shqiperi

aksidentet-1280x706.jpg
Sej rie15:00 | 04/08/2019

Në gjysmën e parë të këtij viti në rrugët e Shqipërisë pati më shumë aksidente me viktima, se sa në të njëjtën periudhë të vitit të kaluar. Nga 102 jetët e humbura në këtë 6-mujor në aksidente rrugore, 26 janë regjistruar vetëm në muajin Qershor.

Edhe pse pati një angazhim maksimal të efektivëve të policisë rrugore gjatë sezonit turistik veror, përsëri numri i aksidentet me pasojë vdekjen mbetet i lartë.

Vetëm gjatë muajit qershor humbën jetën nga përplasjet e automjeteve 26 persona. Një shifër disa herë më lartë krahasuar me vendet e Bashkimit Evropian në raport popullsie. Në  Qershorin e vitit të kaluar vdekshmëria nga aksidentet, sipas statistikave te policisë, ishte më e ulët, me gjashtë persona më pak se këtë Qershor.

Pjesa më e madhe e aksidenteve u shënua gjatë akseve kombëtare, veçanërisht në zonat bregdetare, por edhe në rrugët e sapo-përfunduara, siç është autostrada Tiranë-Elbasan. Konkretisht  në rreth rrotullimin e Saukut u regjistruan 6 viktima në më pak se 40 ditë. Pothuajse në të njëjtat shifra kanë mbetur edhe aksidentet rrugore me pasojë plagosjen  e rëndë dhe plagosjen e lehtë gjatë muajit Qershor.

Ajo që shqetëson më tepër specialistët e policisë së qarkullimit rrugor është fakti se në Qershor, në mbi 91  % të rasteve, aksidentet kanë ndodhur si pasojë e sjelljes së drejtuesit të mjetit. Në  këtë periudhë rreth një e treta e aksidenteve është kryer nga drejtues mjetesh te grup-moshës 25 – 35 vjeç.

Trend në rritje kanë aksidentet rrugore, sipas policisë së Shtetit, edhe në gjashtëmujorin e parë 2019-s. Numri i viktimave në rrugë në gjysmën e parë të këtij viti është 102 persona, ose 4 më shumë se në të njëjtin 6 mujor të vitit 2018./ABC News Albania 24/7

moti-1-1280x717.jpg
Sej rie08:00 | 04/08/2019

Pjesa më e madhe e Evropës vijon në ndikimin e motit të kthjellet dhe temperaturave relativisht të larta. Ndërsa Alpet Evropiane si edhe zonat përreth tyre paraqiten me vranësira të dendura dhe rrebeshe shiu, herë pas here të shoqëruar me stuhi të forta ere.

Sipas MeteoAlb: Territori shqiptar gjate gjithë ditës paraqitet në ndikimin e kushteve të qëndrueshme atmosferike duke bërë që moti i kthjellet të jetë dominant. Përjashtim bëjnë zonat malore të cilat do të kenë herë pas-here vranësira të lehta.

Temperaturat e ajrit do te pësojnë rënie të lehtë në vlerat minimale duke u luhatur nga 13°C deri në 34°C.

Era do fryjë mesatare në tokë dhe deri e fortë në det shpejtësi mbi 50 km/h nga drejtimi Verior – Veri-perëndimor duke krijuar në det dallgëzim 3 – 4 ballë./ABC News Albania 24/7

kukes-1-1280x726.jpg
Sej rie09:00 | 03/08/2019

Edhe kjo fundjavë ka nisur me fluks të lartë mjetesh në Morinë. Policia kufitare që në orët e para ka aplikuar procedurën e thjeshtëzuar për të shmangur radhët dhe qëndrimet në doganë. Por, në fundjavë problem mbeten mjetet e transportit të mallrave. Ata që nuk arrijnë të kalojnë kufirin deri në orën 16.00 të pasdites së të premtes u duhet të qëndrojnë në kufi, duke krijuar radhë kilometrike.

Dogana e Kosovës nuk punon në fundjavë dhe ky është problemi më shqetësues për drejtuesit e këtyre mjeteve dhe biznesmenët, të cilave u shtohet jo pak kostoja e shpenzimeve për ditë qëndrimi dhe mungesën e qarkullimit të mallrave.

Unifikimi i sistemit doganor mbetet ende një tentative për t’u aplikuar nga qeveritë e dy vendeve, gjë e cila pritej të përfundonte brenda gjashtëmujorit të parë të këtij viti. Por, mesa duket precedentë të tillë do vijojnë deri në fund të këtij viti si pikë e parealizuar e marrëveshjes ndërqeveritare ashtu sikundër nuk u realizua edhe heqja e tarifave roaming./ABC News Albania 24/7

ilir-meta-5.jpg
G. P.15:07 | 30/07/2019

Sipas Presidentit të Republikës, Ilir Meta, me këtë situatë krize në vend nuk do të ketë çelje negociatash me Bashkimin Europian në Tetor. Ai thekoi në një konferencë për mediat këtë të martë se duhen zhvilluar minimumi zgjedhje vendore gjithëpërfshirëse dhe me standarde më 13 Tetor.

“Pa zgjedhje vendore gjithëpërfshirëse, standardeve më të besueshme demokratike më 13 Tetor mos prisni asnjë mrekulli që të bjerë nga qielli më 18 Tetor dhe që të gdhiheni më 19 Tetor me çelje negociatash. Prandaj kam apeluar për dialogun politik real dhe të sinqertë për këtë çështje madhore të qytetarëve shqiptarë”, tha Meta.

Ndër të tjera, kreu i shtetit tha se për çështjet e integrimit duhet pyetur vetë ai dhe jo përfaqësuesit e Bashkimi Europian në kryeqytet. Sipas Metës, asnjë prej tyre nuk do të thotë të vërtetën siç është përveç tij, pasi i shërben interesit kombëtar.

“Kam thënë mjaft qartë që me këtë situatë krize të thellë të gjithanshme, kushtetuese, institucionale, përfaqësimi demokratik që ka vendi dhe aq më tepër me paaftësinë dhe mungesën e vullnetin deri tani për të organizuar zgjedhje vendore dhe gjithëpërfshirëse, të cilat kanë datën e tyre të ligjshme më 13 Tetor kam thënë që nuk ka çelje të negociatave të Shqipërisë me BE-në dhe këtë e kam thënë fare qartë.  Në lidhje me këtë çështje, ju e keni dëgjuar, do dëgjoni dhe në të ardhme, deklarata të përfaqësuese të ndryshëm të BE-së këtu, të cilët bëjnë një punë shumë të mirë, por që e kanë mandatin e kufizuar 3 deri në 4 vjet, apo të personaliteteve të KE-së dhe meqenëse janë çështje të integrimit evropian do ju lutesha shumë që në vijimësi të ndiqni koherencën e qëndrimeve të mia në 30 vjet.

Nga 8 Dhjetori 1990 kur në Shqipëri dolën thirrjet e para studentore “E duam Shqipërinë si gjithë Europa” e deri më sot. Sa i takon përmasave e konsideroj veden lider lokal, dhe jo lider global. Nuk marr përsipër të zgjidh çështje globale, por të jeni e sigurt për çështjet e integrimit evropian mos u lodhni të pyesni asnjë ambasador, asnjë përfaqësues të BE-së që t’ju thotë të vërtetën se si është. Atë të vërtetë më mirë se sa unë që ka 30 vjet që merrem me këtë punë në mënyrë të pandërprerë, nuk jam t’ju rikujtoj të gjitha qëndrimet e mia që nga 90, nuk e dinë më mirë se e kanë mandatin e kufizuar. Unë nuk jam këtu ti bëj qokë askujt, as opozitës, as qeverisë. Unë jam këtu t’i shërbej një interesi kombëtar të gjithë shqiptarëve sepse ky është qëllim kombëtar”, tha Meta./abcnews.al

1-2-1250x596-24.jpg
G. P.22:04 | 28/07/2019

30-vjeçarja Ida Nastasi në Itali nuk arrinte të gjente një punë që nuk ishte e përkohshme, ndaj vendosi që të shkojë tek i fejuari i saj në Tiranë. Tani punon si edituese për një agjenci web marketing. “Jugu në vendin tim është dëshpërues”, thotë ajo. Ndjej nostalgji për shtëpinë, më pas mendoj se ajo që gjeta këtu, atje nuk do të kishte qenë e mundur”.

“Realiteti në Jug të Italisë është dëshpërues. E sapo diplomuar, mezi prisja që të futesha në botën e punës, kisha entuziazëm dhe dëshirë për të punuar, por edhe frikë. Sepse përveç punëve të rastësishme, nuk kisha pasur kurrë mundësinë të gjeja diçka definitive.”

Kështu, Ida Nastasi, 30-vjeçe, e rritur në provincën e Caserta, por me origjinë nga Torre del Greco, në 2017-n zgjodhi të shkonte tek i fejuari i saj, i cili kishte emigruar për punë në Shqipëri. Dhe atje qëndroi.

“I pari që u përball me situatën depresive të punës në Jug të Italisë ishte pikërisht ai. Në Tiranë, sot jetohet mirë“, thotë ajo duke buzëqeshur.

Herën e parë që u nis drejt Shqipërisë, Ida ishte e emocionuar. “Po shkoja për të parë të fejuarin tim pas disa muajsh”, kujton ajo. Duhet të ishin pushime verore, përpara se të rikthehej në shtëpi në Shtator “më e ingranuar se kurrë”. Por në fakt, Ida u rikthye vetëm për të marrë bagazhet dhe për t’u transferuar.

E thotë me bindje: u detyrua të linte vendin e saj. “Pasi u diplomova kisha nisur të kërkoja punë, por u përballa vetëm me kontrata me kohë të caktuar, stazh apo punë që nuk paguhen”.

Atëherë tentoi rrugën e shkollës: kandidohet për mësuese zëvendësuese të përkohshme në Veri të Italisë. Por asgjë. “Puna e mësueses është vërtetë e pasigurt dhe nëse nuk ke mbështetje ekonomike, është e vështirë. Isha shumë e demotivuar”.

Më pas i erdhi mundësia në Shqipëri. Ida sot punon në një agjenci web marketing, si editore dhe copywriter. “Në Tiranë jetohet mirë. Pjesa më e madhe e shqiptarëve e njeh italishten, e kanë mësuar në shkollë, ose janë rritur duke parë Rai dhe Mediaset”, tregon ajo. Kostoja e jetesës është e ulët dhe ka avantazhe ekonomike të dukshme për një italian.

Duke nisur që nga çmimi i biletës së autobusit, apo taksisë e cigaret. Fakti që krahu i punës kushton shumë më pak, ndihmuar nga një çmim inferior i punës, përkthehet në çmime të përmbajtura kudo: që nga restorantet tek dentistët, e deri tek estetistja apo shitësit e frutave”. Edhe qiraja e banesave nuk është shqetësim ekonomik. “Gjenden shtëpi të pranueshme, të mobiluara dhe me çmime shumë të mira”.

Dita e Idës nis me një kafe. “Fatmirësisht në shumë lokale kafeja është shumë e mirë, mjafton ta specifikosh që e do të shkurtër”. Dhe pas 10 minutash në autobus është në zyrë. “Në kompjuter nis të shoh testet që më kanë nisur grupet e ndryshme të punës, konsulentët apo kolegët e mi. Korrigjoj përmbajtjen për krijimin e postimeve për mediat sociale dhe fushatat publicitare dhe më pas i dedikohem blogut të agjencisë për të cilin shkruaj çdo javë. Në të shkuarën kam bërë edhe kurse italishteje dhe komunikimi për konsulentët, duke dhënë vlerësimin për nivelin e gjuhës”, shpjegon ajo. Megjithatë, në disa raste, ndryshimet me Italinë janë të dukshme. “Shoh që ka shumë prapambetje në mënyrën e të menduarit”, tregon Ida. “Jam përshtatur me zakonet lokale me shumë durim, duke hequr dorë nga mendimi sesi jam në Itali, pyetje apo gjëra që këtu e kam të pamundur t’i bëj apo t’i gjej”.

Rikthimi në Itali? “Në vendin tim në këtë moment janë vetëm gjërat e dashura. E shoh me nostalgji dhe më mungon gjithçka që kam jetuar dhe kam dashur deri pak vite më parë. Kur mbushem me nostalgji, mendoj sesi jetoj tani, për pavarësinë time, pazaret që mund të bëj e vetme dhe e di shumë mirë që nuk do të kisha pasur mundësinë të kisha të njëjtat gjëra nëse do të rrija në qytetin tim. Gjithsesi do të isha detyruar që të transferohesha në Veri të Italisë”.

Ida shpjegon pozicionin e saj dhe atë të gjeneratës së saj, me plot qartësi. “Të futesh në botën e punës për të rinj si ne, 28, 29, 30 vjeç është gjithnjë e më e vështirë. Pastaj vijnë 20-vjeçarët që të lenë pas sepse presupozohet se në moshën 30-vjeçare i ke aftësitë dhe kompetencat. Në Itali ka shumë, ndoshta tepër gjëra që duhet të ndryshojnë”.

Si e imagjinon të ardhmen e saj? Shpreson të shkojë pranë familjes së saj dhe të gjejë një punë të qëndrueshme në Itali, me një rrogë dinjitoze që mund t’i lejojë të paguajë qiranë, faturat, e të bëjë pazar. “Ajo që konsiderohet rrogë e denjë, në Itali sot duket utopi”, e mbyll ajo.//tvklan.al

rama-min-turk-1280x698.jpg
ent ela09:00 | 27/07/2019

Kryeministri Edi Rama ka pritur dje në takim ministrin e punëve të brendshme të Turqisë Sylejman Sojlu, që po zhvillon një vizitë zyrtare në Shqipëri.

Sipas Agjensisë turke të lajmeve Anadolli, takimi me kryeministrin ka qenë I pari I axhendës së ministrit turk e në të, me dyer të mbyllura për mediat është diskutuar rreth Organizatës Terroriste FETO e Fetulla Gylen, luftës kundër krimit të organizuar dhe çështjeve të migracionit.

Agjensia turke e lajmeve informon edhe për takimin e ministrit turk me homologun shqiptar Sandër Lleshaj. Sipas Anadolli neës, në takimin e mbyllurpër mediat sërish është diskutuar rreth organizatës së  Gylen, luftës kundër krimit të organizuar, çështjeve të migracionit, si dhe bashkëpunimi mes Shqipërisë e Turqisë në fushën e sigurisë. /abcnews.al

Ministria-e-Jashtme-e-Greqise-1024x672.jpg
nev ila16:28 | 22/07/2019

Qeveria e re e Greqisë ka përsëritur kushtin e vjetër për Shqipërinë: të drejtat e minoritetit grek në vendin tonë mbeten kusht për hapjen e negociatave. Ministri i jashtëm grek Nikos Dendias, e bëri të qartë këtë gjatë prezantimit në parlament të planit të qeverisë së tij.

Athina zyrtare: Të drejtat e minoritetit – kusht për negociatat.

Pavarësisht ndryshimit të pushtetit, qëndrimi i Athinës zyrtare ndaj Tiranës mbetet i njëjtë.

Politika e jashtme greke vazhdon ta kushtëzojë hapjen e negociatave për anëtarësim të Shqipërisë në BE, me minoritetin grek që jeton atje.

Kjo është deklaruar nga ministri i jashtëm grek, Nikos Dendias, gjatë prezantimit në parlament të programit të qeverisë, të hënën pasdite.

“Shqipëria vazhdon të mos përmbushë detyrimet në raport me të drejtat minoritare dhe pronësore të minoritetit etnik grek. Prandaj, në kuadër të hapjes së negociatave të anëtarësimit me Shqipërinë (për çka BE ka shtruar kushte të qarta), do të vazhdojmë të mbikqyrim ngushtësisht përmbushjen nga Shqipëria të pesë kritereve bazike. Do të vazhdojmë të mbikqyrim ngushtësisht respektimin me vepra të të drejtave të njeriut. Për gjithë qytetarët shqiptarë, përfshirë të drejtat e pronës të minoritetit autokton grek”, ka deklaruar Dendias.

Pavarësisht kundërshtimit të manifestuar nga pozicioni i opozitës, qeveria e re greke, duket se ka ndryshuar qasje për marrëveshjen e Prespës.

“Qëllimi ynë është që të bëjmë gjithçka që është e mundur për të pakësuar pasojat negative të marrëveshjes. Do të synojmë thellimin e marrëdhënieve me fqinjin tonë verior, në kuadër të bashkëpunimit me dobi reciproke. Mirëpo nuk do të tolerojmë fenomene të mosrespektimit të plotë të marrëveshjes”, tha ai.

Pas debatit parlamentar që ka filluar të shtunën, qeveria e Kyriakos Mitsotakisit pritet të marë votëbesimin mesnatën e të hënës./ABC News Albania 24/7

INSPEKTIMET-E-DENAJ-NEPER-SHQIPERI-ABC-M4-T1.mpg_snapshot_00.31-1280x720.jpg
ent ela14:20 | 22/07/2019

Plani operacional kundër informalitetit është shtrirë edhe pikat e shitjes me pakicë të karburanteve. Gjatë inspektimeve mori pjesë edhe ministrja e financave dhe ekonomisë Anila Denaj e cila i kërkoi bizneseve të zbatojnë ligjin nëse nuk duan të përballen me pasojat.

Në kuadër të zbatimit të Planit Operacional në luftë kundër Informalitetit, ministrja e Financave dhe Ekonomisë, znj.Anila Denaj, zhvilloi një inspektim në disa pika të tregtimit me pakicë të karburanteve në aksin rrugor Fier–Tiranë. Nga verifikimi u konstatua rasti i një pike karburanti që operonte në regjim manual dhe që u penalizua sipas rregullave ligjore në fuqi.

Në këtë inspektim, ministrja Denaj shoqërohej nga Drejtori i Përgjithshëm i Doganave, z.Arlind Gjokutaj, dhe nga Drejtori i Hetimit Tatimor, z. Martin Mici. Janë rreth 420 subjekte të evidentuara me risk në fushën e karburanteve dhe të produkteve të akcizës, të cilat do të monitorohen dhe verifikohen nga të gjitha strukturat përkatëse.

Ministrja Denaj nënvizoi se Plani Operacion i luftës kundër informalitetit nuk ka si qëllim ndëshkimin e biznesit, por ndërgjegjësimin e tij dhe mbrojtjen e konsumatorit. “Dëshiroj të theksoj se jemi këtu për t’i ardhur në ndihmë konsumatorit. Ne, së bashku me Inspektoriatin Shtetëror Teknik dhe Industrial,  Doganën dhe Hetimin Tatimor, do të kemi në fokus të punës sonë cilësinë e karburantit, markimin e tij, pajisjen me kasa fiskale, si dhe evidentimin e rasteve të përdorimit të regjimit manual”, tha ministrja Denaj.

Ajo apeloi që biznesi të regjistrohet sipas të gjithë rregullave ligjore në fuqi dhe theksoi se zbatimi i tyre është me rëndësi, jo vetëm për sektorin e hoteleri-turizmit, por për të gjithë sektorët e ekonomisë.

Drejtori i Përgjithshëm i Doganave, z.Arlind Gjokutaj, tha se Plani Operacional i përgatitur është koordinuar në bashkëpunim me institucionet e tjera dhe synon kontrollin, si dhe kryqëzimin e të dhënave për të gjithë produktet e akcizës.

“Gjatë kësaj jave, në fokus do të jenë pikat e karburantit dhe tregtimi i produkteve të tjera të akcizës, si pjesë e planit të hartuar.  Grupet në terren, së bashku me koncesionarin e markimit të karburanteve, po ushtrojnë kontrolle që kanë si subjekt verifikimin, nëse pikat e karburanteve janë të fiskalizuara ose jo. Pra, merren mostra si në pompë, ashtu edhe në depozitë, për të parë nëse për këtë produkt janë paguar të gjitha detyrimet ndaj shtetit”, tha z.Gjokutaj.

Nga ana tjetër, edhe Drejtori i Hetimit Tatimor, z. Martin Mici, konfirmoi angazhimin e strukturave që ai drejton për të verifikuar që të gjitha kasat të funksionojnë në regjim automatik. “Në vazhdim të planit të përbashkët me Doganat, grupet tona do të vijojnë bashkëpunim për të kryer të gjithë procesin e plotë”, tha z. Mici.

Ministrja e Financave dhe Ekonomisë garantoi se kjo do të jetë një punë e vazhdueshme që do të ndiqet nga të gjitha strukturat përkatëse, ashtu sikundër është parashikuar edhe në Planin Operacional, që ka në fokus luftën pa kompromis kundër informalitetit. /ABC News Albania 24/7

 

 

dash-1280x801.jpg
ent ela22:30 | 17/07/2019

Ndihmës sekretari amerikan i Shtetit Filip Riker ka komentuar situatën politike në Shqipëri, duke u shprehur pro zgjidhjes institucionale dhe kundër bojkotit. Në një aktivitet të Këshillit Atlanntik, Riker ka deklaruar:

“Shqipëria duhet të përdorë institucionet e saj për të kapërcyer situatën aktuale politike. Bojkoti i tyre nuk është ajo ccfarë ne duam të shohim duke ndodhur”.

Më tej, Riker është shprehur se situata në Shqipëri duhet zgjidhur brenda kornizave Kushtetuese. /ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono