shqiptaret

germanisht.jpg
ger ta16:11 | 16/01/2020

Mësimi i gjuhës gjermane duket se është kthyer në një tendencë për të rinjtë shqiptarë, të cilët zgjedhin të braktisin vendin në kërkim të një të ardhmeje më të mirë në Gjermani.

Vetë të rinjtë shprehen për ABC News se në Gjermani shohin një të ardhme më të sigurt si për punësimin, po ashtu edhe për studime

Mësuesja e gjuhëve të huaja pranë një qendre kursesh në kryeqytet shprehet se 2 vitet e fundit shihet një dominim i gjermanishtes, madje edhe për moshat deri në 45 vjeç

“Për sa i përket gjuhës gjermane me të vërtetë shohim një tendencë rritjeje sidomos tre vitet e fundit, për sa i përket grupmoshave 22-45 vjeç. Shohim që është rritur kërkesa dhe janë rritur interesimet”, shprehet mësuesja Ergenta Hila

Të rinjtë sipas mësueses ndjekin nivele të ndryshme të gjermanishtes, në mënyrë që të plotësojnë kriteret për të fituar një kontratë pune në shtetin gjerman

Lehtësimi i procedurave nga shteti gjerman për punësimin e të rinjve, ka bërë që përveç mësimit të gjuhës në kurse private, vitet e fundit është rritur edhe numri i studentëve që zgjedhin të studiojnë për gjermanisht në universitetet e vendit./abcnews.al

 

 

shqiptaret-spanje.jpg
nev ila16:26 | 03/01/2020

Garda Civile dhe Policia Spanjolle kanë sekuestruar një sasi prej 2,800 bimë të llojit “marijuana”, e cila ishte kultivuar  nga një grup i përbërë nga gjashtë persona, të cilët kishin mbjellë bimën në zona të ndryshme në provincën e Valencias.

Sipas një deklarate të përbashkët të Policisë dhe Gardës Civile, të arrestuarit janë  tre shqiptarë dhe tre gra me origjinë shqiptare dhe kolumbiane, të cilët janë midis moshës 28 dhe 45 vjeç.

Të arrestuarit akuzohen për vepra të ndryshme penale, atë të përfshirjes me krimin e organizuar, për kultivim të lëndëve narkotike, trafik droge, mashtrim dhe falsifikim dokumentash.

Operacioni i koduar “Lavori”  i cili ka patur në mbikqyrje prej 7 muajsh shqiptarët, të cilët e kryenin aktivitetin e tyre në rajonin e Valencias, arriti në përfundimin se ky grup, përbënte një organizatë të mirëfilltë dhe të mirëorganizuar kriminale, në fushën e kultivimit të lëndëve narkotike.

Deri tani në 3 zona në provincën e Valencias, janë sekuestruar  tre plantacione me 361 kilogramë marijuanë, por sasia më e madhe e bimëve të sekuestruara, u kap në një vilë në Chiva, ku agjentët sekuestruan 1.300 bimë kanabis.

Agjentët spanjollë gjithashtu kanë sekuestruar pajisje moderne dhe tepër të sofistikuara, të cilat ndihmonin në rritjen e shpejtë të bimës, të cilat kapin vlerën e 160,000 euro.

Po ashtu u sekuestruan  tre automjete super luksoze, 10 celularë, një makinë për numërimin e parave, 7442 euro cash, dy makina paketimi e një sërë materialesh të tjera, që ndihmonin në kultivimin, deri në nxjerrjen në treg të bimës.

Autoritetet spanjolle njoftuan se materialet e sekuestruara kapnin shifrat e më shumë se 2 milion euro.

Policia spanjolle ka njoftuar se hetimet janë ende në zhvillim e sipër, dhe nuk bëhen me dije detaje të tjera në lidhje me këtë operacion antidroge./abcnews.al

imagee.jpg
So Nila11:30 | 31/12/2019

Ndryshimi i vitit është një kohë ku shumë njerëz kryejnë mjaft rite duke besuar fort se ato do të sjellin mbarësi dhe fat për gjatë vitit të ri. Këto rite janë të trashëguara brez pas brezi në popuj me zakone edhe tradita të ndryshme, por të gjitha kanë një qëllim të përbashkët: Të largojnë të keqen e vitit të shkuar edhe të sjellin të mirën në vitin e ri.

Disa nga ritualet e përbashkëta që bëjnë edhe shqiptarët në ditën e parë të Vitit të Ri janë:

Hyrja në derën e shtëpisë patjetër me këmbën e djathtë, që të sjellë mbarësi dhe jo me të majtën se ajo të sjellë ters.

1.Personi që do të hyjë në derën e shtëpisë për të parën herë në Vitin e Ri, duhet të jetë një njeri i mirë edhe me dhurata në dorë.

2.Të hysh vetë i pari në shtëpi që të mos e marrë një tjetër fatin e shtëpisë.

3.Viti i Ri duhet që ta gjejë patjetër shtëpinë të pastruar edhe të rregullt.

4.Duhet të sigurohesh që Viti i Ri të të gjejë pa borxhe, se të shkon gjithë viti me borxhe.

5.Në portofol të kesh monedha, që të kesh lek përgjatë vitit të ri.

6.Të thuash një dëshirë në orën 0:00,

7.Të japësh patjetër një puthje dashurie në çastin e ndryshimit të vitit.

8.Të kujdesesh të sillesh sa më mirë, me fjalë të zgjedhura, që viti i ri të jetë pa sherre dhe konflikte.

9.Të gatuash ushqime që shtohen kur gatuhen, si thjerrëza, fasule të zeza, që sjellin shtimin e pasurisë, dhe të ketë në tryezë fruta fatsjellëse si shega, etj.

10.Të gatuhen ushqime fatsjellëse, si bakllavaja, gjeli i detit, byreku me lekë, etj.

11.Tavolina nuk duhet të ngrihet kur mbaron, por të lihet e shtruar.

13.Të përdorësh ngjyra të veçanta fatsjellëse, sidomos të kuqen.

Pavarësisht se njerëzit, pa u menduar dhe me fanatizëm, i bëjnë këto rite, kjo gjë nuk i shenjtëron ato, as nuk i bënë fatsjellëse, të gjitha këto janë shpikje njerëzore të kthyera në besëtytni. Besëtytnia tregon një supersticion të mirëfilltë, sepse një qenie e arsyeshme, siç është njeriu, beson në gjëra të paarsyeshme, si objekt apo edhe veprime; sikur këto ndikojnë në veprimtarinë dhe jetën e tij./abcnews.al

 

shqipot.jpg
Autor E09:16 | 27/12/2019

Nëntori ka shënuar një rritje të lartë të daljeve jashtë të shtetasve shqiptarë. Sipas INSTAT rritja në raport me nëntorin e kaluat ishte 11.4%, duke qenë më e lartë se rritja mesatare vjetore prej 9% për 11 mujorin. Arsyet lidhen me festat e nëntorit ku shqiptarët vërshuan jashtë për shkak të 5 ditëve pushim dhe tërmetit që shkaktoi një valë largimesh për shkak të panikut të krijuar.

INSTAT raportoi se hyrjet e shtetasve shqiptarë dhe të huaj në territorin shqiptar, në muajin Nëntor 2019, janë 693.951.

Krahasuar me Nëntor 2018, ky tregues rezulton me rritje 7,2 %. Në Nëntor 2019, hyrjet e shtetasve të huaj në vend janë 268.176. Krahasuar me Nëntor 2018, ky numër është rritur me 8,7 %.

Numri i shtetasve të huaj të hyrë në vendin tonë përgjatë njëmbëdhjetë muajve të vitit 2019 është 6.117.330, duke u rritur me 8,3 %, në krahasim me të njëjtën periudhë të vitit 2018. Në Nëntor 2019, ndër vendet që kanë hyrjet më të larta të shtetasve në Shqipëri, Spanja ka pasur rritjen më të madhe, ndërsa uljen më të ndjeshme e ka pasur Maqedonia e Veriut, raporton monitor.

Përgjatë njëmbëdhjetë muajve të vitit 2019, ndër vendet që kanë hyrjet më të larta të shtetasve në Shqipëri , Zvicra ka pasur rritjen më të madhe me 19,7 %, ndërsa uljen më të ndjeshme e ka pasur polonia me 14%.
Daljet e shtetasve shqiptarë dhe të huaj nga vendi, gjatë muajit Nëntor 2019, janë 787.359 duke shënuar
një rritje me 19,2 %, krahasuar me të njëjtën periudhë të një viti më parë. Daljet e shtetasve shqiptarë nga territori i Shqipërisë, gjatë muajit Nëntor 2019, janë 480.176. Krahasuar me Nëntor 2018, ky numër është rritur 11,3 %. Daljet e shtetasve të huaj nga territori i Shqipërisë gjatë muajit Nëntor 2019, janë 307.183. Krahasuar me Nëntor 2018, ky numër është rritur 34,0 %.

Numri i shtetasve shqiptarë të dalë nga territori i vendit tonë përgjatë njëmbëdhjetë muajve të vitit 2019, është 5.436.520, duke u rritur 9,4 %, krahasuar me të njëjtën periudhë të një viti më parë.

punesimet-shqiptaret.jpg
nev ila19:55 | 21/12/2019

Instituti i Statistikave ka analizuar të dhënat e vitit të shkuar dhe ka nxjerrë në pah se ku punësohen më shumë shqiptarët.  Tre janë sektorët kryesore sipas INSTAT, shërbimet, bujqësia dhe industria.

Shërbimet, bujqësia dhe më pas industria.  Tre janë sektorët që zënë peshën më të madhe të punësimit në Shqipëri.

Instituti i Statistikave ka analizuar të dhënat e vitit të shkuar dhe ka nxjerrë në pah se;

42,9 %  e  të punësuarve i përkasin sektorit të shërbimeve,

37.4% atij të bujqësisë

dhe 19.7% industrisë.

Pavarësisht pozicionimit vihet re një rritje e numrit të të punësurve në sektorin e fundit me 2.3% dhe ulje me 5.3% në sektorin e renditur i dyti.

Zanati më i përzgjedhur në sektorin e industrisë është montimi  i pajisjeve dhe makinerive.

Bujqësia orientohet më tepër drejt pyjeve, peshkimit dhe zejtarisë ndërsa shërbimet tek nëpunësit, punonjësit e shitjeve, menaxherët dhe teknikët.

Nëse në bujqësi numrin më të madh të të punësuarve e zënë gratë dhe në industri burrat  në sektorin e shërbimeve nuk vihet re diferencë e madhe në angazhimin mes dy gjinive./abcnews.al

 

azilkerkuesit-france.jpeg
nev ila19:47 | 10/12/2019

Policia e Rinasit ka njoftuar se ditën e sotme janë rikthyer në Shqipëri 173 persona nga Franca. Të gjithë këta persona janë larguar drejt Francës dhe vendeve të tjera të BE-së, në përpjekje për të përfituar azil në këto shtete.

Njoftimi i policisë:

“Vijojnë operacionet e riatdhesimit dhe të kthimit vullnetar të shtetasve shqiptarë që kanë kërkuar azil në vendet e BE-së.

Sot në Rinas u riatdhesuan në dy operacione të ndryshme 173 shtetas shqiptarë, me qëndrim të paligjshëm në Francë dhe në zonën Schengen.

Operacionet e riatdhesimit u realizuan në bashkëpunim me Frontex-in dhe Zyrën Franceze për Emigracionin (O.F.I.I.).

Në operacionin e parë u riatdhesuan 38 shtetas gjithsej, 5 prej të cilëve nga Belgjika dhe 33 nga Franca.

Në operacionin e dytë, që nis nga Lyoni i Francës, u kthyen vullnetarisht në total 135 shtetas.

Policia e Shtetit apelon edhe një herë për të gjithë ata shtetas që udhëtojnë në hapësirën Schengen që të mos bëjnë asnjë përpjekje për të aplikuar për azil në Francë apo në çdo shtet tjetër të BE-së dhe të mos bëjnë asnjë shpenzim duke paguar ata që duan të përfitojnë duke i mashtruar se do t’u sigurojnë azil, pasi rezultati në të dyja rastet do të jetë negativ.

Shqipëria është një vend i sigurt dhe shanset për të marrë azil janë zero”, thuhet në njoftimin e policisë./abcnews.al

KOMPANIA-E-SIGURISE-RINAS_ABC-M2-T1.mpg_snapshot_00.27-1280x720.jpg
Autor E14:01 | 04/12/2019

Teksa rritja e të huajve që vizitojnë Shqipërinë ka ruajtur një trend rritës gjatë 10 muajve të këtij viti si efekt i turizmit, ajo që bie në sy është tendenca e shqiptarëve për të lënë vendin. Rritja e daljeve të këtyre të fundit jashtë territorit është më e lartë sesa rritja e të huajve që kanë hyrë në Shqipëri.

Shifrat e fundit mbi lëvizjen e shtetasve të publikuara nga Instituti i Statistikave tregojnë se daljet e shtetasve shqiptarë dhe të huaj nga vendi, gjatë muajit Tetor 2019, janë 888.218 duke shënuar një rritje me 12,3 %, krahasuar me të njëjtën periudhë të një viti më parë.

“Daljet e shtetasve shqiptarë nga territori i Shqipërisë, gjatë muajit Tetor 2019, janë 495.089. Krahasuar me Tetor 2018, ky numër është rritur 5,0 %. Daljet e shtetasve të huaj nga territori i Shqipërisë gjatë muajit Tetor 2019, janë 393.129. Krahasuar me Tetor 2018, ky numër është rritur 23,1 %. Numri i shtetasve shqiptarë të dalë nga territori i vendit tonë përgjatë dhjetë muajve të 2019, është 4.956.344 duke u rritur 9,2 %, krahasuar me të njëjtën periudhë të një viti më pare” thuhet në publikimin e INSTAT.

Lidhur me hyrjet shifrat tregojnë se në muajin tetor 2019 në territorin shqiptar hynë 866.121 shqiptarë dhe të huaj.

“Krahasuar me Tetor 2018, ky tregues rezulton me rritje 10,2 %. Në Tetor 2019, hyrjet e shtetasve të huaj në vend janë 387.152. Krahasuar me Tetor 2018, ky numër është rritur me 14,7 %.

Numri i shtetasve të huaj të hyrë në vendin tonë përgjatë dhjetë muajve të 2019 është 5.849.154, duke u rritur me 8,3 %, në krahasim me të njëjtën periudhë të vitit 2018. Në Tetor 2019, ndër vendet që kanë hyrjet më të larta të shtetasve në Shqipëri, Spanja ka pasur rritjen më të madhe me 62,4 %, ndërsa uljen më të ndjeshme e ka pasur Polonia me 4,5 %.

Përgjatë dhjetë muajve të 2019, ndër vendet që kanë hyrjet më të larta të shtetasve në Shqipëri, Zvicra ka pasur rritjen më të madhe me 19,9 % ndërsa uljen më të ndjeshme e ka pasur Polonia me 14,2 %” vlerëson INSTAT. /monitor/

itali-3.jpg
ent ela18:58 | 21/11/2019

Dy shqiptarë kanë rënë në prangat e policisë Italiane, pasi ishin pjesë e një bande të specilizuar për vjedhje automjetesh dhe apartamentesh.

Policia italiane ka arrestuar në orët e para të mëngjesit dy shtetasit shqiptarë të moshës 41 dhe 45 vjeç, pasi kishte një urdhër arrest për personat në fjalë nga gjykatësi Busto Arsizio.

Të dyshuarit ishin pjesë e një bande prej katër personash, të gjithë me kombësi shqiptare, dhe që të katërt kishin në polici vepra penale, si: vjedhje makinash, vjedhje banesash, rezistencë ndaj një zyrtari.

Grupi i shqiptarëve ishin të specializuar për vjedhje të Rang Rover dhe makinave të mëdha, makina të cilat gjenden në aeroporin e Milanos, Malpansa dhe Linate. /abcnews.al

policia-italiane-1.jpg
ent ela09:52 | 11/11/2019

Policia italiane ka dëbuar tre shqiptarë nga Italia. Mediat italiane bëjnë të ditur se bëhet fjalë për Haxhi Xhixhanin 32 vjeç, i cili u arrestua për shkelje të ligjit të emigracionit dhe dy bashkatdhetarët e tjerë, emrat e të cilëve nuk bëhen të ditur, por janë të moshës 34 dhe 35 vjeç. Këta janë të arrestuar dhe të dënuar për trafik ndërkombëtar droge.

Ata u shoqëruan njëri në aeroportin e Bolonjës dhe u nis për në Tiranë, kurse tjetri  u nis nga Venecia për në Shqipëri.

Policia italiane dëboi gjithashtu edhe një tunizian dhe një nigerian. /abcnews.al

 

shqiptari-britani.jpg
nev ila10:26 | 09/11/2019

Dy shqiptarë janë arrestuar pasi kishin përshtatur në një apartament ,  fabrikë të “sofistikuar” për kultivimin e kanabisit. Apartamenti rezultonte se ishte me qira nga 2 italianë.

Kur polica ushtroi kontrollin në apartament gjeti më shumë se 300 bimë kanabisi të cilat kultivoheshin në çdo dhomë të apartamentit.

Policia angleze ka filmuar gjithçka që nga momenti i hyrjes në këtë apartament.

Prokurori që ka nën hetim këtë çështje njoftoi se ishin gjetur një sasi e konsiderueshme bimësh me lëndë narkotike të cilat ishin gati për tregtim.

Në video shihet momenti kur policia hyn në banesën e shqiptarëve dhe arreston në flagrancë Bekim Selmanin 27 vjeç, ndërsa ishte duke u kujdesur për bimët narkotike.

Gjithashtu në banesë u arrestua edhe 26 vjeçari Pashko Paluca.

Në total policia sekuestro 321 bimë narkotike. Mësohet se Pashko nuk ka pranuar tu përgjigjet pyetjeve ndërsa Selmani ka thënë se do të fitonin rreth 5 mijë deri në 6 mijë paund kur bimët të maturoheshin. Ndërkohë ata kanë refuzuar të thonë se për kë punonin.

Autoritetet angleze kanë ngritur hetimet dhe dyshohet se në këtë aktivitet janë të përfshirë më shumë persona.  /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono