shpërthim

vloraaaaaaa.jpg
G. P.08:14 | 23/09/2018

Një sasi tritoli ka shpërthyer në një banesë në katin e katërt të një pallati në qytetin e Vlorës.  Ngjarja ka ndodhur orëve të para të mëngjesit dhe për pasojë ka vetëm dëme materiale.

Të njëjtat burime saktësojnë se shtëpia është e Jovan Çelës, 43 vjeç, i cili ka dëshmuar në polici se nuk ka konflikte personale.

Nga ana tjetër, policia e Vlorës ka shoqëruar disa persona, por nuk ka mundur të vendosë autorin ne pranga./abcnews.al

tritoli.jpg
G. P.08:42 | 03/09/2018

Një sasi e vogël tritoli shpërtheu në hyrjen e një lokali në qytetin e Laçit. Ngjarja ka ndodhur gjatë natës në lagjen nr. 4 pranë stadiumit, në pronën e Llesh Burakut. Sipas policisë, nga shpërthimi është dëmtuar pak porta kryesore e lokalit, por nuk ka patur dëme në njerëz.

Ndërkohë policia shoqëroi në komisariat Burakun, pasi kur kameramanët e televizioneve të ndryshme kanë shkuar të filmojnë vendin e ngjarjes, ai dyshohet se ka nxjerrë pistoletën. Pas disa orësh qëndrimi në komisariat Buraku u la i lirë pasi u provua që nuk kishte me vete armë zjarri./abcnews.al

GJERMANIA-MBULIM-ABC-M5-T1.mpg_snapshot_00.00-1280x797.jpg
G. P.13:32 | 01/09/2018

Të paktën 8 persona kanë mbetur të plagosur mëngjesin e së shtunës në Gjermani, si pasojë e një shpërthimi në një rafineri nafte. Sipas transmetuesit publik Dojçe Vele, ngjarja ka ndodhur në impiantin e kompanisë Bajernoil, në qytetin Vohburg, në jug-lindje të vendit. Zjarri ra në orën 5 e 15 dhe mbi 200 zjarrfikës u angazhuan për vënien nën kontroll të situatës. Autoritetet evakuuan rreth 1 mijë e 800 banorë të zonës për shkak të tymit të dendur të çliruar nga flakët./abcnews.al

auto_screenshot-1_1515999244-41226451515999811.jpg
G. P.10:55 | 15/08/2018

Një incident me shpërthim tritoli ka ndodhur ditën e djeshme në Vlorë. Sipas burimevengjarja ndodhi në lagjen “Isa Boletini” në orën 16:30. Sasia e eksplozivit shpërtheu në parukerinë në pronësi të shtetasit J.R, por në përdorim të qytetares S.Hoxhaj.

Nga shpërthimi nuk ka persona të lënduar, por vetëm dëme materiale. Nuk ka asnjë të dhënë rreth identitetit të mundshëm të autorit. Grupi hetimor është duke vazhduar punën për të zbardhur shkaqet e ngjarjes./abcnews.al

SHPERTHIM-NE-KAMEZ.mpg_snapshot_00.23-1280x720.jpg
G. P.15:18 | 14/08/2018

Tmerr për një familje në Kamëz, ku pas mesnate një sasi titoli ka shpërthyer në oborrin e banesës, ndërkohë që ndaj saj është qëlluar edhe me breshëri automatike. Policia thekson se ngjarja ka ndodhur në rrugën “Bulevardi Blu”, në oborrin e banesës së vëllezërve, Shkëlqim dhe Klevis Halili.


Kamza trondit sërish nga shpërthimi i tritolit. Këtë herë shënjestër ka qenë godina e familjes Halili, që ndodhet pranë Bashkisë së Kamzës.
Fillimisht autorët kanë qëlluar disa me armë zjarri, duke shkaktuar panik e frikë te anëtarët e familjes.
Pasi mbaruan të shtënat, pak çaste më vonë, rreth ores dy të mëngjesit të së martës, u dëgjua një shpërthim i fuqishëm, në pjesën e poshtme të kompleksit.

Ngjarja është regjistruar nga kamerat e sigurisë së lokalit ku duken personat që qëllojne me armë. Plumbat kanë mundur të deportojnë edhe në dhomën e gjumit dhe fatmirësisht asnjë prej familjarëve nuk është lënduar. Në oborrin e ndërtesës janë djegur edhe dy makina të familjes Halili. Deri më tani policia nuk ka asnjë autor të dyshuar, por nuk përjashtohet mundësia që sulmi të ketë qënë një paralajmërim për vëllezërit Halili. Shkëlqim dhe Klevis Halili, u morën në pyetje, por kanë mohuar të kenë konflikte me ndonjë person.

Pas terrorit të shkaktuar në kompleksin e familjes Halili, autorët u larguan në drejtim të Fushë-Krujës, thotë policia. Aty u gjet një automjet të djegur plotësisht dhe dy automatikë, që dyshohet se u përdorën mëngjesin e së martës në Kamëz.
Vetëm pak ditë më parë, pre e një shpërthimi me lëndë eksplozive ishte benesa e Xhelal Dacit, ndërsa për ngjarjen u pragon një 23-vjeçar me origjinë nga qyteti i Kukësit./abcnews.al

eksploziv-c1200x600-770x470.jpg
G. P.08:38 | 14/08/2018

Një shpërthim me eksploziv ka ndodhur gjatë natës në një banesë në zonën e Kamzës. Autorët më pas qëlluan dhe me armë zjarri. Shpërthimi ndodhi në banesën e shtetasit SH.H, në rrugën “Bulevardi Blu”. Policia po punon për identifikimin e autorëve./abcnews.al

Dj6nOrGWsAAFgoF.jpg
G. P.15:45 | 06/08/2018

Policia tregon se një shpërthim ka ndodhur ditën e sotme pranë aeroportit të Bolonjës në Itali. Ngjarja është bërë publike fillimisht nga pamjet në rrjetet sociale. Shkak thuhet të jetë bërë shpërthimi i një autoçisterne, si pasojë e një aksidenti rrugor. Flakët dhe tymi janë shpërhapur me shpejtësi nëpër të gjithë zonën. Sipas raportimeve të deritanishme nga ngjarja ka humbur jetën një person dhe janë lënduar 67 të tjerë, 14 prej të cilëve janë në gjendje të rëndë./abcnews.al

muri-640x360.jpg
G. P.12:11 | 02/08/2018

Një shpërthim i fuqishëm ka ndodhur në një banese në Zejmen të Lezhës. Nuk dihen rrethanat e ngjarjes, e cila ka ndodhur orëve të para të mëngjesit.

Por për fat nuk ka patur dëme në njerëz, por vetëm dëme materiale.

Paraprakisht dyshohet se në banesën e emigrantit nga Belgjika, Albert Hasani, është vendosur tritol. Megjithatë policia ende nuk ka dalë me versionin e saj të ngjarjes./abcnews.al

shprethimiii.jpg
G. P.14:31 | 28/07/2018

Autori që vendosi lëndën plasëse në banesën e Xhelal Dacit në zonën e Bathores,dyshohet se u largua nga vendi i ngjarjes me një automjet tip BMW ngjyrë gri. Pamjet janë sigurar nga disa kamera të tjera sigurie, ndërsa personi që ka vendosur lëndën plasëse theksojnë hetuesit mund të jetë rreth 1.8 metra i gjatë.

Rreth 200 gramë eksploziv dyshohet se u vendosën në dyqanin e familjes Daci, në orët e para të mëngjesit të së premtes. Ekspertët e xhenios ende nuk kanë përcaktuar llojin e lëndë plasëse, pasi nga mënyra e shpërthimit mund të jetë edhe prodhim artizanal.

Grupi hetimor po punon në dy pista. E para lidhet me hakmarrjen e mundshme nga familja Kolaveri, pasi një djalë i saj u vra me armë zjarri në Nëntor të 2015-s dhe tjetri mbeti i paralizuar nga plumbat.

Për atë ngjarje, u akuzua Gazmir Daci dhe po vuan dënimin me 35 vite burg të dhënë nga Gjykata e Tiranës. Pista e tjetër që po hetohet është ajo e përfitimit të azilit nga familja Daci. Menjëherë pasi la qelitë e burgut, shtatë muaj më parë, Xhelal Daci, i cili u dënuar për armëmbajtje pa leje, u largua nga Shqipëria drejt një vendi të Bashkimit Europian.

Familjarët e tij nuk e bëjnë të ditur destinacionin, pasi i tremben gjakmarrjes. Ky fakt përforcohet edhe më shumë se asnjë nga anëtarët e familjes Kolaveri nuk u shoqëruan për ngjarjen në Komisaritin e Policisë Nr.5., të Kamzës. Të dyja familjet, Daci dhe Kolaveri janë në gjak edhe pse jetojnë shumë pranë njëra-tjetrës në zonën e Bathores.

Ndërkohë nga kamerat e tjerë të sigurisë të sekuestruara në fillim të rrugës Martin Camaj dhe zonën e Bathores si edhe të disa bizneseve aty pranë, ekspertët kanë dyshime se nga vendi i ngjarjes, autori u largua me një automjet tip BMW ngjyrë gri.

Gjithashtu, është tëpër e vështirë të identifikohet  personit që vendos lëndën plasëse në familjen Daci, pasi ka qenë i veshur me të zeza dhe në kokë mbante një kapuç./abcnews.al

 

donald-trump-3.jpg
G. P.09:52 | 22/07/2018

Donald Trump ka reaguar ashpër ndaj lajmeve se ish-avokati i tij e ka regjistruar gjatë një bisede. Duke e cilësuar një praktikë të paimagjinueshme për marrëdhënien “avokat-klient”, Trump ka deklaruar se ajo mund të jetë edhe ilegale.

Presidenti Donald Trump ka kritikuar ashpër ish-avokatin e tij, Michael Cohen, për regjistrimin e bërë prej tij gjatë bisedimeve për të paguar një modele, që kishte pasur një aferë me kreun e shtetit. Duke reaguar përmes rrjetit social të preferuar, Trump ka deklaruar se një agresion i tillë nuk është dëgjuar ndonjëherë.

Ai ka nënvizuar se, praktika që një avokat të regjistrojë bisedën me klientin e tij është e paimagjinueshme dhe ndoshta është ilegale. Presidenti ka insistuar gjithashtu se nuk ka bërë asnjë shkelje.

“Por, lajmi i mirë është se presidenti juaj i preferuar nuk ka bërë asnjë shkelje”, u është drejtuar ai përdoruesve në Twitter.

Regjistrimi i bisedës është bërë dy muaj para mbajtjes së zgjedhjeve presidenciale të vitit 2016. Materiali audio është zbuluar nga agjentët e FBI-së që më herët gjatë vitit kontrolluan zyrën e avokatit Michael Cohen në Nju Jork.

Departamenti i Drejtësisë po përpiqet të zbuluar mënyrën e pagesës që iu bë ish-modeles së “Playboy”, që pretendonte se kishte pasur një marrëdhënie me Trump, para se ai të bëhej kryetar shteti. Ndërkohë, avokati Cohen, ndaj të cilit për momentin nuk është ngritur asnjë akuzë, ndodhet nën hetim për evazion fiskal dhe shkelje të ligjeve elektorale./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono