shprese

NBA-XHEJMS-HARDEN-1280x720.jpg
ent ela22:45 | 31/03/2019

Xhejms Harden është shpresa e madhe e Hjustonit në basketbollin amerikan. Loja e shkëlqyer e kapitenit mund ta ndihmojë skuadrën nga Teksasi për të synuar titullin

Fjalët e mira për të, së fundi u thanë për një tjetër arsye.

Xhejms Harden po vlerësohej se për herë të parë, po ndihmonte siç duhet lojën në mbrojtje të Hjustonit, diçka që premtonte suksese në të ardhmen, por kapiteni nuk harroi as huqin e vjetër. Shënimi i 50 pikëve në fitoren ndaj Sakramentos treguan se ai mbetet po ai që ka qenë, kur vjen puna për lojën ofensive.

“Mjekra” realizoi një tjetër tripëll dabëll, të 42-ën në karrierë, me 11 topa në tabela e 10 pasime për kosh. Vetëm Rasëll Uestbruk dhe Lebron Xhejms kanë më shumë se ai, ndër lojtarët që luajnë ende në NBA.

Hardeni ishte vendimtar në suksesin 119-108, duke realizuar 10 pikë radhazi në fund. Me shtatë kosha të saktë për tri pikë, ai u bë i nënti lojtar në historinë e basketbollit amerikan që arrin në kuotën e 2 000 gjuajtjeve të tilla.

Jo vetëm kaq, por ai mban rekordin e NBA-së me pesë tripëll dabëlla me 50 pikë të shënuara, duke lënë pas Rasëll Uestbrukun. Për rekordet e Hardenit mund të flitet shumë, nivele që nuk janë parë në ligën amerikane që nga koha e Kobi Brajantit.

Falë tij, por edhe me mbështetjen e fortë të Kris Polit, Erik Gordonit apo Klint Kapelës, skuadra nga Teksasi mund të quhet një pretendent për titull këtë sezon, edhe pse ndodhet vetëm në vendin e tretë në Konferencën Perëndimore./abcnews.al

5c9ad6b2534a444d668b48b8.jpg
ent ela17:11 | 27/03/2019

Familja shqiptare Bulica, e cila që nga Dhjetori i vitit 2016 është vendosur në Frontenay-Rohan-Rohan, Francë, po përballet me kërkesën për dëbim. Por një ditë më parë avokati i familjes ka kundërshtuar këtë kërkesëë për dëbim në Gjykatën Administrative të Poitiers.

Natanael Ormillien ka këmbëngulur para trupit gjykues duke kërkuar që të hidhet poshtë vendimi i lëshuar nga Prefektura Deux-Sevres, e cila më datë 12 Dhjetor 2018 kishte lëshuar kërkesën ndaj familjes shqiptare për të lënë territorin francez, raporton media franceze lanouvellerepublique.fr. 

“Unë shpjegova se çfarë është integrimi në komunitet”, thotë avokati, i cili kujtoi se babai i familjes, Petriti gjithmonë kishte punuar në një kompani në Saint-Gelais.

Petriti bashkë me gruan e tij Kujtime dhe tre fëmijë, dy prej të cilëve janë në shkollë dhe fëmija më i vogli i familjes ka lindur në Francë, jetojnë ende në një qendër strehimi në Frontenay-Rohan-Rohan, e vënë në dispozicion nga ana e komunës. Që nga vera e vitit 2018, kur familjes iu refuzua kërkesa për azil, ka qenë vetëm komuna që e ka mbështetur.

Në atë kohë shumë shoqata, zyrtarë dhe individë u mobilizuan në mbështetje të familjes shqiptare duke kundërshtuar kërkesën e Prefekturës për depërtim.

Por dje më 26 Mars, 2019, avokati i familjes shqiptare ishte në seancën e parë e cila zgjati një orë e gjysmë, ku familja Bulica dhe mbështetësit e saj nuk ishin të pranishëm. Madje kjo seancë ishte mbajtur edhe larg syrit të medias.

Në një prononcim të shkurtër avokati tha: “Ishte një seancë e qetë dhe larg medias, pasi këto të fundit shpesh kanë dhënë informacione të pasakta për rastin. Ndërsa përfaqësues të Prefekturë Deux-Sèvres nuk kanë pranuar të komentojë. Prefektura pret vendimin përfundimtar të gjykatës, i cili pritet të dalë brenda dy javësh”./abcnews.al

la-jeune-albanaise-drita-kurtsmajlaj-espere-toujours-un-titre-de-sejour-pour-construire-sa-vie-en-france.jpg
ent ela17:58 | 24/01/2019

Shqiptarja, Drita Kurtsmajlaj, ende shpreson të marrë leje qëndrimi nga shteti francez. Ajo ka dëshirë që jetën e saj ta ndërtojë në Francë. 23-vjeçarja u largua nga Shqipëria dhe u vendos në Bordeaux në vitin 2014 sëbashku me dy prindërit e saj.

Historia e Drita Kurtsmajlaj është trajtuar gjatë në shtypin francez. Ajo punon si përkthyese vullnetare dhe ishtë mirë-integruar në Francë. Natyrisht ajo ka bërë rolin e përkthyeses nëpër institucione të ndryshme franceze, si në gjykata, spitale dhe shkolla. Ajo ka punuar si përkthyese edhe në shumë shoqata.

“Unë jetoj në një dhomë me dy prindërit”, është shprehur shqiptarja. 23 vjeçare Drita Kurtsmajlaj,e cila  ka mbërritur në Francë në vitin 2014. Ajo u largua nga Shqipëria  për t’i shpëtuar ligjit të Kanunit. Asaj i kishin djegur banesën dhe gjithë pasurinë e prindërve të saj që merreshin me tregti.

E gjendur në këtë situatë ajo kishte marrë rrugët e mërgimit. Vajza e re dhe dy prindërit e saj ishin vendosur në Bordo. Drita ishte integruar shumë shpejt. Vetëm pak janë pas mbërritjes ajo kishte arritur ta mësonte në mënyrë të shkëlqyer gjuhën frënge. Ajo ka ndihmuar shumë institucione që kanë pasur nevojë për ndërmjetësim në përkthim.

Puna si vullnetare

Drita ka ndihmuar në përkthim shumë kosovarë dhe shqiptarë. Ajo kurrë nuk është pagur për punë që ka bërë. Gjithmonë vajza e re ka punuar si vullnetare. Drita madje është thirrur edhe nga gjykatat, spitalet, policia dhe madje edhe shërbimet e imigracionit për të përkthyer.

Një gjë e tillë dëshmohet në dhjetëra letra të dërguara nga, gjyqtarë, avokatë e zyrtarë. Madje në një letër që i kishte dërguan Alain Juppé, kryetar Prefekturës i Bordeaux, i cili i kishte kërkuar ndihmë shqiptares për përkthim.

Por, Drita nuk ishte e kënaqur me këtë rol, ajo ndoqi një trajnim për të punuar në një zyrë ligjore. Ajo më pas gjeti kohë për të punuar në një shoqatë që ndihmonte njerëzit e pastrehë.

Megjithatë, Drita mund të largohet nga Franca në çdo kohë. Që nga fundi i Tetorit të vitit që lamë pas, ajo dhe prindërit e saj kanë kundërshtuar vendimin për të lënë territorin francez të dhënë nga (OQTF).

“Ne nuk na besojnë, ne jemi duke thënë se nuk kemi ikur për arsye ekonomike. Ne do na dërgojë përsëri në një vend ku na rrezikohet jeta. Babi im është i sëmurë”, tregon vajza e re.

Sa për shërbimet e bëra nga Drita, duket se nuk janë marrë parasysh.  Por, Prefektura thotë se është e kënaqur me Dritën.

“Nuk është Prefektura që e ka kërkuar, por janë shërbimet shtetërore që e kanë bërë. Por Prefektura përfaqëson shtetin! Në Shqipëri, si gjetkë, Franca shihet si vendi i të drejtave të njeriut”, tha Drita./abcnews.al

9-2.jpg
ent ela20:46 | 19/01/2019

Bajerni është optimist për të mbrojtur titullin kampion në Gjermani. Trajneri Niko Kovaç vlerësoi skuadrën pas fitores me Hofenhajmin.

Vit i ri, histori e re. Tek Bajerni e dinë se çdo të thotë të luftosh në Bundesligë, dhe duket se të besuarit e trajnerit Niko Kovaç, më në fund, gjetën rrugën e duhur për të shkuar tek fitorja.

Suksesi 2-1 në stadiumin e Hofenhajmit ishte një rezultat i rëndësishëm, dhe që e lejoi të vazhdonte duelin për titull me kryesuesen Dortmund.

Hofenhajmi lufton për kupat e Europës, ndaj ishte detyrë e vështirë për Bajernin, por kampionët e Gjermanisë duket se janë kthyer nga faza përgatitore me mendje të mbledhur.

Leon Gorecka shënoi dy gola në pjesën e parë, dhe Robert Levandovski vulosi gjithçka në minutat e fundit, ndërsa vendasit thjesht shkurtuan diferencën pas pushimit.

Gazeta “Bild” lavdëron trajnerin dhe titullon: Tre mesazhet e Kovaçit!

“Jemi gati për të sfiduar Dortmundin deri në fund, – ishin fjalët e kroatit pas ndeshjes, – ne jemi gjahtarët për titullin. Pjesa e parë ishte fenomenale. Kështu donim të luanim dhe kështu bëmë. Gjëja kryesore është të jesh në krye në fund të sezonit”.

Njeriu që shënoi më shumë ishte Gorecka, por ai që po shkon drejt rekodeve është Levandovski.

Ky ishte goli i 191-të i polakut në Bundesligë.

Sulmuesi 30-vjeçar është vetëm 3 gola larg Klaudio Pizarros, ndërsa pak më larg janë Manfred Burgsmyler (213) dhe ish-trajneri i tij, Jup Hajnkes (220).

Besohet se polaku mund t’i arrijë këta, për t’u ngjitur në podiumin e shënuesve më të mirë në historinë e Bundesligës.

Sidoqoftë, nuk dihet nëse do të ketë aq jetë sportive sa të pretendojë për të kaluar numrin 2 në histori, Klaus Fisherin me 268 rrjeta, dhe rekordmenin absolut, Gerd Mylerin që ka 365. /abcnews.al

nigeria.jpg
G. P.20:17 | 22/06/2018

Nigeria i dha shpresë vetes për kualifikim në turin e dytë të Botërorit, duke mposhtur 2-0 Islandën. Suksesi i afrikanëve i jep mundësi edhe Argjentinës që të pretendojë.

Fitoi pa dyshim për veten, por indirekt bëri edhe një nder.

Nigeria mposhti 2-0 Islandën duke lënë pas humbjen me Kroacinë, duke i dhënë shpresë vetes për kualifikim, por duke mbajtur në pretendime edhe Argjentinën.

Në një sfidë me dy fytyra në stadiumin e Vollgogradit, afrikanët luajtën dobët në pjesën e parë, por ndryshuan krejtësisht pas pushimit.

Heroi i tyre ishte i njëjti, Ahmed Musa, autor i golave në minutat 49 e 75.

Sulmuesi shtatshkurtër ishte pak a shumë si në shtëpi, pasi aktivizohet në Premier Ligën ruse me CSKA-në e Moskës.

Nigeria e meritoi suksesin pasi, në tërësi, ishte më lart.

Mbajti topin 60 për qind, gjuajti gati dyfishin, dhe po ashtu bëri rreth 200 pasime më shumë sesa europianët e veriut.

Islanda u duk më e qartë në pjesën e parë, atëherë kur rezultati ishte 0-0 dhe kur pati mundësi të luante në kundërsulm.

Gjithsesi, nuk është se krijoi raste shumë të pastër, në një nga 45 minutat më të dobët të këtij Botërori.

Pjesa e dytë ishte tjetër gjë, pasi islandezëve u duhej të sulmonin, një mënyrë loje për të cilën nuk janë të përgatitur dhe nuk shkëlqejnë.

Kjo solli edhe humbjen, ndërsa tani do të duhet të synojnë fitoren me Kroacinë që të kenë mundësi të kualifikohen.

Nigeria, ndërkaq, mjafton të shmangë humbjen ndaj Argjentinës që të kalojë në turin tjetër.

Në grupin D, Kroacia kryeson me 6 pikë, Nigeria ka 3, ndërsa Argjentina e Islanda nga 1 pikë./abcnews.al

vlcsnap-error444-1-1280x720.jpg
ent ela14:09 | 26/02/2018

Futbollit italian mund t’i rikthehet një nga emrat më të mëdhenj të Serisë A. Milani duket në rrugën e duhur pas fitores 2-0 në fushën e Romës, ndërsa meritën më të madhe e ka trajneri Gatuzo.

 

Objektivi i madh është ende larg, por ndryshimi ndihet.

Milani mund të quhet sot skuadra e Xhenaro Gatuzos, dhe fitorja në fushën e Romës ishte dëshmia më e qartë sesi ish-luftëtari i mesfushës është kthyer në një trajner të rëndësishëm.

Një pjesë e dytë e nivelit më të lartë në stadiumin “Olimpiko” i dha milanezëve suksesin 2-0 dhe besimin se mund të maten me më të mirët e Serisë A.

Edhe pse zona Champions mbetet 7 pikë larg, sërish optimizmi është I plotë se mund të arrihet, një mision që duhet të vazhdojë që javën e ardhshme në derbin ndaj Interit.

Një kampion i madh si lojtar, por ende i ri si trajner, Gatuzo bën një paralajmërim.

Gatuzo: “Dua të shijoj këtë moment, por ka një shqetësim edhe më të madh që nuk duhet ta harrojmë. Nuk duhet të harrojmë figurën e keqe që kemi bërë disa herë, siç ndodhi ndaj Beneventos apo Veronës. Kjo skuadër mund të kishte tani shumë më tepër pikë. Të mos harrojmë sakrificat që kemi bërë për të arritur deri këtu, fjalët që janë thënë për ne. Nëse do t’i kemi parasysh të gjitha këto, do të bëhemi më të fortë”.

E vërtetë që Milani nuk I ka kampionët me emër të madh të Juventusit apo Napolit, nuk ka Higuain, Dibala, Bufon e Kielini, apo Hamshik, Insinje, Mertens apo Kajehon.

Sidoqoftë, Gatuzo po mbështetet tek disa talente të rinj të Akademisë, siç ishin dy autorët e golave.

Patrik Kutrone është 20 vjeç, dhe në klub ndodhet që kur ishte 8 vjeç.

Davide Kalabria është 21 vjeç, në klub që në moshën 9-vjeçare.

Po ashtu, në skuadër është Manuel Lokateli, gjithashtu I Akademisë, ndërsa I tillë mund të quhet edhe portieri Donaruma, që erdhi nga Napoli kur ishte 14 vjeç.

Kutrone po krahasohet tani me Pipo Inzagin.

Kutrone: “Ne mendojmë ndeshje pas ndeshjeje. Donim të fitonim ndaj Romës, në një përballje shumë të vështirë, dhe ia arritëm qëllimit. Merita ishte e gjithë skuadrës dhe e lojës së bukur që zhvilluam. Sa për veten time, është shpejt të krahasohem me një kampion si Inzagi. Unë mendoj thjesht që të jap maksimumin, të punoj fort, ndërsa janë edhe shokët që më ndihmojnë për të shënuar. Gjithsesi, nuk kemi arritur ende asgjë, siç na thotë trajneri ynë”.

Pavarësisht suksesit sportiv, këto kohë ka pasur lajme negative lidhur me pronarët e klubit, dhe me financat e tyre.

Presidenti nga Kina, Li Jon Hon, e quan për detyrë të bëjë një sqarim.

Li Jon Hon: “Situata me asetet e mia është e qartë dhe e sigurt, ndaj klubi si dhe kompanitë e mia po punojnë siç duhet. Unë shpresoj që përqëndrimi të jetë për atë që duam të gjithë, për forcimin e skuadrës, që të arrijë nivelet më të larta. Ne jemi në mbështetje të plotë të trajnerit Rino Gatuzo. Do të bëjmë gjithçka që skuadra të jetë sërish në majë”.

Duke u kthyer tek skuadra, shumë meritë I jepet taktikave që ka përdorur Gatuzo.

Edhe pse e rreshton ekipin me skemën 4-3-3, më shumë ajo ndryshon në 3-4-3, duke hedhur përpara mbrojtësit e krahut, dhe duke tërhequr prapa mesfushorin para mbrojtjes.

Kjo e ka bërë Milanin më sulmues.

Kuqezinjtë janë edhe në të tetat e finaleve të Ligës së Europës, ndërsa në mesjavë do të synojnë të arrijnë edhe finalen e Kupës së Italisë, me ndeshjen e dytë gjysmëfinale në fushën e Lacios.

vlcsnap-error598-1280x720.jpg
us er13:33 | 09/12/2017

Familjarët e të zhdukurve të luftës në Kosovë jetojnë me shpresën se një ditë do të gjejnë mbetjet mortore të personave të dashur. Një aktivist serb me origjinë nga Prishtina thotë se duhet dënuar çdo krim ndaj shqiptarëve.

Bajram Çerkini, ka udhëtuar nga Mitrovica për në Beograd. Prej 18 vitesh kërkon mbetjet mortore të djalit të zhdukur. Në të 80-at e tij shpresa për një shenjë e mbanë të gjallë. Një kockë të trupit kërkon për varrin e hapur të të birit.

Në këtë konferencë janë takuar familjet e të gjitha viktimave të rajonit. Dhimbjet i kanë të hapura. Simo Spasic, me origjinë nga Prishtina që shpesh proteston për viktimat serbe, thotë se duhet dënuar cdo krim ndaj shqiptarëve.

Kërkoj që të gjithë, që nga shoferët që bartën viktimat e deri tek dorasit të dënohen. Bashkësia ndërkombëtare duhet ta zgjidh këtë problem. Ne jemi me vite duke jetuar tragjedinë dhe unë nuk e kam problem dhe bashkëndjej me viktimat shqiptare, por nga shqiptarët shpesh nuk e shoh një gjë të tillë për ne.

Disa varreza janë hapur dhe disa janë gjetur. Por, së fundmi pa shumë rezultate.

Në fundin e luftës në Kosovë të zhdukur ishin 6054 persona./abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono