shqiptarë

policiiiiiiiia.jpg
gra moz15:39 | 18/06/2018

Janë gjashtë, shqiptarët e dënuar me burg nga Gjykata e Apelit në Leçe, e cila konfirmoi vendimin e Shkallës së Parë. Grupi prej 14 personash u arrestua në kuadër të operacionit “Oqeani” në Shtator të 2016-s.

Gjykata e Apelit në Leçe konfirmoi dënimin për 14 persona të arrestuar në kuadër të operacionit “Oqeani” në Shtator të 2016-s, ku hetuesit zbuluan itenerarë të rinj për drogën që shkon nga Shqipëria në Itali. Janë konfirmuar në këtë mënyrë dënimet me burg për 6 shtetasit shqiptarë pjesë e grupit.

Ervin Gerbaj, 36 vjeç nga Vlora, u dënua me 14 vjet e 4 muaj burg.

Marenglen Halka, 36 vjeç, u dënua me 9 vjet e 8 muaj burg.

Marius Halka, 33 vjeç, u dënua me 8 vjet burg.

Me 7 vjet e 10 muaj burg u dënua Hendri Kapllani, 30 vjeç nga Vlora.

Viktor Shalloi, 33 vjeç u dënua me 6 vjet burg.

Ermal Resulaj, 37 vjeç u dënua me 5 vjet e 6 muaj burg.

Operacioni që çoi në arrestimin e tyre arriti të shkëpusë urën që lidhte dy vendet, nga ku tregtoheshin me kuintalë marijuanë, por dhe kokainë e heroinë. Shqiptarët kanë bërë të mundur furnizimin me drogë, duke ruajtur kontaktet me furnizuesit shqiptarë në vendin tonë, e droga më pas shitej në rajonin salentin.

Sipas prokurorisë italiane, fitimet ishin aq të mëdha sa në një bisedë telefonike të dënuarit, tashmë, flisnin për blerjen e një aparature që numëron kartmonedha pasi nuk mund të numëroheshin ndryshe./abcnews.al

anxhela-mecani.jpg
gra moz09:32 | 16/06/2018

Në Itali një 63-vjeçar italian u ndalua nga policia e vendit fqinj, nën dyshimin se mund të ketë lidhje me vrasjen e 20-vjeçares shqiptare, Anxhela Meçani. Kjo e fundit, sipas ekspertizës mjeko-ligjore, nuk është hedhur nga makina në ecje e sipër pasi është rrahur, por është aksidentuar nga një automjet.

Disa orë marrje në pyetje të një 63-vjeçari italian nuk ishin aq të mbara për policinë e vendit fqinj, që po heton prej gati 1 javë vrasjen e një 20-vjeçarje shqiptare, e dyshuar se shfrytëzohej si punëtore e seksit. Ndalimi dhe marrja në pyetje për disa orë i një 63-vjeçari italian nuk ka dhënë rezultatet e shpresuara nga hetuesit italianë në provincën e Cuneos.

Ai u ndalua pasi dyshohet se është klienti i fundit i Anxhela Meçanit, 20-vjeçarja shqiptare, e cila u gjet në gjendje kritike orët e para të së dielës në Torino dhe ndërroi jetë 13 orë më vonë në spital. Zhvillimet e papritura erdhen pasi agjentët e policisë shoqëruan një burrë në Fossano për ta marrë në pyetje. Sipas Corriere della Sera, makina e tij Mercedes u sekuestrua dhe iu nënshtrua disa inspektimeve, për të kuptuar nëse është ai mjeti me të cilin u përplas për vdekje e reja shqiptare.

Por pas një nate të tërë të kaluar në polici, 63-vjeçari është lënë i lirë, pasi për momentin mësohet se autoritetet italiane nuk kanë mundur të sigurojnë të dhëna të mjaftueshme për arrestimin e tij. Falë tabulateve telefonike dhe pamjeve të kapura nga kamerat e sigurisë në rrugë, hetuesit mbërritën tek 63-vjeçari në Fossano. Megjithatë, të paktën për momentin duket se nuk ka ende prova që ta bëjnë këtë të fundit përgjegjësin kryesor të vrasjes së shqiptares.

Hetimet tashmë vijojnë për të kuptuar rolin që ka pasur 63-vjeçari në këtë krim.Ndryshe nga sa u dyshua në fillim, se 20-vjeçarja shqiptare u dhunua barbarisht dhe më pas u hodh në rrugë nga një makinë në ecje, rezultatet e autopsisë kanë hedhur poshtë të dyja këto versione.

Sipas mjekut ligjor, e reja është përplasur nga një automjet, që më pas është larguar me shpejtësi nga vendi i ngjarjes. Kjo shpjegon edhe frakturat e shumta të gjetura në trupin e së resë, që duket se janë bërë nga përplasja, e jo nga dhuna dhe hedhja në rrugë./abcnews.al

vetmia.jpg
gra moz15:20 | 15/06/2018

Rreth 12 % e shqiptarëve dhe 16% e turqve kanë pohuar se ndihen të vetmuar. Sondazhi i Komisionit Europian i rendit popullsinë në Shqipëri dhe Turqi si më të vetmuarit në Europë. Ndërkohë që më të ndjeshëm ndaj vetmisë janë gratë, të moshuarit dhe të varfërit.

Shqiptarët dhe turqit rezultojnë më të vetmuarit në Europë. Në sondazhin për Cilësinë e Jetës kryer nga Komisioni Europian rreth 12 % e shqiptarëve dhe 16% e turqve kanë pohuar se ndihen të vetmuar.  Në të gjithë Bashkimin Europian ky tregues është 6%.  Cilat kategori prek më tepër vetmia?

“Po të moshuarit, nuk diskutohet ajo punë. Unë edhe pse e kam gruan prapë se prapë quhem i vetmuar sepse humbet shoqëria që kam patur në punë”.

“Të pasurit janë më të vetmuar, sepse janë më vetjake”.

“Ne pensionistët që jemi vetëm”.

Vetmia duket se është më e theksuar tek gratë, të moshuarit dhe të varfërit.

Rreth 14% e shqiptarëve mbi moshën 65 vjeç, 13% e grupmoshës 50 deri në 64 vjeç, e 12% e 35 deri në 49-vjeçareve janë shprehur se ndihen të vetmuar.

Por vetmia ka prekur edhe moshat më të reja ndonëse kanë  një jetë më të angazhuar.

Për grupmoshën 25-34 vjeç, përqindja e të pyeturve që kanë thënë se ndihen vetëm në Shqipëri është 13%, duke u renditur sërish të dytët pas Turqisë me 21%.

Ndërkohë sa më pak të ardhura të disponosh aq më i vemtuar ndihesh. Rreth 13% e atyre që jetojnë me minimumin jetik dhe 6% e të pasurve të këtij sondazhi pohuan se ndjehen vetëm./abcnews.al

FAMILJARET-E-ANXHELES-1280x720.jpg
gra moz17:00 | 13/06/2018

Në Baltëz të Fierit, familja Meçani pret e përcjell njerëz për vdekjen e vajzës së tyre, e cila u gjet e masakruar në rrugë në Itali. Ata kërkojnë ndihmë, që trupi i 20-vjeçares të vijë në Shqipëri, si dhe zbardhjen e plotë të ngjarjes.

Familjarët e Anxhela Meçanit nga Baltza e Fierit kërkojnë drejtësi për vajzën e tyre të vrarë barbarisht në Itali.

Babai i 20-vjeçares dhe gjyshi i saj i kërkojnë ndihmë shtetit për të sjellë trupin e vajzës në Shqipëri.

” Vajza të vijë Shqipëri, të vijë këtu, nuk duhet ta varrosnim atje”.

Lajmin e dhimbshëm ata e kanë marrë nga mediat. Kërkojnë të zbardhet ngjarja dhe autorët të marrin dënimin.

“Arsyeja, hedhja, a u hodh vetë a të tjerët, ajo ishte dërrmuar nga pjesët e brendshme të trupit, sipas mjekut”.

Shqiptarja ndërroi jetë në spital në Itali, ku sipas mjekëve, viktima kishte dëmtime në organet e brendshme, si pasojë e hedhjes në rrugë nga makina, por jo vetëm, pasi në trup kishte shenja goditje./abcnews.al

shqiptarja.jpg
gra moz10:42 | 11/06/2018

Një shtetase shqiptare ka humbur jetën në Torino. Ajo është identifikuar si Angela Mecani, 20 vjeç. Shqiptarja fillimisht ishte dhunuar nga një person në makinë pastaj është nxjerrë jashtë saj në lëvizje në një autostradë të Torinos.

Ngjarja e tmerrshme ka ndodhur mbrëmjen e së shtunës dhe është bërë publike nga autoritetet vetëm të hënën. Mecani ka humbur jetën pas dërgimit në spital për shkak të plagëve të marra nga përplasja në autostradë.

Për këtë ngjarje tragjike ka pasur dhe dëshmitarë, të cilët kanë njoftuar policinë. Autoritetet kanë hapur një hetim për ngjarjen dhe janë vënë në kërkim të autorit. Sipas mediave italiane viktima punonte si prostitutë.

Hetuesit shpresojnë në marrjen e filmimeve të kamerave të sigurisë për të identifikuar autorin apo autorët e krimit./abcnews.al

bosi.jpg
gra moz15:17 | 07/06/2018

Gjykata italiane në Aosta dënoi me 63 vite burg grupin e shqiptarëve të arrestuar në kuadër të operacionit “Ilium” me akuzën e trafikimit të kokainës nga Holanda në Itali. Personazhi më i rëndësishëm i grupit, sipas hetuesve italianë, ishte shtetasi shqiptar, Gëzim Shoshi, i cili shkonte në Holandë dhe paguante për kokainën, e cila dërgohej më vonë në Itali.

Janë shpallur të gjithë fajtorë të pesë të akuzuarit për çështjen “Ilium” që në fund të vitit 2012 zbuloi një trafik ndërkombëtar droge të drejtuar nga shqiptarët.

Më shumë se 60 vite burg për katër shtetas shqiptar dhe një italian si dhe një gjobë prej 40 mijë eurosh. Gjatë hetimeve në periudhën 2011- 2012 policia italiane zbuloi funksionimin e trafikut ndërkombëtar të kokainës mes Italisë dhe Holandës, ku fitimi përfshirë dhe vlerën e drogës së sekuestruar u vlerësua me 2.5 milionë euro.

Të dënuarit janë Gëzim Shoshi, 57 vjeç me 21 vit burg dhe një mijë euro gjobë; 43 vjeçari Alfred Shabani u dënua me 11 vjet burg e një mijë euro gjobë, Lulzim Halili, 37 vjeç dhe Valentin Lleshi, 31 vjeç, u dënuan me 11 vjet burg dhe nga një mijë euro gjobë.  Ndërsa shoferi i kamionit, shtetasi italian Mauro Kauco, 66 vjeç, u dënua me 9 vjet burg dhe 35 mijë euro gjobë.

Gjithashtu gjykata italiane ka vendosur që shtetasit shqiptarë menjëherë pas përfundimit të dënimit të dëbohen nga Italia.

Sipas strukturës së ndërtuar nag hetuesit italianë, në Holandë shkonin paratë për të blerë kokainën, por ai që i dorëzonte në këtë rast, Gëzim Shoshi, nuk ishte kthyer në Aosta, aty ku jetonte, me ngarkesën e drogës. Kokaina vinte më vonë për të mos krijuar dyshime. Më pas shpërndarësi i dërgonte mesazh porositësve që vinin të merrnin kokainën./abcnews.al

gerku.jpg
gra moz11:59 | 03/06/2018

Greqia është duke u përballur me një rrezik të ri nga Shqipëria. Kështu shkruan France 24, që thekson se muajt e fundit, shqiptarët kalojnë malin për të shkuar në Greqi dhe për të vjedhur sasi të konsiderueshme bimësh mjekësore.

Shitja e këtyre bimëve në tregun europian sjell fitime të mëdha.

“Grupe të organizuara mblidhen në mal dhe jetojnë në kasolle të improvizuara”, thotë Yiannis Spirou, zotërues i një ferme të vogël në malin Gramoz.

“I korrin në sasi të mëdha dhe i marrin me mushka”, është shprehur Spirou për AFP.

Grekët thonë se shqiptarët interesohen veçanërisht për një bimë të veçantë, “Primula Veris”,  e cila nuk rritet dot në territorin shqiptar.

Kjo lule përdoret për të luftuar infeksionet urinare, problemet me frymëmarrjen dhe lodhjen.

Ato shiten rreth 20 euro për 120 gramë në eBay, ndërsa 25 rrënja lulesh shkojnë deri në 34 euro në Amazon.

Sipas autoriteteve greke, është hera e parë që ky trend vjedhjesh është bërë kaq i përhapur.

“Aksesi nga Shqipëria është i lehtë dhe shumë njerëz janë të përfshirë në këtë aktivitet”, tha Nikos Papaefthymiou, shefi i departamentit lokal të pyjeve.

Sipas disa zyrtarëve të tjerë, disa persona janë arrestuar, dëbuar dhe më pas janë kthyer sërish për të vjedhur bimë pasi kjo është një mënyrë e mirë për shqiptarët për të bërë para lehtë, thonë ata.

Shqiptarët i shesin bimët nga 10 deri në 20 euro për kilogramë për tregtarët, të cilët më pas e eksportojnë mallin në Gjermani dhe SHBA, sipas France 24./abcnews.al

shqiptaretttt.jpg
gra moz14:08 | 30/05/2018

Policia e Barcelonës ka arrestuar 8 shtetas shqiptarë. Ata akuzohen se kanë grabitur mbi 30 banesa në rajonin e Katalonjës.

Policia rajonale e Katalonjës ka shkatërruar një bandë shumë të rrezikshme shqiptare në Barcelonë. Në pranga kanë rënë 8 shtetas shqiptarë, idenditeti i të cilëve nuk bëhet i ditur. Aktiviteti i tyre kryesor kriminal ishte grabitja e banesave. Pas një hetimi të nisur vitin e kaluar, policia e Barcelonës ka mësuar se 8 shqiptarët, që prej tetorit të kaluar kanë grabitur më shumë se 30 banesa.

Pjestarët e bandës kriminale synonin të godisnin tek banesat që ishin larg qëndrave të urbanizuara. Objektivi i tyre kryesor ishin paratë dhe bizhuteritë dhe para se të kryenin grabitjet merrnin shumë masa për të mos u zbuluar nga policia. Gjatë operacioneve të tyre kriminale, shqiptarët përdornin makina të palëve të treta dhe i parkonin shumë larg ndërtesave mundësisht në pyll dhe pastaj ecnin në këmbë. Madje në shumë raste ata përdornin metro për të mos tërhequr vëmendjen e policisë.

Shqiptarët grupoheshin deri në 4 persona për të kryer goditjet e tyre. Madje, mediat spanjolle shkruajnë se ata nxisnin bashkëatdhetarët që të shkonin në Barcelonë për tu marrë me këtë aktivitet kriminal. Në këmbim shqiptarët ofronin shpërblime materiale dhe vendqëndrimi. Banda e rrezikshme nuk ka kryer grabitje vetëm në Katalonjë, por edhe në vende të tjera Europiane./abcnews.al

kokainaaaaaa.jpg
gra moz19:30 | 21/05/2018

Policia spanjolle, ka sekuestruar 86 kilogramë kokainë ne Malaga  dhe vënë në pranga 4 shtetas shqiptarë që po e transportonin atë. Sipas raportimeve të mediave spanjolle, trafikantët po udhëtonin të ndarë në dy makina të ndryshme; e para një fuoristradë që shërbente si pararojë për të lajmëruar praninë e policisë dhe e dyta një model i vjetër, e zgjedhur që të kalonte pa krijuar dyshime per ngarkesën e droges. Ne makine u gjetën tre valixhe me pako kokaine, 5900 euro kesh dhe 8 telefonë celularë, që u sekuestruan. Shqiptarët e arrestuar janë të moshave 24, 25, 27 dhe 38 vjeç./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono