shqiptari

policia-greke-2.jpg
ger ta18:09 | 26/02/2020

Një 55-vjeça shqiptar është gjetur i vdekur të shtunën në një depo në fshatin Shën Seraphim të komunës Kamena Vourla, në Greqi.

Sipas mediave greke ishte një burrë që gjeti një njeri të vdekur dhe njoftoi policinë. Të dhënat e para tregojnë se trupi ka qenë i gjakosur  në fytyrë, i cili po ekzaminohet nëse vdekja mund të ketë ardhur si pasojë e rënies nga lartësia, apo bëhet fjalë për një ngjarje kriminale.

Ndërkaq, policia ka nisur hetimet për zbardhjen e plotë të ngjarjes, ndërsa mjekësia ligjore do të bëjë ekspertizën. /abcnews.al

oronavi.jpg
ger ta18:24 | 24/02/2020

Një emigrant shqiptar në Itali ka rezultuar negativ nga koronavirusi. Shqiptari i është nënshtruar analizave mjekësore, i dyshuar si person i infektuar.

Ai ka kërkuar ndihmë mjekësore në spitalin e Avellinos pas një qëndrimi prej disa ditësh në Verona. dhe kolla e fortë që e kanë çuar në dyshimin e prekjes nga koronavirus.

Stafi mjekësor i spitalit të Avellinos ka kryer të gjitha ekzaminimet e rastit e fatmirësisht shqiptari doli negativ. /abcnews.al

aksidenti-shba3.jpg
eri Ida10:17 | 19/02/2020

Një 52 vjeçar shqiptar ka humbur jetën tragjikisht Nju Xhersi të Shteteve të Bashkuara të Amerikës. Mediat amerikane raportojnë se shqiptari Nuri Kaloshi, i cili teksa ishte duke drejtuar motorin e tij Kaëasaki, u godit nga një kamion plehrash.

Kaloshi ishte i apasionuar pas motorave të shpejtë dhe në postimet e tij në rrjetet sociale bie në sy kjo gjë.

Djali i viktimës ka bërë një postim prekës në Facebook, ku mësohet se viktima vetëm dy javë më parë ai kishte ardhur në Shqipëri për të përcjellë në banesën e fundit nënën e tij.

Postimi i djalit në Facebook:

“Për këdo që e lexon këtë, me zemër të copëtuar ju njoftoj se dje, 17 shkurt 2020, babai im Nuri Kaloshi u përfshi në një aksident me motor rreth orës 3 të mëngjesit. Ai për fat të keq ka humbur jetën. Babai im do të mbahet mend gjithmonë dhe do ta duam pafund. Të dua shumë babi dhe e di që na po shikon të gjithëve si engjëll që je. Pusho në copa babi me Nanën”.

Për vdekjen e 52 vjeçarit kanë shkruar gjithahstu dhe familjarë të tjerë të cilët theksojnë se humbja e tij është shumë e vështirë për tu pranuar./abcnews.al

deniii-1280x689.jpg
eri Ida08:15 | 19/02/2020

Një shqiptar që jetonë në ShBA nga ABC e Mëngjesit ka treguar dëshirën që ai ka që ta promovojë sa më shumë Shqipërinë.

Studenti Deni Hoxha i cili ka vite që jeton në Amerikë është shprehur se dëshira më e madhe e tij dhe një grupi tjetër të vogël studentesh me origjinë shqiptare ose shqiptarë-amerikan është që të japin kontributin e tyre në promovimin e vlerave të Shqipërisë.

Përmes një organizate që ato kanë themeluar në universitet herë pas herë bëjnë pjesë dhe personazhe të ndryshëm të famshëm shqiptarë ose jo për të bërë sa më shumë seminare apo leksione të hapura ku ato flasin për historitë e tyre të suksesit në fushën e biznesit.

“Në Harvard jemi gati 10 student me origjinë shqiptare dhe shqiptare amerikan, dhe meqë në universitet nuk kishte një organizatë të tillë atëerë ne vendosëm që ta bëjmë të mundur një gjë të tillë për ta bërë të mundur promovimin e Shqipërisë. Ideja e organizatës sonë është që persona të ndryshëm që merret me promovimin e Shqipërisë përmes historive të tyre të suksesit për të promovuar ssa më shumë vendin dhe për të bërë pjesë të organizatës dhe pjestarë të tjerë që nuk janë shqiptarë,” tha studenti shqiptar në amerikë.

Ndërkoë pyetjes së Enkel Demit se si funksionojnë tubime të tilla për të promovuar sa më mirë Shqipërinë, Deni ka theksuar se çdo gjë në shumicën e rasteve bëhet në formë leksioni të hapur, pyetje përgjigje.

“Formati ndryshon, ai mund të jetë në formë diskutimi ose jo, është një format që mund të drejtohet përmes pyetjeve ose është një format pyetje përgjigjë. Është dhe vete universiteti i Harvardit që herë pas here na promovon dhe përmes këtij promovimi ne kemi dëshirë jo vetëm të vijnë shqiptar pir edhe figura sa më të njohura”, është shprehur Deni.

Këtë mëngjes me Enkel Demin ai ka treguar eksperiencën e tij jo vetëm si student por edhe përfaqësues i një shoqate shqiptare në Harvard ku përpiqet që të promovojë sa më shumë te të huajt Shqipërinë./abcnews.al

NRW-Moers-Autorennen.jpg
Autor E09:42 | 18/02/2020

Një garë me makina mes dy të rinjve la të vdekur një grua në Gjermani. Të rinjtë kanë marrë dënimet përkatëse një ditë më parë nga gjykata e landit Kleve.

Njëri prej të dënuarëve është një 22 vjeçar nga Kosova.

Edhe trupi gjykues e ka ndjekur qëndrimin e prokurorisë, duke i shqiptuar personit të akuzuar dënimin me burg të përjetshëm, shkruan dpa.de

Për të pandehurin e dytë, shtetas gjerman, i cili po drejtonte makinën tjetër në garë, prokuroria kishte kërkuar një dënim me kusht dy vjet për pjesëmarrje në një garë të ndaluar të makinave, me pasoja fatale. Por, gjykata e ka dënuar atë me 3 vjet e 9 muaj burg. Prokurori kishte kërkuar vetëm 2 vjet me kusht!

Shtetasi kosovar dhe ai gjerman, në prillin e kaluar (2019) kanë zhvilluar një garë në zonën e tyre të banimit, në Moers afër Duisburgut, me makinat e tyre 550 dhe 600 kf. 22-vjeçari kosovar qe përplasur me makinën e vogël të një gruaje, transmeton albinfo.ch. 43-vjeçarja qe katapultuar jashtë makinës dhe kishte vdekur pas tri ditësh. Sipas ekspertizës, makina, shkaktare e aksidentit kishte zhvilluar shpejtësinë deri në 167 kilometra në orë gjatë garës.

Gjykatësit ishin të bindur se kosovari dhe gjermanët kanë zhvilluar garë me makina në Moers pranë Duisburg në prillin e kaluar. Bëhet fjalë për makina të fuqishme prej afërsisht 600 kuajfuqi, që ata i ngisnin në një zonë banimi. Të dy të akuzuarit e kanë pranuar këtë në gjykim.

Në gjyq, shoferi i makinës, i cili nuk ishte përfshirë direkt në aksident, i ka kërkuar falje familjes së gruas së vrarë, përcjell albinfo.ch. Në një deklaratë të lexuar nga avokati i tij, ai thotë: “Më vjen së tepërmi keq për atë që ka ndodhur. Unë do të doja të zhbëhej kjo që ka ndodhur.

carabinieri-arresto-2.jpeg
eri Ida09:19 | 15/02/2020

Policia italiane ka vënë në një pranga një shqiptar, i cili po transportonte 32 kg marijuanë.

Mediat italiane bëjnë me dije se 36 vjeçari me origjinë shqiptare ishte i njohur për autoritetet italiane po udhëtonte me furgon në provincën e San Marzano sul Sarno ku është pikatur nga karabinierët.

Ai është ndaluar dhe gjatë kontrollit në automjetin e tij iu gjetën 31 pako me marijuanë. Mbi shqiptarin e arrestuar sipas autoriteteve italiane rëndon akuza e shpërndarjes së lëndës narkotike./abcnews.al

5048852_incidente-ponte-nelle-alpi-1.jpg
Autor E09:23 | 14/02/2020

25 vjeçar shqiptar Endri Zaimi ndërroi jetë mëngjesin e djeshëm në “Ponte nelle Alpi” pas një aksidenti tragjik me makinë.

I riu ishte duke u kthyer tek bashkëshortja dhe fëmija i mitur pas turnit të natës, por për arsye ende të paqarta makina e tij përplasi një kamion që po transportonte inerte duke u shkatërruar tërësisht.

Nga fotot e publikuara prej mediave italiane, duket se përplasja ka qenë mjaft e fortë duke shkatërruar makinën tërësisht. Pikërisht ky fakt nuk i ka dhënë asnjë shans shqiptarit, i cili humbi jetën në vend.

Mediat italiane shkruajnë se ai ishte një djalë i rregullt dhe familjar dhe po kthehej në shtëpi pas turnit të natës në një fabrikë. /abcnews.al

policia-4.jpg
nev ila16:02 | 10/02/2020

Policia greke përplaset me një mjet që vinte nga kufiri i gjelbër greko-shqiptar.

Pas informacioneve për lëvizje të shpeshta të një shtetasi shqiptar, 48-vjeç, u vendos ndjekja e tij pas lëvizjes së fundit nga kufiri gjelbër në brendësi të tokës greke.

Në rrugën Egnatia, në vendin e quajtur Imathia, policia ka tentuar të bllokojë lëvizjen e mjetit, që ishte marrë me qera nga 48-vjeçari shqiptar.

Ai ka shtuar shpejtësinë dhe ka përplasur 3 mjete të policisë greke dhe 1 mjet civil.

Pas ndjekjes policia bëri të mundur kapjen dhe arrestimin e tij ndërkohë që brenda në mjet u gjetën dhe sekuestruan rreth 35 kg marijuane.

Droga kishte për destinacion Selanikun dhe Halkidikin./abcnews.al

policiaaaa.jpg
Autor E13:01 | 10/02/2020

Një 35 vjeçar shqiptar është arrestuar nga policia greke gjatë ditës së sotme në zonën e Neo Manoladas. Shqiptari akuzohet për një krim të tmerrshëm të kryer disa ditë më parë në këtë zonë.

Mediat greke raportojnë se 35 vjeçari hyri në një shtëpi për të grabitur para teksa aty gjendeshin dy gra, njëra 53 vjeçe dhe nëna e saj 73 vjeçare.

Mësohet se fillimisht ai ka përdhunuar 53 vjeçaren duke i kërkuar që t’i jepnin paratë që kishin në shtëpi, raporton abcnews.al.

Dy gratë i kanë dhënë 500 euro, por këto nuk mjaftuan për grabitësin, i cili ka vënë në veprim një plan tjetër.

Shqiptari ka marrë 53 vjeçaren për dore duke e drejtuar për tek shtëpia e fqinjëve në mënyrë që ajo të kërkonte borxh tek ata dhe paratë t’ja jepte atij.

“Kam vendosur një bombë në shtëpi dhe do ta shpërthej”, mësohet ti ketë thënë ai gruas teksa e dërgonte tek fqinjët për të kërkuar para borxh.

Pas krimit, ai u zhduk ndërsa gratë njoftuan policinë. Kjo e fundit e arrestoi duke hipur në një autobus që nisej për në qytetin e Kallamatas. Shqiptari do të akuzohet për një mori krimesh si grabitje, përdhunim dhe pengmarrje. /abcnews.al

KARABINIERET.jpg
eri Ida10:45 | 09/02/2020

Policia italiane ka vënë në pranga një 21 vjeçar shqiptar, nën akuzën e shitjes së lëndëve narkotike. Mediat fqinje raportojnë se i riu identiteti i të cilit nuk bëhet i ditur u arrestua në Bastia Umbra nga karabinierët italianë sepse, pavarësisht se ishte në Itali për më pak se një muaj, ai kishte gjetur një listë të madhe klientët.

Ndër të tjera bëhet me dije se si klienti ashtu edhe tregtari i drogës u arrestuan menjëherë, i pari u gjet në posedim të kokainës së sapo blerë dhe më pas u raportua në zyrën policore si mbajtës droge, ndërsa i fundit u arrestua nën akuzën e tregtimit të drogës.

Gjithashtu mediat italiane raportojnë se shqiptari u gjet në posedim të 10 dozave të tjera të kokainës tashmë të gatshme për tregtimin e drogës dhe një shumë të konsiderueshme parash që konsiderohen si të ardhura nga veprimtaria e paligjshme./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono