shqiptar

sq.jpg
in a08:16 | 11/12/2019

Një shqiptar është plagosur me armë zjarri nga një bashkatdhetar i tij.

Mbrëmjen e së hënës në Frosinone të Italisë dy shqiptarë janë konfliktuar me njëri – tjetrin përpara një lokali. Shqiptarët kanë pasur një grindje të dhunshme midis tyre, më pas një 37-vjeçar është larguar për një kohë të shkurtër dhe është rikthyer me një armë. Në momentin që 27-vjeçari ka hyrë në makinë, ai e ka qëlluar me pistoletë në kokë, duke e lënë të plagosur në gjendje të rëndë shëndetësore.

Autoritetet raportojnë se i plagosuri u transferua në Poliklinikën “Umberto I” në Romë, ku iu nënshtrua një operacioni kirurgjikal, i cili i ka bërë të mundur nxjerrjen e plumbit nga kafka.

Vetë 37-vjeçari pas krimit është dorëzuar në polici.

Nga hetimet e para dyshohet se ngjarja ka ndodhur për shkak të kontrollit të prostitucionit në këtë zonë./abcnews.al

burg-grek-greqi.jpg
R D17:20 | 08/12/2019

Një 36-vjeçar shqiptar është gjetur pa jetë në qelinë e burgut grek të Agias. Mediat greke shkruajnë se shkaqet për vdekjen ende nuk janë bërë të ditura nga autoritet. Nga të dhënat paraprake dyshohet se vdekja mund të ketë ardhur si pasojë e shkaqeve patologjike. Sakaq kanë nisur hetimet dhe pritet përgjigjja zyrtare e autopsisë, ndërsa identiteti i viktimës nuk është bërë i ditur.

“I burgosuri ishte me origjinë shqiptare dhe u gjet i vetëm në qelinë e tij, pa asnjë shenjë të dukshme dhune që mund ti ketë shkaktuar vdekjen”, raportojnë mediat e vendit fqinj.

Trupi i pajetë është dërguar në spitalin e Hanias ku do ti nënshtrohet ekspertizës mjeko-ligjore.

214.jpg
in a15:37 | 22/11/2019

Interpol Tirana ekstradon nga Italia drejt vendit tonë, dy shqiptarë të dënuar për vrasje.

Një 40-vjeçar shqiptar, i dënuar me 20 vite burg nga drejtësia shqiptare për veprat penale “Vrasje e kryer në gjendje të tronditjes së rëndë psiqike”,  së bashku me një 58-vjeçar shqiptar, i dënuar me 8 vite burg nga drejtësia shqiptare për veprat penale “Vrasje me dashje” dhe “Mbajtja pa leje e armëve të ftohta, janë ekstraduar drejt vendit tonë.

Njoftimi i Policisë:

Vijon bashkëpunimi midis Interpol Tirana dhe Homologëve.

Ekstradohen drejt vendit tonë dy shtetas të dënuar për vrasje.

Interpol Tirana ekstradon nga Italia drejt vendit tonë, një 40-vjeçar shqiptar, i dënuar me 20 vite burg nga drejtësia shqiptare për veprat penale “Vrasje e kryer në gjendje të tronditjes së rëndë psiqike” dhe “Mbajtja pa leje e armëve luftarake dhe municioneve”.

Ekstradohet dhe nga Greqia një 58-vjeçar shqiptar, i dënuar me 8 vite burg nga drejtësia shqiptare për veprat penale “Vrasje me dashje” dhe “Mbajtja pa leje e armëve të ftohta.

Si rezultat i bashkëpunimit dhe shkëmbimit të informacionit midis Interpol Tirana dhe Interpol Roma, u bë arrestimi në Romë dhe më pas ekstradimi drejt vendit tonë, i shtetasit shqiptar: Festim Rusi, alias Besim Rusi 40 vjeç. Gjykata e Rrethit Gjyqësor Tiranë e ka dënuar këtë shtetas me 20 vite burg për veprat penale “Vrasje me dashje” dhe “Mbajtja pa leje e armëve të ftohta”.

Kujtojmë se ngjarja ka ndodhrur në vitin 2001, ku shtetasi Festim Rusi alias Besim Rusi, në fshatin Metalliki në Greqi, pas një debati për motive të dobëta ka vrarë me armë të ftohtë thikë, shtetasin A. R.

Po nga Interpol Tirana u krye ekstradimi nga Athina/Greqi i shtetasit shqiptar Sherif Gjini 58 vjeç, lindur në  Elbasan. Ky shtetas ishte i shpallur në kërkim ndërkombëtar nga Z.Q.K Interpol Tirana, pasi Gjykata e Rrethit Gjyqësor Elbasan, e ka dënuar me 8 vite burg për veprat penale “Vrasje e kryer në gjendje të tronditjes së rëndë psiqike” dhe “Mbajtje pa leje e armëve luftarake dhe municioneve”.

Ndërkohë në vitin 2005, në fshatin Linas të Komunës Mollas në Elbasan, shtetasi Sherif Gjini ka vrarë me armë zjarri për motive të dobëta shtetasin A. A.

Si rezultat i bashkëpunimit të Interpol Tirana me Interpol Romën dhe  Athinën, u bë i mundur arrestimi i tyre  në Itali dhe Athinë, duke u finalizuar me ekstradimin drejt vendit tonë.

Të dy shtetasit e ekstraduar ju dorëzuan përfaqësuesve të Drejtorisë së Përgjithshme të Burgjeve./abcnews.al

 

ushtari-afganistani-1280x624.jpg
nev ila10:41 | 05/11/2019

Ministrja e Mbrojtjes, Olta Xhaçka, ka postuar në rrjetet sociale, momente prekëse të një nëne që ribashkohet me djalin e saj pasi ai kthehet nga misioni me Forcat e Armatosura.

Ushtari Shkëlqim Hoxha, me shërbim në Afganistan u kthye në atdhe por nuk lajmëroi askënd. Ai mendoi që kthimi i tij të ishte një surprizë e bukur për nënën, e cila priste në ankth rikthimin e të birit nga lufta.

Direkt sapo preku tokën shqiptare, nga aeroporti, Hoxha vrapoi për tek puna e nënës së tij. Kur pa të birin me rroba ushtarake, e ëma shpërtheu në lot dhe e përqafoi me sa kishte fuqi.

Lajmin e ka bërë të ditur, ministrja e Mbrojtjes, Olta Xhaçka përmes një postimi në rrjete sociale.

E keni parasysh mallin dhe merakun e nënës për birin e saj? Imagjinojeni kur ai është ushtarak dhe ka shkuar të shërbejë në Afganistan. Ushtari i III Shkëlqim Hoxha nga batalioni i II i këmbësorisë, i cili është kthyer nga misioni në Herat i ka bërë këtë surprizë nënës së tij ditën e kthimit nga misioni”, shkruan Xhaçka./abcnews.al

Kthimi i ushtarit nga Afganistani

E keni parasysh mallin dhe merakun e nënës për birin e saj?Imagjinojeni kur ai është ushtarak dhe ka shkuar të shërbejë në Afganistan.Ushtari i III Shkëlqim Hoxha nga batalioni i II i këmbësorisë, i cili është kthyer nga misioni në Herat i ka bërë këtë surprizë nënës së tij ditën e kthimit nga misioni.#KrenariPërFA??

Publiée par Olta Xhacka sur Mardi 5 novembre 2019

concorsi-concorsi-polizia.jpg
ad min10:54 | 31/10/2019

Pasditen e së mërkurës policia italiane në Ankona arrestoi një të ri shqiptar, i cili me automjetin e tij luksoz gjendej pranë një qendre tregtare, gati për të dorëzuar një sasi të konsiderueshme kokaine.

Pas kontrollit që iu u bë në automjet agjentët e policisë panë se ai kishte dhe djalin 4-vjeçar me vete, ndërsa vlera e kokainës ishte 8 mijë euro. Gjithashtu policia sekuestroi dhe 700 euro cash./abcnews.al

shqiptariii.jpg
ad min18:34 | 30/10/2019

Një i ri shqiptar humbi jetën në mënyrë tragjike në Itali të martën. Mësohet se 38-vjeçari, identiteti i të cilit nuk bëhet ende i ditur, po udhëtonte me biçikletë kur u aksidentua nga një makinë. Ngjarja ndodhi në një provincë të Barit.

Sipas mediave, i riu u përplas nga një mjet që drejtohej nga një grua. Kjo e fundit ndaloi që t’i jepte shqiptarit ndihmën e nevojshme mjekësore, por fatkeqësisht plagët ishin të rënda dhe i riu ndërroi jetë.

Përplasja ishte shumë e fuqishme, aq sa e kishte hedhur trupin e 38-vjeçarit rreth 40 metra larg. Mësohet se shqiptari ishte baba i tre fëmijëve. Mëngjesin e aksidentit ai kishte dalë nga shtëpia dhe ishte nisur për të shkuar në punë, por fatkeqësisht humbi jetën./abcnews.al

concorsi-concorsi-polizia.jpg
ad min11:32 | 25/10/2019

Një 37-vjeçar shqiptar me precedentë penalë është arrestuar në Itali me akuzën e shpërndarjes së drogës. Agjentët e policisë gjatë kontrollit në banese I kanë gjetur më shumë se 1 kilogramë e gjysëm marijuanë, si dhe materiale të tjera për paketimin e drogës.

Ai është lënë në arrest shtëpie dhe pse prokuroria kishte kërkuar burgosjen e tij. Dhe pse 300 gramë nga sasia e drogës së gjetur nuk mund të përdoreshin, pjesa tjetër mund të ndahej deri në 700 doza.

Cilësia ishte mesatare, ndërsa 37-vjeçari tha para gjykatësit se e kishte për përdorim vetjak dhe se e kishte gjetur në bregun e lumit Po gjatë një shëtitjeje me varkë./ABC News Albania

gjikola.jpg
ad min19:57 | 23/10/2019

Dy vite e katër muaj burg do të vuajë një i ri shqiptar në Britani, pasi në banesën e tij u gjetën mbi 100 rrënjë kanabis. Sipas asaj që shkruajnë mediat, policia zhvilloi një operacion për bastisjen e shtëpisë së tij më 14 Shtator. Aty gjetën tre dhoma të përshtatura për rritjen e kanabisit.

Ndërkohë arrestimi i të riut shqiptar, 23-vjeçarit S. Gjikola u krye disa orë pas operacionit. Në fillim ai nuk ishte në shtëpi, por u kthye 8  orë më vonë. Këtu zbuloi policët të cilët gjendeshin në banesë. Më pas u bë dhe ndalimi i menjëhershëm i tij.

I riu kishte disa dokumente false. Bëhet fjalë për tre karta identiteti rumune, të tre me emra të ndryshme dhe dy patenta rumune. Të gjitha dokumentet kishin fotografinë e 23-vjeçarit. Gjikola tha përpara gjykatës se kishte shkuar në Britani përpara 6 muajsh.

Avokatja e tij sqaroi arsyet pse shqiptari ishte detyruar që të punonte aty. Shkak sipas saj ishin bërë borxhet që kishte marrë për të paguar shpenzimet mjekësore për të ëmën.

“Erdhi një moment që ai duhet të kthente paratë. Ishte në presion. Fillimisht punoi si pastrues në Londër. Shumica e parave që punonte u shkonin personave që i kishte marrë hua në Shqipëri. Kur erdhi në Stoke-on-Trent ai ishte i vetëdijshëm për operacioni, e dinte që po vepronte gabim, por kishte nevojë për paratë”, tha avokatja Catherine O’Reilli.

Kjo nuk e ndaloi gjykatësin ta dënonte shqiptarin, i cili në fund të dënimit do të deportohet në Shqipëri./abcnews.al

aksidenti-4.jpg
ad min17:54 | 23/10/2019

Përplasja me një rrënjë ulliri rezultoi fatale për një të ri shqiptar. Shendy Çaushaj humbi jetën, ndërsa një tjetër shqiptar ende i paidentifikuar u lëndua rëndë pas aksidentit ë ndodhi mbrëmjen e së martës në zonën Rio Moro di Colannella.

Sipas asaj që shkruajnë mediat, mjeti tip “Opel Meriva” që drejtonte 32-vjeçari doli nga rruga për arsye që ende nuk janë përcaktuar nga policia. Fatkeqësisht makina u përplas me një rrënjë ulliri. Pasojat do të ishin fatale për Çaushajn pasi humbi jetën direkt në vendin e ngjarjes.

Siç shikohet edhe nga fotoja, makina ka pësuar dëmtime të shumta sidomos në krahun e shoferit. Ndërkohë për sa i përket shqiptarit tjetër, i cili udhëtonte si pasagjer në makinë, mediat nuk ia kanë bërë publik identitetin. Mësohet se ai u dërgua në spital gjendje të rëndë shëndetësore.

Sipas hetimeve paraprake, nuk përjashtohet pista që përplasja të jetë shkaktuar prej shpejtësisë së lartë. Megjithatë, pritet që shumë shpejt autoritetet të dalin në një përfundim zyrtar për të qartësuar rrethanat e plota të këtij aksidenti të rëndë./abcnews.al

droge-ne-fuci.jpg
ad min18:06 | 20/10/2019

Një adoleshent shqiptar, sëbashku me një italian janë arrestuar në Itali. Ata u kapën me drogë.

Ngjarja ndodhi në Marano pas një aksioni blic të karabinierëve. Gjithsej u sekuestruan 112 kilogramë marijuanë. Lënda narkotike ishte e fshehur në disa fuçi plastike.

18-vjeçari shqiptar dhe italiani fshihnin edhe 50 gramë hashash, ndërsa iu gjetën materiale për mbështjelljen e drogës, si dhe rreth 50 mijë euro në total.

Deri më tani policia nuk ka bërë publik emrin e dy të arrestuarve. Ndaj tyre rëndon akuza e mbajtjes me qëllim shpërndarjen e lëndëve narkotike./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono