shpërthim

bangladesh.jpg
ger ta11:07 | 17/11/2019

Të paktën shtatë persona u vranë dhe 25 të tjerë u plagosën pasi një tubacion gazi shpërtheu në Bangladeshin juglindor të dielën, tha policia.

Shpërthimi në zonën Patharghata në rrethin Chittagong rrëzoi pjesë të një muri në kufi të një ndërtese aty pranë, tha shefi i policisë lokale Mohammed Mohsin.

Ai tha se të paktën 25 njerëz ishin shtruar në spital dhe zjarrfikësit u bashkuan në operacionin e shpëtimit. Nuk ishte e qartë menjëherë se çfarë e shkaktoi shpërthimin. Raportet e lajmeve thanë se rruga përpara vendit të shpërthimit ishte e mbushur me njerëz.

Muri u rrëzua dhe ra mbi njerëzit në rrugë. Shpërthimi ndodhi kur banorët po përgatiteshin për fillimin e ditës së punës në mëngjes, tha Mohsin. Chittagong është 216 kilometra (134 milje) në juglindje të kryeqytetit, Dhaka./abcnews.al

Ukraina-1-600x360.jpg
in a11:35 | 16/11/2019

Dy inxhinierë të minierave kanë vdekur dhe katër persona të tjerë janë lënduar nga një shpërthim që ndodhi në një depo armësh në qytetin lindor ukrahinas. Kharkiv. Lajmi u bë i ditur nga  ushtria e Ukrahinës.

Komanda e Përgjithshme e Forcave të Armatosura të Ukrahinës tha se shpërthimi ndodhi të premten gjatë një shkatërrimi të planifikuar të armatimit të vjetër në një bazë ushtarake.

Në deklaratën e ushtrisë thuhet se katër personat e lënduar janë dërguar në spital, por tre prej tyre ndodhen në gjendje të rëndë pëer jëtën.

Ushtria gjithashtu njoftoi se banorët lokalë dhe infrastruktura nuk janë më të rrezikuar , pasi shpërthimet  kanë mbaruar.

Viteve të fundit, në Ukrainë kanë ndodhur disa shpërthime në depo të armëve gjatë kohës së luftës me separatistët pro-rusë, të cilët ende po i mbajnë nën kontroll rajonet lindore, Donetsk dhe Luhansk.

Më shumë se 13 mijë njerëz janë vrarë prej fillimit të këtij konflikti në prill të vitit 2014, shkruan “Free Europe./abcnews.al

00.jpg
in a16:42 | 08/11/2019

Zjarrëfikësit kanë shpëtuar minatorët e bllokuar nën tokë pas një shpërthimi në qytetin Lindor të Gjeermanisë, Teutschenthal. Rreth 35 njerëz mbetën të bllokuar brenda në minierë, Ndërkohë që dy punërtorë kanë mbetur të plagosur dhe njëri prej tyre raportohet se është në gjendje më të rëndë.

Miniera fillimisht u mbyll në vitin 1982, por më vonë gjatë 15 viteve të fundit u rimodelua. Kjo minierë është një bazë me një hapësirë prej 14 kilometra katrorë, ku hidhen mbeturinat minerale. Zyrtarët ende nuk kanë konfirmuar se kush mund të jetë shkaku që shkaktoi shpërthimin, raporton Anadolu Agency. /abcnews.al

tritol.jpg
ent ela08:52 | 03/10/2019

Një sasi e vogël lënde plasëse ka shpërthyer në një banesë në fshatin Halil, Fushë- Krujë. Policia njofton se shpërthimi ka ndodhur në pjesën e jashtme të oborrit të banesës së një 40 vjeçari me iniciale A.P.

Nga të dhënat e para mësohet se nga shpërthimi nuk ka të lënduar.

Grupi hetimor po punon zbardhjen e rrethanave  të ngjarjes, identifikimin dhe kapjen e autorit. /abcnews.al

shperthen-bombola.jpg
ad min12:47 | 02/10/2019

Një zjarr i madh ra në një banesë në katin e katërt të një pallati në qytetin e Korçës. Nga ekspertiza e parë rezultoi se ka shpërthyer një bombol gazi dhe më pas orenditë kanë marrë flakë.

Por për fat nuk pati probleme me jetë njerëzish pasi në kohën e shpërthimit shtëpia ishte bosh. Sipas policisë, bombola ka qenë me defekt, por që nuk është vërejtur nga banorët./ABC News Albania 24/7

rouen-e1569489594474.jpg
ad min12:02 | 26/09/2019

Gjendje e jashtëzakonshme në Rouen të Francës si pasojë e një zjarri të fuqishëm që ka shpërthyer në një impiant gazi. Rreth 130 zjarrfikës po përpiqen të marrin situatën nën kontroll, ndërsa rreth zonës është vendosur një perimetër sigurie prej 500 metrash.

Një zjarr i përmasave të mëdha ka shpërthyer në impiantin kimik të Rouen në Francë. Situata është katalogizuar në bazë të direktivit europian si e një rrezikshmërie të lartë. Sipas mediave franceze një re e madhe tymi e dendur dhe e zezë si dhe flakë të larta janë parë nga kapanonet nga ku dhe janë dëgjuar shpërthime të shumta. Në vendngjarje janë 130 zjarrfikës për të shuar flakët.

Gjithashtu është vendosur një perimetër sigurie prej 500 metrash përreth impiantit dhe shkollat e zonës verore të Rouen janë mbyllur deri në qetësimin e situatës.

Impianti Lubrizol gjendet në Rouen që nga viti 1954 dhe prodhon përbërës shtesë për lubrifikantët. Nuk është hera e parë që impianti në fjalë bëhet pjesë e kronikave. Në Janar të 2013-ës era e keqe e çliruar nga impianti u kthye në një krizë shëndetësore në nivel kombëtar. Rrjedhja e gazit shkaktoi pasoja deri në Britaninë e Madhe./ABC News Albania 24/7

tritol.jpg
ad min11:50 | 20/08/2019

Një sasi e vogël lënde plasëse ka shpërthyer mbrëmë në oborrin e një banese në Kamëz, duke shkaktuar vetëm dëme të vogla materiale. Sipas njoftimit të policisë, ngjarja ndodhi rreth orës 22:15  në rrugën “Mujo Ulqinaku”, në Kamëz. Në momentin e shpërthimit në banesë nuk ka patur njeri.

Pas veprimeve të para hetimore Policia ka identifikuar autorin e dyshuar dhe po punon për kapjen e tij.  Në bashkëpunim me Prokurorinë po vijon puna hetimore për sqarimin e rrethanave të ngjarjes./ABC News Albania 24/7

 

durresi.jpg
ad min11:40 | 20/08/2019

Një shtëpi në katin e dytë të një ndërtese është djegur nga flakët. Ngjarja ka ndodhur tek ish-rajoni i policisë në qytetin e Durrësit dhe dyshohet se shkak është bërë aspiratori i cili ka shpërthyer nga një defekt gjatë kohës që ka qenë ndezur.

Në këtë shtëpi ishte vendosur një familje që jetonte me qera, por kryefamiljaret ishin në punë dhe fëmijët tek kushërinjtë e tyre. Brenda ndodhej vetëm qeni i tyre i cili shpëtoi. Zjarrfikësit për fat vunë në kontroll flakët që rrezikonin shtëpi të tjera./ABC News Albania 24/7

pergjaket-dasma.jpg
ad min14:20 | 18/08/2019

Një bombë ka shpërthyer në një dasmë në kryeqytetin e Afganistanit, Kabul, duke vrarë 63 persona dhe plagosur mbi 180 të tjerë. Dëshmitarë nga vendi i ngjarjes kanë deklaruar për BBC se sulmi u krye nga një atentator vetëvrasës.

Shpërthimi ndodhi në një zonë në perëndim të qytetit, e banuar kryesisht nga myslimanë shiitë. Guerrilasit talebanë mohuan përgjegjësinë e sulmit, që nuk është marrë përsipër nga asnjë grup tjetër.

Por myslimanët sunitë, përfshirë talebanët dhe Shtetin Islamik, i kanë vënë shpesh herë në shënjestër minoritetet shiite në Afganistan dhe Irak. Ministria e Brendshme afgane konfirmoi bilancin e viktimave disa orë pas ngjarjes.

Ndërkohë, foto të publikuara në rrjetet sociale tregonin trupa të shtrirë mes tavolinave e karrikeve të kthyera përmbys. Në dasmat afgane ka zakonisht shumë të ftuar që mblidhen në salla të mëdha, ku burrat festojnë të ndarë nga gratë dhe fëmijët./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono