shqiptar

image-6.jpg
R D20:33 | 22/02/2020

Një shqiptar mbeti i plagosur rëndë sot në Athinë. Mediat greke thotë se 37-vjeçarit iu bë atentat në rrugën “Kerasuntos” në Egaleo të Athinës.

Shqiptari ka marrë plumb në kokë dhe ndodhet ne gjendje të rëndë në spitalin e Nikeas.

Ai u qëllua nga një fuoristradë e zezë në lëvizje. Autorët ende nuk janë kapur, ndërsa hetuesit kanë thënë për mediat greke se motiv mund të jetë larja e hesapeve mes bandave. /abcnews.al

201800239-91168788-d1ef-46c0-b372-1635400a495d.jpg
in a09:40 | 21/02/2020

Një 19-vjeçar shqiptar, me banim në Makari, një fshat i San Vito Lo Capo në Itali ka ndërruar jetë për shkaqe ende të panjohura. I riu me iniciale O.K, që po ndiqte institutin e Hotelerisë, është ndjerë keq në orën e mësimit dhe u transportua në spital, por fatkeqësisht disa orë më pas humbi jeten.

“Jam jashtëzakonsisht i tronditur”, thotë menaxheri i Institutit Pina Mandin. “Rreth orës 9, studenti raportoi tek mësuesit se kishte dhimbje koke dhe se nuk kishte fjetur mirë natën. Mësuesi sugjeroi të skonte në shtëpi. Ai u largua, menjëherë me makinë me një kushëririn e tij, por situata u përkeqësua dhe përfundoi në urgjencë. Rreth orës 15:00 morëm një telefonatë nga spitali që na komunikoi lajmin tragjik”, shpjegoi menaxheri. Mjekët thanë se ai ndjeu dhimbje të forta në kokë, fyt dhe qafë. Edhe pse e vendosën në terapi intensive, nuk mundën ta mbajnë në jetë.

Për këtë ngjarje prokuroria ka nisur hetimet dhe ka urdhëruar autopsinë e trupit në morgun e Sant’Antonio Abate. Në orët e vona të pasdites së djeshme, mësuesit dhe shokët e të riut mbërritën në morg, të shokuar nga kjo tragjedi. Nëna e djalit u sëmur pas lajmit të kobshëm dhe u shtrua në spital. /abcnews.al

meta7.png
in a17:16 | 20/02/2020

Disa shqiptarë i kanë dhënë para borxh një 50-vjeçari italian dhe në momentin që nuk kanë marrë borxhin e tyre shqiptarët e kanë kërcënuar. Italiani u kishte borxh, rreth 4 mijë euro, kryesisht para që ishin përdorur në kumar dhe për konsum droge.

Mediat italiane shkruajnë se shqiptarët i dërgonin italianit kërcënime me vdekje në telefonin e tij gjatë orëve të ditës dhe të natës. I ndodhur në kushte tensioni dhe frike italiani 50-vjeçar i është drejtuar policisë.

4 persona: AC, 37 vjeç, nga Silvi si dhe EN, 35 vjeç, ST, 22 vjeç dhe EB, 28 vjeç, janë arrestuar nga karabinierët e stacionit policor në Pineto dhe Silvi. Mësohet se të gjithë të arrestuarit janë shqiptarë, banorë të Alba Adriatica.

Tashmë ata do të duhet të përgjigjet për veprat penale të zhvatjes së rëndë me dashje, si dhe për përdorim të një armë prerëse.

airbag-replacement-cost-1280x853.jpg
R D12:06 | 18/02/2020

Një foshnjë e porsalindur, më pak se dy muajsh ka ndërruar jetë pas një aksident me makinë. Ngjarja ka ndodhur pasditen e djeshme në Pisa të Italisë. Fëmija ndodhej në automjetin e prindërve kur ndodhi një përplasje mes tre automjeteve. Nga hetimet paraprake mësohet foshnja  kishte qenë në soxholino, në sediljen e parë. Nga përplasja është hapur airbag-u që i ka shkaktuar plagë në kokë.

Sipas dëshmisë së prindërve në polici, babai ka qenë në drejtimin e mjetit, nëna e ulur në sediljen e pasme me fëmijën tjeter, ndërsa foshnja në vendin e parë. Mediat italiane shkruajnë se foshnja që kishte lindur në dhjetor 2019 nga prindër shqiptar. Ai u mbajt disa orë në spital në mjekin intensiv por nuk mundi të mbijetojë. /abcnews.al

harlov.jpg
in a16:38 | 14/02/2020

Një 42-vjeçar, shqiptar i quajtur Andi Bushati është dënuar me 13 vite burg.

Mediat e huaja shkruajnë se shqiptari është dënuar në Britani pasi në vitin 2017 kishte sulmuar dy gra. Mësohet se 42-vjeçari kishte tentuar me forcë t’i detyronte për të kryer marrëdhënie seksuale me të. Bushati etiketohet si një ‘përdhunuesi i Harlow’.

Mësohet se ai u arrestua më 7 korrik të 2017 në Harlow, ndërsa sulmet kishin ndodhur gjatë një viti, në korrik 2016 dhe 2017.

42 vjeçari u shpall fajtor për katër akuza, për përdhunim, dy akuza sulmi fizik dhe një akuzë sulmi seksual, dhe do të deportohet në Shqipërinë pas përfundimit të dënimit të tij.


shqiptari.jpg
ger ta19:14 | 13/02/2020

Një 25-vjeçar shqiptar ka humbur jetën në një aksident në Itali. Automjeti me të cilin po udhëtonte i riu u përplas me një kamion të tonazhit të rëndë.

Sipas mediave italiane, viktima është Endri Zaimi 25 vjeç, baba i dy fëmijëve. I riu ishte duke u kthyer në shtëpi pasi kishte qenë turni i natës në fabrikën ku punonte. Makina e tij tip Volvo u shkatërrua tërësisht për shkak të përplasjes së fortë me kamionin.

Në vendngjarje shkuan forca të shumta policore, ndihma e shpejtë dhe zjarrfikësit dhe bënë të mundur nxjerrjen e trupit nga automjeti i shkatërruar.

25-vjeçari kishte ndërruar jetë menjëherë pas përplasjes.  Ndërsa drejtuesi i kamionit pësoi dëmtime dhe u dërgua në spital, por ndodhet jashtë rrezikut për jetën.

Shkaqet e këtij aksidenti të rëndë janë të paqarta. Qarkullimi në këtë segment rrugor u bllokua për disa orë për shkak të përplasjes mes dy mjeteve./abcnews.al

Selim-Belortaja.jpg
R D09:49 | 04/02/2020

Ambasadori shqiptar në Kinë, Selim Belortaja përmes një statusi në facebook u bën thirrje shtetasve shqiptarë që ndodhen në Kinë të marrin vendimin sa më shpejt pasi sipas tij, numri i të infektuarve rritet me rreth 3 000 në ditë, ku 65 humbin jetën.

“Shpërthimi i nCoV nuk është ndalur aspak. Nuk ka ende një ilaç kundër nCoV! Numri i të infektuarve rritet me rreth 3 000 në ditë, gjithsej raportohen 20 613 persona të prekur në Kinë. Ndërsa vdekjet ditore shkojnë 50-65 njerëz. Gjithsej kanë humbur jetën 427 persona që nga shperthimi i epidemise e deri më sot. Udhëheqja në Kinë i është dedikuar stopimit të epidemisë dhe gjetjes së formulës shkencore per shërimin. E hapur ndaj bashkepunimit nderkombetar. Por ende pa ndonjë deklaratë Relaksi e Zgjidhjeje! Sot që flasim nuk kemi kurrfarë arsye për eufori.

I drejtohem sidomos motrave e vëllezërve shqiptare në Kinë.

Sado të ashpra e vështirësuese që po bëhen për jetën e përditshme: Ndiqni e respektoni kufizimet, rregullat e rekomandimet e autoriteteve këtu: Administrative e higjeno-sanitare. Ato dinë më shumë se ç’bëhet këtu.

E dyta, merreni në dorë vetë zgjedhjen tuaj për vendqendrimin këto javë! Askush nuk ka zbuluar ndonjë formulë që s’jua tregon juve! Askush s’ka ndonjë platformë shtetërore të rezervuar! Merrni vendim të pjekur.

Të jemi optimist në vullnetin e kapacitetet e Kinës dhe përpjekjen e përbotshme është vetëm njëra anë. Tjetra është persistenca e pashembullt e këtij virusi. Uroj shëndet e fat të mirë për gjithkënd, në Shqipëri, Kinë e anekënd botës”, shkruan Belortaja në facebook./abcnews.al

policia-3-1-640x374-1.jpg
in a17:45 | 28/01/2020

Dy shqiptarë të dyshuar për vrasje dhe trafikim të lëndëve narkotike janë arrestuar në Itali me qëllim ekstradimin drejt Shqipërisë. Interpol Tirana bën më dije se ekstradimi i 32- vjeçarit, I. M (S)., i shpallur në kërkim ndërkombëtar u krye nga Roma, Itali drejt vendit tonë. Gjithashtu po nga specialistët e Interpol Tirana u  krye ekstradimi nga Milano/Itali, i shtetasit shqiptar L. S., 31 vjeç, lindur në Laç.

Informacion i policisë:

Vijon bashkëpunimi dhe shkëmbimi në kohë reale i informacioneve mes Interpol Tiranës me homologët, për kapjen e personave në kërkim, me qëllim ekstradimi.

Kapen në Itali dhe ekstradohen drejt Shqipërisë dy të kërkuar, të dyshuar për vrasje dhe trafikim të narkotikëve.

Nga specialistët e Interpol Tirana u krye ekstradimi nga Roma, Itali drejt vendit tonë, i shtetasit shqiptar I. M. (S)., 32 vjeç. Ky shtetas ishte shpallur në kërkim ndërkombëtar, pasi Gjykata e Rrethit Gjyqësor Vlorë, i ka caktuar masën e sigurisë “Arrest në burg”, për veprat penale” Vrasje në rrethana cilësuese “ kryer në bashkëpunim, mbetur në tentativë dhe “Armëmbajtja pa leje”.

Përmbledhje e ngjarjes: Më datë 10.05.2019, shërbimet e Policisë Vlorë janë njoftuar për një ngjarje kriminale, për të cilën shtetasi I. M., në bashkëpunim me shtetasit F. T., G. D., D. E dhe A. L. janë autorë të dyshuar se kanë qëlluar me armë zjarri nga automjeti tip “Land Rover” në drejtim të një grup personash, në pjesën e jashtme të një lokali te Ujë i Ftohtë.

Po nga specialistët e Interpol Tirana u  krye ekstradimi nga Milano/Itali, i shtetasit shqiptar L. S., 31 vjeç, lindur në Laç. Ky shtetas ishte shpallur në kërkim ndërkombëtar nga Z. Q. K Interpol Tirana, pasi Gjykata e Rrethit Gjyqësor Krujë, me vendimin penal nr. 271, datë 29.07.2016, i ka caktuar masën e sigurisë “Arrest në burg”, për veprën penale “Prodhimi dhe shitja e lëndëve narkotike”.

Përmbledhje e ngjarjes së ndodhur:  Më datë 28.07.2016, në automjetin që drejtohej nga shtetasi L. S. janë gjetur dhe sekuestruar 6 kg e 615 gr. cannabis sativa. Në momentin e ndërhyrjes së shërbimeve të Policisë Durrës, ky shtetas është larguar menjëherë.

Si rezultat i bashkëpunimit të Interpol Tirana me Interpol Roma, u bë i mundur arrestimi i tyre në Itali, duke u finalizuar me ekstradimin drejt vendit tonë./abcnews.al

 

850x636_policia_greke1571943723.jpg
R D14:08 | 27/12/2019

Një ngjarje e rëndë është shënuar në orët e para të mengjesit në kufirin greko-shqiptar. Abc News ka mësuar se ka patur shkëmbim zjarri mes një grupi grabitesish shqiptarë dhe policisë greke.

Në Agio Nikola, Filat te Igumenices, policia greke ka pikasur nje grup prej 5 personash qe po tentonin te kalonin ilegalisht kufirin nga Greqia në Shqiperi. Ne ndjekje te tyre u vu skuadra e OPKE, sektori kunder narkotikeve dhe dy skuadra te policise kufitare. 5 personat shoqeronin 2 mushka.

Gjate tentatives per ti ndjekur policisë, skuadra prej 5 personash hapi zjarr ndaj policise dhe te njejten gje beri policia. 3 prej tyre arriten te kalonin ne toke shqiptare, ne nje zone pyjore nderkohe qe u kapen dy prej tyre, shqiptarë të moshës 16 dhe 46-vjeç.

46-vjecari bëri rezistencë të fortë gjatë arrestimit, duke plagosur lehtë një oficer policie.

Dy mushkat rezultuan te ngarkuara me 4 bagëti te therrura, te vjedhura ne një stan ne Agio Nikola, Filat.

Nga hetimet e deritanishme rezulton se ky grup, ishte organizuar prej 4 muajsh për grabitje kafshesh ne zonen e Filatit, Igumenice. Ata hynin ilegalisht në Greqi nga mali dhe pasi vidhnin kafshët, i transportonin ato të gjalla ose të therura drejt Shqiperisë, ku mendohet se i shisnin. /abcnews.al

mafia-1.jpg
in a13:25 | 26/12/2019

Mafia italiane në Viterbo, shqiptari Sokol Dervishi vendos të bëhet bashkëpunëtor i drejtësisë italiane. Mediat në Itali raportojnë se ai është i vetmi shqiptar që do të ketë gjykim të shkurtuar dhe uljen e 1 të tretës së dënimit. Ai ka pranuar të rrëfejë dhe krimet e krahut të djathtë të bosit mafioz Ismail Rebeshi.

Në 25 janar të këtij viti policia italiane arrestoi 13 persona për lidhje me mafian dhe aktivitete mafioz. 36 vjecari shqiptar i martuar dhe me një fëmijë të vogël, jetonte në Viterbo me familjen e tij në një apartament në lagjen Pardizo, në momentin e arrestimit. Tashmë ai mbahet në një burg në Lacio.

Të shtunën e kaluar grupi i hetimit konfirmoi faktin se Dervishi kishte pranuar të rrëfente dhe akuzat e tij iu dorëzuan avokatëve mbrojtës të të akuzuarve të tjerë. Ai është një nga tre të arrestuarit që morën gjykim të shkurtuar, dhe do të jetë në sallën e gjyqit për tu përballur me vendimin në 10 shkurt./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono