shkembim

eriksen.jpg
G. P.23:35 | 22/06/2019

Tottenham po planifikon një shkëmbim mes Eriksen dhe Asensio. Real Madrid vështirë se mund të pranoje pasi spanjolli ofron garanci për të ardhmen.

Merkatoja pritet të jetë e nxehte nëaksin Madrid-Londër. Mediat angleze raportojnë se skuadra e Tottenham është gati për të lenë të lirë mesfushorin Kristian Eriksen drejt Real Madrid, por vetëm me një kusht.

Të përfshihet në shkëmbim Marko Asensio. 22-vjeçari spanjoll kaloi një sezon për t’u harruar pasi e humbi vendin e titullarit madje zbuloi se do të largohej në rast se nuk i garantohej vendi i titullarit.

I gatshëm për të ndërruar ambient është shprehur edhe mesfushori Eriksen i Tottenham. 27-vjeçari luan prej 6 sezonesh me skuadrën angleze dhe largimi është mëse i mundshëm.

Tottenham kërkon të përfitojë duke përforcuar skuadrën me një element që garanton siguri për 10 vitet e ardhshëm. Asensio është një ndër lojtarët më premtues, por as nën urdhrat e Zidane nuk mund të jetë një lojtar titullar pasi madrilenët janë një ekip i mbushur me yje.

Zgjedhja më e mirë do të ishte nisja e një aventure tek një skuadër tjetër dhe Tottenham ia mundëson këtë gjë. Real Madrid ka nënshkruar me pesë futbolliste dhe priten ende disa përforcime ndërkohë që largimet pritet të jenë të shumta. Gjithsesi gjigandi spanjoll nuk kërkon të heqë dorë lehtë nga Asensio dhe mundësia më reale është huazimi./ABC News Albania 24/7

pendarovski-1.jpg
G. P.22:19 | 31/05/2019

Presidenti maqedonas Stavo Pendarovski është shprehur kundër opsionit të shkëmbimit të territoreve, i përfolur në negociatat mes Serbisë dhe Kosovës. Për kreun e shtetit të Maqedonisë së Veriut, një lëvizje e tillë do të ishte e papërgjegjshme dhe me pasoja për rajonin.

Presidenti i Maqedonisë së Veriut Stevo Pendarovski deklaroi se nuk pret që tensionet e fundit në Kosovë do të kenë ndikim në gjendjen e sigurisë në vend. Ai I ka quajtur të papërgjegjshme deklaratat për shkëmbime territoresh në rajon.

Pas përplasjeve të fundit, në distancë, mes krerëve të Serbisë dhe Kosovës, lidhur me arritjen e një marrëveshjeje të qëndrueshme dypalëshe për çështjen e kufirit, përfshirë këtu dhe mundësinë e korrigjimit të tij, shkëmbimin e territoreve, apo edhe bashkimin e Kosovës me Shqipërinë, presidenti i ri i Maqedonisë së Veriut, Stevo Pendarovski, tha se kjo e fundit është një ide anakronike që nuk mund të sjellë asgjë të mirë:

“Është e papërgjegjshme të bisedohet për një ide në esencë të tmerrshme për shkëmbim të njerëzve dhe qytetarëve në shekullin XXI. Për të fundit herë një punë e tillë, me mbështetjen e fuqive të mëdha, ka ndodhur para rreth një shekulli, në vitin 1923. Pyeteni edhe Greqinë, edhe Turqinë – edhe sot e kësaj dite bartin pasojat e këtij shkëmbimi të njerëzve dhe territoreve”, tha presidenti Pendarovski duke nënvizuar se nuk mund të paramendojë të ndodhë diçka më e tmerrshme nëse ngjet që dikush me të vërtetë të mendojë seriozisht të fillojë realizimin e një projekti të këtillë.

I këtij mendimi është edhe profesori Vlado Buçkovski, ish-kryeministër i Maqedonisë. Duke folur për televizionin tonë, në emisionin Klan Debat, zoti Buçkovski tha se marrëveshja më e mirë, pa pasoja për rajonin, do të ishte sikur Prishtina e Beogradi të merren vesh për njohjen e kufirit të tashëm. Ka kaluar koha e shteteve të mëdha, thotë ai.

“Ka kaluar koha e shteteve të mëdha. Tani është koha për Evropën e Madhe, kështu që lehtësimet e tipit ‘një ndalesë’, rrëfimet se do të ketë kufij të hapur ose vetëm një polici kufitare apo një doganë – kjo do të bëhet modë në rajon, sidomos tek shtetet sikurse jemi ne, Serbia, Shqipëria, Kosova, që ende nuk jemi pjesë e Bashkimit Evropian”, thotë për Televizion Klan ish-kryeministri maqedonas Vlado Buçkovski.

Sipas tij, do të ishte mirë që Kosova e Serbia të ndjekin përvojën e Maqedonisë me ‘Marrëveshjen e Ohrit’, për shkak se ajo u tregua si e qëndrueshme në raport me ‘Marrëveshjen e Dejtonit’, për Bosnjën, apo edhe me ‘Marrëveshjen e Kumanovës’ mes Kosovës e Serbisë që sot e kësaj dite janë të debatueshme./ABC News Albania 24/7

BESA-SHAHINI-1.jpg
G. P.14:30 | 28/04/2019

Në Prizren është zhvilluar Ceremonia Përmbyllëse e Programit të Shkëmbimit të Nxënësve mes Shqipërisë dhe Kosovës. Për ministren e Arsimit Besa Shahini nëpërmjet këtij program synohet të eliminohen paragjykimet dhe të thellohet bashkëpunimi mes dy vendeve.

Përfundoi programi “Si N’Shtëpinë Tënde”. 120 nxënës nga Shqipëria e Kosova përgjatë dy javëve ish pjesë e aktiviteteve të ndryshme për shkëmbimin e kulturave mes dy vendeve. Nxënësit që kanë marrë pjesë në program kanë jetuar me një familje pritëse.

Ministrja e Arsimit Besa Shahini theksoi se qëllimi i programit është që ta njohim sa më mirë dhe ta duam sa më shumë njëri-tjetrin.

“Paragjykimet nuk do të ndodhin nëse ne e njohim më mirë njëri-tjetrin dhe thellohemi në mënyrën e jetesës së njëri-tjetrit. Jemi dy vende shqipfolëse, kështu që e kemi të domosdoshëm bashkëpunimin. Qëllimi kryesor i këtij programi ishte që të njohim sa më mirë qytetet dhe shkollat e njëri-tjetrit, dhe në këtë formë të kuptojmë sa më mirë si jetohet në anën tjetër të kufirit dhe se si zbatohet kurrikula e re e cila është e ngjashme në të dy vendet”, tha Shahini.

Ndër të tjera, Ministrja Shahini tha se ky program pilot 2-javor planifikohet të thellohet edhe në të ardhmen dhe se përshtypjet e secilit nxënës, prind, mësues e drejtues janë shumë të rëndësishme për procesin e politikë-bërjes.

​Programet e shkëmbimit të nxënësve u japin të rinjve mundësinë për të studiuar në një vend dhe mjedis të ndryshëm, si dhe të pajtohen me historinë dhe kulturën e një vendi tjetër duke njohur miq të rinj dhe duke pasuruar zhvillimin e tyre personal./abcnews.al

KRONIKE-BUSHATI-ME-SLLOVENIN.mpg_snapshot_01.47-1280x720.jpg
G. P.12:47 | 27/11/2018

Ministri i punëve të jashtme të Republikës së Sllovenisë, Miro Cerar u prit në një vizitë zyrtare nga homologu i tij shqiptar Ditmir Bushati. Në përfundim të takimit, dy ministrat në konferencën e përbashkët për shtyp folën për përforcim të bashkëpunimit ekonomik mes dy vendeve.

Ditmir Bushati: “Së bashku me komunitetin e biznesit në dy vendet tona, të mbajmë një forum biznesiu në Tiranë. Të jetë dhe një sinjal i qartë, një shkëndijë inkurajuese, për të shtuar vëllimet tregtare ndërmjet dy vendeve tona.”

Miro Cerar: “Faktikisht unë kam ardhur këtu me një grup të shquar biznesmenësh sllovenë e përfaqësues të dhomës sonë të tregtisë dhe unë besoj se takimi i njerëzve nga biznesi do të kontribuojë për një bashkëpunim më të mirë ekonomik që për momentin është ende modest.”

Sllovenia, e rreshtuar në kampin “pro zgjerimit” mes antarëve të Bashkimit Europian, theksoi mbështetjen ndaj Shqipërisë si për hapjen e negociatave qershorin e ardhshëm, ashtu edhe për kandidaturën e Shqipërisë në OSBE.

“Siç dihet vendi ynë ka shprehur ambicjen për të marrë drejtimin e OSBE-së në vitin 2020 dhe jemi të gëzuar që Sllovenia e mbështet zyrtarisht kandidaturën e Shqipërisë.”

“Ne në mënyrë konstante dhe aktive mbështesim integrimin në BE të Shqipërisë dhe do të vazhdojmë ta bëjmë diçka të tillë. Presim që negociatat do të nisin qershorin e vitit tjetër. Do ta mbështesim Shqipërinë, kandidaturën e kryesisë së Shqipërisë në OSBE për vitin 2020.”

Shkëmbimi tregtar mes Shqipërisë dhe Sllovenisë kap shifrën 53 milionë euro, modeste kjo sipas dy ministrave Bushati – Cerar sipas të cilëve potenciali për rritjen e këtij shkëmbimi është ende i pashfrytëzuar./abcnews.al

BF650574-1EAD-4DC2-9D81-F58402052C99_cx0_cy2_cw0_w1023_r1_s.jpg
G. P.19:03 | 18/09/2018

Kryeministri i Kosovës ka reaguar pas deklaratave të sotme të presidentit Thaçi për ndryshim kufijsh me Serbinë. Haradinaj theksoi se kreu i shtetit nuk ka mandat as për të biseduar për këtë temë.

Ramush Haradinaj, kryeministër i Kosovës, i është përgjigjur pyetjeve të gazetarëve në një konferencë për shtyp, pikërisht rreth deklaratave të presidentit Thaçi.

Ky i fundit mbrojti idenë e ndryshimit të kufijve dhe tha se të gjithë ata që kërcënojnë me luftë në rast se ndryshohen kufijtë, e dinë shumë mirë se nuk do ketë luftë.

Ramush Haradinaj: “Nuk besoj që më është referuar mua. Unë mendoj që detyra e kryetarit të qeverisë dhe e jona është që të mbrojmë Kushtetutën, integritetin territorial, sovranitetin e vendit dhe po ashtu nuk është e drejtë e jona që të flasim për territorin pa mandat. Qoftë nga parlamenti apo institucione të tjera “.

Kryeministri Haradinaj theksoi se kreu i shtetit ka për detyrë të mbrojë territorin e vendit ashtu siç e parashikon dhe Kushtetuta./abcnews.al

THE-GUARDIAN-SHKEMBIMI-TERRITORIT.mpg_snapshot_00.01-1280x720.jpg
G. P.15:52 | 03/09/2018

Media prestigjoze britanike “The Guardian” ka publikuar një artikull rreth korrigjimit të mundshëm të kufijve midis Kosovës dhe Serbisë, si ide për normalizimin e marrëdhënieve midis këtyre dy vendeve. Gazeta ka theksuar se përkundër faktit se qëndrimet amerikane kanë ndryshuar gjatë administratës së fundit, plani për ri-organizmin e kufijve është duke hasur në kundërshtime si brenda edhe jashtë Ballkanit.

Media prestigjoze britanike “The Guardian” ka publikuar një artikull për propozimin e shkëmbimit të territorit mes Kosovës dhe Serbisë dhe kundërshtimeve që po has kjo ide. “Presidenti kosovar, Hashim Thaçi dhe homologu i tij serb, Aleksandër Vuçiç kanë sugjeruar se një shkëmbim territoresh mund të jetë pjesë e një marrëveshje që do të hapë rrugën për një zgjidhje përfundimtare midis Beogradit dhe Prishtinës. Dy krerët e shtetit janë takuar rregullisht nën patronazhin e shefes për politikë të jashtë të BE-së, Federica Mogherini, për të arritur një marrëveshje që mund t’i japë Kosovës një ulëse në OKB dhe t’i vendos të dyja vendet më afër BE-së”, shkruan gazeta britanike.
Në një diskutimi të mbajtur në Austri gjatë javës së kaluar, të dy kanë pohuar se ndryshimet kufitare ishin pjesë e diskutimit.

“Një ndryshim ndoshta do të përfshinte shkëmbimin e territorit të Serbisë jugore, kryesisht të populluar nga shqiptarët etnikë, për pjesën e Kosovës veriore me një popullsi kryesisht etnike serbe”, thekson “The Guardian”. Media prestigjoze raporton edhe qëndrimin e Usahingtonit për të mos marrë pjesë në këto bisedime, ndërsa përmenden edhe kundërshtimet që po hasin Thaçi dhe Vuçiç brenda dhe jashtë vendit. Kancelarja gjermane, Angela Merkel, e ka kundërshtuar një ide të tillë dhe tre ish-përfaqësues të lartë të Bosnjës i kanë dërguar një letër Federica Mogherinit duke i kërkuar asaj të mos mbështesë ndonjë plan që përfshin shkëmbim territoresh.

Përveç Bosnjes, edhe në Maqedoni ka frikë se rihapja e kësaj teme mund të ndezë dëshira të reja, pasi atje jetojnë një numër i madh shqiptarësh. The Guardian shkruan se sa i përket shkëmbimit të territorit, “një tjetër faktor kyç është edhe Rusia.Vuçiç pritet të takojë dy herë presidentin rus Vladimir Putin në muajt e ardhshëm dhe deri më tash Moska ka dhënë pak shenja se a është gati të heqë kundërshtimin e saj të gjatë për pavarësinë e Kosovës”./abcnews.al

Hashim-Thaci-1280x853.jpg
G. P.16:35 | 28/08/2018

Presidenti Hashim Thaçi edhe një herë ka konfirmuar se mbështet bashkimin e Luginës së Preshevës me Kosovën. Por gjithashtu tregoi se është kundër ndarjes dhe shkëmbimit të territoreve me Serbinë. “Po bashkangjitjes së Preshevës, Bujanocit dhe Medvegjës, si tërësi me Kosovën. Po njohjes reciproke Kosovë – Serbi dhe anëtarësimit të Kosovës në OKB dhe organizata ndërkombëtare. Jo ndarje, jo shkëmbim territoresh”, ka shkruar Thaçi në profilin e tij në Facebook. Sipas tij, raportimet e tjera janë lajme false./abcnews.al

droga-1.jpg
G. P.10:27 | 11/03/2018

Tre shqiptarë përfunduan në pranga nga policia italiane për shpërndarje të lëndëve narkotike. Autoritetet sekuestruan 12 kilogramë kokainë dhe 114 mijë euro.

Policia ishte vënë pas dy makinave me shqiptarë që nga parkingu i një supermarketi në Romano dhe i ndoqën deri në shtëpinë e një shqiptari të katërt, i cili është denoncuar nga autoritetet së bashku me të fejuarën.

Sipas policisë, aty do të bëhej shkëmbimi i drogës. Por, pas ndërhyrjes së policisë u bë e mundur arrestimi i shqiptarëve dhe sekuestrimi i parave si dhe kokainës që ishte ndarë në 10 pako të ndryshme.

Pas disa kontrolleve në shtëpi, policia zbuloi gjithashtu disa materiale të fshehura në garazh, që sipas tyre shërbenin për të mbështjellë drogën.

Megjithatë policia deri më tani nuk i ka treguar emrat e shqiptarëve, por bën të ditur se janë të moshës nga 24 deri në 40 vjeç. Ndërkohë sipas mediave, nëse droga do të shitej në treg do të arrinte vlerën e qindra mijëra eurove./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono