shkolle

autobusii.jpg
G. P.11:51 | 22/11/2018

Një automjet ka përplasur disa fëmijë përpara një shkolle në një qytet të Kinës, duke vrarë 5 fëmijë dhe plagosur 18 të tjerë. Kjo është bërë e ditur nga televizioni shtetëror kinez. Pamjet e marra nga kamerat e sigurisë tregojnë një radhë fëmijësh që kalonte rrugën përballë shkollës ndërsa një automjet afrohet.

Më pas makina ndërroi korsi duke përfunduar në krahun e fëmijëve. Shoferi i mjetit është arrestuar. Nuk është akoma e qartë nëse bëhet fjalë për një sulm të paramenduar. Kohët e fundit, Kina është përfshirë nga episode të shumta të këtij lloji.

Muajin e kaluar një person i armatosur përplasi disa kalimtarë me makinën e tij duke vrarë dy persona dhe plagosur 16 të tjerë. Ndërsa në Shtator, 11 persona humbën jetën dhe 44 të tjerë u plagosën pasi një person shtypi ma kamionin e tij disa kalimtarë./abcnews.al

shkolla.jpg
G. P.16:07 | 09/11/2018

Autoritetet e Karolinës së Veriut në Shtetet e Bashkuara kanë sinjalizuar se një sulm me armë zjarri është në zhvillim në një shkollë të mesme. Policia ndodhet në vendngjarje. Për momentin nuk dihet nëse ka viktima apo të plagosur. Mediat ndërkombëtare raportojnë se janë dëgjuar të shtëna./abcnews.al

siguriaaaa.png
ent ela21:05 | 05/11/2018

I fituar del më i shpejti. Ndërsa shkojnë në mësim apo kthehen në shtëpi nxënësit e shkollës nëntë-vjeçare “Emin Duraku” në Tiranë në rastin më të mirë mund të mbeten në trafik.

Ndonëse respektojnë sinjalistikën rrugore nxënësit na tregojnë se të kalojnë nga njëra anë në tjetrën varet nga drejtuesit e automjeteve, të cilët shpesh nuk e kursejnë shpejtësinë as në këtë rrugicë para shkolle. Për të zgjidhur situata të ngjashme në kryqëzimin mes shkollës nëntë-vjeçare “Kosova” dhe “Liceut Artistik” në Tiranë është vendosur një semafor që mesa duket jo gjithmonë funksionon.

Në raste të tilla fëmijët kanë një zgjidhje. Ndërsa të rriturit në betejën mes drejtuesve të automjeteve dhe këmbësorëve prindërit ndiejnë nevojën e një polici. Të njëjtën nevojë kanë edhe prindërit e fëmijëve në shkollën “Edith Durham”. Situata të tilla shpesh mund të bëhen shkak për aksidente.

Me qëllim parandalimin e tyre në nisje të vitit të ri shkollor, Drejtori i Rendit dhe Sigurisë Publike, Alber Dervishaj, deklaroi se komisariatet do të siguronin praninë e uniformave blu pranë institucioneve arsimore sidomos gjatë fillimit dhe mbarimit të mësimit. Nga vëzhgimi i ABC News në katër shkolla të Tiranës nuk u vu re prani e tyre. Në këtë situatë prindërit thonë se kanë vetëm një zgjidhje. /abcnews.al

shqiperia-shkolla.jpg
G. P.17:10 | 10/09/2018

Pushimet e gjata verore dhe numri i lartë i festave bëjnë që nxënësit në Shqipëri të zhvillojnë më pak mësim se bashkëmoshatarët e tyre në Europë. Komisioni Europian ka përllogaritur se në vendin tonë, fëmijët shkojnë në shkollë 156 ditë të vitit.

Nxënësit në shkollat nëntë-vjeçare dhe ato të mesme në Shqipëri bëjnë më pak ditë shkollë se në shtetet europiane. Komisioni Europian ka publikuar raportin për edukimin në ciklin primar dhe atë dytësor ku vë në dukje se gjysmën e vitit në vendin tonë nuk zhvillohet mësim.

Fëmijët në Shqipëri shkojnë në shkollë vetëm 156 ditë. Ndërkohë mesatarja europiane varion nga 170 deri në 190 ditë. Kjo kryesisht vjen si pasojë e pushimeve të gjata verore, rreth 11 javë, por edhe numrit të lartë të festave.

Ata që zhvillojnë më shumë mësim në Europë janë danezët. Në Danimarkë, nxënësit shkojnë në shkollë 200 ditë të vitit./abcnews.al

27295723057_5f118fbd25_k-1280x854.jpg
G. P.14:02 | 12/06/2018

Palestra e shkollës “Qemal Stafa” në Tiranë hap dyert për fëmijët dhe të rinjtë e njësisë administrative numër 10. Kryetari i bashkisë, Erion Veliaj, iu bashkua nxënësve të shkollës dhe nxiti prindërit të dërgojnë fëmijët në kurset sportive.

Pasditeve, pas orarit të mësimit, të rinjtë dhe fëmijët e njësise administrative numër 10 në Tiranë mund të stërviten dhe luajnë në palestrën e rikonstruktuar të gjimnazit “Qemal Stafa”. Kjo është shkolla e katërt që i bashkohet nismës për t’i mbajtur dyert hapur për banorët e zonës.

“Kjo ka qenë një ndër shkollat e para që kemi rikonstruktuar dhe më vinte keq që gjithë kjo godinë e bukur duhej të mbyllej në orën 14.00. Këto dy vjet kemi menduar se si të gjenim një mënyrë që shkolla të hapej, jo si një shtëpi pa zot, por sipas një sistemi, për mirëmbajtje dhe kujdes. Ndaj, më vjen mirë që kemi gjetur këtë formulë fantastike midis bashkisë, drejtorisë dhe shoqatave sportive, për t’i shfrytëzuar këto mjedise jashtë orarit të mësimit”.

Veliaj theksoi se hapja e palestrave synon të nxisë fëmijët dhe të rinjtë të merren me sport.

“Jo të gjithë do të bëhen kampionë, por ky nuk është thelbi i këtij projekti. Sigurisht, është mirë të zbulojmë talente, por ama nuk është qëllimi i projektit. Qëllimi është që edhe ata që nuk do të bëhen basketbollistë elitarë, të kenë mundësi të luajnë në skuadër, të mësojnë çfarë është humbja, çfarë është fitorja. Arsyeja pse e them këtë është se loja më e rëndësishme nuk është kjo këtu, në këtë fushë, loja më e rëndësishme është tek ajo fusha aty jashtë, në fushën e jetës, mënyra sesi e trajtojmë njëri-tjetrin në këtë qytet, se si ndajmë hapësirën me njëri-tjetrin, si ndihmojmë ata që janë në nevojë, si respektojmë skuadrën”.

Kryebashkiaku veçoi si një mundësi të artë për të rinjtë e kësaj njësie faktin se në këtë palestër do të shërbejnë si trajnerë disa nga kampionët sportivë të vendit.

Prej disa javësh, Bashkia e Tiranës ka nisur projektin për të hapur të gjitha palestrat dhe mjediset sportive të shkollave të kryeqytetit për të rinjtë që duan të merren me sport./abcnews.al

sllove.jpg
G. P.18:25 | 05/06/2018

Presidenti i Republikës, Ilir Meta, mori pjesë në inagurimin e një shkolle të mesme në Sllovë të Dibrës. Institucioni arsimor është rikonstruktuar me fondet e një biznesmeni të zonës pasi shkolla do të marrë emrin e babait të tij, Ajet Ndreu. 

Inagurohet rikonstruksoni i shkollës së mesme në njësinë administrative Sllovë në Dibër. Iniciativa ishte  e Shpendi Ndreut, një biznesmen i zonës, i cili investoi për godinën.

Kjo nuk ishte e rastësishme pasi Këshilli Bashkiak kishte vendosur që shkolla të merrte emrin e babait të tij ish-mesuesit Ajet Ndreut.

Në ceremoni mori pjesë Presidenti i Republikës, Ilir Meta. Kreu i shtetit shprehu vlerësim për zonën si krahinë arsimdashëse. Më pas të pranishmit ndoqën një program artistik të organizuar nga nxënësit e shkollës./abcnews.al

Veliaj-ne-laboratorin-e-informatikes-ne-Shkollen-Vasil-Shanto-4-1280x854.jpg
G. P.15:02 | 18/05/2018

Shkolla nëntë-vjeçare në Tiranë tashmë ka një laborator modern për të zhvilluar lëndën e matematikës. Ai u inaugurua nga kryebashkiaku Erion Veliaj dhe ambasadorja e Greqisë në vendin tonë. Kryetari i bashkisë synon ta shtrijë projektin në të gjitha shkollat.

Të gjitha shkollat e Tiranës do të pajisen me laboratorë modernë për zhvillimin e lëndës së teknologjisë së informacionit. Këtë lajm për nxënësit e kryqyetetit e dha kryebashkiaku Erion Veliaj, i cili bashkë me ambasadoren e Greqisë në vendin tonë, Eleni Sourani, ishin në shkollën nëntë-vjeçare “Vasil Shanto” ku përuruan laboratorin e ri të informatikës.

 “Jam shumë i lumtur që sot po hapim një laborator informatike, që vjen si një investim konkret me 14 kompjutera për klasën e informatikës në shkollën ‘Vasil Shanto’. Unë e di që Tirana ka 226 shkolla, por duke folur për të 226 nuk zgjidhim gjë, ama duke folur për secilën prej tyre e duke bërë çdo ditë nga një punë me miq që dhurojnë diçka konkrete, atëherë mund transformojmë çdo shkollë. Duam që ta vijojmë këtë edhe me donatorë të tjerë, në të gjitha shkollat e Tiranës, për t’i pajisur ato me laboratorë modernë”.

Një kontribut të rëndësishëm në përgatitjen e të rinjve për teknologjinë e informacionit do të japë edhe transformimi i Piramidës, e cila shumë shpejt do të kthehet në qendrën më të madhe rinore multifunksionale në rajon, duke shërbyer si një hapësirë për shkëmbim idesh e nismash, por edhe një inkubator për bizneset e reja në fushën e ICT dhe komunikimit.

 “Fëmijët do të mësojnë si të kodojnë, si të bëjnë softëare, si të zhvillojnë programe kompjuterike, çka besoj se duke pasur një ‘fidanishte’ e cila fillon në teknologji të informacionit në shkollë dhe duke finalizuar pastaj me një qendër të madhe siç do të jetë Piramida, kemi siguruar një infrastrukturë për gjeneratën e ardhshme të të rinjve në Tiranë”, deklaroi Veliaj.

Ambasadorja e Greqisë në Tiranë, Eleni Sourani vlerësoi bashkëpunimin me Bashkinë e Tiranës dhe jetëzimin e këtij projekti në fushën e teknologjisë informative, që do të përgatisë të rinjtë për të ardhmen./abcnews.al

LULJA-BULIZMI-1280x720.jpg
ent ela13:30 | 09/05/2018

 “Ngacmo një lule” është eksperimenti më i ri i zhvilluar me disa nxënës shkolle në Dubai. Qëllimi i eksperimentit një mujor ështe përçimi i mesazhit kundër dhunës verbale dhe fizike në shkolla, i njohur si fenomeni i bulizmit.

Dy lule identike në një shkollë. Fëmijët duhet të kujdeseshin për njërën nga lulet dhe të trajtonin keq tjetrën. Pas 30 ditësh rezultatet ishin të dukshme. Lulja e parë kishte çelur, ndërsa tjetra i kishte gjethet e thara. Eksperimenti “ngacmo një lule” u ideua nga Ikea në Dubai për t’i dhënë mesazh fëmijëve për dhunën verbale dhe fizike.

Ndryshimi qëndron tek fjalët. Të dyja lulet morën të njëjtën sasi uji dhe drite. I vetmi ndryshim ishte sjellja e nxënësve të shkollës ndaj tyre. Nëse nga njëra anë kishte përkëdhelje, komplimente dhe fjalë inkurajuese, nga ana tjetër kishte vetëm ofendime dhe fyerje. Nxënësit u filmuan për të regjistruar ato fjalë që I thoshin bimëve, në mënyrë që zërat e tyre të dëgjoheshin 24 orë në ditë.

Pas 30 ditësh ata u thirrën për të parë me sytë e tyre pasojën e sjelljeve që kishin pasur me lulet. Ajo që kishte marrë vetëm komplimente ishte rritur, ndërsa tjetra i kishte gjethet e thara. Mesazhi ishte i qartë, në thelb kjo është ajo që i ndodh atyre që janë viktima të bulizmit, qoftë ai verbal apo fizik. /abcnews.al

shba-te-shtena.jpg
ent ela16:18 | 20/03/2018

Incidenti i radhës i armatosur në shkollat amerikane ka lënë të plagosur dy të rinj, njëri prej të cilëve rëndë. Duke reaguar ndaj ngjarjes, autoritetet kanë deklaruar se lutjet e liderëve për viktimat dhe familjet e tyre nuk mjaftojnë më.

 

Policia amerikane ka qëlluar për vdekje një adoleshent që më herët plagosi dy moshatarë në një shkollë në shtetin e Merilendit. Si pasojë e të shtënave një vajzë 16-vjeçare, e cila është në gjendje të rëndë dhe një djalë 14 vjeç, po marrin mjekim në spital. Sulmi ndodhi mëngjesin e së martës në shkollën e mesme Grejt Mills, 104 kilometra në jug-perëndim të Uashingtonit. Ai vjen një muaj nga masakra në shkollën në Parklend të Floridës, ku mbetën të vrarë 17 persona, studentë e mësues. Mësohet se një roje e armatosur e shkëmbeu zjarr me agresorin, por nuk dihet ende nëse ai ka vdekur si pasojë e plagëve të marra apo është vetëvrarë. Në shkollën Grejt Mills, pranë Gjirit Çesapik, studiojnë rreth 1.600 të rinj. Ngjarja po hetohet edhe nga agjentë të FBI-së dhe agjencisë tjetër federale, ATF. E teksa dy të plagosurit ndodhen në spital, guvernatori i Merilendit, Lerri Hogan dekalroi se “lutjet nuk mjaftojnë”./abcnews.al

2B24E40B-C9EE-4C29-9D85-D00AE9D597B4_cx0_cy10_cw0_w1023_r1_s.jpg
ent ela11:21 | 08/03/2018

Sërish të shtëna në një shkollë në Shtetet e Bashkuara të Amerikës, në një ngjarje që policia e konsideron si aksidentale. Dhe sërish viktima, një vajzë 17 vjeçare mbeti e vrarë ndërsa një student tjetër është në gjendje kritike për jetën. Por burime nga policia bëjnë të ditur se ka dhe një të plagosur të dytë.

Ngjarja ndodhi në shkollën e mesme të Haffmen, dhe shefi i policisë tha për mediat se nuk bëhej fjalë për një situatë në të cilën dikush ka ardhur dhe ka filluar të qëllojë. Policia nuk ka dhënë detaje të tjera, por theksoi se nuk ka pasur asnjë zënkë apo kërcënim. Mediat vendase raportojnë se hetuesit po analizojnë pamjet e kamerave të sigurisë për të zbardhur atë që ka ndodhur.

Është qëlluar të paktën dy herë, sipas dëshmitarëve okularë, në momentin që shkolla po mbyllej. Sipas mediave në vend, një student po i tregonte shokëve armën e tij, dhe ka qenë ai momenti kur është qëlluar dhe plumbi ka goditur viktimën. Adoleshenti më pas është plagosur teksa po përpiqej të hiqte pistoletën, por policia ende nuk ka konfirmuar këtë version të ngjarjes.

Që nga masakra e Shën Valentinit në shkollën e Parklend, që preku shumë opinionin publik, kanë qenë të shumtë ata që kanë reaguar duke organizuar madje dhe një marshim kundër armëve që do të mbahet në 24 mars./abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono