Shqipërinë

sorecaaa-933x445.jpg
nev ila16:25 | 18/10/2019

Ambasadori i Bashkimit evropian në Shqipëri me anë të një statusi në rrjetet sociale ka shprehur keqardhjen në lidhje me përgjigjen negative të BE për hapjen e negociatave me Shqipërinë dhe Maqedoninë.

“Maqedonia e Veriut dhe Shqipëria nuk janë fajtorë për këtë … Sot do të doja t’u dërgoja një mesazh miqve tanë dhe:: ju lutem mos hiqni dorë … Unë nuk kam asnjë dyshim absolutisht se një ditë do të bëheni anëtarë të plotë të ??”, shkruan Soreca në statusin e tij./abcnews.al

zoran-zaev-1.jpg
nev ila22:11 | 16/09/2019

Në vendkalimin kufitar të Qafë Thanës ka nisur nga puna terminali i ri doganor që do të kontribuojë nw rritjen e kalimit të mallrave dhe zvogëlimin e formaliteteve doganore. I pranishëm në ceremoninë e përurimit, kryeministri Zoran Zaev ka vlerësuar marrëdhëniet me Shqipërinë.

Zyrtarisht, terminalin doganor ku kalojnë 1.5 milion udhëtarë dhe 100 mijë kamionë, në përdorim e lëshuan Kryeministri i Maqedonisë së Veriut, Zoran Zaev, Ambasadori i BE-së në Shkup Samuel Zhbogar, delegacion nga dogana e Shqipërisë, përfaqësues të komunitetit afarist dhe mysafirë të tjerë.

Kryeministri Zaev në një prononcim për Klan Maqedoni ka komentuar edhe marrëdhëniet mes Maqedonisë së Veriut dhe Shqipërisë.

“Marrëdhëniet janë shumë të mira, me kapacitete të shkëlqyeshme për përmirësimin e tyre. Lëshimi në përdorim i Terminalit Doganor, me mjete të BE-së nga IPA Fondet dhe Qeverisë së RMV-së, është hapi i fundit nga aspekti teknik, që të përgatitet kompletimi i ONE STOP SHOP, apo vendkalimi kufitar me një ndalesë me përfundimin e punëve në një vend”, tha Zaev.

Me ndërtimin e terminalit të ri doganor prej 9500 metrave katrorë si dhe rikonstruimit të objekteve ekzistuese, autoritetet e Maqedonisë së Veriut thonë se vendi siguron shërbime më të mira për operatorët ekonomik dhe qarkullim më të shpejtë të mallrave në vendkalimin më të madh kufitar me Republikën e Shqipërisë, si dhe lehtësimin e procedurave ndërkufitare./ABC News Albania 24/7

presidenti-finlandez-1280x723.jpg
nev ila20:04 | 02/09/2019

Presidenca finlandeze e BE-së mbështet hapjen e negociatave të anëtarësimit me Shqipërinë dhe Maqedoninë e Veriut.

Duke folur në Parlamentin Europian, ministri i Jashtëm finlandez Peka Havisto ka deklaruar se BE nuk duhet të lejojë që një vakum eventual në Ballkan të mbushet nga faktorë të tjerë.

Një tjetër mesazh pozitiv vjen nga presidenca finlandeze për procesin e zgjerimit të Bashkimit Europian. Ministri i Jashtëm finlandez, Peka Havisto ka deklaruar para komisionit të punëve të jashtme të Parlamentit Europian se presidenca finlandeze mbështet hapjen e negociatave të anëtarësimit me Maqedoninë e Veriut dhe Shqipërinë.

Ministri Havisto ka shpjeguar para eurodeputetëve se angazhimi për zgjerimin është i rëndësishëm për të mos lejuar krijimin e një vakumi në Ballkan dhe për të evituar shfrytëzimin e këtij vakumi nga faktorë të tjerë që nuk ndajnë të njëjtat vlera me Bashkimit Europian.

Këtë deklaratë, ministri Havisto e ka bërë gjatë prezantimit të prioriteteve të presidencës finlandeze në Parlamentin Europian.

“Ne në Finlandë mendojmë se zgjerimi është një instrtument i mirë për shpërnadrjen e vlerave dhe interesave tona të përbashkëta të Bashkimit Europian. Ballkani Perëndimor nuk është një vakum. Nëse ne nuk jemi aktivë atje, dikush tjetër do jetë. Dhe kjo është arsyeja përse ne e mbështesim hapjen e negociatave me Maqedoninë e Veriut dhe Shqipërinë. Ne mendojmë se është një hap shumë i rëndësishëm. Ndërkohë që ne fokusohemi shumë në diskutimet tona te dalja e Britanisë së Madhe dhe rreziku që po humbim një shtet anëtar, ne duhet të kemi në mendje gjithashtu se kemi një grup vendesh që duan të bëhen anëtare të Bashkimit Europian”, deklaroi Peeka Haavisto, ministri i Jashtëm finlandez.

Kryetari i komisionit të punëve të jashtme të Parlamentit Europian, Dejvid MekAlister është ndalur te bisedimet për normalizimin e marrëdhënieve midis Prishtinës dhe Beogradit.

Ai ka përshëndetur prezencën e përfaqësueseve të dy vendeve në takimin jozyrtar të ministrave të Jashtëm të Bashkimit Europian me ata të Ballkanit Perëndimor në Helsinki.

“Ne pamë një shkëmbim mendimesh midis Ivica Daçiç dhe homologut të tij të Kosovës, zotit Pacolli. Ishte shumë pozitive që ata folën me njëri-tjetrin. Shpresojmë që pas zgjedhjeve në Kosovë të dyja palët do të mund të ulen sërish për bisedime. Çdo iniciativë e presidencës finlandeze në këtë drjeitm do të ndihmonte shumë”, tha eurodeputeti David McAlister.

3 shtetet anëtare të Bashkimit Europian mbeten sërish të përçara lidhur me hapjen e negociatave të anëtarësimit me Shqipërinë, ndërkohë që duket se ka një konsensus të përgjithshëm që Maqedonia e Veriut mund të marrë një datë për hapjen e tyre në tetor./ABC News Albania 24/7 

palase-1280x713.jpg
nev ila17:00 | 11/08/2019

Një thesar i fshehur që po zbulohet ngadalë. Shqipëria është një tokë e panjohur me male dhe plazhe të bukura, në jug-lindje të Europës. Një vend me histori të mbajtura të fshehta me shekuj duke pritur për zbuluesit.

Është ky përshkrimi që i bëhet Shqipërisë në hyrje të një reportazhi të kryer nga televizioni brazilian “O Globo”.

Në emisionin e gazetares Gloria Maria prezantohen bukuritë e vendit tonë, plazhet, ushqimet tradicionale, pikat turistike e pasuritë kulturore e historike, si edhe bunkerët e periudhës komuniste.

E dashuruar veçanërisht me bukuritë e jugut gazetarja thotë se Parku Kombëtar i Butrintit është mahnitës. Për plazhin e Ksamilit thotë se është më i bukuri në rajon, ndërsa arkitekturën dhe traditën gjirokastrite, Gloria e përshkruan si diçka magjepsëse.

Vëmendjen e gazetares braziliane e tërhoqën në veçanti fasadat shumëngjyrëshe të pallateve të vjetra. Një kureshtje që ia shuajti, ideatori i lyerjes së tyre, kryeministri Rama.

“Erdhi nga nevoja që kishim edhe pse nuk kishim buxhet. Bëmë shumë për qytetin duke i dhënë frymë dhe e ngjyrosëm. Doli që ishte një ide e mirë”.

Harmonia fetare gjithashtu ishte pjesë e reportazhit të gazetares, e cila u ndal në kryegjyshatën e bektashinjve në Tiranë. Shqipëria përshkruhet si një vend i lirë, demokrat e tolerant që është në rritje./abcnews.al

6D4992B1-31F5-4944-98DE-D67DA1F67D61_w1023_r1_s.png
ad min21:00 | 07/08/2019

Këshilltari i Komisionit Amerikan të Helsinkit, Robert Hand, në një intervistë për Zërin e Amerikës, thotë se kriza e shumëfishtë në Shqipëri ndodh në një moment kritik për vendin, ndërsa Bashkimi Evropian pritet të marrë vendimin për hapjen ose jo të negociatave të anëtarësimit. Sipas Hand, në këtë moment vendi ka nevojë për një udhëheqje të përgjegjshme politike.

Shqipëria ka nevojë për udhëheqje të përgjegjshme politike për zgjidhjen e krizës që po kalon vendi. Kështu shprehet në një intervistë për zërin e Amerikës, Këshilltari i Komisionit Amerikan të Helsinkit, Robert Hand. Ai apelon që politika shqiptare të dialogojë vetë për zgjidhjen e mosmarrëveshjeve  pa kërkuar më ndihmë nga ndërkombëtarët.

“Uroj që mes elitave politike shqiptare do të ketë vullnet për të biseduar dhe për të gjetur zgjidhje për mosmarrëveshjet. Nuk mendoj se duhet të luajnë rol ndërmjetësues. Shqiptarët duhet të largohen nga praktika e të kërkuarit ndihmë nga të huajt për të ndërmjetësuar mosmarrëveshjet e brendshme. Po, mendoj se Shtetet e Bashkuara, duke këmbëngulur për reformën dhe vetingun e gjyqtarëve, që çoi në mosfunksionimin e gjykatave, kanë luajtur një rol në këtë drejtim. Por mendoj se reforma dhe vetingu ishin të nevojshëm. Ndërkohë vendi ka nevojë për udhëheqje të përgjegjshme politike për të ecur përpara, deri në krijimin e një sistemi të besueshëm drejtësie, që do të zgjidhte mosmarëveshje të kësaj natyre. U takon politikanëve të jenë të hapur për dialog dhe të arrijnë një zgjidhje, që vendi të ecë përpara në këtë kohë kritike”.

Zyrtari amerikan thekson se kriza politike po ndodh në një moment kritik për vendin, ndërsa Shqipëria prêt vendimin për hapjen e negociatave me Bashkimin Evropian dhe kryesimin e OSBE.

“Lufta politike mes partive, ose mes udhëheqësve të partive, zhvillohet pa marrë parasysh nevojën për përparimin e vendit. Dhe e gjithë kjo ndodh në një moment tepër kritik, kur Bashkimi Evropian pritet të marrë në tetor vendimin për të hapur ose jo negociatat e anëtarësimit me Shqipërinë dhe Maqedoninë e Veriut. Ky është një hap i rëndësishëm dhe ne e dimë se brenda BE-së ka vende që nuk janë pro zgjerimit dhe situata e sotme në Shqipëri ua bën më të lehtë këtyre vendeve të thonë le të mos i hapim dyert. Mendimi im është se Këshilli i Evropës duhet të rekomandojë hapjen e negociatave. Ka ardhur koha dhe Shqipëria e meriton këtë. Një moment tjetër po aq kritik është fakti se Shqipëria po bëhet gati të kryesojë OSBE-në vitin e ardhshëm. Ky është një post i rëndësishëm, nuk është diçka simbolike, ku thjesht vë emrin në krye të listës së 57 vendeve anëtare”.

Për zgjedhjet e 30 qershorit, Këshilltari i Komisionit Amerikan të Helsinkit, Robert Hand, thotë se nuk kishte zgjidhje tjetër veç zhvillimit të tyre, pasi debati për datat nuk mund të zgjidhej në kushtet e mungesës së gjykatës kushtetuese./ABC News Albania 24/7

albania-conde-nast-traveller-26april18-istock.jpg
ad min12:15 | 06/08/2019

Shqipëria është renditur në listën e 10 vendeve që ia vlejnë për t’u vizituar në SUhtator, për të kaluar pjesën e mbetur të pushimeve. Revista prestigjioze britanike “SI EN Trevëllër” u rekomandon pushuesve evropianë vendin tonë, për të zgjedhur mes alpeve dhe plazheve me ujin e kristaltë.

Pas Gushtit, Shtatori është muaji i fundit që mund të shijohet në mbyllje të sezonit të verës. Dhe nëse pushuesit që zgjedhin këtë muaj janë të pavendosur se ku të drejtohen për të kaluar ditët e relaksit, për të zgjidhur dilemat e tyre mendon “CN Traveller”.

Revista britanike ofron një listë me 25 vende ku pushuesit mund të shpenzojnë ditët e mbetura të pushimeve, mes të cilave, në vendin e 10 renditet Shqipëria. Vendi ynë rekomandohet për një sërë karakteristikash, duke filluar nga temperaturat, që sipas revistës variojnë nga 15 deri në 27 gradë Celsius. “Shqipëria mund të mos jetë “Kroacia e re”, por është një vend mjaft tërheqës”, shkruan revista në edicionin e saj online, ku thekson se për shumë kohë, “xhevahiri i Ballkanit” ka qendëruar jashtë radarëve të operatorëve turistikë.

Në shkrimin e saj revista sugjeron për të vizituar si Alpet shqiptare, ashtu edhe zonat bregdetare. “Mund të arratiseni fare mirë në rivierën shqiptare për rërë të artë dhe det të kristaltë”, shkruan “CN Traveller”.

Revista nënvizon se, në verë plazhet janë të mbushura me njerëz që arratisen nga Tirana për t’i shpëtuar vapës, por në shtator ato janë të qeta, ndërsa klima mbetet mesdhetare dhe Adriatiku i ngrohtë. Në renditjen e bërë nga revista, Shqipëria ka lënë pas vende prestigjioze, të njohura për reputacionin e tyre sa i takon turizmit, si Lisbonën, Ibizën, Sicilinë, Korfuzin, Santorinin, Barcelonën, etj./ABC News Albania 24/7

shefat-e-kuzhines-1280x718.jpg
nev ila21:27 | 05/08/2019

Deri më sot jemi mësuar se shtetasit shqiptar i drejtohen shtetit grek për të punuar. Por ne sot kemi mundësinë të shohim dy shefa grek, të cilët kanë zgjedhur shqipërinë për të punuar në këtë sezon veror.

Shefe Kristna është shtetase greke por këtë verë ka zgjedhur që të punojë në restorantin Agonia në Himarën e bukur.

Por cili ka qenë impakti i saj i parë kur ka ardhur për të punuar këtu?

“Kur u martuam me bashkëshortin tim, ne ishim në Nju Jork për një vit dhe vendosëm të ktheheshim dhe të investonim këtu. Ideja ishte e imja dhe unë e binda atë që ne të vinim këtu. Në fillim ne po mendonim të bënim dicka në Athinë në Greqi por kjo nuk mund të bëhej.Një ditë i thashë bashkëshortit, pse të mos shkojmë në Himarë të bëjmë dicka? Ide brilante”.

Ju jeni në shqipëri prej sa muajsh?

“Ne jemi këtu që prej fillimit të muajit maj. Ne kemi shtëpuinë tonë këtu dhe vijmë në Himarë në cdo sezon, jemi adhurues të Himarës“.

A e shihni të ardhmen duke punuar dhe jetuar duke investuar në Shqipëri?

Absolutisht nuk është e lehtë, ashtu sikurse edhe në vendet e tjera të Europës, por cdo vit e më tepër po bëhet mirë edhe në Shqipëri. Mendoj se është momenti, madje edhe për cdo të ri himariot që të vijë dhe investojë këtu”.

Ndërsa shefi tjetër i kuzhinës greke, Kosta do të na tregojë se si është eksperienca e tij në Shqipëri.

“Unë ndihem shumë mirë këtu si i ardhur nga Greqia. Ne kemi nisur një fillim shumë të vështirë por po funksionon dhe vazhdon shumë mirë. Jam i kënaqur që ndodhem këtu. Më pëlqen ambienti, është vend fantastik”.

Prej sa vitesh keni punuar në Greqi si shef kuzhine?

“Kam 50 vjet që punoj në kuzhinën mesdhetare, greke dhe ndërkombëtare por më pëlqen më shumë kuzhina mesdhetare sepse është më e mira. Kemi cdo ditë specialitete të reja dhe cdo ditë sjellim peshk të freskët”.

A ishte e vështirë për ju të linit Greqinë dhe të vinit në Shqipëri?

“E dua Himarën pse jo edhe njerëzit, janë shumë të mirë“.

Pra ndiheni komod edhe këtu edhe atje?

“Është hera e parë që jam këtu por sigurisht do të rikthehem edhe vitin tjetër“./abcnews.al

klosi-1-1280x713.jpg
ad min13:30 | 04/08/2019

Numri i turistëve izraelitë që kanë zgjedhur të vizitojnë Shqipërinë sipas ministrit te Turizmit dhe Mjedisit Blendi Klosi është trefishuar.  Ndërkohe ministri Klosi bëri të ditur se shumë shpejt numri i charteve që do të udhëtojnë nga Telavivi në Tiranë dhe anasjelltas do të shkojë në katër.

Shumë shpejt nga Telavivi në Shqipëri  dhe anasjelltas do të udhëtojnë katër chartera në javë. Ministri i Turizmit dhe Mjedisit Blendi Klosi  e bëri të ditur nga stenda e “Buzëqesh Shqipëri” në aeroportin “Nënë Tereza” në Tiranë ku foli dhe për rritjen e numrit të turisteve izraelitë që kanë zgjedhur të vizitojnë vendin tonë.

“Falënderoj kompaninë për numrin e madh të turistëve izraelitë që kanë ardhur në Shqipëri gjatë verës së këtij viti dhe numrat janë realisht impresionues nga viti i kaluar dhe nga një vit më parë, numri është trefishuar duke shkuar në 20 mijë turistë izraelitë që janë futur deri në fund të muajt Qershor”.

Ministri i Turizmit thotë se shkak për këtë janë shërbimet e përmirësuara dhe investimet në tregun e hotelerisë.

 “Kjo mundësi e shtuar krijon padyshim një destinacion të ri, që do të ndiqet edhe nga kompanitë e tjera izraelite të cilat e shikojnë Shqipërinë si një diamant në sektorin e turizmit dhe si një perspektivë e re e turizmit izraelit. Pra në gjuhën e shifrave rritja e avionëve nga Izraeli është impresionuese, vjet për herë të parë u testuan dy avionë në javë dhe vetëm për dy muajt e verës, Sivjet jemi në 4 avionë në javë pothuajse për të gjithë periudhën nga prilli deri në shtator dhe ajo çfarë premtojnë drejtuesit më të lartë të Israair, me të cilët kemi një dakordësi tashmë është që vitin tjetër të ketë 7 fluturime në javë”.

Me hapjen e aeroportit të Kukësit ministri Klosit tha se Shqipëria mund të kthehet në një destinacion interes jo vetëm për tu vizituar nga turistet por dhe për të shërbyer si  vend transit për të arritur vendet e rajonit./ABC News Albania 24/7

greqia-1.jpg
nev ila16:55 | 30/07/2019

 

Athina zyrtare shprehet e gatshme të mbështesë Shqipërinë në hapjen e negociatave me Bashkimin Europian, por kjo do të ndodhë vetëm pas plotësimit të disa kushteve. Vendimi i qeverisë greke pritet në muajin tetor.

Në muajin tetor, qeveria e re greke do të duhet të japë ose jo konsensusin për hapjen e negociatave të anëtarësimit në BE të Shqipërisë dhe Maqedonisë së veriut. Nga kjo do të varen marrëdhëniet në të ardhmen të Athinës me Tiranën dhe Shkupin.

Ky është përfundimi i analistëve grekë, pas shqyrtimit të programit të qeverisë Micotaqis, tri javë pas fitores në zgjedhjet e 7 korrikut.

Gazeta më e madhe konservatore, Kathimerini, i kushton një analizë të gjatë kësaj teme.

Gazetari Stavros Tzimas, ndoshta njohësi më i mirë i çështjeve ballkanike në Greqi, nënvizon në analizën e tij se “Athina nuk do të bëhet pengesë në procesin e integrimit të dy vendeve fqinje, por nuk ka për ta dhënë konsensusin pa marrë dicka në shkëmbim”.

Tzimas citon një burim pranë kryeministrit sipas të cilit “Athina nuk do të thotë “jo” për asnjërin prej dy vendeve, por do të shtrojë edhe kushtet e saj”.

Sipas analistit grek, kushti për Maqedoninë e veriut do të mund të jetë zbatimi me rigorozitet i marrëveshjes së Prespës. Ndërsa për Shqipërinë, dhënia e garancive mbi respektimin e konventave ndërkombëtare për të drejtat e minoritetit.

Ndërkaq, Tzimas thekson se “Me Shqipërinë, gjërat janë më të komplikuara”, duke iu referuar situatës së brendshme politike, që sipas tij do të mund të ketë impakt në vendimin e liderëve europianë për dhënien e datës së hapjes së negociatave.

Analisti grek nuk le jashtë vëmendjes faktin se nga Tirana zyrtare, vetëm presidenti Meta e uroi për fitoren zotin Micotaqis.

Kryeministri socialist Edi Rama po hesht, ndoshta sepse po pret nga homologu i ri grek qëndrimet e qeverisë së tij për axhendën e marrëdhënieve dypalëshe, të cilat prej kohësh kanë temperatura Siberie”, thekson analisti Tzimas./ABC News Albania 24/7

 

mesuesit-1280x717.jpg
ad min15:10 | 11/07/2019

Nis testimi i kandidateve për mësues.

Provimi i informatizuar është faza e dytë që duhet të kalojnë mësuesit e ardhshëm pasi kanë dorëzuar dosjen individuale në portalin “Mësues për Shqipërinë”.

Testit do ti nënshtrohen 4700 kandidate sipas fushave përkatëse deri më 22 Gusht sipas një kalendari të hartuar nga Qendra e Shërbimeve Arsimore në Tiranë.

Ndërkohë përmes portalit “Mësues për Shqipërinë” pritet të punësohen rreth 1400 mësues./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono