shkolla

avioni-los-anxhelos.jpg
nev ila12:32 | 15/01/2020

Të paktën 60 persona mes të cilëve 20 fëmijë, kanë mbetur të plagosur pasi një avion me probleme mekanike, është detyruar të shkarkojë një pjesë të karburantit, mbi një zonë në periferi të Los Anxheles.

Të gjithë të plagosurit nuk janë në gjendje të rëndë. Ata janë duke u mjekuar kryesisht për irritime të forta të syve.

Pjesa më e madhe e fëmijëve mbetën të plagosur kur një pjesë e karburantit përfundoi në zonën e lojës së shkollës fillore.

Fluturimi i avionit kishte nisur nga aeroporti ndërkombëtar i metropolit kalifornian dhe drejtohej për në Shangai.

Por për shkak të problemeve të hasura në fluturim është detyruar të rikthehet në aeroport./abcnews.al

 

shkolla-9-vjecare-ne-lac.jpeg
nev ila11:12 | 13/01/2020

Mëngjesin e sotëm një shkollë 9 vjeçare në Laç është rrezikuar nga flakët.

Mësohet se është djegur një kabull elektrik në shkollën 9 vjeçare nr. 3 në Laç, në momentim që nxënësit sapo janë futur në shkollë. Ata janë nxjerrë përsëri jashtë shkolle.

Menjëherë forcat zjarrëfikëse që kanë ardhur menjëherë në shkollën 9 vjeçare dhe kanë ndërhyrë duke eleminuar përhapjen e flakëve.

Sipas të dhënave mësohet se djegia e kabullit elektrik ka ardhur si pasojë e një defekti në sistemin elektrik./abcnews.al

shkolla-tirane.png
R D15:46 | 10/01/2020

Edhe pse jemi në vitin 2020 problematika me ngrohjen vijon të jetë ende prezente në disa prej shkollave të vendit. Abc News bëri një vëzhgim në disa prej shkollave 9-vjeçare të kryeqytetit dhe rezultoi se disa prej tyre kishin sistem ngrohje dhe disa të tjera jo, siç është shkolla “Bajram Curri”.

Ditët me temperatura të ulëta të janarit, krijojnë probleme edhe në mbarëvajtjen e procesit mësimor, sidomos në shkollat 9-vjeçare.

ABC News bëri vëzhgim në disa prej shkollave të kryeqytetit dhe në disa prej tyre rezultoi se sistemi ngrohës funksionon, siç shprehen vetë nxënësit e shkollës “Osman Myderizi”

Ne vëzhguam nga afër edhe shkollën “1 Maji” dhe “Mihal Grameno” e rezultoi se sistemi ngrohës i tyre ishte funksional gjatë gjithë procesit mësimor.

Ndryshe paraqitet situata në shkollën 9-vjeçare “Bajram Curri” po në kryeqytet, ku vetë nxënësit shprehen për mikrofonin tonë se nuk ka ngrohje në shkollë dhe detyrohen të vishen trashë për të përballuar të ftohtin. /abcnews.al

femijet.jpg
ger ta15:25 | 09/01/2020

Kjo palestër është kthyer në klasë po vetëm e tillë nuk duket. Fëmijët e parashkollorit dhe nxënësit e klasave të para pas vendimit për shembjen e shkollës së Borizanës janë zhvendosur në këtë palestër. Për shkak të moshës së mitur ata nuk janë transferuar si më të rriturit në shkollën e Thumanës po e këtu po përballen me kushte të këqija dhe me të ftohtin.

Mësuesja pohon se kanë një rezistencë por hapësira është shumë e madhe.

Kamera e ABC News nuk u lejua të qëndronte gjatë në këto ambiente. Edhe nxënësit e tjerë nga Borizana kanë problem pasi autobusat që i transportojnë në shkollën e Thumanës herë pas herë vonohen dhe janë të pakët në numër. Burime të ABC News tregojnë se në ditët në vijim kompania e transportit mund të pezullojë fare lëvizjen pasi nuk po paguhet siç ju ishte premtuar nga bashkia.

Ndaj nxënësit e rritur janë çoroditur dhe disave ju është thënë të kthehen në shtëpi se nuk do bëjnë mësim.

Shkolla në Borizanë kishte pak kohë që ishte rikonstruktua por më shumë të ngjarë prej punimeve të dobëta ajo u dëmtua nga tërmeti dhe u vendos të shembet totalisht./abcnews.al

veliaj-1.jpg
ger ta16:13 | 08/01/2020

Dy shkolla te reja, nje nente vjecare e integruar me kopesht dhe nje gjimnaz kane nisur te ndertohen ne zonen e “Don Boskos” ne Tirane. Kryebashkiaku Erion Veliaj inpektoi punimet qe po kryhen.

 “Jam shumë entuziast që kemi filluar dy fronte të jashtëzakonshme pune: një front është ai për shkollën e mesme ‘Kristo Frashëri’ dhe fronti tjetër ai për shkollën 9-vjeçare ‘Vaçe Zela’. Janë dy fronte pune që do të prodhojnë dy shkolla me oborr të përbashkët dhe mjedise ndoshta më cilësoret për arsimim në qytetin e Tiranës. I ka hije Tiranës që për 100 vjetorin e saj si Kryeqytet të ketë këto dy godina, të cilat po ndërtohen në një zonë që deri dje konsiderohej fundi i botës, kurse sot është shumë afër me qendrën e Tiranës

Shkollat parashikohet te jene gati vitin e ardhshem dhe ne to pritet te marrin mesime rreth 1500 nxenes.

“Më vjen mirë për 1500 fëmijë që do të frekuentojnë këto mjedise mësimore sepse do të ndjekin kopshtin aty që në moshën 5 vjeçare, deri sa të mbarojnë gjimnazin, e do të arsimohen në një nga ambientet më cilësore e të sigurta të Tiranës. Ne po përgatisim pjesën e infrastrukturës, ndërkohë që bashkë me Ministrinë e Arsimit do të bëjmë përgatitjet për stafin mësimor, që semestrin e dytë të vitit tjetër apo ndoshta për një pjesë edhe më herët, të kemi mundësi të bëjmë një transferim nga shkollat që janë të mbingarkuara” 

Nderkohe Bashkia e Tiranës ben te ditur Veliaj do ti ofroje mundësi familjeve të reja të marrin shtëpi në zona me akses nëpër shkolla, kopshte apo çerdhe. Muajin e ardhshem bashkë me Entin Kombëtar të Banesave do të hapë thirrjen për 1000 kredi të buta./abcnews.al

gaze.jpg
in a14:42 | 07/01/2020

Nxënësit e Borizanës nga frika se mos humbin vitin po ndjekin mësimin pasdite në shkollën e Thumanës.

Shkolla e Borizanës u shemb pas tërmetit pasi u vlerësua si e rrezikshme për nxënësit edhe pse në verë të 2019-tës ajo u restaurua. Vetë nxënësit sqarojnë se shkolla e tyre kishte kushte më të mira se kjo në Thumanë ku janë transferuar dhe se nuk kanë as ngrohje.

“Kushtet e shkollës janë më të pakta, është shumë ftohtë”, shprehen fëmijët.

Gjithësesi ata pohojnë se jo të gjithë ndjekin mësimin pasi nuk kanë mundësi të udhëtojnë me autobusat e vëna në dispozicion. Faktin që ka mungesa dhe vështirësi e pohon edhe një mësuese.

“Janë rreth 400 nxënës dhe nuk mund të ulen të gjithë”, thonë nxënësit.

Ndërsa njëra prej mësueseve është shprehur se ka mungesa të nxënësve.

Këta nxënës ngrenë e shqetësimin për mangësi në marrjen e njohurive në Shkollën e Mesme të Thumaës. Pasi dhe ajo 9 vjeçare u shemb edhe pse ishte duke përfunduar restaurimi.

“Orët nuk janë të plota, mësimin nuk e zhvillojmë dot të plotë”, thonë fëmijët.

Mësohet se vetëm fëmijët e parashkollorit dhe ata të ciklit të ulët po zhvillojnë mësim në Borizanë në një palestër të improvizuar si klasë./abcnews.al

mmo.jpg
in a17:29 | 30/12/2019

Tërmeti i 26 nëntorit sipas demokratëve nxorri në pah abuzimin me taksën e arsimit dhe projektin e Bashkisë së Tiranës “Adopto një shkollë”. Ish-deputetët e Partisë Demokratike, Jorida Tabaku dhe Klevis Balliu ishin në shkollën “Musine Kokalari” në Kombinat e cila pas lëkundjeve të një muaji më parë është shpallur si jofunksionale. Ish-deputetja Tabaku denoncoi abuzimin që Bashkia ka bërë me fondet që i vjel çdo vit qytetarëve të Tiranës.

22 milion euro janë mbledhur nga viti 2016 deri më sot për taksën e infrastukturës në arsim, të cilat duhet të ishin investuar në shkolla, kopshte dhe çerdhe”, deklaroi Tabaku.

Të njëjtat abuzime demokratët i denoncuan edhe në Shkollën “Lasgush Poradeci”. Për Klevis Balliun bojërat dhe fasadat pas 26 nëntorit nuk i fshehin dot vjedhjet e oligarkëve të preferuar të Bashkisë.

Gjithashtu Partia Demokratike ka denoncuar të gjithë abuzimet e bëra me institucionet arsimore në qytetet e prekura nga tërmeti. Disa shkolla të cilat u rikonstruktuan pak muaj më parë, pas tërmetit janë shembur ose janë nxjerrë jashtë funksionit./abcnews.al

 

shkollaa.jpg
R D16:40 | 28/12/2019

Partia Demokratike i kërkoi Prokurorisë të hetojë abuzimin me fondet për dy shkolla në Thumanë, të cilat u rrëzuan pas tërmetit të 26 nëntorit. Ish-deputetja Albana Vokshi dhe Sekretari ligjor, Çlirim Gjata, thonë se të dyja godinat e shkollave ishin rikonstruktuar 1 muaj më parë me fonde që prekin shifrën e 1 milionë eurove.

Një muaj pas tërmetit të 26 nëntorit që i mori jetën 51 personave, Partia Demokratike ka sjellë fakte të reja të pasojave katastrofike që lëkundjet do të kishin sjellë nëse do të kishin ardhur dia orë më vonë. Ky është Dashamir Hidraliu, në pallatet e rrëzuara në Thumanë ai nxorri nga rrënojat motrën dhe nipin e tij dhe sot është vendosur krahë ish-deputetes Albana Vokshi dhe Sekretarit Ligjor të demokratëve, Çlirim Gjata për të rrëfyer atë që ndodhi me shkollën “Ramazan Jangozi” në Thumanë.

“Shkolla ka qenë dy katëshe dhe rikonstruksioni para 1 muaji e gjyshëm ka mbaruar. Sa janë fondet e dinë ata… U shemb pjesërisht nga termeti dhe 1 ditë më pas më 27 Nentor, nga dreka s’ka pas asnjë tullë. E kanë pastruar dhe mbuluar me çakull”, shprehet Dashamir Hidraliu, banor i Thumanës.

 

Për Vokshin, tërmeti i 26 nëntorit në Thumanë nxorri në pah abuzimin me fondet publike, ndërkohë që i kërkoi prokurorisë të hetojë për një ngjarje që mund të rriste përmasat e tragjedisë. “Ky është akt i pastër kriminal… kjo shkollë nuk ekziston edhe gjithë dokumentacioni i tendetrit është zhdukur nga sistemi”, deklaroi Vokshi.

I njëjti fat me të njëjtat përmasa abuzimi është edhe ai i shkollës së mesme të bashkuar në Fshatin Borizanë, e cila sipas ekspertëve duhet të shmebet. “Shkolla e Borizanës ka të njëjtën specifike si ajo e Thumanës. U rikonstruktua me 615 milionë lekë dhe tani është jashtë funksionit”, tha Gjata.

Demokratët kërkojnë që për prishjen e provave por edhe për çdo abuzim me punimet të hetohen përgjegjësit.

Përmes një vendimi të kreut të demokratëve Basha, ish-deputetë dhe kryetarë të degëve lokale të Partisë Demokratike janë në terren për të konstatuar dëmet dhe mënyrën se si po menaxhohet situate pas tërmetit nga qeveria. /abcnews.al

iran-shkolla-ndotje-768x453-763x450.jpg
in a07:07 | 24/12/2019

Autoritetet iraniane kanë njoftuar se shkollat e provincës së Teheranit do të mbyllen deri të premten për shkak të normave të larta të ndotjes atmosferike. Autoritetet njoftojnë se një re e dendur mbuloi kryeqytetin iranian, për të tretën ditë radhazi duke “zhdukur” plotësisht malet e Alborzit.

“Të gjitha shkollat e provincës së Teheranit, duke nisur nga rajonet e Firuzkuh dhe Damavand do të mbyllen gjithë javën për shkak të rritjes së ndotjes atmosferike”, theksoi për shtypin guvernatori i Teheranit, Anoushiravan Mohseni-Bandpey./abcnews.al

191024_wtvg_hijab_hpMain_16x9_992.jpg
R D08:00 | 22/12/2019

Noor Alexandria Abukaram, vrapuesja 16 vjeçare që jeton në Ohajo të Shteteve të Bashkuara, është përjashtuar nga një garë për shkak të shamisë myslimane.

E rritur në periferi të qytetit Tohedo në Ohajo, vrapuesja 16 vjeçare Noor Alexandria Abukaram bën një jetë normale si çdo adoleshente amerikane. Por më 19 tetor, pasi mbaroi një garë vrapi, ajo vërejti diçka të pazakontë.

“Bëra më të mirën time dhe mbarova garën. Shkova të shoh rezultatin por emri im nuk ishte. Shkova të pyes vajzat e ekipit. U thashë se emri im nuk ndodhet në listë dhe ato më thanë se isha përjashtuar. I pyeta përse? Më thanë se shamia është shkaktari. Në atë moment mu thye zemra. Ndihesha e turpëruar. U largova e dëshpëruar”, tha ajo.

Edhe nënës së atletes, përjashtimi iu duk i pakuptimtë.

“Na theu zemrën. Ishte moment i rëndë të shohësh qetësinë e saj, mënyrën se si ajo e tejkaloi këtë. Ajo e do ekipin prandaj e pranoi”, tha
Yolanda Melendez, nëna e sportistes.

Shoqata e e Atletikës për shkollat e mesme në Ohajo, thotë se nxënësit mund të vrapojnë me shami, por atyre u duhet një miratim paraprak.
Abukaram vrapoi për muaj të tërë pa leje me shami në kokë, por këtë herë zyrtarët vendosën të zbatojnë rregullin.
Ekipi i saj ngeli i habitur.

“Mendoj se rregullat duhet të ndryshohen sepse nuk është e drejtë dhe mendoj se kjo nuk duhet përsëritur”, tha Sydney Gfeoo.
Shkolla ka miratuar lejen që Abukaram të vrapojë tashmë me shami, por përjashtimi ia dëmtoi karrierën.


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono