shqiptari

sabrina-dhe-petrit-lekaj.jpg
Autor E15:37 | 09/12/2019

Mediat e huaja raportojnë se përmes një lidhjeje me skype nga spitali psikiatrik, Petrit Lekaj pranoi se kishtë vrarë vajzën e tij para gjykatësve të Gjykatës Supreme në Adelaide.

Studentja 20-vjeçare u gjet e vdekur brenda makinës së saj pranë banesës në muajin korrik të këtij viti. Brenda mjetetit u gjet edhe babai i saj i plagosur.

Sic shkruajnë mediat, prokurori ka kërkuar një raport të pavarur nga specialistër psikiatër për të akuzuarin i cili e ka pranuar krimin. Por deri më tani kur kanë kaluar disa muaj pas ngjarjes, nuk dihet motivi i saj.

Edhe nëna e Sabrinës, mbetet konfuze për motivin që e shtyu bashkëshortin e saj të kryejë këtë krim.

Avokati mbrojtës i shqiptarit, Ben Sale i kërkoi gjykatës sot kohën e nevojshme për të siguruar raportin psikiatrik përpara dhënies së dënimit.

Ai tha se ka pasur disa vonesa për shkak të shëndetit të klientit të tij. Në gjykatë sot, avokati i tij mbrojtjes Ben Sale tha se vendimi për fajësinë e tij ishte arritur pasi ishin marrë shumë ceshtje “ne konsiderate”.

Gjyqtari Trish Kelly e shtyu vendimin per gjykimin deri më 4 shkurt. Një tjetër media raporton se shqiptari ka pasur nje te kaluar jo te paster, pasi i kane zbuluar se ka qene i dënuar për drogë perpara 20 vjetesh.

mortale-1-650x414.jpg
ent ela09:10 | 16/11/2019

Është identifikuar i riu shqiptar që humbi jetën në aksidentin tragjik në Itali. Mediat italiane shkruajnë se viktimë nga përplasja e fortë e dy makinave ka mbetur 26-vjeçari shqiptar Jetmir Isufi, ndërkohë që drejtuesi i makinës tjetër, një 21 vjeçar ndodhet në gjendje të rëndë.

Isufi ishte në timonin e makinës tip Lancia Ypsilon e cila u përplas me makinën Wolksëagen, që drejtohej nga një 21 vjeçar.

Në vend ndërhyri policia dhe u njoftua ambulanca. I riu shqiptar u transportua në spital, por nuk mundi të mbijetonte pasi kishte marrë plagë shumë të rënda.

Ndërsa shoferi tjeter, 21 vjeçar, ndodhet në gjendje kritike për jetën në spital. Policia ka nisur hetimet për zbardhjen e shkaqeve te aksidentit.

Mediat italiane, Jetmir Isufi, për miqtë e tij ishte thjesht Jet. Ne një moshë shumë e re ai ishte afruar me ambientet e hip hopit dhe kishte lidhje me të rinj me të cilët ndanin  bashkë pasionin për muzikën.

Prej disa kohësh ai kishte gjetur punë në Arcore dhe në kohën e aksidentit ishte duke u kthyer nga puna për në shtëpi. /abcnews.al

 

police-bxl.jpg
nev ila19:33 | 11/11/2019

Policia arrestoi dy anëtarët e një organizate nën akuzën për “trafik qëniesh njerëzore” këtë fundjavë. Bëhet fjalë për një italian dhe një shqiptar. Udhëheqësi i kësaj bande u dënua të Mërkurën e kaluar, me 5 vjet burg dhe një gjobë 896,000 euro.

Shqiptari u arrestua ndërsa ishte duke u larguar në Bruksel. Dy të arrestuarit ishin anëtarët e vetëm të organizatës kriminale që ishin akoma të lirë. Më herët autoritetet belge kishin arrestuar edhe 4 pjesëtarë të kësaj organizate.

Organet hetimore kishin rënë në gjurmët e kësaj organizate vitin e kaluar. Më pas telefonat e dy anëtarëve të arrestuar, shqiptarit dhe italianit, ishin vënë nën përgjim.

Gjatë bisedave telefonike autoritetet belge zbuluan të gjithë “metodat e punës” së shqiptarëve. Si bazë për organizimin dhe gjithë veprimtarinë e kësaj organizate përdorej Bar-Coffe “The Brain” në Bruksel, cila ishte në pronësi të shqiptarit, i dyshuar si kreu i kësaj organizate.

Sipas prokurorit,  kjo bandë punonte me transport kamionësh të garantuar. Klandestinët paguanin 13,000 paund për një vend në kabinën e shoferit. Gjatë vitit 2018 ata kishin kontrabanduar 112 persona në Britani të Madhe.

Prokuroria belge njoftoi se tashmë ishte zbuluar gjithë aktiviteti i kësaj bande. Ata do të vuajnë dënimin e tyre në shtetin belg./abcnews.al

shqiptari-ne-kishe-1280x722.jpg
nev ila14:13 | 05/11/2019

47 vjecari shqiptar Olsingen Allkja është arrestuar në Itali pasi u kap në flagrancë duke grabitur paratë e dhuruara nga besimtarët në një Kishë. Shqiptari i papunë rezulton me precedent penalë.

Para gjykatësit në procesin kundër tij për grabitje, 47 vjecari shqiptar Olsingen Allkja, banues në Banjatika në Itali, i papunë dhe me precedent penalë, u shpreh i penduar për krimet e tij dhe i gatshëm për të paguar.

Nuk ishte hera e parë që ai arrestohej në një kishë. E njëjta gjë kishte ndodhur dhe pesë vjet më parë, por në Milano. Nga metropoli në mal, skena u përsërit pasditen e të dielës, vetëm se në kishë përveç priftit e prisnin dhe agjentët e policisë. Dhe tashmë ai prët dënimin me akuzën e grabitjes.

Në fakt ai u kap në flagrancë duke vjedhur paratë që besimtarët dhuronin për kishën. Ai përdorte një metër në fund të të cilit kishte vendosur ngjitës. Kartmonedhat ngjiteshin në metër dhe aim und t’i merrte shumë lehtë.

Në momentin e arrestimit ai kishte marrë 70 euro. Përvec dorëzimit të parave ai do të presë dhe dënimin./abcnews.al

vendngjarja-itali.jpg
nev ila17:31 | 27/10/2019

Një ngjarje e rëndë ka ndodhur paraditen e sotme në Romë.

Sipas mediave të vendit fqinj një shqiptar është vrarë në zonën e Nettunos, në bregdetin jugor të Romës. Ngjarja ka ndodhur pas një konflikti verbale mes dy kunetërve, ku një prej tyre mbeti i vrarë me armë zjarri.

Kanë qenë fqinjët ata që pasi dëgjuan të shtënat,  kanë lajmëruar policinë. Viktima është një 45 vjeçar, identiteti i të cilit ende nuk bëhet i ditur. Ndërsa autoritetet italiane kanë arrestuar, kunatin e viktimës, një 50-vjeçar./abcnews.al

vrasja-ansa.jpg
ad min16:43 | 20/10/2019

Një 33-vjeçare moldave ka humbur jetën në Itali pas më shumë se 1 muaj e gjysmë në agoni, që kur u godit nga i dashuri i saj shqiptar. Më 3 Shtator, Roland Bushi goditi 11 herë me thikë Aliona Oleinic. Shkak sipas mediave është bërë refuzimi i të huajës ndaj shqiptarit.

Sëbashku ata kishin disa kohë që dilnin me njëri-tjetrin pasi ishin njohur në Facebook. Avokati mbrojtës i Bushit ka deklaruar se, 27-vjeçari nuk donte ta vriste moldaven.

Sipas tij, ditën e ngjarjes, Bushi kishte shkuar me qëllimin që të sqaronte raportin mes të dyve, por ka pasur një moment xhelozie. Ngjarja degjeneroi deri në përdorimin e thikës nga i riu shqiptar, mirëpo sipas avokatit, ai kurrë nuk e pati në qëllim ta vriste.

Roland Bushi u arrestua ndërsa akuzohet për tentativë vrasje. Nga ana tjetër, 33-vjeçarja Oleinic pësoi disa plagë të rënda. Ajo u dërgua në spital dhe iu nënshtrua shumë  operacioneve. Fatkeqësisht plagët ishin shumë të rënda dhe ia morën jetën 45 ditë më vonë./abcnews.al

djali.jpg
Autor E14:30 | 16/10/2019

Një ngjarje e rëndë është regjistruar në një familje shqiptare në Itali. Djali 17-vjeçar ka humbur ndjenjat dhe më pas ka ndërruar jetë në vend, pak pasi kishte hyrë në banesë në prani të prindërve.

Mediat italiane shkruajne se Endri Cania jetonte me prinderit që merreshin me bujqesi dhe ishin banorë në Sparanisë, komunë e provincës në Caserta.

Menjëherë pasi i biri ra në dysheme, ata kanë dhënë alarmin për ndihmë dhe kanë njoftuar urgjencën, po pavarësisht gjithçkaje 17 vjeçari nuk ka mundur të mbijetojë.

Pritet tashme verifikimi i shkakut, që dyshohet një arrest kardiak. Ka dyshime se pak para se të hynte në shtëpi, Endri kishte rënë nga një mur jo i lartë, por nuk kishte shfaqur asnjë problem, prandaj ende nuk dihet nëse të jetë ky shkaku apo diçka tjetër që i mori jetën të riut.

-135-Κ..jpg
ent ela21:58 | 14/10/2019

Policia greke ka arrestuar një 43-vjeçar shqiptar, pasi e ishte nën vëzhgim prej disa ditësh, nga Task Forca kundër Drogës në Volos të Greqisë.

Atij ju gjetën rreth 13.5 kg hashash,  të fshehur në një zonë në Anemoutssa, sipër Agrisë, si edhe një shumë prej 25 mijë eurosh.

Shqiptari u arrestua mëngjesin e sotëm në shtëpinë e tij në Agria, në prani të gruas dhe tre fëmijëve të mitur.

Policia e ka referuar materialin në prokurori dhe të martën, shqiptari pritet të dalë përpara drejtësisë për t’u njohur me masën e sigurisë.

Policia me ndihmën e qenit, gjeti dhe sekuestroi  në shtëpinë e 43-vjeçarit, 13 pako me kanabis të papërpunuar 13,47 kg, shumën prej 24,780 € si dhe një telefon celular.

Shqiptari ishte duke “kontrabanduar” drogën në një pronë në vargmalin e Anemucës, ndërsa e kishte vendosur në një vazo të madhe duke e fshehur mes bimëve.

Oficerët ishin njoftuar se ai po trafikonte sasi të mëdha droge dhe e kishin vëzhguar prej ditësh për të gjetur bashkëpunëtorët e tij të mundshëm, por kjo nuk ndodhi. /abcnews.al

 

aksidenti-1.jpg
ad min15:36 | 13/10/2019

Një aksident rrugor i mori jetën një shqiptari në Itali. Sipas asaj që shkruajnë mediat italiane, 65-vjeçari, identiteti i të cilit nuk bëhet i ditur, ishte duke u kthyer nga dasma e vajzës të tij.

Në momentin e aksidentit ndodhej në makinë sëbashku me gruan dhe vajzën tjetër. Mjeti me të cilin po udhëtonte, u përplas me një veturë tjetër, duke lënë të plagosur drejtuesen e saj. Plagë nga aksidenti mori edhe vajza e shqiptarit.

Ngjarja e rëndë ndodhi në komunën Gioia Tauro në Kalabria. Sipas informacioneve të para, për shkak të impaktit të fortë, një prej makinave doli nga rruga, ndërsa tjetra u bllokua në mes të saj.

Deri më tani shkaqet e aksidentit mbeten të paqarta, ndërsa autoritetet kanë nisur punën për të zbuluar rrethanat e plota të ngjarjes./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono