shqiponja

akisdenti.jpg
ent ela22:57 | 11/09/2019

Një makinë e blinduar me targa ruse është aksidentuar mbrëmjen e sotme tek ish-sheshi “Shqiponja” në kryeqytet. Si pasojë e daljes nga rruga është dëmtuar jashtë rrezikut për jetën vetë drejtuesi i mjetit i cili po merr mjekim në spital. Mësohet se gjatë kontrollit në makinë nuk janë gjetur armë, ose mjete të palejuara.

Informacioni paraprak i policisë:

Rreth orës 22:00, në afërsi të sheshit “Shqiponja”  një automjet me targa  të huaja me  drejtues shtetasin E. D., 34 vjeç, banues në Shkodër në rrethana ende të paqarta ka dalë nga rruga.

Si pasojë e daljes nga rruga është dëmtuar jashtë rrezikut për jetën vetë drejtuesi i mjetit i cili po merr mjekim në spital.

Grupi hetimor ndodhet  në vendngjarje dhe po punon për sqarimin e pronësisë së mjetit si dhe të shkakut të daljes nga rruga.

/abcnews.al

tirana.jpg
G. P.17:41 | 10/06/2019

Këshilli Teknik i Autoritetit Rrugor Shqiptar ka miratuar projektin e rishikuar të rrethrrotullimit në sheshin “Shqiponja” në Tiranë. Ministrja e Infrastrukturës dhe Energjisë Belinda Balluku deklaroi se puna do të nisë së shpejti dhe parashikohet të përfundojë brenda 24 muajve.

E tillë pritet të jetë hyrja kryesore e Tiranës pas rreth dy vjet e gjysmë. Këshilli teknik i Autoritetit Rrugor Shqiptar ka miratuar projektin e rishikuar të rrethrrotullimit në sheshin “Shqiponja”. Drejtoresha Sonila Qato dhe Ministrja e Infrastrukturës dhe Energjisë Belinda Balluku shpjeguan detajet.

“Nuk kemi më atë barrierën e një mbikalimi, por është një projekt i harmonizuar me nënkalim dhe krijimin e sipërfaqeve të reja të gjelbërta”, tha Balluku.

Ky projekt i ka dhënë zgjidhje dhe kalimit të këmbësorëve, një problematike e hasur në projektin fillestar.

“Në projektin e parë ishte parashikuar lëvizja e tyre me tunele nëntokësore si dhe kalimin e automjeteve direkt në kryqëzimin e Laprakës dhe të Zogut të Zi, gjë e cila do të sillte bllokim të këmbësorëve në këto dy pika. Zgjidhje përsëri me tre nivele, por duke vendosur përsëri lëvizjen e këmbësorëve dhe të trafikut lokal të zonës në nivelin zero. Projekti siguron lëvizjet e rrjedhshme të automjeteve në nivelet nëntokësore”, tha Qato.

Automjetet parashikohet të lëvizin me 80 km/h. Shpejtësia do të reduktohet në 40 km/h në kthesat e nënkalimeve ndonëse nuk parashikohen ndalesa. Zbatimi i projektit pritet të nisë së shpejti. Paralelisht do të punohet dhe në lotet e tjera të Unazës.

“Menjëherë do të nisim procedurat ligjore të garës për këtë objekt si dhe hapjen e kantierit për implementimin e punimeve. Tashmë që vendimi i qeverisë për shpronësimin e pronarëve që preken nga ky projekt është i miratuar. Sqarojmë që gjurma e shpronësimit të parë është ruajtur edhe në këtë projekt të dytë me disa modifikime teknike në funksion të realizimit të këtij projekti madhor”, tha më tej Qato.

Investimi që synon përmirësimin e trafikut dhe në të ardhmen krijimin e një tjetër qendre për Tiranën do të kryhet nga qeveria. Vlera e tij parashikohet e njëjtë si në projektin fillestar rreth 2 miliardë e 696 milionë lekë./ABC News Albania 24/7

erion-veliaj-balluku.jpg
nev ila20:15 | 30/05/2019

Ministria e Infrastrukturës dhe Energjisë dhe Bashkia e Tiranës kanë prezantuar projektin e rishikuar të sheshit “Shqiponja” në Tiranë. Sipas ministres Balluku ky është një projekt që i shkon qytetit. Ndërkohë kryebashkiaku Veliaj u shpreh i vendosur se puna për zgjerimin e unazës së madhe do të nisë shumë shpejt

Unaza e madhe në Tiranë do të zgjerohet në kohë rekord. Kryetari i Bashkisë Erion Veliaj e beri të ditur ndërsa bashkë me Ministren e Infrastrukturës dhe Energjisë, Belinda Balluku prezantuan projektin e rishikuar të sheshit “Shqiponja”.

Unaza do bëhet, do bëhet me cilësi, do bëhet brenda kostos, do bëhet në kohë rekord, dhe besoj që për Tiranën dhe Shqipërinë që e sheh Tiranën si një kryeqendër ku mbaron edhe punët e veta, është një lajm i jashtëzakonshëm. Nuk kemi kohë të lejojmë që një minorancë e zhurmshme partiake të pengojë shumicën e qytetit që do të lëvizë apo edhe shumicën e banorëve aty që, në fund fare, duan zgjidhje

Sheshi “Shqiponja” do të kthehet në  nënkalim me korsi të dedikuara për autobusët, biçikletat, i jep rëndësi gjelbërimit dhe pritet të zgjidhë problemin e trafikut që krijohet në hyrje të qytetit.

Tiranës nuk i shkon që të ketë një barrikadë në hyrje të saj. Ne jemi një kryeqytet që kemi hapur dyert dhe kërkojmë të ftojmë të gjithë ata që jetojnë jashtë Tiranës apo jashtë vendit, dhe barrikadat e betonit kanë vite që nuk na shkojnë.

E parë në anën teknike, për sa kohë sigurohet rrjedhshmëri e pandërprerë e trafikut dhe zgjidhet problemi i ngërçit që kemi pasur deri më sot, orët e gjata të pritjes nëpër semaforët apo shkëmbimi me mirëkuptim rreth “Shqiponjës”, gjithçka duket në vendin e duhur. Nga ana vizuale, kjo është Tirana, duket si një pjesë e sheshit “Skënderbej”, që është spostuar në hyrje të saj” 

Propozimi i ri sipas Kryetarit të Bashkisë sjell mos ndarjen e qytetit me një mur artificial, i cili do të krijohej nga lidhja e unazës me rreth rrotullimin.

Zona do të kthehet në nyjen nevralgjike të 10 viteve të ardhshme dhe Tirana u shpreh Veliaj do të ketë një nga hyrjet më të bukura./ABC News Albania 24/7

 

SHQIPTARI-BEN-SHQIPONEN-NE-TUZ-1280x720.jpg
ent ela12:25 | 03/03/2019

Një prej shqiptarëve të Tuzit i cili ka udhëtuar nga Shtetet e Bashkuara të Amerikës për të votuar në zgjedhjet komunale në Tuz, ka pasur një incident me policinë për shkak te simbolit të shqiponjës. Shtetasi Sead Nikaj teksa po dilte nga aeroporti po përshendeste familjarët e tij duke bërë me duar shenjën e shqiponjës, por për policinë e aeroportit u konsiderua si shenjë provokimi.

Shqiptari ka deklaruar se sapo ka dale nga avioni policët po e shihnin me një sy të keq dhe e kanë marrë në pyetje në një zyrë në aeroport. Policët e aeroportit në Mal të Zi i kanë thënë shqiptarit se këtë simbol duhet ta bëjë në një vend tjetër dhe jo në aeroport.

Në Tuz po zhvillohen zgjedhjet komunale, ku partitë shqiptare janë të bashkuara. Tuzi është komunë me shumicë shqiptare dhe është krijuar vitet e fundit nga qeveria e Malit të Zi si njësi komunale më vete, që pas shkëputjes nga Podgorica. /abcnews.al

 

SHQIPONJA-I-KALON-BASHKISE.mpg_snapshot_00.24-1280x720.jpg
G. P.14:29 | 11/11/2018

Shqiponja, simboli i 100 vjetorit të pavarësisë do i dorëzohet Bashkisë së Tiranës, nga autoriteti rrugor. Ishte ky i fundit që e hoqi të shtunën veprën e artit nga sheshi hyrës i Tiranës, pasi po zbaton projektin e unazës që në atë nyje rrugore parashikon një mbikalim që do lehtësojë trafikun.

Këtij sheshi hyrës të kryeqytetit tashmë i ka mbetur vetëm emri, pasi simboli identifikues, Shqiponja e vendosur këtu me rastin e 100 vjetorit të pavarësisë, nuk është më. Vepra e artit është hequr për shkak të punimeve që kanë nisur për ndërtimin e një prej segmenteve të unazës së madhe të Tiranës, që parashikon edhe zgjerimin e saj.

Tek kjo nyje hyrëse po zbatohet një projekt i Autoritetit Rrugor Shqiptar që parashikon ndërtimin e një mbikalimi për të lehtësuar trafikun tejet problematik në këtë zonë. Kjo zgjidhje natyrisht që nuk e përmban më Shqiponjën, e cila për 6 vjet e kishte kthyer sheshin në atraksion turistik.

Heqja e Shqiponjës është bërë shkak i përplasjes direkte në rrjetet sociale mes ish-kryeministrit Sali Berisha dhe pasardhësit të tij, kryeministrit Edi Rama. Berisha e ka cilësuar një akt antikombëtar të Ramës e Veliajt heqjen e simbolit të kombit. Por për kryeministrin heqja e asaj vepre arti është një lehtësim estetik.

“Kurrë vulgariteti s’kishte hipur me më shumë prepotencë në një piedestal, se sa në rastin e kësaj “shqiponje” në mesin e një skenografie pseudoklasike prej hyrjeje në kazino, që natën e bënte hyrjen e Tiranës si skenën e një filmi”, shkruan shefi i qeverisë në Twitter.

Vepra e artit, me lartësi 10 metra, ishte realizuar nga artisti Albi Çifligu me kontribut financiar te familjes “Destani” nga Tetova, një dhuratë për shqiptarët në 100 vjetorin e pavarësisë.

ABC News ka mësuar se Shqiponja do i dorëzohet bashkisë nga autoriteti i rrugëve që po zbaton projektin. I takon tashmë institucionit vendor të kryeqytetit të mendojë për një vend ku mund ta zhvendosë atë që tashmë identifikohet si simboli i 100 vjetorit të pavarësisë e vendimi të marrë miratimin në Këshillin Bashkiak./abcnews.al

shqiponja.jpg
G. P.16:05 | 10/11/2018

Sheshit “Shqiponja” në kryeqytet i ka mbetur vetëm emri. Simboli identifikues është hequr. Në këtë zonë ka nisur puna për ndërtimin e një prej segmenteve të Unazës së Madhe të Tiranës. Në vendin ku deri tani qëndronte “Shqiponja” është parashikuar të ndërtohet një mbikalim për automjetet.

Vepra e artit me lartësi dhjetë metra u realizua nga artisti Albi Çifligu me kontribut financiar të familjes “Destani” nga Tetova. “Shqiponja” u vendos në këtë shesh me rastin e 100-vjetorit të Pavarësisë. Në ceremoninë organizuar për këtë rast morën pjesë kryeministri i kohës Sali Berisha dhe ish-kryebashkiaku Lulzim Basha./abcnews.al

LIVERPOOL-SHAQIRI-BEOGRAD-ABCM3T1.mpg_snapshot_00.15-1280x720.jpg
G. P.18:33 | 22/09/2018

Mediat serbe raportojnë se futbollisti me origjinë shqiptare i Liverpool, Xherdan Shaqiri, mund të mos jetë pjesë e ekipit në përballjen e 6 nëntorit në Beograd ndaj Cerna Zvezda – yllit të kuq. Vendimi mund të merret për të shmangur tensionet politike në fushën e gjelbër.

Lojtari i kombëtares zvicerane dhe Liverpool-it Xherdan Shaqiri, i lindur në Gjilan, mund të mos jetë në ndeshjen e 6 nëntorit e vlefshme për Champions League, në Beograd. Mediat serbe citojnë Goal.com, duke shkruar se Liverpool po merr në konsideratë të lërë Shaqirin jashtë ekipit për ndeshjen e Grupit C kundër skuadrës serbe Cerna Zvezda – Yllit të Kuq. Kjo për të shmangur tensione politike.

Më tej mediat serbe raportojnë se festimi i Shaqirit pas golit të shënuar ndaj Serbisë në kampionatin botëror Rusi 2018, është ende i freskët në kujtesën e serbëve. Kjo pasi lojtari me origjinë shqiptare që luan për kombëtaren zvicerane, krijoi me duar simbolin e Shqiponjës dhe mban flamurin e Kosovës në atletet e tij. Elemente këto që mund ta vënë në qendër të një presioni shumë të madh përballë më shumë se 50 mijë tifozëve serbë të Yllit të Kuq në Beograd.

Media serbe B92 citon dhe drejtorin sportiv të Yllit të kuq Zvezdan Terzic, i cili tha se ekipi i tij do të bëjë detyrën duke mbrojtur Shaqirin sic do lojtar tjetër të Liverpool por ai shtoi se nëse Shaqiri do të jetë pjesë e ndeshjes, do të jetë më i vogël se një lulëkuqe./abcnews.al

PJ-2-ALFRED-LELA.mpg_snapshot_19.53-1280x720.jpg
ent ela21:26 | 18/09/2018

Gjesti i duarve te Granit Xhakës dhe Xherdan Shaqirit në ndeshjen e botërorit Serbi-Zvicër bëri bujë në mediat ndërkombëtare. Për këtë çështje i ftuar në “Provokacija” nga Mustafa Nano, drejtuesi i Politiko.al Alfred Lela.

Sipas Lelës, Kampionati Botëror i Futbollit duhet të jetë simfoni e shenjave dhe simboleve të një kombi, përderisa ata nuk janë fyese dhe ofenduese.

“Shqiponja shqiptare nuk ka ngarkesë agresive. Qëndrimi zvicerian më zemëroi, nuk mund ta kesh ekipin fizikisht multikulturor dhe shpirtërish unikulturor.”

Ai u shpreh se shqiponja e bërë gjatë lojës së Zvicrës nuk është gjest politik në raport me Zvicrën pasi 4 lojtarë janë me ekipin dhe ata kanë treguar besnikëri duke mos e lënë Zvicrën.

“Shqiptarët janë më të mirët e asaj skuadre. Duhet të guxojmë të jemi jo politikisht korrekt sepse e kundërta grumbullon një zemërim që mbulohet. Nuk jemi ne shkaktarët, nuk duhet të biem në rolin e viktimës pasi nuk është faji ynë.”

Në lidhje me çështjen e shkëmbimit të territoreve mes Kosovës dhe Serbisë, Alfred Lela tha se nëse palët bien dakord për një shkëmbim adekuat territoresh atëhere marrëveshja duhet të bëhet./abcnews.al

UNAZA-SEGMENTI-I-PARAFUNDIT.mpg_snapshot_00.01-1280x720.jpg
ent ela17:27 | 11/09/2018

Segmenti i parafundit i Unazës së Madhe të Tiranës ai nga “Pallati me Shigjeta” tek sheshi “Shqiponja” do të nisë të rindërtohet në fund të vitit. Autoriteti Rrugor Shqiptar ka hapur garën dhe punimet parashikohet të realizohen për dy vjet.

Në fund të vitit qeveria do të nisë rindërtimin e 2 kilometrave të segmentit të parafundit të Unazës së Madhe të Kryeqytetit.
Autoriteti Rrugor Shqiptar ka hapur garën për rehabilitimin e rrugës nga mbikalimi i Pallatit me Shigjeta deri në rrethrrotullimin e Sheshit Shqiponja, punime të cilat parashikohen të realizohen në harkun kohor të 2 viteve. Aksi i ri do të kushtojë 50 milionë dollarë dhe do të realizohet sipas standardeve dhe cilësisë që është përdorur edhe në pjesët e tjera të Unazës.

Burime zyrtare thanë se segmenti do të jetë në cilësinë e një autostrade, ku pjesët anësore të saj do të mbyllen për tu bërë të pakalueshme nga banorët e zonës, ndërsa për ta do të ketë mbikalime të dedikuara, në mënyrë që të evitohen aksidentet. Ky është segmenti i parafundit i Unazës së Madhe. Pas tij mbetet për tu plotësuar rruga nga sheshi Shqiponja për tek Bulevardi i Ri, por për të autoritetet po punojnë për të përgatitur projektin, ndërsa fondet do të alokohen me buxhetin e vitit të ardhshëm. Në muajin gusht ARRSH hapi tenderin për lotin që lidh zonën e Shkozës me Ali Demin dhe Kodrën e Prifitit dhe segementin mes Saukut, Farkës dhe që del më pas në Shkozë./abcnews.al

FESTIMI-I-GOLAVE-ME-SHQIPONJE.mpg_snapshot_00.21.jpg
G. P.14:05 | 03/09/2018

Festimi i golave me shqiponjë është kthyer sërish në çështje në futbollin europian. Shkodran Mustafi e bëri një gjest të tillë në Angli, ndërsa ka kërcënime për Xhakën dhe Shaqirin.

Ishte saktësisht fillimi i minutës së 12-të në stadiumin e Kardifit. Në atë moment, festimi me shqiponjë u rikthye në elitën e futbollit europian, falë Shkodran Mustafit. Me ta dërguar topin në rrjetë në emër të Arsenalit, ai bëri shenjën tepër të njohur, me dy pëllëmbët e duarve, drejtuar nga shoku i tij i ekipit, lojtari tjetër me origjinë shqiptare, Granit Xhaka. Ishte pikërisht lojtari i përfaqësueses së Zvicrës që asistoi rrjetën e lojtarit të përfaqësueses së Gjermanisë, por në një Europë të trembur nga emigrantët, dhe nën fantazmat e klisheve nacionaliste, ky festim nuk u prit mirë.

Jo edhe aq në Angli, apo Britaninë e Madhe, ku maksimumi i reagimit ishin titujt e gazetave që lajmëronin se Mustafi mund të merrte një gjobë nga Federata për festimin e quajtur politik. Në kontinent është ndryshe. Ish-lojtari i Zvicrës, Stefan Henshoz, sulmoi pikërisht dje, Xhakën, duke u shprehur se ai nuk e përfaqëson më ekipin kombëtar. “Ai nuk duhet të jetë kapiten i Zvicrës”, – shtoi ish-mbrojtësi, cituar nga gazeta “Blik”, ndërsa në përfaqësuese është hapur çështja e shiritit, me tërheqjen e ish-kapitenit Lihtshtajner.

Gjithsesi, pavarësisht propagandës dhe frymës së momentit, Xhaka mori gati 13 për qind të votave të tifozëve për të qenë ai mbajtës i shiritit.
Kjo, pas sondazhit pikërisht në gazetën “Blik”, dhe ishte i dyti pasi favoritit Jan Zomer.
Granit Xhaka u bë antipatik për një pjesë të publikut zviceran pasi festoi me shqiponjë golin e shënuar për Zvicrën, kundër Serbisë në Botëror. Gjithsesi, kërcënimet nuk mjaftohen vetëm me Xhakën.

Të tilla mori edhe Xherdan Shaqiri, dhe kjo pasi skuadra e tij Liverpuli u shortua në grup me Crvena Zvezdën e Serbisë.
“Shaqiri e di se çfarë e pret në Beograd, – u shpreh drejtori i Zvezdës, Zoran Terziç, – nëse vjen, ai këtu do të jetë më i vogël se një kokërr gruri”. Lojtari ofensiv gjithashtu festoi me shqiponjë, pasi shënoi golin e fitores së Zvicrës, ndaj Serbisë në të njëjtën ndeshje të Kupës së Botës./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono