shofer

eni-shehu-33.jpg
G. P.10:30 | 24/08/2018

Pjesa e parë e Edicionit Veror këtë të enjte iu dedikua Koço Kokës. Një ndër shoferët e kohës së komunizmit, i cili ka punuar 50 vite në këtë profesion. Një rrëfim interesant për kohën e rinisë dhe peripecitë të cilat ndeshte gjatë kësaj pune, të cilat ai i ka përmbledhur gjithashtu edhe në librin “Me timon nëpër rrugët e atdheut”.

Ai tregoi se ka punuar si shofer nëpër të gjithë qytetet, minierat e hidrocentralet në vend. Koço, dikur shofer kamioni dhe autobusi, tashmë është 89 vjeç, tregoi se u ndje i frymëzuar për të shkruar historitë e tij i shtyrë nga miqtë dhe familjarët kur doli në pension.

Më pas pamë si bëhen gërshetat  e vogla. Gazetarja jonë pati shancin që të ishte në duart e Lumturisë, gërshetbërësja profesioniste e cila merrej me këtë profesion që prej 7 vitesh. Procesi kishte një metodë të veçantë e cila nuk shkaktonte rënien e flokëve. Gërshetat, sidomos tani në verë, janë kthyer në trend për arsye se janë shumë praktike dhe komode gjatë plazhit dhe pishinave.

Nuk munguan as tingujt e muzikës, kësaj here nga një DJ femër. DJ Lilak u bëri shumë përshtypje klientëve të Noli’s Drink dhe gjithashtu tregoi se e kupton që njerëzit po kënaqen kur i shikon duke pirë, duke kaluar mirë, por edhe kur kërcejnë në tavolinë. Ajo tha gjithashtu edhe përvojën më të keqe dhe më të mirë që kishte provuar ndonjëherë si DJ.

Mbrëmjet e verës përfundojnë me pije alkoolike dhe pikërisht për këtë ishte dietologia Lida që na këshilloi çfarë të bëjmë pasi të pijmë. Problemi kryesor kur pijmë alkool është dehidratimi, që do të thotë humbje e lëngjeve dhe e kripërave minerale dhe më pas fillojnë problemet të cilat janë ato që ndjejmë, kur e kemi tejkaluar me alkoolin.

Dietologia tha se në ditën pasardhëse nuk duhet pirë aspak alkool, përkundrazi duhet rikuperuar sasia e lëngjeve që keni humbur./abcnews.al

gardisti.jpg
G. P.14:44 | 30/06/2018

Nga veprimet hetimore të kryera deri më tani rezulton se shoferi i ministrit të Brendshëm, Fatmir Xhafaj, është vetëvrarë . Në këtë konkluzion kanë dalë Prokuroria e Tiranës, SHÇBA dhe Policia e Shtetit, të cilët e sqarojnë në një njoftim zyrtar.

Njoftimi i plotë:

Policia e Shtetit është njoftuar nga Garda e Republikës, rreth orës 09:30 të mëngjesit, në garnizonin e Gardës, është gjetur i pajetë gardisti me detyrë funksionale shofer i Ministrit të Brendshëm, shtetasi Sh.Q., 31 vjeç.

Menjëherë është ngritur grupi hetimor, nën drejtimin e Prokurorit të Rrethit Gjyqësor Tiranë, me përbërje oficerë të Policisë Gjyqësore ekspertë mjeko-ligjorë, ekspertë të kriminalistikës dhe hetues të SHÇBA-së.

Nga veprimet e para hetimore rezulton se në mjetin e Gardës u gjet i pajetë, i ulur në sediljen e shoferit, punonjësi Shkëlzen Qordja. Makina ishte e parkuar në garazhin e caktuar për mjetet e Ministrisë së Brendshme, i cili u gjet i mbyllur nga brenda.

Nga kqyrja rezultoi se në kokën e viktimës ka plagë tejshpuese të shkaktuar nga armë zjarri, me qitje me drejtim nga e djathta në të majtë. Në vendngjarje u gjetën 3 gëzhoja të qitura nga arma automatike tip “MP5”, e cila ishte në dorën e djathtë të viktimës, me levën e ndërrimit të llojit të zjarrit, në pozicionin “qitje breshëri”.

Nga tërësia e veprimeve hetimore të kryera deri tani në vendin e ngjarjes, dyshohet se viktima është vetëvrarë, me armën e shërbimit.

I ndjeri, ka nisur punë në Gardës e Republikës në datën 29.03.2017 dhe nuk ka qenë asnjëherë subjekt procedimi, pezullimi apo mase tjetër disiplinore.

Grupi hetimor nën drejtimin e Prokurorisë së Rrethit Gjyqësor Tiranë është duke punuar për të qartësuar shkaqet e ngjarjes dhe zbardhjen e rrethanave.//abcnews.al

Screen-Shot-2018-01-12-at-112029.png
G. P.21:09 | 12/01/2018

General Motors ka zbuluar planet ambicioze për të prezantuar “makinën pa shofer” vitin e ardhshëm.

Makina, e cila quhet Cruise AV, është projektuar që të lëvizë vetë, pa shofer, timon apo pedale të tjera kontrolli.

Me këtë makinë, General Motors shpreson që të reduktohet numri i aksidenteve në rrugë.

“Makinat pa shofer” do të jenë elektrike, duke reduktuar në këtë mënyrë edhe ndotjen dhe duke kontribuar në një mjedis më të mirë.

Sistemi autonom i kësaj makine do të varet shumë te sensorët e saj sepse do t’i lejojnë makinës të shohë rreth e rrotull./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono