shperthimi

turqi-1280x715.jpg
ent ela20:15 | 12/09/2019

Katër persona kanë vdekur dhe 13 të tjerë kanë mbetur të plagosur në Turqi si pasojë e një shpërthimi të ndodhur në jug-lindje të vendit. Sipas mediave vendase, disa bomba artizanale të vendosura anës rrugës shpërthyen teksa po kalonte një automjet që transportonte qytetarë. Pajisjet shpërthyese dyshohet të jenë vendosur nga militantët e Partisë së Punëtorëve të Kurdistanit, ka deklaruar zyra e guvernatorit të rajonit Dijarbakir. I njëjti burim ka shtuar se autoritetet policore dhe ato ushtarake po hetojnë për zbardhjen e ngjarjes, që ka karakterin e një sulmi terrorist. /ABC news Albania 24/7

babai-i-te-plagosurit-shperthimi-lezhe-1280x707.jpg
nev ila12:16 | 29/08/2019

Nga shpërthimi në pikën e karburantit në Lezhë mbetën të plagosur 7 persona, mes tyre ishte edhe Nikolin Prenga. 40 vjeçari arriti të shpëtojë dy të mitur që ndodheshin në makinën që u përfshi nga flakët duke pësuar djegie të rënda. Babai i tij tregon për ABC News ngjarjen.

Nikolin Prenga është një ndër personat që mbeti i plagosur nga shpërthimi që ndodhi të shtunën në mbrëmje në karburantin pranë kryqëzimit të Shënkollit.

40 vjeçari punonte aty dhe në momentin kur pika e karburantit u përfshi nga flakët i ka dhënë ndihmën e parë familjes që po furnizohej me gaz.

Në mjet ishin dy fëmijë të cilët janë nxjerrë me shpejtësi nga Nikolini. Babai i tij thotë se djali ka përfunduar në spital me djegie të rënda në trup.

I ati tregon se Nikolini ndihet i lumtur që arriti të shpëtonte dy të mitur nga flakët pavarësisht se u plagos rëndë.

Ngjarja ndodhi natën e 24 gushtit nga shpërthimi i bombolës së gazit në pikën e karburantit në anë të rrugës Milot -Lezhë.

Për pasojë 7 vetë u lënduan  dhe u dëmtuan disa automjete./ABC News Albania 24/7

shperthimi-Lezhe-1280x717.jpg
nev ila13:30 | 25/08/2019

Shpërthimi i cisternave të gazit në Lezhë ishte i frikshëm. 7 të plagosur, 2 në gjendje të rëndë, 10 makina të dëmtuara dhe një pikë gazi krejtësisht e rrënuar.

Ngjarja ndodhi  në superstradën Lezhë-Milot tek vendi i quajtur kryqëzimi i Shënkollit. Zhurma dhe reja e tymit të këtij shpërthimi është parë disa kilometra larg vendit të ngjarjes.

Pamja e këtyre dy cisternave tregon edhe forcën e asaj çfarë ndodhi.

Nga dëshmitë e para bëhet e ditur se në pikën e gazit kishte ndaluar një automjet, brenda të cilit ndodheshin pesë pjesëtarë të një familje.

Kryefamiljari ka zbritur për të mbushur një bombol gazi.

Gjithçka dukej normale, por fillimisht kanë dëgjuar një shpërthim të vogël dhe shumë shpejt është pasuar nga dy shpërthime të forta duke plagosur të gjithë personat që ndodheshin aty pranë, në gjendje të rëndë drejtuesi i mjetit dhe punëtori i pikës së karburantit.

U dëmtuan makinat kurse flaket u përhapen tek disa prej tyre.

Zjarrfikësit mbajtën zjarrin në kontroll për të mos u përhapur tek pika e karburantit, pasi gazi ishte djegur plotësisht kur mbërritën ata.

Ekspertët po bëjnë hetimet e tyre dhe kanë sekuestruar edhe kamerat e sigurisë për të parë se çfarë ka ndodhur realisht./ABC News Albania 24/7

shenkoll-shperthimi-1280x710.jpg
nev ila10:03 | 25/08/2019

Policia e Lezhës ka sqaruar cfarë ndodhi mbrëmë, në një pikë karburanti në Shënkoll, ku pas një shpërthimi mbetën të plagosur 7 persona mes tyre edhe 2 fëmijë.

Shkaku i zjarrit të fuqishëm mbrëmjen e djeshme në Shënkoll të Lezhës ka qenë shpërthimi i një bombole gazi që shërbente për mbushjen e automjeteve.

Dy prej të plagosurve janë transportuar për në Spitalin e Traumës në Tiranë, ndërsa të tjerët po marrin kurim në spitalin rajonal të Lezhës, ku ndodhen jashtë rrezikut për jetën. Policia lokale sqaron se nga hetimet e para, ngjarja dyshohet të jetë aksidentale.

Njoftimi i policisë:

Më datë 24.08.2019, rreth orës 22:10, në aksin rrugor Lezhë – Milot, në kryqëzim të Shënkollit, në një karburant, ka shpërthyer dhe ka marrë flakë një bombol gazi që shërbente për furnizimin me gaz të automjeteve.

Për pasojë janë lënduar 5 shtetas që ndodheshin në një mjet që po furnizohej me gaz, shtetasit B.B. vjeç 36, A.B. vjeç 33, D.B. vjeçe 33, 2 vajza të mitura 5 dhe 2 vjeçe dhe dy punonjës pranë karburantit, shtetasit N.P. vjeç 40 dhe P.L. vjeç 31, si dhe janë dëmtuar e djegur disa automjete që ndodheshin të parkuara.

Shtetasit N.P. dhe B.B. ndodhen në Spitalin e Traumës në Tiranë për ndihmë mjekësore më të specializuar, ndërsa shtetasit e tjerë ndodhen në Spitalin Rajonal Lezhë jashtë rrezikut për jetën.

Menjëherë pas njoftimit të marrë për ngjarjen, forca të shumta policie dhe disa zjarrfikëse shkuan në vendngjarje, ku zjarrfikëset bënë të mundur fikjen e plotë të zjarrit duke shmangur plotësisht rrezikun e përfshirjes nga flakët të depozitave të karburantit. Policia mori masa duke vendosur perimetrin e sigurisë e largimin e të gjithë qytetarëve nga perimetri i sigurisë, si dhe bllokimin e aksit rrugor duke i menaxhuar e drejtuar për në akse të tjera lëvizjeje.

Nga hetimet paraprake, dyshohet se ngjarja ka qenë aksidentale, ndodhur nga një defekt teknik në sistemin e gazit. Megjithatë, vazhdon puna për hetimin e plotë të rrethanave të ngjarjes nga specialistët dhe ekspertët përkatës, për përcaktimin e saktë të shkaqeve të saj“, ka njoftuar policia e shtetit në komunikatën e saj./abcnews.al

rusi-rosotop.png
nev ila17:46 | 10/08/2019

Pesë persona u vranë dhe tre të tjerë u plagosën në një shpërthim, gjatë kryerjes së një eksperimenti me raketa, në një zonë testimesh në Rusi.

Kompania shtetërore bërthamore “Rosatom” njoftoi se, ngjarja e rëndë ndodhi gjatë testimit të motorëve të këtyre raketave. Personat që humben jetën si dhe ata që u plagosën ishin pjesë e stafit të kompanisë.

Sipas ekspertëve, për rreth 40 minuta, niveli i radioaktivitetit menjëherë pas incidentit, ishte shumë i lartë. Gjendja është kthyer në normalitet brenda pak minutave.

Mediat ruse bëjnë me dije se, mbetet ende e paqartë se çfarë lloji i raketave ‘eksperimentale’ u testuan.

Fshehtësia rreth këtij testi të dështuar ushtarak dhe deklaratat fillestare nga ana e Ministrisë së Mbrojtjes, shkaktuan polemika dhe ngritën dyshime në lidhje me autoritetet përgjegjëse. Sipas tyre, ata përpiqen të fshehin shkaqet e incidentit të ndodhur në Çernobil.

Zona e rajonit Arkhangelsk është një nga vendet kryesore të kërkimit dhe zhvillimit për Marinën Ruse, ku raketat balistike, ndërkontinentale, lundrimi dhe anti-raketat ajrore me bazë në det, zhvillojnë testime.

Ajo ndodhet rreth 30 km në perëndim të qytetit të Severodvinsk, i cili është dhe baza kryesore më e madhe e Flotës Veriore./abcnews.al

 

bombolat.jpg
G. P.14:03 | 16/07/2019

Shpërthimi i fuqishëm në një argjendi në zonë e ish-Bllokut mund të ketë ndodhur nga një gabim njerëzor. Dyshimet e para të grupit hetimit janë se rrjedhja e gazit ka provokuar edhe shpërthimin e fuqishëm, ndërsa gazi mbahet jashtë kushte teknike në bodrumin argjendarisë.

Ekspertët u rikthyen edhe njëherë në vendin e shpërthimit në ish-Bllok, për të këqyrur bodrumin e argjendarisë. Dëmet materiale janë të shumta jo vetëm te argjendaria, por edhe te bizneset e tjera që janë ngjitur me të. Një nga bashkëpronaret tregon momentet e tmerrit, pak pasi ndodhi ngjarja.

“Është shkrumbuar, është djegur çdo gjë brenda. Shpërthimi ka qenë i fuqishëm, shiko makinat jashtë. Ka qenë muri goxha i fortë thanë këta të riminalistikës që e kanë mbajtur deri këtu shpërthimin”, tha ajo.

Këto dy bombola njëra me gaz propan dhe tjetra me gaz tenkin u sekuestruan nga grupi hetimor për të zbuluar shkaqet e ngjarjes së rëndë.

Sipas hetimeve të deri më tanishme mendohet se shpërthimi ka ndodhur nga ngopja e bodrumit të argjendari me gaz. Rrjedhja e gazit u provokua nga një shkëndijë elektrike, duke aktivizuar edhe shpërthimin e fuqishëm. Bombolat ishin mbushura me gaz teknin, që njihet për fuqinë shkrirëse të metalit dhe propan, që merret me përpunimin e floririt.

Një nga shkeljet e vërejtura nga Inspektorati Shtetëror Teknik dhe Industrial është fakti se, bombolat e gazit ishin në bodrum dhe në ambient të mbyllur. Ende nuk dihet nëse argjendaria ka qenë e pajisur me licencë për përpunimin e floririt dhe nëse, ISHTI kishte kryer kontrollin teknik periodik të biznesit që është në pronësi të Sokol Pirra.

Ky i fundit mbeti lënduar nga shpërthimi bashkë me gruan tij. Ndërkohë për ndihmë mjekësore janë edhe dy persona të tjerë të cilët ndodhen jashtë rrezikut për jetën./ABC News Albania 24/7

MBULIM-QIPRO-SHPERTHIMI-ABC-M3-T1.mpg_snapshot_00.03-1280x720.jpg
ent ela13:20 | 01/07/2019

Një objekt i paidentifikuar fluturues është rrëzuar dhe ka shpërthyer në Qipron Veriore. Lajmi është konfirmuar nga autoritetet vendore. Sipas raportimeve të para, jo  të konfirmuara, bëhet fjalë për një raketë kundërajrore, ndërsa të tjerë mendojnë se është një aeroplan izraelit i rrëzuar gjatë sulmeve të mbrëmjes së të dielës në Siri.

Ministri i jashtëm i Qipros deklaroi se sipas informacioneve të para, objekti që ka shkaktuar shpërthimin e fuqishëm është mjet fluturues ose diçka e ngjashme që ka transportuar lënë shpërthyese, ose mund të jetë dhe raketë. /ABC news Albania 24/7

policia-france.jpg
G. P.21:56 | 27/05/2019

Katër persona kanë rënë në prangat e policisë franceze lidhur me shpërthimin e ndodhur të premten e kaluar në qytetin e Lionit. Sipas mediave lokale, i dyshuari kryesor është një 24-vjeçar me kombësi algjeriane.

Policia në Francë ka arrestuar 4 persona në lidhje me pakon-bombë që shpërtheu javën e kaluar në Lion, duke plagosur 13 persona. Sipas raportimeve të mediave franceze, mes të arrestuarve është një djalë 24 vjeç, i cili dyshohet të jetë personi që vendosi pajisjen shpërthyese pranë dyqanit të premten e kaluar.

Policia ishte vënë në kërkim të tij pas mbikëqyrjes së një videoje ku i dyshuari, me maskë dhe me syze të errëta ndalonte biçikletën e tij pranë furrës dhe braktiste pakon.

24-vjeçari u ndalua në rrugë pas një ndjekjeje të gjatë të agjentëve të policisë, të cilët zgjodhën të mos e arrestonin në shtëpi nga frika se mund të kishte pajisje të tjera shpërthyese.

Burimet mediatike shkruajnë se i dyshuari është një student informatike me kombësi algjeriane, ndërsa të tjerët janë një minoren që ndjek një shkollë lokale, si dhe një burrë e një grua që dyshohet të jenë prindërit e një prej dy djemve.

Ndërkohë, prokurorët e njësisë së anti-terrorit po vazhdojnë hetimet në bashkëpunim me policinë e Lionit dhe shërbimet sekrete për sigurinë e brendshme. Pakoja-bombë, e mbushur me vida, dado dhe bullonë, shpërtheu pranë dy pedonaleve të populluara në qendrën historike të Lionit, duke plagosur edhe një vajzë 8-vjeçare./ABC News Albania 24/7

nikel1232.jpg
G. P.18:43 | 30/01/2019

Policia e Krujës ka vënë në pranga dy nga autorët e dyshuar për shpërthimin me tritol në një mobileri në fshatin Nikël të Fushë Krujës. Ndërsa për tritolin e vendosur në makinën e policit të burgut të Zaharisë ende nuk janë zbuluar autorët.

Kamerat e mobilerisë në fshatin Nikël të Fushë-Krujës kanë fiksuar momentin kur një nga autoret i afrohet biznesit dhe vendos mbi 200 gramë tritol tek dera hyrëse. Më pas autori kthehet sërish tek mjeti që e pret në rrugën kryesore dhe largohet me shpejtësi.

Në katin e parë të ndërtesës pati dëme të shumta materiale. Kurse në katin e tretë të objektit banojnë pronarët e mobilerisë. Policia ka arrestuar dy autorët e vendosjes së tritolit në biznesin e Dilaver Canit dhe ka shpallur në kërkim dy të tjerë. Njërit prej të arrestuarve iu gjet në banesë edhe një sasi kanabis sativa. Në të njëjtën orë një sasi tritoli ka shpërthyer në garazhin ku ndodhej makina e një polici në Fushë-Krujë.

Fatmirësisht nuk pati të lënduar, por vetëm dëme materiale. Shpërthimi alarmoi gjatë natës edhe banorët e zonës. Mjeti është në pronësi të Përparim Çengës. Kjo është hera e dytë që i vendoset tritol makinës së tij. Ai ka punuar për disa vite si efektiv në komisariatin e Krujës dhe aktualisht ushtron detyrën si polic në burgun e Zaharisë. Mendohet se sasia e tritolit  ka qenë mbi 150 gramë. Policia ende nuk ka rënë në gjurmë të autorëve. Një pistë që po hetohet është për shkak të detyrës./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono