shkupi

stenio-dhe-demiri.jpg
Vladimir Prenga12:12 | 27/12/2019

Zhvillime në Maqedoninë e Veriut, te Shkupi dhe Shkëndija e Tetovës. Klubi kryeqytetas ka humbur Ertan Demiri, i cili kishte pozicion drejtues dhe i ishte ngarkuar përzgjedhja e elementëve të rinj. Ish-mesfushori, i cili ka luajtur në Superiore me Partizanin, e ka njoftuar diçka të tillë përmes llogarisë së tij në “Facebook”.

“Me marrëveshje te dyanshme vendosëm që të ndërpresim bashkëpunimin me FC Shkupin. Ishte privilegj dhe kënaqësi të jem pjesë e kësaj skuadre për 18 muaj. Ju faleminderit të gjithëve dhe mirupafshim”, shkruan Demiri.

Nga ana tjetër Shkëndija mund të humbasë një nga lojtarët më të rëndësishëm të viteve të fundit, brazilianin Stenio Junior. Mediat në vendin fqinj raportojnë se 28-vjeçari ka kërkuar largimin nga kuqezinjtë.

Kontrata e tij përfundon në qershor dhe drejtuesit e klubit duhet të vendosin se çfarë do të bëjnë. Sulmuesi i afruar në vitin 2014 është një nga lojtarët e mirëpaguar dhe për tetovarët që po shohin të ulin shpenzimet është një moment i mirë për të shtrënguar duart me brazilianin. /abcnews.al

vardar-skendija-adem-i-besart-ibraimi-1280x640.jpg
Vladimir Prenga14:59 | 08/12/2019

Shkëndija e Tetovës ia ka dalë të mos mposhtet në transfertë me Vardarin kryesues, që kaloi dy herë në epërsi ndaj skuadrës kuqezi të Ernest Gjokës. Gjithsesi Omeri dhe Neziri u kundërpërgjigjën, duke shënuar nga një gol dhe përballja e kreut u mbyll në barazim 2-2. Skuadra nga Shkupi e mbyll pjesën e parë të sezonit me tetë pikë diferencë nga Shkëndija.

Disfatë në shtëpi për Shkupin, që u ndëshkua tre herë nga braziliani Padu i Makedonija GP. Jusufi dhe Jurina shënuan dy herë për bardhekaltrit, që në fund dolën të mposhtur me rezultatin 2-3. Struga është skuadra tjetër shqiptare që nuk ia doli të fitonte sot. Kocev e ndëshkoi skuadrën e Jeton Beqirit, që reagoi dhe barazoi me Tafe.

Renova bëri një përmbysje të çmendur ndaj Rabotnicki, që ishte në epërsinë e dy golave. Ademi, Miovksi dhe Selmani, së bashku me golin e parë të Gafurit me penallti, i dhanë tre pikë me vlera skuadrës tetovare, që la vendin e fundit në klasifikim. /abcnews.al

shkendija-rabotnicki.png
Vladimir Prenga14:56 | 04/12/2019

Kupa e Maqedonisë së Veriut vijon garimin dhe sot janë luajtur ndeshjet e para të fazës çerekfinale. Shkëndija e Tetovës, edhe pse luante në shtëpi, nuk ia doli të fitonte ndaj Rabotnickit. Kuqezinjtë shënuan shumë shpejt me brazilianin Junior, por më pas portieri Zahov gaboi dhe u dhuroi gol miqve nga Shkupi. 1-1, rezultat që mbeti i pandryshuar deri në fund. Përpjekjet e Shkëndijës ishin maksimale, por mungoi finalizimi.

Një prej ndeshjeve çerekfinale ishte edhe derbi mes Strugës dhe Renovës, që përfundoi në barazim pa gola. Rezultat negativ ka marrë Shkupi, që u mund në shtëpi nga Akademija Pandev. Ekipi nga Strumica realizoi në minutat shtesë, ndërkohë që portieri i tyre kishte pritur edhe një penallti në pjesën e parë.

KUPA E MAQEDONISË SË VERIUT (1/4)
E mërkurë, më 4 dhjetor, ora 13:00
Shkëndija-Rabotnicki 1-1
Shënues:
Junior 8′ / Stojkov 33′
Shkupi-Akademija Pandev 0-1
Struga-Renova 0-0

E mërkurë, më 4 dhjetor, ora 16:30
Bregalnica Stip- Labunishta

/abcnews.al

ibraimi.jpg
Vladimir Prenga15:10 | 01/12/2019

Shkëndija e Tetovës ka mundur me rezultatin 4-0 Shkupin dhe është ngjitur në vendin e dytë, pasi Akademija Pandev u thye nga Vardari kryesues. Kuqezinjtë ruajnë distancën prej 8 pikësh me skuadrën kryeqytetase.

Ekipi i drejtuar nga Ernest Gjoka e zhbllokoi ndeshjen me të zakonshmin Besar Ibrahimi, i cili në takimin e sotëm realizoi dy herë në portën e Shkupit. Në ditë të mirë ishte edhe braziliani Junior, autor i dy golave gjithashtu.

Në fushë sot zbriti edhe Renova, që u mposht në transfertë nga ekipi i Borec. Ekipi vendas shënoi që në minutën e pestë me Prelcec dhe e ruajti epërsinë deri në fund të ndeshjes.

MAQEDONI E VERIUT LIGA 1 – JAVA 17
E diel, më 1 dhjetor 2019, ora 13:00

Akademija Pandev-Vardar 0-3
Borec-Renova 1-0
Shënues:
Prelcec 5′
Rabotnicki-Sileks 1-1
Shkëndija-Shkupi 4-0
Shënues:
B. Ibraimi 2′, 41′ (pen), Junior 27′, 89′

/abcnews.al

shkendija.png
Vladimir Prenga13:11 | 01/12/2019

Shkëndija dhe Shkupi po përballen mes tyre në ndeshjen e javës së 17-të. Derbi mes shqiptarëve në Maqedoninë e Veriut ka nisur me hapjen e flamurit shqiptar nga ultrasit kuqezi të klubit tetovar, “Ballistët”.

Nuk mungojnë as këngët patriotike, ndërkohë që sikurse dihet, të ardhurat nga shitja e biletave do të dhurohen për të prekurit nga tërmeti në vendin tonë. /abcnews.al

Shkendija-Ballistet.png
Igli Nikolli13:56 | 29/11/2019

Shkëndija e Tetovës pret Shkupin të dielën (13:00) dhe drejtuesit e kampionëve të Maqedonisë së Veriut kanë marrë një vendim. Të gjitha përfitimet e biletave të derbit shqiptar do të shkojnë për të prekurit nga tërmeti në Shqipëri.

Të ardhurat do t’i bashkohen kontributit të lojtarëve dhe drejtuesve për familjet e goditura nga ngjarja e tmerrshme. Kuqezinjtë solidarizohen në këtë mënyrë me tragjedinë e ndodhur, teksa nuk kanë munguar as mesazhet inkurajuese dhe ndihmat e “Ballistëve”, tifogrupit të njohur të ekipit. /abcnews.al

POSTIMI I PLOTË: “KF Shkëndija të dielën në kuadër të xhiros së 17-të përballet me Shkupin në Tetovë dhe kryesia vendos që të ardhurat nga shitja e biletave të bashkohen me donacionet e lojtarëve dhe kryesisë për familjet e goditura nga tërmeti në Shqipëri.

Në një javë më shumë emocionale të ndikuar nga fatkeqësia natyrore që goditi Shqipërinë, skuadra kuqezi vazhdon punën për sfidën e radhës kampionale. E diela sjell xhiron e 17-të kur Shkëndija në Tetovë do të presë FC Shkupin në një takim ku kuqezinjtë kërkojnë të kthehen në rrugën e fitores.

Përveç vlerës së pikëve në aspektin garues, takimi i të dielës është mundësi e mirë për bashkim të forcave bashkë me publikun në aksionin humanitarë për grumbullimin e mjeteve për familjet e goditura nga tërmeti në Shqipëri”. /abcnews.al

ballistet.jpg
Vladimir Prenga15:04 | 27/11/2019

Struga Trim&Lum ka fituar 2-1 derbin mes shqiptarëve në Maqedoninë e Veriut, madje ia ka dalë ta arrijë këtë objektiv duke përmbysur Shkëndijën. Tetovarët shënuan në fundin e pjesës së parë me anë të brazilianit Junior, por nuk e ruajtën dot epërsinë.

Kochoski, dhjetë minuta nga nisja e fraksionit të dytë të lojës, arriti të baraspeshonte shifrat dhe më pas ishte Nijas Lena që shënoi golin e fitores dhe nxori duarbosh Shkëndijën dhe ish-trajnerin e tij te Kukësi e Flamurtari, Ernest Gjoka. Kuqezinjtë i gëzohen vetëm faktit që Vardari nuk mori më shumë se një pikë dhe diferenca me ta tashmë është tetë pikë.

Shkupi ka festuar sot, pasi ia ka dalë të mposhtë Akademija Pandev. bardhekaltrit pësuan gol pas vetëm shtatë minutash lojë, por shpërthyen në pjesën e dytë. Serginho, Darboe dhe Jusufi shënuan dhe i dhanë tre pikët Shkupit.

Renova “flirtoi” me fitoren sot, por e pësoi në minutat shtesë dhe mori vetëm një pikë me Makedonija GP. Takimi mes tyre përfundoi në barazim 1-1 dhe ishte Dejan Blazevksi (ish-sulmuesi i Tiranës) që e ndëshkoi skuadrën shqiptare.

MAQEDONI E VERIUT LIGA 1 – Java 17
E mërkurë, më 27 nëntor, ora 13:00

Rabotnicki-Borec  2-1
Renova-Makedonija GP 1-1
Shënues:
Selmani 54′ / Blazevski 90′
Shkupi-Akademija Pandev 3-1
Shënues:
Serginho 67, Darboe 78′, Jusufi 93′ /Rajkovic 7′
Sileks-Vardar 2-2
Struga-Shkëndija Tetovë 2-1
Shënues:
Kochoski 54′, Lena 65′ / Junior 38′

/abcnews.al

Shkupi.jpg
Veronik Istrefaj21:43 | 26/11/2019

Klubi shqiptar Shkupi, që luan në kampionatin maqedonas të futbollit, ka vendosur se të gjitha përfitimet e biletave në sfidën ndaj Akademia Pandev, do të shkojnë në ndihmë të shqiptarëve të prekur nga tërmetet e sotme. Me anë të një njoftimi në faqen e tyre zyrtare, klubi i Shkupit shkroi:

Ekipi nesër në stadiumin e Çairit do të zhvillojë ndeshjen e xhiros së 16-të në Ligën e Parë të Futbollit të Maqedonisë së Veriut kundër Akademia Pandevit, ndërsa për këtë takim kryesia e klubit kanë marrë vendim që paratë e tubuara nga shitja e biletave do të dorëzohen për ndihmë në qytetin e Durrësit të Shqipërisë.

Kjo iniciativë u mor sot nga drejtuesit e klubit bardheblu, për tu solidarizuar dhe ndihmuar sado pak familjet e viktimave që humbën jetën në tërmetin e mëngjesit të sotëm në Durrës në të cilin humbën jetën 18 persona dhe shumë të tjerë u lënduan. Një biletë për të shikuar ndeshjen FC Shkupi-Akademia Pandev në stadiumin e Çairit kushton vetëm 100 denarë (1.6 euro). Takimi nis në orën 13:00./abcnews.al

ZAEV-SHEGENI-ABCM4T1.mpg_snapshot_00.47-1280x720.jpg
ent ela15:27 | 25/11/2019

Kryeministri i Maqedonisë së Veriut Zoran Zaev tha se në Shkup po punohet në Ligjin për të huajt, për marrjen e lejeve të punës dhe shpreson se deri në dhjetor ai do të kalojë në Kuvend. Sipas ligjit të ndryshuar, të gjithë qytetarët e mbarë rajonit, në cilindo vend, do të jenë njësoj dhe nuk do të kenë nevojë tëp resin gjashtë muaj për leje pune.

Zaev tha se po punohet edhe në njohjen e dokumentacionit që lëshojnë agjencitë përkatëse dhe me njohje të ndërsjellë do të tejkalohet ose nuk do të ketë fare nevojë për kontrolle të shërbimeve fitosanitare.

Pas hapjes së modeleve “one stop shop” në vendkalimin kufitar Tabanoc dhe nënshkrimit të marrëveshjeve për operatorë të autorizuar ekonomik, Qeveria e Republikës së Maqedonisë së Veriut po punon tashmë për zbatimin e marrëveshjes nga takimet për “Shengenin e vogël”, deklaroi kryeministri Zoran Zaev pas mbylljes së Forumit të katërt rajonal rinor në Novi Sad.

“Aktualisht punojmë në Ligjin për të huaj për marrjen e lejeve të punës dhe shpresoj se deri në dhjetor ai do të kalojë në Kuvend, me të cilin të gjithë qytetarët e mbarë rajonit në cilindo vend do të jenë të njëjtë si edhe qytetarët e vet vendit dhe nuk do të kenë nevojë gjashtë muaj të presin leje pune nga tërë procedura që ekziston”.

Zaev tha se po punohet edhe në njohjen e dokumentacionit që lëshojnë agjencitë përkatëse dhe me njohje të ndërsjellë do të tejkalohet ose nuk do të ketë fare nevojë për kontrolle të shërbimeve fitosanitare. Agjencia për ushqim dhe veterinari dhe shërbimet tjera duhet ta integrojnë këtë sistem dhe një leje e lëshuar prej cilitdo vend do të jetë e pranueshme për të gjitha shtetet, tha ai.

“Punojmë edhe në lidhjen informatike dhe besojmë se do të arrijmë në këtë pjesë dhe në vijim janë edhe projekte të tjera”.

Zaev theksoi se dëshiron të tregojnë zgjidhje praktike nga deklaratat e nënshkruara, që do të jetë presion i mjaftueshëm i institucioneve që të dalin me zgjidhje ligjore sa më shpejt.

Ndërsa kryeministrja serbe Ana Bërnabiq ka theksuar se edhe Serbia ka filluar me disa nisma për implementimin e marrëveshjes në Novi Sad dhe Ohër, si hapjen e vendkalimit kufitar një sportel, i cili do të lidhet në mënyrë elektronike me doganat dhe inspeksionin fitosanitar. /abcnews.al

ibraimi-imeri.jpg
Vladimir Prenga15:08 | 24/11/2019

Shkëndija e Tetovës është treguar e pamëshirshme në derbi me Renovën. Kuqezinjtë triumfuan me rezultatin 6-1, madje dy prej golave i shënuan kur po luanin me një lojtarë më pak (Mevlan Murati u ndëshkua me karton të kuq në minutën e 76-të).  Skuadra e drejtuar nga Ernest Gjoka e zhbllokoi ndeshjen që në minutën e pestë, kur Omar Imeri gjeti rrugën e rrjetës.

Ai gol mbeti në fuqi në 45 minutat e para, ndërkohë që në pjesën e dytë nisi goleada. Alimi, Besart Ibraimi dhe Agim Ibraimi shënuan tre gola për 15 minuta. Më pas ishte radha e Fazli dhe Totre që ta kthenin në tenis. Golin e nderit për Renovën e shënoi Selmani.

Kjo fitore e afron Shkëndijën me vendin e parë, Vardarin, që u ndal nga Shkupi. Diferenca është shtatë pikë tashmë. Skuadra shqiptare, edhe pse e pa veten në disavantazh, arriti të shënonte  me Goudiaby dhe të merrte një pikë.

Edhe Struga i bëri nder Shkëndijës, teksa në transfertë me Akademija Pandev mori një pikë të vlefshme në minutat shtesë. Cvetanovksi shënoi në fund dhe shmangu humbjen për ekipin strugan.

MAQEDONI E VERIUT LIGA 1  – Java 15
E diel, më 24 nëntor 2019, ora 13:00

Akademija Pandev-Struga 1-1
Shënues:
Rajkovic 68′ / Cvetanovksi 93′
Borec-Sileks 0-0
Shkëndija Tetovë-Renova 6-1
Shënues
: Imeri 5′, Alimi 50′, B. Ibraimi 54′, A. Ibraimi  64′ (pen.), Fazli 82′, Totre 91′ / Selmani 85′
Vardar- Shkupi 1-1
Shënues:
Juninho 14′ / Goudiaby 71′

/abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono