shqiptarë

policia6.jpg
ger ta15:48 | 20/01/2020

Policia italiane ka arrestuar dy çifte shqiptarësh, të akuzuar për vjedhje. Arrestimet janë bërë orët e para të mëngjesit të djeshëm.

Në pranga ranë dy burra dhe dy gra, pasi kohët e fundit kishin plaçkitur disa shtëpi në Macerata dhe zona të tjera.

Mediat italiane bëjnë me dije se grabitja e tyre më e fundit ishte mbrëmjen kur u arrestuan. Burrat kishin dalë dhe po grabisnin shtëpitë, ndërsa gratë me makinë ecnin në afërsi të banesave dhe në atë moment u bllokuan nga policia.

Gjatë kontrollit të policisë në mjetin e tyre u gjetën dhe sekuestruan sende te çmuara të vjedhura që ishin mbledhur me një mbulesë dhe ishin lënë në derën e majtë të makinës, dy palë doreza pëlhure profesionale, kapele, dy elektrikë, një kaçavidë e madhe dhe shumë telefona celularë.

Gjithashtu unaza, orë, vathë, varëse, diamante dhe para për një vlerë të përgjithshme prej rreth pesë mijë euro janë sekuestruar dhe janë vendosur në dispozicion të autoriteteve gjyqësore për hetime të mëvonshme./abcnews.al

 

ava-max-psycho.jpg
So Nila10:30 | 18/01/2020

Ava Max, 25-vjeçarja me origjinë shqiptare  ka folur për vështirësitë e fillimit.

Max, edhe pse sot një yll ndërkombëtar nuk harron t’i kujtojë rrënjët, origjinën dhe rrugën e gjatë për të arritur ku është.

“Në 1990 , ata u larguan nga Shqipëria dhe shkuan në Paris. Ata jetuan në një kishë për një vit të tërë. Ishte shumë e vështirë për ta, por ishte e bukur sepse ishin në Paris. Ata u takuan me një zonjë në Paris që u dha atyre pasaporta dhe ata shkuan në Wisconsin –vendi dhe ku Ava lindi.

“Ata shkuan në Amerikë pa asgjë, pa para, pa ditur gjuhën. Ishte shumë e vështirë për ta.

Ndërkohë Ava e cila ka folur për këto vështirësi thotë se:

“Në jetë ekziston e mira dhe e keqja. Gjithnjë kam besuar se e mira mbizotëron. Këtë e them me siguri si mësim që kam marrë nga e shkuara ime. Vetëm vendimet e tua mund të të ndalojnë! Edhe nëse gjithë letrat hapen kundër teje, ka një rrugë për t’ja dalë. Unë, isha vetëm një vajzë e vogël nga një familje shqiptare me ëndrra të mëdha, që erdhën në Amerikë me asgjë tjetër veçse rrobat e trupit. Po jua them këtë sepse besoj që mund t’ja dilni në gjithë çfarë doni.”

Kjo nuk është hera e parë që këngëtarja ndan histori personale për të motivuar fansat. Më parë, Max ka folur gjatë për problemet me vetëbesimin, bullizmin dhe ngacmimet dhe luftën që i është dashur të bëjë për t’u ndjerë e pranuar.

Ava Max rrëfen problemet me bullizmin: ‘Interneti është qesharak, gjithkush duket i përsosur’

Ava, emri i vërtetë i të cilës është Amanda Koçi, ka lindur në 16 shkurt të vitit 1994 në Wisconsin, shtet në SHBA. Prindërit e saj, Andromaqi dhe Pavllo Koçi, emigruan nga Saranda për në SHBA rreth fillimit të viteve ’90./abcnews.al

20151214150319648646.jpg
in a11:57 | 09/01/2020

Një bandë shqiptare në Belgjikë është dënuar me pesë vite burg dhe i është kërkuar që të riktheheshin gjysmë milionë euro nga paratë e drogës.

Gjobëvënie, trafik kokaine e armësh. Këto janë veprimtaritë me të cilat merreshin një bandë shqiptarësh e përbërë prej tetë personash. Shqiptarët janë kapur dhe pasi janë vënë në pranga, janë gjykuar nga një gjykatë në Belgjikë.

Hetimet nisën në vitin 2013 pas dyshimeve se banda vendoste gjoba ndaj kafeneve, hoteleve dhe diskove të zonës. Policia arriti të vendoste një përgjues në Mercedes-in e Alban C, që dyshohet se drejtonte bandën. Ndërkohë tre agjentë policorë kroatë të maskuar u infiltruan në ambientet e bandës. Përgjimet e shumta zbuluan se banda nuk merrej vetëm me gjobëvënie, por edhe me shitjen e kokainës dhe armëve të rënda si kallashnikovë. Në vitin 2015, njësia speciale arrestoi disa të dyshuar. Gjatë kontrollit u gjetën 683 gram kokainë dhe tre kallashnikovë në garazhin e Alban C. Sipas prokurorëve, rrjeti përbëhej nga Alban C. (40 vjeç), Agron L.(41 vjeç), Kevin B. (40 vjeç), Dhimitër G. (43 vjeç) dhe Ajet P. (39 vjeç). Ata kërkuan pesë vite burg dhe që të riktheheshin gjysmë milionë euro nga paratë e drogës. Në fund, gjykatësi dënoi Alban C dhe Agron L. me 42 muaj (3.5 vite) burg dhe një konfiskim prej 75 mijë eurosh.

viti-i-ri-1.jpg
So Nila09:50 | 31/12/2019

Darka e 31 dhjetorit është festë në gjithë botën. Të gjithë festojnë ardhjen e një viti të ri, i cili pritet me fishekzjarrë, festë dhe puthje në mesnatë, që është traditë në shumë vende të botës. Por çfarë e dallon Shqipërinë nga vendet e tjera? Shqiptarët kanë disa tradita, që i dallojnë nga të tjerët.

1.Pastrimi i shtëpisë me themel

Pak ditë para Vitit të Ri shqiptarët u futen punëve me rrënjë duke pastruar gjithçka, duke filluar nga perdet, tapeti e deri te kolltukët. Edhe nëse diçka është e pastër, do pastrohet sërish.Këto njihen si “punët e Vitit të Ri” dhe bëhen që viti që vjen ta gjejë shtëpinë të pastër dhe të rregullt.

2.Tryeza mbushet plot me ushqime dhe s’duhet të mungojë gjeli i detit

 

Në familjet shqiptare, atë natë është shumë e rëndësishme që tavolina të jetë plot. Nuk duhet të mungojnë llojet e ndryshme të ushqimeve, ëmbëlsirave, pijeve dhe shumë, po shumë mish. Viti i Ri duhet ta gjejë tavolinën të mbushur plot. Ah, kurrsesi mos harroni gjelin e detit, përsheshin dhe sallatën ruse. Pa to, Viti i Ri nuk ka kuptim.

3.Dollitë e vazhdueshme

 

Nata e Vitit të Ri është nata e dollive. Fjala “gëzuar” dëgjohet më shpesh se çdo fjalë tjetër.

4.Byreku me lek

 

Një tjetër traditë shqiptare është gatimi i byrekut me një lek brenda. Kujt i bie leku është personi që do ketë më shumë fat në vitin që vjen.

5.Ëmbësira karakteristike, bakllavaja

 

Ëmbëlsira tipike e Vitit të Ri është pa dyshim bakllavaja dhe nuk ka as kadaif e asnjë lloj ëmbëlsire tjetër që mund t’ia marrë vendin.

6.Mesazhet e urimit

Në datën 31 gjatë gjithë ditës, por më shumë në darkë, nuk mungojnë kurrë mesazhet e urimit. Madje, më para ishin aq të përhapur, saqë linjat telefonike bllokoheshin dhe mesazhi mund të vijë të nesërmen.

7.Kush do të hyjë i pari në shtëpi në mëngjesin e 1 janarit?

Është e rëndësishme që në shtëpi i pari të hyjë një fëmijë i vogël, mundësisht djalë. Po ashtu, ai që hyn i pari duhet të hyjë me këmbën e djathtë për të sjellë sa më shumë mbarësi./abcnews.al

 

PRC_115230382.jpg
R D00:00 | 31/12/2019

Dy shqiptarë vriten brenda 24 orësh në Londër. Mediat britanike kanë publikuar emrat e viktimave: Arber Fesko dhe Shkëlqim Paja. Trupi i pajetë i 30 vjeçarit, Arber Fesko, u gjet në bagazhin e një makine në Scratchëood Park më 19 dhjetor, ndërsa kishte ndërruar jetë pas goditjeve me thikë.

Të nesermen, 20 dhjetor u gjet trupi i shqiptarit nga Kosova, Shkëlqim Paja 31 vjeç në Hertfordshire. Edhe ai i vrarë me thikë në gjoks.

Oficerët e Komandës së Krimeve drejtojnë hetimet për vdekjen e Arber Feskos dhe Shkelqim Pajës. Hetimi është kompleks dhe kërkon kohë për tu zbardhur nëse ngjarjet kanë lidhje me njëra-tjetren. Sakaq, janë marrë në pyetje familjarët e dy viktimave për të mësuar për konfliktet e mundshme të tyre. /abcnews.al

1-france.jpg
ger ta13:16 | 28/12/2019

Një 37-vjeçare shqiptare është gjetur e masakruar në një pyll në Francë. Sipas mediave franceze viktima është identifikuar si Brunilda Kovaçi.

30-vjeçarja nga Berati punonte si prostitutë në Francë, ndërsa trupi i saj u gjet nga kalimtarët e rastit.

Zbulimi i trupit të së ndjerës u bë në zonën e Mougins (Alpes-Maritimes), mëngjesin e Krishtlindjeve.

Viktima, u gjet e zhveshur dhe pjesërisht e djegur me cigare, braktisur në një park në Valmasque, zonë me shumë pak lëvizje.

Policia tha se viktima ishte nga Shqipëria, ndërsa këtë e konfirmoi dhe prokurori Fabienne Atzori: “Gruaja 30 vjeçare, ishte një shqiptare dhe jetonte në zonën pranë vendit të krimit. Ajo ishte nënë e një fëmije në moshë të vogël”, tha ai.

Mësohet se e ndjera, një grua e re bionde, kishte denoncuar në vitin 2015 dhunë fizike dhe verbale. Në trup iu gjetën dy tatuazhe, në njërin prej të cilit kishte emrin e një shqiptari.

Ndërsa mediat lokale shkruajnë se policia kishte evidentuar të ndjerën si një prostitutë e zonës. Ajo jetonte vetëm, në një apartament në Kanë, (Cannes – Alpes-Maritimes).

Ndërkaq, një kontroll në banesën e të ndjerës evidentoi se krimi nuk kishte ndodhur aty, tha prokurori Fabienne Atzori, i lokalitetit Grasse (Alpes-Maritimes./abcnews.al

rebeshi.jpg
in a09:00 | 25/12/2019

4 shqiptarë të arrestuar në 28 nëntor në Viterbo të Italisë dolën para gjykatës të hënën dhe në një seancë maratonë u vendos që të gjithë të qëndronin në qeli.

Në pranga u vunë 30-vjeçari David Rebeshi, 24-vjeçari me iniciale K.A., një 23-vjeçar me iniciale L.V. dhe I.F., 21 vjeç. Bëhet fjalë për një grup të konsideruar si organizatë mafioze nga autoritetet italiane.

Ismail Rebeshi është vëllai i Viterbes i cilësuar ndryshe si “bos mafioz”, i arrestuar një vit më parë nën akuzat e trafikut të drogës dhe posedimit të armëve. Tashmë edhe i vëllai që kishte mbetur jashtë është vënë në pranga.

Mediat italiane shkruajnë se 4 shqiptarëve i ishte ngritur një kurth nga karabinierët italianë që kishin organizuar shkëmbimin e parave që duhet të dorëzonte te shqiptarët pronari i një restoranti të shantazhuar nga Viterbo.

policia-greke.jpg
ger ta18:18 | 13/12/2019

Policia greke arrestoi tre shtetas shqiptarë në zonën e Xirokrinit, me akuzën e trafikut të drogës.

Hetimet drejtoheshin nga Prokuroria e Selanikut. Të ndaluarit akuzohen se kanë sjellë nga Shqipëria në Greqi një sasi të konsiderueshme droge.

Sipas mediave greke, të arrestuarit janë dy burra dhe një grua të moshave 38, 25 dhe 26 vjec. Në banesën e tyre u gjet një sasi e caktuar kokaine, marijuanë, peshore, telefona celularë dhe para cash.

Ndërkaë, ndaj 38 vjeçarit shqiptar u cili besohet të jetë dhe kreu i grupit kriminal, ishin lëshuar dy urdhër arresti nga policia greke./abcnews.al

grabitja-itali.jpg
ger ta16:00 | 10/12/2019

Policia italiane ka arrestuar dy shqiptarë në Prato të akuzuar për veprën e grabitjes dhe rrëmbimit të rëndë.

Sipas mediave italiane dy autorët e arrestuar janë përkatësisht, 29  dhe 19 vjeç. Arrestimi i tyrë është bërë pasditen e së shtunës, ku dy të rinjtë shqiptarë sapo kishin kryer një grabitje brutale, brenda një apartamenti të një familje me kombësi kineze.

Forcat policore duke kaluar në një zonë periferike të Pratos, panë dy të rinj, që më vonë mësuan se janë shqiptarë, e që tërhiqnin një kasafortë të vjedhur, me synimin për ta marrë atë.

Ndërhyrja e menjëhershme e oficerëve të policisë bëri që një prej autorëve të bllokohej menjëherë, ndërsa i dyti u përpoq të përfitontenga situata dhe të arratisej duke përshkuar lumin Bisenzio, ndërsa u arrestua në anën tjetër të bregut nga një tjetër patrullë policore.

Sic bëjnë me dije autoritetet, të dy të dënuarit, duke përfituar nga errësira, më parë kishin arritur në ballkonin e shtëpisë, duke u ngjitur përgjatë një tubi gazi, më pas të hynin në apartament, ku kërcënuan një djalë adoleshent, duke e mbyllur ato në njërën nga dhomat.  Pas kësaj autorët kanë identifikuar praninë e një kasaforte, të cilën e grabitën, ku kanë marrë xhevahire  dhe para të familjes kineze.

Ndërsa në një deklaratë për mediat policia italiane kërkoi të bëhet kujdes në ditët e festave, pasi vjedhjet shtohen./abcnews.al

 

Screenshot_5-5.png
R D11:15 | 10/12/2019

Një skaf i mbushur me drogë u kap në brigjet italiane të Brindizit. Media italiane shkruan se operacioni për arrestimin e skafistit shqiptar dhe konfiskimi i marijuanes me vlerë 4 milionë euro është shkryer nga Guardia di Finanza. Disa orë pas kësaj ngjarje ka reguar Policia e Shtetit. Në një njoftim për mediat thuhet se “droga u kap në bashkëpunim me policinë shqiptare”.

NJOFTIMI I POLICISE

Strukturat e Guardia di Finanza-s, në bashkëpunim me Policinë Shqiptare kanë realizuar një operacion antidrogë të suksesshëm, në kuadër të të cilit u kapën gjithsej 334 kg drogë (marijuanë), e cila përllogaritet të nxirrte rreth 4 milion euro në tregun e paligjshëm.

Gjatë patrullimit të përbashkët në ujërat shqiptare fillimisht dhe vijimit të patrullimeve nga ana e palës italiane në afërsi të brigjeve të Brindizit, njësitë e Guardia-s kanë pikasur një mjet detar, gomone, e cila ngjallte dyshime për shkak të vendndodhjes. Mjeti lundrues është shoqëruar në port dhe gjatë kontrollit, në një hapësirë të maskuar, janë zbuluar 186 pako të mbështjella, në të cilat ishte fshehur lënda narkotike.

Skafisti, shtetasi shqiptar F. I., 32 vjeç është arrestuar në vendngjarje dhe njëherësh janë kryer procedurat e sekuestrimit të mjetit dhe provave të tjera materiale.

Mjeti lundrues ishte rreth 5 metra i gjatë, me një motor të jashtëm mjaft të fuqishëm.

Operacioni Aero-naval që u zhvillua ditën e djeshme konfirmon efikasitetin e kontrollit detar që ushtrohet nga Guardia di Finanza për të luftuar trafiqet e paligjshme që tentojnë të hyjnë drejt BE-së, sinergjinë me strukturat e Frontex-it, si dhe bashkëpunimin e qëndrueshëm dhe të konsoliduar tashmë me autoritetet e Policisë së Shtetit edhe nëpërmjet zyrave ndërlidhëse në Bari e Durrës. /abcnews.al

PAMJET E OPERACIONIT

Lexo edhe: VIDEO/ Kapet në Brindizi skafi me 4 milionë euro drogë, arrestohet shqiptari


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono