shqiptarë

DEBATI-NE-KLAN-MAQEDONI-1280x720.jpg
ent ela18:48 | 18/01/2019

I ftuar në emisionin “Debat” në Klan Maqedoni, kryetari i aleancës për Shqiptarët në Maqedoni, Zijandin Sela, theksoi ndër të tjera se nuk do të pengonte asnjë kandidat në garën e tij politike për zgjedhjet presidenciale. Ai u bëri apel kolegëve të tij që të ulën në një tryezë të përbashkët për të zgjedhur një president konsensual.

Kreu i Aleancës për Shqiptarët, Ziadin Sela, I ftuar në emisionin Klan Debat, bëri thirrje që liderët e partive politike sëbashku të ulen në tryezë për të zgjidhur çështjet të cilat preokupojnë qytetarët shqiptarë. Këtë Sela e quan ‘instrument politik’ dhe  siç thekson ai, I njejti nuk do të pengojë fare garën politike të asnjërit prej tyre.

Ndërkaq, duke u fokusuar në zgjedhjet presidenciale që priten këtë vit, Sela përmendi zgjedhjen e presidentit konsensual, dhe u shpreh se I njejti duhet të zgjidhet drejtëpërsëdrejti me votë direkte të qytetarëve.

Duke folur për ligjin për gjuhët, sipas kreut të ASH-së, ky ligj nuk i plotëson nevojat reale që shqiptarët kanë për zyrtarizimin e gjuhës shqipe, megjithatë, siç theksoi ai, avancon në mënyrët të dukshme përdorimin e gjuhës. Poashtu, mes të tjerash në debat kreu I ASH-së Ziadin Sela  foli edhe për sfidat me të cilat po përballen qytetarët, e veçanërisht ato shqiptarë. Sela përmendi ndarjen e mjeteve diskriminuese për shqiptarët në sferën e kulturës, çështjen e decentralizimit, dhe të tjerë. /abcnews.al

ba26fd67ac565226ae9930d5b306b271-concarneau-une-famille-albanaise-contrainte-de-quitter-la-ville_3.jpg
G. P.18:00 | 17/01/2019

Për rreth një vit e gjysmë familja Mlloja nga Shqipëria kishte qëndruar në një dhomë hoteli në Concarneau të Francës. Por tashmë familja shqiptare duhet të largohet nga territori francez, pasi ndaj saj është paraqitur një urdhër dëbimi.

Çifti shqiptar dhe dy fëmijët e tyre u detyruan të linin mjediset e hotelit.Shërbimi social ka njoftuaer se nuk do të paguajë më për shpenzimet e familjes, shkruajnë mediat franceze.

 “Ne jemi të trishtuar, nuk duam të na dëbojnë”, tha Elkidi. “Nuk ka logjikë, kjo familja mund të dekurajohet për të ardhmen e saj”, tha Marina Rakoçeviç, një nga mbështetëse e familjes.

Djali i tyre i madh, Elsi, 4-vjeç, është regjistruar në kopsht në qendër të qytetit, ku ai është integruar mirë, pavarësisht se në fillim e kishte pasur të vështirë të fliste  frëngjisht. Ndërsa djali i vogël i famijes ka pasur probleme shëndetësore dhe rregullisht ai shkon në qendrat spitalore ku merr shërbimin e duhur.

Ndërsa çifti Mlloja në qershor kishte paraqitur një kërkesë për leje qëndrimi në prefekturë, për shkak të gjendjes shëndetësore të djalit të tyre. Por prindërit asnjëherë nuk kishin marrë përgjigje për kërkesën e paraqitur në prefekturë.

Familja që  nga fillimi i vitit 2017 qëndron në Francë. Ajo kishte udhëtuar në Itali më pas në Gjermani përpara se të kërkontë azil në Francë.

Por kërkesa për azil nga ana e shtetit francez i është refuzuar. “Do të ishte e rrezikshme që ata të ktheheshin për të jetuar atje. Ata jetonin në kushte të vështira dhe ishin të kërcënuar nga mafia lokale”, thotë Marina Rakoçeviç.

Këtë të enjte në mëngjes, në dhomën e ngushtë të hotelit që ata kanë ndarë për një vit e gjysmë, familja Mlloja kishte bërë gati çantat, por shumë sende ishin të shpërndara nëpër dhomë.  Familja duhet të lërë ambientet e hotelit dhe do të dërgohet në Landivisiau.

Nisja për në Landivisiau

E përballur me paralajmërimin, shumë banorë ishin mobilizuar që nga Qershori i kaluar dhe bashkë me to edhe Lidhja e të Drejtave të Njeriut, CCAS si dhe edukatoret e kopshtit ku ishte djali i familjes.

“Ka vende bosh për strehim social në Concarneau,” tha Marina Rakoçeviç. Por më në fund vendimi u mor dhe familja do dërgohet në Landivisiau. Nuk dihet nëse familja do të dëbohet apo do lejohet të qëndrojë./abcnews.al

24816066645_c51ec70095_k-e1505136601708.jpg
G. P.19:15 | 16/01/2019

Gjykata e rrethit Reykjavik ka filluar sot procedurën për rastin e një fëmije shqiptar, ku është vendosur për t’u dëbuar, pavarësisht se ka lindur në Islandë, raportojnë mediat e huaj.

Rasti është ai që nxiti kritika të konsiderueshme publike ndaj Drejtorisë së Imigracionit (ÚTL). Nazife dhe Erion, një çift shqiptar shkuan për herë të parë në Islandë në vitin 2015 dhe kërkuan azil. Në atë kohë, ata morën leje pune dhe ishin të punësuar nga një hotel në Rejkjavik derisa u deportuan. Por çifti pas dëbimit u kthyen përsëri në Islandë.

Vajza e tyre, Erna Reka, 19 -muajshe dhe ka lindur në Islandë. Pavarësisht nga Konventa e OKB-së për të Drejtat e Fëmijës, e cila i detyron vendet që të vënë interesat më të mira të një fëmije përpara të gjithave, dhe përkundër nenit 102 të Ligjit të Islandës për të Huajt, i cili ndalon deportimin e një të huaji të lindur në Islandë, e gjithë familja është vendosur të deportohet.

UTL pretendon se për shkak se fëmija ishte regjistruar në Regjistrin Kombëtar në një mënyrë tjetër nga fëmijët e tjerë, ai është i përjashtuar nga të dy këto ligje. Prindërit dhe avokatja e tyre nuk pajtohen, dhe vendosën ta dërgonin çështjen në gjykatë.

Claudie Ashonie Ëilson, avokatja e familjes, vuri në dukje se:  “Kjo është natyrisht, për mendjen time, një vendim i gabuar. Ju nuk mund të merrni një vendim për prindërit, duke mos përmendur fëmijën”.

Por ky  nuk është rasti i parë. Një stundim raporton se Islanda ka deportuar 14 fëmijë që kanë lindur në vend gjatë tetë viteve të fundit. Gjatë të njëjtës periudhë, 281 fëmijë që kërkonin azil në Islandë u është mohuar kjo e drejtë./abcnews.al

kkkk.jpg
G. P.09:06 | 15/01/2019

Gjashtë emigrantë shqiptarë të cilët ishin akomoduar në qendrën për refugjatët dhe emigrantët në Jezevo pranë Zagrebit janë lënë në burg pasi shkaktuan sherr dhe sulmuan forcat e policisë. Vendimi për ta u dha të hënën. Identitetet e tyre nuk janë bërë publike nga mediat kroate.

Incidenti ndodhi të mërkurën e javës së kaluar, kur njëri prej emigrantëve sulmoi një polic që ishte në shërbim. Në ndihmë të shqiptarit shkoi edhe njëri nga bashkëatdhetarët e arrestuar. Megjithatë me ndërhyrjen e policëve të tjerë ata u  vunë në pranga.

Por gjysmë ore më vonë, katër shqiptarë të tjerë shkaktuan një sherr në qendrën e refugjatëve dhe sulmuan dy policë. Por me ndërhyrjen e kolegëve të tjerë kroatë edhe këta u vunë në pranga. Sipas asaj që raportojnë mediat kroate, tre policë morën dëmtime të lehta gjatë këtyre incidenteve./abcnews.al

shqiptaret.jpg
G. P.12:10 | 03/01/2019

Elvis dhe Leonard Pepa, dy shqiptarët që u arratisën të mërkurën nga burgu i Koridhalosit në Athinë vazhdojnë të jenë në arrati. Ata nuk kanë lidhje familjare me njëri-tjetrin, por ishin njohur në burg, të akuzuar për vjedhje e grabitje në Korfuz e Athinë.

Janë ende në arrati dy shqiptarët që u arratisën nga burgu i Koridhalosit në Athinë.

Elvis Pepa dhe Leonard Pepa nuk janë vëllezër edhe pse kanë të njëjtin mbiemër. Të dy ishin njohur në burg, pas arrestimit për vjedhje e grabitje të kryera në Korfuz e Athinë, kryesisht ndaj personave të moshuar. Mediat greke i karakterizojnë si tipa tepër të dhunshëm.

Të dy u arratisën nga burgu mbrëmjen e të martës, pasi ia dolën të presin hekurat e qelisë e të dalin në atë që njihet si zonë e vdekur. Prej andej, hipën në murin rrethues dhe u zhdukën. Mungesa e tyre u konstatua gjatë kryerjes së apelit, paraditen e të mërkurës. Policia ka nisur një operacion të madh për gjetjen dhe kapjen e tyre. Ministria e Drejtësisë urdhëroi kryerjen e një hetimi administrativ mbi rrethanat e arratisjes së dy të burgosurve. Sipas të dhënave të para, të martën, në dy karakollet para të cilave kaluan, nuk kishte roje.

Para dy javësh, një tjetër shqiptar ishte arratisur me të njëjtën mënyrë, nga qelitë e drejtorisë policore të Atikës perëndimore. Por ai u kap pas katër ditësh, kur forcat speciale ndërhynë në banesën e miqve të tij ku ai kishte gjetur strehë./abcnews.al

burg.jpg
G. P.10:44 | 02/01/2019

Dy shqiptarë të dënuar për vjedhje e grabitje kanë mundur të arratisen nga burgu në Athinë të Greqisë. Ata kanë sharruar hekurat e qelisë e më pas kanë kaluar murin rrethues.

Dy shtetas shqiptarë janë arratisur nga burgu i Koridalosit në Athinë. Sipas medias greke, është fjala për Elvis K. dhe Leonard P., që vuanin dënime për vjedhje e grabitje personash të moshuar. Ata kanë mundur të presin hekurat e qelisë mbrëmjen e të martës dhe të dalin në “zonën e vdekur”. Prej andej, hipën në murin rrethues dhe u zhdukën.

Mungesa e tyre u konstatua gjatë kryerjes së apelit, paraditen e të mërkurës. Policia ka nisur një operacion të madh për gjetjen dhe kapjen e tyre. Ministria e Drejtësisë urdhëroi kryerjen e një hetimi administrativ mbi rrethanat e arratisjes së dy të burgosurve. Sipas të dhënave të para, të martën, në dy karakollet para të cilave kaluan, nuk kishte roje.

Para dy javësh, një tjetër shqiptar ishte arratisur me të njëjtën mënyrë, nga qelitë e drejtorisë policore të Atikës perëndimore. Por ai u kap pas katër ditësh, kur forcat speciale ndërhynë në banesën e miqve të tij, ku ai kishte gjetur strehë./abcnews.al

vetting.jpg
G. P.17:10 | 01/01/2019

Viti 2018 do të regjistrohet në historikun e drejtësisë në Shqipëri si viti kur nisi zbatimi i procesit të Vettingut. Por vënia në jetë e mekanizmit që do të pastrojë sistemin nga gjyqtarët e prokurorët e korruptuar, futi në ngërç dy gjykatat më të rëndësishme në vend e bashkë me to dhënien e drejtësisë. Gazetari Armand Bajrami sjell një tablo të 8 muajve të parë të këtij procesi./abcnews.al

objektiva.jpg
G. P.19:20 | 28/12/2018

Në këto ditë festash shkëmbejmë më njëri-tjetrin dhurata dhe urime. Ndër më të preferuarat dhe më të shpeshtat janë bizhuteritë, parfumet, por edhe pijet e ëmbëlsirat.

Shkëmbimi i dhuratave me miqtë edhe të dashurit në keto ditë festash është një nga ritualet dhe preokupimet më të bukura. ABC News bëri një vëzhgim në disa dyqane dhuratash. Shqiptarët vijojnë të qëndrojnë kryesisht tek parfumet, bizhuteritë dhe suveniret e ndryshme.

“Parfumet, setet endryshme të kombinuar kremrat e trupi, kremra duarsh”, shprehen tregtarët.

Edhe pijet, kryesisht një shishe vere, po konsiderohet si dhuratë interesante për fund viti për shumë shqiptarë. Të pyetur nga ABC News shumë të rinj dhe të reja shprehen se akoma nuk kanë vendosur çfarë dhuratash do bëjnë për Vitin e Ri. Një pjesë tjetër, jashtë kameras thonë se nuk presin vetëm Vitin e Ri për të bërë dhurata, por i kushtojnë rëndësi edhe ditëve të tjera të veçanta gjatë gjithë vitit./abcnews.al

para.jpg
G. P.18:53 | 23/12/2018

Shqiptarët po kthehen në një shqetësim të vërtetë për autoritetet ligjzbatuese britanike. Kësaj here është e përditshmja “Daily Star”, e cila në një artikull ka theksuar se bandat shqiptare po mbushin gjithë Mbretërinë e Bashkuar me kokainë të cilësisë së lartë.

Grupet kriminale shqiptare po trafikojnë kokainë 85% të pastër. Ata e shesin 1 gram për 100 Paund. Më së shumti aktiviteti shtrihet në zonat më të rëndësishme të Britanisë si Londra, Manchester-i, Birmingham-i dhe Liverpool-i.

“Ata drejtonin trafikun në Londër, por tani po drejtojnë këtu, në Liverpool dhe në të gjithë qytetet e mëdha”, u shpreh një burim i “Daily Star” që merret me një grup shqiptar në Manchester të quajtur “The Albanians”.

“Ata kanë kokainën më të pastër dhe janë shumë të fuqishëm”, u shpreh më tej ai. Ndërkohë një zëdhënës i policisë së Merseyside ndaj krimit të organizuar u shpreh se mafia shqiptare ka shumë ndikim në disa qytete të Britanisë.

“Sfida është shumë e madhe me vendet e Ballkanit sepse nuk kemi si të lidhemi me ta. Është shumë e vështirë të infiltrosh njerëz aty pasi janë komunitete që njihen me njëri-tjetrin”, u shpreh Andy Cooke./abcnews.al

elisa-spirop.jpg
G. P.19:52 | 05/12/2018

Katër shqiptarë janë vrarë në Greqi në harkun e dy javëve. E ftuar në emisionin “Mbrëmje Ide” nga Mirela Milori, deputetja e Partisë Socialiste, Elisa Spiropali, ngushëlloi familjarët e tyre dhe tha se ata janë vrarë për shkak të disa ekstremistëve në Greqi.

“Unë dua të shpreh trishtimin e thellë për familjet shqiptare që kanë humbur jetët e njerëzve të tyre në Greqi për shkak të disa sulmeve fashiste nga ekstremistë në Greqi. Është e rëndë që të flasim për humbje jetësh në këto kohë, por mendoj se është momenti për t’i kërkuar autoriteteve greke të hetojnë këto ngjarje”, tha Spiropali.

Më 25 Nëntor u vra Petrit Zifle, 63 vjeç. Policia greke arrestoi autorin e krimit, i cili është një 44-vjeçar banor i zonës. Sipas asaj që shkruajtën mediat greke, autori është një anëtar i partisë naziste “Agimi i Artë”. Për rastin në fjalë reagoi Ministria e Punëve të Jashtme ku bëri thirrje për një hetim të plotë në funksion të zbardhjes tërësore të rrethanave të ngjarjes.

Ndërkohë të martën u vra 18-vjeçari shqiptar, Marios Isak, në Kavalla. Mediat greke bënë të ditur se autori është një shqiptar, shok fëmijërie me viktimën. Ai e pranoi vrasjen pas arrestimit, por sqaroi se e kishte bërë gabimisht./abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono