shkelur

mesi-1280x609.jpg
Sej rie15:40 | 08/07/2019

Do të nisë  sot në orën 17.00 komisioni hetimor për Presidentin Ilir Meta. Komisioni  ngrihet pas miratimit të rezolutës së përpiluar nga mazhoranca, ku renditeshin shkeljet që sipas saj, ka kryer Presidenti lidhur me dekretet për zgjedhjet vendore.

Në studion e ABC News deputetja e PS-së Senida Mesi ka folur për parimet të cilat janë shkelur nga Presidenti Ilir Meta.

“Në bazë të rregullores dhe të procedurave të Kuvendit të Republikës së Shqipërisë, Komisioni i Ligjeve ka marrë në shqyrtim kërkesën e bërë dhe të firmosur nga 55 deputetë në lidhje me adresimin e problematikeve dhe inicimin e procedurave në lidhje me shkarkimin e Presidentit të Republikës së Shqipërisë. Komisioni i Ligjeve ka shqyrtuar kërkesën e 55 deputetëve dhe e ka gjetur atë të ligjshëm. Në dëgjesën të këtij Komisioni dhe i pranishëm ka qenë edhe kryetari i grupit parlamentar të PS-së Taulant Balla ku është parashtruar kërkesa në detaje e 55 deputetëve.

Kemi parashtruar një sërë problematikash të cilat janë të listuaka ku përmendim “ushtrimin e parimit të sovranitetit nga ana e popullit”; “cenimi i parimit të një Republike Parlamentare, ku Presidenti i Republikës ka marrë më shumë kompetenca nga sa i takon në një Republikë Parlamentare pasi nuk jemi Republikë Presidenciale”. Parime të tjera , ku është “parimi i periodicitetit, ku zgjedhjet si në nivelin lokal ashtu edhe në nivelin qendror duhet të bëhen me një periodicitet prej 4 vitesh”. Nga ana tjetër nga adresimi i 55 deputetëve ka qenë edhe fakti se nga ana e Presidentit është marrë një vendim në  një formë të njëanshme, pasi nuk janë marrë për bazë kërkesat e partive politike”. /abcnews.al 

2bf61422-056f-437a-bf43-a710086eb9ac-1280x853.jpg
Sej rie14:50 | 13/05/2019

Opozita pritet të mbajë sot pasdite një tjetër protestë kombëtare në Tiranë. Ish deputeti i PD, Enkelejd Alibeaj dënoi sërish dhunën e ushtruar, sipas tij, nga policia mbi protestuesit të shtunën. Alibeaj i kërkon Prokurorisë që të nisë menjëherë hetimet.

DEKLARATA E ENKELEJD ALIBEAJ

Partia Demokratike dënon me ashpërsi dhunën kriminale të policisë kundër protestuesve të shtunën dhe kundër sekretarit organizativ Sahit Dollapi.

Sandër Lleshaj, ky mbeturinë tranzicionit shqiptar do të mbajë përgjegjësi personale për urdhrat e paligjshëm që i ka dhënë policisë për goditjen e qytetarëve me gaz helmues luftarak dhe për përdorimin e dhunës fizike kundër protestuesve paqsorë.

Partia Demokratike disponon të dhëna të mjaftueshme për ta çuar sadistin Sandër Lleshajn para drejtësisë për shkelje flagrante të ligjit të policisë së shtetit!

Prokuroria duhet të nisë hetimet e menjëhershme për të provuar se urdhri për dhunën shtazarake kundër qytetarëve është dhënë nga Sandër Lleshaj me porosi të Edi Ramës. Sandër Lleshaj, Drejtori i Përgjithshëm i Policisë Ardi Veliu, Drejtori i Policisë së Tiranës, Rebani Jaupi dhe krimineli tjetër me uniformë Arben Baro duhet të shkarkohen nga detyra dhe të hetohen menjëherë.

Ka prova filmike se Sandër Lleshaj, i cili në shkelje të ligjit komandon operacionet e policisë kundër opozitës, është duke u larguar si hajdut nga dera dytësore e Drejtorisë së Përgjithshme të Policisë së Shtetit, pasi njoftohet të shtunën në mbrëmje për zhvendosjen e protestës së opozitës.

Bashkimi ynë në marshimin e protestës sot ne oren 18:30, për zgjedhje të lira e të ndershme të garantuara nga një qeveri e përkohshme pa kryehajdutin Edi Rama, është beteja e vërtetë europiane, që e nxjerr Shqipërinë nga udhëkryqi i rrezikshëm dhe siguron stabilitet afatgjatë për vendin.

Ne jemi sot ne krah të popullit për t’i thënë Edi Ramës dhe kujtdo tjetër që ka vendosur të ndjekë rrugën e dhunës dhe të destabilitetit, se shqiptarët e bashkuar dhe opozita nuk gjunjëzohen përpara dhunës shtazarake të një qeverie që ka ardhur në pushtet me votat e blera me krimin e organizuar.


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono