim të rëndësishëm këtu. Ka dhjetëra mijëra paundë pajisjeve dhe qiraja e banesën është e lartë. Ne jemi të kënaqur që kemi bërë një arrestim, pasi hetimi ynë tani mund të shkojë më tej. Shpesh në raste të tilla, nuk ka njeri në ambientetet kur policia bastis”./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono